<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଆଜମାରୁ ରକ୍ଷା ପାଇବା ପାଇଁ ଶୀତ ଦିନେ ଖାଆନ୍ତୁ ଏହି ସବୁ ଖାଦ୍ୟ
        </title>
        <link>
           http://khabarodisha.com/Special/how-to-cure-asthma-45612
        </link>
        <guid>
           http://khabarodisha.com/Special/how-to-cure-asthma-45612
        </guid>
        <pubDate>
           Fri, 28 Dec 2018 16:45:32 GMT
        </pubDate>
        <description>

 ଶୀତ ଦିନ ଆସିବା ମାତ୍ରେ ଆଜମା (ଆସ୍ଥମା) ରୋଗୀଙ୍କ ଅବସ୍ଥା ବିପଦ ପୂର୍ଣ୍ଣ ତଥା ଭାରି ସାଂଘାତିକ ହୋଇଥାଏ । ଆଜମା, ବ୍ରୋଙ୍କାଇଟିସ ଏବଂ ବ୍ରୋଙ୍କିଆଲ୍ ଆଜ୍ମା  ଭଳି ଶ୍ଵାସ ଜନିତ ରୋଗ ର ପ୍ରାଦୁର୍ଭାବ ଥଣ୍ଡା ରେ ଅତ୍ୟଧିକ ପରିମାଣରେ ବଢି ଯାଇ ଥାଏ । ଆମ ସମସ୍ତଙ୍କ କୌତୁହଳର ବିଷୟ ହୋଇଥାଏ ଶୀତ ଦିନେ କଣ ଖାଇବା ଠିକ୍ ଓ କେଉଁ ଖାଇବା ପଦାର୍ଥ ଠାରୁ ଦୁରେଇ ରହିବା ଠିକ୍ ଯାହା ଆଜମା କୁ ନିୟନ୍ତ୍ରଣ କରିପାରିବ ।

ଏ ଯାବତ୍ ଏମିତି କିଛି ତଥ୍ୟ ଆସିନାହଁ ଯେ କୌଣସି ଏକ ନିର୍ଦ୍ଧିଷ୍ଟ ଖାଦ୍ୟ ଆଜମା କୁ ବଢାଇବ କିମ୍ଵା କମାଇବାରେ ସାହାଯ୍ୟ କରେ. ସବୁବେଳେ ସତେଜ ଓ ସୁଷମ ପୌଷ୍ଟିକ ଖାଦ୍ୟ ମୋଟାମୋଟି ଭାବେ ଶରୀର କୁ ସୁସ୍ଥ ଓ ସବଳ ରଖିବାରେ ସାହାଯ୍ୟ କରିଥାଏ ଏବଂ ଏହା ଆଜମା ରୋଗୀ ମାନଙ୍କ ପାଇଁ ମଧ୍ୟ ଲାଭକାରି ସାବ୍ୟସ୍ତ ହୋଇ ଥାଏ. ଯଦିଓ ଆଜମାର କୌଣସି ସ୍ଥାୟୀ ଚିକିତ୍ସା ନାହିଁ କିନ୍ତୁ ଏହାକୁ ନିଶ୍ଚିତ ଭାବେ ନିୟନ୍ତ୍ରଣ କରା ଯାଇ ପାରେ ।

ଆୟୁର୍ବେଦରେ ଆଜମା ପରି ଗମ୍ଭୀର ରୋଗର ଚିକିତ୍ସା ହୋଇଥାଏ । ଆସନ୍ତୁ ଜାଣିବା କିଛି ଘରୋଇ ଉପାୟ ଆଜମା ରୋଗୀଙ୍କ ପାଇଁ, ଏହି ଶୀତ ରେ କାମ ଆସିପାରେ 

*  ରସୁଣ ଏବଂ ତୁଳସୀ ପତ୍ର ସେବନ କଲେ ଲାଭ ମିଳିଥାଏ ।    

* ରସୁଣ ଆଜ୍ମା ରୋଗୀଙ୍କ ପାଇଁ ରାମ ବାଣ ସଦୃଶ । ପ୍ରତିଦିନ ପାଞ୍ଚ ପାଖୁଡା ରସୁଣ କୁ ୩୦ ମିଲି ଲିଟର ଦୁଗ୍ଧ ରେ ଫୁଟାଇ ଏହି ମିଶ୍ରଣକୁ ସେବନ କଲେ ଉପକାର ମିଳେ ।

*  ପାଚିଲା କଦଳୀକୁ ଚୋପା ସହିତ ନିଆଁରେ ସେକି, ପରେ ଏହାର ଚୋପା ବାହାର କରି କଦଳୀକୁ କାଟି ଗୋଲମରିଚ ମିଶାଈ ଗରମ୍ ଗରମ୍ ଖାଇବା ପାଇଁ ଦେଲେ ଆଜମା ରୋଗୀଙ୍କ ଅବସ୍ଥା ରେ ଉନ୍ନତି ହୋଇଥାଏ ।

* ଲବଙ୍ଗ ଓ ଜୁଆଣି - ଗରମ୍ ପାଣି ରେ ଜୁଆଣି ପକାଇ ଷ୍ଟିମ ନେଲେ ଆଜମା ନିୟନ୍ତ୍ରଣ କରିବା ପାଇଁ ସାହାଯ୍ୟ କରିଥାଏ । ଚାରି ପାଞ୍ଚୋଟି ଲବଙ୍ଗ ନେଇ ୧୨୫ ମିଲି ଲିଟର ପାଣିରେ ୫ମିନିଟ ଫୁଟାଇ ସେହି ମିଶ୍ରଣରେ ଗୋଟିଏ ଚାମଚ ଶୁଦ୍ଧ ମଧୁ ମିଶାଇ ଗରମ୍ ପିଇବା ଦ୍ଵାରା ରୋଗୀକୁ ନିଶ୍ଚିତ ଭାବେ ଲାଭ ହୋଇଥାଏ ।

*  ତୁଳସୀ ଆଜମାକୁ ନିୟନ୍ତ୍ରଣ କରିବା ପାଇଁ ସାହାଯ୍ୟ କରିଥାଏ । ଏଇ ପତ୍ରକୁ ଭଲ ଭାବରେ ଧୋଇ ସେଥିରେ ଗୋଲ ମରିଚ ମିଶାଈ ଖାଈବା ସହ ଦେଲେ ଆଜମାରେ ନିୟନ୍ତ୍ରଣ ହୋଇଥାଏ । ଏହା ସହିତ ତୁଳସୀ କୁ ପାଣି ସହ ବାଟି ସେଥିରେ ମଧୁ ମିଶାଈ  ଚାଟି ଖାଇଲେ ଉପକାର ମିଳେ ।

* ଆଜମା ଦ୍ଵାରା ଆକ୍ରାନ୍ତ ନ ହେବା ପାଇଁ ହଳଦୀ ଓ ମଧୁ ର ମିଶ୍ରଣ କୁ ଦିନରେ ଚାରି ପାଞ୍ଚ ଥର ଦେଲେ  ଭଲ ଫଳ ମିଳେ. ବିଭିନ୍ନ ପ୍ରକାର ଆଲର୍ଜି ଯୋଗୁଁ  ମଧ୍ୟ ଆଜମା ହୋଇଥାଏ, ଏହି ଆଲର୍ଜିକୁ ନିୟନ୍ତ୍ରଣ କରିବା ପାଇଁ ହଳଦୀ ଦୁଗ୍ଧ ପିଇବା ଦ୍ଵାରା ଲାଭ ହୋଇଥାଏ ।  

