<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ସଙ୍କଟରେ ଗଜରାଜ: ପୁଣି ମୟୁରଭଞ୍ଜରେ ବିଦ୍ୟୁତ ଆଘାତରେ ଦନ୍ତା ମୃତ, ଆଠଗଡ଼ାରେ ହାତୀ ଶିକାରୀ ଗିରଫ
        </title>
        <link>
           http://khabarodisha.com/State/elephant-hunter-arrested-in-athagarh-43152
        </link>
        <guid>
           http://khabarodisha.com/State/elephant-hunter-arrested-in-athagarh-43152
        </guid>
        <pubDate>
           Thu, 15 Nov 2018 10:33:43 GMT
        </pubDate>
        <description>

ଗତ କିଛି ଦିନ ତଳେ ଢେଙ୍କାନାଳରେ ବିଦ୍ୟୁତ ଆଘାତରେ ୭ ହାତୀ ମୃତ୍ୟୁ ଘଟଣା ରାଜ୍ୟକୁ ଜାତୀୟ ସ୍ତରରେ ନିନ୍ଦିତ କରିଥିବାବେଳେ ତଥାପି ବିନ ବିଭାଗ କି ବିଦ୍ୟୁତ ବିଭାଗ ଭିତରେ ଚେତା ପଶିନି । ପୁଣି ଏକ ଅନୁରୂପ ଘଟଣା ମୟୂରଭଞ୍ଜ ଜିଲ୍ଲାରେ ଘଟିଛି । ବାରିପଦା ଉପଖଣ୍ଡ ଅଧିନସ୍ଥ ଦେଉଳି ରେଞ୍ଜର କେଉଟୁଣିମାରୀ ସନ୍ନିକଟରେ ବିଦ୍ୟୁତ୍ ସଂସ୍ପର୍ଶରେ ଆସି ଏକ ଦନ୍ତାହାତୀର ମୃତ୍ୟୁ ହୋଇଯାଇଛି । ଅନ୍ୟପକ୍ଷରେ ଆଠଗଡ଼ରେ ଜଣେ ହାତୀ ଶିକାରୀକୁ ଗିରଫ କରିଛି ବନ ବିଭାଗ । 

ଦେଉଳି ରେଞର କେଉଟୁଣିମାରୀ ନିକଟରେ ଏକ ଦନ୍ତା ହାତୀର ମୃତ ଦେହ ଉଦ୍ଧାର ହୋଇଛି । ଦନ୍ତାର ବୟସ ୧୬/୧୭ବର୍ଷ ହେବ ବୋଲି ଅନୁମାନ କରାଯାଉଛି । ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଦନ୍ତାର ମୃତ୍ୟୁ ହୋଇଥିବା ଲୋକ ଅଭିଯୋଗ କରିଛନ୍ତି । ବିଦ୍ୟୁତ ତାରକୁ ସଜାଡିବାକୁ ବନବିଭାଗ ପକ୍ଷରୁ ବିଦ୍ୟୁତ ବିଭାଗକୁ ଅନୁରୋଧ କରାଯାଇଥିଲେ ମଧ୍ୟ ଏହାକୁ ବିଦ୍ୟୁତ ବିଭାଗ ଅଣଦେଖା କରିଥିବା ଅଭିଯୋଗ ହୋଇଛି । ଏନେଇ ବନ ବିଭାଗ ତଦନ୍ତ ଆରମ୍ଭ କରିଛି । ତେବେ ଗତକାଲି କେନ୍ଦ୍ରମନ୍ତ୍ରୀ ମେନକା ଗାନ୍ଧୀ ମୁଖ୍ୟମନ୍ତ୍ରୀ ଚିଠି ଲେଖ ହାତୀ ସୁରକ୍ଷା ବ୍ୟକ୍ତିଗତ ହସ୍ତକ୍ଷେପ କରିବାକୁ କହିଥିଲେ । ଏହା ସହିତ ୨୦୧୧ରୁ ୨୦୧୭ ମଧ୍ୟରେ ୧୨୪ଟି ହାତୀ ବିଦ୍ୟୁତ ଆଘାତରେ ମରିଛନ୍ତି ବୋଲି ସେ ଚିଠିରେ ଉଲ୍ଲେଖ କରିଥିଲେ । 

ଅନ୍ୟପକ୍ଷରେ ଆଠଗଡ ଅଂଚଳରୁ ଜଣେ ହାତୀ ଶିକାରୀ ମାଟିଆ ସ୍ୱାଇଁକୁ ବନ ବିଭାଗ ଗିରଫ କରିଛି । ତା’ ଠାରୁ ଗୋଟିଏ ଦେଶୀ ବନ୍ଧୁକ ସହ ହରିଣ ଶିଙ୍ଗ ମଧ୍ୟ ଜବତ କରାଯାଇଛି । ଏହି ଶିକାରୀ ଜଣକ ଆଠଗଡ ରେଂଜରେ ଶିକାରରେ ସଂପୃକ୍ତି ରହିଥିବାବେଳେ ବଡମ୍ବା ଓ ନରସଂହପୁର ଅଂଚଳରେ ମଧ୍ୟ ହାତୀ ଶିକାରରେ ସଂପୃକ୍ତ ରହିଥିବା ଅଭିଯୋଗ ହୋଇଛି । ସେ ହାତୀ ଶିକାର କରି ମୂଲ୍ୟବାନ ଅଂଙ୍ଗଗୁଡିକୁ ଚଢା ଦାମରେ ବିକ୍ରି କରୁଥିଲା । ସେ ହାତୀ ଦାନ୍ତକୁ ପ୍ରାୟ ୫୦ ହଜାରରୁ ୧ ଲକ୍ଷ ଟଙ୍କା ମୂଲ୍ୟରେ ବିକ୍ରି କରି ଦେଇଥିବା ସୂଚନା ମିଳିଛି ।

