<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ବିସିସିଆଇ ନଜରରେ ବିରାଟ କୋହଲି ନୁହେଁ, ଏମଏସ ଧୋନୀ ହେଉଛନ୍ତି ଭାରତୀୟ ଦଳର ଅଧିନାୟକ
        </title>
        <link>
           http://khabarodisha.com/Sports/according-to-bcci-official-website-ms-dhoni-is-a-captain-of-team-india-not-virat-kohli-36087
        </link>
        <guid>
           http://khabarodisha.com/Sports/according-to-bcci-official-website-ms-dhoni-is-a-captain-of-team-india-not-virat-kohli-36087
        </guid>
        <pubDate>
           Thu, 19 Jul 2018 21:37:03 GMT
        </pubDate>
        <description>

ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ବର୍ତ୍ତମାନ ଭାରତୀୟ କ୍ରିକେଟ୍ ଦଳର ଅଧିନାୟକ ନାହାନ୍ତି, ମାତ୍ର ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ) ଆଜି ମଧ୍ୟ ଧୋନୀଙ୍କୁ ନିଜର ଅଧିନାୟକ ମାନିଥାଏ। ଆମେ ଏମିତି କହୁ ନାହୁଁ ବରଂ ବିସିସିଆଇର ଅଧିକାରୀ ଓ୍ଵେବସାଇଟ୍  ଧୋନୀଙ୍କୁ ଦଳର ଅଧିନାୟକ କହିଛି। 

ଉଲ୍ଲେଖଯୋଗ୍ୟ ସମସ୍ତେ ଜାଣନ୍ତି ଯେ ଭାରତୀୟ ଦଳର ତିନୋଟି ଫର୍ମାଟର ଅଧିନାୟକ ବିରାଟ କୋହଲ, ମାତ୍ର www.bcci.tv ରେ ଧୋନୀଙ୍କୁ ଏବେ ମଧ୍ୟ ଭାରତୀୟ ଦଳର ଅଧିନାୟକ କୁହାଯାଉଛି। ଏଠାରେ କହି ରଖୁଛୁ ଯେ ଧୋନୀ ୨୦୧୪ରେ ଅଷ୍ଟ୍ରେଲିଆ ଗସ୍ତ ସମୟରେ ଟେଷ୍ଟ ସିରିଜ୍ ମଧ୍ୟରେ ଟେଷ୍ଟ କ୍ରିକେଟରୁ ଅବସର ନେଇଥିଲେ। ଏହା ପରେ ସେ ୨୦୧୭ ଜାନୁଆରୀରେ ଦିନିକିଆ ଓ ଟି-୨୦ କ୍ରିକେଟରୁ ଅଧିନାୟକ ପଦ ଛାଡ଼ିଥିଲେ। 

ଧୋନୀ ଏବେ ଭାରତୀୟ ଦଳ ପକ୍ଷରୁ କେବଳ ଦିନିକିଆ ଓ ଟି-୨୦ କ୍ରିକେଟ୍ ଖେଳୁଛନ୍ତି।  ଟେଷ୍ଟରୁ ସେ ପୂର୍ବରୁ ସନ୍ନ୍ୟାସ  ନେଇ ସାରିଛନ୍ତି। ସେ ଦଳର ଅଧିନାୟକ ନଥିଲେ ମଧ୍ୟ ଆଜି ବି ପଡିଆରେ ଫିଲ୍ଡ ସଜାଇବା ଓ ବୋଲରଙ୍କୁ ନିର୍ଦ୍ଦେଶ ଦେଉଥିବା ସ୍ପଷ୍ଟ ନଜର ଆସିଥାଏ। ବିରାଟ କୋହଲିଙ୍କୁ ସେ ପୁରା ସହଯୋଗ କରିଥାନ୍ତି ଏବଂ କୋହଲି ମଧ୍ୟ ତାଙ୍କ ଉପରେ ପୁରା ଭରସା କରିଥାନ୍ତି। କେବେ କେବେ ସେ ଅଣ  ଅଧିକାରୀ ରୂପେ ଦିନିକିଆ ଓ ଟି-୨୦ ଦଳର ଦାୟିତ୍ଵ ସମ୍ଭାଳୁଥିବା ନଜର ଆସନ୍ତି। 

        </description>
      </item>
      <item>
        <title>
           ପୂର୍ବ ପରି ଆଉ ନାହାନ୍ତି ଧୋନୀ, ବୟସ ବୃଦ୍ଧିର ପ୍ରଭାବ ପଡୁଛି: ସେହ୍ଵାଗ
        </title>
        <link>
           http://khabarodisha.com/Sports/virender-sehwag-statement-on-dhoni-poor-performance-36084
        </link>
        <guid>
           http://khabarodisha.com/Sports/virender-sehwag-statement-on-dhoni-poor-performance-36084
        </guid>
        <pubDate>
           Thu, 19 Jul 2018 20:27:02 GMT
        </pubDate>
        <description>

ଭାରତୀୟ କ୍ରିକେଟ୍ ଦଳର ପୂର୍ବତନ ବିସ୍ଫୋରକ ଓପନିଂ ବ୍ୟାଟସମ୍ୟାନ ବୀରେନ୍ଦ୍ର ସେହ୍ଵାଗ ଓ୍ଵିକେଟ୍ କିପର ମହେନ୍ଦ୍ର ସିଂହ ଧୋନୀଙ୍କ ବର୍ତ୍ତମାନର ଫର୍ମକୁ  ନେଇ ବୟାନ ଦେଇଛନ୍ତି। ସେହ୍ଵାଗଙ୍କ କହିବା କଥା ଧୋନୀ ଏବେ ପୂର୍ବପରି ଆଉ ନାହାନ୍ତି ଓ ଏହାର କାରଣ ତାଙ୍କର ବୃଦ୍ଧି ପାଉଥିବା ବୟସ। 

ସେହ୍ଵାଗ ଏକ ଚ୍ୟାନେଲକୁ ଦେଇଥିବା ସାକ୍ଷାତକାରରେ କହିଛନ୍ତି ଯେ ମୋତେ ଏବେ ଲାଗୁ ନାହିଁ ଯେ ଧୋନୀ ବର୍ତ୍ତମାନ ପୂର୍ବପରି ଅଛନ୍ତି। ତାଙ୍କ ଉପରେ ବଢୁଥିବା ବୟସର ପ୍ରଭାବ ପଡୁଛି। ସେ ପୂର୍ବେ ଶେଷ ପର୍ୟ୍ୟନ୍ତ ପାଳି ଖେଳିବାର ଦାୟିତ୍ଵ ନେଉଥିଲେ। ଯେଉଁ ବଲ ଡଟ୍ ଖେଳୁଥିଲେ ତାର ଭରଣା ମଧ୍ୟ କରି ଦେଉଥିଲେ।  ଯଦି ଧୋନୀ ଓ କାର୍ତ୍ତିକଙ୍କ ମଧ୍ୟରୁ ଜଣେ କେହି ଶେଷ ଓଭର ପର୍ୟ୍ୟନ୍ତ ରହିଥାନ୍ତେ ତେବେ ଖେଳର ପରିଣାମ ଆଉ କିଛି ହୋଇଥାନ୍ତା। ଏହି ପରାଜୟ ପାଇଁ ମୁଁ ସଂପୂର୍ଣ୍ଣ  ଭାବେ ବ୍ୟାଟସମ୍ୟାନଙ୍କୁ ଦାୟୀ କରୁଛି ବୋଲି ସେହ୍ଵାଗ କରିଛନ୍ତି। 

