<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ମହିଳା କଂଗ୍ରେସ କାର୍ଯ୍ୟକାରିଣୀ ବୈଠକ, ଫୋକସ୍‌ରେ ମହିଳା ଭୋଟର୍‌
        </title>
        <link>
           http://khabarodisha.com/Woman/Politics-woman-odisha-bhubaneswar-mahila-congress-executive-meeting-today-46363
        </link>
        <guid>
           http://khabarodisha.com/Woman/Politics-woman-odisha-bhubaneswar-mahila-congress-executive-meeting-today-46363
        </guid>
        <pubDate>
           Fri, 11 Jan 2019 10:29:55 GMT
        </pubDate>
        <description>

ଆଗାମୀ ସାଧାରଣ ନିର୍ବାଚନ ପାଇଁ ସମସ୍ତ ଦଳ ପ୍ରାଣ ମୂର୍ଚ୍ଛା ପରିଶ୍ରମ କରୁଛନ୍ତି । ଚାଷୀ ଏକ ପ୍ରମୁଖ ପ୍ରସଙ୍ଗ ହୋଇଥିବାବେଳେ ସବୁ ଦଳ ପାଇଁ ମହିଳା ମତଦାତା ମଧ୍ୟ ଏକ ବଡ଼ ଭୋଟ୍‌ ବ୍ୟାଙ୍କ । ବିଜେଡ଼ି ମିଶନ ଶକ୍ତି କାର୍ଯ୍ୟକ୍ରମରେ ଅଧିକ ନିକଟତର ହୋଇଥିବା ଏଥିରୁ ବାଦ ପଡ଼ିନି ପ୍ରଦେଶ କଂଗ୍ରେସ । ମହିଳା ମତଦାତାଙ୍କୁ କିଭଳି ଦଳ ପ୍ରତି ଅଧିକ ଆକୃଷ୍ଟ କରିହେବ ସେଥିପାଇଁ କସରତ ଆରମ୍ଭ କରିଛି କଂଗ୍ରେସ । ସେଥିଲାଗି ଆଜି ମହିଳା କଂଗ୍ରେସର ବସିବ କାର୍ଯ୍ୟକାରିଣୀ ବୈଠକ । ଏଥିରେ ଯୋଗ ଦେବେ ରାଷ୍ଟ୍ରୀୟ ଅଧ୍ୟକ୍ଷା ସୁସ୍ମିତା ଦେବ । 

ଗତକାଲିଠାରୁ ଦୁଇଦିନିଆ ଓଡିଶା ଗସ୍ତରେ ଆସିଥିବା ରାଷ୍ଟ୍ରୀୟ କଂଗ୍ରେସ ଅଧ୍ୟକ୍ଷା ସୁସ୍ମିତା ଦେବ ଆଜି ମହିଳା କଂଗ୍ରେସର କାର୍ଯ୍ୟକାରିଣୀରେ ଯୋଗ ଦେବେ । ଚନ୍ଦ୍ରଶେଖରପୁରରେ ଆୟୋଜିତ ହୋଇଛି ବୈଠକ । ଏଥିରେ ମହିଳା ଭୋଟରଙ୍କୁ ହାତେଇବାକୁ ରଣନୀତି ପ୍ରସ୍ତୁତ କରାଯିବ । ଏ ନେଇ ମହିଳା କର୍ମୀଙ୍କୁ  ଗୁରୁମନ୍ତ୍ର ପ୍ରଦାନ କରିବେ ଶ୍ରୀମତି ଦେବ । କାର୍ଯ୍ୟକାରିଣୀ ପରେ ସାମ୍ବାଦିକ ସମ୍ମିଳନୀରେ ଯୋଗ ଦେଇ ନୂଆଦିଲ୍ଲୀ ଗସ୍ତ କରିବେ । 

ଗତକାଲି ଭୁବନେଶ୍ୱରରେ ପହଂଚିବା ପରେ ଅପରାହ୍ନରେ ଶ୍ରୀମତୀ ଦେବ ପିପିଲି ଗଣଦୁଷ୍କର୍ମ ପୀଡିତାଙ୍କ ଗାଁ ଅର୍ଜ୍ଜୁନପଦାକୁ ଯାଇ ତାଙ୍କ ପରିବାରକୁ ଭେଟିଥିଲେ । ତଦନ୍ତରେ ତ୍ରୁଟି ଯୋଗୁଁ ଅଭିଯୁକ୍ତ ମାନେ ଖଲାସ ହୋଇଥିବା ପ୍ରକାଶ କରିବା ସହ ମାମଲାର ତଦନ୍ତକୁ ପୁଣି ଥରେ ସିବିଆଇକୁ ହସ୍ତାନ୍ତର କରିବାକୁ ଦାବି କରିଥିଲେ । ତୁରନ୍ତ ଏହି ମାମଲାର ଫଇସଲା ନ ହେଲେ ମହିଳା କଂଗ୍ରେସ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିବା ନେଇ ସେ ଚେତାବନୀ ଦେଇଥିଲେ ।

        </description>
      </item>
      <item>
        <title>
           ନବୀନଙ୍କୁ ଚିଠି ଲେଖି ମହିଳାଙ୍କ ସ୍ଥାନ ସଂରକ୍ଷଣକୁ ଶରଦ ପାଓ୍ଵାରଙ୍କ ସମର୍ଥନ
        </title>
        <link>
           http://khabarodisha.com/Woman/politics-woman-odisha-sharad-pawar-supports-33-women-reservation-46336
        </link>
        <guid>
           http://khabarodisha.com/Woman/politics-woman-odisha-sharad-pawar-supports-33-women-reservation-46336
        </guid>
        <pubDate>
           Thu, 10 Jan 2019 17:54:57 GMT
        </pubDate>
        <description>