        </description>
      </item>
      <item>
        <title>
           ଖୋର୍ଦ୍ଧାରେ ପୁଣି ଏଟିଏମ ଲୁଟ
        </title>
        <link>
           http://khabarodisha.com/State/atm-loot-in-khurda-again-43151
        </link>
        <guid>
           http://khabarodisha.com/State/atm-loot-in-khurda-again-43151
        </guid>
        <pubDate>
           Thu, 15 Nov 2018 10:23:19 GMT
        </pubDate>
        <description>

ଖୋର୍ଦ୍ଧା ସଦର ଥାନା ନନ୍ଦପୁର ବଜାରରେ ଥିବା ଏକ ଏଟିଏମରୁ ଦୁବୃତମାନେ ଲୁଟ କରିଛନ୍ତି । ଏହି ଇଣ୍ଡିକ୍ୟାସ ଏଟିଏମକୁ ଦୁବୃତମାନେ ତାଡିବା ସହ ଟଙ୍କା ଲୁଟି ନେଇଛନ୍ତି ।

ଗତକାଲି ବିଳମ୍ବିତ ରାତିରେ ଏହି ଘଟଣା ଘଟିଛି । ୧୫ ଦିନ ମଧ୍ୟରେ ବାରମ୍ବାର ଏହିଭଳି ଘଟଣା ଘଟିବାରେ ଲାଗିଛି । ପୂର୍ବରୁ ଜଟଣୀ, ତୁଲସୀପୁର ଓ ନିରାକାରପୁରରେ ଏଟିଏମ ତାଡି ଡକାୟତମାନେ ଲୁଟ କରିଥିବାବେଳେ ନନ୍ଦପୁରରେ ସେହି ସମାନ ଉପାୟରେ ଲୁଟ ହୋଇଛି । ତେବେ କେତେ ଟଙ୍କା ଲୁଟ ହୋଇଛି ତାହା ସ୍ପଷ୍ଟ ଜଣାପଡି ନାହିଁ । ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।

        </description>
      </item>
      <item>
        <title>
           ପୁରୀରେ ‘ଜାଗା ମିଶନ’ର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ, ୬୫ ହଜାର ବସ୍ତିବାସିନ୍ଦା ପାଇବେ ଜମି ପଟ୍ଟା
        </title>
        <link>
           http://khabarodisha.com/State/CM-naveen-patnaik-to-inaugurate-jaga-mission-43150
        </link>
        <guid>
           http://khabarodisha.com/State/CM-naveen-patnaik-to-inaugurate-jaga-mission-43150
        </guid>
        <pubDate>
           Thu, 15 Nov 2018 10:25:49 GMT
        </pubDate>
        <description>

ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରୀ ଗସ୍ତ କରିବେ । ତାଳବଣିଆର ଇନଡୋର ଷ୍ଟାଡିୟମରେ ଆୟୋଜିତ ହୋଇଥିବା ‘ଜାଗା ମିଶନ’ କାର୍ଯ୍ୟକ୍ରମରେ ଯୋଗଦେଇ ଭୂମିହୀନ ବସ୍ତି ବାସିନ୍ଦାଙ୍କୁ ପଟ୍ଟା ବଂଟନ କରିବେ । ପ୍ରାୟ ୬୫ ହଜାର ହୀତାଧିକାରୀଙ୍କୁ ଜମି ପଟ୍ଟା ବଂଟନ କରାଯିବ । 

ଏହି ଯୋଜନା ଦ୍ୱାରା ବସ୍ତି ବାସିନ୍ଦାମାନେ ବାସୋପଯୋଗୀ ଜାଗା ପାଇବା ସହ ଯୋଗ୍ୟ ହିତାଧିକାରୀ ଆବାସ ଯୋଜନାରେ ଘର, ପାଇପ ଜଳ, ପାଇଖାନା ଇତ୍ୟାଦି ସୁବିଧା ସୁଯୋଗ ପାଇପାରିବେ । ଏହି ଯୋଜନା ପୁରୀରୁ ଆରମ୍ଭ ହୋଇଥିବାବେଳେ ସାରା ରାଜ୍ୟରେ ଏହା ଦ୍ୱାରା ବିଭିନ୍ନ ଏନଏସି ଓ ମ୍ୟୁନିସିପାଲିଟିରେ ବସବାସ କରୁଥିବା ୧୮ ଲକ୍ଷ ବସ୍ତି ବାସିନ୍ଦା ଏହା ଦ୍ୱାରା ଉପକୃତ ହୋଇପାରିବେ ।

ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ମଧ୍ୟାହ୍ନରେ ପୁରୀରୁ ଅଷ୍ଟମ ବରିଷ୍ଠ ନାଗରିକ ତୀର୍ଥଯାତ୍ରାର ମଧ୍ୟ ଶୁଭାରମ୍ଭ କରିବେ । ହରିଦ୍ୱାରା–ଋଷିକେଶ ଅଭିମୁଖେ ଏହି ଅଷ୍ଟମ ବରିଷ୍ଠ ନାଗରିକ ତୀର୍ଥ ଯାତ୍ରା ଟ୍ରେନକୁ  ପୁରୀରୁ ଭିଡିଓ କନଫରେନ୍ସି ଜରିଆରେ ଶୁଭାରମ୍ଭ କରିବେ ନବୀନ । ତୀର୍ଥ ଯାତ୍ରୀଙ୍କ ଯାତ୍ରାର ଶୁଭମନାସୀ ସେ ଭିଡିଓ କନଫରେନ୍ସି ଜରିଆରେ ଶୁଭବିଦାୟ  ଜଣାଇବେ ।

