ବାର୍ଷିକ ତଦାରଖ ପାଇଁ ଆଜି ପର୍ଯ୍ୟଟକଙ୍କୁ ମଧ୍ୟାହ୍ନ ଯାଏ ଚିଲିକା ପ୍ରବେଶ ମନା
Khabar Odisha:Tourist-restriction-to-enter-chilika-to-day-for-animal-monitory-of-chilika-lake

ଭୁବନେଶ୍ୱର, ଫେବୃଆରୀ ୨୪(ଖବର ଓଡ଼ିଶା) : ପ୍ରଥମଥର ପାଇଁ ଚିଲିକା ହ୍ରଦର ବାର୍ଷିକ ତଦାରଖ ଶନିବାର ହେଉଛି । ଏଥିପାଇଁ ଆଜି ସକାଳୁ ଦିନ ୧୨ଟା ଯାଏଁ ଚିଲିକା ହ୍ରଦ ଭିତରକୁ ଭ୍ରମଣ ପାଇଁ ପର୍ଯ୍ୟଟକଙ୍କ ଉପରେ କଟକଣା ଜାରି ହୋଇଛି ।

ଚିଲିକା ଉନ୍ନୟନ କର୍ତ୍ତୃପକ୍ଷ (ସିଡ଼ିଏ) ପକ୍ଷରୁ ପ୍ରଥମଥର ପାଇଁ ଚିଲିକା ହ୍ରଦର ତଦାରଖ ହେଉଛି । ଆଗରୁ ଚିଲିକା ଚିଙ୍ଗୁଡ଼ି ଘେରିରେ ଛନ୍ଦି ହୋଇପଡ଼ିଥିଲା । ଚିଲିକାର ମୋଟ ୧୮୨ ବର୍ଗ କିମି ଅଂଚଳରେ ଚିଙ୍ଗୁଡ଼ି ଚାଷ ପାଇଁ ଘେରି ହୋଇଥିଲା । ସେଥିରୁ ୧୫୧.୪୭ ବର୍ଗ କିମି ଘେରି ଉଚ୍ଛେଦ କରାଯାଇଛି । ଘେରିମୁକ୍ତ ଚିଲିକାର ସ୍ଥିତି ଓ ପ୍ରାଣୀମାନଙ୍କ ଉପରେ ତାର ପ୍ରଭାବ ଆକଳନ ପାଇଁ ଆଜି ପ୍ରଥମଥର ଚିଲିକାର ସ୍ୱାସ୍ଥ୍ୟ ତଦାରଖ ହେଉଥିବା ଜଣାଯାଇଛି । ଏହି ସର୍ବେକ୍ଷଣ ପାଇଁ ୨୮ଟି ଦଳ ଗଠନ କରାଯାଇଛି । ସିଡ଼ିଏ, ବନ୍ୟପ୍ରାଣୀ ଉପଖଣ୍ଡ, ମୁଖ୍ୟ ବନ୍ୟପ୍ରାଣୀ ସଂରକ୍ଷକ, ଖୋର୍ଦ୍ଧା କର୍ମଚାରୀ ଓ ପ୍ରକୃତିପ୍ରେମୀଙ୍କୁ ନିୟୋଜିତ କରାଯାଇଛି । ସକାଳ ୬ରୁ ଦିନ ୧୨ଟା ପର୍ଯ୍ୟନ୍ତ ପକ୍ଷୀ ଡ଼ଲଫିନ, ସ୍ପଞ୍ଜ ଓ ପୁନଃ ଘେରି ନିର୍ମାଣ ହୋଇଛି କି ନାହିଁ ତାହା ସବୁ ତଦାରଖ କରିବେ । 

  • Tags:

Subscribe

National International State Sports Entertainment