ଲାଇକଷ୍ଟେଜ କୋଲକାତାରେ ଏହାର ସର୍ବପ୍ରଥମ କ୍ରିୟଟର ମିଟ୍ ଆୟୋଜନ କରି ଭାରତୀୟ ସୋସିଆଲ ମିଡିଆ ସ୍ପେସରେ ଏହାକୁ ପୋଷ୍ଟ କରିଛି। ସ୍ପଟ୍ ଲାଇଟ୍ ଏହି ଗତିଶୀଳ ସୋସିଆଲ୍ ମିଡିଆ ପ୍ଲାଟଫର୍ମରେ କିଛି ନିଆରା କରିବାକୁ ଚେଷ୍ଠା କରିଛି। ଏହା ୧୦ ନଭେମ୍ବରରେ ଆରମ୍ଭ ହେବାକୁ ଯାଉଛି। ଏହା ଅଳ୍ପ ସମୟ ମଧ୍ୟରେ, ଖାଦ୍ୟ, ଭ୍ରମଣ, ଫ୍ୟାଶନ୍, ଅଟୋମୋବାଇଲ୍, ଜୀବନଶୈଳୀ, ଶିକ୍ଷା, ଏବଂ କ୍ରୀଡା ସମେତ ବିଭିନ୍ନ ଧାରାକୁ ବିସ୍ତାର କରୁଥିବା ବିଷୟବସ୍ତୁ ସୃଷ୍ଟିକର୍ତ୍ତାଙ୍କ ଏକ ସମୃଦ୍ଧ ସମ୍ପ୍ରଦାୟକୁ ଉତ୍ସାହିତ କରିଛି କିନ୍ତୁ ଯାହା ପ୍ରକୃତରେ ଲାଇକଷ୍ଟେଜକୁ ପୃଥକ କରେ ତାହା ହେଉଛି ବିଷୟବସ୍ତୁ ଅଂଶୀଦାର ପାଇଁ ଏହାର ଅଭିନବ ଉପାୟ।

ପ୍ରଥମ ଦିନରୁ ମୋନେଟାଇଜେସନ୍: ଲାଇକଷ୍ଟେଜ ହେଉଛି କ୍ରିୟଟରସ ମାନଙ୍କ ପାଇଁ ଏହା ସ୍ୱପ୍ନକୁ ବାସ୍ତବରେ ପରିଣତ କରିବ। ଏହି ପ୍ଲାଟଫର୍ମରେ ପ୍ରଥମେ କ୍ରିୟଟରସ ମାନଙ୍କ ଅନୁଭୂତି ଏବଂ ସେମାନେ କେତେ ଉତ୍ସାହିତ ଅଛନ୍ତି ତାହା ଦେଖି ପ୍ରଥମ ଦିନରୁ ରୋଜଗାର କରିବା ପାଇଁ ସୁଯୋଗ ଦେବ। ଦର୍ଶକମାନେ ସେମାନଙ୍କ ସମୟ ପାଇଁ ପୁରସ୍କୃତ ହେବେ। ଏଥିରେ ଦର୍ଶକ ଏବଂ ଗ୍ରାହକମାନେ ସିଧାସଳଖ ଯୋଗଦାନ କରିପାରିବେ। ଲାଇକଷ୍ଟେଜ ନିଜ ୱାଚ ଟାଇମ ଉପରେ ଗୁରୁତ୍ୱ ଦେଇଛି ଏବଂ ତିରିଶ ସେକେଣ୍ଡରୁ ଅଧିକ ସମୟ ହେବାପରେ ସେଠାରେ ଆପଣଙ୍କର ୱାଲେଟ୍ ବଲିଙ୍ଗ୍ ଆରମ୍ଭ କରିବ। ଏଥିରେ ଦର୍ଶକମାନେ ଯେତେ ଅଧିକ ବ୍ୟସ୍ତ ରହିବେ ସେମାନେ ସେତେ ଅଧିକ ରୋଜଗାର କରିବେ। ଲାଇଭ୍ ଷ୍ଟ୍ରିମିଂ, ଲାଇଭ୍ ଟିଭି, ଲାଇଭ୍ ଷ୍ଟ୍ରିମିଂ ଇତ୍ୟାଦି ଏହି  ପ୍ୟାକେଜ୍ ଲାଇକଷ୍ଟେଜର ଅଂଶ ରହିଛି। 