        </description>
      </item>
      <item>
        <title>
           ହକି ବିଶ୍ୱକପ ଉଦଘାଟନୀ ଉତ୍ସବର ଟିକେଟ ଶେଷ: ଷ୍ଟାଡିୟମ ଗେଟରେ ଦର୍ଶକଙ୍କ ଭଙ୍ଗାରୁଜା, ପୋଲିସର ଲାଠିଚାର୍ଜ
        </title>
        <link>
           http://khabarodisha.com/State/conflict-in-kalinga-stadium-gate-for-ticket-selling-closed-43149
        </link>
        <guid>
           http://khabarodisha.com/State/conflict-in-kalinga-stadium-gate-for-ticket-selling-closed-43149
        </guid>
        <pubDate>
           Thu, 15 Nov 2018 10:35:44 GMT
        </pubDate>
        <description>

ଆଜି କଳିଙ୍ଗ ଷ୍ଟାଡିୟମର ୯ ନମ୍ବର ଗେଟ ନିକଟରେ ଉତେଜନା ସ୍ଥିତି ଉପୁଜିଛି । ଉଦଘାଟନୀ ଉତ୍ସବର ଟିକେଟ ନ ପାଇ ଦର୍ଶକମାନେ ଷ୍ଟାଡିୟମର ଗେଟ ଭଂଗାରୁଜା କରିଛନ୍ତି । ପରିସ୍ଥିତିକୁ ନିୟନ୍ତ୍ରଣ କରିବାକୁ ପୋଲିସ ଲାଠିଚାର୍ଜ କରିଛି । 

ଗତକାଲି ରାତିରୁ ଲାଇନରେ ଛିଡା ହୋଇ ଟିକେଟ ନ ପାଇ ଦର୍ଶକମାନେ ଉତେଜିତ ହେବା ସହ ଭଂଗାରୁଜା କରିଛନ୍ତି । ପୂର୍ବରୁ ନଭେମ୍ବର ୧ରେ ଏକ ସାମ୍ବାଦିକ ସମ୍ମିଳନୀରେ କ୍ରୀଡା ଓ ଯୁବ ବ୍ୟାପାର ସଚିବ ବିଶାଲ ଦେବ ନଭେମ୍ବର ୧୫ରୁ ଉଦଘାଟନୀ ଟିକେଟ ମିଳିବା ନେଇ  ସୂଚନା ଦେଇଥିଲେ । କିନ୍ତୁ ଆଜି ଦର୍ଶକମାନଙ୍କୁ ନିରାଶ ହେବାକୁ ପଡିଛି । 

ତେବେ ଆଜି ସକାଳେ ସମୟ ପୂର୍ବରୁ ଟିକେଟ ବିକ୍ରି ଶେଷ ହୋଇ ଯାଇଥିବା ନେଇ ଏକ ନୋଟିସ ଲଗାଯାଇଥିବା ଓ ଉଦଘାଟନୀର ଟିକେଟ ଆଉ ନ ଥିବା ଜଣାପଡିଥିଲା ।  ରାତିରୁ ଟିକେଟ୍ ପାଇଁ  ଅପେକ୍ଷା କରିଥିବା ଦର୍ଶକମାନେ ଉତେଜିତ ହେବା ସହ କାଉଂଟରରେ ହଙ୍ଗାମା କରିଥିଲେ । ଆଜିଠାରୁ ଟିକେଟ ବିକ୍ରି ହେବା ନେଇ ସୂଚନା ଦିଆଯାଇଥିବାବେଳେ ଆଜି ଆଦୌ ଟିକେଟ ବିକ୍ରି ହୋଇ ନ ଥିଲା । ତେବେ କିପରି ଉଭୟ ଅନଲାଇନ ଏବଂ ଅଫଲାଇନ ଟିକେଟ ବିକ୍ରି ହୋଇଗଲା ତାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି । 

        </description>
      </item>
      <item>
        <title>
           ଆସନ୍ତାକାଲିଠାରୁ ବିଧାନସଭା ଶୀତ ଅଧିବେଶନ, ଆଜି ବସିବ ଗୃହ କମିଟି ବୈଠକ
        </title>
        <link>
           http://khabarodisha.com/State/tomorrow-assembly-winter-session-43148
        </link>
        <guid>
           http://khabarodisha.com/State/tomorrow-assembly-winter-session-43148
        </guid>
        <pubDate>
           Thu, 15 Nov 2018 09:31:38 GMT
        </pubDate>
        <description>

ଆସନ୍ତାକାଲିଠାରୁ  ବିଧାନସଭାର ଶୀତକାଳୀନ ଅଧିବେଶନ ଆରମ୍ଭ ହେବ ।  ଏହା ପୂର୍ବରୁ ଆଜି ପୂବାହ୍ନ ୧୧ ଟାରେ ଗୃହ କମିଟି ବୈଠକ ଅନୁଷ୍ଠିତ ହେବ । କମିଟି ଅଧ୍ୟକ୍ଷ ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ବିଧାନସଭା ପରିସରର ୫୪ ନମ୍ବର ପ୍ରକୋଷ୍ଠରେ ଏହି ବୈଠକ ଅନୁଷ୍ଠିତ ହେବା ନେଇ ସୂଚନା ମିଳିଛି । 

