ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପାଇଁ ଭୋଟ ଗଣତି ଚାଲିଛି। ପ୍ରାରମ୍ଭିକ ଟ୍ରେଣ୍ଡରେ ଏନ୍ଡିଏ ୧୯୦ରୁ ଊର୍ଦ୍ଧ୍ବ ଆସନରେ ଆଗୁଆ ଥିବା ଦେଖାଯାଉଛି। ପ୍ରାୟ ୧୧ଟା ୪୫ରେ ପ୍ରକାଶିତ ଟ୍ରେଣ୍ଡରେ ଏନ୍ଡିଏ ୧୯୭ ଆସନରେ ଆଗୁଆ ଥିବା ଦେଖାଯାଉଛି। ମହାଗଠବନ୍ଧନ ୪୩ ଆସନରେ ଆଗୁଆ ଅଛି। ଯଦି ଏହି ପ୍ରାରମ୍ଭିକ ଟ୍ରେଣ୍ଡ ଫଳାଫଳରେ ପରିଣତ ହୁଏ, ତେବେ ବିଜେପି ନେତୃତ୍ୱାଧୀନ ଏନ୍ଡିଏ ମେଣ୍ଟ ଏକ ବଡ଼ ବିଜୟ ହାସଲ କରିବ। ଏନ୍ଡିଏର ପ୍ରଭାବଶାଳୀ ପ୍ରଦର୍ଶନ ଗୃହମନ୍ତ୍ରୀ ଅମିତ ଶାହଙ୍କ ଆତ୍ମବିଶ୍ୱାସୀ ମନ୍ତବ୍ୟକୁ ପ୍ରମାଣିତ କରୁଥିବା ପରି ମନେ ହେଉଛି ଯେ ଏନ୍ଡିଏ ବିହାରରେ ଦୃଢ଼ ପ୍ରଦର୍ଶନ କରିବାକୁ ପ୍ରସ୍ତୁତ।
ବିହାରରେ ନିର୍ବାଚନ ପ୍ରଚାର ସମୟରେ ଗୃହମନ୍ତ୍ରୀ ଅମିତ ଶାହ ଏକ ନ୍ୟୁଜ୍ ଚ୍ୟାନେଲକୁ ସାକ୍ଷାତକାର ଦେଇଥିଲେ। ଏକ ପ୍ରଶ୍ନର ଉତ୍ତରରେ ସେ କହିଥିଲେ ଯେ ଏନ୍ଡିଏ ୧୬୦ ଆସନ ଜିତିବ ଏବଂ ଦୁଇ-ତୃତୀୟାଂଶ ବହୁମତ ସହିତ ସରକାର ଗଠନ କରିବ। ପ୍ରାରମ୍ଭିକ ଟ୍ରେଣ୍ଡ ସ୍ପଷ୍ଟ ଭାବରେ ସୂଚାଇ ଦେଉଛି ଯେ ଅମିତ ଶାହଙ୍କ ଭବିଷ୍ୟବାଣୀ ସତ୍ୟ ହୋଇଛି। ଗତ ସପ୍ତାହରେ ଅମିତ ଶାହ ଏନଡିଏ ଭିତରେ କୌଣସି ଫାଟ ଥିବା ଦାବିକୁ ମଧ୍ୟ ଖାରଜ କରିଥିଲେ। ଏନଡିଏରେ ଜେଡିୟୁ, ଲୋକ ଜନଶକ୍ତି ପାର୍ଟି ଏବଂ ଅନ୍ୟାନ୍ୟ ଦଳ ଅଛନ୍ତି।
ଶାହ କହିଛନ୍ତି, ଯେଉଁଭଳି ଭାବରେ ଲୋକମାନେ ଆମ ପାଇଁ ଆଗକୁ ଆସୁଛନ୍ତି, ମୁଁ ବିଶ୍ୱାସ କରୁଛି ଯେ ବିହାରର ଲୋକମାନେ ଏନଡିଏ ଏବଂ ବିଜେପି ସହିତ ଅଛନ୍ତି। ସମସ୍ତ ଏନଡିଏ ଦଳ ଏକଜୁଟ, ଏବଂ ସେମାନଙ୍କ ମଧ୍ୟରେ କୌଣସି ବିବାଦ ନାହିଁ।"
ଅଧିକ ପଢ଼ନ୍ତୁ: ତେଜସ୍ୱୀ ଯାଦବଙ୍କ ପାଇଁ ଏହା ଏକ ବଡ଼ ଲୁକ୍କାୟିତ ରାଜନୈତିକ ବାର୍ତ୍ତା!