<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଏହି ସବୁ ଖାଦ୍ୟ ଦ୍ୱାରା ହୋଇଥାଏ ଦୃଷ୍ଟି ଶକ୍ତି ବୃଦ୍ଧି
        </title>
        <link>
           http://khabarodisha.com/Special/foods-can-protect-and-improve-your-eyesight-39860
        </link>
        <guid>
           http://khabarodisha.com/Special/foods-can-protect-and-improve-your-eyesight-39860
        </guid>
        <pubDate>
           Tue, 18 Sep 2018 17:59:22 GMT
        </pubDate>
        <description>

 ଆଖି ସମସ୍ୟା ଆଜିକାଲି ସମସ୍ତଙ୍କର ଦେଖାଯାଉଛି । ଛୋଟ ପିଲାଙ୍କଠାରୁ ଆରମ୍ଭ କରି ବଡ ପିଲା ପର୍ଯ୍ୟନ୍ତ ସମସ୍ତଙ୍କ ଆଖି ସମସ୍ୟା ସୃଷ୍ଟି ହେଉଛି । ଏହି ସମସ୍ୟାକୁ ଏଡ଼ାଇବା ପାଇଁ ଛୋଟବେଳୁ ପିଲାମାନଙ୍କୁ ଚଷମା ବ୍ୟବହାର କରିବାକୁ ପଡ଼ୁଛି। କେତେକ କ୍ଷେତ୍ରରେ ଦେଖାଯାଉଛି, ପିଲାମାନେ ବଡ଼ ହେବା ପରେ ମଧ୍ୟ ଏହି ସମସ୍ୟାରୁ ମୁକୁଳିପାରୁ ନାହାନ୍ତି । ଫଳରେ ସାରା ଜୀବନ ସେମାନଙ୍କୁ ଚଷମା ବ୍ୟବହାର କରିବାକୁ ପଡ଼ୁଛି। ଏହି ସମସ୍ୟା ସାଧାରଣତଃ ଭିଟାମିନ୍‌ ସି’ ଓ ଇ’ ଅଭାବରୁ ଦେଖାଦେଇଥାଏ। ଯେଉଁ ଖାଦ୍ୟରେ ଭିଟାମିନ୍ ସି, ଲ୍ୟୁଟିନ୍ ଓ ଜେକ୍ସାନଥିନ୍‌ ରହିଥାଏ ସେଗୁଡ଼ିକ ଆମ ଆଖିର ସୁସ୍ଥତା ଓ ଦୃଷ୍ଟିଶକ୍ତି ବୃଦ୍ଧିରେ ସହାୟକ ହୋଇଥାଏ । ଲ୍ୟୁଟିନ୍ ଓ ଜେକ୍ସାନଥିନ୍‌ ଆମ ଶରୀରରେ ତିଆରି ହୋଇପାରି ନ ଥାଏ । ତେଣୁ ଶରୀରର ଏହି ଅଭାବ ପୂରଣ ପାଇଁ ଆମକୁ ଖାଦ୍ୟ ଉପରେ ନିର୍ଭର କରିବାକୁ ପଡ଼ିଥାଏ । ଏହି ସବୁ ଖାଦ୍ୟ ୪୦ ବର୍ଷ ପରେ ମଧ୍ୟ ଆମର ଦୃଷ୍ଟିଶକ୍ତି ବଜାୟ ରଖିବାରେ ସହାୟକ ହୋଇଥାଏ ।

ମକା- ମକା କେବଳ ପାଟିକୁ ସ୍ୱାଦିଷ୍ଟ ଲାଗି ନଥାଏ, ଏହା ଆମ ଆଖି ପାଇଁ ମଧ୍ୟ ବେଶ୍‌ ଉପକାରୀ । ଜର୍ଣ୍ଣାଲ ଅଫ୍‌ ଏଗ୍ରିକଲ୍‌ଚର୍‌ ଫୁଡ୍‌ ଏଣ୍ଡ କେମେଷ୍ଟ୍ରି ରିସର୍ଚ୍ଚରୁ ଜଣାଯାଇଛି ଯେ, ମକା ଖାଇବା ଦ୍ୱାରା ଆମକୁ ପ୍ରଚୁର ପରିମାଣରେ ଲ୍ୟୁଟିନ୍‌ ଓ ଜିକ୍ସାନଥିନ୍ ମିଳିଥାଏ । ଲ୍ୟୁଟିନ୍‌ ଓ ଜିକ୍ସାନଥିନ୍ ଦୃଷ୍ଟିଶକ୍ତି ବଢ଼ାଇବା ସଙ୍ଗେ ସଙ୍ଗେ  ସହ ଆମ ଆଖିକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଅଣ୍ଡା- ମଣିଷ ଶରୀର ପାଇଁ ଅଣ୍ଡା ଅନେକ ପୋଷକତତ୍ତ୍ୱ ଯୋଗାଇଥାଏ । ଅଣ୍ଡା ଖାଇବା ଦ୍ୱାରା ଆମକୁ ନ୍ୟୁଟିନ୍‌, ଲ୍ୟୁଟିନ୍‌, ଭିଟାମିନ୍‌ ଇ’ ଓ ଓମେଗା ୩  ମିଳିଥାଏ। 

ପାଳଙ୍ଗ- ଗୋଟିଏ କପ୍‌ ପାଳଙ୍ଗ ପତ୍ରରେ ୨୦.୪ ପ୍ରତିଶତ ଲ୍ୟୁଟିନ୍ ଓ ଜେକ୍ସାନଥିନ୍‌ ରହିଥାଏ। ଯାହାକି ଆମ ଶରୀର ସହିତ ଆଖିକୁ ମଧ୍ୟ ସୁସ୍ଥ ରଖିଥାଏ । ଏହାକୁ ଆମେ ସ୍ୟାଣ୍ଡ୍‌ଉଇଚ୍ ଓ ସାଲାଡ୍‌ରେ ମଧ୍ୟ ଖାଇ ପାରିବା।

ବ୍ରୋକୋଲି- ବ୍ରୋକୋଲି ଖାଇବା ଦ୍ୱାରା ଆମକୁ ପ୍ରଚୁର ପରିମାଣର ଭିଟାମିନ ସି’ ମିଳିଥାଏ। ଏହା ସହିତ ଏଥିରେ ଆଖିକୁ ଶକ୍ତି ଦେଲା ଭଳି ବିଟା-କାରୋଟିନ୍‌ ସହତ ଲ୍ୟୁଟିନ୍‌ ଓ ଜେକ୍ସାନଥିନ୍‌ ରହିଥାଏ।

        </description>
      </item>
      <item>
        <title>
           କରନ୍ତୁ ଧନୁରାସନ, ଅଂଟା ଯନ୍ତ୍ରଣା, ଥାଇରଡ ଓ ଶ୍ୱାସ ଭଳି ଅନେକ ରୋଗରୁ ପାଆନ୍ତୁ ମୁକ୍ତି
        </title>
        <link>
           http://khabarodisha.com/Special/yoga--benefits-of-dhanurasana-39857
        </link>
        <guid>
           http://khabarodisha.com/Special/yoga--benefits-of-dhanurasana-39857
        </guid>
        <pubDate>
           Tue, 18 Sep 2018 17:24:59 GMT
        </pubDate>
        <description>

 ଯୋଗ କରିବା ଦ୍ୱାରା ଯେ କେବଳ ଶରୀର ସୁସ୍ଥ ରହିଥାଏ ତାହା ନୁହେଁ । ଏହା ଦ୍ୱାରା ଅମ ଶରୀରର ବିଭିନ୍ନ ରୋଗ ମଧ୍ୟ ଭଲ ହୋଇଥାଏ । ତଳିପେଟ ବଢ଼ୁଥିଲେ, ଅଣ୍ଟାରେ ଯନ୍ତ୍ରଣା ଅନୁଭବ ହେଉଥିଲେ କିମ୍ବା ଶ୍ୱାସ ରୋଗ ସମସ୍ୟା ଥିଲେ ଧନୁରାସନ ପ୍ରତିଦିନ ସକାଳେ କିଛି ସମୟ କରନ୍ତୁ। ଏହି ଆସନ କରିବା ସମୟରେ ଏହାର ପ୍ରଭାବ ଆପଣ ବେକ, ତଳିପେଟ ଓ ଅଣ୍ଟା ଉପରେ ପଡ଼ିବା ସହ ଆରାମ ମଧ୍ୟ ଅନୁଭବ କରିବେ। କେବଳ ଯେ ଏହି ତିନୋଟି ସମସ୍ୟା ନୁହେଁ ଆହୁରି ଛୋଟବଡ଼ ସମସ୍ୟା ସମାଧାନ ମଧ୍ୟ କରେ ଏହି ଧନୁରାସନ। ତେବେ ଏହି ଆସନ ଶରୀରର ଉପରେ କିପ୍ରଭାବ ପକାଏ ଜାଣନ୍ତୁ ସେ ସଂପର୍କରେ କିଛି ଖାସ୍‌ କଥା।