ଏହି ବୈଠକରେ ଅଭିଜିତ ଆୟାର ପ୍ରସଙ୍ଗ ଉପରେ ଆଲୋଚନା ହେବ । ଅଭିଜିତ ବିବାଦୀୟ ମନ୍ତବ୍ୟ ଦେଇ ଗୃହ କମିଟି ସମ୍ମୁଖରେ ହାଜର ହେବା ସହ ତାଙ୍କର ଭୁଲ ସ୍ୱିକାର କରିଥିଲେ । ବିଧାୟକଙ୍କ ପ୍ରତି ମନ୍ତବ୍ୟ ସହ  ଓଡିଶାର ଅସ୍ମିତାକୁ ଆଘାତ ଦେବା ପରି ମନ୍ତବ୍ୟ ଦେଇଥିବାରୁ ସେ କମିଟି ଆଗରେ ନିଜର ଦୋଷ ମାନି ନେଇଥିଲେ । ସେ ଏହି ଘଟଣାରେ କମିଟି ନିକଟରେ ସତ୍ୟପାଠ ମଧ୍ୟ ଦାଖଲ କରି ସାରିଛନ୍ତି । ତେବେ ଏହି ସମସ୍ତ ପ୍ରସଙ୍ଗକୁ ନେଇ ତର୍ଜମା କରି ଗୃହ କମିଟି ରିପୋର୍ଟ ପ୍ରସ୍ତୁତ କରି ବିଧାନସଭାରେ ଉପସ୍ଥାପନ। କରିବ ।

ସେହିପରି ଆଜି ସଂଧ୍ୟାରେ କଂଗ୍ରେସ ଓ ବିଜେଡି ବିଧାୟକ ଦଳ ବୈଠକ ଅନୁଷ୍ଠିତ ହେବା ନେଇ ସୂଚନା ମିଳିଛି । ଆସନ୍ତାକାଲିଠାରୁ ଅଧିବେଶନ ବସିବାକୁ ଥିବାବେଳେ ରାଜ୍ୟ ସରକାରଙ୍କୁ ଘେରିବାକୁ ରଣନୀତି ପ୍ରସ୍ତୁତ କରିବ କଂଗ୍ରେସ । ବିଧାନସଭାରେ ଆଲୋଚନା ହେବାକୁ ଥିବା ବିଭିନ୍ନ ପ୍ରସଙ୍ଗ ଉପରେ ଏହି ବୈଠକରେ ତର୍ଜମା  ହେବ । 

        </description>
      </item>
      <item>
        <title>
           ପୋଲସରାରେ ପୁଣି ଲଜ୍ଜା, ଗଣଦୁଷ୍କର୍ମର ଶିକାର ହେଲେ ଯୁବତୀ
        </title>
        <link>
           http://khabarodisha.com/State/gang-rape-in-polsara-ganjam-43143
        </link>
        <guid>
           http://khabarodisha.com/State/gang-rape-in-polsara-ganjam-43143
        </guid>
        <pubDate>
           Thu, 15 Nov 2018 10:34:33 GMT
        </pubDate>
        <description>

ରାଜ୍ୟରେ କମୁନାହିଁ ଲଜ୍ଜା । ଦିନକୁ ଦିନ ମହିଳା ଏବଂ ଯୁବତୀଙ୍କ ପ୍ରତି ଦୁଷ୍କର୍ମ ମାମଲା ବଢିବାରେ ଲାଗିଛି । କିଛଦିନ ତଳେ ଗଂଜାମ ଜିଲ୍ଲା ପୋଲସରାରେ ଜଣେ ନାବାଳିକାଙ୍କୁ ଦୁଷ୍କର୍ମ କରାଯାଇଥିଲା । ଯାହା ରାଜ୍ୟ ରାଜନୀତିକୁ ଉଷ୍ମ ମଧ୍ୟ କରିଥିଲା । ଆଜି ପୁଣି ସମାନ ଅଂଚଳରେ ଜଣେ ଯୁବତୀ ଏହି ପାଶବିକ କାଣ୍ଡର ଶିକାର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ଏମକେସିଜିରେ ଭର୍ତି କରାଯାଇଛି । 

ସୂଚନାନୁଯାୟୀ, ଯୁବତୀଙ୍କୁ ନୃଶିଂହପାଲ୍ଲୀ  ଗ୍ରାମର କିଛି ଯୁବକ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ଆଜି ସକାଳେ ଯୁବକମାନେ ପୀଡିତାଙ୍କୁ ଧମକଚମକ ଦେଇ ଏହି କାଣ୍ଡ ଭିଆଇଥିବା ସନ୍ଦେହ କରାଯାଉଛି । ଏହାପରେ ସେମାନେ ତାଙ୍କୁ ମୁର୍ମୁଷ ଅବସ୍ଥାରେ ଛାଡି ଚାଲିଯାଇଥିଲେ । ପରିବାର ଲୋକଙ୍କ ଦ୍ୱାରା ତାଙ୍କୁ ଉଦ୍ଧାର କରାଯାଇ ବ୍ରହ୍ମପୁର ଏମକେସିଜିରେ ଭର୍ତି କରାଯାଇଥିଲା ।   ଏନେଇ ପୀଡିତାଙ୍କ ପରିବାର ପକ୍ଷରୁ ୪ ଜଣଙ୍କ ନାମରେ ପୋଲସରା ଥାନାରେ ଅଭିଯୋଗ କରାଯାଇଛି । ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି  ।

        </description>
      </item>
      <item>
        <title>
           ସାତକୋଶିଆରେ ବାଘ ମହାବୀର ମୃତ, ଲୁଚାଇଥିଲା ବନ ବିଭାଗ
        </title>
        <link>
           http://khabarodisha.com/State/tiger-died-in-satkosia-43141
        </link>
        <guid>
           http://khabarodisha.com/State/tiger-died-in-satkosia-43141
        </guid>
        <pubDate>
           Thu, 15 Nov 2018 07:14:43 GMT
        </pubDate>
        <description>

