<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ବ୍ଲାକରୋଜ ବୁଡି ଘଟଣାକୁ ପୁରିଲା ୯ ବର୍ଷ, ଚେର ଖୋଜୁଛି ସିବିଆଇ, ଚର୍ଚ୍ଚାରେ ସୂର୍ଯ୍ୟ ପ୍ରକାଶ ଓ ବଳବନ୍ତରାୟ, ଚେର ଲମ୍ବିଛି ତୃତୀୟ ମହଲାକୁ
        </title>
        <link>
           http://khabarodisha.com/Village/Black-Rose-Ship-Row-39420
        </link>
        <guid>
           http://khabarodisha.com/Village/Black-Rose-Ship-Row-39420
        </guid>
        <pubDate>
           Mon, 10 Sep 2018 13:12:04 GMT
        </pubDate>
        <description>

ପାରାଦ୍ୱୀପ ବନ୍ଦର ନିକଟ ସମୁଦ୍ରରେ ବୁଡି ରହିଥିବା ବ୍ଲାକରୋଜ ଜାହଜ ବୁଡି ଘଟଣାକୁ ପୁରିଲା ୯ ବର୍ଷ  । ତେବେ ଏଯାଏଁ ଏହି ରହସ୍ୟ ଉପରୁ ଉଠିଲାନି ପରଦା  । ଘଟଣାର ସିବିଆଇ ତଦନ୍ତ ଆରମ୍ଭ ହୋଇଥିବା ବେଳେ ଅଭିଯୁକ୍ତ କେବେ ଧରାପଡିବେ ଏହାକୁ ନେଇ ସାଧାରଣରେ ଉଠିଛି ପ୍ରଶ୍ନ  । ଏପରିକି ଏହି ଘଟଣା ପଛରେ ଶାସକ ବିଜେଡି ଦଳର ବିଧାୟକଙ୍କ ପରିବାର ସମ୍ପୃକ୍ତି ରହିଥିବା ବେଳେ ଏହାର ଚେର ତୃତୀୟ ମହଲାକୁ ଲମ୍ବିଥିବା ବିଗତ ଦିନରେ ବିଭିନ୍ନ ସମୟରେ ଅଭିଯୋଗ ହୋଇଆସୁଛି  ।  

ଗତ ୨୦୦୯ ମସିହା ସେପ୍ଟମ୍ବର ମାସରେ ମଙ୍ଗୋଲିଆର ମାଲପରିବହନ କାରୀ ଜାହଡ ବୁଡିଥିଲା ପାରାଦ୍ୱୀପରେ  । ଏପରିକି ଜାହଜରୁ ବିପୁଳ ତେଲ ନିର୍ଗତ ହେବାଫଳରେ ଏହାକୁ ନେଇ ଲୋକମାନଙ୍କ ମଧ୍ୟରେ ଦେଖାଦେଇଥିଲା ଭୟର ବାତାବରଣ  । ବିପୁଳ ଟଙ୍କା ଖର୍ଚ୍ଚ କରାଯାଇ ଜାହଜରୁ ତେଲ ବାହାର କରାଯାଇଥିଲେ ମଧ୍ୟ ଏଯାଏଁ ଜାହଜରେ ଥିବା ଲୁହାପଥରକୁ ବାହର କରାଯାଇନାହିଁ  । ଏପରିକି ଜାହଜଟି ଏବେବି ଦେଖାଯାଉଥିବା କଥା ସ୍ଥାନୀୟବାସୀ କହୁଛନ୍ତି  । ହେଲେ ଜାହଜଟି କାହାର କିଏ ଏଥିରେ ଲୁହାପଥର ନେଇଥିଲା ଏହାର କୌଣସି ଖବର ଏବେବି ସୁଦ୍ଧା ଜନମାନସକୁ ଆସିଲାନାହିଁ  । ଏପରିକି ଏହାପଛରେ ଶାସକ ବିଜେଡି ଦଳ ଯାଜପୁର ଜିଲାର ଦୁଇଜଣ ବିଧାୟକଙ୍କ ପରିବାରର ସଦସ୍ୟ ମାନେ ସମ୍ପୃକ୍ତ ଥିବା ହେତୁ ସରକାର ଏହି ମାମଲାକୁ ଚାପି ଦେଇଥିଲେ ବୋଲି ବିଭିନ୍ନ ସମୟରେ ସାଧାରଣରେ ଅଭିଯୋଗ ହୋଇ ଆସୁଥିଲା । ଏବେ ନିକଟରେ ସିବିଆଇ ତଦନ୍ତ ଆରମ୍ଭ ହୋଇଛି  । ତେବେ ସିବିଆଇ ତଦନ୍ତ ଉପରେ ଏବେ ସମସ୍ତଙ୍କ ନଜର ରହିଛି  । ଚେର ଖୋଜିବାରେ ସିବିଆଇ ସମର୍ଥ ହେବ ତ ଏହାକୁ ନେଇ ନାନାପ୍ରଶ୍ନ ସାଧାରଣରେ ଉଙ୍କି ମାରିବାରେ ଲାଗିଛି  ।

ବିଶେଷ କରି ବ୍ଲାକରୋଜ ବୁଡି ଘଟଣାରେ ସିବିଆଇ ତଦନ୍ତ ଆରମ୍ଭ ହେବାପର ଠାରୁ ବିଜେଡିକୁ ଟାର୍ଗେଟ କରିଥିଲା ବିଜେପି  । ସେପଟେ ଏହି ଘଟଣା ପଛରେ ଯେଉଁ ସୂର୍ଯ୍ୟପ୍ରକାଶ ଦାସଙ୍କ କଥା ଚର୍ଚ୍ଚାକୁ ଆସିଛି ସେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ଭାଇ ବୋଲି ବିଜେପି ଅଭିଯୋଗ କରିଆସୁଛି । ଏପରି ସୂର୍ଯ୍ୟପ୍ରକାଶଙ୍କ ଗାଡିରେ ମୁଖ୍ୟମନ୍ତ୍ରୀ ବସି ବୁଲିଥିବାର ଅଭିଯୋଗ ମଧ୍ୟ ବିଜେପି କରିଥିଲା  ।

ଏଠାରେ ସୂଚନାଯୋଗ୍ୟ ଯେ, ୨୦୦୯ ମସିହାରେ ବ୍ଲାକରୋଜ ଜାହଜ ବୁଡି ଘଟଣାକୁ ନେଇ ସିବିଆଇ ତଦନ୍ତ କରିବା ଜାହଜ ଚଳାଚଳ ମନ୍ତ୍ରଣାଳୟ ସିବିଆଇକୁ ଚିଠି ଲେଖିବା ପରେ ଏବେ ସିବିଆଇ ତଦନ୍ତ ଆରମ୍ଭ ହୋଇଛି  । 

ଏସବୁ ମଧ୍ୟରେ ଯାଜପୁର ଲିଙ୍କ ରହିଥିବା ଖବର ବିରୋଧୀ କଂଗ୍ରେସ ଓ ବିଜେପି ନେତା ଅଭିଯୋଗ ଆଣିସାରିଛନ୍ତି  । ସେପଟେ ସୂର୍ଯ୍ୟପ୍ରକାଶଙ୍କ ସହ ବଳବନ୍ତରାୟଙ୍କ ନାଁ ମଧ୍ୟ ଚର୍ଚ୍ଚା ଘେରରେ  । କିଏ ସେ ବଳବନ୍ତରାୟ  । ସୂର୍ଯ୍ୟପ୍ରକାଶ ଓ ବଳବନ୍ତରାୟଙ୍କର କଣ ଏକାଠି ବ୍ୟବସାୟ ରହିଥିଲା କି ଏ ସବୁ ନାନା ପ୍ରଶ୍ନ ସାଧାରଣରେ ଉଙ୍କି ମାରିବାରେ ଲାଗିଛି  । କୁହାଯାଉଛି ଶତାଦ୍ଧୀର ମହାଦୁର୍ନୀତି କୁହାଯାଉଥିବା ଖଣି ଦୁର୍ନୀତି ଘଟଣା ପଦାକୁ ଆସିଥିଲା  । ତେଣୁ ବ୍ଲାକରୋଜ ବୁଡି ସହ ଖଣି ଦୁର୍ନୀତିରେ ସମ୍ପର୍କ ଥାଇପାରେ ବୋଲି ଏବେ ପାରାଦୀପ ଓ ଯାଜପୁର ଅଞ୍ଚଳରେ ଚର୍ଚ୍ଚାର ବିଷୟ ସାଜିଛି  ।

