କାଚ ପରି ଚମକୁଛି ଏହି ନଦୀ, ବୋଟିଂ କରିବାକୁ ଆସନ୍ତି ପ୍ରତିଦିନ ହଜାର ସଂଖ୍ୟକ ପର୍ଯ୍ୟଟକ
Khabar Odisha:travel-tourism-umngot-river-the-paradise-of-meghalaya

ମାର୍ଚ୍ଚ ୧୯ (ଖବର ଓଡିଶା): ଅଧିକାଂଶ ଲୋକ କୌଣସି ବିଳାସମୟ ହୋଟେଲ କିମ୍ବା କୋଠାଠୁ ଅଧିକ ପ୍ରକୃତିର ନିକଟତର ଯିବାକୁ ପସନ୍ଦ କରିଥାନ୍ତି। ଆପଣଙ୍କୁ ଯଦି ଏମିତି ଜାଗା  ବୁଲିବାରେ ସଉକ ରହିଛି ତେବେ ଆମେ ଆପଣଙ୍କୁ ଏମିତି ଜାଗା ବିଷୟରେ କହିବୁ ଯେଉଁଠିକୁ ଦେଶ-ବିଦେଶରୁ ହଜାର ସଂଖ୍ୟକ ପର୍ୟ୍ୟଟକ ବୋଟିଂ କରିବାକୁ ଆସିଥାନ୍ତି। 

ଭାରତ-ବାଂଲାଦେଶ ସୀମା ନିକଟ ପୂର୍ବ ଜୟନ୍ତିଆ ପାହାଡ ଜିଲ୍ଲାର ଏକ ଛୋଟ ସହର  ଦାବକୀ ମଧ୍ୟ ଦେଇ ପ୍ରବାହିତ ହେଉଛି ଉମନଗୋତ ନଦୀ। ଏହି ଛୋଟ ସହରଟି ରାଜଧାନୀ ସିଲଙ୍ଗଠୁ ୯୫ କିଲୋମିଟର ଦୂରରେ ଅବସ୍ଥିତ। ଏହି ନଦୀର ସ୍ଵତନ୍ତ୍ରତା ଏହା ଯେ ଏହାର ପାଣି ଦେଖିବାକୁ କାଚ ପରି। 

ନଦୀର ବିଶେଷତ୍ଵ

ଦାବକୀ ଭାରତ ଓ ବାଂଲାଦେଶ ମଧ୍ୟରେ ଏକ ବ୍ୟସ୍ତମୟ  ବ୍ୟବସାୟ ମାର୍ଗ ଭାବେ କାମ କରିଥାଏ। ପ୍ରତ୍ୟେକ ଦିନ ଶହ ଶହ ଟରକ ଏହି ସହର ଦେଇ ଯାତାୟାତ କରିଥାଏ। ଉମନଗୋତ ନଦୀର ଆଖପାଖରର ମତ୍ସଜୀବୀଙ୍କ ପାଇଁ ମାଛ ଧରିବା ପାଇଁ ଏକ ପ୍ରମୁଖ ସ୍ଥଳ। ଏହି ନଦୀର ପାଣି ଏତେ ସ୍ଵଚ୍ଛ ଯେ କାଚ ପରି ଦେଖାଯାଏ। ଏହା ଉପରେ ବୋଟିଂ କଲେ ଏମିତି ଲାଗିଥାଏ ଯେମିତି କାଚ ଉପରେ ପହଁରୁଛୁ। କିଛି ଲୋକଙ୍କୁ ବିଶ୍ଵାସ ହୋଇନଥାଏ ଯେ ଏମିତି ସ୍ଵଚ୍ଛ ତଥା କାଚପରି ପାଣି ଆମ ଦେଶରେ ଥାଇପାରେ। ଏହି ନଦୀ ଉପରେ ନୌକା ଚାଲିବା ସମୟରେ ଏମିତି ଲାଗିଥାଏ ଯେମିତି କାଚ ଉପରେ ଲୋକେ ବସିଛନ୍ତି। 

କେମିତି ପହଞ୍ଚିବେ

ସଡକ ପଥରେ ଆପଣ ସେହି  ଜାଗାକୁ ଯାଇ ପାରିବେ। ଏହି ଜାଗା ମେଘାଳୟର ରାଜଧାନୀ ସିଲଙ୍ଗ ସହିତ ସଡକ ପଥରେ ସଂଯୋଗ କରୁଛି। ତେଣୁ ଆପଣ କୌଣସି ଘରୋଇ ଗାଡି ମଧ୍ୟ ବୁକ୍ କରି ପାରିବେ। ଏଠାରେ ବସ୍ ସୁବିଧା ମଧ୍ୟ ଉପଲବ୍ଧ। ଟ୍ରେନରେ ଯାତ୍ରା କଲେ ଗୌହ୍ଵାଟୀ ରେଲଓ୍ଵେ ଷ୍ଟେସନ ଏହି ପର୍ୟ୍ୟଟନୀ ସ୍ଥଳୀର ନିକଟତମ ରେଲଓ୍ଵେ ଷ୍ଟେସନ। 

  • Tags:

Subscribe

National International State Sports Entertainment