   ଆଜିକାଲି ପିଲା ଠାରୁ ଆରମ୍ଭ କରି ବୁଢ଼ା ପର୍ଯ୍ୟନ୍ତ ସମସ୍ତଙ୍କୁ ରିଲ୍ସର ନିଶା ଘାରିଛି । ସୋସିଆଲ ମିଡିଆରେ ରିଲ୍ସ କରି ଫେମସ ହେବା ପାଇଁ କିଏ କଣ କରୁଛି ତାର ଠିକ ଠିକଣା ନାଇ । କିଏ କେଉଁ ଗୀତରେ ଡ୍ୟାନ୍ସ କରୁଛି ତ ଆଉ କିଏ ଡାଏଲଗ୍‌ ଲିପ୍ସିଂ କରୁଛି। ସେହିପରି କିଏ କୋଠା ଉପରେ ଚଢ଼ି ଯାଉଛି ତ ଆଉ କିଏ ଦେଖାଉଛନ୍ତି ଭୟାନକ ଷ୍ଟଣ୍ଟ। କେବଳ ସେତିକି ନୁହେଁ ଆଉ କେତେଜଣ ତ କାହାକୁ ନ ଡରି ସୋସିଆଲ ମିଡିଆରେ ଖୋଲାଖୋଲି ଅସ୍ତ୍ରଶସ୍ତ୍ର ଦେଖାଇ ରିଲ୍ସ ଭିଡିଓ କରୁଛନ୍ତି । ତେବେ ଏଭଳି କରିବା ଏବେ ଜଣେ ଯୁବତୀଙ୍କୁ ପଡିଛି ମହଙ୍ଗା । ରିଲ୍ସ ବନାଇବା ଚକ୍କରରେ ବନ୍ଧା ହେଲେ ଯୁବତୀ | ଉତୁରି ଗଲା ସବୁ ନିଶା। ଅସ୍ତ୍ରଶସ୍ତ୍ର ଦେଖାଇ ରିଲ୍ସ ଭିଡିଓ କରିବା ଦ୍ୱାରା ତାଙ୍କୁ ଘରୁ ଉଠାଇ ନେଇଛି ପୁଲିସ।

  ଏହି ଘଟଣାଟି ଘଟିଛି ବିହାରର ମୁଜଫର୍‌ପୁର ଠାରେ । ସୂଚନା ଅନୁଯାଇ, ବିହାରର ଜଣେ ନାବାଳିକା ହାତରେ ବନ୍ଧୁକ ଧରି ରିଲ୍ସ ଭିଡିଓ ବନାଉଥିଲେ। ଏହି ରିଲ୍‌ରେ  ବ୍ୟାକ୍‌ଗ୍ରାଉଣ୍ଡରେ 'ଐସା କୋଇ ଜିଲ୍ଲା ନହିଁ ଜୋ ମୁଜପରଫୁର ବାଲୋ ସେ ହିଲା ନହିଁ' ଭଳି ଡାଏଲଗ ଶୁଣିବାକୁ ମିଳିଥିଲା । କେବଳ ସେତିକି ନୁହେଁ ସେ ବାଇକ୍‌ ଉପରେ ବସି ଭୟାନକ ଷଣ୍ଟ ଦେଖାଇ ରିଲ୍ ଭିଡିଓ ମଧ୍ୟ କରିଛନ୍ତି। ଏଭଳି ଷ୍ଟଣ୍ଟ ଦେଖାଇ ରିଲ୍ସ କରିବା ଏବେ ଯୁବତୀ ଜଣକୁ ଭାରି ପଡିଛି। ଗିରଫ ହୋଇଥିବା ନାବାଳିକା ଜଣକ 'ଇଫତ୍ତ ଏକ୍ସ-କୁଇନ୍‌' ନାଁରେ ଇଂନ୍‌ଷ୍ଟାଗ୍ରାମରେ ସକ୍ରିୟ ଅଛିନ୍ତି। ଏହି ଭିଡିଓ ଭାଇରାଲ ହେବା ପରେ ପୁଲିସ ଆସି ଉକ୍ତ ନାବାଳିକାକୁ ଘରୁ ଉଠାଇ ନେଇଛି। ଏଥିସହ ମୋଟା ଅଙ୍କର ଫାଇନ୍‌ ମଧ୍ୟ କାଟିଛି । ମୁଜାଫରପୁରର କମ୍ପାନୀବାଗ ସ୍ଥିତ ସିଟି ପାର୍କରେ ଝିଅଟି ହାତରେ ବନ୍ଧୁକ ଧରି ଏକ ରିଲ ତିଆରି କରିଥିଲେ । ଚାରି ଦିନ ପୂର୍ବରୁ ପ୍ରସ୍ତୁତ ହୋଇଥିବା ଏହି ଭିଡିଓ ବୁଧବାର ଦିନ ସୋସିଆଲ ମିଡିଆରେ ଭାଇରାଲ ହେବା ଆରମ୍ଭ କରିଥିଲା। ଏହାପରେ ପୁଲିସ ଘଟଣା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏଥିସହ ତାଙ୍କ ଘରେ ଚଢ଼ାଉ କରି ପୁଲିସ ଏକ ବନ୍ଧୁକ ମଧ୍ୟ ଜବତ କରିଛି। ନାବାଳିକାଙ୍କ ପାଖରେ ବନ୍ଧୁକ ଆସିଲା କେଉଁଠୁ ସେ ନେଇ ପୁଲିସ ନାବାଳିକାଙ୍କୁ ପଚରାଉଚରା ଜାରି ରଖିଛି।