 ମହିଳାଙ୍କ ସଂରକ୍ଷଣ ପାଇଁ ଅଣ୍ଟା ଭିଡ଼ିଥିବା ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମର୍ଥନ ଜଣାଇ ଚିଠି ଲେଖିଛନ୍ତି ଏନସିପି ମୁଖ୍ୟ ଶରଦ ପାଓ୍ଵାର। ମହିଳାଙ୍କ ସଂରକ୍ଷଣ ପାଇଁ ତାଙ୍କ ଦଳ ବିଧାନସଭା ଓ ସଂସଦରେ ସମର୍ଥନ ଜଣାଇଥିବା ଚିଠିରେ ଉଲ୍ଲେଖ କରିଛନ୍ତି। ଶରଦଙ୍କ ସମର୍ଥନ ପରେ ମହିଳାଙ୍କ ସଂରକ୍ଷଣ ପାଇଁ ନବୀନ ଚଳାଇଥିବା ଅଭିଯାନକୁ ବଳ ମିଳିଛି।

ସୂଚନା ଅନୁଯାୟୀ ଭାରତୀୟ କଂଗ୍ରେସ ପାର୍ଟିର ମୁଖ୍ୟ ଶରଦ ପାୱାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମହିଳାଙ୍କ ସ୍ଥାନ ସଂରକ୍ଷଣ ନେଇ ଚିଠି ଲେଖି ଜଣାଇଛନ୍ତି । ସେ ଚିଠିରେ ବିଧାନ ସଭା ଏବଂ ସଂସଦରେ ମହିଳାଙ୍କ ପାଇଁ ୩୩ ପ୍ରତିଶତ ସ୍ଥାନ ସଂରକ୍ଷଣକୁ ସମର୍ଥନ ଜଣାଇଥିବା ପ୍ରସ୍ତାବକୁ ସ୍ୱାଗତ କରିଛନ୍ତି । ମହାରାଷ୍ଟ୍ରରେ ୨୦୧୧ରୁ ମହିଳାଙ୍କ ପାଇଁ ୫୦ ପ୍ରତିଶତ ସ୍ଥାନ ସଂରକ୍ଷଣ ରହିଛି । ମହିଳାମାନଙ୍କ ସଶକ୍ତିକରଣକୁ ଏନସିପି ସବୁବେଳେ ପ୍ରାଥମିକତା ଦେଇଆସିଛି । ପୂର୍ବରୁ ଏନେଇ ରାଜ୍ୟ ସରକାର ଅନ୍ୟ ରାଜନୈତିକ ସ୍ତରରେ ସମର୍ଥନ ଲୋଡ଼ିଥିଲେ । ମହିଳା ସ୍ଥାନ ସଂରକ୍ଷର ପାଇଁ ନବୀନ ବିଭିନ୍ନ ଦଳକୁ ଚିଠି ଓ ସାକ୍ଷାତ ମାଧ୍ୟମରେ ଜଣାଇଥିବା ବେଳ ଏହାକୁ କେସିଆର , ଅଖିଳେଶ ଯାଦବ ,ନିତିଶ କୁମାର ସମର୍ଥନ ଜଣାଇଥିଲେ ।

        </description>
      </item>
      <item>
        <title>
           ପିପିଲି ଗଣଦୁଷ୍କର୍ମ ମାମଲା: ପୁଣି ଉଠିଲା ମହାରଥୀ ବିରୋଧୀ ସ୍ୱର, କ୍ରାଇମବ୍ରାଞ୍ଚ କାର୍ଯ୍ୟାଳୟ ଘେରିଲା ବିଜେପି
        </title>
        <link>
           http://khabarodisha.com/Woman/BJP-Mahila-Morcha-gherao-ctc-crime-branch-office-45750
        </link>
        <guid>
           http://khabarodisha.com/Woman/BJP-Mahila-Morcha-gherao-ctc-crime-branch-office-45750
        </guid>
        <pubDate>
           Mon, 31 Dec 2018 13:11:20 GMT
        </pubDate>
        <description>

ପିପିଲି ଗଣଦୁଷ୍କର୍ମ ମାମଲାରେ ପୀଡ଼ିତାକୁ ନ୍ୟାୟ ନ ମିଳିବାକୁ ନେଇ ରାଜ୍ୟରେ ଏବେବି ବିରୋଧର ସ୍ୱର ଜାରି ରହିଛି । ଆଜି ବିଜେପି ମହିଳା ମୋର୍ଚ୍ଚା ତଥ୍ୟ ପ୍ରମାଣ ଦେବାରେ ବିଫଳ ହୋଇଥିବା କ୍ରାଇମବ୍ରାଞ୍ଚର କଟକ କାର୍ଯ୍ୟାଳୟ ଘେରାଉ କରିଛି । ଏହା ସହିତ ବେବିନାକୁ ନ୍ୟାୟ ମିଳିଲା ବୋଲି ମନ୍ତବ୍ୟ ଦେଇଥିବା କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କ ଇସ୍ତଫା ଦାବି କରିଛି ମୋର୍ଚ୍ଚା । 

ମା’ କୁ ସମ୍ମାନ ନାରା ଦେଉଥିବା ବିଜେଡି ସରକାର ମହିଳାଙ୍କ ସୁରକ୍ଷା ନେଇ କୁମ୍ଭୀରକାନ୍ଦଣା କାନ୍ଦୁଛି । ଏହା ସହିତ ମହାରଥୀଙ୍କ ମନ୍ତବ୍ୟ ମହିଳା ଜାତିକୁ ଅପମାନ ବୋଲି ମୋର୍ଚ୍ଚା ଅଭିଯୋଗ କରିଛି  । ସମସ୍ତ କର୍ମୀ କାର୍ଯ୍ୟାଳୟ ସମ୍ମୁଖରେ ନାରାବାଜି କରିବା ସହିତ ବିକ୍ଷୋଭ ପ୍ରଦର୍ଶନ କରିଛନ୍ତି । ପ୍ରଦୀପ ମହାରଥୀ ଜଣେ ଅଭ୍ୟାସଗତ ଅସମ୍ମାନ ପ୍ରଦର୍ଶନକାରୀ ବୋଲି ବିଜେପି କହିଛନ୍ତି । ସେ ବିଧାନସଭାରେ ବିଜେପି ବିଧାୟିକା ରାଧାରାଣୀ ପଣ୍ଡାଙ୍କୁ ଅଶ୍ଳୀଳ ମନ୍ତବ୍ୟ ଦେଇଥିଲେ । ଏହା ପରେ ଗୋଟିଏ ମହିଳାଙ୍କର ଦୁଇଟି ସ୍ୱାମୀ ଥିବା ବିବାଦୀୟ ମନ୍ତବ୍ୟ ଦେଇଥିଲେ । ଏହା ପରେ ଗଣଦୁଷ୍କର୍ମମାମଲାରେ ଦୋଷୀ ନିର୍ଦ୍ଦୋଶ ସାବ୍ୟସ୍ତ ହେବା ପରେ ବେବିନାକୁ ନ୍ୟାୟ ମିଳିଲା ବୋଲି କହିଛନ୍ତି । ଯାହାକି ଅତ୍ୟନ୍ତ ନିନ୍ଦନୀୟ । ମହାରଥୀଙ୍କ କ୍ଷମାପ୍ରାର୍ଥନା ଏକ ପ୍ରାୟୋଜିତ ଢଙ୍ଗ । ତେଣୁ ସେ ଇସ୍ତଫା ଦିଅନ୍ତୁ ବୋଲି ବିଜେପି ଦାବି କରିଛି । 

