<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ତିତଲି ନେଇ ରାଷ୍ଟ୍ରପତିଙ୍କ ଟ୍ୱିଟ୍: ସମଗ୍ର ଦେଶ ଓଡିଶା ଓ ଆନ୍ଧ୍ରବାସୀଙ୍କ ସହିତ ଅଛି
        </title>
        <link>
           http://khabarodisha.com/Social-Media/President-Ramnath-Kovid--Tweet-Titli-41189
        </link>
        <guid>
           http://khabarodisha.com/Social-Media/President-Ramnath-Kovid--Tweet-Titli-41189
        </guid>
        <pubDate>
           Thu, 11 Oct 2018 16:48:36 GMT
        </pubDate>
        <description>

ସାମୁଦ୍ରିକ ଘୂର୍ଣ୍ଣିଝଡ ତିତଲିରେ ପ୍ରଭାବିତ ଲୋକଙ୍କ ପ୍ରତି ସମବେଦନା ଜ୍ଞାପନ କରିଛନ୍ତି ଦେଶର ରାଷ୍ଟ୍ରପତି ରାମନାଥ କୋବିନ୍ଦ। ଏ ନେଇ ରାଷ୍ଟ୍ରପତିଙ୍କ କାର୍ଯ୍ୟାଳୟ ତରଫରୁ ଟ୍ୱିଟରରେ ଦର୍ଶାଯାଇଛି। ଏଭଳି ସମୟରେ ସମଗ୍ର ଦେଶ ଓଡିଶା ଓ ଆନ୍ଧ୍ରପ୍ରଦେଶବାସୀଙ୍କ ସହିତ ଅଛି ବୋଲି ରାଷ୍ଟ୍ରପତି କହିଛନ୍ତି। 

ଶ୍ରୀ କୋବିନ୍ଦ ନିଜ ଟ୍ୱିଟରରେ ଉଲ୍ଲେଖ କରିଛନ୍ତି ଯେ “ତିତ୍‌ଲି ବାତ୍ୟା ଯୋଗୁଁ ଓଡିଶା ଓ ଆନ୍ଧ୍ର ପ୍ରଦେଶର ପ୍ରଭାବିତ ପରିବାର ବିଶେଷକରି ପିଲାମାନଙ୍କ ପ୍ରତି ମୁଁ ସମବେଦନା ଜ୍ଞାପନ କରୁଛି । ମୋର ଦୃଢ ବିଶ୍ୱାସ ଯେ ସ୍ଥାନୀୟ ପ୍ରଶାସନ ଓ ରିଲିଫ୍ ସଂସ୍ଥା ଗୁଡିକ ତତ୍ପରତା ସହିତ ଲୋକମାନଙ୍କୁ ସାହାଯ୍ୟ କରିବେ । ସମଗ୍ର ଦେଶ ଆପଣଙ୍କ ସହିତ ଅଛି”।

ସୂଚନାଯୋଗ୍ୟ, ସାମୁଦ୍ରିକ ଝଡ ତିତଲି ଗୁରୁବାର ସକାଳେ ସାଢେ ୪ରୁ ସାଢେ ୫ଟା ମଧ୍ୟରେ ଆନ୍ଧ୍ରପ୍ରଦେଶର ପଲାସା ଓ ଶ୍ରୀକାକୁଲମର ମଧ୍ୟସ୍ଥଳରେ ସ୍ଥଳଭାଗ ଅତିକ୍ରମ କରିଥିଲା। ଏହାର ପ୍ରଭାବରେ ସେ ସମୟରେ ପବନର ବେଗ ଘଂଟା ପ୍ରତି ୧୫୦ କିମି ରହିଥିବା ବେଳେ ଗୋପାଳପୁର ଠାରେ ୧୨୬ କିମି ରହିଥିଲା । ତିତଲି ଯୋଗୁଁ ଗଜପତି ଜିଲ୍ଲା ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ଗଂଜାମ ଜିଲ୍ଲାରେ ଆଶା ଠାରୁ କମ୍ କ୍ଷତିଗ୍ରସ୍ତ ହୋଇଛି । ଅନ୍ୟପଟେ ସର୍ବଶେଷ ରିପୋର୍ଟ ଅନୁଯାୟୀ, ତିତଲି ପ୍ରଭାବରେ ଆନ୍ଧ୍ରପ୍ରଦେଶରେ ୮ ଜଣଙ୍କର ମୃତ୍ୟୁ ହୋଇଛି। ମୃତକମାନେ ବିଜୟନଗରମ ଓ ଶ୍ରୀକାକୁଲମ ଜିଲ୍ଲାର ବୋଲି ଖବର ସରବରାହ ସଂସ୍ଥା ଏଏନଆଇ ପକ୍ଷରୁ ସୂଚନା ମିଳିଛି। 

        </description>
      </item>
      <item>
        <title>
           ହ୍ୟାକିଙ୍ଗ : ବନ୍ଦ ହେବ ଗୁଗୁଲ ପ୍ଲସ, ବିପଦପୂର୍ଣ୍ଣ ଥିଲା ୫ ଲକ୍ଷ ଗ୍ରାହକଙ୍କ ଡାଡା!
        </title>
        <link>
           http://khabarodisha.com/Social-Media/Google-plus-is-shutting-down-for-users-bug-exposed-data-of-5-lakh-users-41058
        </link>
        <guid>
           http://khabarodisha.com/Social-Media/Google-plus-is-shutting-down-for-users-bug-exposed-data-of-5-lakh-users-41058
        </guid>
        <pubDate>
           Tue, 09 Oct 2018 06:22:19 GMT
        </pubDate>
        <description>

ନୂଆଦିଲ୍ଲୀ, ଅକ୍ଟୋବର ୦୯ (ଖବର ଓଡ଼ିଶା): ଫେସବୁକ ପରେ ଏବେ ଟେକ୍ନୋଲୋଜୀ କମ୍ପାନୀ ‘ଗୁଗଲ’ର ସୋସିଆଲ ମିଡିଆ ‘ଗୁଗଲ ପ୍ଲସ’କୁ ହ୍ୟାକିଙ୍ଗ ବିପଦ ଘାରିଛି । ଗୁଗଲ କହିଛି, ୫ଲକ୍ଷ ଗୁଗଲ ପ୍ଲସ ଆକାଉଣ୍ଟ ସମ୍ଭାବିତ ବିପଦ ଥିଲା । କମ୍ପାନୀ ପକ୍ଷରୁ ବର୍ତ୍ତମାନ ପରିପ୍ରେକ୍ଷୀରେ ସୋସିଆଲ ନେଟୱାର୍କିଙ୍ଗ ସାଇଟ ଗୁଗଲ ପ୍ଲସ ବନ୍ଦ କରିବାକୁ ଯାଉଛି । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଗୁଗଲ ପ୍ଲସ ଡାଟାକୁ ହ୍ୟାକର୍ସମାନେ ସାର୍ବଜନିକ କରିଥାନ୍ତେ ।  