ସେପଟେ ସୂର୍ଯ୍ୟପ୍ରକାଶ ଦାସଙ୍କ ସହ ମୁଖ୍ୟମନ୍ତ୍ରୀଙ୍କର ରହିଥିବା ସମ୍ପର୍କ ଏବେ ମୁଖ୍ୟ ଚର୍ଚ୍ଚାର ବିଷୟ ପାଲଟିଛି  । ଏପରିକି ମୁଖ୍ୟମନ୍ତ୍ରୀ ତାଙ୍କ ଗାଡିରେ ବସି ବୁଲିଥିବା ନେଇ ଗଣମାଧ୍ୟମରେ ଖବର ପ୍ରକାଶ ମଧ୍ୟ ପାଇଛି  । ତାହାହେଲେ ସେ ସୂର୍ଯ୍ୟପ୍ରକାଶ କଣ ଏତେ ପାୱାରଫୁଲ  । ମୁଖ୍ୟମନ୍ତ୍ରୀଙ୍କ ସହ ତାଙ୍କର ସମ୍ପର୍କ ରହିଛି  । ଏହାର ଚେର ତୃତୀୟ ମହଲା ଯାଏଁ ନିଶ୍ଚିତ ଥିବ ବୋଲି ସାଧାରଣରେ ଆଲୋଚନା ହେଉଛି  । ତେବେ ସିବିଆଇ ତଦନ୍ତ ରିପୋର୍ଟ ଆସିଲେ କ୍ଷୀର କ୍ଷୀର ଓ ପାଣି ପାଣି ହୋଇଯିବ ବୋଲି ବୁଦ୍ଧିଜୀବି ମହଲରେ ଆଲୋଚନା ହେଉଛି  । ତେବେ ଏହି ଘଟଣାକୁ ୯ବର୍ଷ ବିତିଯାଇଥିବା ବେଳେ ବିଳମ୍ବରେ ସିବିଆଇ ତଦନ୍ତ ଆରମ୍ଭ ହୋଇଥିବା ବେଳେ ଅଭିଯୁକ୍ତ କେବେ ଧରାପଡୁଛନ୍ତି ଏହା ଉପରେ ରହିଛି ଏବେ ସମସ୍ତଙ୍କ ନଜର  । 

        </description>
      </item>
      <item>
        <title>
           ନିର୍ବାଚନ ପୁର୍ବରୁ ମନେପଡିଲା ପଶ୍ଚିମ ଓଡିଶା ହାଇକୋର୍ଟ ବେଂଚ, ୨୦୧୪ ନିର୍ବାଚନ ପୁର୍ବରୁ ଲେଖିଥିଲେ ଚିଠି, ପୁଣି ଲେଖିଲେ ୨୦୧୯ ପୁର୍ବରୁ
        </title>
        <link>
           http://khabarodisha.com/Village/Western-Odisha-High-Court-Bench-39247
        </link>
        <guid>
           http://khabarodisha.com/Village/Western-Odisha-High-Court-Bench-39247
        </guid>
        <pubDate>
           Fri, 07 Sep 2018 14:00:44 GMT
        </pubDate>
        <description>

ନିର୍ବାଚନ ଆସିଲେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାରେ ହାଇକୋର୍ଟ ବେଂଚ ପ୍ରତିଷ୍ଠା କଥା ମନେପକାଉଛନ୍ତି କି ? ୨୦୧୪ ନିର୍ବାଚନ ପୁର୍ବରୁ ୨୦୧୩ ମସିହା ସେପ୍ଟେମ୍ବର ଓ ୨୦୧୪ ଫେବୃୟାରୀରେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାର ହାଇକୋର୍ଟର ବେଂଚ ପ୍ରତିଷ୍ଠା ହେଉ ବୋଲି କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । ୨୦୧୪ ରୁ ଆସି ୨୦୧୮ ହେଲାଣି । ଆଉ ମାସ କେଇଟା ପରେ ନିର୍ବାଚନ । ନିର୍ବାଚନର ଠିକ ପୁର୍ବରୁ ପୁଣି ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କୁ ଚିଠି ଲେଖିଛନ୍ତି । ୨୦୧୪ ପରେ ମୁଖ୍ୟମନ୍ତ୍ରୀ ଏହି ପ୍ରସଙ୍ଗକୁ ସମ୍ପୃର୍ଣ୍ଣ ଭାବେ ଭୁଲିଯାଇଥିଲେ । ଏପରିକି ୨୦୧୪ ପରେ ମୁଖ୍ୟମନ୍ତ୍ରୀ ଆଉ କେନ୍ଦ୍ର ସରକାରଙ୍କୁ ଆଉ କୌଣସି ଚିଠି ଦେଇନଥିଲେ କି ରାଜ୍ୟ ସରକାରଙ୍କ ତରଫରୁ କୌଣସି ବିଧିବଦ୍ଧ ସମ୍ପୃର୍ଣ୍ଣ ପ୍ରସ୍ତାବ କେନ୍ଦ୍ର ସରକାରଙ୍କୁ ଦେଇନାହାନ୍ତି । ଆଉ ଏବେ ପୁଣି ଦୀର୍ଘ ୪ ବର୍ଷ ପରେ ହଠାତ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ବିଧାନ ପରିଷଦ ପାଇଁ ମୁଖ୍ୟମନ୍ତ୍ରୀ ଯେତିକି ତତ୍ପର ଯଦି ସେତିକି ଆନ୍ତରିକତା ପଶ୍ଚିମ ଓଡିଶା ହାଇକୋର୍ଟ ପ୍ରତିଷ୍ଠା ପାଇଁ ଦେଖାଇ ଥାଆନ୍ତେ ହୁଏତ ଏତିକି ବେଳକୁ ପଶ୍ଚିମ ଓଡିଶାରେ ହାଇକୋର୍ଟ ବେଂଚ ପ୍ରତିଷ୍ଠା ହୋଇସାରନ୍ତଣି । 

ଦେଶର ଅନ୍ୟ ରାଜ୍ୟରେ ଯେଉଁଠିବି ହାଇକୋର୍ଟ ବେଂଚ ପ୍ରତିଷ୍ଠା ହୋଇଛି ସେହି ସବୁ ରାଜ୍ୟମାନେ କେନ୍ଦ୍ର ସରକାରଙ୍କୁ ଏକ ବିଧିବଦ୍ଧ ଏବଂ ସମ୍ପୃର୍ଣ୍ଣ ପ୍ରସ୍ତାବ ଦେଇଛନ୍ତି ଏବଂ ଏହା ପରେ ଯାଇକି ବେଂଚ ପ୍ରତିଷ୍ଠା ହୋଇପାରିଛି । ହେଲେ ଏବେ ସୁଦ୍ଧା ରାଜ୍ୟ ସରକାର କେବଳ ଚିଠି ଲେଖିବା ଛଡା ଆଉ କିଛି କରିନାହାନ୍ତି । 