ଏହାକୁ କିପରି କରିବେ 

ପ୍ରଥମେ ପେଟେଇ ସିଧା ଶୋଇ ରୁହନ୍ତୁ । ଏକ ଲମ୍ବା ନିଶ୍ୱାସ ଛାଡ଼ିବା ପରେ ଦୁଇ ଆଣ୍ଠୁକୁ ଭାଙ୍ଗି ଗୋଇଠିକୁ ଦୁଇ ହାତର ପାପୁଲି ସାହାଯ୍ୟରେ ଧରି ରଖନ୍ତୁ 

ସ୍ୱାଭାବିକ ଶ୍ୱାସକ୍ରିୟା ସହ ଦୁଇ ଜଘଂ ପେଟ ଓ ମୁଣ୍ଡକୁ ମଧ୍ୟ ଯେତେଦୂର ସମ୍ଭବ ଉପରକୁ ଉଠାନ୍ତୁ । ପୂରା ଶରୀରର ଓଜନକୁ ତଳି ପେଟ ଉପରେ ରଖିବା ପାଇଁ ଚେଷ୍ଟା କରନ୍ତୁ ଓ ଉପରକୁ ଦୃଷ୍ଟି ରଖନ୍ତୁ। ଏହି ଆସନରେ କିଛି ସମୟ ରହିବା ପରେ ନିଶ୍ୱାସ ଛାଡ଼ିବା ସହ ଧୀରେ ଧୀରେ ଗୋଡ଼ ଓ ମୁଣ୍ଡକୁ ତଳକୁ ଖସାନ୍ତୁ। 

ଶରୀର ଓଜନ ସହ ପେଟରେ ଜମି ରହିଥିବା ଚର୍ବି କମ୍‌ ହ୍ରାସ କରେ, ଅଳସୁଆପଣ ଦୂର ହୁଏ। ପେଟ ଭିତରେ ଥିବା ସବୁ ଅଙ୍ଗ ସକ୍ରିୟ ହୁଏ ଏବଂ ଲିଭରର ମସାଜ ହୁଏ ଓ ହଜମ ଶକ୍ତି ବଢ଼େ।

ମଧୁମେହ ରୋଗୀଙ୍କ ଶରୀରରେ ଉପଯୁକ୍ତ ପରିମାଣର ଇନସୁଲିନ ଏବଂ ଗ୍ଲୁକାଗୋନ୍‌ କ୍ଷରଣ ହୁଏ। ଫଳରେ ରକ୍ତରେ ଶର୍କରା ମାତ୍ରା ଠିକ୍‌ ରୁହେ। ଉଭୟ ୧ ଓ୨ଟାଇପ୍‌ ମଧୁମେହ ରୋଗୀ ଏହି ଆସନ କରିପାରିବେ।

ମେରୁଦଣ୍ଡ ସିଧା ରଖିବା ସହ ଅଣ୍ଟା ଯନ୍ତ୍ରଣା ଦୂର କରେ। କାନ୍ଧ ମଧ୍ୟ ମଜବୁତ୍‌ ରଖେ। ଶ୍ୱାସ ଓ ଥାଇରଏଡ ସମସ୍ୟା ମଧ୍ୟ ଏହି ଆସନ ଦ୍ୱାରା ସହଜେ ଦୂର ହୁଏ ।

ହୃଦ୍‌ ସମସ୍ୟା, ଉଚ୍ଚ ରକ୍ତଚାପ, ହାର୍ନିଆ, ଆପେଣ୍ଡିସସାଇଟିସ ସମସ୍ୟା ଥିଲେ ଏହି ଆସନ କରିବେ ନାହିଁ। ରାତିରେ ଶୋଇବାର କିଛି ସମୟ ପୂର୍ବରୁ ଏହି ଆସନ କରିବେ ନାହିଁ।

ସିଆଟିକା କିମ୍ବା ଅଧିକ ଅଣ୍ଟା ଯନ୍ତ୍ରଣା ଥିଲେ ଯୋଗ ଗୁରୁଙ୍କ ବିନା ପରାମର୍ଶରେ ଏହି ଆସନ କରିବେ ନାହିଁ।

        </description>
      </item>
      <item>
        <title>
           ବର୍ଷାଦିନେ ସୁସ୍ଥ ରହିବା ପାଇବା ପାଇଁ କିଛି ଘରୋଇ ଉପାୟ
        </title>
        <link>
           http://khabarodisha.com/Special/precaution-during-rainy-season-39808
        </link>
        <guid>
           http://khabarodisha.com/Special/precaution-during-rainy-season-39808
        </guid>
        <pubDate>
           Mon, 17 Sep 2018 18:57:10 GMT
        </pubDate>
        <description>

ବର୍ଷା ଦିନେ ସମସ୍ତଙ୍କୁ ବର୍ଷାରେ ଭିଜିବାକୁ ଭଲ ପଆନ୍ତି । ଏହି ଦିନେ ବାହାରର ଚଟପଟା ଖାଦ୍ୟ ସମସ୍ତଙ୍କୁ ଖାଇବାକୁ ଭଲ ଲାଗେ । ହେଲେ ଏଥିରୁ ଟିକେ ଧ୍ୟନ ହଟିଲେ   ପିଲାଙ୍କ ଠାରୁ ଆରମ୍ଭ କରି ବଡ ପର୍ଯ୍ୟନ୍ତ ସମସ୍ତଙ୍କର ହୋଇପାରେ ଦେହ ଖରାପ ।  ତେବେ ଏହି ସବୁ ଭିତରେ ଏହି ଦିନରେ ସ୍ୱାସ୍ଥ୍ୟକୁ ନେଇ ସାବଧାନ ରହିବା ଆବଶ୍ୟକ । କାରଣ ଏହି ଦିନରେ ବିଭିନ୍ନ ପ୍ରକାରର ସ୍ୱାସ୍ଥ୍ୟ ସମସ୍ୟା ଦେଖାଯାଇଥାଏ।

ଖାଲି ବର୍ଷା ପାଣି ଜମି ରହିବା ଯୋଗୁଁ  ଅନେକ ରୋଗ ହେବାର ମଧ୍ୟ ସମ୍ଭାବନା ନଥାଏ ବରଂ ଆମର ଖାଇବା ପିଇବାରେ ଅବେହଳା ଓ ବର୍ଷାରେ ଓଦା ହେବା ଯୋଗୁଁ ମଧ୍ୟ ଅନେକ ପ୍ରକାର ସଂକ୍ରମଣ ଜନିତ ରୋଗ ଦେଖା ଦେଇଥାଏ। ବର୍ଷା ଦିନରେ ବର୍ଷାର ମଜା ନେବା ସହ କିପରି ସ୍ୱାସ୍ଥ୍ୟର ଯତ୍ନ ନେବେ ଜାଣନ୍ତୁ । 

ବର୍ଷା ଦିନରେ ବେଶୀ ଓଦା ହୁଅନ୍ତୁ ନାହିଁ। ବାହାରକୁ ଗଲା ବେଳେ ସାଙ୍ଗରେ ଛତା ଓ ରେନ୍‌କୋଟ୍‌ ସାଙ୍ଗରେ ନେଇ ଯାଆନ୍ତୁ।

ବର୍ଷା ଦିନେ ଖାଇବା ପିଇବା ପ୍ରତି ଅଧିକ ଧ୍ୟାନ ଦେବା ଆବଶ୍ୟକ। କାରଣ ଏହି ସମୟରେ ଖାଦ୍ୟ ଓ ପାନୀୟ ଜନିତ ସଂକ୍ରମଣ ହେବାର ଅଧିକ ଆଶଙ୍କା ଥାଏ।