ମ୍ୟାଚ ହାରିବାର କାରଣ ମଧ୍ୟ କହିଲେ

ସେହ୍ଵାଗ କହିଛନ୍ତି ଯେ ଭାରତ ମ୍ୟାଚ୍ ହାରିବାର କାରଣ ବୋର୍ଡରେ ଭଲ ସ୍କୋର ନଥିଲା। ଭାରତ ଭଲ ଲକ୍ଷ୍ୟ ଦେବାରୁ ୩୦-୪୦ ରନ ପଛରେ ରହିଗଲା। ବିରାଟ କୋହଲି, ମହେନ୍ଦ୍ର ସିଂହ ଧୋନୀ, ରୋହିତ ଶର୍ମା କିମ୍ବା ଶିଖର ଧାଓ୍ଵନ ଯେ କେହି ମଧ୍ୟ ଭଲ ବ୍ୟାଟିଂ କରି ପାରିଥାନ୍ତେ। ଏମାନଙ୍କ ମଧ୍ୟରୁ ଯଦି କେହି ଜଣେ କ୍ରିଜରେ ରହିଥାନ୍ତେ ତେବେ ସ୍କୋର ଭଲ ହୋଇଥାନ୍ତା। 

ଏହା ପୂର୍ବରୁ ଗୌତମ ଗମ୍ଭୀର ମଧ୍ୟ ଧୋନୀଙ୍କୁ ନେଇ ଟିପ୍ପଣୀ କରି ସାରିଛନ୍ତି। ଇଂଲଣ୍ଡ ବିପକ୍ଷ ଦିନିକିଆ ସିରିଜର ଶେଷ ଦୁଇଟି ମ୍ୟାଚରେ ଧୋନୀ ବହୁତ ଧିମା ବ୍ୟାଟିଂ କରିଛନ୍ତି, ଯାହାକୁ ନେଇ ତାଙ୍କୁ ଚାରିଆଡୁ ସମାଲୋଚନା କରାଯାଉଛି। ଗମ୍ଭୀର କହିଥିଲେ ଯେ ଧୋନୀଙ୍କ ଧିମା ବ୍ୟାଟିଂ କାରଣରୁ ବାକି ବ୍ୟାଟସମ୍ୟାନ ଚାପରେ ଆସିଯାଆନ୍ତି।  

        </description>
      </item>
      <item>
        <title>
           ଧୋନୀ ନେଉ ନାହାନ୍ତି ଅବସର, ଏଥିପାଇଁ ନେଇଥିଲେ ଅମ୍ପାୟାରଙ୍କଠାରୁ ବଲ୍
        </title>
        <link>
           http://khabarodisha.com/Sports/ms-dhoni-retirement-he-took-the-ball-to-show-it-to-bowling-coach-bharat-arun-says-ravi-shastri-36037
        </link>
        <guid>
           http://khabarodisha.com/Sports/ms-dhoni-retirement-he-took-the-ball-to-show-it-to-bowling-coach-bharat-arun-says-ravi-shastri-36037
        </guid>
        <pubDate>
           Thu, 19 Jul 2018 09:39:40 GMT
        </pubDate>
        <description>

ଇଂଲଣ୍ଡ ବିରୋଧରେ ତୃତୀୟ ତଥା ନିର୍ଣ୍ଣାୟକ ଦିନିକିଆରେ ପରାସ୍ତ ହେବା ପରେ ଭାରତର ସବୁଠାରୁ ସଫଳ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଭବିଷ୍ୟତକୁ ନେଇ ଅନେକ ଚର୍ଚ୍ଚା ହୋଇଥିଲା । ଚାରିଆଡେ ତାଙ୍କ ଅବସର ନେଇ ବିଭିନ୍ନ କଥା ଶୁଣିବାକୁ ମିଳିଥିଲା । 

ବର୍ତମାନ ଧୋନୀଙ୍କ ଅବସରକୁ ନେଇ ହୋଇଥିବା ଚର୍ଚ୍ଚାର ସତ ସାମ୍ନାକୁ ଆସିଛି । ନିଜେ ଭାରତୀୟ ଦଳର କୋଚ୍ ତଥା ପୂର୍ବତନ ଖେଳାଳି ରବି ଶାସ୍ତ୍ରୀ ଧୋନୀଙ୍କ ଅବସର ଖବର ଉପରେ ସଫେଇ ଦେଇଛନ୍ତି । ଏହା ସହ ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି । 

ରବି ଶାସ୍ତ୍ରୀ କହିଛନ୍ତି କି, ଧୋନୀ ମ୍ୟାଚ୍ ପରେ ବଲକୁ ବୋଲିଂ କୋଚ୍ ଅରୁଣଙ୍କୁ ଦେଖାଇବା ପାଇଁ ନେଇଥିଲେ । ସେ ବଲର ଅବସ୍ଥା ଦେଖାଇବାକୁ ଚାହିଁଥିଲେ କାରଣ ବଲର ଅବସ୍ଥା ଦେଖି ଖେଳ କିପରି ହୁଏ ତାହ ଅନୁମାନ କରାଯାଏ । 

ଟାଇମ୍ସ ଅଫ ଇଣ୍ଡିଆ ସହ ଆଲୋଚନା କରିବା ସମୟରେ ସେ ଧୋନୀଙ୍କ ଅବସର ନେଇ ଯେଉଁମାନେ ଚର୍ଚ୍ଚା କରୁଛନ୍ତି ସେମାନଙ୍କୁ ସମାଲୋଚନା କରିଛନ୍ତି । ସେ ଏହାକୁ ଗୁଜବ କହିବା ସହ ଧୋନୀ କୁଆଡେ ଯାଉ ନାହାନ୍ତି ବୋଲି କହିଛନ୍ତି । 

ସୂଚନାଯୋଗ୍ୟ କି, ଇଂଲଣ୍ଡ ବିପକ୍ଷ ତୃତୀୟ ଦିନିକିଆରେ ଧୋନୀ ମ୍ୟାଚ୍ ଶେଷ ହେବା ପରେ ଅମ୍ପାୟାରଙ୍କଠାରୁ ବଲ୍ ନେଇଥିଲେ । ଯାହାକୁ ନେଇ ସୋସିଆଲ ମିଡିଆରେ ଅବସର ଚର୍ଚ୍ଚା ହୋଇଥିଲା ।  