ରାଜ୍ୟସଭାରେ ସାଂସଦ ପ୍ରସନ୍ନ ଆଚାର୍ଯ୍ୟଙ୍କ ପ୍ରଶ୍ନର ଉତ୍ତରରେ କେନ୍ଦ୍ର ଆଇନ ମନ୍ତ୍ରୀ ଏକଥା ସ୍ପଷ୍ଟ କରିଛନ୍ତି । ହାଇକୋର୍ଟ ବେଂଚ ପ୍ରତିଷ୍ଠା ପାଇଁ ଏକ ପୁରା ବିସ୍ତୃତ ପ୍ରସ୍ତାବ ଦେବା ପରେ କେନ୍ଦ୍ର ସରକାର ଏହା ପ୍ରତିଷ୍ଠା କରିବା ଦିଗରେ ଆଗେଇବେ ବୋଲି ଉଲ୍ଲେଖ୍ୟ କରଛନ୍ତି । ହେଲେ ଏହା ପରେ ରାଜ୍ୟ ସରକାର ପୁରା ବିସ୍ତୃତ ପ୍ରସ୍ତାବ ଦେବା ବଦଳରେ ମୁଖ୍ୟମନ୍ତ୍ରୀ ପୁଣି ଚିଠି ଲେଖିଛନ୍ତି । 

ସତରେ ରାଜ୍ୟ ସରକାର ପଶ୍ଚିମ ଓଡିଶା ଓ ଦକ୍ଷିଣ ଓଡିଶାରେ ରେ ହାଇକୋର୍ଟ ବେଂଚ ପ୍ରତିଷ୍ଠା ହେବା କଥା ଚାହୁଛନ୍ତି ନା କେବଳ ଏକ ରାଜନୈତିକ ମୁଦ୍ଧା କରି ଏହି ପ୍ରସଙ୍ଗକୁ ବଂଚାଇ ରଖିବାକୁ ଚାହୁଛନ୍ତି ତାହା ଏବେ ପଶ୍ଚିମ ଓଡିଶା ଏବଂ ଦକ୍ଷିଣ ଓଡିଶା ଲୋକଙ୍କ ମନରେ ସନ୍ଦେହ ହେଲାଣି ।

ପଶ୍ଚିମ ଓଡିଶାରେ ହାଇକୋର୍ଟ ପ୍ରତିଷ୍ଠା ଦାବି ବହୁତ ପୁରୁଣା । କେବଳ ପଶ୍ଚିମ ଓଡିଶା ନୁହେଁ ଦକ୍ଷିଣ ଓଡିଶାରେ ମଧ୍ୟ ହାଇକୋର୍ଟ ପ୍ରତିଷ୍ଠା ପାଇଁ ଯର୍ଥାଥତା ଅଛି । କଟକ ଠାରୁ ଏହି ଜିଲ୍ଲା ମାନଙ୍କର ଦୂରତା ଅଧୀକ ହୋଇଥୀବା କାରଣରୁ ଯଦି ସେହି ସ୍ଥାନରେ ହାଇକୋର୍ଟ ବେଂଚ ପ୍ରତିଷ୍ଠା ହୁଅନ୍ତା ତାହେଲେ ପଶ୍ଚିମ ଓଡିଶା ଓ ଦକ୍ଷିଣ ଓଡିଶାବାସୀଙ୍କର ସମସ୍ୟା ଯାଆନ୍ତା । 

        </description>
      </item>
      <item>
        <title>
           ମହାରାଷ୍ଟ୍ରର ନିଆରା ଗାଁ, ଯେଉଁଠି ଶିକ୍ଷକଙ୍କୁ ଗୁରୁଦକ୍ଷିଣା ଭାବେ ଦିଆଯାଇଥାଏ କାର
        </title>
        <link>
           http://khabarodisha.com/Village/This-villagers-give-a-car-to-teacher-for-gift-38811
        </link>
        <guid>
           http://khabarodisha.com/Village/This-villagers-give-a-car-to-teacher-for-gift-38811
        </guid>
        <pubDate>
           Sat, 01 Sep 2018 15:32:08 GMT
        </pubDate>
        <description>

ମହାରାଷ୍ଟ୍ର ଶିରୁର ବ୍ଲକର ପିପଲେ ଖାଲସା ଗାଁରେ ଜିଲ୍ଲା ପରିଷଦ ସ୍କୁଲର ଜଣେ ଶିକ୍ଷୟତ୍ରୀଙ୍କୁ ଗ୍ରାମବାସୀ ନିଆରା ଗୁରୁଦକ୍ଷିଣା ଦେଇଛନ୍ତି । ଶିକ୍ଷୟତ୍ରୀ ଲଳିତା ଧୁମଲଙ୍କୁ ଗାଁର ଲୋକେ ଉପହାର ସ୍ୱରୂପ ଏକ କାର ଭେଟି ଦେଇଛନ୍ତି ।

ପ୍ରକୃତରେ, ଲଳିତାଙ୍କ ପ୍ରୟାସରେ ପାଠ ପଢି ଗାଁର ୧୯ ଜଣ ଶିଶୁ ସରକାରୀ ଛାତ୍ର ବୃତ୍ତି ପରୀକ୍ଷାରେ ସଫଳତା ପାଇଥିଲେ । ଅଗଷ୍ଟ ୧୦ରେ ଏହାର ଫଳ ପ୍ରକାଶ ପାଇବା ପରେ ଗ୍ରାମବାସୀ ଏକାଠି ହୋଇ ଶିକ୍ଷୟତ୍ରୀଙ୍କୁ ସମ୍ବର୍ଦ୍ଦନା ସହିତ ଏକ କାର ଉପହାର ଦେଇଛନ୍ତି । ଲଳିତା କହିଛନ୍ତି ଯେ ଏହି ଗାଁରେ ଅଭିଭାବକମାନେ ପିଲାଙ୍କ ପାଠ ପଢା ପ୍ରତି ଅଧିକ ସଚେତନ । ଶିକ୍ଷକଙ୍କ ଶ୍ରମ ଅନୁଯାୟୀ ଲୋକେ ପୁରସ୍କୃତ କରାଇଥାନ୍ତି । ପ୍ରତିବର୍ଷ କୌଣସି ନା କୌଣସି ଶିକ୍ଷକଙ୍କୁ ଗ୍ରାମବାସୀ ସମ୍ବର୍ଦ୍ଦିତ ଓ ପୁରସ୍କୃତ କରାଇବା ପରମ୍ପରା ଏହି ଗାଁରେ ପ୍ରଚଳିତ । ଗତ ବର୍ଷ ଏଠାରୁ ୨୧ ଜଣ ଛାତ୍ରଛାତ୍ରୀ ପଂଚମଶ୍ରେଣୀ ଛାତ୍ର ବୃତ୍ତି ପାଇଥିଲେ । ସ୍କୁଲ ଅଧ୍ୟକ୍ଷ ଜ୍ଞାନେଶ୍ୱର ଧୁମଲ କହନ୍ତି ଏହି ସ୍କୁଲର ବିକାଶ ପାଇଁ ଗ୍ରାମବାସୀ ବିଗତ ୫ ବର୍ଷରେ ୧କୋଟି ଟଙ୍କା ଖର୍ଚ୍ଚ କରିଛନ୍ତି । 

        </description>
      </item>
      <item>
        <title>
           ପ୍ରଥା ଆଗରେ ବନ୍ଧା ପଡ଼ିଛି ବିଶ୍ୱାସ : ଦେବୀ ମାଙ୍କୁ ମାନି ଗାଁରେ ଛାତ ଘର ତିଆରି ମନା
        </title>
        <link>
           http://khabarodisha.com/Village/Village-where-concrete-slab-absent-in-all-house-38591
        </link>
        <guid>
           http://khabarodisha.com/Village/Village-where-concrete-slab-absent-in-all-house-38591
        </guid>
        <pubDate>
           Tue, 28 Aug 2018 12:39:18 GMT
        </pubDate>
        <description>