ଅଧିକ ପଢ଼ନ୍ତୁ : ଲାଞ୍ଚ ମାଗିବା ଅଭିଯୋଗରେ ଗିରଫ ହେଲେ ୨ ଇଡି ଅଧିକାରୀ

   ଇସ୍ରାଏଲ ଓ ହମାସ ଯୁଦ୍ଧକୁ ୨୪ଦିନ ପୁରିଛି । ଇସ୍ରାଏଲ ସେନା ତରଫରୁ ଗାଜାରେ ଗ୍ରାଉଣ୍ଡ ଅପରେସନ ଜାରି ରହିଛି । ଇସ୍ରାଏଲ ତରଫରୁ ଗାଜାକୁ ସମସ୍ତ ପ୍ରକାର ଯୋଗାଯୋଗ ଓ ଇଣ୍ଟରନେଟ ସେବାକୁ ବନ୍ଦ କରିଦିଆଯାଇଛି । ଏହାର ସିଧାସଳଖ ପ୍ରଭାବ ଗାଜାର ସାଧାରଣ ଲୋକଙ୍କ ଉପରେ ପଡିଛି । ସେପଟେ ଇଣ୍ଟରନେଟ୍ ବନ୍ଦ ହୋଇଯିବା କାରଣରୁ ଲୋକମାନେ ପରସ୍ପର ସହ ଯୋଗାଯୋଗ କରିପାରୁ ନାହାଁନ୍ତି । ଗାଜା ବର୍ତ୍ତମାନ ଏକ ସଂପୂର୍ଣ୍ଣ ଯୋଗାଯୋଗ ବ୍ଲାକଆଉଟ୍ ଅଧୀନରେ ଅଛି - ଇଣ୍ଟରନେଟ୍ ଏବଂ ଫୋନ୍ ସେବା ପ୍ରାୟ ଏକ ଦିନ ପାଇଁ କଟାଯାଇଛି | ପାଲେଷ୍ଟାଇନ ରେଡକ୍ରସ କହିଛନ୍ତି ଯେ ଇସ୍ରାଏଲ ଯୋଗାଯୋଗ କାଟି ଦେଇଛି। ଏହା ଭିତରେ ସ୍ପେଶେକ୍ସର ମାଲିକ ଏଲନ୍ ମସ୍କ ଏକ ବଡ ଘୋଷଣା କରିଛନ୍ତି | ସେ କହିଛନ୍ତି ଯେ , ଗାଜାର ଲୋକଙ୍କୁ ସେ ସହାୟତା କରିବେ । ଗାଜାକୁ ସହାୟତା ଯୋଗାଉଥିବା ଅନ୍ତର୍ଜାତୀୟ ସଂସ୍ଥାମାନଙ୍କୁ ଯୋଗାଯୋଗ କରିବାରେ ମସ୍କ ସହାୟତା କରିବେ । 

