<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ବିଜେଡ଼ି ମହିଳା ସଭାନେତ୍ରୀ ପଦରୁ ହଟିଲେ ପ୍ରମିଳା, ମିନତୀଙ୍କୁ ମିଳିଲା ଦାୟିତ୍ୱ
        </title>
        <link>
           http://khabarodisha.com/Woman/Minati-behera-appoints-as-president-of-Biju-mahila-janata-dal-42961
        </link>
        <guid>
           http://khabarodisha.com/Woman/Minati-behera-appoints-as-president-of-Biju-mahila-janata-dal-42961
        </guid>
        <pubDate>
           Sun, 11 Nov 2018 14:45:32 GMT
        </pubDate>
        <description>

ଯାହା ଅନୁମାନ କରାଯାଉଥିଲା ତାହା ଏବେ ବାସ୍ତବରେ ପରିଣତ ହୋଇଛି । ରାଜ୍ୟ ମହିଳା କମିଶନ ଅଧ୍ୟକ୍ଷା ଓ ଭିନ୍ନକ୍ଷମ କମିଶନ ଅଧ୍ୟକ୍ଷାଙ୍କ ଇସ୍ତଫାର କାରଣ ସ୍ପଷ୍ଟ ହୋଇଯାଇଛି । ଡାକ୍ତର ଲୋପାମୁଦ୍ରା ବକ୍ସିପାତ୍ର ଓ ମିନତୀ ବେହେରାଙ୍କୁ ବିଜୁ ମହିଳା ଜନତା ଦଳରେ ସ୍ଥାନ ମିଳିଛି । ଦଳର ସଭାନେତ୍ରୀ ପଦରୁ ବରିଷ୍ଟ ନେତ୍ରୀ ତଥା ବିଧାୟିକା ପ୍ରମିଳା ମଲ୍ଲିକଙ୍କୁ ହଟାଇ ଦିଆଯାଇଛି । ତାଙ୍କ ସ୍ଥାନରେ ମିନତୀ ବେହେରାଙ୍କୁ ନୂତନ ନିଯୁକ୍ତି ଦିଆଯାଇଛି । ସେହିପରି ପ୍ରମିଳା ମଲ୍ଲିକଙ୍କୁ ଦଳ ଶାଖାର ଉପଦେଷ୍ଟା ଭାବରେ ନୂତନ ଦାୟିତ୍ୱ ମିଳିଥିବା ସୂଚନା ମିଳିଛି । 

ଆଗକୁ ଆସୁଥିବା ସାଧାରଣ ନିର୍ବାଚନରେ ରାଜ୍ୟ ରାଜନୈତିକ ଦଳଗୁଡ଼ିକ ମହିଳା ସଙ୍ଗଠନ ଉପରେ ଅଧିକ ଫୋକସ୍‌ କରିଛନ୍ତି । ସଙ୍ଗଠନକୁ ସୁଦୃଢ଼ କରିବାକୁ ଶତଚେଷ୍ଟା ଜାରି ରଖିଛନ୍ତି । ପ୍ରଥମେ କଂଗ୍ରେସ ଏ ଦିଗରେ କିଛି ଦିନ ତଳେ ପଦକ୍ଷେପ ନେଇଥିବା ବେଳେ ବିଜେଡ଼ି ମଧ୍ୟ ପାଦେ ଆଗେଇଛି । ବିଜୁ ମହିଳା ଜନତା ଦଳର ସାଙ୍ଗଠନିକ ସ୍ତରରେ ଏକ ବଡ଼ ଧରଣର ଅଦଳବଦଳ ହୋଇଛି । ଭିନ୍ନକ୍ଷମ କମିଶନ ଅଧ୍ୟକ୍ଷା ପଦରୁ ଇସ୍ତଫା ଦେବାର ମାତ୍ର କେଇ ଘଣ୍ଟା ପରେ ମିନତୀ ବେହେରାଙ୍କୁ ତୁରନ୍ତ ନୂତନ ଦାୟିତ୍ୱ ହସ୍ତାନ୍ତର କରାଯାଇଛି । ତାଙ୍କୁ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ବିଜୁ ମହିଳା ଜନତା ଦଳର ସଭାନେତ୍ରୀ ପଦରେ ନିଯୁକ୍ତ କରିଛନ୍ତି । ସେହିପରି ଶ୍ରୀମୟୀ ମିଶ୍ର, ଡାକ୍ତର ଲୋପାମୁଦ୍ରା ବକ୍ସିପାତ୍ର, ବିଜେଡ଼ି ମୁଖପାତ୍ର ସୁଲୋଚନା ଦାସ, ଗୀତାଞ୍ଜଳୀ ବସ୍ତିଆଙ୍କୁ କାର୍ଯ୍ୟକାରୀ ସଭାନେତ୍ରୀ ଦାୟିତ୍ୱ ଦେଇଛନ୍ତି ସୁପ୍ରିମୋ । ପ୍ରମିଳା ମଲ୍ଲିକ ବିଜେଡ଼ିର ଉପସଭାପତି ସହିତ ବିଜୁ ମହିଳା ଜନତା ଦଳ ଶାଖାର ଉପଦେଷ୍ଟା କାର୍ଯ୍ୟଭାର ସମ୍ଭାଳିବେ । ଏହା ସହ ଜ୍ୟୋତି ପାଣିଗ୍ରାହୀ, କସ୍ତୁରୀ ମହାପାତ୍ର ହେଲେ ରାଜ୍ୟ ବିଜେଡ଼ି ମହିଳା ଶାଖାର ସହ ଉପଦେଷ୍ଟା । ଅନ୍ୟପକ୍ଷରେ ଏଲିନା ଦାଶ ସମ୍ପାଦିକା ଓ ସୁଲତା ଦେଓ ସାଧାରଣ ସମ୍ପାଦିକା ଦାୟିତ୍ୱ ନେଇଛନ୍ତି । 

ଏଠାରେ ଉଲ୍ଲେଖ ଯୋଗ୍ୟ, ରାଜ୍ୟ ମହିଳା କମିଶନ ଅଧ୍ୟକ୍ଷା ପଦରୁ ଡାକ୍ତର ଲୋପାମୁଦ୍ରା ବକ୍ସିପାତ୍ର ଓ ଭିନ୍ନକ୍ଷମ କମିଶନ ଅଧ୍ୟକ୍ଷା ପଦରୁ ମିନତୀ ବେହେରା ଆଜି ଇସ୍ତଫା ଦେଇଥିଲେ । ସେମାନେ ନିଜର ଇସ୍ତଫା ପତ୍ର ମୁଖ୍ୟମନ୍ତ୍ରୀଙ୍କ ନିକଟକୁ ଇସ୍ତଫା ପତ୍ର ପଠାଇ ଦେଇଥିଲେ । 