 ଏହି ବ୍ଲକ ତଥା ବନ୍ଧପଡ଼ା ପଂଚାୟତ ଅନ୍ତର୍ଗତ ବେଲାଦୁଲା ଓ ଫକୀରପୁର ଗ୍ରାମର ପରମ୍ପରା ଅନେକଙ୍କୁ ବିସ୍ମିତ କରାଇଥାଏ । ଗ୍ରାମର ଦେବୀ ମାଙ୍କୁ  ମାନି ୨୦୦ ବର୍ଷ ଧରି ଲୋକେ ଛାତ ଘର ନିର୍ମାଣ ଠାରୁ ଦୂରେଇ ରହିଛନ୍ତି ।

 ଗ୍ରାମବାସୀଙ୍କ ଏହି ବିଶ୍ୱାସକୁ ସମ୍ମାନ ଜଣାଇ ସରକାରୀ କୋଠାଗୁଡ଼ିକ ମଧ୍ୟ କଂକ୍ରିଟ ଛାତ ବଦଳରେ ଟାଇଲ, ଟିଣ, ଆଜବେଷ୍ଟସରେ କରାଯାଉଛି । ସ୍ୱଚ୍ଛଭାରତ ମିଶନର ଶୌଚାଳୟ ହେଉ କି ଇନ୍ଦିରା ଆବାସ, ବିଜୁ ପକ୍କାଘର ଓ ପ୍ରଧାନମନ୍ତ୍ରୀ ଆବାସ ହେଉ ଏଠାରେ ଏସବୁ ସରକାରୀ କୋଠା ଟାଇଲରେ ତିଆରି ହେଉଛି ।

ବେଲାଦୁଲା ଗାଁର ଆରାଧ୍ୟ ଦେବୀ ହେଉଛନ୍ତି ମା ରକ୍ତ ମାଉଳି । ମାର୍ଗଶୀର ଗୁରୁବାର ଦିନ କୁକୁଡ଼ା ବଳି ଖାଉଥିବା ମା ରକ୍ତ ମାଉଳି ସମସ୍ତଙ୍କ ଡ଼ାକ ଶୁଣନ୍ତି, ମନସ୍ମାମନା ପୂର୍ଣ୍ଣ କରନ୍ତି ବୋଲି ଗ୍ରାମବାସୀଙ୍କ ବିଶ୍ୱାସ । ଏକଦା ମା ଦେହୁରୀକୁ ସ୍ୱପ୍ନାଦେଶ ଦେଇ କୋଠାଘର ନିର୍ମାଣ କରିବନି ବୋଲି ନିର୍ଦ୍ଦେଶ ଦେଇଥିଲେ । ଏବେ ୨୦୦ ବର୍ଷ ବିତିଲାଣି କିନ୍ତୁ ଲୋକେ ସ୍ୱପ୍ନାଦେଶକୁ ଭୁଲିନାହାନ୍ତି । 

        </description>
      </item>
      <item>
        <title>
           ଦେବଗଡ଼ ଜିଲ୍ଲାର ଅଖ୍ୟାତ ଗାଁ ଆଜି ବିଖ୍ୟାତ, ଯେଉଁଠୁ ସବୁଦିନ ସକାଳୁ ଶୁଭେ ଜାତୀୟ ସଂଗୀତ
        </title>
        <link>
           http://khabarodisha.com/Village/Inque-village-of-debgarh-37883
        </link>
        <guid>
           http://khabarodisha.com/Village/Inque-village-of-debgarh-37883
        </guid>
        <pubDate>
           Wed, 15 Aug 2018 10:13:52 GMT
        </pubDate>
        <description>

 ଆଜି ପଲ୍ଲୀ ଠାରୁ ଦିଲ୍ଲୀ ଯାଏ ଜାତୀୟ ସଂଗୀତର ଧୁନରେ ଭାରତବାସୀ ନିଜର ସ୍ୱର ତୋଳିଥିବାବେଳେ ଦେବଗଡ଼ର କୀର୍ତ୍ତନ ପଲ୍ଲୀ ପାଇଁ ବିଶେଷ କିଛି ଫରକ ପଡ଼ିନି । କାରଣ ବର୍ଷକୁ କେବଳ ଆଜିର ଗୋଟିଏ ଦିନ ପାଇଁ ନୁହେଁ ଏହି ଗାଁରେ ବର୍ଷର ୩୬୫ ଦିନ ଜାତୀୟ ପତାକା ଉତ୍ତୋଳନ ଓ ଜାତୀୟ ସଂଗୀତ ଗାନ ହୋଇଥାଏ ।

ସ୍ୱଚ୍ଛ ଭାରତ ଯୋଜନାରେ ସାମିଲ ହୋଇ ସମ୍ପୂର୍ଣ୍ଣ ପରିମଳର ଚିତ୍ର ତୋଳିଥିବା କୀର୍ତ୍ତନ ପଲୀ ରିଆମାଳ ବ୍ଲକର ଏକ ଚାଷୀ ବହୁଳ ଗାଁ । ଏହି ଗାଁର ଚାଷୀମାନେ ପାଳି କରି ଜଙ୍ଗଲ ସୁରକ୍ଷାରେ ନିୟୋଜିତ ରହିଥାନ୍ତି । ପ୍ରତ୍ୟହ ସକାଳ ପାହିଲେ ଗାଁର ଏକ ସର୍ବସାଧାରଣ ମଣ୍ଡପ ସମ୍ମୁଖରେ ଲୋକେ ଏକାଠି ହୁଅନ୍ତି । ବନ ସୁରକ୍ଷା କମିଟି ସଦସ୍ୟମାନେ ଘଣ୍ଟ ବଜାଇ ଲୋକଙ୍କୁ ସୂଚନା ଦେଇଥାନ୍ତି ।

ଡ଼ାକବାଜି ଯନ୍ତ୍ର ସାହାର୍ଯ୍ୟରେ ଜାତୀୟ ସଂଗୀତ ବାଜେ । ଏହି ଗାନ ବୋଲାଯିବା ମାତ୍ରେ ଯିଏ ଯେଉଁଠି ଥାଆନ୍ତି ମୂର୍ତ୍ତି ପରି ସେଠାରେ ଠିଆ ହୋଇ ରହନ୍ତି । ଗାଁ ଲୋକେ ଚାନ୍ଦା କରି ମାଇକ କିଣିଛନ୍ତି । ୧୫ ହଜାର ଟଙ୍କା ଖର୍ଚ୍ଚ କରି ଗାନ୍ଧୀଙ୍କ ଅବୟବ ଓ ତିନି ମାଙ୍କଡ଼ର ମୂର୍ତ୍ତି ସ୍ଥାପନା କରିଛନ୍ତି । ଗାନ୍ଧୀଙ୍କ ସ୍ୱଚ୍ଛ ଭାରତ ବାଣୀକୁ ଅନୁସରଣ କରି ପୁରସ୍କୃତ ହେବା ପରେ ଏହି ଗ୍ରାମବାସୀଙ୍କ ମନରେ ଜାଗିଛି ଦେଶ ପ୍ରେମର ବହ୍ନି ।

        </description>
      </item>
      <item>
        <title>
           ସ୍କିଲ ମ୍ୟୁଜିୟମର ଉଦଘାଟନ କଲେ ମୁଖ୍ୟମନ୍ତ୍ରୀ
        </title>
        <link>
           http://khabarodisha.com/Village/-37132
        </link>
        <guid>
           http://khabarodisha.com/Village/-37132
        </guid>
        <pubDate>
           Sat, 04 Aug 2018 13:48:33 GMT
        </pubDate>
        <description>