ଛୋଟ ଛୁଆ ଓ ବୟସ୍କ ବ୍ୟକ୍ତିଙ୍କ ଖାଇବା ପିଇବା ପ୍ରତି ଅଧିକ ଧ୍ୟାନ ଦିଅନ୍ତୁ।

ବର୍ଷା ଦିନରେ ସବୁବେଳେ ସତେଜ ଓ ଗରମ ଖାଦ୍ୟ ଖାଆନ୍ତୁ। ଏହି ଦିନରେ କଲରା, ଲିମ୍ବ ଇତ୍ୟାଦି ପିତା ଖାଦ୍ୟ ଖାଇବା ଦ୍ୱାରା ଆଲର୍ଜି ହେବାର ଆଶଙ୍କା କମ୍‌ ଥାଏ।

ବର୍ଷା ଦିନେ ପାଚନ ଶକ୍ତି ଦୁର୍ବଳ ରହିଥାଏ। ତେଣୁ ହାଲୁକା ଖାଦ୍ୟ ଖାଇବା ଦ୍ୱାରା ଖାଦ୍ୟ ଶୀଘ୍ର ହଜମ ହୋଇଥାଏ।

ଘରେ କିମ୍ବା ଘର ବାହାରେ ପାଣି ଜମିବାକୁ ଦିଅନ୍ତୁ ନାହିଁ। ଏଥିରେ ମଶା ମାନେ ବଂଶ ବିସ୍ତାର କରିଥାନ୍ତି।

ପ୍ରଦୂଷିତ ପାଣି ପିଅନ୍ତୁ ନାହିଁ। ଏହି ଦିନରେ ପାଣି ଫୁଟାଇ ପିଇବା ସ୍ୱାସ୍ଥ୍ୟପକ୍ଷେ ଭଲ । ଶୋଇଲା ବେଳେ ମଶାରୀ ଟାଙ୍ଗି ଶୁଅନ୍ତୁ।

ପ୍ରଦୂଷିତ ପାଣି ପିଅନ୍ତୁ ନାହିଁ। ଏହି ଦିନରେ ପାଣି ଫୁଟାଇ ପିଇବା ସ୍ୱାସ୍ଥ୍ୟପକ୍ଷେ ଭଲ।

କୌଣସି ରୋଗର ଆଶଙ୍କା ଦେଖାଯାଉଥିଲେ ତୁରନ୍ତ ଡ଼ାକ୍ତରଙ୍କ ସହ ଯୋଗାଯୋଗ କରନ୍ତୁ।

ବର୍ଷାଦିନେ ଯଥାସମ୍ଭବ ବାହାର ଖାଦ୍ୟଠାରୁ ଦୂରେଇ ରୁହନ୍ତୁ । 

        </description>
      </item>
      <item>
        <title>
           ମାନସିକ ଚାପ ଓ ନିଦ୍ରା ହୀନତାରୁ ରକ୍ଷା ପାଇବା ପାଇଁ ସରଳ ଉପାୟ
        </title>
        <link>
           http://khabarodisha.com/Special/do-yo-feel-sleeplessness-how-to-sleep-well-39752
        </link>
        <guid>
           http://khabarodisha.com/Special/do-yo-feel-sleeplessness-how-to-sleep-well-39752
        </guid>
        <pubDate>
           Sun, 16 Sep 2018 18:36:17 GMT
        </pubDate>
        <description>

ଆଜିର ବ୍ୟସ୍ତ ଜୀବନ ଭିତରେ ନଦ୍ରା ହିନତା ଗୋଟିଏ ବଡ ସମସ୍ୟା ।   ବର୍ତ୍ତମାନ ବିଛଣାକୁ ଯିବାପରେ ନିଦ ନ ହେବାଟା ଆଜିକାଲିର କର୍ମଜୀବୀ ମହିଳା ଓ ପୁରୁଷମାନଙ୍କର ନିତିଦିନିଆ କଥା  ହୋଇଗଲାଣି । ଦିନ ତମାମ୍ କର୍ମକ୍ଷେତ୍ରରୁ କ୍ଲାନ୍ତ ହୋଇ ଫେରିଥିବା କର୍ମଜୀବୀମାନଙ୍କୁ ନିଦ ନ ହେବାରୁ ସେମାନେ ନାନା ମାନସିକ ସମସ୍ୟାର ସମ୍ମୁଖୀନ ହେଉଛନ୍ତି ।  ମଣିଷ ସୁସ୍ଥ ରହିବାକୁ ଖାଦ୍ୟ ପାନୀୟ ଯେତିକି ଆବଶ୍ୟକ, ଉତ୍ତମ ନିଦ୍ରା ମଧ୍ୟ ସେତିକି ଆବଶ୍ୟକ । 

ଯଦି ଆମ ଶରୀରକୁ ନିଦର ଅଭାବ ହେଲେ ଆଖି ତଳେ କଳାଦାଗ ପଡିବା , ମସ୍ତିଷ୍କ ଜନିତ ସମସ୍ୟା , କ୍ଲାନ୍ତ ଅନୁଭବ କରିବା, ରକ୍ତଚାପ, ଡାଇବେଟିସ, ମାନସିକ ଚାପ ଓ ଅବସାଦ ଆଦି ସମସ୍ୟା ଆଦି ଦେଖାଦେଇଥାଏ । 

ଯଦି ଆପଣଙ୍କୁ ନିଦ ଆସୁନାହି କିମ୍ବା ଶୋଇବା ଅଧାରୁ ନିଦ ଭାଙ୍ଗୁଛି ତାହେଲେ ଶୋଇବା ପୂର୍ବରୁ ଥଣ୍ଡା ପାଣିରେ ଭଲଭାବେ ଗୋଡ଼ ହାତ ଧୋଇ ହୁଅନ୍ତୁ, ଯାହାଦ୍ୱାରା ମାଂସପେଶୀକୁ ଆରାମ ମିଳିଥାଏ ଏବଂ ଭଲ ନିଦ ହୋଇଥାଏ । 

ଶୋଇବା ପୂର୍ବରୁ ଧ୍ୟାନ କରିବା ଏକ ଭଲ ଅଭ୍ୟାସ ଓ ଶୋଇବା ପୂର୍ବରୁ ଧ୍ୟାନ କଲେ ଆମ ମସ୍ତିଷ୍କରେ ମେଲାଟୋନିନ ନାମକ ହରମୋନ କ୍ଷରଣ ହୋଇଥାଏ ଓ ଯାହା ଫଳରେ ଆମକୁ ନିଦ ଲାଗେ  । 

ଗବେଷଣାରୁ ଜଣାଯାଇଛି ଯେ ଯେଉଁ ଲୋକ ଦିନରେ ୨-୩ ଥର ଚା କିମ୍ବା କଫି ପିଅନ୍ତି, ସେମାନଙ୍କୁ ଶୀଘ୍ର ନିଦ ହୋଇନଥାଏ, କାରଣ ଏଥିରେ କାଫେନ ନାମକ ଏକ ରାସାୟନିକ ତତ୍ତ୍ଵ ଅଛି ଯାହା ଆମ ନିଦକୁ ପ୍ରଭାବିତ କରିଥାଏ । 

ପ୍ରତିଦିନ ଗୋଟିଏ ନିର୍ଦ୍ଦିଷ୍ଟ ସମୟରେ ଶୋଇବା ପାଇଁ ଚେଷ୍ଟା କରନ୍ତୁ ଓ ନିର୍ଦ୍ଦିଷ୍ଟ ସମୟରେ ଶୋଇବା ଅଭ୍ୟାସ ଦ୍ୱାରା ଆପଣଙ୍କୁ ସେହି ସମୟରେ ନିଦ ଆସିଥାଏ ।

ଆପଣ ଯେଉଁ ଘରେ ଶୋଉଛନ୍ତି ସେହି ଘରେ ଟିଭି ରଖନ୍ତୁ ନାହିଁ । ସେହିପରି ଶୋଇବା ଘରକୁ ଛୋଟଛୁଆଙ୍କ କାନ୍ଦ ନ ଶୁଭିବା ଦରକାର ଓ  ତା ଛଡ଼ା ଅନ୍ଧାରରେ ଶୋଇବା ଦ୍ୱରା ମଧ୍ୟ ନିଦ ଶୀଘ୍ର ହୋଇଥାଏ ଓ ଏଥିପାଇଁ ଶୋଇବା ଘରକୁ ଅନ୍ଧାରିଆ ରଖନ୍ତୁ ।