        </description>
      </item>
      <item>
        <title>
           ବିଜୁ ମହିଳା ଦଳରେ ହୋଇପାରେ ପରିବର୍ତ୍ତନ, ରାଜ୍ୟ ମହିଳା କମିଶନ ଓ ଭିନ୍ନକ୍ଷମ କମିଶନ ଅଧ୍ୟକ୍ଷାଙ୍କ ଇସ୍ତଫା
        </title>
        <link>
           http://khabarodisha.com/Woman/Lopamudra-Baxipatra-resigns-as-Chairperson-for-Odisha-State-Commission-for-Women-42955
        </link>
        <guid>
           http://khabarodisha.com/Woman/Lopamudra-Baxipatra-resigns-as-Chairperson-for-Odisha-State-Commission-for-Women-42955
        </guid>
        <pubDate>
           Sun, 11 Nov 2018 13:15:03 GMT
        </pubDate>
        <description>

ବିଜୁ ମହିଳା ଜନତା ଦଳରେ ଏକ ବଡ଼ ଧରଣର ଅଦବଦଳ ହେବାର ପୂର୍ବାଭାଷ ମିଳିଛି । ରାଜ୍ୟ ମହିଳା ଆୟୋଗ ଓ ଭିନ୍ନକ୍ଷମ ଆୟୋଗର ଦୁଇ ଜଣ ଉଚ୍ଚ ପଦସ୍ଥ ଅଧିକାରୀ ନିଜ ପଦରୁ ଇସ୍ତଫା ଦେଇଛନ୍ତି । 

ରାଜ୍ୟ ମହିଳା କମିଶନ ଅଧ୍ୟକ୍ଷା ଡାକ୍ତର ଲୋପାମୁଦ୍ରା ବକ୍ସିପାତ୍ର ଇସ୍ତଫା ଦେଇଛନ୍ତି । ସେ ନିଜ ଇସ୍ତଫା ପତ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ପଠାଇଛନ୍ତି । ସେହିପରି ଭିନ୍ନକ୍ଷମ କମିଶନର ଅଧ୍ୟକ୍ଷା ପଦ ଛାଡ଼ିଛନ୍ତି ମିନତୀ ବେହେରା । ସେ ମଧ୍ୟ ନିଜର ଇସ୍ତଫା ପତ୍ର ମୁଖ୍ୟମନ୍ତ୍ରୀଙ୍କୁ ପଠାଇ ଦେଇଥିବା ସୂଚନା ମିଳିଛି । ଉଭୟ ନିଜର କାର୍ଯ୍ୟକାଳ ଶେଷ ହେବା ପୂର୍ବରୁ ଇସ୍ତଫା ଦେଇଛନ୍ତି ।

ତେବେ ରାଜ୍ୟ ସରକାରଙ୍କ ଦୁଇଟି ଆୟୋଗରୁ ଦୁଇ ଜଣ ଅଧ୍ୟକ୍ଷା ପଦ ଛାଡ଼ିବା ନେଇ ରାଜନୈତିକ ମହଲରେ ଆଲୋଚନା ଆରମ୍ଭ ହୋଇଯାଇଛି । ଏହି ଦୁଇ ଜଣଙ୍କୁ ବିଜୁ ମହିଳା ଜନତା ଦଳରେ ଏକ ଉଚ୍ଚ ପଦରେ ସ୍ଥାନ ମିଳିପାରେ ଚର୍ଚ୍ଚା ହେଉଛି । ତେବେ ଇସ୍ତଫା ଦେବା ପରେ ଡ. ଲୋପାମୁଦ୍ରା କହିଛନ୍ତି ଯେ ଦଳୀୟ କାର୍ଯ୍ୟରେ ଅଧିକ ସମୟ ଦେବା ପାଇଁ ପଦ ଛାଡ଼ିଛନ୍ତି । ବିଜୁ ମହିଳା ଜନତା ଦଳରେ ଜଣେ ସକ୍ରିୟ କର୍ମୀଭାବେ କାର୍ଯ୍ୟ କରିବେ ବୋଲି ସେ ପ୍ରତିକ୍ରିୟା ରଖିଛନ୍ତି । 

        </description>
      </item>
      <item>
        <title>
           ପ୍ରତିଯୋଗିତାରେ ୯୬ ବର୍ଷୀଅ ମହିଳା ପ୍ରଥମ, କେରଳ ସରକାର ପୁରସ୍କାର ଦେଲେ ଲାପଟପ
        </title>
        <link>
           http://khabarodisha.com/Woman/Kerala-woman-win-prize-at-the-age-of-96-42751
        </link>
        <guid>
           http://khabarodisha.com/Woman/Kerala-woman-win-prize-at-the-age-of-96-42751
        </guid>
        <pubDate>
           Thu, 08 Nov 2018 09:06:20 GMT
        </pubDate>
        <description>

ଥିରୁବନନ୍ତପୁରମ, ନଭେମ୍ବର ୦୮ (ଖବର ଓଡ଼ିଶା): ଜୀବନର ଅନ୍ତିମ ପାହାଚରେ ପାଦ ଥାପିଥିବା ଜଣେ ବରିଷ୍ଠ ମହିଳାଙ୍କ ଇଚ୍ଛା ପୂରଣ ହୋଇଛି । ବହୁ ବର୍ଷ ତଳେ କମ୍ପ୍ୟୁଟର ଶିଖିବାକୁ ଇଚ୍ଛା ରଖିଥିବା କେରଳର ଏହି ମହିଳାଙ୍କୁ ଲ୍ୟାପଟପ ମିଳିଛି । ରିପୋର୍ଟ ଅନୁସାରେ ଆଲାପୁଝା ଜିଲ୍ଲାର ଚେପାଡ ନିବାସୀ କାର୍ତ୍ତିୟାନୀ ଅମ୍ମା ନିକଟରେ ଆୟୋଜିତ ‘ଅକ୍ଷରାଲଖମା ଲିଟିରେସି’ କାର୍ଯ୍ୟକ୍ରମରେ ୯୮ ମାର୍କ ପାଇ ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି । ଆମ୍ମା ପ୍ରତିଯୋଗିତାରେ ୧୦୦ ମାର୍କ ପରୀକ୍ଷା ଦେଇଥିଲେ । 