ଦି ୱାଲ ଷ୍ଟ୍ରିଟ ଜର୍ନାଲ ରିପୋର୍ଟ ଅନୁସାରେ ଗୁଗଲ ସିକ୍ୟୁରିଟି କାରଣରୁ କହିନାହିଁ ଯେ, ହ୍ୟାକର୍ସମାନେ କେମିତି ଡାଟା ସାର୍ବଜନୀକ କରିଥାନ୍ତେ । ରିପୋର୍ଟ ଅନୁସାରେ ଏକ ସଫ୍ଟୱେର ବଳରେ ଅନ୍ୟ ଏକ ସଫ୍ଟୱେର କମ୍ପାନୀକୁ ପ୍ରାଇଭେଟ ଗୁଗଲ ପ୍ଲସ ପ୍ରୋଫାଇଲ ଆକ୍ସସେସ ମିଳି ଯାଇଥିଲା । ଏହି ଡାଟା ୨୦୧୫ ରୁ ୨୦୧୮ ମାର୍ଚ୍ଚ ପର୍ଯ୍ୟନ୍ତ ଥିଲା । 

ଗୁଗଲ କହିବା ଅନୁସାରେ ପ୍ରଭାବିତ ଡାଟାରେ ବିକଳ୍ପ ଗୁଗଲ ପ୍ଲସ ପ୍ରୋଫାଇଲରେ ଦିଆଯାଇଥିବା ନାମ, ଇମେଲ, ବ୍ୟବସାୟ, ଜେଣ୍ଡର ଓ ବୟ ବ୍ୟକ୍ତିଗତ ଡାଟା ସାମିଲ । ଗୁଗଲ କହିଛି ଗ୍ରାହକଙ୍କ ବ୍ୟକ୍ତିଗତ ଡାଟାକୁ ଭୁଲ ଉଦ୍ଦେଶ୍ୟରେ ବ୍ୟବହାର ହୋଇ ନାହିଁ । ମାତ୍ର ୫ ଲକ୍ଷ ଗ୍ରାହକଙ୍କ ପାଇଁ ବିପଦପୂର୍ଣ୍ଣ ଥିଲା । 

        </description>
      </item>
      <item>
        <title>
           ଚର୍ଚ୍ଚାରେ ବିଧାୟକ ! କାହାର ଅନ୍ତରଙ୍ଗ ଭିଡିଓ ପାଇଁ ମଲେ କେନ୍ଦ୍ରାପଡାର ଅବିନାଶ ? ସୋସିଆଲ ମେଡିଆରେ ବୁଲୁଛି ପୋଲିସ ନିଷ୍ଠୁରତାର ଫଟୋ
        </title>
        <link>
           http://khabarodisha.com/Social-Media/Abinash-Paital-Mahakalapada-Custodial-Death-40558
        </link>
        <guid>
           http://khabarodisha.com/Social-Media/Abinash-Paital-Mahakalapada-Custodial-Death-40558
        </guid>
        <pubDate>
           Sun, 30 Sep 2018 19:39:25 GMT
        </pubDate>
        <description>

 “ଯାହା ହେଇଯାଇଛି ହେଇଯାଇଛି । ଆଉ ଆଗକୁ ଯାଅନାହିଁ । ଜଣେ ମରିଛି ଗୋଟିଏ ପରିବାର ସର୍ବସ୍ୱାନ୍ତ ହୋଇଛି । କ୍ରାଇମବ୍ରାଂଚ ତଦନ୍ତ ଆଗରେ ବେଶି କିଛି କୁହ ନାହିଁ କି କିଛି ତଥ୍ୟ ପ୍ରମାଣ ଦିଅ ନାହିଁ । ନହେଲେ ମୋର ସମେତ ଆଉ ୪ଟି ପରିବାର ସର୍ବସ୍ୱାନ୍ତ ହେଇଯିବେ । ଅବିନାଶ ପରିବାର ସହ କଥାବାର୍ତା କର । ମୁଁ ଦେବି ୧୫ ଲକ୍ଷ ଟଙ୍କା । ଏକଥାରେ ଆଉ ଆନ୍ଦୋଳନ କରନି କି ଏକଥାକୁ ଆଉ ଆଗକୁ ଟାଣନି” ଏ ହେଉଛି କେନ୍ଦ୍ରାପଡାର ଜଣେ ଯୁବ ବିଧାୟକ ତଥା ପୁର୍ବତନ ମନ୍ତ୍ରୀଙ୍କର ଅବିନାଶ ପାଇଟାଳଙ୍କର ପୋଲିସ ହାଜତରେ ମୃତ୍ୟୁ ପରେ ହୋଇଥିବା ଜନଆନ୍ଦୋଳନର ନେତୃତ୍ୱ ନେଉଥିବା ଜଣେ ଯୁବକଙ୍କୁ ପ୍ରସ୍ତାବ । ଏହି କଥା ଏବେ ମହାକାଳପଡା ସମେତ ସାରା କେନ୍ଦ୍ରାପଡାରେ ଏବେ ଆଲୋଚ୍ୟର ବିଷୟ ପାଲଟିଛି ।

ଜଣେ ପୁର୍ବତନ ସ୍ୱାସ୍ଥ୍ୟ ମନ୍ତ୍ରୀ ତଥା ଏବେର ବିଧାୟକ, ଜଣେ ଅଙ୍ଗନଓାଡି ସୁପରଭାଇଜର , ଜଣେ ନାଏବ ସରପଚଂ ଏବଂ ଆଉ ଜଣେ ଅଙ୍ଗନଓାଡି କର୍ମୀଙ୍କ କିଛି ଚାରିକୋଣିଆ କାହାଣୀର କିଛି ଚଳଚ୍ଚିତ୍ର ସେହି ରହସ୍ୟମୟ ମୋବାଇଲରେ ଥିଲା ବୋଲି ଏବେ କେନ୍ଦ୍ରାପଡରେ ସାଧାରଣରେ ଆଲୋଚନା ହେଉଛି ।