ଆଜି କଟକ ଦର୍ଘା ବଜାରରେ ଥିବା ନେତାଜୀ ଜନ୍ମସ୍ଥାନରୁ ବିଜେପି ମହିଳା ମୋର୍ଚ୍ଚାର ରାଲି  ଆରମ୍ଭ ହୋଇ କ୍ରାଇମବ୍ରାଂଚ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା । ରାଜ୍ୟର ବିଭିନ୍ନ ସ୍ଥାନରୁ ମହିଳା ମୋର୍ଚ୍ଚାର କର୍ମୀମାନେ ଆସି ରାଲିରେ ସାମିଲ ହେବା ସହ ଘେରାଉ କରିଛନ୍ତି । ଆଜିଠାରୁ ବିଜେପି ମହିଳା ମୋର୍ଚ୍ଚା ଆନ୍ଦୋଳନକୁ ତୀବ୍ର କରିବାର ଯୋଜନା ରହିଛି ।

        </description>
      </item>
      <item>
        <title>
           ଗୁରୁ ନାଁରେ କଳଙ୍କ: ଯୌନ ନିର୍ଯ୍ୟାତନା ଅଭିଯୋଗରେ ପ୍ରଧାନ ଶିକ୍ଷକ ନିଲମ୍ବିତ
        </title>
        <link>
           http://khabarodisha.com/Woman/school-head-master-suspended-on-sexual-harassment-case-45092
        </link>
        <guid>
           http://khabarodisha.com/Woman/school-head-master-suspended-on-sexual-harassment-case-45092
        </guid>
        <pubDate>
           Wed, 19 Dec 2018 13:34:19 GMT
        </pubDate>
        <description>

ପୁଣି ଥରେ ଗୁରୁ ନାଁ ଲାଗିଛି କଳଙ୍କ । ଜଣେ ପ୍ରଧାନଶିକ୍ଷକଙ୍କ କଳା କାରନାମା ପଦାକୁ ଆସିଛି । ଥୁ. ରାମପୁର ବ୍ଲକ ଶ୍ରୀମସ୍କା ଉନ୍ନୀତ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଛାତ୍ରୀଙ୍କୁ ଯୌନ ନିର୍ଯ୍ୟାତନା ଦେଉଥିବା ଅଭିଯୋଗ ହୋଇଛି । ପ୍ରଧାନ ଶିକ୍ଷକ ବାଳକୃଷ୍ଣ ମହାପାତ୍ରଙ୍କୁ ଯୌନ ନିର୍ଯ୍ୟାତନା ଅଭିଯୋଗରେ ନିଲମ୍ବନ କରାଯାଇଛି । ଜିଲ୍ଲା ଶିକ୍ଷାଧିକାରୀ ତାଙ୍କୁ ନିଲମ୍ବନ କରିଛନ୍ତି ।

ସିରିମସ୍କା ଉଚ୍ଚ ବିଦ୍ୟାଳୟରେ ଦୀର୍ଘ ୧୮ ବର୍ଷ ଧରି ବାଳକୃଷ୍ଣ ପ୍ରଧାନଶିକ୍ଷକ ଭାବରେ କାମ କରୁଥିଲେ । ପୂର୍ବରୁ ଅନେକ ଥର ତାଙ୍କ ନାଁରେ ଯୌନ ନିର୍ଯ୍ୟାତନା ଭଳି ସଙ୍ଗୀନ ଅଭିଯୋଗ ଆସିଥିଲେ ମଧ୍ୟ ତାହା ଗୁରୁତ୍ୱର ସହକାରେ ନିଆଯାଇ ନ ଥିଲା । ଗତକାଲି ପୁଣି ଜଣେ ଛାତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗ ଆସିଥିଲା । ଗତ ଗଣେଶ ପୂଜାରେ ଛାତ୍ରୀଙ୍କ ସହିତ ପ୍ରଧାନ ଶିକ୍ଷକ ଅସଦାଚରଣ କରିଥିଲେ । ଯଦି ଏକଥା ପ୍ରଘଟ ହୁଏ ତେବେ ମାଟ୍ରିକ୍‌ ଦେଇପାରିବୁ ନାହିଁ ବୋଲି ଶିକ୍ଷକ ଜଣକ ଧମକ ଦେଇଥିଲେ । ଫଳରେ ଭୟରେ ଛାତ୍ରୀ ଜଣକ କାହାକୁ କହି ନ ଥିଲେ । କିନ୍ତୁ ଛାତ୍ରୀ ଜଣକ ପରିବାରକୁ ଜଣାଇବା ପରେ କଳାହାଣ୍ଡି ଜିଲ୍ଲାପାଳଙ୍କ ନିକଟରେ ଦ୍ୱାରସ୍ଥ ହୋଇଥିଲା । ଏହା ପରେ ଅବିଭାବକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା । ତେବେ ଆଜି ଜିଲ୍ଲା ଶିକ୍ଷାଧିକାରୀ କାର୍ଯ୍ୟାନୁଷ୍ଠାନ ସ୍ୱରୁପ ତାଙ୍କୁ କାର୍ଯ୍ୟରୁ ନିଲମ୍ବନ କରିଛନ୍ତି । 