ରାଜ୍ୟ ଯୁବ ପ୍ରତିଭାମାନଙ୍କ ମଧ୍ୟରେ ଦକ୍ଷତା ବିକାଶ କରିବାକୁ ରାଜ୍ୟ ସରକାର ଆଉ ଏକ ପାଦେ ଆଗେଇଛନ୍ତି । ଆଜି କଟକ ଖପୁରିଆସ୍ଥିତ ସରକାରୀ ଆଇଟିଆଇ କେନ୍ଦ୍ର ପରିସରରେ ନିର୍ମିତ ହୋଇଥିବା ସ୍କିଲ ମ୍ୟୁଜିୟମକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ମ୍ୟୁଜିୟମ ପ୍ରାଚୀନ ଦକ୍ଷତା ଆଧୁନିକ ଦକ୍ଷତା ସହ ଯୋଡ଼ିବା ସହିତ ଭବିଷ୍ୟତ ଦକ୍ଷତାକୁ ମଧ୍ୟ ଆଗକୁ ବଢ଼ାଇବ ବୋଲି ଲୋକାର୍ପଣ ଅବସରରେ ମୁଖ୍ୟମନ୍ତ୍ରୀ କହିଛନ୍ତି । 

ଏହା ରାଜ୍ୟ ଓ ଦେଶର ପ୍ରଥମ ସ୍କିଲ ମ୍ୟୁଜିୟମ ବୋଲି କୁହାଯାଉଛି । ଆଇ.ଟି.ଆଇ ଛାତ୍ରଛାତ୍ରୀଙ୍କ ପାଇଁ ଏହା ପ୍ରେରଣା ଦାୟକ ହେବା ସହ ଡିଜାଇନ ତଥା ବୈଷୟିକ ଦକ୍ଷତା ପ୍ରଦର୍ଶନ କରିବାରେ ଅଦ୍ୱିତୀୟ ସ୍ଥାନ ଗ୍ରହଣ କରିବାର ଆଶା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । 

ଏହା ସହିତ କଟକ ଆଚାର୍ୟ୍ୟ ହରିହର କର୍କଟ ଚିକିତ୍ସା କେନ୍ଦ୍ରରେ ମାମୋଗ୍ରାଫି ମେସିନ୍‌ର ଶୁଭାରମ୍ଭ କରିଛନ୍ତି । ଏହି ମେସିନ୍‌ ସ୍ତନ କର୍କଟ ଚିକିତ୍ସା କ୍ଷେତ୍ରରେ ବେଶ ସହାୟକ ହେବ । ଏହାକୁ ସୁସ୍ମିତା ବାଗଚୀ ପ୍ରଦାନ କରିଛନ୍ତି । ସେଥିପାଇଁ ମୁଖ୍ୟମନ୍ତ୍ରୀ ସୁସ୍ମିତା ବାଗଚୀ ଓ ସୁବ୍ରତ ବାଗଚୀଙ୍କୁ ଧନ୍ୟବାଦ ଜଣାଇଛନ୍ତି । 

        </description>
      </item>
      <item>
        <title>
           ଅନ୍ଧାରରେ କଳାହାଣ୍ଡି ! ଆଲୁଅ ଦେଖି ନାହାଁନ୍ତି ୧୦୦ରୁ ଅଧିକ ଗ୍ରାମବାସୀ
        </title>
        <link>
           http://khabarodisha.com/Village/People-Lives-in-No-Electricity-35291
        </link>
        <guid>
           http://khabarodisha.com/Village/People-Lives-in-No-Electricity-35291
        </guid>
        <pubDate>
           Thu, 05 Jul 2018 22:10:02 GMT
        </pubDate>
        <description>

ଦେଶର ସମୁଦାୟ ୩.୩୧ କୋଟି ଘର ଆଜି ବି ଅନ୍ଧାରରେ ଥିବା ବେଳେ ପ୍ରଧାନମନ୍ତ୍ରୀ ୩୧ ଡିସେମ୍ବର ୨୦୧୮ ତାରିଖ ମଧ୍ୟରେ ଦେଶର ସମସ୍ତ ଘରକୁ ବିଜୁଳି ପହଂଚାଇବାକୁ ଯୋଜନା କରିଛନ୍ତି। ଏପରି ସ୍ଥିତିରେ ଓଡିଶାର ବହୁ ଅପହଞ୍ଚ ଗ୍ରାମ ଏବେ ବି ଅନ୍ଧାରରେ ରହିଥିବା ବେଳେ କେବଳ କଳାହାଣ୍ଡି ଜିଲ୍ଲାରେ ୧୦୦ରୁ ଅଧିକ ଗ୍ରାମରେ ବିଜୁଳି ପହଂଚିନଥିବା ରାଜ୍ୟ ସରକାରଙ୍କ କାର୍ଯ୍ୟପନ୍ଥାକୁ କାଠଗଡାରେ ଛିଡା କରିଛି ।

ବିଧାନସଭାରୁ ମିଳିଥିବା ତଥ୍ୟ ଅନୁସାରେ କେବଳ ଲାଞ୍ଜିଗଡ ନିର୍ବାଚନ ମଣ୍ଡଳୀର ୭୧ଟି ଗ୍ରାମକୁ ବିଜୁଳି ପହଚିଂ ନଥିବା ବେଳେ ସମୁଦାୟ କଳାହାଣ୍ଡି ଜିଲ୍ଲାରେ ୧୦୦ରୁ ଅଧିକ ଗ୍ରାମ ଅନ୍ଧାରରେ ଥିବା ଅନୁମାନ କରାଯାଉଛି। ଲାଞ୍ଜିଗଡ ବ୍ଲକର ନିୟମଗିରି ପାଦଦେଶରେ ଥିବା ତ୍ରିଲୋଚନପୁର ପଂଚାୟତର ଅଧିକାଂଶ ଗ୍ରାମକୁ ରାସ୍ତା ଓ ଆଲୁଅ ପହଂଚି ନଥିବା ବେଳେ କନ୍ଧମାଳ ଜିଲ୍ଲା ସୀମାବର୍ତି ପଂଚାୟତ ଭୁର୍ଟିଗଡର ୫ଟି ଗାଁ ଲଣ୍ଠନରେ ଜୀବନ ବିତାଉଛନ୍ତି।

ଗତ ଡିସେମ୍ବର ୧ ତାରିଖରେ ଶକ୍ତି ମନ୍ତ୍ରୀ ପ୍ରଫୁଲ ମଲ୍ଲିକ ୨୦୧୭-୧୮ ସୁଦ୍ଧା ସମସ୍ତ ଗ୍ରାମକୁ ବିଜୁଳି ସଂଯୋଗ କରାଯିବ ବୋଲି ଉତର ରଖିଥିବା ବେଳେ ୬ ମାସ ବିତି ଯାଇଥିଲେ ସୁଦ୍ଧା କୌଣସି ଆଖିଦୃଶିଆ କାମ ଆରମ୍ଭ ହୋଇନଥିବା କେବିକେ ଅଂଚଳ ପ୍ରତି ସରକାରଙ୍କ କୁମ୍ଭୀର କାନ୍ଦଣାକୁ ପଦାରେ ପକାଇଛି । ଅନୁନ୍ନତ ଅଂଚଳରୁ ଭୋଟ ହାତେଇବାରେ ରାଜ୍ୟ ସରକାର ପ୍ରବୀଣ ହୋଇଥିବା ବେଳେ ପଛୁଆ ଅଂଚଳ ପ୍ରତି ଉଦାସୀନ ମନୋଭାବ ସାଧାରଣ ଜନତାଙ୍କ ମନରେ ବହୁ ପ୍ରଶ୍ନବାଚୀ ସୃଷ୍ଟି କରିଛି । 

        </description>
      </item>
      <item>
        <title>
           ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ଲୋକପ୍ରତିନିଧୀ-ଠିକାଦାରଙ୍କ ଦାଦାଗିରି, ଦୁର୍ନୀତି ସାମ୍ନାକୁ ଆଣିବାରୁ ସାମ୍ବାଦିକଙ୍କୁ ଆକ୍ରମଣ
        </title>
        <link>
           http://khabarodisha.com/Village/Chief-Minister-Assembly-Constituency-Journalist-Attacked-35146
        </link>
        <guid>
           http://khabarodisha.com/Village/Chief-Minister-Assembly-Constituency-Journalist-Attacked-35146
        </guid>
        <pubDate>
           Tue, 03 Jul 2018 18:06:41 GMT
        </pubDate>
        <description>