   ଅନ୍ୟପଟେ ଆମେରିକା ପ୍ରତିନିଧୀ ଆଲେକଜୋଣ୍ଡ୍ରିୟା ଓକୋସିୟୋ କୋର୍ଟେଜ କହିଛନ୍ତି କି ଗାଜାର  ଲୋକଙ୍କୁ ଇଣ୍ଟରନେଟ୍ ସେବାରୁ ବଞ୍ଚିତ କରିବା ଠିକ୍ ନୁହେଁ । ଫଳରେ ମେଡିକାଲ ପ୍ରଫେସନାଲ ଓ ସାଧାରଣ ଲୋକ ଅସୁବିଧାରେ ସମ୍ମୁଖୀନ ହେଉଛନ୍ତି । ଏହାପରେ ଏଲନ୍ ମସ୍କ ଘୋଷଣା କରିଛନ୍ତି କି, ଗାଜାରେ କାମ କରୁଥିବା ଅନ୍ତର୍ଜାତୀୟ ସଂସ୍ଥାଙ୍କୁ ଷ୍ଟାରଲିଙ୍କ୍ ତରଫରୁ କମ୍ୟୁନିକେଶନ କନେକସନ ଉପଲବ୍ଧ କରାଇବେ । ଏହା ପୂର୍ବରୁ ଋଷ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧରେ ମଧ୍ୟ ଷ୍ଟାରଲିଙ୍କ ୟୁକ୍ରେନକୁ ଇଣ୍ଟରନେଟ୍ ସେବା ଯୋଗାଇ ଦେଇଛି । 

Starlink will support connectivity to internationally recognized aid organizations in Gaza.

[ComStar]

— Elon Musk (@elonmusk) October 28, 2023

 ଅଧିକ ପଢ଼ନ୍ତୁ : ମେଟା ବିରୋଧରେ ମାମଲା ରୁଜୁ

   ଅପେକ୍ଷାର ଅନ୍ତ ଘଟିଲା । ଏକ୍ସ ବ୍ୟବହାର କରୁଥିବା X ୟୁଜର୍ସଙ୍କ ପାଇଁ ଖୁସି ଖବର। ଏଥର ଏକ୍ସରେ ମଧ୍ୟ ଆପଣ ଭିଡିଓ ଓ ଅଡିଓ କଲ କରିପାରିବେ। ଏନେଇ ସୂଚନା ଦେଇଛନ୍ତି ଏଲନ ମସ୍କ। ଘୋଷଣା କରିବାର 2 ମାସ ଭିତରେ ନୂଆ ଫିଚର ରୋଲଆଉଟ କରିଲେ ଏଲନ ମସ୍କ । ଏକ୍ସରେ ଅଡିଓ ଏବଂ ଭିଡିଓ କଲର ସୁବିଧା ମିଳିବା ନେଇ ମସ୍କ ଅଗଷ୍ଟ 31 ତାରିଖରେ ଘୋଷଣା କରିଥିବା ବେଳେ ଗୁରୁବାର ଦିନ ଆପରେ ଏହାକୁ ରୋଲଆଉଟ କରାଯାଇଛି । ଏନେଇ କମ୍ପାନୀର ସିଇଓ ଲିଣ୍ଡା ୟାକାରିନୋ ଏବଂ ଏଲନ ମସ୍କ ଏକ୍ସରେ ଫଟୋ ସେୟାର କରି ସୂଚନା ଦେଇଛନ୍ତି । ଆପ ଖୋଲିବା ମାତ୍ରେ ୟୁଜର୍ସଙ୍କୁ 'Audio and Video calls are here' ମେସେଜ ଦେଖାଯାଉଛି । ଏଣିକି ଏକ୍ସରେ ଅଡିଓ ଏବଂ ଭିଡିଓ କଲ କରିପାରିବେ ୟୁଜର୍ସ । ଏନେଇ ପୂର୍ବରୁ ଏକ୍ସ ସିଇଓ ଲିଣ୍ଡା ଏବଂ କମ୍ପାନୀ ମାଲିକ ଏଲନ ମସ୍କ ଘୋଷଣା କରିଥିଲେ । ଆଜି ଆପରେ ଲିଣ୍ଡା ଭିଡିଓ କଲର ଏକ ସ୍କ୍ରିନସଟ ସେୟାର କରିଛନ୍ତି ।   ତେବେ କହିରଖୁଛି କି, ଏଲନ ମସ୍କ ଆପକୁ 'ଏଭରିଥିଙ୍ଗ' କରିବା ନେଇ ସ୍ବପ୍ନ ଦେଖୁଥିଲେ । ଏହାର ଅର୍ଥ ଗୋଟିଏ ଆପ ବ୍ୟବହାର କରି ୟୁଜର୍ସ ସମସ୍ତ ସୁବିଧା ପାଇପାରିବେ । ମେସେଜ, ଭିଡିଓ କଲ ଠାରୁ ଆରମ୍ଭ କରି ପେମେଣ୍ଟ ସୁବିଧା ମଧ୍ୟ ପାଇପାରିବେ । ତେବେ ମସ୍କ ଗୋଟିଏ ପରେ ଗୋଟିଏ ଇଚ୍ଛାକୁ କାର୍ଯ୍ୟକାରୀ କରିଲା ଭଳି ମନେ ହେଉଛି । ଯେଉଁ ୟୁଜର୍ସଙ୍କୁ ନୂଆ ଫିଚର ମିଳିଯାଇଛି ସେମାନେ ସିଧା ମେସେଜ୍ ସେକ୍ସନକୁ ଯାଇ ଏହାକୁ ଏନେବଲ କରିପାରିବେ । ଏଲନ ମସ୍କ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ କେତେକ ସ୍ୱତନ୍ତ୍ର ଗ୍ରାହକଙ୍କୁ ଏହି ସୁବିଧା ପ୍ରଦାନ କରିଛନ୍ତି । ମସ୍କ କହିଛନ୍ତି ଖୁବ୍ ଶୀଘ୍ର ଏହି ସୁବିଧା ଅନ୍ୟ ଗ୍ରାହକଙ୍କୁ ବି ମିଳିଯିବ ।