କାର୍ଯ୍ୟକ୍ରମରେ ଅନୁଷ୍ଠିତ ପରୀକ୍ଷା ଫଳ ଅକ୍ଟୋବର ୩୦ରେ ପ୍ରକାଶ ପାଇଥିଲା । ଆମ୍ମାଙ୍କ ସଫଳାତରେ ତାଙ୍କର ଶିକ୍ଷକ ଝିଅ ଓ ନାତୁଣୀ ଆଶ୍ଚର୍ଯ୍ୟ ହୋଇ ଯାଇଛନ୍ତି । ହିନ୍ଦି ଶିକ୍ଷକ ସଜିତା ମଣିକାନ୍ଦନ କହିଛନ୍ତି, ତାଙ୍କ ମା’ ଗଣିତରେ ୨ ମାର୍କ ଆଣି ପାରି ନାହାନ୍ତି । 

କେରଳ ସରକାର ଏହି କାର୍ଯ୍ୟକ୍ରମର ଶ୍ରେଷ୍ଠ ପ୍ରତିଯୋଗୀ କାର୍ତ୍ତିୟାନୀଙ୍କୁ ବୁଧବାର ଏକ ଲାପଟପ ପ୍ରଦାନ କରିଛନ୍ତି । । ରାଜ୍ୟ ସରକାରଙ୍କ ପକ୍ଷରୁ ଶିକ୍ଷାମନ୍ତ୍ରୀ ଏହି ପୁରସ୍କାର ଦେଇଛନ୍ତି । କିଛି ଦିନ ପୂର୍ବରୁ କାର୍ତ୍ତିୟାନୀ କହିଥିଲେ, କମ୍ପ୍ୟୁଟର ଶିକ୍ଷା ଗ୍ରହଣ କରିବା ତାଙ୍କର ଇଚ୍ଛା ଅଛି । 

 

        </description>
      </item>
      <item>
        <title>
           ଘରୁ ଉଠାଇ ନେଇ ଯୁବତୀଙ୍କୁ ଗଣ ବଳାତ୍କାର, ପ୍ରେମିକ ଅଟକ, ସହଯୋଗୀ ଫେରାର
        </title>
        <link>
           http://khabarodisha.com/Woman/Lover-raped-girlfriend-in-pallahada-42451
        </link>
        <guid>
           http://khabarodisha.com/Woman/Lover-raped-girlfriend-in-pallahada-42451
        </guid>
        <pubDate>
           Sat, 03 Nov 2018 11:24:02 GMT
        </pubDate>
        <description>

ଏକପାଖିଆ ପ୍ରେମରେ ବିଫଳ ହେବା ପରେ ପ୍ରେମିକ ଜଘନ୍ୟ କାଣ୍ଡ ଘଟାଇଛନ୍ତି । ଅନୁଗୁଳ ଜିଲ୍ଲା ପାଲଲହଡ଼ାରେ ଜଣେ ଯୁବତୀଙ୍କୁ ଜଣେ ଯୁବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଝିମିରିପାଲିରେ ଯୁବତୀଙ୍କୁ ଘରୁ ଉଠାଇ ନେଇ ଯୁବକ ଓ ତାଙ୍କର ଦୁଇ ସହଯୋଗୀ ଗଣବଳାତ୍କାର କରିଛନ୍ତି । ଆଜି ସକାଳୁ ଯୁବତୀଙ୍କୁ ପାହାଡ଼ତଳୁ ମୁର୍ମୁଷ ଅବସ୍ଥାରେ ଉଦ୍ଧାର କରାଯାଇ ମେଡ଼ିକାଲରେ ଭର୍ତ୍ତି କରାଯାଇଛି । ପୋଲିସ ପ୍ରେମିକ କାଳିଆ ମହାକୁଡ଼କୁ ଅଟକ ରଖିଥିବାବେଳେ ତାର ୨ ଜଣ ସହଯୋଗୀ ଫେରାର ହୋଇଯାଇଛନ୍ତି । 

ରଙ୍ଗମିସ୍ତ୍ରୀ ଭାବେ କାର୍ଯ୍ୟ କରୁଥିବା କାଳିଆ ମହାକୁଡ଼ ଝିମିରିପାଲିରେ ଜଣେ ଯୁବତୀଙ୍କୁ ଗତ ୨ ବର୍ଷ ହେବ ଏକପାଖିଆ ଭାବେ ପ୍ରେମ କରୁଥିଲେ । କିନ୍ତୁ ଯୁବତୀ ଜଣକ ତାଙ୍କ କଥାରେ ରାଜି ହୋଇ ନ ଥିଲେ । କାଳିଆ ପ୍ରେମରେ ବିଫଳ ହେବା ପରେ  ଯୁବତୀଙ୍କୁ ଗତ ୩୦ ତାରିଖ ରାତିରେ ଘରୁ ଉଠାଇ ନେଇଥିଲା । କାଳିଆ ତାର ଦୁଇ ଅଟୋ ଡ୍ରାଇଭର ବନ୍ଧୁ ହେମନ୍ତ ମହାକୁଡ଼ ଓ ଦୁଃଶାସନ ସୀତାରୀଙ୍କ ସହିତ ମିଶି ଯୁବତୀଙ୍କୁ ଗଣ ଦୁଷ୍କର୍ମ କରିଥିଲେ । ଯୁବତୀଙ୍କୁ ଅଚେତ ଅବସ୍ଥାରେ ଛାଡ଼ି ୩ ଜଣ ଫେରାର ହୋଇଯାଇଥିଲେ । ଆଜି ସକାଳୁ ଯୁବତୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ଯୁବତୀଙ୍କ ପରିବାର ଲୋକ ଏ ନେଇ ପାଲଲହଡ଼ା ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପରେ ପୋଲିସ ମାମଲା ରୁଜୁ କରି କାଳିଆକୁ ଅଟକ ରଖିଥିବାବେଳେ ଦୁଇ ସହଯୋଗୀ ହେମନ୍ତ ଓ ଦୁଃଶାସନ ଫେରାର ଅଛନ୍ତି । ପୋଲିସ ସେମାନଙ୍କୁ ଧରିବାକୁ ତଦନ୍ତ ଜାରି ରଖିଛି । 

