ନୂଆଦିଲ୍ଲୀ: ଦୀର୍ଘ ୧୬ ବର୍ଷ ଧରି ସରକାରୀ ସେବାରେ କାଯ୍ୟ କରିବା ପରେ ଏବେ ସମୟ ପୂର୍ବରୁ ଇସ୍ତଫା ଦେଇଛନ୍ତି ଚର୍ଚ୍ଚିତ ଆଇଆରଏସ ଅଧିକାରୀ କପିଲ ରାଜ୍ । ୨୦୦୯ ବ୍ୟାଚର ଆଇଆରଏସ ଅଧିକାରୀ କପିଲ ଏବେ ନିଜ ବ୍ୟକ୍ତିଗତ କାରଣରୁ ଇସ୍ତଫା ଦେଇଥିବା ଦର୍ଶାଇଛନ୍ତି । ଏ ହେଉଛନ୍ତି ସେଇ ଅଫିସର ଯିଏ ନିଜ ଚାକିରୀ କାଳ ଭିତରେ ୨ ଜଣ ମୁଖ୍ୟମନ୍ତ୍ରୀଙ୍କୁ ଗିରଫ କରି ଚର୍ଚ୍ଚାରେ ରହିଛନ୍ତି । ଇସ୍ତଫା ଦେବା ପୂର୍ବରୁ, ସେ ଦିଲ୍ଲୀର GST ଇଣ୍ଟେଲିଜେନ୍ସ ୱିଙ୍ଗରେ ଅତିରିକ୍ତ କମିଶନର ଭାବରେ ନିଯୁକ୍ତି ପାଇଥିଲେ।

ଅର୍ଥ ମନ୍ତ୍ରଣାଳୟ ଦ୍ୱାରା ଜାରି ଏକ ଆଦେଶରେ କୁହାଯାଇଛି ଯେ, ଭାରତର ରାଷ୍ଟ୍ରପତି ଜୁଲାଇ ୧୭ରୁ ଭାରତୀୟ ରାଜସ୍ବ ସେବାରୁ ତାଙ୍କ ଇସ୍ତଫା ଗ୍ରହଣ କରିବେ। ରିପୋର୍ଟରେ ଆହୁରି କୁହାଯାଇଛି ଯେ ପୂର୍ବତନ ଆଇଆରଏସ ଅଧିକାରୀ ଚାକିରିରୁ ଇସ୍ତଫା ଦେବା ପାଇଁ ‘ବ୍ୟକ୍ତିଗତ କାରଣ’ ଦର୍ଶାଇଛନ୍ତି। ଅବସର ବୟସ ୬୦ ବର୍ଷ ଏବଂ ତାଙ୍କର ଚାକିରିରେ ପ୍ରାୟ ୧୫ ବର୍ଷ ବାକି ଥିଲା। କିନ୍ତୁ, ୧୫ ବର୍ଷ ବାକି ରହିବା ପରେ ମଧ୍ୟ, ସେ ବ୍ୟକ୍ତିଗତ କାରଣ ଦର୍ଶାଇ ପଦବୀରୁ ଇସ୍ତଫା ଦେଇଛନ୍ତି।

ପୂର୍ବରୁ ମନି ଲଣ୍ଡରିଂ ମାମଲାରେ ତତ୍କାଳୀନ ମୁଖ୍ୟମନ୍ତ୍ରୀ ଅରବିନ୍ଦ୍ର କେଜ୍ରିୱାଲ, ଏବଂ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଗିରଫ କରିଥିଲେ କପିଲ ରାଜ୍। ମୁମ୍ବାଇରେ ପୋଷ୍ଟିଂ ସମୟରେ ମୁମ୍ବାଇରେ ପୋଷ୍ଟିଂ ସମୟରେ, କପିଲ ରାଜ ହୀରା ବ୍ୟବସାୟୀ ନୀରବ ମୋଦି ଏବଂ ମେହୁଲ ଚୋକସିଙ୍କ ବିରୋଧରେ ମନି ଲଣ୍ଡରିଂ ମାମଲାଗୁଡ଼ିକର ତଦନ୍ତ ମଧ୍ୟ କରିଥିଲେ। 

କପିଲ ରାଜ ପ୍ରାୟ ୮ ବର୍ଷ ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ରେ କାର୍ଯ୍ୟ କରିଥିଲେ। ସମ୍ପ୍ରତି। ଇସ୍ତଫା ଦେବା ପୂର୍ବରୁ, ସେ ଦିଲ୍ଲୀର GST ଇଣ୍ଟେଲିଜେନ୍ସ ୱିଙ୍ଗରେ ଅତିରିକ୍ତ କମିଶନର ଭାବରେ ନିଯୁକ୍ତି ପାଇଥିଲେ। କପିଲ ରାଜ ଉତ୍ତର ପ୍ରଦେଶର ସହାରନପୁରରୁ ଆସିଛନ୍ତି। ସେ ବି.ଟେକ (ଇଲେକ୍ଟ୍ରୋନିକ୍ସ) କରିଛନ୍ତି।