ଅଧିକ ପଢ଼ନ୍ତୁ : ଏକ୍ସରୁ ହଟିଲା ହମାସ୍‌ ସମର୍ଥକଙ୍କ ଆକାଉଣ୍ଟ

  ମେଟା, ବିଲିୟନେୟାର ମାର୍କ ଜୁକରବର୍ଗଙ୍କ ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ କମ୍ପାନୀ ମେଟା ବିରୋଧରେ ୪୦ଟି ଆମେରିକୀୟ ରାଜ୍ୟ ପକ୍ଷରୁ ବିଭିନ୍ନ କୋର୍ଟରେ ମାମଲା ରୁଜୁ ହୋଇଛି। ଛୋଟପିଲା ଓ କିଶୋରୀ କିଶୋରମାନେ ଫେସ୍‌ବୁକ୍‌ ଓ ଇନ୍‌ଷ୍ଟାଗ୍ରାମ୍ ଭଳି ପ୍ଲାଟଫର୍ମ  ବ୍ୟବହାର କରିବା ଦ୍ଵାରା ସେମାନଙ୍କ ମାନସିକ ସ୍ଵାସ୍ଥ୍ୟ ପ୍ରଭାବିତ ହେଉଛି ବୋଲି ଦାବି  କରାଯାଇଛି। 