        </description>
      </item>
      <item>
        <title>
           ଏବିଭିପିର ‘ମିଶନ ସାହସୀ’ କାର୍ଯ୍ୟକ୍ରମ: ଛାତ୍ରୀ ନେଲେ ଆତ୍ମରକ୍ଷା ତାଲିମ
        </title>
        <link>
           http://khabarodisha.com/Woman/ABVP-mission-sahasi-programe-at-Bermunda-42190
        </link>
        <guid>
           http://khabarodisha.com/Woman/ABVP-mission-sahasi-programe-at-Bermunda-42190
        </guid>
        <pubDate>
           Tue, 30 Oct 2018 15:48:13 GMT
        </pubDate>
        <description>

ବର୍ତମାନ ଝିଅମାନେ ଅସୁରକ୍ଷିତ ହୋଇ ପଡିଛନ୍ତି । ପ୍ରତି କ୍ଷେତ୍ରରେ ଅସାମାଜିକ ଲୋକଙ୍କ ଦ୍ୱାରା ଅବହେଳିତ ଓ ଅତ୍ୟାଚାରିତ ହେଉଛନ୍ତି । ତେଣୁ ଛାତ୍ରୀମାନେ ନିଜକୁ କିପରି ସୁରକ୍ଷା ଦେଇ ପାରିବେ ସେଥିପାଇଁ ଆଜି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ‘ମିଶନ ସାହସୀ’ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ରାଜ୍ୟର ବିଭିନ୍ନ ସ୍ଥାନରେ ଆୟୋଜନ ହୋଇଥିବା କାର୍ଯ୍ୟକ୍ରମ ଜରିଆରେ ପ୍ରାୟ ୨୦ ହଜାର ଛାତ୍ରୀଙ୍କୁ ଆତ୍ମରକ୍ଷା କୌଶଳ ତାଲିମ ଦିଆଯାଉଛି । 

ଭୁବନେଶ୍ୱର ବରମୁଣ୍ଡା ଦୁର୍ଗାପୂଜା ପଡିଆରେ ଆଜି ସକାଳ ୯ ଟାରୁ ୧୧ଟା ଯର୍ଯ୍ୟନ୍ତ ଏହି ମିଶନ ସାହସୀ କାର୍ଯ୍ୟକ୍ରମ ଆୟୋଜନ କରାଯାଇଛି । ବରମୁଣ୍ଡା ପଡିଆରେ ପ୍ରାୟ ୧ ହଜାର ଛାତ୍ରୀଙ୍କୁ ତାଲିମ ଦିଆଯାଉଛି । ଏହି ଆତ୍ମରକ୍ଷା କୌଶଳ ଶିକ୍ଷା ନେବାକୁ ଭୁବନେଶ୍ୱରର ବିଭିନ୍ନ କଲେଜର ଛାତ୍ରୀମାନେ ଉପସ୍ଥିତ ରହିଛନ୍ତି । 

ସାରା ଦେଶର ପ୍ରାୟ ୫ ଲକ୍ଷ ଛାତ୍ରୀଙ୍କୁ ଆଜି ଅତ୍ମରକ୍ଷା କୌଶଳ ପାଇଁ ତାଲିମ ଦିଆଯିବାର ସ୍ଥିର ହୋଇଥିବାବେଳେ ଓଡ଼ିଶାରେ ପ୍ରାୟ ୨୦ ହଜାର ଛାତ୍ରୀ ତାଲିମ ଦିଆଯିବାକୁ ଲକ୍ଷ୍ୟ ରହିଛି । ଛାତ୍ରୀମାନେ ସମ୍ମୁଖୀନ କରୁଥିବା ଅସ୍ୱାଭାବିକ ପରିସ୍ଥିତିରୁ ନିଜକୁ ରକ୍ଷା କରି ପାରିବେ ବୋଲି ସଂଗଠନ ପକ୍ଷରୁ କୁହାଯାଇଛି । ପୂର୍ବରୁ ସମ୍ବଲପୁର, ଜୟପୁର, ବାରିପଦା, ରାଉରକେଲା, କଟକ ଓ କେନ୍ଦ୍ରାପଡ଼ା ଆଦି ସ୍ଥାନରେ ତାଲିମ ଦିଆଯାଇଛି ।

        </description>
      </item>
      <item>
        <title>
           କୋଣାର୍କରେ ବଙ୍ଗୀୟ ଯୁବତୀଙ୍କୁ ଦୁଷ୍କର୍ମ ମାମଲା: ବିଜେପିର ୧୨ ଘଂଟିଆ କୋଣାର୍କ ବନ୍ଦ ଡାକରା
        </title>
        <link>
           http://khabarodisha.com/Woman/BJP-Mahila-Morcha-calls-Konark-band-41936
        </link>
        <guid>
           http://khabarodisha.com/Woman/BJP-Mahila-Morcha-calls-Konark-band-41936
        </guid>
        <pubDate>
           Fri, 26 Oct 2018 10:17:43 GMT
        </pubDate>
        <description>

କୋଣାର୍କ, ଅକ୍ଟୋବର ୨୬ (ଖବର ଓଡ଼ିଶା): କୋଣାର୍କରେ ବଙ୍ଗୀୟ ଯୁବତୀଙ୍କୁ ଗଣଦୁଷ୍କର୍ମ କରାଯିବା ଘଟଣା ପ୍ରତିବାଦରେ ବିଜେପି ମହିଳା ମୋର୍ଚ୍ଚା ଆଜି ୧୨ ଘଂଟିଆ କୋଣାର୍କ ବନ୍ଦ ଡାକରା ଦେଇଛି । ସଭାନେତ୍ରୀ ପ୍ରଭାତୀ ପରିଡ଼ାଙ୍କ ନେତୃତ୍ୱରେ କର୍ମୀମାନେ ପିକେଟିଂକୁ ଜୋରଦାର କରିଛନ୍ତି । ଏହି ଘଟଣାରେ ସମ୍ପୃକ୍ତ ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ କରିବାକୁ ଦାବି କରାଯାଇଛି । ଅନ୍ୟପକ୍ଷରେ ବନ୍ଦ ଯୋଗୁଁ ପର୍ଯ୍ୟଟକମାନେ ଅସୁବିଧାର ସମ୍ମୁଖୀନ ହୋଇଛନ୍ତି । 