ଯଦି ଆପଙ୍କର ତମ୍ବାକୁ ଓ ଧୂମପାନ ଅଭ୍ୟାସ ଅଛି ତାହେଲେ ଏହା ଠାରୁ ଦୂରେଇ  ରୁହନ୍ତୁ ଓ ଏହାଛଡା ଚେଷ୍ଟା କରନ୍ତୁ ସଂଧ୍ୟା ସମୟ ପରଠାରୁ ଧୂମପାନ ନ କରିବା ପାଇଁ ।

ଯଦି ଆପଣ ଶୋଇବା ପାଇଁ ଚେଷ୍ଟା କରୁଛନ୍ତି, କିନ୍ତୁ ନିଦ ଆସୁନାହିଁ ତାହେଲେ କିଛି ସମୟ ପାଇଁ ପଢିବା ଆରମ୍ଭ କରନ୍ତୁ  ଓ ସୁମଧୁର ସଂଗୀତ ମଧ୍ୟ ଆପଣଙ୍କୁ ଶୋଇବାରେ ସାହାଯ୍ୟ କରିଥାଏ, ଅଳ୍ପ ଭଲ୍ୟୁମରେ ସଂଗୀତ ଶୁଣିବାର କିଛି ସମୟ ପରେ ଆପଣଙ୍କୁ ନିଦ ଆସିଯିବ 

        </description>
      </item>
      <item>
        <title>
           ବର୍ଷା ଦେନେ ଫୁଡ ପଏଜନିଂର ଘରୋଇ ଉପଚାର
        </title>
        <link>
           http://khabarodisha.com/Special/food-poisoning-treatment-tricks-39735
        </link>
        <guid>
           http://khabarodisha.com/Special/food-poisoning-treatment-tricks-39735
        </guid>
        <pubDate>
           Sun, 16 Sep 2018 15:11:12 GMT
        </pubDate>
        <description>

ବତର୍ମାନ ବର୍ଷାଦିନ । ଏହି ଦିନରେ ଖାଇବାରେ ଟିକେ ଏପଟ ସେପଟ ହେଲେ ଫୁଡ ପଏଜନିଂ ହେବା  ସ୍ୱଭାବିକ । ବେଳେବେଳେ କିଛି ଭୁଲ୍‌ ଖାଦ୍ୟ ଖାଇବା କାରଣକୁ ନେଇ ହେଉ କିମ୍ବା ଅତ୍ୟଧିକ ଖାଦ୍ୟ ଖାଇବା ଯୋଗୁଁ ବ୍ୟକ୍ତି ଫୁଡ୍‌ ପଏଜନିଂର ଶିକାର ହୋଇଥାନ୍ତି। ତେଣୁ ସମୟ ମଧ୍ୟରେ ଏହାର ଚିକିତ୍ସା କରାଯିବା ଆବଶ୍ୟକ ଅଟେ। 

ଏକ କପ୍‌ ଗରମ ପାଣି ନେଇ ସେଥିରେ କିଛି ମାତ୍ରାରେ ଲେମ୍ବୁର ରସ ଓ ମହୁକୁ ମିଶ୍ରଣ କରି ଖାଲିପେଟରେ ପିଇଦିଅନ୍ତୁ। ଆଉ ଯଦି ଆପଣ ଚାହଁନ୍ତି ବି ପାଣିରେ ଲେମ୍ବୁ କିମ୍ବା ଚିନି ମିଶ୍ରଣ କରି ପିଇପାରନ୍ତି।

ସାଧାରଣତଃ ଲେମ୍ବୁରେ ଆଣ୍ଟି-ଭାଇରାଲ୍‌ ଗୁଣ ନିହିତ ରହିଥାଏ, ଯାହାକି ଫୁଡ୍‌ ପଏଜନିଂର ବ୍ୟାକ୍ଟେରିଆକୁ ଦୂର କରି ଆପଣଙ୍କୁ ମୁକ୍ତି ଦେଇଥାଏ। ଆପଣ ସେଓର ସିର୍‌କା ମଧ୍ୟ  ଫୁଡ୍‌ ପଏଜନିଂ ଲାଗି ଉତ୍ତମ କାର‌୍ୟ୍ୟ କରିଥାଏ। ତେଣୁ ଏହାକୁ ପ୍ରସ୍ତୁତ କରିବା ପାଇଁ ହେଲେ ଆପଣ ଦୁଇ ଚାମଚ ସେଓର ସିର୍‌କା ଏକ କପ୍‌ ଗରମ ପାଣିରେ ମିଶାଇ ଖାଇବା ପୂର୍ବରୁ ଏହାକୁ ପିଅନ୍ତୁ ।

ଫୁଡ୍‌ ପଏଜନିଂର ଲାଗି ଦହି ବହୁତ ଉପକାରୀ ବୋଲି କୁହାଯାଇଥାଏ। ତେଣୁ ଆପଣ ଦହିରେ କିଛି ପାଣି ଓ ଚିନି ମିଶାଇ ଲସି ପ୍ରସ୍ତୁତ କରନ୍ତୁ। ଆଉ ଯଦି ଆପଣଙ୍କୁ ମିଠା ଦହି ପସନ୍ଦ ନଥାଏ, ତେବେ ଆପଣ ଏଥିରେ କିଛି ମାତ୍ରାରେ ବିଟ୍ ଲୁଣ ମିଶାଇକି ମଧ୍ୟ ପିଇପାରନ୍ତି।

ଯଥା ସମ୍ଭବ ବାହାର ଖାଇବା ଓ ଅତ୍ୟାଧିକ ତେଲ ମସଲା ଯୁକ୍ତ ଖାଦ୍ୟ ଠାରୁ ଦୂରେଇ ରୁହନ୍ତୁ । 

ଏହି ଦିନରେ ଖୋଲାରେ ଥିବା ଖାଇବେ ନାହିଁ । ସବୁବେଳେ ଖାଦ୍ୟ ଗରମ ଥିବାବେଳେ ଖାଇବେ । 

        </description>
      </item>
      <item>
        <title>
           ଘିକୁଆଁରୀର ଔଷଧୀୟ ଗୁଣ, ଖାଲି ସୌନ୍ଦର୍ଯ୍ୟ ନୁହେଁ ଏହାକୁ ଖାଇଲେ କୌଣସୀ ପେଟ ରୋଗ ମାଡିବନି ପାଖ
        </title>
        <link>
           http://khabarodisha.com/Special/benefit-of-aloe-vera-39695
        </link>
        <guid>
           http://khabarodisha.com/Special/benefit-of-aloe-vera-39695
        </guid>
        <pubDate>
           Sat, 15 Sep 2018 17:01:31 GMT
        </pubDate>
        <description>

ଘିକୁଆଁରି ସମଗ୍ର ଭାରତବର୍ଷରେ ପ୍ରାକୃତିକ ରୂପେ ଦେଖାଯାଉଥିବା ଏକ ବହୁବର୍ଷୀୟ ମାଂସଳ ପତ୍ରବିଶିଷ୍ଟ ଗୁଳ୍ମ । ଔଷଧ ତଥା ସୌନ୍ଦର‌୍ୟ୍ୟ ପ୍ରସାଧନ ସାମଗ୍ରୀ ପ୍ରସ୍ତୁତ କରିବା କ୍ଷେତ୍ରରେ ଏହାକୁ ବ୍ୟବହାର କରାଯାଉଛି । ଏହି ଗଛର ମୂଳରୁ ହିଁ ମାଂସଳ ପତ୍ରସବୁ ବାହାରିଥାଏ । ପତ୍ରକୁ ଭାଙ୍ଗିଦେଲେ ସେଥିରେ ଜେଲି ପରି ଲାଳୁଆ ସ୍ଵଚ୍ଛ ଶସ ଦେଖାଯାଏ । ଏହି ଶସ ବେସ ଚିକ୍କଣ ଓ ଥଣ୍ଡା  । ଏହା ଖାଲି ଯେ, ସୌନ୍ଦର୍ଯ୍ୟ ପାଇଁ ବ୍ୟବହାର କରାଯାଉଛି ତାହା ନୁହେଁ ଏଥିରେ ଥିବା ଔଷଧୀୟ ଗୁଣ ଆମକୁ ବିଭିନ୍ନ ରୋଗରୁ ରକ୍ଷା କରିଥାଏ ।  