ବରଗଡ ଜିଲ୍ଲା ଦେବ୍ରୀଗଡ ଅଭୟାରଣ୍ୟରେ ମହାବଳ ବାଘର ମୃତ୍ୟୁକୁ ନେଇ ତାତି ଥମି ନଥିବାବେଳେ ପୁଣି ଆଉ ଏକ ବାଘ ମୃତ୍ୟୁବରଣ କରିଥିବା ଅଭିଯୋଗ ଆସିଛି  । ଅନୁଗୁଳ ସାତକୋଶିଆ ଜଙ୍ଗଲରୁ ବାଘ ମହାବୀରର ମୃତଦେହ ଉଦ୍ଧାର କରାଯାଇଛି । ମହାବୀରର ମୁଣ୍ଡରେ ଆଘାତ ଲାଗିବାରୁ ସେ ପ୍ରାଣ ହରାଇଥିବା ପ୍ରାଥମିକ ସୂଚନା ମିଳିଛି ।

ସୂଚନା ମୁତାବକ, ଗତକାଲି ସାତକୋଶିଆ ଜଙ୍ଗଲ ସନ୍ନିକଟ ହିନ୍ଦୋଳ ଏବଂ ନରସିଂହପୁର ସୀମା ରାଇଗୁଡା ଜଙ୍ଗଲରୁ ଏହି ବାଘର ମୃତଦେହ ଠାବ କରାଯାଇଛି । ବାଘଟି ତିନିଦିନ ପୂର୍ବରୁ ମୃତ୍ୟୁବରଣ କରିଥିବା ଆଶଙ୍କା କରାଯାଉଛି । ଗତ କିଛି ଦିନ ତଳେ ମହାବୀର ଶିକାର ପାଇଁ ବସାଯାଇଥିବା ଫାଶରେ ପଡିଥିଲା । କିନ୍ତୁ ପରବର୍ତୀ ସମୟରେ ଫାଶରୁ ଖସି ଆସିବାରେ ସକ୍ଷମ ହୋଇଥିଲା । ଏହାପରେ ତାହାର ମୁଣ୍ଡରେ ଆଘାତ ଲାଗି ଗଭୀର କ୍ଷତ ସୃଷ୍ଟି ହୋଇଥିଲା । 

ତେବେ ବାଘ ମୃତ୍ୟୁର ପ୍ରକୃତ କାରଣ ଜଣାପଡି ନାହିଁ ।  ଏହି ଘଟଣାକୁ ବନ ବିଭାଗ ଲୁଚାଇ ରଖିଥିଲା । ଯାହାକୁ ନେଇ ବିଭାଗ ସନ୍ଦେହ ଘେରକୁ ଆସି ଯାଇଛି ।

        </description>
      </item>
      <item>
        <title>
           ଅପରାଜିତା ଷଡ଼ଙ୍ଗୀଙ୍କ ସ୍ୱେଚ୍ଛାକୃତ ଅବସରକୁ ରାଜ୍ୟ ସରକାରଙ୍କ ଅନୁମତି
        </title>
        <link>
           http://khabarodisha.com/State/Odisha-Govt-Okays-IAS-Officer-Aparajita-Sarangi-VRS-Plan-43139
        </link>
        <guid>
           http://khabarodisha.com/State/Odisha-Govt-Okays-IAS-Officer-Aparajita-Sarangi-VRS-Plan-43139
        </guid>
        <pubDate>
           Wed, 14 Nov 2018 22:20:54 GMT
        </pubDate>
        <description>

 ୧୯୯୪ ବ୍ୟାଚର ଓଡ଼ିଶା କ୍ୟାଡର ବରିଷ୍ଠ ଆଇଏଏସ ଅଧିକାରୀ ଅପରାଜିତା ଷଡଙ୍ଗୀ ଏଣିକି ରାଜ୍ୟ ସରକାରଙ୍କ ଅଧୀନରେ କାର୍ଯ୍ୟ କରିବେ ନାହିଁ। ବୁଧବାର ରାଜ୍ୟ ସରକାର ତାଙ୍କର ସେଚ୍ଛାକୃତ ଅବସର(ଭିଆରଏସ୍) ଆବେଦନକୁ ଅନୁମତି ପ୍ରଦାନ କରିଛନ୍ତି।  

ରାଜ୍ୟରେ ଜଣେ ଦକ୍ଷ ଆଇଏଏସ ଅଧିକାରୀ ଭାବେ ସେ ବେଶ ଜଣାଶୁଣା। ତାଙ୍କର କାର୍ଯ୍ୟ ସମସ୍ତଙ୍କୁ ଚକିତ କରିଥିଲା ।କେନ୍ଦ୍ରୀୟ ଡେପୁଟେସନ ଶେଷ ହେବା ପରେ ସେ ଗତ ଅକ୍ଟୋବର ମାସରେ ଓଡ଼ିଶା ଫେରିବାର ଥିଲା ବେଳେ ସେ ରାଜ୍ୟ ସରକାରଙ୍କୁ ଚାକିରିରୁ ଭିଆରଏସ ନେବା ପାଇଁ ଆବେଦନ କରିଥିଲେ।  ଗତ ୨୦୧୩ରେ ସେ କେନ୍ଦ୍ରୀୟ ଡେପୁଟେସନରେ ଯାଇଥିଲେ । ସେତେବେଳେ ସେ ରାଜ୍ୟ ବୟନଶିଳ୍ପ ସଚିବ ଥିଲେ। ପରେ କେନ୍ଦ୍ରରେ ସେ ଗ୍ରାମୀଣ ବିକାଶ ସଚିବ ଭାବେ ଯୋଗଦେଇଥିଲେ । 