କୋଣାର୍କ ଭଳି ବିଶ୍ୱ ପ୍ରସିଦ୍ଧ ପର୍ଯ୍ୟଟନସ୍ଥଳୀରେ ଏକ ହୋଟେଲ ଜଣେ ବଙ୍ଗୀୟ ଯୁବତୀଙ୍କୁ ଦୀର୍ଘ ୧୦ ଦିନ ଧରି ଦୁଷ୍କର୍ମ କରାଯାଇଥିଲା । କୋଣାର୍କରେ ଦେହ ବ୍ୟବସାୟ ଚାଲିଥିବା ନେଇ ଯୁବତୀ ଜଣକ ଥାନାରେ ଏତଲା ଦେଇଥିଲେ । ଯାହାର ପ୍ରତିବାଦରେ ଆଜି ଆନ୍ଦୋଳନକୁ ଓହ୍ଲାଇଛି ବିଜେପି । ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି । ଏହି ଏଭଳି ଏକ ପବିତ୍ର ସ୍ଥାନରେ ଦେହ ବ୍ୟବସାୟ ଭଳି ଅନୈତିକ କାର୍ଯ୍ୟକଳାପକୁ ତୁରନ୍ତ ବନ୍ଦ କରିବାକୁ ଦାବି ହୋଇଛି । ଦଳୀୟ କର୍ମୀମାନେ ପିକେଟିଂ କରି ସ୍କୁଲ, କଲେଜ, ଦୋକାନ ବଜାରକୁ ବନ୍ଦ କରିଛନ୍ତି । ବନ୍ଦ ଯୋଗୁଁ କୋଣାର୍କରୁ ପୁରୀ, କାକଟପୁର ଓ ଭୁବନେଶ୍ୱରକୁ ସଂଯୋଗ କରୁଥିବା ମୁଖ୍ୟରାସ୍ତାଗୁଡ଼ିକରେ ଯାତାୟତ ସଂପୂର୍ଣ୍ଣ ଠପ୍‌ ହୋଇଯାଇଛି । ଫଳରେ ଦୂରଦୂରାନ୍ତରୁ ଆସିଥିବା ପର୍ଯ୍ୟଟକମାନେ ବିଶେଷଭାବରେ ପ୍ରଭାବିତ ହୋଇଛନ୍ତି । ଏହି ବନ୍ଦକୁ ବିଭିନ୍ନ ସାମାଜିକ ସଂଗଠନଗୁଡ଼ିକ ଓ ସାଧାରଣ ନାଗରିକ ମଧ୍ୟ ସମର୍ଥନ କରିଛନ୍ତି ।  

        </description>
      </item>
      <item>
        <title>
           ମହିଳାଙ୍କ ପ୍ରତି ହେଉଥିବା ଅତ୍ୟାଚାର ବିରୋଧରେ କଂଗ୍ରେସର ସ୍ୱାଭିମାନ ସଂକଳ୍ପ ସମାବେଶ
        </title>
        <link>
           http://khabarodisha.com/Woman/Swabhiman-Sankalp-Samabesa-of-mahila-congress-41893
        </link>
        <guid>
           http://khabarodisha.com/Woman/Swabhiman-Sankalp-Samabesa-of-mahila-congress-41893
        </guid>
        <pubDate>
           Thu, 25 Oct 2018 15:10:07 GMT
        </pubDate>
        <description>

ଆଗାମୀ ନିର୍ବାଚନ ପାଇଁ ମହିଳା ଭୋଟରଙ୍କୁ ପ୍ରାଥମିକତା ଦେଇ ବିଜେଡି ଓ ବିଜେପି ମହିଳା ମୋର୍ଚ୍ଚା ବିଭିନ୍ନ କାର୍ଯ୍ୟକ୍ରମ କରୁଥିବାବେଳେ କଂଗ୍ରେସ ମଧ୍ୟ ପଛରେ ପଡିନାହିଁ । ମହିଳାଙ୍କ ଉପରେ ହେଉଥିବା ଅତ୍ୟାଚାର ବିରୋଧରେ ଆଜି ମହିଳା କଂଗ୍ରେସ ସ୍ୱାଭିମାନ ସଂକଳ୍ପ ସମାବେଶ କରିଛି । ଓଡିଶା ମହିଳା କଂଗ୍ରେସ ସଭାନେତ୍ରୀ ସୁମିତ୍ରା ଜେନାଙ୍କ ନେତୃତ୍ୱରେ ଏହି  ସମାବେଶ ଆୟୋଜିତ ହୋଇଛି । ଅଖିଳ ଭାରତ ମହିଳା କଂଗ୍ରେସ କମିଟି (ଏ.ଆଇ.ଏମ୍.ସି.)ର ସଂପାଦକ ତଥା ଓଡିଶା ମହିଳା କଂଗ୍ରେସର ପ୍ରଭାରୀ ଶ୍ରୀମତୀ ସନ୍ଧ୍ୟା ସାୱାଲାଖେ ଉକ୍ତ ସମାବେଶକୁ ଉଦଘାଟନ କରିଥିଲେ । ଏଥିରେ ପିସିସି ସଭାପତି ନିରଂଜନ ପଟ୍ଟନାୟକ ମଧ୍ୟ ଯୋଗଦେଇଛନ୍ତି । କଂଗ୍ରେସ ଭବନରେ ଆୟୋଜିତ ହୋଇଥିବା ସମାବେଶରେ ରାଜ୍ୟର ଶତାଧିକ ମହିଳା ସାମିଲ ହୋଇଛନ୍ତି ।