*  ମଧୁକୁ ଶୁଙ୍ଘିବା ଦ୍ଵାରା ମଧ୍ୟ କିଛିମାତ୍ରାରେ ଆଜମାର ପ୍ରକୋପ ହ୍ରାସ ପାଇଥାଏ ।

* ମେଥିକୁ ପାଣିରେ ଫୁଟାଇ ତାହାର କଢ଼ା ତିଆରି କରି ପିଇଲେ ଆଜମାରେ ଲାଭ ମିଳିଥାଏ ।

* ସୋରିଷ ତେଲ କୁ ଗରମ୍ କରି ଛାତି ରେ ମାଲିସ୍ କଲେ ମଧ୍ୟ ଆଜମାରେ ଆଶ୍ୱସ୍ତି ମିଳେ ।

* ଲେମ୍ବୁ ପାଣି ମଧ୍ୟ ଆଜମା ଜନିତ ରୋଗକୁ ନିୟନ୍ତ୍ରଣ କରିଥାଏ । ତେଣୁ ପ୍ରତିଦିନ ଖାଦ୍ୟ ସହିତ ଲେମ୍ବୁ ପାଣି ପିଇବା ଅଭ୍ୟାସ ରଖିଲେ ଭଲ ଫଳ ମିଳିଥାଏ ।

        </description>
      </item>
      <item>
        <title>
           ଫୋକସରେ ଓଡ଼ିଶା: ମୋଦୀଙ୍କ ମାରାଥନ୍‌ ଗସ୍ତ, ଖୋର୍ଦ୍ଧା ଓ ବାରିପଦା ପରେ ପୁଣି ଆସିବେ ପଶ୍ଚିମ ଓଡ଼ିଶା
        </title>
        <link>
           http://khabarodisha.com/Special/PM-Modi-tour-western-odisha-on-16-january-45335
        </link>
        <guid>
           http://khabarodisha.com/Special/PM-Modi-tour-western-odisha-on-16-january-45335
        </guid>
        <pubDate>
           Sun, 23 Dec 2018 15:57:20 GMT
        </pubDate>
        <description>

୨୦୧୯ ସାଧାରଣ ନିର୍ବାଚନକୁ ଆଉ କେଇ ମାସ ବାକି  ରହିଛି। ଏବେଠୁ ରାଜନୈତିକ ପାଗଭିଡ଼ା ଆରମ୍ଭ ହେଲାଣି। ଲୋକସଭା ନିର୍ବାଚନ ସହିତ ଓଡ଼ିଶାର ବିଧାନସଭା ନିର୍ବାଚନ ହେବାକୁ ଯାଉଛି। ଏହାକୁ ନେଇ ରାଜ୍ୟର ତିନି ପ୍ରମୁଖ ଦଳ ବିଜେଡ଼ି, ବିଜେପି ଓ କଂଗ୍ରେସ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି।  ମୋଦୀଙ୍କ ଫୋକସ୍‌ରେ ରହିଛି ଓଡ଼ିଶା । ଦୀର୍ଘ ୧୯ ବର୍ଷ ଧରି ଏକଛତ୍ରବାଦ ଶାସନ ଚଳାଇଥିବା ବିଜେଡ଼ି ସରକାରକୁ ହଟାଇବାକୁ ପ୍ରାଣମୂର୍ଚ୍ଛା ଉଦ୍ୟମ ଆରମ୍ଭ କରି ଦେଇଛି ବିଜେପି । ସେଥିପାଇଁ ମାରାଥନ୍‌ ଓଡ଼ିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଡିସେମ୍ବର ୨୬ ଓ ଜାନୁଆରୀ ୫ ପରେ ଜାନୁଆରୀ ୧୬ରେ ମୋଦୀ ଓଡ଼ିଶା ଆସୁଛନ୍ତି। ଏହାକୁ ନେଇ ରାଜ୍ୟ ବିଜେପି କାର୍ଯ୍ୟାଳୟ ଚଳଚଞ୍ଚଳ ହୋଇ ଉଠିଛି। ମୋଦୀଙ୍କ ଆଗାମୀ ଗସ୍ତକୁ ନେଇ ସୂଚନା ଦେଇଛନ୍ତି ବିଜେପି ରାଜ୍ୟ ପ୍ରଭାରୀ ଅରୁଣ ସିଂହ।

ଡିସେମ୍ବର ୨୬ରେ ରାଜ୍ୟରେ ଅନେକ ଜନ କଲ୍ୟାଣକାରୀ ଯୋଜନାର ଉଦଘାଟନ, ଶିଳାନ୍ୟାସ୍ କରିବା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜାନୁଆରୀ ୫ରେ ବାରିପଦା ଗସ୍ତ କରିବାର କାର୍ଯ୍ୟକ୍ରମ ରହିଛି। ବାରିପଦା ଗସ୍ତ ସହିତ ମୋଦୀ ଉତ୍ତର ଓଡ଼ିଶାରେ ବିଜେପିର ଜନାଧାରକୁ ବୃଦ୍ଧି କରିବାକୁ ଲକ୍ଷ୍ୟ ରଖିଛନ୍ତି। ଏହି କ୍ରମରେ ଏବେ ମୋଦୀଙ୍କ ଟାର୍ଗେଟରେ ରହିଛି ପଶ୍ଚିମ ଓଡ଼ିଶା। ଏହି ମାରାଥନ ଗସ୍ତରେ ଡିସେମ୍ବର ୨୬ ଓ ଜାନୁଆରୀ ୫ ପରେ ଜାନୁଆରୀ ୧୬ରେ ପିଏମ ମୋଦୀ  ପଶ୍ଚିମ ଓଡ଼ିଶାର ଏକ ସ୍ଥାନ ଗସ୍ତ କରିବେ। ଏହା ସହିତ ପ୍ରଧାନମନ୍ତ୍ରୀଙ୍କ ସାଧାରଣ ସଭା ଆୟୋଜନ ହେବାର କାର୍ଯ୍ୟକ୍ରମ ରହିଛି। ଖୋର୍ଦ୍ଧା ଗୋଶାଳା ପଡ଼ିଆରେ ଅନୁଧ୍ୟାନ କାଳରେ ଅରୁଣ ସିଂହ ଏହାର ସୂଚନା ଦେଇଛନ୍ତି।

ଖୋର୍ଦ୍ଧାରେ ମୋଦୀଙ୍କ ଗସ୍ତ ପୂର୍ବରୁ ଅନୁଧ୍ୟାନ ବେଳେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ବିଜେପିର ଅନ୍ୟାନ୍ୟ ରାଷ୍ଟ୍ରୀୟ ନେତା ମଧ୍ୟ ପର୍ଯ୍ୟାୟକ୍ରମେ ଓଡ଼ିଶା ଗସ୍ତରେ ଅାସିବେ। ଜାନୁଅାରୀରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହାଙ୍କ ଓଡ଼ିଶା ଗସ୍ତ କାର୍ଯ୍ୟକ୍ରମ ରହିଛି। ଏହି କ୍ରମରେ ରାଜନାଥ ସିଂହ, ନୀତିନ ଗଡକରୀ, ଯୋଗୀ ଆଦିତ୍ୟନାଥ ମଧ୍ୟ ରାଜ୍ୟକୁ ଅାସିବେ। ରାଜ୍ୟରେ ପରିବର୍ତ୍ତନର ସ୍ରୋତକୁ ନିର୍ଣ୍ଣାୟକ ମୋଡରେ ପହଞ୍ଚାଇବା ପାଇଁ ଜାତୀୟ ସ୍ତରୀୟ ନେତୃବୃନ୍ଦ ଓଡ଼ିଶା ଆସିବେ।

