ପାସପୋର୍ଟର ଭିନ୍ନ ରଙ୍ଗ ପଛର କାରଣ
Khabar Odisha:Reason-behind-different-color-of-Passports
ନୂଆଦିଲ୍ଲୀ, ଜୁନ୍ ୨୨ (ଖବର ଓଡିଶା)

 ଦୁନିଆରେ କେବଳ ୪ଟି ରଙ୍ଗର ପାସପୋର୍ଟ ଅଛି । ପ୍ରତ୍ୟେକ ଦେଶକୁ ଏହି ୪ଟି ରଙ୍ଗରୁ ଗୋଟେ ରଙ୍ଗକୁ ପାସପୋର୍ଟର କଭର ଭାବରେ ବାଛିବାକୁ ପଡିଥାଏ । ପାସପୋର୍ଟ ମୁଖ୍ୟତଃ ୪ଟି ରଙ୍ଗର ଥାଏ, ଲାଲ, ନୀଳ, ସବୁଜ ଏବଂ କଳା । ତେବେ ପ୍ରତ୍ୟେକ ରଙ୍ଗ ମଧ୍ୟରେ ଭି ଭିନ୍ନତା ଦେଖାଯାଏ ।

ଲାଲ ରଙ୍ଗ

ଲାଲ ରଙ୍ଗ ହେଉଛି ସାଧାରଣ ରଙ୍ଗ । ସାଧାରଣତଃ ଯେଉଁ ଦେଶର ଇତିହାସରେ କିମ୍ବା ବର୍ତମାନ ମଧ୍ୟ ସାମ୍ୟବାଦୀ ଶାସନର ଛାପ ରହିଛି ସେହି ଦେଶର ପାସପୋର୍ଟ କଭର ଲାଲ କିମ୍ବା ଏହାର ପାଖାପାଖି ରଙ୍ଗର ହୋଇଥାଏ । ସ୍ଲୋଭାନିଆ, ଚୀନ, ସର୍ବିଆ, ଋଷିଆ, ଲାଟଭିଆ, ରୋମାନିଆ, ପୋଲାଣ୍ଡ ଏବଂ ଜର୍ଜିଆର ନାଗରିକ ମାନେ ଲାଲ ରଙ୍ଗର ପାସପୋର୍ଟ ବ୍ୟବହାର କରିଥାନ୍ତି । କ୍ରୋସିଆ ବ୍ୟତୂତ ଇଉରୋପିଆନ ୟୁନିଅନର ଅନ୍ୟ ସଭ୍ୟ ଦେଶ ଗୁଡିକ ମଧ୍ୟ ଲାଲ କିମ୍ବା ଲାଲ ରଙ୍ଗର ଅନ୍ୟ ସେଡ୍ର ପାସପୋର୍ଟ ବ୍ୟବହାର କରିଥାନ୍ତି । ଯେଉଁ ଦେଶ ଗୁଡିକ ଇଉରୋପିଆନ ୟୁନିଅନର ସଭ୍ୟ ହେବାକୁ ଇଚ୍ଛୁକ ଯଥା ତୁର୍ତୀ, ମାକେଡୋନିଆ ଏବଂ ଆଲବାନିଆ ଭଳି ଦେଶ ଗୁଡିକ ମଧ୍ୟ କିଛି ବର୍ଷ ପୂର୍ବେ ସେମାନଙ୍କ ପାସପୋର୍ତ କଭରର ରଙ୍ଗ ବଦଳାଇ ଦେଇଛନ୍ତି ।

ନୀଳ ଗଙ୍ଗ

ନୀଳ ମଧ୍ୟ ସାଧାରଣରେ ବ୍ୟବହୃତ ରଙ୍ଗ । ଏହି ରଙ୍ଗ ନୂତନ ବିଶ୍ୱର ପ୍ରତୀକ । ୧୫ ଟି କ୍ୟାରବିଆନ ଦେଶର ପାସପୋର୍ଟ ରଙ୍ଗ ହେଉଛି ନୀଳ । ଉତର ଆମେରିକା, ଦକ୍ଷିଣ ଆମେରିକା ଏବଂ ଓସେନିଆରେ ପ୍ରାୟତଃ ନୀଳ ରଙ୍ଗର ପାସପୋର୍ଟ ବ୍ୟବହାର କରାଯାଏ । ଦକ୍ଷିଣ ଆମେରିକାରେ ନୀଳ ରଙ୍ଗର ପାସପୋର୍ଟ ସାଧାରଣତଃ ମରକୋସର ଟ୍ରେଡ ୟୁନିଅନର ସଭ୍ୟ ହୋଇଥିବାକୁ ସୂଚାଇ ଥାଏ । ଆମେରିକୀୟଙ୍କ ପାସପୋର୍ଟର ରଙ୍ଗ ୧୯୭୬ ମସିହାରେ ବଦଳି ହୋଇ ନୀଳ ହୋଇଥିଲା । ଭାରତର ପାସପୋର୍ଟର ରଙ୍ଗ ମଧ୍ୟ ଗାଢ ନୀଳ ରଙ୍ଗର ।

ସବୁଜ ରଙ୍ଗ

ପ୍ରାୟତଃ ମୁସଲମାନ ଦେଶ ଗୁଡିକ ସବୁଜ ରଙ୍ଗର ପାସପୋର୍ଟ ବ୍ୟବହାର କରିଥାନ୍ତି । ଏହାର କାରଣ ମୁମଲମାନ ଧର୍ମରେ ଏହି ଗଙ୍ଗର ବିଶେଷତ୍ୱ ହେଇପାରେ । ସବୁଜ ଗଙ୍ଗ ପଫେଟ ମହମ୍ମଦଙ୍କର ପ୍ରିୟ ରଙ୍ଗ ହୋଇଥିବା ବେଳେ ଏହି ଗଙ୍ଗ ପ୍ରକୃତି ଏବଂ ଜୀବନର ପ୍ରତୀକ ମଧ୍ୟ । ତେବେ ମରକୋ, ସାଉଦୀ ଆରବ ଓ ପାକିସ୍ତାନ ଭଳି ଦେଶ ସବୁଜ ପାସପୋର୍ଟ ବ୍ୟବହାର କରିଥାନ୍ତି ।

କଳା ରଙ୍ଗ

ବହୁତ କମ ଦେଶ ଅଛନ୍ତି ଯାହାର ପାସପୋର୍ଟର ରଙ୍ଗ କଳା ହୋଇଥାଏ । କିଛି ଆଫ୍ରିକୀୟ ଦେଶ ଯଥା ବୋଟସ୍ଓାନା, ଜାମ୍ବିଆ, ବୁରୁଣ୍ଡି,ଗୋବୋନ, ଆଙ୍ଗୋଲା, କଙ୍ଗୋ, ମାଲାଓି ଏବଂ ଅନ୍ୟ କେତୋଟି ଦେଶ କଳା ରଙ୍ଗର ପାସପୋର୍ଟ ବ୍ୟବହାର କରନ୍ତି । ନିଉଜିଲ୍ୟାଣ୍ଡର ପାସପୋର୍ଟ ମଧ୍ୟ କଳା ରଙ୍ଗର ଯେହେତୁ କଳା ଏହି ଦେଶର ଜାତୀୟ ରଙ୍ଗ ।

Subscribe

National International State Sports Entertainment