ଏଣେ ସୋସିଆଲ ମେଡିଆରେ ହ୍ୱାଟସଆପରୁ ହ୍ୱାଟସଆପ ବୁଲୁଛି ମୃତ୍ୟୁ ଅବିନାଶଙ୍କର ମଳଦ୍ୱାର ଓ ଅନ୍ୟାନ୍ୟ ଅଙ୍ଗରେ ପାଲିସ ପିଭିସି ପାଇପ ପୁରାଇ ରକ୍ତାକ୍ତ କରିଦେଇଥିବାର ଫଟୋ । ଫଟୋରେ ଯାହା ସ୍ପଷ୍ଟ ହେଉଛି ପୋଲିସର ବର୍ବର ଆକ୍ରମଣରେ ଅବିନାଶଙ୍କର ମୃତ୍ୟୁ ହେବାପରେ ପୋଲିସ ତାକୁ ଆତ୍ମହତ୍ୟାର ରୁପ ଦେଇଛି ।

ଏତେଲାରେ ନାଁ ନଥିବା ସତ୍ୱେ ଏବଂ ପୋଲିସରେ ଅଭିଯୋଗ ହେବାର ୪ ମାସ ପରେ ପୋଲିସ କାହିଁକି ହଠାତ ଏତେ କ୍ରୀୟାଶୀଳ ହୋଇ ଉଠିଲା ଏବଂ ଏକ ମାମୁଲି ମୋବାଇଲ ଚୋରି ଅଭିଯୋଗରେ ଜଣେ ଯୁବକକୁ ଏତେ ଅମାନୁଷିକ ଭାବେ କାହିଁକି ମାରିଲେ ତାହା ନିହାତି ସନ୍ଦେହଜନକ କଥା । କଣ ଥିଲା ସେହି ରହସ୍ୟମୟ ମୋଇବାଲରେ, ମୋବାଇଲ ଅପେକ୍ଷା ପୋଲିସ ସେ ମେମୋରି କାର୍ଡ କାହିଁକି ବେଶି ଖୋଜୁଥିଲା , କାହିଁକି ବିଧାୟକ ୧୫ ଲକ୍ଷ ଟଙ୍କାର ପ୍ରସ୍ତାବ ଦେଉଛନ୍ତି ଅବିନାଶର ପରିବାରକୁ ଏସବୁ ଏବେ ଘଟଣାର ଗଭୀରତାକୁ ଆହୁରି ଅଧିକ ଗୁରୁତର କରୁଛି ।


ଯଦିଓ କ୍ରାଇମବ୍ରାଂଚ ଏହି ଘଟଣାର ତଦନ୍ତ କରୁଛି ହେଲେ କ୍ରାଇମବ୍ରାଂଚ କେବଳ ଥାନା ଆଇଆଇସିଙ୍କ ପାଖରେ ହିଁ ତଦନ୍ତକୁ ସୀମିତି କରିରଖିଛି । ସେ ମୋବାଇଲରେ କାହାର ଭିଡିଓ ଥିଲା ଯାହା ପାଇଁ ପୋଲିସ ବାବୁ ଜଣେ ଯୁବକଙ୍କ ଉପରେ ଏତେ ଅତ୍ୟାଚାର କଲେ ସେହି ବିଷୟକୁ କ୍ରାଇମବ୍ରାଂଚ ତଦନ୍ତ କଲେ ଯାଇକି ଅସଲ ସତ ପଦାକୁ ଆସିବ ।

        </description>
      </item>
      <item>
        <title>
           ସୁୁରମା ପାଢୀଙ୍କର ମହାରଥୀଙ୍କୁ ପ୍ରଶ୍ନ – ତାଙ୍କ ସ୍ତ୍ରୀଙ୍କର ଦ୍ୱିତୀୟ ସ୍ୱାମୀ କିଏ ? ସୋସିଆଲ ମେଡିଆରେ ଲୋକଙ୍କର ଉତର - ପାଣ୍ଡିଆନ
        </title>
        <link>
           http://khabarodisha.com/Social-Media/Pradeep-Maharathy-Controversial-Statement-Women-Two-Husband-40306
        </link>
        <guid>
           http://khabarodisha.com/Social-Media/Pradeep-Maharathy-Controversial-Statement-Women-Two-Husband-40306
        </guid>
        <pubDate>
           Wed, 26 Sep 2018 15:17:57 GMT
        </pubDate>
        <description>

 ମହିଳାଙ୍କର ୨ଟା ଲେଖାଏଁ ସ୍ୱାମୀ ଅଛନ୍ତି ବୋଲି କୃଷି ମନ୍ତ୍ରୀ ପ୍ରଦୀପ ମହାରଥୀ ଦେଇଥିବା ବିବାଦୀୟ ବୟାନ ଏବେ ଆହୁରି ବିବାଦୀୟ ହେବାରେ ଲାଗିଛି । ପ୍ରଥମେ କୃଷି ମନ୍ତ୍ରୀ ପ୍ରଦୀପ ମହାରଥୀ ନିଜେ ବିଜେପି ରାଷ୍ଟ୍ରିୟ ସଭାପତି ଅମିତ ଶାହାଙ୍କର ଗସ୍ତ ଆଗରୁ ଏପରି ବିବାଦୀୟ ବୟାନ ଦେଇ ଗଣମାଧ୍ୟମର ଧ୍ୟାନକୁ ନିଜ ଆଡକୁ ଟାଣିବାର ପ୍ରୟାସ କରିଥିଲେ । ହେଲେ ତାହାତ ବିଫଳ ହେଲା କିନ୍ତୁ ଏବେ ସେହି ବୟାନକୁ ନେଇ ତାଙ୍କ ବିରୋଧରେ ସାମାଜିକ ଗଣମାଧ୍ୟମରେ ଲୋକମାନଙ୍କର ବିରୋଧ ଜୋର ଧରିଲାଣି । ଅନେକ ସାଧାରଣ ଲୋକ ସିଧାସଳଖ ମନ୍ତ୍ରୀଙ୍କର ବ୍ୟକ୍ତିଗତ ପରିବାର ବିଷୟରେ ଟ୍ଟିପଣି ଦେବାରେ ବି ଲାଗିଛନ୍ତି ।