ଏହି ଅବସରରେ ଶ୍ରୀମତୀ ସନ୍ଧ୍ୟା ସାୱାଲାଖେ କହିଥିଲେ ଯେ ସଂପ୍ରତି ରାଜ୍ୟ ଓ ଦେଶରେ ମହିଳାମାନଙ୍କ ପ୍ରତି ବଢୁଥିବା ଅପରାଧ, ଧର୍ଷଣ, ନାବାଳିକା ବଳାକ୍ରାର, ଯୌନ ଶୋଷଣ, ପାରିବାରିକ ହିଂସା ଓ ଅପରାଧ, ସ୍ୱାସ୍ଥ୍ୟ, ନିଶାମୁକ୍ତ ଓଡିଶା ଓ ଭାରତ, ଉଭୟ ସଂସଦ ଓ ବିଧାନସଭାରେ ୩୩ % ସଂରକ୍ଷଣ ଏବଂ ଯଥା ଡିଜେଲ, ପେଟ୍ରୋଲ ଓ ରନ୍ଧନ ଗ୍ୟାସର ଅହେତୁକ ମୂଲ୍ୟ ବୃଦ୍ଧି କରିବାରେ ଉଭୟ କେନ୍ଦ୍ରର ବିଜେପି ଓ ରାଜ୍ୟର ବିଜେଡି ସରକାର ସଂପୂର୍ଣ୍ଣ ବିଫଳ ହୋଇଛନ୍ତି । ଏପରିକି ଶିକ୍ଷା, ଚିଟ୍‌ଫଣ୍ଡ୍‌ ଦୁର୍ନୀତି, ଇନ୍ଦିରା ଆବାସ ଓ ଟୟଲେଟ୍ ନିର୍ମାଣରେ ବ୍ୟାପକ ଅର୍ଥ ତୋଷରପାତ ସମେତ ଧାଡିରେ ଛିଡା ହୋଇ ଖାଦ୍ୟ ସୁରକ୍ଷା ଯୋଜନାରେ ଡିଲର ଠାରୁ ଖାଦ୍ୟ ସାମଗ୍ରୀ ଗ୍ରହଣ କରିବା ମହିଳାଙ୍କ ପ୍ରତି ଚରମ ଅପମାନ । ମହିଳାମାନେ ରୋଜଗାର ପାଉନାହନ୍ତି । ସେହିପରି ସ୍ୱୟଂ ସହାୟକ ଗୋଷ୍ଠୀମାନଙ୍କୁ ଦଳୀୟ ଭିତିରେ ଋଣ ଯୋଗାଣ ଓ ସମବାୟ ବିଭାଗ ଦ୍ୱାରା ସମବାୟ ସଂସ୍ଥାରୁ ଋଣ ପ୍ରଦାନରେ ପାତରଅନ୍ତର କରାଯାଉଛି ବୈାଲି ସେ ଅଭିଯୋଗ କରିଥିଲେ ।

ଅପରପକ୍ଷରେ ଓଡିଶାରେ ମହିଳାମାନ ସୁରକ୍ଷିତ ନାହାନ୍ତି । ସେମାନଙ୍କ ପ୍ରତି ବଢିଚାଲିଥିବା ଅପରାଧ ଚରମ ସୀମାରେ ପହଂଚିଛି । ଅପରଧରେ ସମ୍ପୃକ୍ତ ରହୁଥିବା ଅଭିଯୁକ୍ତମାନଙ୍କୁ ଧରାନଯାଇ ମୁକ୍ତଭାବେ ଛାଡି ଦିଆଯାଉଛି ବୋଲି ପିସିସି ସଭାପତି ଶ୍ରୀ ନିରଂଜନ ପଟ୍ଟନାୟକ ରାଜ୍ୟ ସରକାରଙ୍କୁ ଟାର୍ଗେଟ୍ କରି କହିଛନ୍ତି । ଏହା ମହିଳା ପାଇଁ ଉଦ୍ଦିଷ୍ଟ ଏକ ହେଲ୍‌ପ ଲାଇନ୍‌ ନମ୍ବର- ୭୦୦୮୯୯୯୮୫୮ ମଧ୍ୟ ଜାରି କରାଯାଇଛି । କିଛି ସମସ୍ୟା ହେଲେ ମହିଳାମାନେ ଏହି ନମ୍ବରରେ ଯୋଗାଯୋଗ କରିପାରିବେ ବୋଲି ସଭାନେତ୍ରୀ ସୁମିତ୍ରା ଜେନା ସୂଚନା ଦେଇଛନ୍ତି । 

        </description>
      </item>
      <item>
        <title>
           ପୁଣି ଜାକର୍ତାରେ ଚମକିଲେ ଓଡ଼ିଆ ଝିଅ, ଏସିଆନ ପାରା ଗେମ୍ସରେ ବ୍ରୋଞ୍ଜ ଜିତିଲେ ଜୟନ୍ତୀ
        </title>
        <link>
           http://khabarodisha.com/Woman/Odia-girl-Jayanti-behera-clinches-bronze-in-Asian-Para-Games-41070
        </link>
        <guid>
           http://khabarodisha.com/Woman/Odia-girl-Jayanti-behera-clinches-bronze-in-Asian-Para-Games-41070
        </guid>
        <pubDate>
           Tue, 09 Oct 2018 11:16:45 GMT
        </pubDate>
        <description>

ଇଣ୍ଡୋନେସିଆର ଜାକର୍ତାରେ ପୁଣି ଥରେ ଚମକିଛନ୍ତି ଓଡ଼ିଆ ଝିଅ । ଏଠାରେ ଚାଲିଥିବା ଏସିଆନ ପାରା ଗେମ୍ସରେ ଓଡିଆ ଝିଅ ଜୟନ୍ତୀ ବେହେରାଙ୍କୁ ବ୍ରୋଂଜ ପଦକ ମିଳିଛି । ସେ ୨୦୦ ମିଟର ଦୌଡରେ ବ୍ରୋଂଜ ପଦକ ହାସଲ କରି ଓଡିଶାକୁ ଗର୍ବିତ କରାଇଛନ୍ତି । 

ଆଜି ସକାଳେ ୨୦୦ ମିଟର ଦୌଡ ପ୍ରତିଯୋଗୀତାର ଫାଇନାଲ ରେସ ଅନୁଷ୍ଠିତ ହୋଇଥିଲା । ମହିଳା ୨୦୦ ମିଟର ବର୍ଗରେ ପ୍ରତିନିଧିତ୍ୱ କରିଥିବା ଜୟନ୍ତୀ ୨୭.୪୫ ସେକେଣ୍ଡରେ ଦୂରତା ଅତିକ୍ରମ କରିଥିଲେ । ସେହିପରି ଚାଇନାର ଲି ଲୁ ଓ ୱାଙ୍ଗ୍‌ ୟାନ୍‌ପିଙ୍ଗ୍‌ ଯଥାକ୍ରମେ ସ୍ୱର୍ଣ୍ଣ ଓ ରୌପ୍ୟ ପଦ ହାସଲ କରିଛନ୍ତି । ଗତକାଲି ଜୟନ୍ତୀ ୨୭.୭୧ ସେକେଣ୍ଡରେ ଫିନିସ ଲାଇନ ପାରିକରି ଦ୍ୱିତୀୟ ସ୍ଥାନ ଅଳଂକୃତ କରି ଫାଇନାଲକୁ ଉତ୍ତୀର୍ଣ୍ଣ ହୋଇଥିଲେ । 