ଉଲ୍ଲେଖଯୋଗ୍ୟ, ଆସନ୍ତାକାଲି ଗସ୍ତରେ ୧୪ ହଜାର ୫୨୩ କୋଟି ଟଙ୍କାର ବିକାଶ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିବେ ମୋଦୀ । ଭୁବନେଶ୍ୱର ଆଇଆଇଟି କ୍ୟାମ୍ପସର ଲୋକାର୍ପଣ, ବ୍ରହ୍ମପୁରରେ ବିଶ୍ୱସ୍ତରୀୟ ଆଇଜରର ଶିଳାନ୍ୟାସ, ଉର୍ଜ୍ଜା ଗଙ୍ଗା ଯୋଜନାରେ ପାରାଦୀପ-ହାଇଦ୍ରାବାଦ ମଧ୍ୟରେ ପାଇପଲାଇନ କାମର ଶୁଭାରମ୍ଭ, ଭୁବନେଶ୍ୱରରେ ୧୦୦ ଶଯ୍ୟା ବିଶିଷ୍ଟ ଇଏସଆଇ ହସପିଟାଲର ଶିଳାନ୍ୟାସ, ଏନଏଚ-୧୬ ଚଣ୍ଡିଖୋଲ-ଭଦ୍ରକର ୬ ଲେନ୍ ଓ କଟକ-ଅନୁଗୋଳ ୪ ଲେନ୍ ରାସ୍ତାର କାମର ଶୁଭାରମ୍ଭ, ପାଇକବିଦ୍ରୋହ ସ୍ମାରକୀ ମୁଦ୍ରା, ଡାକ ଟିକେଟ ଏବଂ ଉତ୍କଳ ବିଶ୍ୱବିଦ୍ୟାଳୟରେ ପାଇକ ବିଦ୍ରୋହ ଗବେଷଣା ଚେୟାରର ଶୁଭାରମ୍ଭ ଆଦି ବିଭିନ୍ନ କାର‌୍ୟ୍ୟକ୍ରମ ରହିଛି ।

ସେହିପରି ପୁଣି ଥରେ ଆସନ୍ତା ଜାନୁୟାରୀ ୫ରେ ମୟୁରଭଞ୍ଚ ବାରିପଦାକୁ ଆସିବେ । ସେଠାରେ ମୋଟ ଦୁଇ ଘଣ୍ଟାର କାର୍ଯ୍ୟକ୍ରମ ରହିଛି । ଏହା ପରେ ପରେ ପୁଣି ମୋଦୀ ପଶ୍ଚିମ ଓଡ଼ିଶା ଗସ୍ତରେ ଆସିବେ ବୋଲି ସୂଚନା ରହିଛି ।

        </description>
      </item>
      <item>
        <title>
           ଚା’କରି ସାରିବା ପରେ ଫୋପାଡନ୍ତୁ ନାହିଁ ଚା’ପତି, ଆସିପାରେ ଅନେକ କାମରେ
        </title>
        <link>
           http://khabarodisha.com/Special/tea-leaves-is-also-beneficial-dont-waste-it-44930
        </link>
        <guid>
           http://khabarodisha.com/Special/tea-leaves-is-also-beneficial-dont-waste-it-44930
        </guid>
        <pubDate>
           Sun, 16 Dec 2018 18:20:37 GMT
        </pubDate>
        <description>

ବର୍ତର୍ମାନ ଶୀତ ଦିନ, ପ୍ରାୟ ସମେସ୍ତ ଏହି ଦିନରେ ଟିକେ ଅଧିକ ଚା’ ପିଇଥାନ୍ତି । ଚା’ ଆମକୁ ଫ୍ରେସ ରଖିବା ସହିତ ଆମ ଥକାପଣ ଦୂର କରିଥାଏ । ଅନେକ ଲୋକ ଚା’ କରିବା ପରେ ଚା’ ପତିକୁ ଫିଙ୍ଗି ଦେଇଥାନ୍ତି । କିନ୍ତୁ ଏହି ଚା’ ପତିର ମଧ୍ୟ ଅନେକ ଉପଯୋଗିତା ଥାଏ ବୋଲି ଖୁବ୍ କମ୍ ଲୋକ ଜାଣିଥାନ୍ତି। 

ଚା’ ପତିରେ ଆଣ୍ଟି ଅକ୍ସିଡାଣ୍ଟ ମିଳିଥାଏ। କୈାଣସି କାରଣରୁ ଖଣ୍ଡିଆ ହୋଇଗଲେ କ୍ଷତ ସ୍ଥାନରେ ଚାହା ପତିର ଲେପ ଦେଲେ ଏହା ଲାଭଦାୟକ ହୋଇଥାଏ। 

ଚା’ ପତିର ପାଣି ଏକ ଲାଭଦାୟକ କଣ୍ଡିସନର ହୋଇଥାଏ। ଚାହା ପତିକୁ ଧୋଇ ଆଉଥରେ ଫୁଟାଇଦିଅନ୍ତୁ। ଏହି ପାଣିରେ ବାଳକୁ ଧୋଇଲେ ବାଳ ଚିକଚିକ୍ କରିଥାଏ।

କୁଣ୍ଡରେ ଲଗାଯାଇଥିବା ଗଛରେ ମଝିରେ ମଝିରେ ସାର ଦେବା ଉଚିତ୍। ସେଥିପାଇଁ ବଞ୍ଚିଥିବା ଚା’ ପତିକୁ କୁଣ୍ଡରେ ପକାଇ ଦିଅନ୍ତୁ। ଏହା ଉପଯୁକ୍ତ ସାର ଭାବେ କାମ କରିବ।

ଚା’ ପତିକୁ ବ୍ୟବହାର କରିସାରବା ପରେ ପୁନର୍ବାର ଫୁଟାଇ ଏହାର ପାଣିକୁ ସ୍ପ୍ରେ ବୋତଲରେ ରଖି କାଠର ଆସବାବପତ୍ର ସଫା କଲେ କାଠ ଜିନଷ ନୂୂଆ ଭଳି ଚମକି ଥାଏ । 

        </description>
      </item>
      <item>
        <title>
           Google Doodle: ଉଲକାର ବର୍ଷାରେ ଆଜି ଝଲସିବ ଆକାଶ, ଖାଲି ଆଖିରେ ଦେଖିହେବ ଏହି ଦୃଶ୍ୟ
        </title>
        <link>
           http://khabarodisha.com/Special/today-geminids-shower-is-going-to--happen-in-sky-google-doodle-44768
        </link>
        <guid>
           http://khabarodisha.com/Special/today-geminids-shower-is-going-to--happen-in-sky-google-doodle-44768
        </guid>
        <pubDate>
           Thu, 13 Dec 2018 18:05:10 GMT
        </pubDate>
        <description>

 ଆଜି ହେବାକୁ ଥିବା ଉଲକା ପିଣ୍ଡ ବର୍ଷା(ଜେମିନିଡ୍ ମିଟିଅର୍ ଶାୱର)କୁ ଗୁଗୁଲ ନିଜ ହୋମ ପେଜରେ ଡ଼ୁଡ଼ୁଲ କରିଛି।  ଉଲକାପିଣ୍ଡ ଏକ ଜ୍ୟୋର୍ତିବିଜ୍ଞାନ ସମ୍ବନ୍ଧିୟ ଘଟଣା ଅଟେ ଓ ସମସ୍ତେ ଏହାକୁ ଉପଭୋଗ କରନ୍ତି । ଆକାଶରେ ଜେମିନିଡସଙ୍କ କାରଣରୁ ଆଗାମୀ କିଛି ରାତି ଗୁଡ଼ିକରେ ଆକାଶରେ ଅଦ୍ଭୂତ ଦୃଶ୍ୟ ଦେଖିବାକୁ ମିଳିବ । ଏହି ଅଦ୍ଭୂତପୂର୍ବ ଦୃଶ୍ୟ କୌଣସି ଆତସବାଜି ଠାରୁ ମଧ୍ୟ କମ ନୁହେଁ।      