ଗତକାଲି ସାମାଜିକ ଗଣମାଧ୍ୟମ ଫେସବୁକରେ ପୁର୍ବତନ ସମବାୟ ମନ୍ତ୍ରୀ ତଥା ବିଜେପିର ବରିଷ୍ଠ ନେତ୍ରୀ ସୁରମା ପାଢୀ ଲେଖୀଥିଲେ କି, “ମାନ୍ୟବର ମନ୍ତ୍ରୀ ମହୋଦୟ ଯେ କି ଓଡ଼ିଶା ର ମହିଳା ମାନଙ୍କର ଦି ଦିଟା ସ୍ବାମୀ ବୋଲି ହିସାବ ଦେଖାଇଛନ୍ତି ସେ କହିବେ କି ତାଙ୍କ ସ୍ତ୍ରୀ ଙ୍କ ଦ୍ୱିତୀୟ ସ୍ବାମୀ ଜଣକ କିଏ ?” ଏହାର ତଳେ ସାଧାରଣ ଲୋକ ଯାହା ଉତ୍ତର ଦେବାରେ ଲାଗିଛନ୍ତି ତାହା ଏବେ ରାଜନୈତିକ ମହଲରେ ଚୁଟକଲି ଅାଉ ଚା ଖଟ୍ଟି ଚର୍ଚ୍ଚା ପାଇଁ ପୁରା ଖୋରାକ ଯୋଗାଇଛି ।

ଅନେକ ସାଧାରଣ ଜନତା ଲେଖିଛନ୍ତି ସେ ହେଉଛନ୍ତି "ଭିକେ ପାଣ୍ଡିୟାନ" । ଆସିଥିବା ଅନେକ ମନ୍ତ୍ୟବରୁ ସଂଖ୍ୟାଧିକ ଲୋକ ନିଜ କମେଂଟରେ "ପାଣ୍ଡିୟାନ" "ପାଣ୍ଡିୟାନ" ବୋଲି ଲେଖିଛନ୍ତି ।

ଏଠାରେ କହିବା ଉଲ୍ଲେଖ୍ୟଯୋଗ୍ୟ କି ମହିଳାଙ୍କ ବିଷୟରେ ଏପରି ବିବାଦୀୟ ବୟାନ ଦେଇ ବିବାଦକୁ ଟାଣିହେବା ମନ୍ତ୍ରୀ ପ୍ରଦୀପ ମହାରଥୀଙ୍କ ପାଇଁ ନୁଆ କଥା ନୁହେଁ । ଆଗରୁ ବିଧାନସଭା ଭିତରେ ବିଧାୟିକା ରାଧାରାଣି ପଣ୍ଡାକୁ “ତୁମର ଘିଅ କାଢିଦେବି” ବୋଲି କହି ସେ ବିବାଦକୁ ଆସିଥିଲେ । ପ୍ରଥମେ ମହାରଥୀ ଏହି କଥାକୁ ସ୍ୱୀକାର କଲେ ନାହିଁ । କହିଲେ ମୁଁ ତାଙ୍କ ଝିଅ ବାହାଘର କଥା ପଚାରୁଥିଲି ସେ ଶୁଣିପାରିଲେନି । କିନ୍ତୁ ପରେ ସାଧାରଣରେ ପ୍ରତିବାଦ ଜୋର ହେବାରୁ ସେ ନିଜେ ବିଧାୟିକା ପଣ୍ଡାଙ୍କୁ କ୍ଷମା ମାଗିଥିଲେ । ହେଲେ ଏବେ ମହିଳାମାନଙ୍କର ଦ୍ୱିତୀୟ ସ୍ୱାମୀ ଅଛନ୍ତି ବୋଲି କହିବା କଥାରେ ସେ କ୍ଷମା ମାଗିବେନି ବୋଲି ସ୍ପଷ୍ଟ କରିଛନ୍ତି । ଦେଖିବାକୁ ବାକି ରହିଲା କେବେ କ୍ଷମା ମାଗୁଛନ୍ତି ମନ୍ତ୍ରୀ ମହାରଥୀ ।

        </description>
      </item>
      <item>
        <title>
           ମୋମୋ ପରେ ‘ଅଲିଭିଆ’ ଆତଙ୍କ: ସତର୍କ କଲା କ୍ରାଇମବ୍ରାଞ୍ଚ, ଅଚିହ୍ନା ମେସେଜ ଗ୍ରହଣ ନକରିବାକୁ ପରାମର୍ଶ
        </title>
        <link>
           http://khabarodisha.com/Social-Media/New-WhatsApp-spam-named-Olivia-Hoax-is-targeting-young-children-by-befriending-them-Odisha-CrimeBraanch-Alert-39633
        </link>
        <guid>
           http://khabarodisha.com/Social-Media/New-WhatsApp-spam-named-Olivia-Hoax-is-targeting-young-children-by-befriending-them-Odisha-CrimeBraanch-Alert-39633
        </guid>
        <pubDate>
           Fri, 14 Sep 2018 16:09:13 GMT
        </pubDate>
        <description>

 ‘ମୋମୋ’ ଗେମ୍ ବା ମୃତ୍ୟୁର ଖେଳ ପରେ ଏବେ ‘ଅଲିଭିଆ’କୁ ନେଇ ଆତଙ୍କ ସୃଷ୍ଟି ହୋଇଛି। ‘ଅଲଭିଆ’ ନାଁରେ ସୋସିଆଲ ଆପ୍ ହ୍ୱାଟ୍ସ ଆପରେ ମେସେଜ ଆସୁଥିବା ସଙ୍କେତ ମିଳିଥିବା ବେଳେ ଏ ନେଇ ଛୋଟ ପିଲାଙ୍କ ପାଇଁ ସତର୍କ ଜାରି କରିଛି ଓଡିଶା କ୍ରାଇମବ୍ରାଞ୍ଚ । ଏଥିରୁ ଦୂରେଇ ରହିବାକୁ କ୍ରାଇମବ୍ରାଞ୍ଚ ପରାମର୍ଶ ଦେଇଛି । 

କ୍ରାଇମବ୍ରାଞ୍ଚ ପକ୍ଷରୁ କୁହାଯାଇଛି ଯେ, ହ୍ୱାଟସଆପ ମାଧ୍ୟମରେ ‘ଅଲଭିଆ’ ଛୋଟ ପିଲାଙ୍କୁ ଟାର୍ଗେଟ୍ କରୁଛି। ତେଣୁ ଅଭିଭାବକମାନେ ପିଲାମାନଙ୍କ ଅନଲାଇନ କାରବାର ପ୍ରତି ଧ୍ୟାନ ଦିଅନ୍ତୁ। ଅଚିହ୍ନା ଓ ସନ୍ଦେହଜନକ ମେସେଜ ବା ନମ୍ବର ଆସିଲେ ତାହାକୁ ଗ୍ରହଣ କରନ୍ତୁ ନାହିଁ।         