        </description>
      </item>
      <item>
        <title>
           ଅବିଶ୍ୱସନୀୟ କ୍ୟାଚ ନେଇ ଗେଲ୍‌ କହିଲେ- ପୋଷାକ ମଇଲା କରିବାକୁ ମୁଁ ପସନ୍ଦ କରେନି
        </title>
        <link>
           http://khabarodisha.com/Sports/cricketer-Chris-Gayle-pulls-off-a-stunning-catch-in-Global-T-20-Canada-cricket-36028
        </link>
        <guid>
           http://khabarodisha.com/Sports/cricketer-Chris-Gayle-pulls-off-a-stunning-catch-in-Global-T-20-Canada-cricket-36028
        </guid>
        <pubDate>
           Thu, 19 Jul 2018 08:21:49 GMT
        </pubDate>
        <description>

ନୂଆଦିଲ୍ଲୀ, ଜୁଲାଇ ୧୯(ଖବର ଓଡ଼ିଶା): ଖୁବ୍‌ କମ୍‌ ସମୟ ମଧ୍ୟରେ ରନ୍‌ ବର୍ଷା କରିପାରୁଥିବା ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ କ୍ରୀସ ଗେଲ କ୍ରିକେଟ ପ୍ରଶଂସକଙ୍କ ନିକଟରେ ଭଲ ପରିଚିତ। କେବେ ସେ ମ୍ୟାଚ ଜିତାଇ ନାଁ କରନ୍ତି ତ କେବେ ପୁଣି ଛକା ବର୍ଷା କରି ଦର୍ଶକଙ୍କ ମନ କିଣିଥାନ୍ତି। ସେହିଭଳି ଗେଲ୍‌ ସୋସିଆଲ ମିଡିଆରେ ଭିଡିଓ ପୋଷ୍ଟ କରି ବେଳେ ବେଳେ ପ୍ରଶଂସକଙ୍କ ନିକଟରେ ଚର୍ଚ୍ଚାକୁ ଆସିଥାନ୍ତି। ଏଥର ପୁଣି ଥରେ ଗେଲ ଏକ ଅବିଶ୍ୱସନୀୟ କ୍ୟାଚକୁ ସୋସିଆଲ ମିଡିଆର ଅପଲୋଡ କରିଛନ୍ତି। ଗ୍ଲୋବାଲ ଟି-୨୦ କାନାଡା ଟୁର୍ଣ୍ଣାମେଣ୍ଟରେ ରବିବାର ସେ ଏହି କ୍ୟାଚ ଧରିଥିଲେ, ଯାହାକୁ ଦେଖି ଷ୍ଟାଡିୟମରେ ଦର୍ଶକମାନେ ଆଶ୍ଚର୍ଯ୍ୟ ହୋଇ ଯାଇଥିଲେ। 

ଏହି ଟୁର୍ଣ୍ଣାମେଣ୍ଟରେ କ୍ରିସ ଗେଲ୍‌ ଭେକୁବର ନାଇଟସ୍‌ ପକ୍ଷରୁ ଖେଳିଥିଲେ। ଜୁଲାଇ ୧୫ରେ ଭେକୁବର ଓ ୱେଷ୍ଟଇଣ୍ଡିଜ-ବି ମଧ୍ୟରେ ମୁକାବିଲା ହୋଇଥିଲା। ଏହି ମ୍ୟାଚରେ ଗେଲଙ୍କ ଟିମ୍‌ ୭ ଓ୍ଵିକେଟରେ ବିଜୟୀ ହୋଇଥିଲା। ୱେଷ୍ଟଇଣ୍ଡିଜ-ବି ବ୍ୟାଟିଂ କରୁଥିବା ବେଳେ ଗେଲ୍‌ ଷ୍ଟ୍ରାଇକ୍‌ ଠିକ୍‌ ପଛରେ ଛିଡ଼ା ହୋଇଥିଲେ। ୧୪ତମ ଓଭର ଶେଷ ବଲ ଖେଳିବା ପାଇଁ କେ.ଏମ୍‌. ହଜ ଷ୍ଟ୍ରାଇକ୍‌ରେ ଥିଲେ। ବେକୁବରଙ୍କ ଫବାଦ ଅହମଦ ବଲ ଦେଇଥିଲେ, ଯେଉଁଥିରେ କି ହଜ ସର୍ଟ ମାରିବାକୁ ଚେଷ୍ଟା କରିଥିଲେ କିନ୍ତୁ ସଫଳ ହୋଇପାରି ନଥିଲେ। ବ୍ୟାଟ ସହିତ ସଂଯୋଗ ହୋଇ ବଲ ଗେଲଙ୍କ ପାଖକୁ ଯାଇଥିଲା। ଗେଲ ଆରାମରେ ବଲ ଧରିବାକୁ ଉଦ୍ୟମ କରିଥିଲେ କିନ୍ତୁ ଏହା ହାତରୁ ଖସିଯାଇଥିଲା। ସେହି ସମୟରେ ବଲଟି ଶୂନ୍ୟରେ ଥିଲା। ଗେଲ ତଳେ ଓଲଟି ପଡ଼ିଥିଲେ ଓ ଡେଇଁ ପଡ଼ି ଗୋଟିଏ ହାତରେ କ୍ୟାଚକୁ ଧରିଥିଲେ। ହଜ ମାତ୍ର ୧୪ ରନ୍‌ ସଂଗ୍ରହ କରି ପାଭଲିଅନ ଫେରିଥିଲେ। 

ଗେଲ ଏହି ଅଦ୍ଭୁତ କ୍ୟାଚର ଏକ ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି। ସେ କହିଛନ୍ତି, ପୋଷାକ ମଇଳା କରିବା ମୋର ପସନ୍ଦ ନୁହେଁ। କ୍ୟାଚ ନେବା ସମୟରେ ଗେଲଙ୍କ ପେଟରେ ବଲ ପଡ଼ିଯାଇଥିଲା କିନ୍ତୁ ଗେଲ ପୋଷାକରେ ମଇଳା ଲଗାଇବାକୁ ପସନ୍ଦ କରି ନଥାନ୍ତି। 

        </description>
      </item>
      <item>
        <title>
           ତୃତୀୟ ଦିନିକିଆରେ ଯନ୍ତ୍ରଣା ସହିତ ବୋଲିଂ କରୁଥିଲେ ଭୁବନେଶ୍ଵର କୁମାର, ଏବେ ଫିଜିଓ ଉପରେ ଉଠିଲା ପ୍ରଶ୍ନ
        </title>
        <link>
           http://khabarodisha.com/Sports/bhuvneshwar-kumar-not-fit-for-third-odi-bcci-support-staff-under-scanner-36016
        </link>
        <guid>
           http://khabarodisha.com/Sports/bhuvneshwar-kumar-not-fit-for-third-odi-bcci-support-staff-under-scanner-36016
        </guid>
        <pubDate>
           Wed, 18 Jul 2018 20:47:51 GMT
        </pubDate>
        <description>