ଏଠାରେ ଉଲ୍ଲେଖଯୋଗ୍ୟ, ଗତବର୍ଷ ଦୁବାଇରେ ଆୟୋଜିତ ଏସିଆନ୍‌ ୟୁଥ୍‌ ପାରା ଗେମ୍ସ-୨୦୧୭ରେ ୧୦୦ ମିଟର ଦୌଡ଼କୁଦ ପ୍ରତିଯୋଗିତାରେ ଜୟନ୍ତୀ ରୌପ୍ୟ ପଦକ ହାସଲ କରିଥିଲେ । ସେହିପରି ସୁଇଜରଲ୍ୟାଣ୍ଡରେ ଆୟୋଜିତ ବିଶ୍ୱ ଜୁନିୟର୍‌ ପାରା ଆଥଲେଟିକ୍ସ ଚାମ୍ପିୟନ୍‌ସିପ୍‌ରେ ୪୦୦ ମିଟର୍‌ ବର୍ଗରେ ସ୍ୱର୍ଣ୍ଣ ପଦକ ଜିତି ଦେଶ ପାଇଁ ଗୌରବ ଆଣିଥିଲେ । 

        </description>
      </item>
      <item>
        <title>
           ମହିଳା ଆନ୍ଦୋଳନକାରୀଙ୍କୁ ପୁରୁଷ ପୋଲିସ୍ ଲଗାଇ ଦମନ କରିବା ଦୁର୍ଭାଗ୍ୟଜନକ: ବିଜେପି
        </title>
        <link>
           http://khabarodisha.com/Woman/BJP-Mahila-Morcha-Naveen-Niwas-40687
        </link>
        <guid>
           http://khabarodisha.com/Woman/BJP-Mahila-Morcha-Naveen-Niwas-40687
        </guid>
        <pubDate>
           Tue, 02 Oct 2018 20:50:51 GMT
        </pubDate>
        <description>

ମନ୍ତ୍ରୀ ପ୍ରଦୀପ ମହାରଥୀ ମହିଳା ମାନଙ୍କ ପ୍ରତି ଆକ୍ଷେପ କରିବା ପ୍ରତିବାଦରେ ରାଜ୍ୟ ମହିଳା ମୋର୍ଚ୍ଚା ନବୀନ ନିବାସ ଘେରାଉ କରିବା ବେଳେ ପୁରୁଷ ପୋଲିସର ଦମନ କରିବା ନେଇ ଅସନ୍ତୋଷ ପ୍ରକାଶ କରିଛନ୍ତି ଦଳର ସଭାନେତ୍ରୀ ପ୍ରଭାତୀ ପରିଡା। ମୋର୍ଚ୍ଚାର ଶତାଧିକ ମହିଳା ଏକାଠି ହୋଇ ଶାନ୍ତିପୂର୍ଣ୍ଣ ତଥା ଅହିଂସା ଉପାୟରେ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଏ ସଂପର୍କରେ ଅବଗତ କରିବା ସମୟରେ ଶାସକ ଦଳର ଚାପରେ ପୋଲିସ ରାସ୍ତାରେ ବାଟ ଓଗାଳିବା ଏବଂ ଅତି ଅଶାଳୀନ ଆଚରଣ ଦେଖାଇ ଗିରଫ କରିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ସେ କହିଛନ୍ତି । 

ମନ୍ତ୍ରୀଙ୍କ ମହିଳା ବିରୋଧୀ ବୟାନକୁ ନେଇ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବାକୁ ଯାଇ ପୋଲିସ ଦମନର ଶିକାର ହୋଇଛନ୍ତି ଶତାଧିକ ମହିଳା । ପୁରୁଷ ପୋଲିସ ମହିଳାଙ୍କୁ ଡେଣା ଧରି ଉଠାଇବା, ଟଣା ଓଟରା କରିବା ଏବଂ ଅଶାଳୀନ ବ୍ୟବହାର ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ । ମହିଳା ପୋଲିସ ଥାଇ ପୁରୁଷ ପୋଲିସ ଜାଣିଶୁଣି ମହିଳାଙ୍କୁ ଏପରି ଅତର୍କିତ ଭାବେ ଆକ୍ରମଣ କରି ମହିଳାଙ୍କ ସହ ଆଶାଳୀନ ବ୍ୟବହାର କରିବା ସଂପୂର୍ଣ୍ଣ ଭାବେ ଆଇନ ବିରୋଧୀ । ଏହା ଦ୍ୱାରା ମହିଳାଙ୍କ ସମ୍ମାନ ହାନି ହୋଇଛି ବୋଲି ଶ୍ରୀମତୀ ପରିଡା କହିଛନ୍ତି । 

ସେହିପରି ଅନୁରୂପ ଅଭିଯୋଗ ଆଣିଛନ୍ତି ରାଜ୍ୟ ବିଜେପି ସମ୍ପାଦିକା ଲେଖାଶ୍ରୀ ସାମନ୍ତସିହାଂର। ନବୀନ ନିବାସ ଘେରାଉ ସମୟରେ ମହିଳା ପୋଲିସ ବଦଳରେ ପୁରୁଷ ପୋଲିସଙ୍କୁ ନିୟୋଜିତ କରାଯାଇଥିଲା । ଜାଣିଶୁଣି ପୋଲିସ ଦୁର୍ବ୍ୟବହାର ପ୍ରର୍ଦଶନ କରିଥିଲେ  ବୋଲି କହିବା ସହ ସେ ଏହି ଘଟଣାକୁ ଦୃଢ ନିନ୍ଦା କରିଛନ୍ତି । 

        </description>
      </item>
      <item>
        <title>
           ଚର୍ଚ୍ଚାରେ ବିଧାୟକ ! କାହାର ଅନ୍ତରଙ୍ଗ ଭିଡିଓ ପାଇଁ ମଲେ କେନ୍ଦ୍ରାପଡାର ଅବିନାଶ ? ସୋସିଆଲ ମେଡିଆରେ ବୁଲୁଛି ପୋଲିସ ନିଷ୍ଠୁରତାର ଫଟୋ
        </title>
        <link>
           http://khabarodisha.com/Woman/Abinash-Paital-Mahakalapada-Custodial-Death-40558
        </link>
        <guid>
           http://khabarodisha.com/Woman/Abinash-Paital-Mahakalapada-Custodial-Death-40558
        </guid>
        <pubDate>
           Sun, 30 Sep 2018 19:39:25 GMT
        </pubDate>
        <description>