ପ୍ରକାଶ ଥାଉ କି, ୱାଟସ ଆପ ମାଧ୍ୟମରେ ‘ଓଲିଭିଆ’ର ଏକ ସ୍ପାମ ମେସେଜ୍ ଆସୁଥିବାର ଅଭିଯୋଗ ହୋଇଛି। ଯେଉଁଥିରେ ପର୍ଣ୍ଣ ସାଇଟ୍ ବା ପର୍ଣ୍ଣ ସମ୍ବୋଧିତ ମେସେଜ୍ ପଠାଇ ଛୋଟ ପିଲାଙ୍କ ମାଇଣ୍ଡକୁ ଅସନ୍ତୁଳିତ ବା ଡାଇଭର୍ଟ କରାଯାଏ। ଏହି ଅଭିଯୋଗ ଆସିବା ପରେ ଓଡ଼ିଶା ପୋଲିସ ପକ୍ଷରୁ ସତର୍କ ପଦକ୍ଷେପ ଗ୍ରହଣ କରାଯାଇଛି।      

        </description>
      </item>
      <item>
        <title>
           ସତର୍କ: ମୋମୋ ଗେମ୍ ଠାରୁ ପିଲାଙ୍କୁ ଦୂରେଇ ରଖନ୍ତୁ ଅଭିଭାବକ, ଆଡଭାଇଜରୀ ଜାରୀ କଲା କ୍ରାଇମବ୍ରାଞ୍ଚ
        </title>
        <link>
           http://khabarodisha.com/Social-Media/Odisha-Crime-Branch-Advisory-For-Momo-Game-38877
        </link>
        <guid>
           http://khabarodisha.com/Social-Media/Odisha-Crime-Branch-Advisory-For-Momo-Game-38877
        </guid>
        <pubDate>
           Sat, 01 Sep 2018 21:45:30 GMT
        </pubDate>
        <description>

ବ୍ଲୁ ହ୍ୱେଲ୍ ଗେମ୍ ପରେ ବର୍ତ୍ତମାନ ‘ମୋମୋ ଗେମ୍' ନେଇ ବିଶ୍ୱରେ ଆତଙ୍କ ଦେଖାଯାଇଛି। ରାଉରକେଲାର ଜଣେ ଇଞ୍ଜିନିୟର ଛାତ୍ର ଛଅ ମହଲାରୁ ଡେହିଁ ଆତ୍ମହତ୍ୟା କରିବା ପରେ ଏ ନେଇ ତତ୍ପରତା ପ୍ରକାଶ କରିଛି ଓଡ଼ିଶା ପୋଲିସ। ଏଥି ନେଇ କ୍ରାଇମବ୍ରାଞ୍ଚ ପକ୍ଷରୁ ଶନିବାର ଆଡଭାଇଜରି ଜାରୀ କରାଯାଇଛି ।

ମୋମୋ ଗେମ୍ ଠାରୁ ପିଲାଙ୍କୁ ଦୂରରେ ରହିବା ପାଇଁ ଅଭିଭାବକଙ୍କୁ ସତର୍କ ରହିବାକୁ କ୍ରାଇମବ୍ରାଞ୍ଚ୍ ପରାମର୍ଶ ଦେଇଛି । ନିଜ ପିଲାଙ୍କ ଗତିବିଧି ଉପରେ ନଜର ରଖିବା ସହ ପିଲାଙ୍କ ଚାଲି ଚଳନ ଓ ଗତିବିଧିକୁ ଠିକରେ ଅନୁଧ୍ୟାନ କରିବାକୁ କ୍ରାଇମବ୍ରାଞ୍ଚ ପକ୍ଷରୁ ପରାମର୍ଶ ଦିଆଯାଇଛି।ସେହିପରି ପିଲାଙ୍କ ସୋସିଆଲ ମିଡିଆ ଆକାଉଣ୍ଟ, ଇମେଲ ପ୍ରଭୁତି ଚେକ୍ କରିବାକୁ ଉକ୍ତ ଆଡଭାଇଜରୀରେ କୁହାଯାଇଛି । 

ଏହା ବ୍ୟତୀତ କ୍ରାଇମବ୍ରାଞ୍ଚ କହିଛି, ଆପଣଙ୍କ ହ୍ୱାଟସ୍ଆପ୍ ନମ୍ବରକୁ ଅଜଣା ଲିଙ୍କ୍ ଆସିଲେ ତାହାକୁ ଡିଲିଟ୍ କରନ୍ତୁ। ଅଜଣା ନମ୍ବରରୁ ମେସେଜ ଆସିଲେ ପ୍ରତିଉତ୍ତର ଦିଅନ୍ତୁ ନାହିଁ । ଗେମ ଖେଳିବାକୁ ମେସେଜ ଆସିଥିବା ନମ୍ବରକୁ ବ୍ଲକ କରିଦେବାକୁ ଉକ୍ତ ଆଡଭାଇଜରୀରେ ପରାମର୍ଶ ଦିଆଯାଇଛି ।

ସୂଚନାଯୋଗ୍ୟ, ମୋମୋ ଗେମ ଯୋଗୁଁ ଭୁବନେଶ୍ୱର ସ୍ଥିତ ଏକ ଇଞ୍ଜିନିୟରିଂ କଲେଜର ୩ୟ ବର୍ଷର କମ୍ପ୍ୟୁଟର ଇଞ୍ଜିନିୟରିଂ ଛାତ୍ର ତଥା ରାଉରକେଲା ରେଲେୱେ କଲୋନି ନିବାସୀ ଏସ୍. ଚେତନ କୁମାର ଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଗତ ଅଗଷ୍ଟ ୨୦ ତାରିଖରେ ଚେତନ ଟ୍ରେନରେ ଚେନ୍ନାଇ ଚାଲି ଯାଇଥିଲେ। ଅଗଷ୍ଟ ୨୨ ତାରଇକରେ ରାଜୀବ ଗାନ୍ଧୀ ମେମୋରିଆଲ ହସ୍ପିଟାଲର ୬ ମହଲା ଛାତରୁ ଡେଇଁ ଆତ୍ମହତ୍ୟା କରିଥିଲେ । ମୋମୋ ଗେମ୍ ଯୋଗୁଁ ସେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।

