ନୂଆଦିଲ୍ଲୀ: ଗାଜା ପରେ ଇସ୍ରାଏଲ ଏବେ ଦକ୍ଷିଣ ସିରିଆର ଗ୍ରାମକୁ ଟାର୍ଗେଟ୍ କରିଛି । ଗାଁଁରେ ରାତିର ଅନ୍ଧକାରରେ ସର୍ଚ୍ଚ ଅପରେସନ ସମୟରେ ଗୁଳିମାଡରେ ଅତି କମରେ ୧୩ ଜଣଙ୍କ ମୃତ୍ୟୁ ଘଟିଛି । ସିରିଆର ନ୍ୟୁଜ ଏଜେନ୍ସି ସାନା ପକ୍ଷରୁ ଶନିବାର ଏହାର ସୂଚନା ଦିଆଯାଇଛି । ସିରିଆର ବୈଦେଶିକ ମନ୍ତ୍ରଣାଳୟ ଇସ୍ରାଏଲର ଏହି ଅପରେସନକୁ ନିନ୍ଦା କରିଛି । ଏହାକୁ ବଡ ଅପରାଧ ବୋଲି ବିବେଚନା କରିବା ସହ ସିରିଆ ପ୍ରଶାସନ କହିଛି ଯେ, ଇସ୍ରାଏଲ ପୁଣି ଥରେ ପୂରା କ୍ଷେତ୍ରରେ ଅଶାନ୍ତ ସୃଷ୍ଟି କରିବାକୁ ଉଦ୍ୟମ କରୁଛି ।
ହମଲାରେ ଆହତ ଇୟାଦ ତାହିର କହିଛନ୍ତି, ଆମେ ରାତିରେ ଶୋଇଥିଲୁ । ସକାଳେ ନିଦ ଭାଙ୍ଗିବା ମାତ୍ରେ ଭୟଙ୍କର ଗୁଳିମାଡର ଶବ୍ଦ ଶୁଣିବାକୁ ପାଇଲୁ । ଗାଁରେ ଇସ୍ରାଏଲ ସେନାର ଅଭିଯାନ ଚାଲିଥିବା ଦେଖିବାକୁ ପାଇଲୁ । ଚାରିଆଡେ ସୈନିକ ଓ ଟ୍ୟାଙ୍କର ମୁତୟନ ହୋଇଥିଲା । ହସ୍ପିଟାଲରେ ଭର୍ତ୍ତି ଅହମ୍ମଦ କମାଲ କହିଛନ୍ତି, ନିଜର ରକ୍ଷା ପାଇଁ ତାଙ୍କୁ ମଧ୍ୟ ଫାୟରିଂ କରିବାକୁ ପଡିଥିଲା । ଗୁଳିମାଡରେ ତାଙ୍କ ଭାଇଙ୍କ ମୃତ୍ୟୁ ଘଟିଛି ଏବଂ ସେ ଆହତ ହୋଇଥିବା କହିଛନ୍ତି ।
ଇସ୍ରାଏଲ ସେନା ଦାବି କରିଛି ଯେ, ଗାଁରୁ ଜାମା ଇସଲାମିଆ ଗ୍ରୁପର ବିପଦଜ୍ଜନକ ଆତଙ୍କବାଦୀଙ୍କୁ ଧରା ଯାଇଛି । ଏହା ଇସଲାମିକ ସଂଗଠନ ମଧ୍ୟ ହମାସ ଓ ହୁତି ସହିତ ମିଶି ଇସ୍ରାଏଲ ବିରୋଧରେ ଷଡଯନ୍ତ୍ର ରଚୁଥିଲେ । ଆଇଡିଏଫ ମୁତାବକ ଏହାର ୬ ସୈନିକ ଆହତ ହୋଇଛନ୍ତି । ଏହି ଅଭିଯାନରେ ଅନେକ ଆତଙ୍କବାଦୀ ନିହତ ହୋଇଛନ୍ତି । ଏବେ ବି ଯବାନ ମୁତୟନ ଥିବା ଆଇଡିଏଫ କହିଛି ।
Also read: ଆଫଗାନ ପାସପୋର୍ଟ ଧାରକଙ୍କ ପାଇଁ ତୁରନ୍ତ ଭିସା ସ୍ଥଗିତ କଲା ଆମେରିକା