  ଏହି ପ୍ଲାଟଫର୍ମଗୁଡ଼ିକରେ କ୍ଷତିକାରକ କଣ୍ଟେଣ୍ଟ୍‌ ବ୍ୟବହାର କରିବା ଦ୍ୱାରା ପିଲାମାନଙ୍କର ମାନସିକ ସ୍ବାସ୍ଥ୍ୟକୁ କ୍ଷତି ପହଞ୍ଚାଉଛି ବୋଲି ଏହା ଉପରେ ମକଦ୍ଦମା ଦାୟର କରାଯାଇଥିଲା। ପଶ୍ଚିମ ଭର୍ଜିନିଆ, ଆରିଜୋନା, ନ୍ୟୁୟର୍କ ଏବଂ ଅନ୍ୟାନ୍ୟ ରାଜ୍ୟ ସହିତ ୩୦ରୁ ଅଧିକ ରାଜ୍ୟ ମେଟା ବିରୋଧରେ ଏକ ସଂଘୀୟ ମକଦ୍ଦମା ଦାୟର କରିଥିଲେ। ଟେନିସି ଏବଂ ୱାଶିଂଟନ୍, ଡି.ସି ସମେତ ଅନ୍ୟ ରାଜ୍ୟରୁ ଆସିଥିବା ଆଟର୍ଣ୍ଣି ଜେନେରାଲ୍ ମଧ୍ୟ ୨୪ ଅକ୍ଟୋବରରେ ରାଜ୍ୟ କୋର୍ଟରେ ତୁଳନାତ୍ମକ ମକଦ୍ଦମା ଦାୟର କରିଥିଲେ ଯାହା ଦ୍ୱାରା ମେଟା ବିରୋଧରେ ଏହି ଲଢେଇରେ ସମ୍ପୃକ୍ତ ରାଜ୍ୟଗୁଡିକର ସଂଖ୍ୟା ୪୦କୁ ପହଞ୍ଚିସାରିଛି । “ଯୁବକ ଏବଂ କିଶୋରମାନଙ୍କୁ ପ୍ରଲୋଭିତ କରିବା, ସେଥିରେ ଜଡିତ କରିବା ଏବଂ ଶେଷରେ ଫାନ୍ଦରେ ପକାଇବା ପାଇଁ ମେଟା ଶକ୍ତିଶାଳୀ ତଥା ଅଦୃଶ୍ୟ ପ୍ରଯୁକ୍ତିବିଦ୍ୟା ବ୍ୟବହାର କରିଛି ବୋଲି ରାଜ୍ୟରୁ ଆସିଥିବା ମକଦ୍ଦମା କହିଛି ଯେ ଏହାର ଉଦ୍ଦେଶ୍ୟ ଲାଭ, ଏବଂ ଆର୍ଥିକ ଲାଭକୁ ବୃଦ୍ଧି କରିବାକୁ ଚେଷ୍ଟା କରି ମେଟା ବାରମ୍ବାର ଜନସାଧାରଣଙ୍କୁ ବିଭ୍ରାନ୍ତ କରିଛି। ଏହାର ସୋସିଆଲ ମିଡିଆ ପ୍ଲାଟଫର୍ମ ବହୁତ ବିପଦ"।  

   ମେଟା ପ୍ଲାଟଫର୍ମ କହିବା ଅନୁଯାୟୀ, ଯୁବକ ଏବଂ ସେମାନଙ୍କ ପରିବାର ଅନଲାଇନରେ ସୁରକ୍ଷିତ ରହିବାକୁ ସାହାଯ୍ୟ କରିବାକୁ ପ୍ରତିଶ୍ରୁତିବଦ୍ଧ | ସ୍ନାପ, ଟିକଟୋକ ଏବଂ ଗୁଗୁଲ ବିରୋଧରେ ଅନେକ ମକଦ୍ଦମା ଦାୟର କରାଯାଇଛି ଯେଉଁଥିରେ ଦର୍ଶାଯାଇଛି ଯେ ସୋସିଆଲ ମିଡିଆ ନିଶା ପାଇଁ ଏହି କମ୍ପାନୀଗୁଡିକ ଦାୟୀ, ଯାହା କୋମଳମତି ଶିଶୁ ଏବଂ ଯୁବକ ବୟସ୍କମାନଙ୍କ ମାନସିକ ସ୍ୱାସ୍ଥ୍ୟ,ଖାଦ୍ୟପେୟ ଏବଂ ନିଦ୍ରା ଉପରେ ପ୍ରଭାବ ପକାଉଛି ।