ପ୍ରଧାନ ଶିକ୍ଷକଙ୍କୁ ତୁରନ୍ତ ଗିରଫ କରିବାକୁ  ଦଳିତ ସମାଜ ପକ୍ଷରୁ ଦାବି ହୋଇଛି । ବ୍ୟଭିଚାରୀ ଶିକ୍ଷକଙ୍କୁ ତୁରନ୍ତ ଗିରଫ କରା ନ ଗଲେ ଖୁବଶୀଘ୍ର ରାଜରାସ୍ତାକୁ ଓହ୍ଲାଇବାକୁ ସଂଘ ଚେତାବନୀ ଦେଇଛି । ଅନ୍ୟପକ୍ଷରେ ଛାତ୍ରୀଙ୍କର ଡାକ୍ତରୀ ମାଇନା କରାଯିବା ସହିତ ବୟାନ ରେକର୍ଡ କରାଯାଇଛି । ମାମଲାର ଫୁଙ୍ଖାନୁଫୁଙ୍ଖ ତଦନ୍ତ କରାଯାଇ ପ୍ରଧାନ ଶିକ୍ଷକଙ୍କୁ ଗିରଫ କରାଯିବ ବୋଲି ଭବାନୀପାଟଣା ଏସ୍‌ଡିପିଓ ବିରଞ୍ଚି ନାରାୟଣ ଦେହୁରୀ ସୂଚନା ଦେଇଛନ୍ତି । 

        </description>
      </item>
      <item>
        <title>
           ନିର୍ଭୟାର ୬ ବର୍ଷ ପରେ ବି ଅସୁରକ୍ଷିତ ଦିଲ୍ଲୀ: ପ୍ରତିଦିନ ହୁଏ ୬ ଦୁଷ୍କର୍ମ ଓ ୧୦ରୁ ଅଧିକ ର୍ଦୁବ୍ୟବହାର
        </title>
        <link>
           http://khabarodisha.com/Woman/still-delhi-is-not-a-safe-place-for-women-its-been-6-years-of-delhi-nirvaya-rape-case-44906
        </link>
        <guid>
           http://khabarodisha.com/Woman/still-delhi-is-not-a-safe-place-for-women-its-been-6-years-of-delhi-nirvaya-rape-case-44906
        </guid>
        <pubDate>
           Sun, 16 Dec 2018 15:05:21 GMT
        </pubDate>
        <description>

  ଗତ ୬ ବର୍ଷ ପୂର୍ବରୁ ଘଟିଥିବା ନୂଆଦିଲ୍ଲୀ ନିର୍ଭୟାର ଲୋମହର୍ଷଣକାରୀ ଘଟଣା ଆଜି ଶୁଣିଲେ ମଧ୍ୟ ଲୋମ ଟାଙ୍କୁରୀ ଉଠେ। ଦିଲ୍ଲୀ ପୋଲିସ ମହିଳାଙ୍କ ସୁରକ୍ଷା ପାଇଁ ପ୍ରତିଶ୍ରୁତି ଦେଇ ମଧ୍ୟ କୌଣସି ପଦକ୍ଷେପ କାର୍ଯ୍ୟକାରୀ ହେଉନାହିଁ । ଏହାକୁ ନେଇ ଜନସାଧାରଣ ଆନ୍ଦୋଳନ ପ୍ରଦର୍ଶନ କରୁଛନ୍ତି। ତେବେ ଏକ ତଥ୍ୟରୁ ଜଣାପଡ଼ିଛି ଏବେ ମଧ୍ୟ ପ୍ରତିଦିନ ଦିଲ୍ଲୀରେ ୬ରୁ ଅଧିକ ଦୁଷ୍କର୍ମ ଓ ୧୦ରୁ ଅଧିକ ମହିଳାଙ୍କୁ ଦୁବ୍ୟବହାର କରାଯାଉଛି। କିଛି ମହିଳା ଭୟରେ ପୋଲିସ ଥାନାରେ ଅଭିଯୋଗ ମଧ୍ୟ କରୁନାହାନ୍ତି।      

ଅନ୍ୟପକ୍ଷେ ଦିଲ୍ଲୀ ପୋଲିସଙ୍କ କହିବାନୁସାରେ, ଆଗରୁ ୯୦ ପ୍ରତିଶତ ମହିଳା ନିର୍ଯାତିତ ହେଉଥିଲେ। ମାମଲା ରୁଜୁ ପରେ ୮୦ ପ୍ରତିଶତରୁ ଅଧିକ ମାମଲାର ସମାଧାନ କରାଯାଇଛି । ନିର୍ଭୟା  ଘଟଣା ପରେ ଦିଲ୍ଲୀ ପୋଲିସ ଦ୍ୱାରା ଦୃଢ କାର୍ଯ୍ୟନୁଷ୍ଟାନ ଗ୍ରହଣ କରାଯାଇଛି । ଯଦ୍ୱାରା  ମହିଳା ଓ ପୀଡିତା ମାନେ ଥାନାରେ ଅଭିଯୋଗ କରିବାକୁ ଲଜ୍ଜା କରୁନାହାନ୍ତି କି ଡରୁନାହାନ୍ତି ।    

ମସିହା - ଦୁଷ୍କର୍ମ ସଂଖ୍ୟା

୨୦୧୮ – ୧୯୮୩

୨୦୧୭-୨୧୪୬

୨୦୧୬-୨୧୫୫

୨୦୧୫- ୨୧୯୯

୨୦୧୪- ୨୧୬୬

୨୦୧୩- ୧୬୩୬

ମସିହା - ର୍ଦୁବ୍ୟବହାର ସଂଖ୍ୟା

୨୦୧୮- ୩୦୬୬

୨୦୧୭- ୩୪୨୨

୨୦୧୬- ୪୧୬୫

୨୦୧୫- ୫୩୬୭

୨୦୧୪- ୪୩୨୨

୨୦୧୩- ୩୫୧୫

ମହିଳାଙ୍କ ସୁରକ୍ଷା ପାଇଁ ଦିଲ୍ଲୀ ପୋଲିସ ଦ୍ୱାରା ନିଆଯାଇଥିବା ପଦକ୍ଷେପ-

- ଦିଲ୍ଲୀ ପୋଲିସର ସମସ୍ତ ଥାନାରେ ମହିଳା ଙ୍କ ପାଇଁ ୨୪ଘଂଟା ହେଲ୍ପ ଡେସ୍କ ଖୋଲାଥାଏ । ଏଠାରେ ୨୪ ଘଂଟା ଜଣେ ମହିଳା ପୋଲିସ କାର୍ଯ୍ୟରତ ଥାଆନ୍ତି ।