କହି ରଖୁଛୁ ଯେ, ଏହି ଜେମିନିଡ୍ସ ଘଣ୍ଟା ପ୍ରତି ୭୮୦୦୦ ମିଲି ବେଗରେ ଅକାଶରେ ଦେଖାଯିବ । ଏଥିରେ କୌଣସି କ୍ଷତି ହେବ ନାହିଁ।   ଲୋକମାନେ ନିର୍ଭୟରେ ଏହାକୁ ଖାଲି ଆଖିରେ ଦେଖିପାରିବେ। ନକ୍ଷେତ୍ରପୁଞ୍ଜ ବା ଉଲକାପାତ ଏକ କ୍ଷୁଦ୍ର ଗ୍ରହରୁ ସୃଷ୍ଟି ହୁଅନ୍ତି । ଏହି କ୍ଷୁଦ୍ର ଗ୍ରହଟି ୩୨୦୦ ଫାଇଥନ ନାମରେ ପରିଚିତ। ଯାହା ୫୨୩ ଦିନରେ ଥରେ ପୃଥିବୀର ସବୁଠାରୁ ନିକଟତର ହୁଏ। ସୂର୍ଯ୍ୟଙ୍କ ନିକଟରେ ଗତି କରିବାରୁ ଏହାର ତାପମାତ୍ରା ୮୦୦ ଡ଼ିଗ୍ରୀରେ ଗତିକରେ ଓ ଏଥିରୁ ଏକ ପ୍ରକାର ପଦାର୍ଥ ବାହାରେ। ଏମାନେ ସାଧାରଣତଃ ବରଫ, ଧୂଳି ଓ ପଥରରୁ ତିଆରି ହୋଇଥାନ୍ତି ।

ଆଜି ହେବାକୁ ଥିବା ଉଲକା ପିଣ୍ଡକୁ ଦେଖିବାକୁ କୌଣସି ଟେଲିସ୍କୋପ କିମ୍ବା ଦୂରବୀକ୍ଷଣ ଯନ୍ତ୍ରର ଆବଶ୍ୟକତା ନାହିଁ । ରାତି ୯ଟାରେ ଏହାକୁ ଖାଲି ଆଖିରେ ଦେଖିହେବ। ରାତି ପାଖାପାଖି ୧୨ଟା  ସମୟରେ ଘଣ୍ଟା ପ୍ରତି ୧୨୦ଟି ଉଲକା ଦେଖାଯାଇପାରେ ।

        </description>
      </item>
      <item>
        <title>
           ନାସା ବୈଜ୍ଞାନିକଙ୍କ ଦାବୀ, ପୃଥିବୀ ପୃଷ୍ଠକୁ ଆସି ସାରିଛନ୍ତି ଏଲିଅନ
        </title>
        <link>
           http://khabarodisha.com/Special/NASA-Scientists-Said-Earth-May-Have-Already-Been-Visited-By-Aliens-But-We-Might-Missed-Them-44428
        </link>
        <guid>
           http://khabarodisha.com/Special/NASA-Scientists-Said-Earth-May-Have-Already-Been-Visited-By-Aliens-But-We-Might-Missed-Them-44428
        </guid>
        <pubDate>
           Fri, 07 Dec 2018 18:52:19 GMT
        </pubDate>
        <description>

 ନାସାର ଏକ ବୈଜ୍ଞାନିକ ଦାବୀ କରିଛନ୍ତି କି, ଏଲିଏନ ଆମ ପୃଥିବୀ ପୃଷ୍ଠରେ ଆସି ସାରିଛନ୍ତି କିନ୍ତୁ ମଣିଷ ତାଙ୍କୁ ଦେଖି ପାରିବେ ନାହିଁ  । ନାସାର କମ୍ପ୍ୟୁଟର ବୈଜ୍ଞାନିକ ଓ ପ୍ରଫେସର ସିଲଭାନୋ ପି କୋଲୁମ୍ବାନୋ ନିଜ ରିର୍ସଚ୍ଚ ପେପରରେ ଦାବୀ କରିଛନ୍ତି କି, ଏଲିଏନ ମନୁଷ୍ୟଙ୍କ ଅପେକ୍ଷା ବହୁତ ଅଲଗା ଦେଖାଯାଆନ୍ତି  । ସେମାନଙ୍କ ସରଂଚନା କାର୍ବନ ବେସ ଜୀବଙ୍କ ଠାରୁ ହୋଇଛି । ସେହି କାରଣରୁ ସେ ବର୍ତମାନ ପର୍ଯ୍ୟନ୍ତ ଅଦୃଶ୍ୟ ଅଛନ୍ତି । 

କୋଲୁମ୍ବାନୋ ନିଜ ପେପରରେ ଲେଖିଛନ୍ତି କି, ମୁଁ ଏହି କଥା କହିବାକୁ ଚାହୁଁଛି କି, ଏହା ଜରୁରୀ ନୁହେଁ କି, ଆମେ ଯାହାକୁ ଖୋଜୁଛେ କିମ୍ବା ଆମକୁ ଯିଏ ଖୋଜୁଛି ସେ ଆମ ଭଳି କାର୍ବନ ବେସରେ ଜୀବ ଉପରେ ଆଧାରିତ ହୋଇଥିବ । କୋଲୁମ୍ବାନୋଙ୍କ କହିବା ଅନୁସାରେ ବୈଜ୍ଞାନିକ ଆମର ସବୁଠାରୁ ପ୍ରତିଷ୍ଠିତ ରିର୍ସଚ୍ଚ ଉପରେ ପୁଣି ଥରେ ଚିନ୍ତା କରିବା ଦରକାର । ଏହା ସହିତ ସମ୍ପୂର୍ଣ୍ଣ ସମ୍ବାବନା ରହିଛି କି, ଏଲିଅନ ଆମ ପୃଥିବୀ ପୃଷ୍ଠକୁ ଆସି ସାରିଛନ୍ତି । 

କୋଲୁମ୍ବାନୋ କହିବା ଅନୁଯାୟୀ , ଏଲିଅନ ସୁପର ଇଂଟାଲିଜେଂଟ ଅଟନ୍ତି ଓ ହୋଇପାରନ୍ତି କି, ଆକାରରେ ମଧ୍ୟ ଅତି ସୁଷ୍ମ ହୋଇଥିବେ । ସେ କହିଛନ୍ତି  କି, ବୈଜ୍ଞାନିକମାନଙ୍କୁ ନୂତନ ଟେକନିକରେ କାମ କରିବା ଦରକାର । ଆମ ପାଖରେ ଯେଉଁ ବୈଜ୍ଞାନିକ ସାମଗ୍ରୀ ଅଛି ତାହା ୧୦.୦୦୦ ବର୍ଷ ପୁରୁଣା ଅଟେ । ସେ ଆହୁରି ମଧ୍ୟ କହିଛନ୍ତି ଯଦି ଆମେ ନୂଆ ଭାବରେ ଚିନ୍ତା କରିବା ତେବେ ଆମକୁ ନୂଆ ଉପାୟ ମିଳିପାରେ । 

        </description>
      </item>
      <item>
        <title>
           ରହସ୍ୟର ସହର ମୁନ୍ନାର, ଏହି ସହରରେ ଲୁଚି ରହିଛି ସୌନ୍ଦର୍ଯ୍ୟର ରହସ୍ୟ
        </title>
        <link>
           http://khabarodisha.com/Special/india-s-special-secret-lies-in-kerela-it-is-strange-to-know-this-fact-44304
        </link>
        <guid>
           http://khabarodisha.com/Special/india-s-special-secret-lies-in-kerela-it-is-strange-to-know-this-fact-44304
        </guid>
        <pubDate>
           Wed, 05 Dec 2018 17:19:05 GMT
        </pubDate>
        <description>

ଦକ୍ଷିଣ ଭାରତର ଏକ ସୁନ୍ଦର ରାଜ୍ୟ ଭାବେ ପରିଚିତ କେରଳର ଏକ ଛୋଟ ସହର ମୁନ୍ନାର ବନସ୍ପତି ଏବଂ ଅଦ୍ଭୁତ ସମୁଦ୍ର ପାଇଁ ବେଶ୍ ପ୍ରସିଦ୍ଧ ଲାଭ କରିଛି । ସମୁଦ୍ର ଠାରୁ ୧୬୦୦ ମିଟର ଉଚ୍ଚରେ ଅବସ୍ଥିତ ଏହି ସହର ଚା, କଫି, ମସଲା ଏବଂ ମନ୍ତ୍ରମୁଗ୍ଧ କରୁଥିବା ଦୃଶ୍ୟ ପାଇଁ ସମଗ୍ର ବିଶ୍ୱରେ ଆଦୃତ ଲାଭ କରିଛି । କେବଳ ସେତିକି ନୁହେଁ ଏହି ସହର ସହ ଜଡିତ କିଛି ରହସ୍ୟ ମଧ୍ୟ ରହିଛି । 