ବିଶେଷତଃ ୨୦୦୬ରୁ ୨୦୦୯ ବେଳେ ସେ ବିଏମସି କମିଶନର ଥିବାବେଳେ ତାଙ୍କ କାର୍ଯ୍ୟ ପ୍ରଶଂସାଯୋଗ୍ୟ ହୋଇଥିଲା ଏବଂ ସେ ବହୁଳ ଭାବେ ଚର୍ଚ୍ଚିତ ହୋଇଥିଲେ। ତେବେ ଭିଆରଏସ୍ ନେବା ପରେ ସେ ରାଜନୀତିରେ ପ୍ରବେଶ କରିପାରନ୍ତି ବୋଲି ଚର୍ଚ୍ଚା ହେଉଛି। 

        </description>
      </item>
      <item>
        <title>
           ମୁଖ୍ୟମନ୍ତ୍ରୀ ମହିଳାଙ୍କୁ ସ୍ମାର୍ଟ ଫୋନ୍ ନୁହେଁ ବରଂ ସୁରକ୍ଷା ଓ ଆତ୍ମସ୍ୱାଭିମାନ ଯୋଗାଇଦିଅନ୍ତୁ: ପ୍ରଭାତି ପରିଡା
        </title>
        <link>
           http://khabarodisha.com/State/Women-Should-Have-Safety-Instead-Mobile-Phone-Said-Pravati-Parida-43137
        </link>
        <guid>
           http://khabarodisha.com/State/Women-Should-Have-Safety-Instead-Mobile-Phone-Said-Pravati-Parida-43137
        </guid>
        <pubDate>
           Wed, 14 Nov 2018 21:46:26 GMT
        </pubDate>
        <description>

ମୁଖ୍ୟମନ୍ତ୍ରୀ ସ୍ୱୟଂ ସହାୟିକା ଗୋଷ୍ଠୀ ସଦସ୍ୟାଙ୍କୁ ସ୍ମାର୍ଟ ଫୋନ୍ ନୁହେଁ ବରଂ ରାଜ୍ୟର ମହିଳାମାନଙ୍କୁ ସୁରକ୍ଷା ଓ ଆତ୍ମସ୍ୱାଭିମାନ ଯୋଗାଇ ଦିଅନ୍ତୁ ବୋଲି ରାଜ୍ୟ ବିଜେପି ମହିଳା ମୋର୍ଚ୍ଚା ସଭାନେତ୍ରୀ ଶ୍ରୀମତୀ ପ୍ରଭାତି ପରିଡା କହିଛନ୍ତି । ରାଜ୍ୟର ମହିଳାମାନେ ସ୍ମାର୍ଟ ହେବା ପାଇଁ ସେମାନଙ୍କୁ ଫୋନ ଯୋଗାଇ ଦେବାର ଆବଶ୍ୟକତା ନାହିଁ । କାରଣ ଆଜିର ସମୟରେ ମହିଳାଙ୍କ ହାତରେ ସ୍ମାର୍ଟ ଫୋନ ଅଛି । ରାଜ୍ୟର ମହିଳାମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡିଜିଟାଲ ଇଣ୍ଡିଆରେ ନିଜକୁ ସାମିଲ କରି ପ୍ରଗତି ପଥରେ ଆଗେଇ ଚାଲିଛନ୍ତି । ମହିଳାଙ୍କ ମୌଳିକ ଆବଶ୍ୟକତା ପୂରଣ ନକରି ଆଗାମୀ ନିର୍ବାଚନକୁ ଆଖିରେ ରଖି ସ୍ମାର୍ଟ ଫୋନ ଦେବା ପାଇଁ ଘୋଷଣା କରିବା କେବଳ ରାଜନୀତି ଉଦ୍ଦେଶ୍ୟ ପ୍ରଣୋଦିତ । ଦାର୍ଘ ୧୮ ବର୍ଷ ମଧ୍ୟରେ ମୁଖ୍ୟମନ୍ତ୍ରୀ ସ୍ୱୟଂସହାୟକ ଗୋଷ୍ଠୀ ଗଠନ କରିଛନ୍ତି ସତ କିନ୍ତୁ ସେହି ଗୋଷ୍ଠୀ ମଧ୍ୟରୁ ଜଣେ ବି ମହିଳା ଉଦ୍ୟୋଗୀ ହୋଇପାରିନାହାଁନ୍ତି । ଏପରିକି ଏହି କାର୍ଯ୍ୟକ୍ରମରେ ଓଡିଶାର ଜଣେ ବି ମହିଳା ଉଦ୍ୟୋଗୀ ନଥିବା ଅତ୍ୟନ୍ତ ର୍ଦୁଭାଗ୍ୟଜନକ ।

ସ୍ୱୟଂସହାୟକ ଗୋଷ୍ଠୀଙ୍କୁ ଉଦ୍ୟୋଗୀ କରିବା ପାଇଁ ସ୍ମାର୍ଟଫୋନ ଗୋଟିଏ ମାଧ୍ୟମ ନୁହେଁ । ରାଜ୍ୟସରକାର ସ୍ୱୟଂସହାୟିକା ଗୋଷ୍ଠୀ ଏବଂ ସେମାନଙ୍କର ହାତ ତିଆରି ଜିନିଷରୁ ବିକ୍ରି କରିବା ଅବା ଲୋକାଭିମୁଖୀ କରିବା ପାଇଁ କଣ ସବୁ ପଦକ୍ଷେପ ନେଇଛନ୍ତି ତାହା ସ୍ପଷ୍ଟ କରନ୍ତୁ । ଦେଶର ଅନ୍ୟ ରାଜ୍ୟରେ ସ୍ୱୟଂସହାୟକ ମହିଳା ଗୋଷ୍ଠୀ ଅମୂଲ, ମଦର ଡାଏରୀ ,ଲିଜତ ପାମ୍ପଡ ଭଳି ବିଭିନ୍ନ କୁଟୀର ଶିଳ୍ପ ମାଧ୍ୟମରେ ଯେପରି ନିଜର ପ୍ରଡକ୍ଟକୁ ଭାରତର ବଜାରରେ ବ୍ରାଣ୍ଡିଙ୍ଗ କରିପାରିଛନ୍ତି । ସେହିପରି ରାଜ୍ୟରେ ମିଶନ ଶକ୍ତି ଥାଇ ମଧ୍ୟ ମହିଳାଙ୍କ ହୋମ ପ୍ରଡକ୍ଟ ଉପରେ କୈାଣସି ବ୍ରାଣ୍ଡିଙ୍ଗ ହୋଇଛି ନା ମାକେଟିଂ କରିବା ପାଇଁ କିଛି ସୁଯୋଗ ସୃଷ୍ଟି ହୋଇଛି ବୋଲି ଶ୍ରୀମତୀ ପରିଡା ପ୍ରଶ୍ନ କରିଛନ୍ତି ।