- ସୀମା ବିବାଦ ଶେଷ ହେବା ପରେ ପୀଡିତାମାନେ ଏବେ ଯେକୌଣସି ଥାନରେ ନିଜ ଅଭିଯୋଗ ରୁଜୁ କରିପାରିବେ । 

- ମହିଳାଙ୍କ ଅଭିଯୋଗ ପାଇଁ ମହିଳା ପୋଲିସ ମାମଲା ରୁଜୁ କରିଥାନ୍ତି ।

- ମହିଳାଙ୍କ ସୁରକ୍ଷା ପାଇଁ ଗାର୍ଲସ କଲେଜ ଓ ସ୍କୁଲ ଆଗରେ ପିସିଆର ଭ୍ୟାନର ବ୍ୟବସ୍ଥା ସହିତ ମହିଳାଙ୍କ ପାଇଁ ୧୦ଟି ୱିମେନ ପିସିଆରର ଶୁଭାରମ୍ଭ କରାଯାଇଛି । ଏଥିରେ କେବଳ ମହିଳା ପୋଲିସ କର୍ମଚାରୀ ନିଯୁକ୍ତ ଅଛନ୍ତି ।

- ହିମ୍ମତ ନାମକ ଆପଲିକେସନର ଶୁଭାରମ୍ଭ କରାଯାଇଛି । ଏହି ଆପରୁ ଯେତେବେଳେ ଚାହିବେ ମହିଳାମାନେ ସାହାଯ୍ୟ ନେଇପାରିବେ।

        </description>
      </item>
      <item>
        <title>
           ଛତିଶଗଡ଼ର ନାବାଳିକା କେନ୍ଦୁଝରରୁ ଉଦ୍ଧାର, ମାର୍ଶାଘାଇରେ ବିଧବାକୁ ଗଣ ଦୁଷ୍କର୍ମ
        </title>
        <link>
           http://khabarodisha.com/Woman/minor-girl-rescued-at-telkoi-44889
        </link>
        <guid>
           http://khabarodisha.com/Woman/minor-girl-rescued-at-telkoi-44889
        </guid>
        <pubDate>
           Sun, 16 Dec 2018 10:23:28 GMT
        </pubDate>
        <description>

କେନ୍ଦୁଝର ଜିଲ୍ଲା ତେଲକୋଇ ଜନସନପୁର ଗ୍ରାମ ନିକଟରୁ ଏକ ଜଙ୍ଗଲରୁ ଏକ ଅପହୃତ ନାବାଳିକାକୁ ଉଦ୍ଧାର କରାଯାଇଛି । ସଂପୃକ୍ତ ନାବାଳିକାଙ୍କ ଘର ଛତିଶଗଡ଼ର ବୋଲି ଜଣାପଡ଼ିଛି । ନାବାଳିକାଙ୍କୁ ଉଦ୍ଧାର କରାଯାଇଛି ଚାଇଲ୍ଡ ଲାଇନ୍‌କୁ ହସ୍ତାନ୍ତର କରାଯାଇଛି । 

ଉତ୍ତର ପ୍ରଦେଶର ଜଣେ ଡ୍ରାଇଭର ଛତିଗଡ଼ରୁ ନାବାଳିକାକୁ ଅପହରଣ କରି ନେଇଆସିଥିଲା । ବିଭିନ୍ନ ସ୍ଥାନରେ ରଖି ଶାରୀରିକ ନିର୍ଯାତନା ସହ ବାରମ୍ବାର ଦୁଷ୍କର୍ମ କରୁଥିଲା । ଗତକାଲି ତେଲକୋଇ ଜନସନପୁର ଗାଁ ନିକଟ ଜଙ୍ଗଲରେ ରଖି ମାଡ଼ ମାରୁଥିବା ସମୟରେ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏହା ପରେ ପୋଲିସକୁ ଖବର ଦେଇଥିଲେ । ପୋଲିସ ନାବାଳିକାକୁ ଉଦ୍ଧାର କରିବା ସହିତ ଚାଇଲ୍ଡ ଲାଇନକୁ ପଠାଇଛି । ସଂପୃକ୍ତ ଡ୍ରାଇଭରକୁ ଗିରଫ କରାଯାଇଛି ପୋଲିସ ଅଧିକ ତଦନ୍ତ ଜାରି ରଖିଛି । 

ଅନ୍ୟପକ୍ଷରେ କେନ୍ଦ୍ରାପଡା ଜିଲ୍ଲା ମର୍ଶାଘାଇ ଥାନା ଅଚଂଳରେ ଏକ ନିନ୍ଦନୀୟ ଘଟଣା ଘଟିଛି । ଗତକାଲି ଜଣେ ବିଧବା ମହିଳାଙ୍କୁ  ୬ଜଣ ଦୁର୍ବୃତ୍ତ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ବଳାତ୍କାର ପରେ ମହିଳାଙ୍କୁ ରାସ୍ତା କଡରେ ମୁର୍ମୂଷୁ ଅବସ୍ଥାରେ ଫିଙ୍ଗି ଦେଇ ଫେରାର ହୋଇଯାଇଛନ୍ତି । ପରକୀୟା ପ୍ରୀତିକୁ ସନ୍ଦେହ କରି ଗଣଦୁଷ୍କର୍ମ ହୋଇଥିବା ଅଭିଯୋଗ କରାଯାଇଛି । ଅଭିଯୋଗ ପରେ ମର୍ଶାଘାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।   

        </description>
      </item>
      <item>
        <title>
           ରାଜ୍ୟରେ ଲଜ୍ଜା: ବଳାତ୍କାରର ଶୀକାର ହେଲେ ବିଧବା ବୃଦ୍ଧା ଓ ଦେଢ଼ ବର୍ଷର ଶିଶୁକନ୍ୟା
        </title>
        <link>
           http://khabarodisha.com/Woman/two-rape-cases-in-one-day-44697
        </link>
        <guid>
           http://khabarodisha.com/Woman/two-rape-cases-in-one-day-44697
        </guid>
        <pubDate>
           Wed, 12 Dec 2018 13:34:02 GMT
        </pubDate>
        <description>