        </description>
      </item>
      <item>
        <title>
           ଯାହାକୁ ରଖେ ଅନନ୍ତ... ହାଇୱେରେ ଚଳନ୍ତା ବାଇକରେ ଏକାକୀ ୨୦୦ ମି ପର୍ଯ୍ୟନ୍ତ ଗଲା ୫ବର୍ଷୀୟ ଶିଶୁ, ଅଳ୍ପକେ ବର୍ତ୍ତିଲେ ବାପା ମା’
        </title>
        <link>
           http://khabarodisha.com/Social-Media/5-year-old-kid-rides-bike-for-20-secs-after-parents-get-knocked-off-in-road-accident-escapes-unhurt-38314
        </link>
        <guid>
           http://khabarodisha.com/Social-Media/5-year-old-kid-rides-bike-for-20-secs-after-parents-get-knocked-off-in-road-accident-escapes-unhurt-38314
        </guid>
        <pubDate>
           Wed, 22 Aug 2018 20:38:39 GMT
        </pubDate>
        <description>

 ଯାହାକୁ ରଖେ ଅନନ୍ତ ତାହା କି କରିପାରେ ବଳବନ୍ତ। ପୁଣି ଏହାର ସଦ୍ୟତମ ଉଦାହରଣ ଦେଖିବାକୁ ମିଳିଛି କର୍ଣ୍ଣାଟକର ରାଜଧାନୀ ବେଙ୍ଗାଲୁରରେ। ବାଇକରେ ଯିବାବେଳେ ଦୁର୍ଘଟଣାର ଶୀକାର ହେଉଛନ୍ତି ବାପା ମାଆ। କିନ୍ତୁ ବାଇକର ଆଗରେ ବସିଥିବା ଏକାକୀ ୫ ବର୍ଷର ଶିଶୁଟି କିଛି ବାଟ ଯିବା ପରେ ରାସ୍ତାର ଡାହାଣ ପାର୍ଶ୍ୱରେ ଥିବା ଖୁଣ୍ଟରେ ବାଜି ରାସ୍ତା ପାର୍ଶ୍ୱରେ ଲାଗିଥିବା ଗାଲିଚା ତଳେ ପଡ଼ିଯାଉଛି। ଏହା ପରେ ଅକ୍ଷତ ଅବସ୍ଥାରେ ଶିଶୁଟିକୁ ଉଦ୍ଧାର କରୁଛନ୍ତି ଲୋକେ। ବେଙ୍ଗାଲୁର ପୋଲିସ ଏହି ଭିଡିଓ ଭାଇରାଲ କରିବା ପରେ ଚର୍ଚ୍ଚାର ବିଷୟ ହୋଇଛି।    

ରବିବାର ସଂଧ୍ୟା ୩.୩୩ ମିନିଟ୍ । ତୁମାକୁର-ବେଙ୍ଗାଲୁର ଜାତୀୟ ରାଜପଥରେ ବାଇକରେ ଯାଉଥାନ୍ତି ପରିବାର ତିନି ସଦସ୍ୟ ବାପା ମା ଓ ତାଙ୍କ ଶିଶୁ। ଯିବା ବେଳେ ହଠାତ୍ ଏକ ସ୍କୁଟି ସହ ଧକ୍କା ହେବାରୁ ବାଇକର ସବା ପଛରେ ବସିଥିବା ମାଆ ରାସ୍ତାକୁ ଖସିପଡ଼ନ୍ତି। ଏହା ପରେ ସଙ୍ଗସଙ୍ଗେ ବାପା ମଧ୍ୟ ରାସ୍ତାକୁ ଖସିପଡନ୍ତି। କିନ୍ତୁ ଆଶ୍ଚର୍ଯ୍ୟଜନକ ଭାବେ ୮୦ କିଲୋମିଟର ସ୍ପିଡରେ ଥିବା  ଗାଡି ଉପରେ ବସିଥାଏ ୫ ବର୍ଷର ଶିଶୁଟି। ଏହା ପରେ ଶିଶୁଟି ସେହିପରି ଅବସ୍ଥାରେ ୨୦ ସେକେଣ୍ଡ ଅତିକ୍ରମ କରିବା ପରେ ଏକ ରାସ୍ତାପାର୍ଶ୍ୱରେ ଲାଗିଥିବା ଗାଲିଚା ଉପରେ ଖସିପଡେ। କିଛି ସମୟ ପରେ ରାସ୍ତାରେ ସ୍କୁଟିରେ ଯାଉଥିବା ଜଣେ ଯୁବକ ସେଠାରୁ ଶିଶୁଟିକୁ ଅକ୍ଷତ ଅବସ୍ଥାରେ ଉଦ୍ଧାର କରନ୍ତି। ତେବେ ଶିଶିଟୁ ଏକାକୀ ୨୦୦ ମିଟର ଅତିକ୍ରମ କରିବା ପରେ ଗାଲିଚା ଉପରେ ଖସିପଡିଥିଲା ବୋଲି କୁହାଯାଉଛି। 

କହି ରଖୁଛୁ ଯେ, ଦୁର୍ଘଟଣାର ଶିକାର ହୋଇଥିବା ଦମ୍ପତ୍ତି ଓ ଧକ୍କା ହୋଇଥିବା ଯୁବକଙ୍କ କୌଣସି କ୍ଷୟକ୍ଷତି ହୋଇନାହିଁ। ଏହି ଘଟଣା ସୋମବାର ଭାଇରାଲ ହେବା ପରେ ଚର୍ଚ୍ଚାର ବିଷୟ ହୋଇଛି। ଏହାକୁ କେହି କେହି ଇଶ୍ୱରଙ୍କ ଚତ୍ମକାର ବୋଲି କହୁଛନ୍ତି। ଅପରପକ୍ଷରେ ସେଠାକାର ଟ୍ରାଫିକ ପୋଲିସ ରାସ୍ତାରେ ଯିବାବେଳେ ହେଲମେଟ୍ ବ୍ୟବହାର କରିବା ସହ ଟ୍ରାଫିକ୍ ନିୟମ କଟକଣା ମାନିବାକୁ ପରାମର୍ଶ ଦେଇଛନ୍ତି।           

        </description>
      </item>
      <item>
        <title>
           ଯୁବତୀଙ୍କ ଦବଙ୍ଗଗିରି: ପୋଲିସକୁ ସରକାରୀ ଚାକର କହି କଲାର ଟାଣି ମାଡ ମାରିଲେ
        </title>
        <link>
           http://khabarodisha.com/Social-Media/Viral-Video-Odisha--Police-beaten--by-Ladies-37381
        </link>
        <guid>
           http://khabarodisha.com/Social-Media/Viral-Video-Odisha--Police-beaten--by-Ladies-37381
        </guid>
        <pubDate>
           Wed, 08 Aug 2018 15:28:25 GMT
        </pubDate>
        <description>