ଏହି ରହସ୍ୟର ନାମ ହେଉଛି ନୀଳକୁରିଂଜୀ । ବିଶ୍ୱର ସବୁଠାରୁ ଦୁର୍ଲଭ ଫୁଲ ଯାହାକି ୧୨ ବର୍ଷରେ ଥରେ ଫୁଟି ଥାଏ । ତେବେ ଦେଖିବାକୁ ଗଲେ ଏହି ବର୍ଷକୁ ବହୁତ ଭାଗ୍ୟଶାଳୀ ବୋଲି କୁହା ଯାଉଛି । କାରଣ ଏହି ବର୍ଷ ମୁନ୍ନାରରେ ନୀଳକୁରିଂଜୀ ଫୁଲ ଫୁଟିଛି । ଏହା ଷ୍ଟ୍ରୋବିଲାନ୍ଥସ ପ୍ରଜାତିର ଏକ ଫୁଲ । ଷ୍ଟ୍ରୋବିଲାନ୍ଥସର ୩୫୦ଟି ପ୍ରଜାତି ରହିଛି । ଯେଉଁଥିରୁ ୬୦ ପ୍ରଜାତି ଭାରତର ଉପଦ୍ୱୀପ ଗୁଡିକରେ ଦେଖା ଯାଏ । ଏହି ଫୁଲ ଗୁଡିକ ୧୦, ୧୨ ଏବଂ ୧୬ ବର୍ଷ ମଧ୍ୟରେ ଥରେ ଫୁଟି ଥାଏ । ତେବେ ଲମ୍ବା ସମୟ ଧରି ଅପେକ୍ଷା କରିବା ପରେ ଏହି ସହରର ସମ୍ପୂର୍ଣ୍ଣ ଅଂଚଳରେ ଏକ ନୀଳ ରଙ୍ଗର ଚାଦର ବିଛେଇ ହେଲା ଭଳି ଜଣା ପଡେ । 

ନୀଳକୁରିଂଜୀକୁ ସେଠାରେ ରହୁଥିବା ଆଦୀବାସୀମାନେ ଏହାକୁ ପ୍ରେମର ପ୍ରତୀକ ବୋଲି ମାନନ୍ତି । ତେଣୁ ସେମାନେ ବିବାହ ସମୟରେ ଏହାର ହାର ତିଆରି କରି ପିନ୍ଧି ଥାନ୍ତି । ତେବେ ଏହି ବର୍ଷ ପରେ ବୋଧହୁଏ  ନୀଳକୁରିଂଜୀକୁ ୨୦୩୦ରେ ଦେଖିବାକୁ ମିଳିବ । 

        </description>
      </item>
      <item>
        <title>
           ଖାଲି ସୌନ୍ଦର୍ଯ୍ୟ ନୁହେଁ ବିଭିନ୍ନ ରୋଗ ମଧ୍ୟ ଦୂର କରେ ଘିକୁଆଁରୀ : ଜାଣନ୍ତୁ ଏହାର ଔଷଧୀୟ ଗୁଣ
        </title>
        <link>
           http://khabarodisha.com/Special/benefits-of-aloe-vera-44199
        </link>
        <guid>
           http://khabarodisha.com/Special/benefits-of-aloe-vera-44199
        </guid>
        <pubDate>
           Mon, 03 Dec 2018 18:58:20 GMT
        </pubDate>
        <description>

ଘରେ ସମସ୍ତଙ୍କ ବାଡ଼ି ବଗିଚାରେ ଘିକୁଆଁରୀ ରହିଛି। ଆଲୋବେରା ବା ଘିକୁଆଁରୀରେ ଥିବା ଔଷଧୀୟ ଗୁଣ ବିଷୟରେ ସମସ୍ତେ ଅଳ୍ପ ବହୁତ ଜାଣିଥିବେ। ଏହା ଯେ ଖାଲି ସୌନ୍ଦର୍ଯ୍ୟ ପାଇଁ ବ୍ୟବହାର କରାଯାଏ ତାହା ନୁହେଁ । ଏହା ବିଭିନ୍ନ ରୋଗ ମଧ୍ୟ ଦୂର କରେ । ଆଲୋବେରା ଡାଇବେଟିସ ରୋଗୀଙ୍କ ପାଇଁ ବରଦାନ ସଦୃଶ କାମ କରିଥାଏ। ଏହାର ଜୁସ୍‌ ପିଇଲେ ରକ୍ତରେ ଶର୍କରାସ୍ତର ନିୟନ୍ତ୍ରିତ ରହିଥାଏ। ଏହା କିଡ୍‌ନୀ ଓ ଲିଭର ସହ ଶରୀରର ଅନ୍ୟ ଅଙ୍ଗକୁ ମଧ୍ୟ ସୁସ୍ଥ ରଖିଥାଏ। ଏହା କୋଲେଷ୍ଟ୍ରୋଲ ମଧ୍ୟ କମ୍‌ କରିଥାଏ।

ଯଦି ଆପଣଙ୍କର କେଉଁଠି ଖଣ୍ଡିଆ ହେଇଯାଇଛି ବା କୌଣସି ବିଷାକ୍ତ ପୋକ କାମୁଡ଼ି ଦେଇଛି ତାହାଲେ ଜଳା ପୋଡ଼ାରୁ ରକ୍ଷା ପାଇବା ପାଇଁ ଆଲୋବେରା ଖାଆନ୍ତୁ। ଏକ ପତ୍ରକୁ କାଟି ଏହାର ରସ କ୍ଷତ ସ୍ଥାନରେ ମଧ୍ୟ ଲଗାନ୍ତୁ। ଏହା ଦ୍ୱାରା କ୍ଷତ ସ୍ଥାନ ଶୀଘ୍ର ଶୁଖିଯିବ।

ଆପଣ ମୋଟାପଣ କମାଇବାକୁ ଅନେକ କସରତ ବା ଡାଏଟିଂ କରି ଥକି ଯାଇଛନ୍ତି କି? ତାହାଲେ ଆପଣ ଆଲୋବେରା ଖଆନ୍ତୁ। ଏଥିରେ ଥିବା ପ୍ରାକୃତିକ ଗୁଣ ଓଜନ କମାଇବାକୁ ସାହାଯ୍ୟ କରିବ ।

ଦାନ୍ତରେ ହେଉଥିବା ବିଭିନ୍ନ ସମସ୍ୟା ଯେମିତିକି ଦାନ୍ତ ମୂଳ ଦରଜ, ଦାନ୍ତ ବିନ୍ଧିବା, ପୋକ ଖାଇବା ଇତ୍ୟାଦି ସମସ୍ୟା ଦୂର କରିଥାଏ। ଏହା ସହ ଆଲୋବେରାରେ ଆଣ୍ଟି ଅକ୍ସିଡାଣ୍ଟ ଗୁଣ ଥିବାରୁ ଏହାକୁ ଖାଇବା ଦ୍ୱାରା ଶରୀରର ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ।

ଅନେକଙ୍କର ବ୍ରଣ ସମସ୍ୟା ରହିଥାଏ। ତେଣୁ ଆଲୋବେରା ଜୁସ୍‌ ପିଇବା ଦ୍ୱାରା ବ୍ରଣ ଭଲ ହେବା ସହ ତ୍ୱଚାର ଔଜଲ୍ୟ ବୃଦ୍ଧି ପାଇଥାଏ। ମୁହଁରେ ଅଲୋବେରା ଜେଲି ଲଗାଇବା ଦ୍ୱାରା ତ୍ୱଚା ଉଜ୍ୱଳ ଦିଶିଥାଏ।