ଇଂଲଣ୍ଡ ବିପକ୍ଷ  ତୃତୀୟ ଦିନିକିଆରେ ଭାରତ ୮ ଓ୍ଵିକେଟରେ ପରାଜିତ ହୋଇ ସିରିଜ୍ ୧-୨ରେ ହାରିଛି। ମାତ୍ର ସିରିଜ୍ ହାରିବା ସହିତ ଭାରତକୁ ଚିନ୍ତିତ କରିବା ଭଳି ଆଉ ଏକ ଖବର ସାମ୍ନାକୁ ଆସିଛି। ଟି ୨୦ ସିରିଜ ଓ ପ୍ରଥମ ଦୁଇଟି ଦିନିକିଆରୁ ବାଦ୍ ପଡିଥିବା ଭୁବନେଶ୍ଵର କୁମାରଙ୍କ ଅଣ୍ଟା ଯନ୍ତ୍ରଣା ପୁଣି ଥରେ ତୃତୀୟ ଦିନିକିଆରେ ବଢି ଯାଇଥିଲା। ଯଦି ଭୁବନେଶ୍ଵର ସଂପୂର୍ଣ୍ଣ ଫିଟ୍ ନଥିଲେ ତେବେ ତାଙ୍କୁ କଣ ପାଇଁ ଶେଷ ଦିନିକିଆରେ ଖେଳାଯାଉଥିଲା ତାକୁ ନେଇ ଏବେ ପ୍ରଶ୍ନ ଉଠିଛି। ଏହି ମାମଲାରେ ଭାରତୀୟ ଦଳର ଫିଜିଓ ପ୍ୟାଟ୍ରିକ ଫରହାର୍ଟ ଓ ଟ୍ରେନର ଶଙ୍କର ବାସୁଙ୍କ ଭୂମିକା ଉପରେ ମଧ୍ୟ ପ୍ରଶ୍ନ ଉଠିଛି। 

ଏହି ଆଘାତଜନିତ ସମସ୍ୟା ପାଇଁ ଭୁବନେଶ୍ଵରଙ୍କୁ ଇଂଲଣ୍ଡ ବିପକ୍ଷ ପ୍ରଥମ ୩ଟି ଟେଷ୍ଟ ମ୍ୟାଚରୁ ବାଦ୍ ଦିଆଯାଇଛି। କାରଣ ବିସିସିଆଇର ଡାକ୍ତରୀ ଦଳ ତାଙ୍କ ସ୍ଵାସ୍ଥ୍ୟବ୍ୟସ୍ଥା ଯାଞ୍ଚ କରୁଛନ୍ତି। ଦଳର ସମସ୍ତ ସୂଚନା ରଖୁଥିବା ବିସିସିଆଇର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଯଦି ଭୁବନେଶ୍ଵର କୁମାର ସଂପୂର୍ଣ୍ଣ ଫିଟ୍ ନଥିଲେ ତେବେ ତୃତୀୟ ଦିନିକିଆରେ କଣ ପାଇଁ ତାଙ୍କୁ ଖେଳାଯାଉଥିଲା।  ତେଣୁ ଏହି କଥା କୋଚ୍ ରବି ଶାସ୍ତ୍ରୀଙ୍କୁ ପଚରାଯାଉ। 

ଏବେ ଭୁବନେଶ୍ଵର କୁମାରଙ୍କ ଆଘାତଜନିତ ସମସ୍ୟା ଅଧିକ ବଢି ଯାଇଛି। ଆମେ ସ୍ଵୀକାର କରୁଛୁ ଯେ ସେ ସଂପୂର୍ଣ୍ଣ ରୂପେ ଫିଟ୍ ନଥିଲେ। ଯଦି ସେ ଟେଷ୍ଟ ସିରିଜ୍ ପାଇଁ ଆମ ଯୋଜନାର ମହତ୍ଵପୂର୍ଣ୍ଣ ଅଂଶ ଥିଲେ ତେବେ ଏକ ଦିବସୀୟ ମ୍ୟାଚରେ ତାଙ୍କୁ ନେଇ କଣ ପାଇଁ ରିକ୍ସ ଉଠାଗଲା। 

ପ୍ରଶ୍ନ ଉଠୁଛି ଯେ ଫରହାର୍ଟ ଓ ବାସୁ ଭୁବନେଶ୍ଵରଙ୍କ ଫିଟନେସ ଉପରେ ଉଚିତ୍ ସୂଚନା ଦେଇନଥିଲେ। ଅଧିକାରୀଙ୍କ କହିବା କଥା ଯଦି ଆପଣ ଆଇପିଏଲ ଦେଖିବେ ତେବେ ଭୁବନେଶ୍ଵର ସନରାଇଜର୍ସ ପାଇଁ ୧୭ଟି ମ୍ୟାଚରୁ ୫ଟି ମ୍ୟାଚ୍ ଖେଳିନଥିଲେ। ବିସିସିଆଇ ଫ୍ରାଞ୍ଚାଇଜଙ୍କୁ ଭୁବନେଶ୍ଵରଙ୍କ ଉପରେ ଧ୍ୟାନ ରଖିବାକୁ କହିଥିଲେ। ଏହା ପରେ ତାଙ୍କୁ ଆଫଗାନିସ୍ତାନ ବିପକ୍ଷ  ଟେଷ୍ଟରୁ ବିଶ୍ରାମ ଦିଆଯାଇଥିଲା। ଯଦ୍ଵାରା ସେ ବ୍ରିଟେନ୍ ଗସ୍ତ ପାଇଁ ଆଘାତଜନିତ ସମସ୍ୟାରୁ ନିଜକୁ ମୁକୁଳାଇ ପାରିବେ। ମାତ୍ର ଏମିତି ଲାଗୁଛି ଯେ କିଛି ଭୁଲ ହୋଇଛି ଏବଂ ଏହାର ପରିଣାମ ଆମକୁ ମିଳିଛି। 

ଭୁବନେଶ୍ଵର କୁମାର ୟୋ ୟୋ ଟେଷ୍ଟରେ ସଫଳ ହୋଇଥିଲେ, ଯାହା ଦଳରେ ସାମିଲ ହେବାର ମୁଖ୍ୟ ଫିଟନେସ୍ ପରୀକ୍ଷା ଥିଲା। ଅଧିକାରୀ କହିଛନ୍ତି ଯେ କିଛି ପ୍ରଶ୍ନ ଏମିତି ରହିଛି ଯାହାର ଜବାବ  ଦଳ ପ୍ରବନ୍ଧନକୁ ଦେବାକୁ ପଡ଼ିବ। ସେ କହିଛନ୍ତି ଯେ ଯଦି ତୃତୀୟ ଟି-୨୦ ଏବଂ ପ୍ରଥମ ଦୁଇଟି ଦିନିକିଆରୁ ତାଙ୍କୁ ବିଶ୍ରାମ ଦେବା ପରେ ବି ସେ ଶତ ପ୍ରତିଶତ ଫିଟ୍ ନଥିଲେ ତେବେ ଅନ୍ତିମ ଦିନିକିଆରେ ତାଙ୍କୁ ଖେଳିବା ପାଇଁ ସ୍ଵୀକୃତି କେମିତି ଦିଆଗଲା। 