ଘିକୁଆଁରିକୁ ସକାଳୁ ଖାଲି ପେଟଷର ଖାଇଲେ ରକ୍ତଚାପ ସନ୍ତୁଳିତ ରୁହେ । 

ଘିକୁଆଁରି ରସରେ ଏଲୋଇନ ନାମକ ଗୁଳ୍କୋସାଇଡସର ମିଶ୍ରଣ ତତ୍ଵ ମିଳିଥାଏ  । ଏହି ଏଲୋଇନର ମାତ୍ରା ବିଭିନ୍ନ ପ୍ରଜାତିର ଘିକୁଆଁରି ଗଛରେ ଭିନ୍ନଭିନ୍ନ ପରିମାଣରେ ମିଳିଥାଏ  । ଏହାକୁ ଖାଇଲେ ବିଭିନ୍ନ ପେଟ ରୋଗ ଭଲ ହୋଇଥାଏ । 

ଘିକୁଆଁରି ଆର୍ତବଜନନ , କୃତିଘ୍ନ , ଦୀପନ , ପାଚନ ବଲ୍ୟ , ଶୋଥହର , ବ୍ରଣରୋପଣ ଏବଂ ଯକୃତ ତଥା ପ୍ଳୀହା ରୋଗରୁ ଉପଶମ ମିଳିଥାଏ । 

ଏହା ବ୍ୟତୀତ ଏହା ମଳକାରକ, ମୁତ୍ରକାରକ, ସ୍ତ୍ରୀରୋଗ ଓ ଚକ୍ଷୁରୋପ ଉପଶମକାରୀ ଭାବରେ ମଧ୍ୟ ଜଣାଶୁଣା  । ପତ୍ରର ରସ ଉଚ୍ଚରକ୍ତଚାପ, ଉନ୍ମଦ ରୋଗରେ ମୁଣ୍ଡରେ ଘସନ୍ତି  । 

ଏହାଛଡା କୃମିରୋଗ, ପୋଡାଘା, “ ଶୂଳରୋଗ, ପେଟଗୋଳମାଳ, ଗଣ୍ଠିବାତ ପେଟ ବ୍ୟଥା , ଅନ୍ତନାଳୀଘା , ଓ ଦେହହାତ ଜଳା ପୋଡା  ଶାନ୍ତ ପାଇଁ ମଧ୍ୟ ବ୍ୟବହୃତ ହୁଏ  । ଆଜିକାଲି କେତେକ ସୌନ୍ଦର‌୍ୟ୍ୟ ପ୍ରସାଧନ ସାମଗ୍ରୀରେ ଏହାକୁ ବ୍ୟବହାର କରାଯାଉଛି ।

 ଖରାଦିନେ  ଖରାରେ ଆସିବା ପରେ ମୁଣ୍ଡରେ ଏହାର ରସ ଲଗାଇଲେ ଆରାମ ମିଳିଥାଏ ।  

ଶରୀରରେ ପୋଡା ସ୍ଥାନରେ ଚିହ୍ନ ଥିଲେ ଘିକୁଆଁରି ରସ ଲଗାଇଲେ ପୋଡା ଦାଗ ଦୂର ହୋଇଥାଏ । 

ଏହାକୁ ସପ୍ତାହରେ ଥରେ ମୁଣ୍ଡରେ ଲଗାଇଲେ କେଶରେ ଚମକ ଆସିଥାଏ । 

        </description>
      </item>
      <item>
        <title>
           ହୃଦଘାତରୁ ରକ୍ଷା ପାଇବାର ଉପାୟ
        </title>
        <link>
           http://khabarodisha.com/Special/protection-from-heart-attack-39690
        </link>
        <guid>
           http://khabarodisha.com/Special/protection-from-heart-attack-39690
        </guid>
        <pubDate>
           Sat, 15 Sep 2018 16:28:29 GMT
        </pubDate>
        <description>

 ବର୍ତମାନର ଜୀବନ ଶୈଳୀକୁ  ଦେଖିଲେ ନିଜ ହାର୍ଟ ସୁସ୍ଥ ରହିବା  ପାଇଁ ଆମେ ବିଭିନ୍ନ ଉପାୟ ଅବଲମ୍ବନ କରୁଛୁ  । ବର୍ତ୍ତମାନ ସମଗ୍ର ବିଶ୍ଵରେ ଯେତେ ରୋଗୀ ମୃତ୍ୟୁବରଣ କରିଛନ୍ତି, ସେମାନଙ୍କ ମଧ୍ୟରୁ ପ୍ରାୟ ୩୦ ପ୍ରତିଶତଙ୍କର ମୃତ୍ୟୁ ହାର୍ଟ ଆଟାକ୍ ଯୋଗୁଁ ହେଉଛି । ସମଗ୍ର ବିଶ୍ଵରେ ଏବେ ହାର୍ଟ ଆଟାକ୍ ଏକ ପ୍ରମୁଖ ସମସ୍ୟା ଭାବରେ ଉଭା ହୋଇଇଛି ବୋଲି କହିଲେ କିଛି ଭୂଲ ହେବନାହିଁ । 

ସେଥିଲାଗି ‘ୱାର୍ଲଡ ହାର୍ଟ ଫେଡେରେଶନ୍ ତଥା ଏହାର ସଦସ୍ୟଗଣ ଲୋକମାନଙ୍କୁ ହାର୍ଟ ତଥା ହାର୍ଟ ପାର୍ଟି ବିପଦ ଥିବା ଉତ୍ପଦାନ( ଯେମିତିକି ତମାଖୁ) ବ୍ୱର୍ଜନ କରିବା ପାଇଁ ସଚେତନ କରିବାରେ ଲାଗିପଡିଛନ୍ତି  । ଆଧୁନିକ ଯୁଗର ଅନିୟମିତ ଜୀବନଶୈଳୀ, ଭିନ୍ନଭିନ୍ନ ପ୍ରକାରର ଖାଦ୍ୟ ପଦାର୍ଥର ସେବନ,କମ୍ ଶାରିରୀକ ଶ୍ରମ ଏବଂ ମାନସିକ ଚିନ୍ତା ଆଦି ହୃଦଘାତର ମୁଖ୍ୟ କାରଣ ପାଲଟିଛି। ବର୍ତ୍ତମାନ ହୃଦଘାତରୁ ମୁକ୍ତି ପାଇବା ପାଇଁ ଆଧୁନିକ ଉପାୟରେ ବାଇପାସ୍ ସର୍ଜରୀ କରାଯାଉଛି। କିନ୍ତୁ ଜଣେ ସାଧାରଣ ବ୍ୟକ୍ତିପକ୍ଷେ ଏହି ଚିକିତ୍ସା କରିବା ସମ୍ଭବପର ନୁହେଁ।  ସେଥିପାଇଁ ପ୍ରଥମେ ପାନ,ଗୁଟୁଖା ଓ ବିଡି ସିଗାରେଟ ଭଳି ଜିନିଷ ଠାରୁ ଦୁରେଇ ରହିବା ଆବଶ୍ୟକ । କୌଣସୀ କଥାରେ ହଠାତ୍ ରାଗି ନଯାଇ ଶାନ୍ତ ଭାବରେ ସବୁର ସମାଧାନ କରିବା ଦରକାର । ତେବେ ଅନେକ ଲୋକ ଜାଣି ନାହାନ୍ତି ଯେ, ହୃଦଘାତର ଘରୋଇ ଉପଚାର ମଧ୍ୟ ରହିଛି। ଆମ ହାତ ପାଖରେ ମିଳୁଥିବା ଜିନିଷକୁ ବ୍ୟବହାର କରି ଆମେ ହୃଦଘାତରୁ ମଧ୍ୟ ରକ୍ଷା ପାଇ ପାରିବ ।

ଲାଉ ରସରେ ୪-୬ଟି ପୋଦିନା ପତ୍ର ବା ୮ଟି ତୁଳସୀ ପତ୍ର ପକାଇ ବାଟି ସେଥିରେ କିଛି ପରିମାଣର ପାଣି ମିଶାଇବା ପରେ

୧ଗ୍ରାମ ସୈନ୍ଧବ ଲୁଣ ଏବଂ ୪ଟି ଗୋଲମରିଚ ମିଶାଇ ଖାଇବାର ଅଧ ଘଣ୍ଟା ପରେ ନେଲେ ହୃଦଘାତରୁ ଉପଶମ ମିଳିଥାଏ।