 ଗଂଜାମ, (ଖବର ଓଡିଶା) - ମୁଖ୍ୟମନ୍ତ୍ରୀଙ୍କ ନିଜ ନିର୍ବାଚନ ମଣ୍ଡଳୀରେ ବଢୁଛି ଠିକାଦାର ଏବଂ ଲୋକପ୍ରତିନିଧୀଙ୍କ ଦାଦାଗିରି । ବିଭିନ୍ନ ଯୋଜନାରେ ରାସ୍ତା, ବନ୍ଧ, କଲ୍ୟାଣ ମଣ୍ଡପ ଆଦି ନିର୍ମାଣ ପାଇଁ ଆସୁଥିବା କୋଟି କୋଟି ଟଙ୍କାକୁ ଚଳୁ କରୁଛନ୍ତି ଏହି ଠିକାଦାରମାନେ । ଯଦି ଏହି ଦୁର୍ନୀତିକୁ ଗଣମାଧ୍ୟମ ପ୍ରକାଶ କରୁଛି ଆଉ ଲୋକଲୋଚନକୁ ଆଣୁଛି ତାହେଲେ ଏହା ଉପରେ ହେଉଛି ମରଣାନ୍ତକ ଆକ୍ରମଣ ।

ଘଟଣା ଘଟିଛି ହିଜିଂଳି ନିର୍ବାଚନ ମଣ୍ଡଳି ଅନ୍ତର୍ଗତ ନନ୍ଦିକ ଗ୍ରାମ ପଞ୍ଚାୟତରେ । ମହାତ୍ମାଗାନ୍ଧୀ ଜାତୀୟ ନିଶ୍ଚିତ କର୍ମ ନିଯୁକ୍ତି ଯୋଜନାରେ ହେଉଥିବା ଏକ କେନାଲ କାମରେ ହୋଇଛି ବ୍ୟାପକ ଦୁର୍ନୀତି । ଏମଜିନରେଗା ନିୟମ ଅନୁସାରେ ସମସ୍ତ କାମରେ ସୂଚନା ଫଳକ ଲାଗିବା ବାଧ୍ୟତାମୁଳକ ଏବଂ ସୂଚନା ଫଳକରେ କାର୍ୟ୍ୟ ଆରମ୍ଭ ତାରିଖ ଏବଂ ଅଟକଳ ମୁଲ୍ୟ ଏସବୁ ରହିବ । ହେଲେ ସେହି କେନାଲ କାମରେ ସେସବୁର ଖୋଲା ଉଲଙ୍ଘନ କରାଯାଇଛି । ଅତି ନିମ୍ନମାନର କାମ ହେଉଥିବାରୁ ସ୍ଥାନିୟ ଗ୍ରାମବାସୀମାନେ ବାରମ୍ବାର ଅଭିଯୋଗ କରିଆସୁଛନ୍ତି । ହେଲେ ଏହାକୁ ଖାତିର ନକରି ଠିକାଦାର କାମ କରୁଥିଲେ ।

ବାରମ୍ବାର ଅଭିଯୋଗ କଲେ ମଧ୍ୟ କୈଣସି ସରକାରି ଅଫିସର କର୍ଣ୍ଣପାତ ନକରିବାର ଗଣମାଧ୍ୟମ ପ୍ରତିନିଧୀ ମାନେ ଯାଇଥିଲେ ଖବର ସଂଗ୍ରହ କରିବାକୁ । ଖବର ସଂଗ୍ରହ କଲାବେଳେ ସ୍ଥାନିୟ ସରପଂଚ ତାଙ୍କୁ ଧମକ ଚମକ ଦେଇଥିଲେ । ଏହାପରଦିନ ରାତିରେ ଖବର ସଂଗ୍ରହ କରିବାକୁ ଯାଇଥିବା ସାମ୍ବାଦିକଙ୍କ ଭିତରୁ ଜଣେ ସାମ୍ବାଦିକ, ଶତ୍ରୁଘ୍ନ ସାସମଲ ରହୁଥିବା ଭଡାଘରେ ମାରଣାସ୍ତ୍ର ଧରି ୫ ରୁ ୬ ଜଣ ଦୁର୍ବୁତ୍ତ ରାତି ଅଧରେ ଆକ୍ରମଣ କରିଥିଲେ । ଗ୍ରିଲ ଭାଙ୍ଗି ତାଙ୍କୁ ହତ୍ୟା କରିବାକୁ ଉଦ୍ୟମ କରିଥିଲେ । ଏ ନେଇ ସାମ୍ବାଦିକ ଜଣକ ପାଟି କରିବାରୁ ସ୍ଥାନୀୟ ଗାଁ ଲୋକେ ଦୌଡ଼ି ଆସିବାରୁ ଦୁର୍ବୁତ୍ତମାନେ ସେଠାରୁ ଖସି ପଳାଇବାରେ ସଫଳ ହୋଇଥିଲେ । ପରେ ସାମ୍ବାଦିକ ଜଣକ ଏନେଇ ଥାନାରେ ଲିଖିତ ଅଭିଯୋଗ କରିଥିଲେ ମଧ୍ୟ ପୋଲିସ ପ୍ରଶାସନ ଏଯାବତ ଦୋଷୀଙ୍କ ବିରୋଧରେ କୌଣସି କାର୍ୟ୍ୟାନୁଷ୍ଠାନ ଗ୍ରହଣ କଲେନାହିଁ ।
ଏହାପରେ ପୁଣି ସେହି ଦୁବୁର୍ତମାନେ ସେହି ସାମ୍ବାଦିକଙ୍କୁ ପୁଣି ଟାର୍ଗେଟ କରିଥିଲେ । ସେ ଖବର ସଂଗ୍ରହ କରିବାକୁ ଅନ୍ୟଆଡେ ଯାଉଥିଲାବେଳେ ତାଙ୍କୁ ମରଣାନ୍ତକ  ଆକ୍ରମଣ କରି ତାଙ୍କ ଗାଡିକୁ ଭାଙ୍ଗି ଦେଇଛନ୍ତି । ସେ ରକ୍ତାତ ଅବସ୍ଥାରେ ଆସି ଡାକ୍ତରଖାନାରେ ଚିକିସ୍ତ୍ରା ହେଉଛନ୍ତି । ଏ ସମ୍ପର୍କରେ ସେ ପୋଲିସରେ ଏତାଲା ଦେଇଥିଲା ବେଳେ ପୋଲିସ ଏବେ ସୁଦ୍ଧା କାହାକୁ ଗିରଫ କରିନାହିଁ । ମାଡ ମାରିଥିବା ସମ୍ପୃକ୍ତ ସରପଂଚ ଏବଂ ସମ୍ପୃକ୍ତ ଠିକାଦାର ବିଜୁ ଜନତା ଦଳର ସମର୍ଥିତ ବୋଲି ଜଣାପଡିଛି ।

        </description>
      </item>
      <item>
        <title>
           ନନାଙ୍କ ସନ୍ଧ୍ୟାରେ ସନ୍ଧ୍ୟା ! ମୋଦି କେୟାରକୁ ନବୀନ କେୟାର କରି ଚର୍ଚ୍ଚାରେ ମୁଖ୍ୟମନ୍ତ୍ରୀ
        </title>
        <link>
           http://khabarodisha.com/Village/Biju-Swasthy-Kalyana-Yojana-Ayusman-Bharat-Naveen-Modi-33951
        </link>
        <guid>
           http://khabarodisha.com/Village/Biju-Swasthy-Kalyana-Yojana-Ayusman-Bharat-Naveen-Modi-33951
        </guid>
        <pubDate>
           Wed, 13 Jun 2018 16:51:28 GMT
        </pubDate>
        <description>