ରାଜ୍ୟରେ ଗୋଟିଏ ଦିନରେ ଦୁଇ ଦୁଇଟି ସ୍ଥାନରେ ବଳାତ୍କାର ଭଳି ସଙ୍ଗୀନ ମାମଲା ଆସିଛି । ଦୁଇଟି ଘଟଣା ଛାତି ଥରାଇ ଦେଉଛି । ବାଲେଶ୍ୱରରେ ଜଣେ ବିଧବା ବୃଦ୍ଧାକୁ ଦୁଷ୍କର୍ମ କରାଯାଇଥିବାବେଳେ ବାଲିଗୁଡ଼ାରେ ଏକ ଦେଢ଼ ବର୍ଷର ନିଷ୍ପାପ ଶିଶୁ ବଳାତ୍କାରର ଶୀକାର ହୋଇଛି । 

ବାଲେଶ୍ୱର ସୋର ଖୁରକୁଣୀ ଗାଁରେ ଜଣେ ବିଧବା ବୃଦ୍ଧାଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଜଣେ ଯୁବକ ଘରେ ପଶି ଭୁଜାଲି ଦେଖାଇ ଅସହାୟ ବୃଦ୍ଧାଙ୍କୁ ବଳାତ୍କାର କରିଛନ୍ତି । ଲୋକ ଲଜ୍ଜା ଭୟରେ ମହିଳା ଜଣକୁ ଆତ୍ମହତ୍ୟା ଉଦ୍ୟମ କରିବାବେଳେ ତାଙ୍କୁ ଉଦ୍ଧାର କରାଯାଇଛି । ପୋଲିସ ଏହି ମାମଲାରେ ଅଭିଯୁକ୍ତ ଯୁବକଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି । 

ସେହିପରି କନ୍ଧମାଳ ଜିଲ୍ଲା ବାଲିଗୁଡାରେ ଜଣେ ଦେଢ଼ ବର୍ଷର ଶିଶୁକନ୍ୟା ଦୁଷ୍କର୍ମର ଶିକାର ହୋଇଛି । ଶିଶୁକନ୍ୟାଟିକୁ ବରଖମା ଜଂଗଲରୁ ମୁମୁର୍ଷୁ ଅବସ୍ଥାରେ ଉଦ୍ଧାର କରାଯାଇଛି । ଗୁରୁତର ଅବସ୍ଥାରେ ଫୁଲବାଣୀ ମେଡିକାଲରେ ଭର୍ତି କରାଯାଇଛି । ଜଣେ ସଂପର୍କୀୟ ଦାଦା ଏଭଳି କରିଥିବା ପରିବାର ଲୋକ ବାଲିଗୁଡ଼ା ଥାନାରେ ଅଭିଯୋଗ କରିଛନ୍ତି । ଅଭିଯୁକ୍ତ ଦାଦାକୁ ପୋଲିସ ଅଟକ ରଖି ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।

        </description>
      </item>
      <item>
        <title>
           ଦୁଷ୍କର୍ମ ପୀଡ଼ିତାଙ୍କୁ କରାଯାଉଛି ଅଭିଯୁକ୍ତ ଭଳି ବ୍ୟବହାର, ୱାନ୍‌ ଷ୍ଟପ୍‌ ସେଣ୍ଟର୍‌ ଖୋଲିବାକୁ କେନ୍ଦ୍ର ଓ ରାଜ୍ୟଙ୍କୁ ନିର୍ଦ୍ଦେଶ
        </title>
        <link>
           http://khabarodisha.com/Woman/SC-directs-to-all-state-to-set-up-on-one-stop-centre-for-rape-victim-44645
        </link>
        <guid>
           http://khabarodisha.com/Woman/SC-directs-to-all-state-to-set-up-on-one-stop-centre-for-rape-victim-44645
        </guid>
        <pubDate>
           Tue, 11 Dec 2018 14:12:09 GMT
        </pubDate>
        <description>

ଦେଶରେ ଦୁଷ୍କର୍ମ ଭଳି ଜଘନ୍ୟ ଘଟଣା ଧିରେ ବଢ଼ି ବଢ଼ି ଚାଲିଛି । କିନ୍ତୁ ଅଭିଯୁକ୍ତମାନେ ମୁଣ୍ଡ ଟେକି ବୁଲୁଥିବାବେଳେ ନ୍ୟାୟ ପାଇବା ପରେ ମଧ୍ୟ ପୀଡ଼ିତା ପାଇଁ ସମାଜରେ ବଞ୍ଚିବା କଷ୍ଟକର ହୋଇପଡ଼ୁଛି । ପୀଡ଼ିତାମାନଙ୍କୁ ବିଭିନ୍ନ ଲାଞ୍ଛନା ସହିତ ସାମାଜିକ ବାସନ୍ଦ ମଧ୍ୟ କରି ଦିଆଯାଉଛି । ତେଣୁ ଏଭଳି ପିଡ଼ୀତାମାନଙ୍କ ପାଇଁ ସମସ୍ତ ରାଜ୍ୟର ପ୍ରତି ଜିଲ୍ଲାରେ ଏକ ‘ୱାନ୍‌ ଷ୍ଟପ୍‌ ସେଣ୍ଟର୍‌’ (ଓଏସ୍‌ପି) ଖୋଲାଯିବ । ସେଠାରେ ଏ ସମ୍ବନ୍ଧୀୟ ମାମଲାଗୁଡ଼ିକର ସମାଧାନ କରାଯିବା ସହିତ ପୀଡ଼ିତାଙ୍କୁ ପୁର୍ନବାର ବାସ କରିବାକୁ ବ୍ୟବସ୍ଥା ମଧ୍ୟ କରାଯିବ । ଆଜି ସୁପ୍ରିମକୋର୍ଟ ଏ ସମ୍ପର୍କିତ ମାମଲାର ଶୁଣାଣୀ କରି ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । 