ଅଧିକ ପଢ଼ନ୍ତୁ : ସମସ୍ତ ଏକ୍ସ ବ୍ୟବହାରକାରିମାନଙ୍କୁ ଦେବାକୁ ପଡି଼ବ ଟଙ୍କା

  ଗୋଟେ ପିତା ଓ ଝିଅ ମଧ୍ୟରେ ଥିବା ସମ୍ପର୍କ ହେଉଛି ଏକ ସୁଦୃଢ଼ ବନ୍ଧନ ଯାହା ଅନ୍ୟ ବନ୍ଧନ ଠାରୁ ଅତିରିକ୍ତ ଅଟେ | ନିଜ ଝିଅ ପ୍ରତି ପିତାଙ୍କ ପ୍ରେମ ହେଉଛି ଏକ ଶକ୍ତି ଯାହା ଗୋଟେ ଝିଅକୁ ଜୀବନସାରା ପୋଷଣ, ମାର୍ଗଦର୍ଶନ ଏବଂ ସଶକ୍ତ କରିଥାଏ | ପିଲାବେଳ ସ୍ମୃତିଠାରୁ ଆରମ୍ଭ କରି ବୟସ୍କ ବୟସ ପର୍ଯ୍ୟନ୍ତ, ପିତାଙ୍କ ପ୍ରେମ ସ୍ଥିର ରହିଥାଏ | ନିଜ ଝିଅକୁ ଖୁସିରେ ଦେଖିବା ପାଇଁ ଗୋଟେ ବାପା ବହୁତ କିଛି କଷ୍ଟ କରିଥାନ୍ତି | ଏହିଭଳି କିଛି ବିରଳ ଦୃଶ୍ୟ ଦେଖିବାକୁ ମିଳିଥିଲା ଝାଡ଼ଖଣ୍ଡର ରାଞ୍ଚି ଠାରେ | ବାପାଙ୍କ ଝିଅ ପ୍ରତି ଥିବା ସର୍ତ୍ତମୂଳକ ପ୍ରେମକୁ ଦର୍ଶାଇ ,ରାଞ୍ଚିର ନିବାସୀ ପ୍ରେମ ଗୁପ୍ତା ନିଜ ଝିଅକୁ ତାଙ୍କ ଶାଶୁ ଘରୁ ଯାଇ ଆଣିଥିଲେ ଖାଲି ସେତିକି ନୁହେ ସେ ସଙ୍ଗୀତ ଏବଂ ଆତସବାଜି ସହିତ ଧୁମଧାମରେ ତାଙ୍କୁ ସ୍ୱାଗତ ମଧ୍ୟ କରିଥିଲେ। ସେ କହିଥିଲେ ଯେ ଯେତେବେଳେ ଗୋଟେ ଝିଅର ବିବାହ ବହୁତ ଧୂମଧାମ ଏବଂ ବାଣ ରୋଷଣି ବ୍ୟାଣ୍ଡ ବାଜାର ସହିତ ସମ୍ପନ୍ନ ହୋଇଥାଏ ଆଉ ସେବେ ଯଦି ଝିଅର ସ୍ୱାମୀ କିମ୍ବା ଶାଶୁ ଘରଲୋକ ଖରାପ ପଡିଯାନ୍ତି କିମ୍ବା ଭୁଲ୍ କାମ କରନ୍ତି ତେବେ ତୁମେ ତୁମ ଝିଅକୁ ସମ୍ମାନର ସହିତ ନିଜ ଘରକୁ ଫେରାଇ ଆଣିବା ଉଚିତ କାରଣ ଝିଅମାନେ ବହୁତ ମୂଲ୍ୟବାନ ବୋଲି ଗୁପ୍ତା ଫେସବୁକରେ ଲେଖିଛନ୍ତି | ସେ ତାଙ୍କ ଝିଅକୁ ଘରକୁ ନେବା ବେଳେ ବାରାତର ଏକ ଭିଡିଓ ମଧ୍ୟ ସେୟାର କରିଛନ୍ତି। | 

   ପ୍ରେମ ଗୁପ୍ତା ତାଙ୍କ ଝିଅ ସାକ୍ସି ଗୁପ୍ତାଙ୍କୁ ତାଙ୍କ ଶାଶୁ ଘରୁ ନେଇଯିବାବେଳେ ସଙ୍ଗୀତ ଏବଂ ବାଣ ଫୁଟାଇ ବିବାହ ଶୋଭାଯାତ୍ରା କରିଥିଲେ ଯେଉଁଠାରେ ସେ ତାଙ୍କ ସ୍ୱାମୀ ଏବଂ ଶାଶୁଙ୍କ ଦ୍ୱାରା ନିରନ୍ତର ଶାରୀରିକ ତଥା ମାନସିକ ନିର୍ଯାତନା ପାଇଥିଲେ। ଏକ ବର୍ଷ ପୂର୍ବେ ପ୍ରେମ ଗୁପ୍ତା ତାଙ୍କ ଝିଅ ସାକ୍ସିଙ୍କୁ ବହୁତ ଧୁମ ଧାମର ସହିତ ଏବଂ ବାଣ ରୋଷଣି ବ୍ୟାଣ୍ଡ ବାଜାର ସହିତ ବିବାହ କରାଇଥିଲେ। କିନ୍ତୁ ନିକଟରେ ଗୁପ୍ତା ଜାଣିବାକୁ ପାଇଲେ ଯେ ସାକ୍ସିଙ୍କୁ ତାଙ୍କ ସ୍ୱାମୀ ଏବଂ ଶାଶୁମାନେ ନିର୍ଯାତନା ଦେଉଛନ୍ତି | ଆଉ ଏହା ପରେ ସେ ତାଙ୍କ ଝିଅ ସାକ୍ସିଙ୍କୁ ପୁରା ବ୍ୟାଣ୍ଡ ବାଜାର ସହିତ ଘରକୁ ଫେରାଇ ଆଣିବାକୁ ନିଷ୍ପତ୍ତି ନେଇଥିଲେ। 