        </description>
      </item>
      <item>
        <title>
           ଦିନିକିଆ ମାନ୍ୟତା: ରେକର୍ଡ ପଏଣ୍ଟ ସହ ଶୀର୍ଷରେ କୋହଲି, କୁଲଦୀପଙ୍କୁ ଫାଇଦା
        </title>
        <link>
           http://khabarodisha.com/Sports/icc-odi-rankings-virat-kohli-still-number-1-kuldeep-yadav-achieves-career-best-ranking-36005
        </link>
        <guid>
           http://khabarodisha.com/Sports/icc-odi-rankings-virat-kohli-still-number-1-kuldeep-yadav-achieves-career-best-ranking-36005
        </guid>
        <pubDate>
           Wed, 18 Jul 2018 17:20:23 GMT
        </pubDate>
        <description>

ଭାରତୀୟ ଅଧିନାୟକ ବିରାଟ କୋହଲି ଆଇସିସି ଦିନିକିଆ ମାନ୍ୟତାରେ ଶୀର୍ଷ ବ୍ୟାଟସମ୍ୟାନ ଭାବେ ନିଜର ସ୍ଥିତି ମଜଭୁତ କରି କ୍ୟାରିୟରର ସର୍ବଶ୍ରେଷ୍ଠ ୯୧୧ ଅଙ୍କ ହାସଲ କରିଛନ୍ତି। ବୋଲିଂ ବିଭାଗରେ କୁଲଦୀପ ଯାଦବ ଷଷ୍ଠ ସ୍ଥାନକୁ ଉନ୍ନୀତ ହୋଇ ଶୀର୍ଷ ୧୦ ବୋଲରଙ୍କ ମଧ୍ୟରେ ସାମିଲ ହୋଇଛନ୍ତି। 

ଶୀର୍ଷରେ କୋହଲି

ଭାରତକୁ ମଙ୍ଗଳବାର ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ ୧-୨ରେ ପରାଜିତ ହେବାକୁ ପଡିଛି। ଆଇସିସି ବୟାନରେ କହିଛି ଯେ କୋହଲି ଏହି ସିରିଜରେ ୭୫, ୪୫ ଓ ୭୧ ରନର ପାଳି ଖେଳିଛନ୍ତି ଏବଂ ଏଥିରେ ତାଙ୍କୁ ଦୁଇ ଅଙ୍କ ମିଳିଛି। ଏହି ଦୁଇ ଅଙ୍କ  ସହିତ କୋହଲି ୯୧୧ ରେଟିଂ ଅଙ୍କ ସହିତ ନିଜର ଶୀର୍ଷ ସ୍ଥାନକୁ ଆହୁତି ମଜଭୁତ କରିଛନ୍ତି। ଏହା ପୂର୍ବରୁ ୧୯୯୧ରେ ଅଷ୍ଟ୍ରେଲିଆର ଡିନ ଜୋନ୍ସଙ୍କ ୯୧୮ ଅଙ୍କ ପରେ ଏହା କୌଣସି ବ୍ୟାଟସମ୍ୟାନଙ୍କ ଦ୍ଵାରା ସର୍ବାଧିକ ଅଙ୍କ ଅଟେ। 

ପ୍ରଥମ ଥର ଶୀର୍ଷରେ କୁଲଦୀପ

କୁଲଦୀପ ନିଜର କ୍ୟାରିୟରରେ ପ୍ରଥମ ଥର ଶୀର୍ଷ ୧୦ ବୋଲରଙ୍କ ମଧ୍ୟରେ ସ୍ଥାନ ପାଇଛନ୍ତି। ଏହି ବାମହାତୀ ସ୍ପିନର ସିରିଜରେ ୯ ଓ୍ଵିକେଟ୍ ନେଇଛନ୍ତି। ସେ  ଟ୍ରେଣ୍ଟବ୍ରିଜରେ ପ୍ରଥମ ମ୍ୟାଚରେ ୨୫ ରନ ଦେଇ ୬ଟି ଓ୍ଵିକେଟ୍ ନେଇଥିଲେ। ନିଜର ଭଲ ପ୍ରଦର୍ଶନ ବଳରେ ତାଙ୍କୁ ୮ଟି ସ୍ଥାନ ଫାଇଦା ମିଳିଛି। ଏହା ସହିତ ସେ କ୍ୟାରିୟରର ସର୍ବଶ୍ରେଷ୍ଠ ଷଷ୍ଠ ସ୍ଥାନରେ ପହଞ୍ଚିଛନ୍ତି। କୁଲଦୀପ ଶୀର୍ଷ ୧୦ରେ ସ୍ଥାନ ପାଇବାରେ ତୃତୀୟ ଭାରତୀୟ ବୋଲର ଓ ପଞ୍ଚମ ସ୍ପିନର। ଭାରତୀୟ ଦ୍ରୁତ ବୋଲର ବୁମରା ଶୀର୍ଷରେ ଥିବା ବେଳେ ୟୁଜବେନ୍ଦ୍ର ଚହଲ ଦଶମ ସ୍ଥାନରେ ଅଛନ୍ତି। ଶୀର୍ଷ ୧୦ରେ ସାମିଲ ଅନ୍ୟ ସ୍ପିନଙ୍କ ମଧ୍ୟରେ ରାଶିଦ ଖାନ(ଦ୍ଵିତୀୟ), ଇମରାନ ତାହିର(ସପ୍ତମ) ଓ ଆଦିଲ ରସିଦ(ଅଷ୍ଟମ) ଅଛନ୍ତି। 

ରୁଟଙ୍କୁ ମିଳିଲା ଫାଇଦା

କ୍ରମାଗତ ଦୁଇଟି ଶତକ ବଳରେ ଇଂଲଣ୍ଡ ବ୍ୟାଟସମ୍ୟାନ ଜୋ ରୁଟ୍ ବ୍ୟାଟିଂ ମାନ୍ୟତାରେ ଦ୍ଵିତୀୟ ସ୍ଥାନରେ ପହଞ୍ଚିଛନ୍ତି। ରୁଟ୍ ପାକିସ୍ତାନର ବାବର ଆଜମ, ଭାରତର ରୋହିତ ଶର୍ମା, ଅଷ୍ଟ୍ରେଲିଆର ଡେଭିଡ ଓ୍ଵାର୍ଣ୍ଣର ଓ ନ୍ୟୁଜିଲାଣ୍ଡର  ରସ ଟେଲରଙ୍କୁ ପଛରେ ପକାଇ  କ୍ୟାରିୟରର ସର୍ବଶ୍ରେଷ୍ଠ ଦ୍ଵିତୀୟ ମାନ୍ୟତା ହାସଲ କରିଛନ୍ତି। ରୁଟ୍ ଦିନିକିଆ ସିରିଜରେ ୩, ଅପରାଜିତ ୧୧୩ ଓ ଅପରାଜିତ ୧୦୦ ରନ ପାଳି ବଳରେ ୩୪ ଅଙ୍କ ହାସଲ କରିଛନ୍ତି। ଏବେ ସେ କୋହଲିଙ୍କଠୁ ୯୩ ଅଙ୍କ ପଛରେ ଅଛନ୍ତି। 