ରାଜ୍ୟସରକାର ଝିଅମାନଙ୍କୁ ଶିକ୍ଷା , ସ୍ୱାସ୍ଥ୍ୟ ଏବଂ ସୁରକ୍ଷା ପ୍ରଥମେ ଯୋଗାଇ ଦିଅନ୍ତୁ । ସ୍କୁଲରେ ପାଠପଢୁଥିବା ଝିଅକୁ ଶିକ୍ଷକ ଦରକାର । ଘରୁ ରାସ୍ତାକୁ ବାହରୁଥିବା ଝିଅ ଓ ମହିଳାମାନଙ୍କୁ ସୁରକ୍ଷା ଦରକାର । ନାବାଳିକା ଝିଅଙ୍କୁ ଦୁଷ୍କର୍ମ କରୁଥିବା ଅପରାଧୀଙ୍କୁ ଧରି ଦଣ୍ଡ ଦେବା ଦରକାର । ପୁରୁଷ ଚାଷୀଙ୍କ ପରେ ଏବେ ମହିଳା ଚାଷୀମାନେ ଆତ୍ମହତ୍ୟା କଲେଣି । ଆମ୍ବୁଲାନ୍ସ ନପହଂଚିବାରୁ ବାଟରେ ଘାଟରେ ମହିଳାମାନେ ପ୍ରସବ କରୁଛନ୍ତି । ମହିଳାମାନଙ୍କୁ ଯୋଜନା କରାଇବା ନାଁରେ ଶାସକ ବିଜେଡି ନେତା ଦଳୀୟ କାର୍ଯ୍ୟାଳୟରେ ଦୁଷ୍କର୍ମ କରୁଛନ୍ତି । ଶାସକ ବିଧାୟକଙ୍କ ସଂପର୍କୀୟ ମାନେ ନାବାଳିକାଙ୍କୁ ଦୁଷ୍କର୍ମ କରିଚାଲିଛନ୍ତି । ଏହାର ସମାଧାନ କରି ରାଜ୍ୟସରକାର ମହିଳାଙ୍କୁ ସେମାନଙ୍କ ଅଧିକାର ଓ ନ୍ୟାୟ ଦିଅନ୍ତୁ ।             

ସ୍ୱୟଂ ସହାୟିକା ଗୋଷ୍ଠୀ ତିଆରି କରି ଶାସକ ବିଜେଡି ରାସନ କାର୍ଡ ବାଟିଂବା ଭଳି କେବଳ ନିଜ ଦଳୀୟ ମହିଳା ଗୋଷ୍ଠୀଙ୍କୁ ସ୍ମାର୍ଟ ଫୋନ୍ ଦେବେ କି ରାଜ୍ୟର ସମସ୍ତ ସ୍ୱୟଂ ସହାୟିକା ଗୋଷ୍ଠୀକୁ ଦେବେ ତାହା ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ ବୋଲି ଶ୍ରୀମତୀ ପରିଡା କହିଛନ୍ତି ।

        </description>
      </item>
      <item>
        <title>
           ଆଇଟି, କୃଷି ଓ ଖାଦ୍ୟ ପ୍ରକ୍ରିୟାକରଣ ଶିଳ୍ପର ବିକାଶ ପାଇଁ ଏମଓୟୁ ସ୍ୱାକ୍ଷରିତ
        </title>
        <link>
           http://khabarodisha.com/State/OMU-in-IT-Farm-43135
        </link>
        <guid>
           http://khabarodisha.com/State/OMU-in-IT-Farm-43135
        </guid>
        <pubDate>
           Wed, 14 Nov 2018 21:21:43 GMT
        </pubDate>
        <description>

୬ଟି ବଡ କମ୍ପାନୀ ଓଡିଶା ଆଇଟି ଓ ଇଲୋଟ୍ରୋନିକ୍ ୩ଜହାର ୯୦୦କୋଟି ମୋଟ ପ୍ରସ୍ତାବ ଆସିଛି । ରିଲାଏନ୍ସ ୩ହଜାର କୋଟି ପୁଞ୍ଜିନିବେଶ କରିବା ସହ ରଶ୍ମି ଏଂଟର ପ୍ରାଇଜେସ୍ ୫୦୦କୋଟି ଓ ସାକ୍ ରୋବୋଟିକ୍ ୩୦୦କୋଟି ,ସିଟେଲ୍ ଇମ୍ଫ୍ର୍ରାଷ୍ଟ୍ରକଚର ୬୫କୋଟି , ମିଟେସ୍ ଟେକ୍ନୋଲୋଜି ୩୩ କୋଟି ,ସିରମା ଟେକ୍ନୋଲୋଜି ୨୦କୋଟି ପୁଞ୍ଜିନିବେଶ ପ୍ରସ୍ତାବ ଦେଇଥିବା ଆଇଟି ମନ୍ତ୍ରୀ ଚନ୍ଦ୍ର ସାରଥୀ ବେହେରା ସୂଚନା ଦେଇଛନ୍ତି। ଏଥିରେ ରିଲାଏନ୍ସ କେବଳ ଟେଲିକମ୍ୟୁନିକେସନ କ୍ଷେତ୍ରରେ ପୁଞ୍ଜିନିବେଶ କରିବା ପାଇଁ ପ୍ରସ୍ତାବ ଆସିଥିବା ବେଳେ ଅନ୍ୟ କମ୍ପାନୀ ଇଲେକ୍ଟ୍ରୋନିକ୍ ମାନୁଫ୍ୟାକ୍ଚର କରିବେ ବୋଲି ସୂଚନା ମିଳିଛି ।