ପ୍ରାୟ ସମସ୍ତଙ୍କର କମ୍‌ ବୟସରୁ ଚୁଟି ଝଡ଼ିବା ସମସ୍ୟା ଦେଖାଦେଇଥାଏ। ଅନେକ ଏଥିପାଇଁ ଉପଚାର କରି ବଫଳ ମଧ୍ୟ ହୋଇଥାନ୍ତି। ଆଲୋବେରା ଆମ ଚୁଟି ପାଇଁ ଅନେକ ଉପକାରୀ ହୋଇଥାଏ। ଏହାକୁ ଆପଣ ଚୁଟିର ମୁଳରେ ଲଗାଇ କିଛି ସମୟ ପରେ ଧୋଇ ଦିଅନ୍ତୁ। ଧୀରେ ଧୀରେ ଚୁଟି ଝଡ଼ିବା ବନ୍ଦ ହେବା ସହ ଉଜ୍ୱଳ ମଧ୍ୟ ଦେଖାଯିବ। ମୁଣ୍ଡରେ ରୁପି ହୋଇଥିଲେ ମଧ୍ୟ ଏହି ଉପାୟରେ ଉପକାର ମିଳିବ।

ଯଦି ଆପଣଙ୍କର ଆଣ୍ଠୁଗଣ୍ଠି ଦରଜ ହେଉଛି ବା ପୀଡ଼ା ହେଉଛି ତାହଲେ ସେହି ସ୍ଥାନରେ ଆଲୋବେରା ଲଗାନ୍ତୁ। ଏହା ଆପଣଙ୍କୁ ଆରାମ ଦେବ।

        </description>
      </item>
      <item>
        <title>
           ଏହି ଘରୋଇ ଉପଚାର କଲେ ପାଖ ମାଡିବ ନାହିଁ ଶ୍ୱାସ
        </title>
        <link>
           http://khabarodisha.com/Special/asthma-home-treatment-43454
        </link>
        <guid>
           http://khabarodisha.com/Special/asthma-home-treatment-43454
        </guid>
        <pubDate>
           Mon, 19 Nov 2018 18:25:32 GMT
        </pubDate>
        <description>

ବର୍ତମାନ ଶୀତ ଦିନ ।  ଏହି ଦିନରେ ଅଧିକାଂଶ ଲୋକଙ୍କୁ ପ୍ରାୟ ଶ୍ୱାସର ସମସ୍ୟା ଦେଖା ଦେଇଥାଏ । ଶ୍ୱାସ ରେଗୀମାନେ ନିଶ୍ୱାସ ପ୍ରଶ୍ୱାସ ନେବାରେ ଖୁବ କଷ୍ଟ ଅନୁଭବ କରନ୍ତି । ଶୀତ ଯେତେ ବଢିଥାଏ ଶ୍ୱାସ ରୋଗୀମାନେ ସେତେ ଅଧିକ କଷ୍ଟ ପାଇଥାନ୍ତି । ସେଥିପାଇଁ ଏହି ଘରୋଇ ଉପଚାର କଲେ ଶ୍ୱାସ ହେବ ନାର୍ହି  । 

ଏକ ଲିଟର ପାଣିରେ ଏକ ଚାମଚ ମେଥି ପକାଇ ଅଧଘଂଟା ଗରମ କରୁନ୍ତୁ । ଏହି ପାଣିକୁ ଛାଣି ଏଥିରେ ଟିକେ ଅଦା ରସ ଓ ମହୁ ମିଶାଇ ସକାଳୁ ପିଇଲେ ଶ୍ୱାସରୋଗ ଦୂର ହୋଇଥାଏ । 

ଶୋରିଷ ତେଲରେ ଗର୍ପର ମିଶାଇ ଗରମ କରି ଏହି ତେଲକୁ ଛାଣି ପିଠିରେ ମାଲିସ କଲେ ଶ୍ୱାସରୁ ଆରମ ମିଳିଥାଏ । 

ଅଁଳାରେ ଭିଟାମିନ ସି ଭରପୁର ମାତ୍ରାରେ ଥାଏ । ଏହା ପେଟ , ତ୍ୱଚା , କେଶ  ପାଇଁ ଖୁବ ଉପକାରୀ । ପ୍ରତିଦିନ ଗୋଟିଏ ଗ୍ଲାସ ପାଣିରେ ଗୋଟିଏ ଚାମଚ ଅଁଳା ଗୁଣ୍ଡ ପକାଇ ପିଇଲେ ଶ୍ୱାସ ଦୂର ହୋଇଥାଏ । 

        </description>
      </item>
      <item>
        <title>
           ଓଡିଶାରେ ରକ୍ତ ଦୁର୍ନୀତି “ରକ୍ତ ଦାନ ମହତ କାମ” ନାଁରେ ଲୁଟ ହେଉଛି ରକ୍ତ
        </title>
        <link>
           http://khabarodisha.com/Special/Blood-Bank-Scam-Odisha-Blood-Donation-Camp-43254
        </link>
        <guid>
           http://khabarodisha.com/Special/Blood-Bank-Scam-Odisha-Blood-Donation-Camp-43254
        </guid>
        <pubDate>
           Fri, 16 Nov 2018 17:08:38 GMT
        </pubDate>
        <description>

 ରକ୍ତ ଦାନ ମହତ କାମ ନାଁରେ ଆଦାୟ ହେଉଥିବା ରକ୍ତ ଯାଉଛି କେଉଁ ଆଡେ । ବିଭିନ୍ନ ବ୍ଲଡ ଡୋନେସନ କ୍ୟାମ୍ପରେ ଆଦାୟ ହେଉଥିବା ରକ୍ତ ସବୁ କେଉଁଠି ଲାଗୁଛି । ନା ସରକାର ନା କେଉଁ ସ୍ୱତନ୍ତ୍ର ସଂସ୍ଥା କାହା ପାଖରେ ଏହାର କିଛି ହିସାବ ଅଛି । ରକ୍ତ ଦାନ ନାଁରେ ଆଦାୟ ହୋଇଥିବା ସବୁ ରକ୍ତ ରୋଗୀଙ୍କୁ ମାଗଣାରେ ଦିଆଯାଉଛି ନାଁ ତାକୁ ଚଢା ଦରରେ ବିକ୍ରି କରାଯାଉଛି ତାହା ଏବେ ଏକ ବଡ ପ୍ରଶ୍ନ ହୋଇ ଠିଆ ହୋଇଛି ।

ରାଜ୍ୟରେ ଏକ ନିିର୍ଦ୍ଧିଷ୍ଟ ସାମାଜିକ ସଙ୍ଗଠନ ଓ ଏକ ନିର୍ଦ୍ଧିଷ୍ଟ ରାଜନୈତିକ ଦଳ ସାରା ରାଜ୍ୟରେ ରକ୍ତ ଦାନ କାର୍ଯ୍ୟକ୍ରମ କରିଥିଲେ । ସାରା ରାଜ୍ୟରୁ ଲକ୍ଷ ଲକ୍ଷ ୟୁନିଟ ବ୍ଲଡ ସଂଗୃହିତ ହୋଇଥିଲା । ହେଲେ ସେହି ସବୁ ରକ୍ତ କୁଆଡେ ଗଲା ତାହା ଏବେ ସନ୍ଦେହରେ । ରାଜ୍ୟରେ ରକ୍ତ ଲୁଟର ଯେ ଏକ ର‌୍ୟାକେଟ ଚାଲୁଛି ଏକଥା ଆଉ କାହାକୁ ଅଛପା ନାହିଁ ।