        </description>
      </item>
      <item>
        <title>
           ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ପାଇଁ ଭାରତୀୟ ଦଳ ଘୋଷିତ, ଭୁବନେଶ୍ଵର କୁମାର ବାଦ୍, ଋଷଭ ପନ୍ତ ସାମିଲ
        </title>
        <link>
           http://khabarodisha.com/Sports/bcci-announces-team-for-the-first-three-tests-against-england-unfit-bhuvneshwar-fails-to-secure-place-35994
        </link>
        <guid>
           http://khabarodisha.com/Sports/bcci-announces-team-for-the-first-three-tests-against-england-unfit-bhuvneshwar-fails-to-secure-place-35994
        </guid>
        <pubDate>
           Wed, 18 Jul 2018 15:33:02 GMT
        </pubDate>
        <description>

 ଇଂଲଣ୍ଡ ବିପକ୍ଷ ପାଞ୍ଚଟି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ୩ଟି ଟେଷ୍ଟ ପାଇଁ ବୁଧବାର ଭାରତୀୟ ଜାତୀୟ ଚୟନକର୍ତ୍ତା ଭାରତୀୟ ଦଳ ଘୋଷଣା କରିଛନ୍ତି। ପ୍ରଥମ ଥର ଯୁବ ଓ୍ଵିକେଟ୍ କିପର ବ୍ୟାଟସମ୍ୟାନ ଋଷଭ ପନ୍ତଙ୍କୁ ଟେଷ୍ଟ ଦଳରେ ସୁଯୋଗ ମିଳିଛି। ଆଘାତଜନିତ ସମସ୍ୟାରୁ ମୁକୁଳି ଥିବା ଦ୍ରୁତ ବୋଲର ମହମ୍ମଦ ସାମି ଦଳକୁ ଫେରିଛନ୍ତି। ଆହତ କାରଣରୁ ଇଂଲଣ୍ଡ ବିପକ୍ଷ ଦିନିକିଆ ସିରିଜରୁ ବାଦ୍ ପଡିଥିବା ଯଶପ୍ରୀତ ବୁମରା ମଧ୍ୟ ଦଳରେ ସାମିଲ ହୋଇଛନ୍ତି। ମାତ୍ର ସେ ପ୍ରଥମ ଟେଷ୍ଟରେ ଉପଲବ୍ଧ ହେବେ ନାହିଁ। ମାତ୍ର ଦିନିକିଆ ସିରିଜରେ ଆଘାତପ୍ରାପ୍ତ ହୋଇଥିବା ଭୁବନେଶ୍ଵର କୁମାର ପ୍ରଥମ ତିନୋଟି ଟେଷ୍ଟରୁ ବାଦ୍ ପଡିଛନ୍ତି। 

ଟେଷ୍ଟ ଦଳର ନିୟମିତ ଓ୍ଵିକେଟ୍ କିପର ବ୍ୟାଟସମ୍ୟାନ ରିଦ୍ଧିମାନ ଶାହ ସଂପୂର୍ଣ୍ଣ ଭାବେ ଫିଟ୍ ହୋଇ ନଥିବାରୁ ତାଙ୍କୁ ଟେଷ୍ଟ ଦଳରେ ସ୍ଥାନ ଦିଆଯାଇ ନାହିଁ। ପନ୍ତଙ୍କ ବ୍ୟତୀତ ଦ୍ଵିତୀୟ ଓ୍ଵିକେଟ୍ କିପର ରୂପେ କାର୍ତ୍ତିକଙ୍କୁ ଚୟନ କରାଯାଇଛି। ଶାହା ଆଘାତ ହେବା ପରେ ଆଫଗାନିସ୍ତାନ ବିପକ୍ଷ ଟେଷ୍ଟ ମ୍ୟାଚରେ କାର୍ତ୍ତିକ ୮ ବର୍ଷ ପରେ ଟେଷ୍ଟ ଦଳକୁ ପ୍ରତ୍ୟାବର୍ତ୍ତନ କରିଥିଲେ। 

ଅନ୍ୟ ପଟେ ଭୁବନେଶ୍ଵର କୁମାର ତୃତୀୟ ଦିନିକିଆରେ ମଧ୍ୟ ଆହତ ହୋଇଛନ୍ତି। ତେଣୁ ତାଙ୍କୁ ପ୍ରଥମ ୩ଟି ଟେଷ୍ଟ ମ୍ୟାଚ୍ ପାଇଁ ଚୟନ କରାଯାଇ ନାହିଁ। ଫିଟନେସ୍ ଟେଷ୍ଟ ଆଧାରରେ ତାଙ୍କୁ ପରେ ଚୟନ କରାଯିବ। ବିସିସିଆଇର ଜାତୀୟ ଚୟନକର୍ତ୍ତା କରୁଣ ନାୟରଙ୍କୁ ଦଳରେ ସୁଯୋଗ ଦେଇଛନ୍ତି। ଅନ୍ୟ ପଟେ ରୋହିତ ଶର୍ମା ଟେଷ୍ଟ ଦଳକୁ ପ୍ରତ୍ୟାବର୍ତ୍ତନ କରି ପାରି ନାହାନ୍ତି। 

ବିସିସିଆଇ ବୟାନ ଜାରି କରି କହିଛି ଯେ ଭାରତୀୟ ଜାତୀୟ ଚୟନକର୍ତ୍ତା ଲିଡ୍ସରେ ବୈଠକ କରି ଇଂଲଣ୍ଡ ବିପକ୍ଷରେ ଖେଳା ଯିବାକୁ ଥିବା ପ୍ରଥମ ୩ଟି ଟେଷ୍ଟ ପାଇଁ ଭାରତୀୟ ଦଳ ଚୟନ କରିଛନ୍ତି। 

ପ୍ରଥମ ୩ଟି ଟେଷ୍ଟ ପାଇଁ ଭାରତୀୟ ଦଳ

ବିରାଟ କୋହଲି(ଅଧିନାୟକ), ଶିଖର ଧାଓ୍ଵନ, କେଏଲ ରାହୁଲ, ମୁରଲୀ ବିଜୟ, ଚେତେଶ୍ଵର ପୂଜାରା, ଆଜିଙ୍କ୍ୟ ରାହାଣେ(ଉପ ଅଧିନାୟକ), କରୁଣ ନାୟର, ଦିନେଶ କାର୍ତ୍ତିକ(ଓ୍ଵିକେଟ୍ କିପର), ଋଷଭ ପନ୍ତ(ଓ୍ଵିକେଟ୍ କିପର), ଆର ଅଶ୍ଵିନି, ରବିନ୍ଦ୍ର ଜାଡେଜା, କୁଲଦୀପ ଯାଦବ, ହାର୍ଦ୍ଦିକ ପାଣ୍ଡ୍ୟା, ଇଶାନ୍ତ ଶର୍ମା, ମହମ୍ମଦ ସାମି, ଉମେଶ ଯାଦବ, ଯଶପ୍ରୀତ ବୁମରା ଓ ଶାର୍ଦ୍ଦୁଳ ଠାକୁର। 