ସର୍ବୋଚ୍ଚ ନ୍ୟାୟଳୟ ଏଭଳି ସଙ୍ଗୀନ ଘଟଣାରେ ଅତ୍ୟନ୍ତ ଦୁଃଖ ପ୍ରକାଶ କରିଛନ୍ତି । କୋର୍ଟ କହିଛନ୍ତି ଯେ ସାମାଜିକ ଚିନ୍ତାଧାରାକୁ ବଦଳାଇବାକୁ ପଡ଼ିବ । ଏଠାରେ ପୀଡ଼ିତାକୁ ଅଭିଯୁକ୍ତ ଭଳି ବ୍ୟବହାର କରାଯାଉଛି । ସେମାନଙ୍କୁ ସମାଜିକ ବହିଷ୍କାରର ସାମ୍ନା କରିବାକୁ ପଡ଼ୁଛି । ଏଭଳି ଚନ୍ତାଧାରାରେ ପରିବର୍ତ୍ତିନ ହେବା ଅତ୍ୟନ୍ତ ଜରୁରୀ । ତେବେ ଏସବୁଥିରୁ ସେମାନଙ୍କୁ ରକ୍ଷା କରିବାକୁ କୋର୍ଟ କେନ୍ଦ୍ର ଓ ରାଜ୍ୟ ସରକାରଙ୍କୁ ସମେତ କେନ୍ଦ୍ର ଶାସିତ ଅଂଚଳଗୁଡ଼ିକର ସମସ୍ତ ଜିଲ୍ଲାରେ ଓଏସ୍‌ପି ଖୋଲିବାକୁ ନିର୍ଦ୍ଦେଶ ଦେଇଛନ୍ତି । ଏଠାରେ ବଳାତ୍କାରମାମଲା ଗୁଡ଼ିକର ସମାଧାନ କରାଯିବ ବୋଲି ପୀଡ଼ିତାମାନଙ୍କୁ ପୁନର୍ବାସ ପାଇଁ ବ୍ୟବସ୍ଥା କରାଯିବ । 

ଏହା ପୀଡ଼ିତାଙ୍କ ନାମ କିମ୍ବା ଫଟୋ କୌଣସି ପରିସ୍ଥିତିରେ ଯେପରି ସାର୍ବଜନୀନ ନ ହୁଏ ସେଥିପ୍ରତି ଧ୍ୟାନ ଦେବାକୁ ପୋଲିସ ଓ ଗଣମାଧ୍ୟମକୁ କଡ଼ା ନିର୍ଦ୍ଦେଶ ଦେଇଛନ୍ତି । 

        </description>
      </item>
      <item>
        <title>
           ଗୋଟିଏ ଦିନରେ ଜଳିଲା ପୁଣି ଯୌତୁକ ନିଆଁ, ଗର୍ଭବତୀ ବୋହୁକୁ ହତ୍ୟା
        </title>
        <link>
           http://khabarodisha.com/Woman/pregenent-lady-killed-by-mother-in-laws-44174
        </link>
        <guid>
           http://khabarodisha.com/Woman/pregenent-lady-killed-by-mother-in-laws-44174
        </guid>
        <pubDate>
           Mon, 03 Dec 2018 12:23:33 GMT
        </pubDate>
        <description>

ଯାଜପୁର, ଡିସେମ୍ବର ୨(ଖବର ଓଡିଶା): କେନ୍ଦ୍ରାପଡ଼ା ପରେ ପୁଣି ଥରେ ଆଜି ଗୋଟିଏ ଦିନରେ ଆଉ ଗୋଟିଏ ଯୌତୁକ ଜନିତ ବଧୂ ହତ୍ୟା ଅଭିଯୋଗ ଆସିଛି । ଯାଜପୁର ଜିଲ୍ଲା ଟାଉନ ଥାନା ଅନ୍ତର୍ଗତ ହାବେଳୀ ବଜାରରେ ଏହି ଅଭାବନୀୟ କାଣ୍ଡ ହୋଇଛି । ଯୌତୁକ ପାଇଁ ଶାଶୂ ଘର ଲୋକେ ଗର୍ଭବତୀ ବୋହୁ ପୋଡ଼ି ମାରିଦେଇଥିବା ଅଭିଯୋଗ ହୋଇଛି । ମୃତ ବୋହୁ ସୁଚିସ୍ମିତା ସାହୁ । 

ଟାଉନ ଥାନା ଅର୍ନ୍ତଗତ ହାବେଳୀ ବଜାରର ଅନିରୁଦ୍ଧ ସାହୁଙ୍କୁ ପ୍ରେମ ବିବାହ କରିଥିଲେ ସୁଚିସ୍ମିତା ସାହୁ । ୭ ମାସ ପୂର୍ବେ ପରିବାର ଲୋକଙ୍କ ବିରୋଧରେ ଯାଇ ଉଭୟ ପ୍ରେମ ବିବାହ ବନ୍ଧନରେ ବାନ୍ଧି ହୋଇଥିଲେ । ବିବାହ କେଇଟା ଦିନ ପରେ ଆରମ୍ଭ ହୋଇଯାଇଥିଲା ଶାଶୂ ଘର ଲୋକଙ୍କ ଯୌତୁକ ନିର୍ଯ୍ୟାତନା । ଏହା ମଧ୍ୟରେ ସୁଚିସ୍ମିତା ୫ ମାସର ଗର୍ଭବତୀ ଥିଲେ, ତଥାପି ଶାଶୂ ଘର ଲୋକଙ୍କ ଅତ୍ୟାଚାର କମି ନ ଥିଲା । ଦିନକୁ ଦିନ ନିର୍ଯାତନା ବଢିବାରେ ଲାଗିଥିଲା । ଗତ କାଲି ରାତିରେ ସୁଚିସ୍ମିତାଙ୍କୁ ଶାଶୂ ଘର ଲୋକେ କିରୋସିନି ଢ଼ାଳି ପୋଡ଼ି ମାରି ଦେଇଛନ୍ତି । ଏନେଇ ଅଭିଯୋଗ କରିଛନ୍ତି ମୃତକଙ୍କ ବାପା । ସୁଚିସ୍ମିତାଙ୍କ ବାପାଙ୍କ ଅଭିଯୋଗ କ୍ରମେ ଶାଶୂ ଘର ଲୋକଙ୍କୁ ଅଟକ ରଖି ପଚରାଉଚରା କରି ଘଟଣାର ତଦନ୍ତ ଆରମ୍ଭ କରିଛି ଯାଜପୁର ଟାଉନ ଥାନା ପୋଲିସ । 