ସାଧାରଣତଃ ସଂଗୃହିତ ରକ୍ତକୁ ସର୍ବାଧୀକ ୪୫ ଦିନ ପର୍ଯ୍ୟନ୍ତ ସରଂକ୍ଷିତ କରାଯାଇପାରେ । ୪୫ ଦିନ କିଛି କମ ସମୟ ନୁହେଁ । ୪୫ ଦିନ ଭିତରେ ନିଶ୍ଚିନ୍ତ ଭାବେ କାହାର ନା କାହାର ରକ୍ତ ଆବଶ୍ୟକତା ପଡିଥିବ । ହେଲେ ଯେଉଁ ସରକାରୀ ଡାକ୍ତରଖାନାକୁ ଯାଆନ୍ତୁ ଯଦି ଆପଣଙ୍କର ବା ଆପଣଙ୍କର ସର୍ମ୍ପକୀୟଙ୍କ ଚିକିସ୍ତ୍ରା ପାଇଁ ରକ୍ତ ଦରକାର ପଡେ ତାହେଲେ ଆପଣଙ୍କୁ ବ୍ଲଡ ବ୍ୟାଙ୍କ ଅଫିସର ସବୁବେଳେ ଗୋଟିଏ କଥା କହିବେ ଆପଣ ନିଜେ ରକ୍ତ ଯୋଗାଡ କରନ୍ତୁ । ଖୁବ ବେଶୀରେ ବ୍ଲଡ ବ୍ୟାଙ୍କ ଆପଣଙ୍କୁ ଏତିକି ସାହାଯ୍ୟ କରିପାରନ୍ତି ଯଦି ଦରକାର ଗ୍ରୁପର ରକ୍ତ ଆପଣ ଯୋଗାଡ କରିନପାରିବେ ତାହେଲେ ଆପଣ ଯେକୌଣସି ଗ୍ରୁପର ରକ୍ତ ଆଣନ୍ତୁ ଆପଣଙ୍କୁ ତାବଦଳରେ ଯାଇକି ରକ୍ତ ମିଳିବ । ଘରୋଇ ଡାକ୍ତରଖାନାରେ ବି ସେଇ ସମାନ ଅବସ୍ଥା । ହେଲେ ଯଦି ଆପଣ ଯଦି ଧନୀ ଶ୍ରେଣିର ବା ସମ୍ବ୍ରାନ୍ତ ପରିବାରର ଲୋକ ହୋଇଥାନ୍ତି ତାହେଲେ ଆପଣଙ୍କୁ ତୁରନ୍ତ ରକ୍ତ ମିଳିଯିବ ଘରୋଇ ଡାକ୍ତରଖାନାରେ । ଆଉ ତାବଦଳରେ ମେଡିକାଲ ବିଲରେ ରକ୍ତ ବାବଦରେ ରୋଗୀଙ୍କୁ ଦେବାକୁ ପଡିବ ମୋଟା ଅର୍ଥ ।

 

ଅନେକ ସାମାଜିକ ସଙ୍ଗଠନ ଏବଂ ବିଭିନ୍ନ ସ୍ୱେଛାସେବୀ ନିଜର ପରିଶ୍ରମ ବଦଳରେ ରକ୍ତ ସଂଗ୍ରହ କରନ୍ତି । ହେଲେ ଏହାର ଲାଭ ଗରୀବ ଲୋକଟିଏ ପାଇାପାରୁନାହିଁ । ଏପରିକି ରାଜ୍ୟ ସରକାର କରିଥିବା ନିଜର ସରକାରୀ େଓବସାଇଟରେ ମଧ୍ୟ ବ୍ଲଡ ବ୍ୟାଙ୍କ ସମ୍ବଦ୍ଧରେ ଯେଉଁ ତଥ୍ୟ ଅଛି ତାହା ବି ଭୁଲ । େଓବସାଇଟରେ ଯେଉଁ ବ୍ଲଡ ଗ୍ରୁପର ରକ୍ତ ସେଠାରେ ଉପଲବଧ ଅଛି ବୋଲି କୁହାଯାଉଛି ବାସ୍ତବରେ କିନ୍ତୁ ସେହି ବ୍ଲଡ ବ୍ୟାଙ୍କର ଅଧୀକାରି ସଫା ସଫା ମନାକରୁଛନ୍ତି ଯେ ସେହି ବ୍ଲଡ ଗ୍ରୁପର ରକ୍ତ ନାହିଁ । ସେହି ଘଟଣାରେ େଓବସାଇଟର ତଥ୍ୟ ଭୁଲ ନା ବ୍ଲଡ ବ୍ୟାଙ୍କର ଅଧୀକାରିଙ୍କ ତଥ୍ୟ ଭୁଲ ତାହା ବି ସ୍ପଷ୍ଟ ଜଣାପଡୁନି । କିଛି ଘରୋଇ ସାମାଜିକ ସଙ୍ଗଠନ ମଧ୍ୟ ରକ୍ତ ଦାନର ବିଭିନ୍ନ େଓବସାଇଟ ଖୋଲିଛନ୍ତି ହେଲେ ସେଠାରେ ଥିବା ବ୍ୟବସ୍ଥା ଆହୁରି ଭୟଙ୍କର । ସେଠାରେ କେବଳ ରକ୍ତ ଗ୍ରହଣ କରିବା ଏବଂ ରକ୍ତ ଦାନ କରୁଥିବା ଲୋକମାନଙ୍କର ତଥ୍ୟ ଅଛି ହେଲେ ସେହି ସାମାଜିକ ସଙ୍ଗଠନ ନିଜେ ସଂଗୃହିତ କରିଥିବା ରକ୍ତ ସବୁ କେଉଁଠି ବ୍ୟବହୃତ ହେଲା ଏବଂ ତାକୁ ନେଇଥିବା ରୋଗୀଙ୍କ ନାଁ କଣ ତାହା ନାହିଁ । ସରକାର ଯଦି ତୁରନ୍ତ ଏହି ରକ୍ତ ଦାନ ମହତ କାମ ନାଁରେ ଚାଲୁଥିବା ଲୁଟ ଉପରେ ଅଙ୍କୁଶ ନଲଗାନ୍ତି ତାହେଲେ ଆଗାମୀ ଦିନରେ ଲୋକମାନେ ସ୍ୱେଛାକୃତ ଭାବେ ରକ୍ତ ଦାନ କରିବା ଆଗରୁ ଦୁଇ ଥର ନିଶ୍ଚୟ ଭାବିବେ ।

        </description>
      </item>
      <item>
        <title>
           ସାବଧାନ ! ନଚେତ୍ ଖାଲି ହୋଇଯିବ ଆପଣଙ୍କର ବ୍ୟାଙ୍କ ଆକାଉଣ୍ଟ
        </title>
        <link>
           http://khabarodisha.com/Special/sim-swap-fraud-all-you-need-to-know-about-this-online-banking-scam-43200
        </link>
        <guid>
           http://khabarodisha.com/Special/sim-swap-fraud-all-you-need-to-know-about-this-online-banking-scam-43200
        </guid>
        <pubDate>
           Thu, 15 Nov 2018 21:32:33 GMT
        </pubDate>
        <description>

କଣ ଆପଣଙ୍କ ପାଖକୁ ଏମିତି କଲ ଆସୁଛି କି ଯେଉଁଥିରେ କୁହାଯାଉଛି ଯେ  ଯଦି ଆପଣ ଆପଣଙ୍କର ସିମ୍ ଅପଡେଟ୍ କରି ନାହାନ୍ତି ତେବେ ଶୀଘ୍ର ଏହା ଡିଆକ୍ଟିଭେଟ୍ ହୋଇଯିବ।  ଏମିତି କଲର ସୂଚନା ଦେଇ ଆପଣ ସିମ୍ ସ୍ଵାଇପ ଠକାମୀର ଶିକାର ହୋଇ ପାରନ୍ତି। ନିକଟରେ ପୁଣେରେ ଜଣେ ବ୍ୟକ୍ତି ଏମିତି ଠକାମୀର ଶିକାର ହୋଇ ୯୩,୫୦୦ ଟଙ୍କା ହରାଇଛନ୍ତି।  ଏମିତି କଲ ଦ୍ଵାରା ଆପଣ ସିମ୍ ସ୍ଵାଇପ ଫ୍ରଡର ଶିକାର ନହୁଅନ୍ତୁ, ଏଥିପାଇଁ ଆପଣଙ୍କୁ କହିବାକୁ ଯାଉଛୁ ଏଥିରୁ କେମିତି ବର୍ତ୍ତିବେ...