 ସ୍ଥାନୀୟ ଏଜି ଛକରେ ଟ୍ରାଫିକ ମହିଳା କନଷ୍ଟେବଳ ଓ ଏଡିଜିଙ୍କ ଝିଅଙ୍କ ମଧ୍ୟରେ ହୋଇଥିବା ବଚସାକୁ କେଇ ଦିନ ନପୂରୁଣୁ ସହୀଦ ନଗରରେ ପୁଣି ଏଭଳି ଏକ ଘଟଣା ସାମ୍ନାକୁ ଆସିଛି । ଗତକାଲି ରାତିରେ ପୋଲିସ ରୂପାଲି ଛକ ନିକଟରେ ଚେକିଂ କରୁଥିବା ସମୟରେ ଜନୈକ ଯୁବତୀ ପୋଲିସକୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ପୋଲିସର କଲାର ଟାଣି ବାଡେଇବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। 

ପ୍ରାପ୍ତ ସୂଚନାନୁସାରେ, ଗତକାଲି ରାତିରେ ସହୀଦ ନଦର ଥାନା ଅନ୍ତର୍ଗତ ରମାଦେବୀ ବିଶ୍ୱବିଦ୍ୟାଳୟ ସାମ୍ନାରେ ପୋଲିସ ଚେକିଂ କରୁଥିବା ସମୟରେ ଜନୈକ ଯୁବତୀ ଓ ପୋଲିସ ମୁହାଁମୁହିଁ ହୋଇଥିଲେ। ତେବେ ଯୁବତୀ ଜଣଙ୍କ ନିଜକୁ ପୋଲିସ ମାଡ ମାରିଥବା ଅଭିଯୋଗ କରି ବିଚ୍ ରାସ୍ତା ଉପରେ ହଙ୍ଗାମା କରିବା ସହ ପୋଲିସକୁ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ।  ଏତିକିରେ ସୀମିତ ନରହି ପୋଲିସକୁ ସରକାରଙ୍କ ଚାକର କହି କଲାର ଟାଣି ବାଡେଇବାକୁ ମଧ୍ୟ ଯୁବତୀ ଜଣକ ପଛେଇ ନଥିଲେ। ଘଟଣାସ୍ଥଳଟି ବେଶ କିଛି ସମୟ ଧରି ଲୋକାରଣ୍ୟ ହୋଇପଡିଥିଲା। ଏହି ସମୟରେ କିଛି ଯୁବକ ଏହାର ଭିଡିଓ କରିବା ସହ ସୋସିଆଲ ମିଡିଆରେ ସେୟାର କରିଥିଲେ। 

ମଙ୍ଗଳବାର ପୋଲିସ ସଂପୃକ୍ତ ଯୁବତୀଙ୍କୁ ସହୀଦ ନଗର ଥାନାକୁ ନେଇ ପଚରାଉଚରା କରିଥିବା ବେଳେ ଆଜି ଏ ନେଇ ନିଜ ଆଡୁ ମାମଲା ରୁଜୁ କରି ଦଫା ଯୁବତୀ ଜଣକ ବିରୁଦ୍ଧରେ ଆଇପିସି ଧାରା ୩୪୧, ୩୩୨, ୩୫୭, ୨୯୪, ୫୦୬, ୩୪ ଭଳି ସଙ୍ଗୀନ ଦଫା ଲଗାଇଥିବା ଜଣାପଡ଼ିଛି।    

        </description>
      </item>
      <item>
        <title>
           ମହଙ୍ଗା ପଡିଲା ଛାତ୍ରୀଙ୍କୁ ବାରମ୍ବାର ପିଛା କରିବା, ରୋଡ ରୋମିଓଙ୍କୁ ଚାପୁଡା ଉପରେ ଚାପୁଡା ମାରିଲେ କଲେଜ ଛାତ୍ରୀ
        </title>
        <link>
           http://khabarodisha.com/Social-Media/Road-romeo-Slapped-by-College-girl-in-bramhapur-video-viral-36995
        </link>
        <guid>
           http://khabarodisha.com/Social-Media/Road-romeo-Slapped-by-College-girl-in-bramhapur-video-viral-36995
        </guid>
        <pubDate>
           Thu, 02 Aug 2018 17:08:42 GMT
        </pubDate>
        <description>

ଭାରି ପଡିଲା ଛାତ୍ରୀଙ୍କୁ ବାରମ୍ବାର ପିଛା କରିବା । ଖାଇବାକୁ ପଡିଲା ଚାପୁଡା ଉପରେ ଶକ୍ତ ଚାପୁଡା। ଗଞ୍ଜାମ ଜିଲ୍ଲା ବ୍ରହ୍ମପୁରର ଗାନ୍ଧିନଗର ଅଞ୍ଚଳରେ ଏଭଳି ଜଣେ ରୋଡରୋମିଓଙ୍କୁ ମଜା ଚଖେଇଛନ୍ତି କଲେଜ ଛାତ୍ରୀ। ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଲା ପରେ ଘଟଣା ଚର୍ଚ୍ଚାର ବିଷୟ ହୋଇଛି ।

ସୂଚନା ଅନୁସାରେ, ବ୍ରହ୍ମପୁର ମହିଳା ବିଦ୍ୟାଳୟର ଜଣେ ଯୁକ୍ତ ୨ ଛାତ୍ରୀଙ୍କୁ ସେଠାକାର ଅଞ୍ଚଳର ଜଣେ ଯୁବକ ହଇରାଣ କରୁଥିଲେ। ପ୍ରତିଦିନ କଲେଜ ଆସିବା ପରଠାରୁ ଘରକୁ ଯିବା ପର୍ଯ୍ୟନ୍ତ ବାଟରେ ପିଛା କରିବା ସହ ସାଙ୍ଗ ମାନଙ୍କ ସହ ମିଶି କମେଣ୍ଟ ମାରୁଥିଲେ। ଯେଉଁଥିରେ ଅତିଷ୍ଠ ହୋଇପଡିଥିଲେ ଯୁବତୀ । ତାଗିଦ କରିବା ପରେ ମଧ୍ୟ ନମାନିବାରୁ ଆଜି ଯୁବକ ଜଣକ ପିଛା କରୁଥିବା ବେଳେ ଉତ୍ତମ ମଧ୍ୟମ ଦେଇଥିଲେ ଯୁବତୀ। ରୋଡ ମଝିରେ ସାଇକେଲ ଅଟକାଇ ଯୁବକଙ୍କୁ ଚାପୁଡା ଉପରେ ଚାପୁଡା ମାରିଥିଲେ। ଏହି ସମୟରେ ସେହି ବାଟ ଦେଇ ଯାଉଥିବା କିଛି ଲୋକ ମୋବାଇଲରେ ଏହି ଦୃଶ୍ୟକୁ ଭିଡିଓ ରେକର୍ଡିଂ କରି ସୋସିଆଲ ମିଡିଆରେ ସେୟାର କରିଥିଲେ।