 “ଯାହା ହେଇଯାଇଛି ହେଇଯାଇଛି । ଆଉ ଆଗକୁ ଯାଅନାହିଁ । ଜଣେ ମରିଛି ଗୋଟିଏ ପରିବାର ସର୍ବସ୍ୱାନ୍ତ ହୋଇଛି । କ୍ରାଇମବ୍ରାଂଚ ତଦନ୍ତ ଆଗରେ ବେଶି କିଛି କୁହ ନାହିଁ କି କିଛି ତଥ୍ୟ ପ୍ରମାଣ ଦିଅ ନାହିଁ । ନହେଲେ ମୋର ସମେତ ଆଉ ୪ଟି ପରିବାର ସର୍ବସ୍ୱାନ୍ତ ହେଇଯିବେ । ଅବିନାଶ ପରିବାର ସହ କଥାବାର୍ତା କର । ମୁଁ ଦେବି ୧୫ ଲକ୍ଷ ଟଙ୍କା । ଏକଥାରେ ଆଉ ଆନ୍ଦୋଳନ କରନି କି ଏକଥାକୁ ଆଉ ଆଗକୁ ଟାଣନି” ଏ ହେଉଛି କେନ୍ଦ୍ରାପଡାର ଜଣେ ଯୁବ ବିଧାୟକ ତଥା ପୁର୍ବତନ ମନ୍ତ୍ରୀଙ୍କର ଅବିନାଶ ପାଇଟାଳଙ୍କର ପୋଲିସ ହାଜତରେ ମୃତ୍ୟୁ ପରେ ହୋଇଥିବା ଜନଆନ୍ଦୋଳନର ନେତୃତ୍ୱ ନେଉଥିବା ଜଣେ ଯୁବକଙ୍କୁ ପ୍ରସ୍ତାବ । ଏହି କଥା ଏବେ ମହାକାଳପଡା ସମେତ ସାରା କେନ୍ଦ୍ରାପଡାରେ ଏବେ ଆଲୋଚ୍ୟର ବିଷୟ ପାଲଟିଛି ।

ଜଣେ ପୁର୍ବତନ ସ୍ୱାସ୍ଥ୍ୟ ମନ୍ତ୍ରୀ ତଥା ଏବେର ବିଧାୟକ, ଜଣେ ଅଙ୍ଗନଓାଡି ସୁପରଭାଇଜର , ଜଣେ ନାଏବ ସରପଚଂ ଏବଂ ଆଉ ଜଣେ ଅଙ୍ଗନଓାଡି କର୍ମୀଙ୍କ କିଛି ଚାରିକୋଣିଆ କାହାଣୀର କିଛି ଚଳଚ୍ଚିତ୍ର ସେହି ରହସ୍ୟମୟ ମୋବାଇଲରେ ଥିଲା ବୋଲି ଏବେ କେନ୍ଦ୍ରାପଡରେ ସାଧାରଣରେ ଆଲୋଚନା ହେଉଛି ।

ଏଣେ ସୋସିଆଲ ମେଡିଆରେ ହ୍ୱାଟସଆପରୁ ହ୍ୱାଟସଆପ ବୁଲୁଛି ମୃତ୍ୟୁ ଅବିନାଶଙ୍କର ମଳଦ୍ୱାର ଓ ଅନ୍ୟାନ୍ୟ ଅଙ୍ଗରେ ପାଲିସ ପିଭିସି ପାଇପ ପୁରାଇ ରକ୍ତାକ୍ତ କରିଦେଇଥିବାର ଫଟୋ । ଫଟୋରେ ଯାହା ସ୍ପଷ୍ଟ ହେଉଛି ପୋଲିସର ବର୍ବର ଆକ୍ରମଣରେ ଅବିନାଶଙ୍କର ମୃତ୍ୟୁ ହେବାପରେ ପୋଲିସ ତାକୁ ଆତ୍ମହତ୍ୟାର ରୁପ ଦେଇଛି ।

ଏତେଲାରେ ନାଁ ନଥିବା ସତ୍ୱେ ଏବଂ ପୋଲିସରେ ଅଭିଯୋଗ ହେବାର ୪ ମାସ ପରେ ପୋଲିସ କାହିଁକି ହଠାତ ଏତେ କ୍ରୀୟାଶୀଳ ହୋଇ ଉଠିଲା ଏବଂ ଏକ ମାମୁଲି ମୋବାଇଲ ଚୋରି ଅଭିଯୋଗରେ ଜଣେ ଯୁବକକୁ ଏତେ ଅମାନୁଷିକ ଭାବେ କାହିଁକି ମାରିଲେ ତାହା ନିହାତି ସନ୍ଦେହଜନକ କଥା । କଣ ଥିଲା ସେହି ରହସ୍ୟମୟ ମୋଇବାଲରେ, ମୋବାଇଲ ଅପେକ୍ଷା ପୋଲିସ ସେ ମେମୋରି କାର୍ଡ କାହିଁକି ବେଶି ଖୋଜୁଥିଲା , କାହିଁକି ବିଧାୟକ ୧୫ ଲକ୍ଷ ଟଙ୍କାର ପ୍ରସ୍ତାବ ଦେଉଛନ୍ତି ଅବିନାଶର ପରିବାରକୁ ଏସବୁ ଏବେ ଘଟଣାର ଗଭୀରତାକୁ ଆହୁରି ଅଧିକ ଗୁରୁତର କରୁଛି ।


ଯଦିଓ କ୍ରାଇମବ୍ରାଂଚ ଏହି ଘଟଣାର ତଦନ୍ତ କରୁଛି ହେଲେ କ୍ରାଇମବ୍ରାଂଚ କେବଳ ଥାନା ଆଇଆଇସିଙ୍କ ପାଖରେ ହିଁ ତଦନ୍ତକୁ ସୀମିତି କରିରଖିଛି । ସେ ମୋବାଇଲରେ କାହାର ଭିଡିଓ ଥିଲା ଯାହା ପାଇଁ ପୋଲିସ ବାବୁ ଜଣେ ଯୁବକଙ୍କ ଉପରେ ଏତେ ଅତ୍ୟାଚାର କଲେ ସେହି ବିଷୟକୁ କ୍ରାଇମବ୍ରାଂଚ ତଦନ୍ତ କଲେ ଯାଇକି ଅସଲ ସତ ପଦାକୁ ଆସିବ ।

        </description>
      </item>
   </rss>
 </channel>