        </description>
      </item>
      <item>
        <title>
           ଟିମ୍ ଇଣ୍ଡିଆ ପାଇଁ ଖରାପ ଖବର, ପ୍ରଥମ ତିନୋଟି ଟେଷ୍ଟରେ ଖେଳିବେନି ଏହି ଘାତକ ବୋଲର
        </title>
        <link>
           http://khabarodisha.com/Sports/jasprit-bumrah-likely-to-miss-first-three-tests-in-englaand-series-35982
        </link>
        <guid>
           http://khabarodisha.com/Sports/jasprit-bumrah-likely-to-miss-first-three-tests-in-englaand-series-35982
        </guid>
        <pubDate>
           Wed, 18 Jul 2018 14:02:21 GMT
        </pubDate>
        <description>

ଟି-୨୦ ସିରିଜରେ ୨-୧ରେ ବିଜୟ ଲାଭ କରିବା ପରେ ଟିମ୍ ଇଣ୍ଡିଆକୁ ଦିନିକିଆ ସିରିଜରେ ୧-୨ରେ ପରାଜୟର ସାମ୍ନା କରିବାକୁ ପଡିଛି । ବର୍ତମାନ ୧ ଅଗଷ୍ଟରୁ ଆରମ୍ଭ ହେଉଥିବା ୫ଟିକିଆ ଟେଷ୍ଟ୍ ସିରିଜ୍ ପୂର୍ବରୁ ଭାରତୀୟ ଟିମକୁ ଲାଗିଛି ଶକ୍ତ ଧକ୍କା । ଆଜିଠାରୁ ଟେଷ୍ଟ୍ ପାଇଁ ଖେଲାଳି ଚୟନ ପ୍ରକ୍ରିୟା ଆରମ୍ଭ ହେଇଥିବା ବେଳେ ଭାରତୀୟ ଟିମ୍ ପାଇଁ ଆସିଛି ଖରାପ ଖବର । 

କ୍ରିକଇନଫୋରେ ଦିଆଯାଇଥିବା ସୂଚନା ମୁତାବକ, ଦଳର ପ୍ରଭାବି ବୋଲର ଜଶପ୍ରିତ ବୁମରା ପ୍ରଥମ ତିନୋଟି ମ୍ୟାଚ ଖେଳିବେ ନାହିଁ । ସେ ଦଳ ସହ ବ୍ରିଟେନ ଗସ୍ତରେ ଆସିଥିଲେ ସୁଧା ଆୟାରଲାଣ୍ଡ ବିରୋଧରେ ପ୍ରଥମ ଟି-୨୦ ମ୍ୟାଚରେ ତାଙ୍କ ଆଙ୍ଗୁଠିରେ ଆଘାତ ଲାଗିଥିଲା । ସେ ଇଂଲଣ୍ଡ ବିରୋଧରେ କୌଣସି ମ୍ୟାଚ୍ ଖେଳି ପାରି ନଥିଲେ । 

ଭାରତୀୟ ଚୟନକର୍ତା କୁଲଦୀପ ଯାଦବଙ୍କ ଉପରେ ନଜର ରଖିବେ । ଏହି ଚାଇନାମ୍ୟାନ ବୋଲର ନିଜ ବୋଲିଂ ଯାଦୁରେ ଇଂଲଣ୍ଡ ବ୍ୟାଟସମ୍ୟାନଙ୍କୁ ବାନ୍ଧି ରଖିବାରେ ସଫଳ ହୋଇଥିଲେ । ଯଦି କୁଲଦୀପଙ୍କୁ ଚୟନ କରାଯାଏ ତେବେ ଅଶ୍ୱିନୀ, ରବିନ୍ଦ୍ର ଜାଡେଜାଙ୍କ ସହ ସେ ସ୍ପିନ୍ ଭାର ସମ୍ଭାଳିବେ । 

ଆଇପିଏଲ ସମୟରେ ପାରିବାରିକ କଳହ ଯୋଗୁଁ  ବାହାରେ ବସିଥିବା ମହମ୍ମଦ ସାମି ଟେଷ୍ଟ୍ ଖେଳିବା ନେଇ ସମ୍ଭାବନା ରହିଛି । ଏହା ସହ ଭୁବନେଶ୍ୱର କୁମାର, ଇଶାନ୍ତ ଶର୍ମା ଏବଂ ଉମେଶ ଯାଦବଙ୍କ ସହ ସେ ପେସ୍ ବାହିନୀରେ ସାମିଲ ହେବେ । ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ମଧ୍ୟ ଦ୍ରୁତ ବୋଲିଂ ଭାର ସମ୍ଭାଳିବେ । 

ଆଙ୍ଗୁଠିରେ ଆଘାତ କାରଣରୁ ରିଦ୍ଦିମାନ ଶାହାଙ୍କ ସ୍ଥାନରେ ରିଷଭ ପନ୍ଥ କିମ୍ବା ଦିନେଶ କାର୍ତିକଙ୍କୁ ସୁଯୋଗ ମିଳିବ । ଇଂଲଣ୍ଡ ଲାୟନ୍ସ ବିରୋଧରେ ଖେଳୁଥିବା ରିଷଭ ୧୫ଟି କ୍ୟାଚ୍ ନେଇ ସମସ୍ତଙ୍କୁ ଚକିତ କରିଛନ୍ତି । ତେବେ ବିରାଟ କୋହଲି ଏବଂ ଚୟନକର୍ତା କାହାକୁ ସାମିଲ୍ କରୁଛନ୍ତି ତାହା ପରେ ଜଣାପଡିବ । 

        </description>
      </item>
      <item>
        <title>
           ମ୍ୟାଚ୍ ଶେଷ ହେବା ପରେ ଅମ୍ପାୟାରଙ୍କଠାରୁ ବଲ୍ ନେଲେ ଧୋନୀ, ସୋସିଆଲ ମିଡିଆରେ ଅବସର ନେଇ ଚର୍ଚ୍ଚା
        </title>
        <link>
           http://khabarodisha.com/Sports/dhoni-keeps-match-ball-twitter-users-get-worried-about-retirement-35979
        </link>
        <guid>
           http://khabarodisha.com/Sports/dhoni-keeps-match-ball-twitter-users-get-worried-about-retirement-35979
        </guid>
        <pubDate>
           Wed, 18 Jul 2018 11:52:24 GMT
        </pubDate>
        <description>

ଜୟ ରୁଟଙ୍କ ଅପରାଜୟ ଶତକ ଏବଂ ଇଆନ ମୋର୍ଗାନଙ୍କ ୮୮ ରନରେ ହୋଇଥିବା ୧୮୬ ରନର ପାର୍ଟନରସିପ୍ ବଳରେ ଇଂଲଣ୍ଡ ଭାରତକୁ ଶେଷ ଦିନିକିଆରେ ୮ ୱିକେଟରେ ପରାସ୍ତ କରିଛି । ଏହା ସହ ୨-୧ରେ ସିରିଜ୍ ମଧ୍ୟ ହାରିଛି ଦଳ ।  