ତେବେ ଏ ନେଇ ଥାନାରେ କୌଣସି ଅଭିଯୋଗ ହୋଇନଥିବା ବେଳେ ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଅପରପକ୍ଷରେ କିଛି ଯୁବକ ସେଠାକାର କଲେଜ ଛାତ୍ରୀଙ୍କୁ ପ୍ରତିଦିନ ହଇରାଣ କରୁଥିବା ଅଭିଯୋଗ ହୋଇଛି। ଏ ନେଇ ଏହି ଯୁବକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ପାଇଁ ସାଧାରଣରେ ଦାବି ହୋଇଛି।     

        </description>
      </item>
      <item>
        <title>
           ୫୦୦ ଟଙ୍କା ଲାଞ୍ଚ ନଦେବାରୁ ଫିଟନେସ ସାର୍ଟିଫିକେଟକୁ ଚିରି ଫୋପାଡିଲେ ଡାକ୍ତର, ଭିଡିଓ ଭାଇରାଲ
        </title>
        <link>
           http://khabarodisha.com/Social-Media/Odisha-Viral-video-35687
        </link>
        <guid>
           http://khabarodisha.com/Social-Media/Odisha-Viral-video-35687
        </guid>
        <pubDate>
           Thu, 12 Jul 2018 19:29:20 GMT
        </pubDate>
        <description>

 ରାଜ୍ୟର ବିଭିନ୍ନ ବିଭାଗରେ ପିସି କାରବାର ଓ ଲାଞ୍ଚ ରୋକିବାକୁ ସରକାର ବହୁ ନିୟମ ଲାଗୁ କଲେଣି। ଜନ ସାଧାରଣଙ୍କୁ ମଧ୍ୟ ଏପ୍ରତି ସଚେତନ ହେବା ସହ କୌଣସି ସରକାରୀ ଅଧିକାରୀ ପିସି ମାଗିଲେ ଜାରି କରାଯାଇଥିବା ଟୋଲ ଫ୍ରି ନମ୍ବରରେ ଜଣାଇବାକୁ ସରକାରଙ୍କ ପକ୍ଷରୁ କୁହାଯାଇଛି । କିନ୍ତୁ ଚାକିରି ପାଇଁ ଆବଶ୍ୟକ ଫିଟନେସ୍ ସାର୍ଟିଫିକେଟ ମାଗି ହଇରାଣରେ ପଡିଛନ୍ତି କେତେ ଜଣ ଯୁବକ। ୫୦୦ ଟଙ୍କା ଲାଞ୍ଚ ନଦେବାରୁ ଡାକ୍ତର ତାଙ୍କ ଫିଟନେସ୍ ସାର୍ଟିଫିକେଟକୁ ଚିରି ଫୋପାଡି ଦେଇଛନ୍ତି। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଘଟଣା ସାମ୍ନାକୁ ଆସିଛି ।

ମିଳିଥିବା ସୂଚନାନୁସାରେ, ଟିଟିଲାଗଡର ସଇଁନ୍ତଳା ନିକଟବର୍ତୀ ରେଙ୍ଗାଲି ଗ୍ରାମର ତିନି ଜଣ ଛାତ୍ରଙ୍କ ଚାକିରି ପାଇଁ ଫିଟନେସ ସାର୍ଟିଫିକେଟ ଅତ୍ୟନ୍ତ ଜରୁରୀ ଥିଲା । ଏଥିପାଇଁ ସେମାନେ ଟିଟିଲାଗଡ ସବଡିଭିଜନାଲ ମେଡିକାଲକୁ ଆସିଥିଲେ। ସେହି ସମୟରେ ଡ୍ୟୁଟିରେ ଥିବା ଡାକ୍ତର କୃଷ୍ଣ ଚନ୍ଦ୍ର ପାଲଙ୍କୁ ତିନି ଛାତ୍ରଙ୍କ ଫିଟନେସ ସାଟିଫିକେଟ୍ ତିଆରି କରିଦେଇଥିଲେ । କିନ୍ତୁ ଏଥିପାଇଁ ସେ ଜଣଙ୍କୁ ୫୦୦ ଟଙ୍କା ହିସାବରେ ୧୫୦୦ ଟଙ୍କା ମାଗିଥିଲେ। ତେବେ ସମାନ୍ୟ ସାଟିଫିକେଟ ପାଇଁ ଏତେ ଟଙ୍କା ଲାଞ୍ଚ ଦେବାକୁ ଛାତ୍ର ମାନେ ଅରାଜି ହେବାରୁ ଡାକ୍ତର ସମସ୍ତ ତିନୋଟି ସାର୍ଟିଫିକେଟକୁ ଚିରି ଫୋପାଡି ଦେଇ ଡଷ୍ଟବିନରେ ପକାଇ ଦେଇଥିଲେ। ସେମାନଙ୍କ ମଧ୍ୟରୁ ଜଣେ ଘଟଣା କ୍ରମକୁ ମୋବାଇଲରେ ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରିଥିଲେ। 

ତେବେ ସାମାନ୍ୟ ସାଟିଫିକେର୍ଟ ପାଇଁ ଯେଉଁଠି ୫୦୦ ଟଙ୍କା ଲାଞ୍ଚ ମଗାଯାଉଛି, ସେଠି ରୋଗୀଙ୍କ ଜରୁରୀକାଳୀନ ଚିକିତ୍ସା ପାଇଁ କେତେ ଟଙ୍କା ନେଇ ପକେଟ ଗରମ କରାଯାଉଥିବ ତାହାକୁ ନେଇ ପ୍ରଶ୍ନବାଚୀ ସୃଷ୍ଠି ହୋଇଛି । ଅପରପକ୍ଷରେ ଏହି ଭିଡିଓ ଭାଇରାଲ ହେବା ପରେ ସଂପୃକ୍ତ ଡାକ୍ତରଙ୍କ ପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସାଧାରଣରେ ଦାବି ହୋଇଛି।  

        </description>
      </item>
   </rss>
 </channel>