ଏଠାରେ ଉଲ୍ଲେଖ ଯୋଗ୍ୟ, ଗତକାଲି ରାତିରେ କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଥାନା ବାଲିସୁଆଁ ଗ୍ରାମରେ ଯୌତୁକ ପାଇଁ ବୋହୁକୁ ଶାଶୁ ଓ ତିନି ନଣନ୍ଦ ପୋଡ଼ି ମାରି ଦେଇଥିବା ଅଭିଯୋଗ ହୋଇଛି । 

        </description>
      </item>
      <item>
        <title>
           ଯୌତୁକ ନିଆଁରେ ବୋହୁ: ହାତ ଗୋଡ଼ ବାନ୍ଧି ଜୀଅନ୍ତା ଜାଳିଦେଲେ ଶାଶୁ ଓ ନଣନ୍ଦ
        </title>
        <link>
           http://khabarodisha.com/Woman/again-dowry-death-at-balisuan-in-kendrapada-44170
        </link>
        <guid>
           http://khabarodisha.com/Woman/again-dowry-death-at-balisuan-in-kendrapada-44170
        </guid>
        <pubDate>
           Mon, 03 Dec 2018 10:24:58 GMT
        </pubDate>
        <description>

ପୁଣି ଥରେ ଯୌତୁକ ଜୁଇରେ ଶୋଇଛନ୍ତି ଜଣେ ବଧୂ । ଯୌତୁକ ଦେଇ ନ ପାରିବାରୁ ହାତ ଗୋଡ଼ ବାନ୍ଧି ବୋହୁକୁ ଜୀଅନ୍ତା ଜାଳି ଦେଇଛନ୍ତି ଶାଶୁ ଓ ନଣନ୍ଦ । ଘଟଣାଟି ଘଟିଛି କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଥାନା ଅନ୍ତର୍ଗତ ବାଲିସୁଆଁ ଗ୍ରାମରେ । ଏହି ଘଟଣାରେ ସଂପୃକି ଥିବା ଅଭିଯୋଗରେ ଶାଶୁ ଓ ନଣନ୍ଦଙ୍କୁ ଅଟକ ରଖି ପୋଲିସ ପଚରାଉଚରା କରୁଛି । 

ସୂଚନାନୁସାରେ, ଗତ ୪ ବର୍ଷ ତଳେ ନିଶାମଣୀ ସାହୁଙ୍କ ପୁଅ ନିର୍ମଳ ସାହୁଙ୍କ ସହିତ ଭାରତୀ ସ୍ୱାଇଁଙ୍କର ବିବାହ ହୋଇଥିଲା । ତାଙ୍କର ଏକ ଝିଅ ମଧ୍ୟ ଅଛି । ସ୍ୱାମୀ ନିର୍ମଳ ବେଙ୍ଗାଲୁରୁରେ କାମ କରନ୍ତି । କିନ୍ତୁ ଯୌତୁକ ଭଳି ବ୍ୟାଧିରୁ ସିଏ ରକ୍ଷା ପାଇ ନ ଥିଲେ । ଶାଶୁ ଓ ତିନି ନଣନ୍ଦଙ୍କ ନିର୍ଯ୍ୟାତନା ବଢ଼ି ଚାଲିଥିଲା ।  ଏ ନେଇ ବାରମ୍ବାର ଥାନାରେ ଅଭିଯୋଗ ସହିତ ସମସ୍ୟା ସମାଧାନ ମଧ୍ୟ କରାଯାଇଥିଲା । କିନ୍ତୁ ପୁଣି ଗତ ତିନି ତଳେ ଭାରତୀଙ୍କ ସହିତ ତାଙ୍କର ଝଗଡ଼ା ହୋଇଥିଲା । ସମସ୍ତେ ତାଙ୍କୁ ଘରୁ ବାହାର କରି ଦେବାକୁ ଚେଷ୍ଟା କରୁଥିଲେ । ତେବେ ଗତକାଲି ରାତିରେ ଏହା ଚରମ ସୀମାରେ ପହଁଚିଥିଲା । ମା’ ଓ ଝିଅମାନେ ମିଶି ତାଙ୍କ ହାତ ଗୋଡ଼ ବାନ୍ଧି ଦେବା ସହିତ କିରୋସିନି ଢାଳି ନିଆଁ ଲଗାଇ ଦେଇଥିଲେ ।  ପଡ଼ୋଶୀମାନେ ଆସି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ନିକଟ ମେଡ଼କାଲରେ ଭର୍ତ୍ତି କରିଥିଲେ । ପରେ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ତାଙ୍କର ଶରୀର ୮୦ ପ୍ରତିଶତ ଅଂଶ ପୋଡ଼ି ଯାଇଥିଲା । ତେବେ ସେଠାରେ ସେ ସିଏ ଚିକିତ୍ସାଧୀନ ଅବସ୍ଥା ପ୍ରାଣ ହରାଇଛନ୍ତି । 

ମୃତ୍ୟୁ ପୂର୍ବରୁ ଭାରତୀ ନିଜର ବୟାନରେ କହିଛନ୍ତି ଯେ ତାଙ୍କୁ ଶାଶୂ ଓ ୩ ନଣନ୍ଦ ମାରିବାକୁ ଉଦ୍ୟମ କରିଥିଲେ । କିନ୍ତୁ ଘଟଣା ସମୟରେ ସ୍ୱାମୀ ଘରେ ନ ଥିବାବେଳେ ଶ୍ୱଶୁରଙ୍କର କିଛି ସଂପୃକ୍ତି ନ ଥିଲା ବୋଲି ସେ କହିଛନ୍ତି । ଏହା ସହିତ ତାଙ୍କ ପରିବାର ଲୋକ ଯୌତୁକ ଜନିତ ହତ୍ୟାକାଣ୍ଡ ବୋଲି ଥାନାରେ ଏତଲା ଦେଇଛନ୍ତି । ଭାରତୀଙ୍କ ବୟାନ ଆଧାରରେ ମର୍ଶାଘାଇ ଥାନା ପୋଲିସ ଶାଶୂ ଓ ୩ ନଣନ୍ଦଙ୍କୁ ଅଟକ ରଖି ପଚରାଉଚୁରା ଆରମ୍ଭ କରିଛି । 

        </description>
      </item>
   </rss>
 </channel>