ଗତକାଲି ଲର୍ଡସ୍ ଗ୍ରାଉଣ୍ଡରେ ଖେଳାଯାଇଥିବା ଅନ୍ତିମ ଦିନିକିଆରେ ଭାରତ ହାରିବା ପରେ ଏପରି କିଛି ହେଲା ଯାହାକୁ ନେଇ ସୋସିଆଲ୍ ମିଡିଆରେ ଚର୍ଚ୍ଚା ଜୋର ଧରିଛି । ମ୍ୟାଚ୍ ଶେଷ ହେବ ପରେ ଡ୍ରେସିଂ ରୁମକୁ ଫେରୁଥିବା ସମୟରେ ମହେନ୍ଦ୍ର ସିଂ ଧୋନୀ ଅମ୍ପାୟାରଙ୍କ ଠାରୁ ମ୍ୟାଚର ବଲ୍ ନେଇଥିବା ଦେଖାଯାଇଥିଲା । ଏହା ପରେ ତାଙ୍କ ପ୍ରଶଂସକଙ୍କୁ ଲାଗୁଛି କି ଧୋନୀ କିଛି ବଡ ପଦକ୍ଷେପ ନେବାକୁ ଯାଉଛନ୍ତି । 

ଧୋନୀଙ୍କ ସହ ଜଡିତ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଚର୍ଚ୍ଚା ମଧ୍ୟ ଆରମ୍ଭ ହୋଇ ଯାଇଛି କି ଧୋନୀ କ୍ରିକେଟକୁ ଅଲବିଦା କରିବାକୁ ଯାଉଛନ୍ତି ।  ଧୋନୀ କାହିଁକି ଅମ୍ପାୟାରଙ୍କଠୁ ବଲ୍ ନେଲେ ତାକୁ ନେଇ ଉଠିଛି ପ୍ରଶ୍ନ । 

ପ୍ରତିକୂଳ ପରିସ୍ଥିତିରେ ଦଳକୁ ବିପଦରୁ ମୁକ୍ତ କରୁଥିବା ଧୋନୀ ଇଂଲଣ୍ଡ ବିରୋଧରେ ତୃତୀୟ ଦିନିକିଆରେ କିଛି କରିସ୍ମା କରି ପାରି ନଥିଲେ । ଧୋନୀ ୬୬ ବଲରୁ ମାତ୍ର ୪୨ ରନ୍ କରିଥିଲେ । ଫଳରେ ଭାରତ ଇଂଲଣ୍ଡକୁ ବଡ ଲକ୍ଷ୍ୟ ଦେଇ ପାରି ନଥିଲା  । 

        </description>
      </item>
      <item>
        <title>
           ତୃତୀୟ ଦିନିକିଆରେ ଭାରତ ପରାସ୍ତ, ଅଧାରେ ଅଟକିଲା ସିରିଜ୍ ବିଜୟ ରେକର୍ଡ୍
        </title>
        <link>
           http://khabarodisha.com/Sports/india-vs-england-headingley-leeds-3rd-one-day-international-england-and-india-consecutive-series-win-35967
        </link>
        <guid>
           http://khabarodisha.com/Sports/india-vs-england-headingley-leeds-3rd-one-day-international-england-and-india-consecutive-series-win-35967
        </guid>
        <pubDate>
           Wed, 18 Jul 2018 10:13:15 GMT
        </pubDate>
        <description>

ଲର୍ଡସରେ ଖେଳାଯାଇଥିବା ତୃତୀୟ ତଥା ନିର୍ଣ୍ଣାୟକ ଦିନିକିଆରେ ଇଂଲଣ୍ଡ ଭାରତକୁ ୮ ୱିକେଟରେ ପରାସ୍ତ କରିଛି । ଏହି ପରାଜୟ ସହ ଭାରତ ତିନି ଦିନିକିଆ ସିରିଜକୁ ୧-୨ରେ ପରାଜୟର ସାମ୍ନା କରିଛି । ଏହା ସହ ଭାରତର ଲଗାତାର ଭାବେ ୧୦ଟି ଦ୍ୱିପାକ୍ଷିକ ସିରିଜ୍ ଜିତିବା ସ୍ୱପ୍ନ ମଧ୍ୟ ଭାଙ୍ଗି ଯାଇଛି । 

ଜିମ୍ବାୱେ ଠାରୁ ଆରମ୍ଭ ହୋଇଥିଲା ସିରିଜ୍ ବିଜୟ

ଶେଷ ଥର ପାଇଁ ଜାନୁଆରୀ ୨୦୧୬ରେ ଭାରତ ଦ୍ୱିପାକ୍ଷିକ ସିରିଜରେ ଅଷ୍ଟ୍ରେଲିଆଠାରୁ ୧-୪ରେ ପରାସ୍ତ ହୋଇଥିଲା । ଏହା ପରେ ଟିମ୍ ଇଣ୍ଡିଆ ଲଗାତାର ୯ଟି ଦ୍ୱିପାକ୍ଷିକ ସିରିଜ୍ ନିଜ ନାମରେ କରିଥିଲା । 

ଭାରତର ଏହି ସିରିଜ୍ ବିଜୟ ୨୦୧୬ରେ ଜିମ୍ବାୱେ ବିପକ୍ଷରେ ଆରମ୍ଭ ହୋଇଥିଲା । ଏହା ପରେ ଦଳ ୨୦୧୬ରେ ନ୍ୟୁଜିଲାଣ୍ଡ, ୨୦୧୭ରେ ଇଂଲଣ୍ଡ, ୱେଷ୍ଟଇଣ୍ଡିଜ୍, ଶ୍ରୀଲଙ୍କା, ଅଷ୍ଟ୍ରଲିଆଲ, ନ୍ୟୁଜିଲାଣ୍ଡ, ଶ୍ରୀଲଙ୍କା ଏବଂ ୨୦୧୮ରେ ସାଉଥ ଆଫ୍ରିକାକୁ ପରାସ୍ତ କରିଛି । କିନ୍ତୁ ଇଂଲଣ୍ଡ ବିରୋଧରେ ୧-୨ରେ ମିଳିଥିବା ପରାଜୟ ପରେ ଭାରତର ବିଜୟ ରଥ ଅଟକି ଯାଇଛି । 

ଲଗାତାର ଭାବେ ସବୁଠାରୁ ଅଧିକ ଦିନିକିଆ ସିରିଜ ଜିତିବାର ରେକର୍ଡ୍ ୱେଷ୍ଟଇଣ୍ଡିଜ୍ ନାମରେ ରହିଛି । ଏହି କାରବିଆନ୍ ଦଳ ୧୯୮୦ରୁ ୧୯୮୮ ମଧ୍ୟରେ ୧୫ଟି ସିରିଜ ଉପରେ କବଜା କରିଥିଲ । ଭାରତ ଲଗାତର ଭାବେ ୯ଟି ସିରିଜ୍ ଜିତି ଦ୍ୱିତୀୟ ସ୍ଥାନରେ ରହିଛି । 

        </description>
      </item>
   </rss>
 </channel>