ସେହିପରି ଏଗ୍ରି ମାର୍କେଟିଂ ରେ ଓଡିଶାକୁ ୧୪୧୨ କୋଟି ଟଙ୍କାର ନିବେଶ ମିଳିଛି । ଏହା ମଧ୍ୟରେ ରିଲାଏନ୍ସ ୩ଶହ କୋଟି, ଆଇଟିସି ୫୨୦ କୋଟି, ୱାଏର ହାଉସିଂ ୩ ଶହ କୋଟି, କଂଟ୍ରାକ୍ଟ ଫାର୍ମିଙ୍ଗ ରେ ୧୧୨ କୋଟି ରହିଛି । ଓଡ଼ିଶାରେ ଖୁବ ଶୀଘ୍ର କଂଟ୍ରାକ୍ଟ ଫାର୍ମିଙ୍ଗ ଆଇନ ଆସିବ । ହରିଆଣା ପରେ ଓଡ଼ିଶାରେ ମଧ୍ୟ ଏହି ଆଇନ ଅଣାଯିବ । ଏହି ଆଇନ ଅନୁସାରେ ଚାହିଦାକୁ ନେଇ ଚାଷୀ ଉତ୍ପାଦନ କରିବ ଏବଂ ଦର ବି ଆଗୁଆ ଧାର୍ଯ୍ୟ ହେବ । ରାଜ୍ୟରୁ ନାଫେଡ୍ ମୁଗ, ବିରି, ସୂର୍ଯ୍ୟ ମୁଖି ଫୁଲ କିଣିବ । ଏଥିନେଇ ନାଫେଡ ସହ ଏମଓୟୁ ସ୍ୱାକ୍ଷର କରାଯାଇଛି । ପ୍ରଥମ ପର୍ଯ୍ୟାୟରେ ୫ ଶହ କୋଟି ଟଙ୍କାର ଅର୍ଡର ମିଳିଛି । ରବିରେ ଏମଏସ ପି ଦରରେ ଚାଷୀଙ୍କଠୁ କିଣି ତୁରନ୍ତ ନାଫେଡକୁ ଦେବୁ । ଏହା ବ୍ୟତୀତ ୱାଏର ହାଉସିଂ ଡେଭେଲପମେଂଟ ରେଗୁଲୋଟରି ଅଥରିଟି ସହ ମଧ୍ୟ ଏମଓୟୁ ସ୍ୱାକ୍ଷରିତ ହୋଇଛି । ଚାଷୀଙ୍କ ଉତ୍ପାଦିତ ସାମଗ୍ରୀକୁ ତାହାର ଷ୍ଟୋରେଜ କାପାସିଟି ଅନୁସାରେ ବୈଜ୍ଞାନିକ ପଦ୍ଧତିରେ ରଖାଯିବ ।

ଏହା ବ୍ୟତୀତ ଖାଦ୍ୟ ପ୍ରକ୍ରିୟା କରଣ କ୍ଷେତ୍ରରେ ଦୁଇଟି ଚୁକ୍ତି ନାମା ସ୍ୱାକ୍ଷରିତ ହୋଇଛି । ରାୟଗଡାରେ ଥିବା ମିଟିସ୍ ମେଗା ଫୁଡ୍ ପାର୍କ ପରିସରରେ ଜୁସ୍ ପ୍ଲାଂଟ ସ୍ଥାପନ ପାଇଁ ସୋଲୋକମ୍ ବାୟୋଭେଂଚର୍ସ ସହିତ ମିଟିସର ଚୁକ୍ତିନାମା ହୋଇଛି । ଏଥିରେ ୧୫କୋଟି ଟଙ୍କାର ପୁଞ୍ଜିନିବେଶ ହେବ । ଏହା ସହ କେଂଟଲେ କମ୍ପାନୀ ସହ ମିଟିସ୍ ମେଗା ଫୁଡର ମକା ପ୍ରସେସିଙ୍ଗ ପ୍ଲାଂଟର ଚୁକ୍ତି ହୋଇଛି । ଏଥିରେ ୧୦କୋଟି ଟଙ୍କାର ପୁଞ୍ଜି ବିନିଯୋଗ କରାଯିବ । ଉଭୟ କରଖାନାରେ ୨୦୦ ଲୋକଙ୍କୁ ପ୍ରତ୍ୟକ୍ଷ ନିଯୁକ୍ତି ମିଳିବ । ବିଶେଷ କରି ପଛୁଆ ଅଂଚଳ ଭାବେ ଆଦିବାସୀ ଅଧ୍ୟୁଷିତ ଜିଲ୍ଲା ରାୟଗଡାର ବିକାଶ କ୍ଷେତ୍ରରେ ସହାୟକ ହେବ । 

        </description>
      </item>
   </rss>
 </channel>