ଏହି ଉପରୋକ୍ତ ରସକୁ ଅତିକମ୍ ରେ ୩ ମାସ ସେବନ କରିବା ଉଚିତ୍।

ଏହି ଉପଚାର ସେବନ କରିବା ସମୟରେ ଖଟା ଫଳମୂଳ ଖାଇବା ଅନୁଚିତ୍।

ପ୍ରତିଦିନ ସକାଳେ ଖାଲି ପେଟରେ ଲାଉ ରସ ପିଇଲେ ହାର୍ଟ ଜନିତ କୌଣସୀ ରୋଗ ହେବ ନାହିଁ ।

        </description>
      </item>
      <item>
        <title>
           ପ୍ରତିଦିନ ଖାଆନ୍ତୁ ଗଜା ମୁଗ ରକ୍ତଚାପ ନିୟନ୍ତ୍ରଣ ସହିତ ମିଳିଥାଏ ଅନେକ ଲାଭ
        </title>
        <link>
           http://khabarodisha.com/Special/moong-sprout-a-delicious-and-healthy-food-39644
        </link>
        <guid>
           http://khabarodisha.com/Special/moong-sprout-a-delicious-and-healthy-food-39644
        </guid>
        <pubDate>
           Fri, 14 Sep 2018 17:18:56 GMT
        </pubDate>
        <description>

ବର୍ତମାନ ଯୁବ ସମାଜ ପାଷ୍ଟପୁଡ ମାୟାରେ କବଳିତ । ବ୍ୟସ୍ତ ଜୀବନ ଭିତରେ ବାହାରେ ମିଳୁଥିବା ତେଲ ମସଲାଯୁକ୍ତ ଖାଦ୍ୟ କିଛି ସମୟ ପାଇଁ ସ୍ୱାଦିଷ୍ଟ ହୋଇଥାଏ କିନ୍ତୁ ପରମୁହୁର୍ତରେ ଏହା ଆମ ପାଇଁ ବିପଦକୁ ଡାକିଥାଏ ।  ଆଜିକାଲି ଆମେ ଯେଉଁ ଖାଦ୍ୟ ଖାଉଛୁ ତାହା ପାଟିକୁ ସୁଆଦିଆ ଲାଗୁଛି ଓ ପେଟ ପୂରୁଛି ସତ । କିନ୍ତ ଶରୀରକୁ ଆବଶ୍ୟକ ଭିଟାମିନ୍ ଓ ମିନେରାଲ ମିଳିପାରୁ ନାହିଁ । ତେଣୁ ଆମର ରୋଗ ପ୍ରତିରୋଧକ ଶକ୍ତି ହ୍ରାସ ପାଉଛି। ଆମ ପ୍ରତିଦିନ ନୂଆ ନୂଆ ରୋଗର ଶିକାର ହୋଇ ଚାଲିଛୁ । ଆମ ହାତ ପାହାନ୍ତାରେ ଏଭଳି କିଛି ଖାଦ୍ୟ ଅଛି ଯାହା ଖାଇଲେ ଆମ ଶରୀରର ଭିଟାମିନ୍ ଅଭାବ ଦୂର ହୋଇପାରିବ । ତାହା ହେଉଛି ଗଜାମୁଗ । ଏଥିରେ ପ୍ରୋଟିନ୍‌, ମିନେରାଲ ଓ ଭିଟାମିନ୍‌ ଭରପୂର ହୋଇ ରହିଥାଏ।

 ପ୍ରତିଦିନ ମର୍ଣ୍ଣିଂୱାକ୍‌ ବା ବ୍ୟାୟାମ ସାରି ଏହାକୁ ଖାଇଲେ ଫାଇଦା ମିଳିଥାଏ। ଗଜାମୁଗ ଖାଇଲେ ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ ଓ ଗଜାମୁଗରେ ଭିଟାମିନ ଈ,   ଭିଟାମିନ୍ ଈ –  ୬, ମାଗ୍ନେସିଅମ, କପର, ଫାଇବର ଥାଏ ଓ ଏହ ସବୁ ଭିଟାମିନ୍ ଯୋଗୁଁ ଆମ ଶରୀରରେ ପ୍ରତିଦିନ ନୂଆ ନୂଆ ରକ୍ତକୋଷ ସୃଷ୍ଟି ହୋଇଥାଏ।  ଗଜାମୁଗରେ ଭିଟାମିନ କ ଥାଏ ଓ ଭିଟାମିନ କ ଆମ ଶରୀର ପାଇଁ ଅତ୍ୟନ୍ତ ଉପକାରୀ ଉପାଦାନ ଓ ଭିଟାମିନ କ ରକ୍ତ ଜମାଟ ବାନ୍ଧିବାରେ ସାହାଯ୍ୟ କରେ । ଯାହା ଫଳରେ ଯେ କୌଣସି ପ୍ରକାର ଦୁର୍ଘଟଣା ବା ଆଘାତ ଜନିତ ରକ୍ତସ୍ରାବ ସହଜରେ ବନ୍ଦ ହୋଇଥାଏ। ଏକ କପ ଗଜାମୁଗରେ ୩୪ ମାଇକ୍ରୋଗ୍ରାମ ଭିଟାମିନ କ ଥାଏ । ଭିଟାମିନ କ ଅସ୍ଥି ଗଠନରେ ସହାୟକ ହୋଇଥାଏ ।

ଆୟୁର୍ବେଦ ମତରେ ଏହା ଏକ ନିୟନ୍ତ୍ରିତ ଖାଦ୍ୟ । ଏହା ଖାଇବା ଦ୍ୱାରା ଶରୀରର ସମସ୍ତ ପୋଷକ ତତ୍ତ୍ୱର ଅଭାବ ଦୂର କରିଥାଏ । ଦୈନନ୍ଦିନ ଖାଦ୍ୟରେ ଯେଉଁ ଅଭାବ ଥାଏ ତାହା ଗଜାମୁଗ ଦ୍ୱାରା ପୂରଣ ହୁଏ । ଗଜାମୁଗରେ ପେପ୍‌ଟିସାଇଡ ଥାଏ ।  ପେପ୍‌ଟିସାଇଡ ଆମ ଶରୀରର ରକ୍ତ ଚାପ ନିୟନ୍ତ୍ରିତ କରିବାରେ ସହାୟକ ହୋଇଥାଏ ।

ଗଜାମୁଗ ଖାଇବା ଦ୍ୱାରା କୋଷ୍ଠକାଠିନ୍ୟ ଦୂର ହୁଏ । ଗଜାମୁଗରେ ଫାଇବର ରହୁଥିବାରୁ ଏହା ହଜମ ପ୍ରକ୍ରିୟାକୁ ତ୍ୱରାନ୍ୱିତ କରିଥାଏ। ମୁଗ ଗଜା ହୋଇଗଲା ପରେ ଏଥିରେ ଥିବା ଶର୍କରା ଗ୍ଲୁକୋଜକୁ ଓ ଫ୍ରୁକଟୋଜ ମଲଟୋଜକୁ ରୂପାନ୍ତରିତ ହୋଇଥାଏ ଓ ଯାହା ଫଳରେ ଗଜା ମୁଗ ସ୍ଵାଦିଷ୍ଟ ଓ ସ୍ୱାସ୍ଥ୍ୟପ୍ରଦ ହୋଇଥାଏ ଓ ଅକାଳରେ ବାଳ ଝଡ଼ିବା ଆଜି ଯୁବଗୋଷ୍ଠୀଙ୍କ ପାଇଁ ଚିନ୍ତାର କାରଣ ହୋଇଛି । ପ୍ରତିଦିନ ଗଜା ମୁଗ ଖାଇବା ଦ୍ୱାରା ଅକାଳରେ ବାଳ ଝଡ଼ିବା କମିଯାଏ। ଗଜାମୁଗରେ ଭିଟାମିନ୍ ସି ରହୁଥିବାରୁ ବାଳ ମୂଳରୁ ମଜବୁତ୍ ହୁଏ ଏହା  ଦ୍ୱାରା ଝଡ଼ିବା ବନ୍ଦ ହୁଏ । ପ୍ରତିଦନ ଗଜାମୁଗ ଖାଉଥିବା ବ୍ୟକ୍ତିଙ୍କର ପ୍ରାୟ  ତ୍ୱଚାର ଔଜଲ୍ଲ୍ୟ ବୃଦ୍ଧି ପାଏ ଓ ଚର୍ମ ରୋଗ ମଧ୍ୟ ହୁଏ ନାହିଁ । ଶାରୀରିକ ବିକାଶ ଠିକ୍ ହେଉ ନ ଥିବା ଛୋଟ ଛୋଟ ପିଲାମାନଙ୍କ ପାଇଁ ଏହା ଅତ୍ୟନ୍ତ ଉପକାରୀ ।

