ନୂଆ ଓଡିଶା ନିର୍ମାଣ ଅଭିଯାନ ପକ୍ଷରୁ ଗୁଣ୍ଡିଚା ମନ୍ଦିର ଏବଂ ସ୍ୱର୍ଗ ଦ୍ୱାରରେ ସଫେଇ କାର୍ଯ୍ୟକ୍ରମ
Khabar Odisha:Nua-Odisha-Nirman-conducts-cleaningness-drive-near-Gundicha-Mandir-at-puri
ପୁରୀ, ୨୯ ଜୁଲାଇ (ଖବର ଓଡ଼ିଶା):

ମହାପ୍ରଭୁଙ୍କ ଜନ୍ମବେଦି ଶ୍ରୀଗୁଣ୍ଡିଚା ମନ୍ଦିର ଏବଂ ସ୍ୱର୍ଗଦ୍ୱାରଠାରେ ନୂଆ ଓଡିଶା ନିର୍ମାଣ ଅଭିଯାନ ପକ୍ଷରୁ ଏକ ସଫେଇ କାର୍ଯ୍ୟକ୍ରମ କରାଯାଇଛି। ରଥଯାତ୍ରାରେ ତିନି ଠାକୁର ଗୁଣ୍ଡିଚା ମନ୍ଦିରରୁ ବାହୁଡିବାର ୭ ଦିନ ବିତିସାରିଥିବା ବେଳେ ମନ୍ଦିର ପ୍ରଶାସନ ପକ୍ଷରୁ ଏହି ମନ୍ଦିରକୁ ସଫା କରିବା ପାଇଁ କୌଣସି ଉଦ୍ୟମ ହୋଇନଥିଲା । ମନ୍ଦିର ଭିତରେ କୁଢ କୁଢ ଅଳିଆ ସେହିପରି ପଡିରହିଥିଲା। ଅବଢା ହାଣ୍ଡି, କଦଳି ପତ୍ର, ଫୁଲ ଓ ଅନ୍ୟାନ ସାମଗ୍ରୀରେ ମନ୍ଦିର ପରିସର ଅପରିଷ୍କାର ହୋଇରହିଥିଲା । ସ୍ଥାନୀୟ ସାମାଜିକ ସଙ୍ଗଠନ ‘ହୋପ ଇଜ୍ ଲାଇଫ’, ସାହି ଭାଇ ଏବଂ ଅନ୍ୟ କେତେକ ସାମାଜିକ ସଙ୍ଗଠନର ସହଯୋଗରେ ନୂଆ ଓଡିଶା ନିର୍ମାଣ ଅଭିଯାନ ପକ୍ଷରୁ ଗୁଣ୍ଡିଚା ମନ୍ଦିରକୁ ସଫା କରାଯାଇଥିଲା। ସେଠାରୁ ଅଳିଆ ଗୁଡିକ ବାହାର କରାଯାଇ ବୋଝେଇ ଗାଡି ସହାୟତରେ ନିର୍ଦ୍ଧାରିତ ଡମ୍ପିୟାର୍ଡରେ ପକାଯାଇଥିଲା ।

ସେହିପରି ସ୍ୱର୍ଗଦ୍ୱାର ପରିସରରେ ବି ନୂଆ ଓଡିଶା ନିର୍ମାଣ ଅଭିଯାନ ତରଫରୁ ସ୍ୱଚ୍ଛତା କାର୍ଯ୍ୟକ୍ରମ କରାଯାଇଥିଲା । ଶବ ସଂସ୍କାର ବେଳେ ଶବ ସହ ଆସୁଥିବା ବିଭିନ୍ନ ସାମଗ୍ରୀ ସବୁ ସ୍ୱର୍ଗଦ୍ୱାର ଭିତରେ ଅନେକ ଦିନ ହେଲାଣି ପଡିରହୁଥିବାରୁ ଭିତର ପରିବେଶ ଖରାପ ଦେଖାଯାଉଥିଲା। ତେବେ ଓଡିଶା ନିର୍ମାଣ ଅଭିଯାନ ସଂଗଠନର ସଦସ୍ୟଙ୍କ ଦ୍ୱରା ଏହାକୁ ସଫା କରାଯିବା ସହ ସମସ୍ତ ଅଳିଆକୁ ସ୍ଥାନାନ୍ତରଣ କରାଯାଇଥିଲା ।

ଏହି କାର୍ଯ୍ୟକ୍ରମରେ ପୁରୀର ହୋପ ଇଜ୍ ଲାଇଫ, ସାହି ଭାଇ, ଜନଜାଗରଣ ମଞ୍ଚ, ହରିପୁର ୟୁଥ କ୍ଲବ, ପିପୁଲ ଫର୍ ସୋସାଇଟ ଭଳି ଅନେକ ସାମାଜିକ ସଙ୍ଗଠନ ଏବଂ ସ୍ଥାନୀୟ ଯୁବକ ମାନେ ସହଯୋଗ କରିଥିଲେ ।  

  • Tags:

Subscribe

National International State Sports Entertainment