 ଭୁବନେଶ୍ବର, ୧୩ ଜୁନ (ଖବର ଓଡିଶା)-ପ୍ରଥମ ଟଙ୍କିକିଆ ଚାଉଳ, ୧୦୮ ଆମ୍ବୁଲାନସ, ପ୍ରଧାନମନ୍ତ୍ରୀ ଆବାସ ଯୋଜନା ଏବେ ଆୟୁଷ୍ମାନ ଯୋଜନାକୁ ନିଜ ନାଁରେ ପ୍ରଚାର କରି ଚର୍ଚ୍ଚାକୁ ଆସିଛନ୍ତି ରାଜ୍ୟ ମୁଖ୍ୟମନ୍ତ୍ରୀ  । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ନାଁରେ ଆରମ୍ଭ କରିଥିବା ଯୋଜନା ଆୟୁଷ୍ମାନ ଯୋଜନାକୁ ହଡପ କରିବା ପାଇଁ ଉଦ୍ୟମ ବୋଲି ବିରୋଧୀ ବିଜେପି ଅଭିଯୋଗ କରିଛି  । ପୂର୍ବରୁ ପ୍ରଧାନମନ୍ତ୍ରୀ ଓଡିଶାର ୪୮ ଲକ୍ଷ ପରିବାରକୁ ବାର୍ଷିକ ୫ ଲକ୍ଷ ଟଙ୍କାର ସ୍ବାସ୍ଥ୍ୟବୀମା ଯୋଜନାରେ ସାମିଲ କରି ସାରିଥିବା ବେଳେ ରାଜ୍ୟ ସରକାରଙ୍କ ଏହି ଘୋଷଣାକୁ ନେଇ ଏବେ ବଡ ପ୍ରଶ୍ନ ସୃଷ୍ଟି ହୋଇଛି  । ଏପରିକି ମୋଦି କେୟାରକୁ ହଡପ କରି ମୁ୍ଖ୍ୟମନ୍ତ୍ରୀ ନବୀନ କେୟାରରେ ପରିଣତ କରିବା ପାଇଁ ମସୁଧା ଚଳାଇଛନ୍ତି ବୋଲି ବିଜେପି କହିଛି  । ପରଧନରେ ମଙ୍ଗଳବାର ବ୍ରତ କଲାଭଳି ମୁଖ୍ୟମନ୍ତ୍ରୀଙ୍କର ଏହା ପୁରୁଣା ଅଭ୍ୟାସ ବୋଲି ବିରୋଧୀ ଦଳ ଗୁଡିକ ଏବେ କହୁଛନ୍ତି  । ମୁଖ୍ୟମନ୍ତ୍ରୀଙ୍କ ଏହିପରି କାମ ନନାଙ୍କ ସନ୍ଧ୍ୟାରେ ସନ୍ଧ୍ୟା କଲାଭଳି ବୋଲି ଏବେ ସାଧାରଣରେ ଚର୍ଚ୍ଚା ହେଉଛି  ।
ଦେଶର ଗରିବ ଲୋକଙ୍କ ପାଇଁ ପ୍ରଧାନମନ୍ତ୍ରୀ ଆୟୁଷ୍ମାନ ଭାରତ କାର୍ୟ୍ୟକ୍ରମ ଆରମ୍ଭ କରିଛନ୍ତି  । ଯାହାକି ସାରା ଦେଶର ୧୦ କୋଟି ଗରିବ ଓ ଦୁର୍ବଳ ପରିବାର ସ୍ବାସ୍ଥ୍ୟସେବା ପାଇପାରିବେ  । ଏହି କ୍ରମରେ ରାଜ୍ୟର ୪୮ ଲକ୍ଷ ପରିବାର ବାର୍ଷିକ ୫ ଲକ୍ଷ ଟଙ୍କା ପାଇପାରିବେ  । ପ୍ରଧାନମନ୍ତ୍ରୀଙ୍କୁ ଆୟୁଷ୍ମାନ ଭାରତ ଯୋଜନା ପରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଘୋଷଣା କରି ଏବେ ଚର୍ଚ୍ଚାରେ ରାଜ୍ୟ ମୁଖିଆ  । ଅଗଷ୍ଟ ୧୫ ତାରିଖରୁ ଏହି ସେବା ଆରମ୍ଭ ହେବ  ।

କେନ୍ଦ୍ରୀୟ ଯୋଜନାକୁ ନିଜ ନାଁରେ କରୁଥିବା ଅଭିଯୋଗରେ ଶାସକ ବିଜେଡି ଓ ବିରୋଧୀ ବିଜେପି ରାଜ୍ୟରେ ସବୁବେଳେ ମୁହାଁମୁହିଁ ହେଇଥିବା ବେଳେ ଏବେ ପୁଣି ସ୍ବାସ୍ଥ୍ୟ ବୀମା ଯୋଜନାକୁ ନେଇ ପୁଣି ଚର୍ଚ୍ଚା  ।

        </description>
      </item>
      <item>
        <title>
           ପର୍ଯ୍ୟଟନ ନୁହେଁ ଅବହେଳାର ପଦର୍ଶନି ପାଲଟିଛି ଅଂଶୁପା - କୁଆଡେ ଗଲା ରୋପେଓ, ନୌକା ବିହାର, ହରିଣ ପାର୍କର ପ୍ରତିଶୃତି
        </title>
        <link>
           http://khabarodisha.com/Village/Ansupa-Lake-Neglected-Mahanadi-Politics-33481
        </link>
        <guid>
           http://khabarodisha.com/Village/Ansupa-Lake-Neglected-Mahanadi-Politics-33481
        </guid>
        <pubDate>
           Tue, 05 Jun 2018 16:10:42 GMT
        </pubDate>
        <description>

 ମହାନଦୀକୁ ନେଇ ରାଜନୀତି ଜମିଆସୁଥିବାବେଳେ ମହାନଦୀରେ ଥିବା ଅନେକ ପ୍ରାକୃତିକ ଜଳଭଣ୍ଡାର ଆଜି ଅବହେଳିତ ହୋଇ ପଡିଛି । ସେମିତି ଏକ ହେଉଛି ଅଂଶୁପା ଯାହା ଏବେ ଘୋର ଅବହେଳାର ଶିକାର । 

ଓଡିଶାରେ ପର୍ଯ୍ୟଟନର ବିକାଶ ପାଇଁ ପ୍ରକୃତି ଆମ ରାଜ୍ୟକୁ ବହୁତ କିଛି ଦେଇଛି । ଓଡିଶାରେ ଏମିତି ବହୁତ ପ୍ରାକୃତିକ ସୌନ୍ଦର୍ଯ୍ୟପୁର୍ଣ୍ଣ ଯାଗା ଅଛି ଯାହାର ବିକାଶ ହେଲେ ତାହା ବିଦେଶର ସ୍ୱିଜରଲ୍ୟାଣ୍ଡ, ପ୍ୟାରିସ ବି ପଛରେ ପକାଇଦେବ । ସାରା ଗୋଆ ରାଜ୍ୟକୁ ଯେତିକି ବିଦେଶି ପର୍ଯ୍ୟଟକ ଯାଉଛନ୍ତି ଓଡିଶାର ଗୋଟିଏ ଗୋଟିଏ ପର୍ଯ୍ୟଟନ ସ୍ଥଳିକୁ ତାଠାରୁ ଅଧିକ ପର୍ଯ୍ୟଟକ ଆସି ପାରିବେ ।  ହେଲେ ସରକାରୀ ବିଫଳତା ଏବଂ ଆନ୍ତରିକତା ଅଭାବରୁ ଅନେକ ପର୍ଯ୍ୟଟକ ସ୍ଥଳି ଆଜିବି ବାହାର ଦୁନିଆର ଅଗୋଚରରେ ରହିଛି । ସେମିତି ଗୋଟିଏ ଯାଗା ହେଉଛି  ଅଂଶୁପା । 