        </description>
      </item>
      <item>
        <title>
           ଶିଶୁଙ୍କ ବୟସ ଓ ପୃଷ୍ଟିକର ଖାଦ୍ୟ
        </title>
        <link>
           http://khabarodisha.com/Special/age-by-age-guide-to-baby--food-39639
        </link>
        <guid>
           http://khabarodisha.com/Special/age-by-age-guide-to-baby--food-39639
        </guid>
        <pubDate>
           Fri, 14 Sep 2018 16:57:23 GMT
        </pubDate>
        <description>

 ଶିଶୁ ଶିଶୁ ଜନ୍ମ ହେବାପରେ ମା’ କ୍ଷୀର ତା' ପାଇଁ ସର୍ବୋତ୍ତମ ବିବେଚିତ ହୋଇଥାଏ । ଏହା ଶିଶୁ ଶରୀରର ମୌଳିକ ଆବଶ୍ୟକତା ପୁରଣ କରିବା ସହିତ ରୋଗ ପ୍ରତିରୋଧ ଶକ୍ତି ବୃଦ୍ଧି କରେ । କେବଳ ମା’ କ୍ଷୀର ନୁହେଁ । ତେବେ ସେହି ସମୟରେ ଶିଶୁକୁ ମା'କ୍ଷୀର ସହିତ ଖେଚୁଡି, ଦଲିଆ, ବିସ୍ଫୁଟ, ରାବିଡି ଆଦି ମଧ୍ୟ ଖାଇବାକୁ ଦେବା ଆବଶ୍ୟକ। ଅନେକ ସମୟରେ ମା'ମାନେ ଶିଶୁଙ୍କୁ ଅନ୍ୟ ଖାଦ୍ୟଦେବା ଆରମ୍ଭ କରିବା ମାତ୍ରେ ସ୍ତନ୍ୟପାନ କରାଇବା ବନ୍ଦ କରିଦିଅନ୍ତି । ଏହା କିନ୍ତୁ ସମ୍ପୂର୍ଣ୍ଣ ଅନୁଚିତ । ଆଉ କିଛି ମହିଳା ଶିଶୁକୁ ବର୍ଷ ହେବା ପୂର୍ବରୁ ମଇଦା, ଅଟା ବା ବେସନରେ ପ୍ରସ୍ତୁତ ଖାଦ୍ୟ ଦେବା ଆରମ୍ଭ କରିଦିଅନ୍ତି । ଏହାଦ୍ଵାରା ଶିଶୁ ପେଟରେ ଯନ୍ତ୍ରଣା ହେବା ସହିତ ତାହାର ଅନ୍ୟାନ୍ୟ ସମସ୍ୟା ମଧ୍ୟ ସୃଷ୍ଟି ହୋଇଥାଏ ।

ବେଳେ ବେଳେ ଶିଶୁ କିଛି ଖାଦ୍ୟ ଖାଇବାକୁ ପସନ୍ଦ କରୁନଥିବାବେଳେ ଆମେ ଶାରୀରିକ ବିକାଶ ଲାଗି ତାକୁ ଜବରଦସ୍ତ ଖୁଆଇଥାଉ । ଯଦି ଦେଖୁଛନ୍ତି ଯେ, ଏମିତି ଖାଇବା ସେ ପସନ୍ଦ କରୁଛି ଯେଉଁଥିରେ ତା ପେଟ ପୁରିଯାଉଛି ହେଲେ ଶରୀର ବିକାଶ ହେଉନି । ଶିଶୁର ଖାଇବା ଆଗ୍ରହ ବୃଦ୍ଧି ନିମନ୍ତେ ସବୁବେଳେ, ନହେଲେ ବି ଦିନକୁ ଥରେ ଶିଶୁର ପସନ୍ଦ ମୁତାବକ ଖାଦ୍ୟ ଦିଅନ୍ତୁ । ତେବେ ଚେଷ୍ଟା କରନ୍ତୁ ଫଳ ଆଉ ପନିପରିବାରେ ପ୍ରସ୍ତୁତ ବିଭିନ୍ନ ଖାଦ୍ୟ ତିଆରି କରି ଦେବା ପାଇଁ । ଶିଶୁକୁ ସନ୍ତୁଳିତ ଖାଦ୍ୟ ଦିଅନ୍ତୁ । ନଚେତ୍ ତାହାର ଶାରୀରିକ ତଥା ମାନସିକ ବିକାଶ ବାଧାପ୍ରାପ୍ତ ହେବ । ଶିଶୁ ସବୁ ସମୟରେ ଗୋଟିଏ ପ୍ରକାର ଖାଦ୍ୟ ପସନ୍ଦ କରୁନଥିବାରୁ ତାହାର ଖାଦ୍ୟରେ ପରିବର୍ତ୍ତନ କରାଯିବା ଦରକାର ।

ଶିଶୁକୁ ଦୁଗ୍ଧ ଆବଶ୍ୟକତା ପୁରଣ ନିମନ୍ତେ ଦୁଗ୍ଧରୁ ପ୍ରସ୍ତୁତ ପନିର, ଛେନା, ଲହୁଣି ଆଦି କମ୍ ପରିମାଣରେ ଖାଇବାକୁ ଦିଆଯାଇପାରିବ । ଶିଶୁ ଖାଦ୍ୟରେ ଯେଭଳି ୫୫ ପ୍ରତିଶତ କାର୍ବୋହାଇଡ୍ରେଟ,୨୫ ରୁ ୩୦ ପ୍ରତିଶତ ଚର୍ବି,୨୫ ପ୍ରତିଶତ ସେଥିପ୍ରତି ଦୃଷ୍ଟି ଦିଆଯିବା ଆବଶ୍ୟକ । ସମସ୍ତ ପ୍ରକର ଖାଦ୍ୟଶସ୍ୟ କାର୍ବୋହାଇଡ୍ରେଟର ଆବଶ୍ୟକତ ପୂରଣ କରିଥାଏ   ।  ତେବେ ସେଥି ମଧ୍ୟରୁ ଅଧିକାଂଶ ଶିଶୁ ରୁଟି ଓ ଭାତକୁ ଖାଦ୍ୟ ଭାବରେ ପସନ୍ଦ କରନ୍ତି । ତେଣୁ ଶିଶୁଙ୍କୁ ଏହି ଖାଦ୍ୟଶସ୍ୟ ଭିନ୍ନ ଭିନ୍ନଆକାରରେ ଦିଆଯାଇପାରିବ । ଯେମିତିକି ଭାତ, ଖେଚୁଡି, ଭେଜିଟେବୁଲ ପଲାଉ,ରୁଟି, ପରଟା,ପୁରୀ ଆଦି   ।ଶିଶୁ ପାଇଁ ଆବଶ୍ୟକ ହେଉଥବା ଚର୍ବି ଜାତୀୟ ଖାଦ୍ୟ ବାବଦରେ ଦୁଧ, ଦହି, ଛେନା ଏବଂ ଚିନାବାଦାମ, ରାଶି ତେଲ, ଘିଅ ଆଦି ଦିଆଯାଇପାରିବ । ଶିଶୁର ଖାଦ୍ୟରେ ଡାଲିକୁ ସାମିଲ କରାଗଲେ ତାହାର ପ୍ରୋଟିନ ଆବଶ୍ୟକତା ପୂରଣ ହୋଇପାରିବ । ୪୪ ପ୍ରତିଶତ ପ୍ରୋଟିନ ଏବଂ ୨୫ ପ୍ରତିଶତ ଚର୍ବି ଅଂଶ ଥିବା ସୋୟାବିନ ଏବଂ ମଲ୍ଟି ଭିଟାମିନ ନିମନ୍ତେ ବିଭିନ୍ନ ରଙ୍ଗର ପନିପରିବା, ଫଳ ଆଦିକୁ ଶିଶୁ ଖାଦ୍ୟରେ ସାମିଲ କରନ୍ତୁ ।

        </description>
      </item>
      <item>
        <title>
           ବଦଳିଛନ୍ତି ନବିନ, ଆଗରୁ ଦୁର୍ନୀତି କଲେ ବିଦା କରୁଥିଲେ ଆଉ ଏବେ ଦୁର୍ନୀତିକୁ ବିରୋଧ କଲେ
        </title>
        <link>
           http://khabarodisha.com/Special/Naveen-Pattnaik-Change-In-Image-Dama-Rout-39597
        </link>
        <guid>
           http://khabarodisha.com/Special/Naveen-Pattnaik-Change-In-Image-Dama-Rout-39597
        </guid>
        <pubDate>
           Thu, 13 Sep 2018 21:15:39 GMT
        </pubDate>
        <description>