ସିମ ସ୍ଵାଇପର ଅର୍ଥ ସିମ୍ ଏକ୍ସଚେଞ୍ଜ, ଯେଉଁଥିରେ ଆପଣଙ୍କ ଫୋନ ନମ୍ବରରେ ନୂତନ ସିମ ପଞ୍ଜିକରଣ କରି ନିଆଯାଏ। ଏମିତି ହେବା ମାତ୍ରେ ଆପଣଙ୍କ ସିମ୍ କାର୍ଡ ବନ୍ଦ ହୋଇଯିବ ଏବଂ ଫୋନରୁ ସିଗ୍ନାଲ ଗାଏବ ହୋଇଯିବ। ଏବେ ଆପଣଙ୍କ ନମ୍ବରରେ ରେଜିଷ୍ଟର ହୋଇଥିବା ଦ୍ଵିତୀୟ ସିମରେ ଆସୁଥିବା ଓଟିପିର ବ୍ୟବହାର କରି କୌଣସି ଅନ୍ୟ ବ୍ୟକ୍ତି  ଆପଣଙ୍କର ଟଙ୍କା  ନିଜ ଆକାଉଣ୍ଟକୁ ଟ୍ରାନ୍ସଫର କରି ନେବ।

- ଏହାର ଆରମ୍ଭ ହୋଇଥାଏ ଏକ କଲରୁ। କଲ କରିଥିବା ବ୍ୟକ୍ତି ଜଣକ ନିଜକୁ  ଏୟାରଟେଲ, ଭୋଡ଼ାଫୋନ କିମ୍ବା ଅନ୍ୟ କୌଣସି କମ୍ପାନୀର ସର୍ଭିସ ପ୍ରୋଭାଇଡର ରୂପେ ପରିଚୟ ଦିଅନ୍ତି। ଏମାନେ ଆପଣଙ୍କ ସହିତ  କଲ ଡ୍ରପ ଠିକ୍ କରିବା କିମ୍ବା ଇଣ୍ଟରନେଟ୍ ସ୍ପିଡ୍ ବଢାଇବା ଉପରେ ଆପଣଙ୍କ ସହିତ କଥା ହୁଅନ୍ତି। 

- କଥାବାର୍ତ୍ତା ସମୟରେ ସେ ଆପଣଙ୍କ ସିମର ୨୦ ଡିଜିଟ୍ ବିଶିଷ୍ଟ ୟୁନିକ୍ ନମ୍ବର ମାଗିବାକୁ ଚେଷ୍ଟା କରନ୍ତି। ଏହି ନମ୍ବର ଆପଣଙ୍କ ସିମ୍ ପଛ ପଟେ ଲେଖା ହୋଇଥାଏ। 

- ଥରୁଟିଏ ଏହି ନମ୍ବର ମିଳିବା ପରେ ସେ ଆପଣଙ୍କୁ ୧ ପ୍ରେସ କରିବାକୁ କୁହନ୍ତି, ଯେଉଁଥିରେ ଅଥେନଟିକ୍ସନ ହୋଇଥାଏ ଓ ସିମ୍ ସ୍ଵାଇପର ପୂରା ପ୍ରକ୍ରିୟା ପୂରା ହୋଇଯାଏ।

- ଥରୁଟିଏ ସିମ୍ ସ୍ଵାଇପ ହେବା ପରେ ଆପଣଙ୍କ ନମ୍ବରରେ ସିଗ୍ନାଲ ଆସିବା ବନ୍ଦ ହୋଇଯାଏ।

- ଏହା ଦୁଇଟି ପ୍ରକ୍ରିୟାରେ ହୋଇଥାଏ। ଅଧିକାଂଶ ମାମଲାରେ  ସ୍କାମର ପାଖରେ ଆପଣଙ୍କ ବ୍ୟାକିଙ୍ଗ୍ ଆଇଡି ଓ ପାସଓ୍ଵାର୍ଡ ରହିଥାଏ। କେବଳ ସେମାନଙ୍କୁ ଓଟିପିର ଆବଶ୍ୟକ ପଡିଥାଏ। ଯାହା ଆପଣଙ୍କ ସିମରେ ମେସେଜ୍ ରୂପେ ଆସିଥାଏ। 

- ଯେବେ ଆପଣ ବ୍ୟାଙ୍କିଙ୍ଗ ଓ୍ଵେବସାଇଟର ଫେକ ଭର୍ସନ  ଓପନ କରି ନିଜର ତଥ୍ୟ ଦିଅନ୍ତି, ଏହି ସମୟରେ ଏହି ସବୁ ତଥ୍ୟ ସ୍ଵତଃ ପ୍ରବୃତ ଭାବେ ସ୍କାମର୍ସଙ୍କ ହାତରେ ଲାଗିଯାଏ। 

- ଅନେକ ଥର ସେମାନେ କଲ କରି ଆପଣଙ୍କର ଆଧାର ନମ୍ବର ପଚାରିବାକୁ ଚେଷ୍ଟା କରନ୍ତି। ଏଥିପାଇଁ ସର୍ବଦା ଧ୍ୟାନ ଦିଅନ୍ତୁ ଯେ କେବେ ମଧ୍ୟ କାହାକୁ କିଛି ସୂଚନା ଦେବେ ନାହିଁ।

- ଅଧିକାଂଶ ଏମିତି ହୋଇଥାଏ ଯେ  ସିମ୍ ସ୍ଵାଇପ କରିବା ପରେ ସ୍କାମର ଆପଣଙ୍କୁ କ୍ରମାଗତ ଫୋନ କରି ଆପଣଙ୍କୁ ହଇରାଣ କରିଥାନ୍ତି। ଏଥିରେ ବ୍ୟତିବ୍ୟସ୍ତ ହୋଇ ଆପଣ ଫୋନ ଅଫ ମଧ୍ୟ କରି ଦିଅନ୍ତି। ସେମାନଙ୍କର ଏହା ଏକ ଚାଲ। କାରଣ ସିମକୁ ଆକଟିଭ ହେବାରେ ପ୍ରାୟ ୪ ଘଣ୍ଟାର ସମୟ ଲାଗିଥାଏ। ଏମିତିରେ ସେମାନେ ଆପଣଙ୍କୁ ହଇରାଣ କରିବାକୁ ଚାହାନ୍ତି କାରଣ ଆପଣ ଫୋନ ବନ୍ଦ କରି ଦିଅନ୍ତୁ। ଏଥିରେ ଏହି ୪ ଘଣ୍ଟାରେ ସେମାନଙ୍କର କାମ ହୋଇଯିବ ଏବଂ ଆପଣଙ୍କୁ ଜଣା ମଧ୍ୟ ପଡ଼ିବ ନାହିଁ। 

- ଜରୁରୀ ଏହା ଯେ ଆପଣ  ନିଜର ବ୍ୟାଙ୍କ ଆକାଉଣ୍ଟ ବାଲାନ୍ସ ଉପରେ ନିଜର  ରଖନ୍ତୁ। ଯେମିତି ଆପଣ ଏହି ଧରଣର କିଛି ମୋବାଇଲରେ ଦେଖିବାକୁ ପାଆନ୍ତି ତେବେ ତୁରନ୍ତ ନିଜର ବ୍ୟାଙ୍କକୁ ଏହାର ସୂଚନା ଦିଅନ୍ତୁ।

- ଏହି ଠକାମୀର ଶିକାର ଅଧିକାଂଶ ବରିଷ୍ଠ ଲୋକଙ୍କ ସହିତ ହୋଇଥାଏ। ତେଣୁ ସେମାନଙ୍କୁ ସତର୍କ ରହିବା ସବୁଠୁ ଅଧିକ ଜରୁରୀ ଅଟେ। ସେଥିପାଇଁ ଏହି ପରି ଫୋନ କଲ ପ୍ରତି ଦୂରେଇ ରୁହନ୍ତୁ। 

        </description>
      </item>
   </rss>
 </channel>