ମହାନଦୀ ନଦୀ କୁଳରେ ଥିବା ଅଶୁଂପା ହେଉଛି ରାଜ୍ୟର ବୃହତମ ମଧୁର ହ୍ରଦ । ପ୍ରାକୃତିକ ସବୁଜିମାରେ ପରିପୃର୍ଣ୍ଣ ଏହି ପ୍ରାକୃତିକ ହ୍ରଦରେ ଅଛି ପାହାଡ, ପାଣି, ପକ୍ଷୀ ଏବଂ ଫୁଲର ଅପୁର୍ବ ମିଳନ । ହେଲେ ସରକାରୀ ଉଦାସିନତା ଏବଂ ଦୁର୍ନୀତି ପାଇଁ ଅଂଶୁପାର ବିକାଶ ଅଟକିଯାଇଛି । ଯତ୍ନ ଅଭାବରୁ ଅଂଶୁପା ହ୍ରଦର ଆକାର ୭୪୮ ଏକରରୁ ପୋତି ହୋଇ ଏବେ ୩୪୨ ଏକରରେ ସୀମିତ ହୋଇସାରିଲାଣି । ନିକଟସ୍ଥ ସରଣ୍ଡା ପାହାଡରୁ ମାଟି ଅତଡା ଖସି ଏହି ହ୍ରଦ ଦିନକୁ ଦିନକୁ ପୋତି ହେବାରେ ଲାଗିଛି । ଖାଲି ସେତିକି ନୁହେଁ ଯେଉଁ ଅଂଶୁପାରେ ଦିନେ କାତ ପାଉନଥିଲା ସେଠି ଏବେ ଦଳ ଏବଂ ଜଳଜ ଗୁଳ୍ମ ଭର୍ତୀ ହୋଇଯିବା କାରଣରୁ ଡଙ୍ଗା ଚାଲିପାରୁନାହିଁ । ଦିନେ ଅଂଶୁପାର ରୋହି ଭାକୁରରେ କଟକ ଏବଂ ଭୁବନେଶ୍ୱର ବାସିଙ୍କ ହାଣ୍ଡିଶାଳ ବାସୁଥିଲା ହେଲେ ଏବେ ଦଳ ଭର୍ତୀ ହୋଇଯିବା କାରଣରୁ ସେଠି ଜାଲ ପଡିପାରୁନାହିଁ ।

୨୦୦୮ ମସିହାରେ ଅଂଶୁପାର ବିକାଶ ପାଇଁ ରାଜ୍ୟ ସରକାର ଦେଇଥିଲେ ୬.୪୧ କୋଟି । ଯୋଜନା ଥିଲା ହ୍ରଦରେ ରୋପେଓ ନିର୍ମାଣ ହେବ, ନୌକା ବିହାର ସୁବିଧା, ଏକ ହସ୍ତଶିଳ୍ପ ବଜାରର ନିର୍ମାଣ, ହରିଣ ପାର୍କର ବିକାଶ କରାଯିବ । ହେଲେ ସେ ଅର୍ଥ କେଉଁଠି ଆଉ କେମିତି ଖର୍ଚ୍ଚ ହେଲା ତାହା ଅଂଶୁପା ବୁଲିଲେ ଜଣାପଡୁଛି । ନୌକା ବିହାର ଦୁରର କଥା ଏଠି ୨-୩ଟି ଫାଇବର ବୋଟ ପଡିଛି ହେଲେ ତାହା ଚାରିପଟେ ଏତେ ଦଳ ଅଛି ଯେ ତାହା ୨ ହାତବି ଚାଲିବା ସମ୍ଭବ ନୁହେଁ । ହରିଣ ପାର୍କର ଚିହ୍ନ ବର୍ଣ୍ଣ ନାହିଁ । ରୋପେଓ ଯୋଜନାର କିଛି ଚିହ୍ନ ବର୍ଣ୍ଣ ନାହିଁ । ସ୍ଥାନୀୟ ନେତା ଏବଂ ଠିକାଦାର ମଧୁଚନ୍ଦ୍ରିକାରେ କୋଟି କୋଟି ଟଙ୍କାକୁ ହରିଲୁଟ ହୋଇଥିବା ସ୍ପଷ୍ଟ ।

ଅଂଶୁପାକୁ ମହାନଦୀ ସହ ଯୋଡୁଥିବା ଦୁଇଟି ନାଳ ମୟୁରୀ ନାଳ ଏବଂ କାବୁଲା ନାଳର ଖନନ ପାଇଁ ବି ୨୦୧୦ ମସିହାରେ ୪ କୋଟି ଟଙ୍କା ବ୍ୟୟ ହୋଇଛି । ହେଲେ ଏହି ଦୁଇଟି ନାଳରେ ଏବେ ଏତେ ମାତ୍ରାରେ ଦଳ ଅଛି ଯେ ତାହା ଏକ ପଙ୍କୁଆ ଚାଷ ଜମି ଭଳି ଦେଖାଯାଉଛି । ନାଳ ଦୁଇଟିର ଜଳଧାରଣ କ୍ଷମତା ଏବେ ନାହିଁ କହିଲେ ଚଳେ । ସେଥିରେ ବି ବଡଧରଣର ଦୁର୍ନୀତି ହୋଇଥିବା କଥା ସାମାନାକୁ ଆସିଛି ।

୨୦୧୪ ମସିହାରେ ବି ଅଂଶୁପା ହ୍ରଦର ବିକାଶ ପାଇଁ ୮ କୋଟି ଟଙ୍କାରୁ ଅଧିକ ଟଙ୍କା ଖର୍ଚ୍ଚ ହୋଇଥିଲା । ଅଂଶୁପା ପାଖରେ ଏକ କ୍ୟାଫେଟେରିଆ, ବିଶ୍ରାମସ୍ଥଳି, ସାରଙ୍ଗଗଡରେ ପାନ୍ଥନିବାସ ଶୈଳିରେ ରାତ୍ର ରହଣି ସ୍ଥଳର ବିକାଶ ଆଦି ପାଇଁ ଆସିଥିଲା ଏହି ହ୍ରଦ । କ୍ୟାଫେଟେରିଆ, ବିଶ୍ରାମସ୍ଥଳିର ନିର୍ମାଣ କାମ ସରିନଥିବାବେଳେ ସାରଙ୍ଗଗଡରେ ଥିବା ପାନ୍ଥନିବାସର ନିର୍ମାଣ କାମ ସରି ଏବେ ସେଠାରେ ପର୍ଯ୍ୟଟକ ରହିବାର ସୁବିଧା ଅଛି । ହେଲେ ଅନ୍ୟାନ୍ୟ ଆନୁସଙ୍ଗିକ ସୁବିଧା ନଥିବା କାରଣରୁ ଏବଂ ରାତ୍ରିକୁ ୪୦୦୦ ଟଙ୍କା ଦେୟ ଦେବାକୁ ପଡୁଥିବାରୁ ଏଠାକୁ ଖୁବ କମ ପର୍ଯ୍ୟଟକ ଆସୁଥିବା ଜଣାପଡିଛି । ମାସକୁ ମାତ୍ର ୭ ରୁ ୮ ଟି ବୁକିଙ୍ଗ ହେଉଥିବା କଥା ସେଠି କାମକରୁଥିବା କେୟାର ଟେକର କହିଛନ୍ତି । 

୨୦୧୬ ମସିହାରେ ମହାନଦୀ ଉପରେ ଅଂଶୁପା ପାଖରେ ବ୍ରିଜ ହୋଇଯିବା କାରଣରୁ ଏବେ ଏଠାକୁ ଭୁବନେଶ୍ୱର ଏବଂ କଟକରୁ ଦୁରତା କମି ଯାଇଛି । ପର୍ଯ୍ୟଟକ ମାନେ ବ୍ୟାପକ ମାତ୍ରାରେ ଆସିବାର ସମ୍ଭାବନା ଥିବାବେଳେ ଅଂଶୁପାର ଅବ୍ୟବସ୍ଥା ଏଥିରେ ବାଧକ ସାଜିଛି ।

        </description>
      </item>
   </rss>
 </channel>