 ନବିନ ପଟ୍ଟନାୟକଙ୍କ ନେତୃତ୍ୱକୁ ଲୋକ କାହିଁକି ବାରମ୍ବାର ଭରସା କରିଛନ୍ତି ? କାହିଁକି ଥରେ ନୁହେଁ ଚାରି ଚାରି ଥର ଲୋକ ନବିନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ ଭାବେ ଭାବିଛନ୍ତି ? ଏହାର ଗୋଟିଏ ମୁଖ୍ୟ କାରଣ ହେଲା ସାଧାରଣରେ ଏକଥା ବିଶ୍ୱାସ ଅଛି ନବିନ ବାବୁ ନିଜେ ଦୁର୍ନୀତି କରନ୍ତି ନାହିଁ କି ତାଙ୍କ ସରକାରରେ ଦୁର୍ନୀତି ଗ୍ରସ୍ତ ନେତାଙ୍କର କୌଣସି ସ୍ଥାନ ନାହିଁ । ହେଲେ ସେହି ଧାରଣ ଯେ ଏକ ମିଛ ଧାରଣ ତାହା ଆଜି ପ୍ରମାଣିତ ହେଲାଭଳି ମନେ ହେଉଛି।

ନବିନଙ୍କ ପ୍ରଥମ ଦୁଇଟି ପାଳିରେ ବିଦା କରିଥିଲେ ପ୍ରଶାନ୍ତ ନନ୍ଦ, ନଳିନି ମହାନ୍ତି, କମଳା ଦାସ, ଅମର ଶତପଥୀ, ଦେବୀ ମିଶ୍ର ଆଦି ନେତାଙ୍କୁ । ସେ ସମସ୍ତେଙ୍କୁ ନବିନ ବିଦା କରିଥିଲେ କେବଳ ଛାୟା ଦୁର୍ନୀତି ଅଭିଯୋଗରେ, ଦୁର୍ନୀତି ପ୍ରମାଣ ହେବା ଆଗରୁ କେବଳ ଅଭିଯୋଗ ଆଧାରରେ ହିଁ ନବିନ ସେମାନଙ୍କୁ ବିଦା କରିଥିଲେ । ଦୁର୍ନୀତିର ଅଭିଯୋଗ ଆସିଲା ମାନେ ମନ୍ତ୍ରୀମଣ୍ଡଳରୁ ବିଦା କରିଦେଉଥିବା କାରଣରୁ ସାଧାରଣରେ ଗୋଟିଏ ସନ୍ଦେଶ ଯାଇଥିଲା କି ନବିନବାବୁ ଜଣେ ସ୍ୱଛ ରାଜନେତା ସେ ଦୁର୍ନୀତି କରନ୍ତି କି ନାହିଁ କି ଦୁର୍ନୀତିକୁ ବରଦାସ୍ତ କରନ୍ତି ନାହିଁ । ଦୁର୍ନୀତି ଦେଖିଲା ମାନେ ତାଙ୍କ ନାହିଁ ଡିଏଁ ଇତ୍ୟାଦି । 

ହେଲେ ଯେଉଁ ଭଳି ଢଙ୍ଗରେ ମୁଖ୍ୟମନ୍ତ୍ରୀ ନବିନ ବାବୁ ଏବେ ଦାମ ରାଉତଙ୍କୁ ଦଳରୁ ବିଦା କଲେ ତାଙ୍କର ସେ ଦୁର୍ନୀତି ବିରୋଧୀ ଭାବମୁର୍ତୀ ଆଉ ବଜାୟ ରହିବ ନାହିଁ ଏକଥା ଲାଗୁଛି । କାରଣ ବହିଷ୍କାରରେ କାରଣ ଭାବେ ବିଜୁ ଜନତା ଦଳ ତରଫରୁ ଯାହା କାରଣ ଦର୍ଶାଯାଇଛି କି ସେ ଦଳ ବିରୋଧୀ କାମ କରୁଥିଲେ ବାସ୍ତବରେ ଦାମ ରାଉତ ବିଜୁ ଜନତା ଦଳ ବିରୋଧରେ ସେପରି କିଛି କରିନାହାନ୍ତି । ସେ କେବଳ ସରକାରଙ୍କ କିଛି ଦୁର୍ନିତିକୁ ସାମନାକୁ ଆଣିଥିଲେ । ଯେଉଁ ଦୁର୍ନୀତିକୁ ସରକାରୀ ସ୍ତରରେ ଏବେ ସୁଦ୍ଧା ଖଣ୍ଡନ କରିବା ପାଇଁ କେଉଁ ସରକାରି ବାବୁ ଅଫିସର ମନ୍ତ୍ରୀଙ୍କର ସାହାସ ହେଉନାହିଁ । ମୁଖ୍ୟମନ୍ତ୍ରୀ କାର୍ଯ୍ୟାଳୟ ଏହି ଦୁର୍ନୀତି ସବୁରେ ସମ୍ପୃକ୍ତ ଅଛି ବୋଲି ଦାମ ରାଉତ ଅଭିଯୋଗ କରିଥିଲେ ।

ସେତେବେଳେ ମୁଖ୍ୟମନ୍ତ୍ରୀଙ୍କର ନୈତିକ ଦାୟୀତ୍ୱ ହେଉଛି ନିଜ କାର୍ଯ୍ୟାଳୟ ପକ୍ଷ୍ୟରୁ କୌଣସି ଦୁର୍ନୀତି ହୋଇନାହିଁ ବୋଲି କହି ସାଧାରଣ ଲୋକଙ୍କ ସନ୍ଦେହ ଦୁର କରିବା କଥା ନହେଲେ ନିଜେ ସମ୍ପୃର୍ଣ୍ଣ ତଥ୍ୟ ପ୍ରମାଣ ଆଣି ସାଧାରଣରେ ପ୍ରକାଶ କରିବା କଥା କି ନା ମୁଖ୍ୟମନ୍ତ୍ରୀ କାର୍ଯ୍ୟାଳୟ କୌଣସି ଦୁର୍ନୀତି କରିନାହିଁ । କାରଣ ଅଭିଯୋଗ ସିଧାସଳଖ ତାଙ୍କ କାର୍ଯ୍ୟାଳୟ ବିରୋଧରେ ଥିଲା ଯାହାର ମୁଖ୍ୟ ହେଉଛନ୍ତି ସେ ନିଜେ । ହେଲେ ସେ ନିଜ କାର୍ଯ୍ୟାଳୟ ଉପରେ ଆସିଥିବା ଅଭିଯୋଗ ଉପରେ କୌଣସି ପଦକ୍ଷେପ ନଦେବା ବଦଳରେ ଅଭିଯୋଗ ଆଣିଥିବା ଲୋକଙ୍କୁ ବହିଷ୍କାର କରିଲେ ।

ଦୀର୍ଘଦିନ ଧରି ନବିନ ବାବୁଙ୍କର ଯେଉଁ ଦୁର୍ନୀିତ ବିରୋଧୀ ଭାବମୁର୍ତୀ ଥିଲା ତାହା ଏବେ ଭାଙ୍ଗିଯାଇଛି । ଗଣତନ୍ତ୍ରରେ ଦୁର୍ନୀତିର ଅଭିଯୋଗ ଆଣିଥିବା ଲୋକଙ୍କୁ ଦଳରୁ ବହିଷ୍କାର କଲେ ଏହାର ଓଲଟା ପ୍ରଭାବ ପଡିପାରେ । ସାଧ।।ରଣ ଲୋକଙ୍କ ବିଶ୍ୱାସ ଜିତିବାକୁ ହେଲେ ଦୁର୍ନୀତି ଅଭିଯୋଗ ମିଛ ବୋଲି ଏହାର ପ୍ରମାଣ ଦେଖାଇବାକୁ ପଡେ । ଦୁର୍ନୀତିର ଅଭିଯୋଗ ଆଣିଥିବା ଲୋକଙ୍କୁ ବହିଷ୍କାର କଲେ ଦୁର୍ନିତି ହୋଇଛି ବୋଲି ଲୋକେ ଭାବନ୍ତି ।

        </description>
      </item>
   </rss>
 </channel>