ଅଧିକ ପଢନ୍ତୁ : ସାମ୍ବାଦିକଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହେଲେ ହତ୍ୟାକାରୀ

   ଅକ୍ଟୋବର ୭ରେ ଇସ୍ରାଏଲ ଉପରେ ଅତର୍କିତ ଭାବେ ଆକ୍ରମଣ କରିଥିଲା ହମାସ୍। ଯାହାର ଜବାବ ମଧ୍ୟ ଦେଇଛି ଇସ୍ରାଏଲ। ଉଭୟ ଦେଶ ମଧ୍ୟରେ ସପ୍ତାହେରୁ ଅଧିକ ଦିନ ହେଲାଣି ଯୁଦ୍ଧ ଲାଗି ରହିଛି। ତେବେ ଇସ୍ରାଏଲ ଉପରେ ଆକ୍ରମଣ ହମାସ୍‌ ପାଇଁ ଏକ ବଡ଼ ସମସ୍ୟା ସୃଷ୍ଟି କରିଛି । ଇସ୍ରାଏଲ ଆକ୍ରମଣରେ ଧ୍ୱଂସସ୍ତୁପରେ ପରିଣତ ହୋଇଛି ଗାଜା ଷ୍ଟ୍ରିପ୍‌। ଏହାରି ମଧ୍ୟରେ ହମାସ୍‌ ଆତଙ୍କବାଦୀ ସଂଗଠନକୁ ଲାଗିଛି ଆଉ ଏକ ବଡ଼ ଝଟକା । ସୋସିଆଲ ମିଡିଆ ଏକ୍ସରେ ହମାସ୍‌ ସହ ଜଡ଼ିତ ଥିବା ବହୁ ଆକାଉଣ୍ଟକୁ ହଟାଇ ଦିଆଯାଇଛି । ଏଲନ୍ ମସ୍କ କହିଛନ୍ତି ଯେ, ଆତଙ୍କବାଦୀ ସଂଗଠନ ପାଇଁ ଏକ୍ସରେ କୌଣସି ସ୍ଥାନ ନାହିଁ ।

  ସୂଚନା ଅନୁସାରେ, ୭ ଅକ୍ଟୋବରରେ ଇସ୍ରାଏଲ ଉପରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣ ପରେ ଇସ୍ରାଏଲ୍ ଏବଂ ପାଲେଷ୍ଟାଇନର ହାମାସ ମଧ୍ୟରେ ଯୁଦ୍ଧ ଜାରି ରହିଥିବାବେଳେ ଉଭୟ ପକ୍ଷର ସମର୍ଥକଙ୍କ ଦ୍ୱାରା ସୋସିଆଲ ମିଡିଆରେ ସମାନ୍ତରାଳ ଯୁଦ୍ଧ ଚାଲିଛି। ହମାସ୍ ଆତଙ୍କବାଦୀମାନେ ୧୩୦୦ରୁ ଅଧିକ ନିରୀହ ଇସ୍ରାଏଲ୍ ନାଗରିକଙ୍କୁ ହତ୍ୟା କରିଥିବା ବେଳେ ସେମାନଙ୍କୁ ଗୁଳି ଚଳାଇ ହତ୍ୟା କରିଥିଲେ ଏବଂ ପାଲେଷ୍ଟାଇନର ଇସଲାମବାଦୀ ସମର୍ଥକମାନେ ହମାସ ଦ୍ୱାରା ଏପରି ଅତ୍ୟାଚାରର ଖବର ମିଥ୍ୟା ବୋଲି ଦାବି କରିବାରେ ବ୍ୟସ୍ତ ଅଛନ୍ତି। ଫଳସ୍ୱରୂପ, ସୋସିଆଲ ମିଡିଆ ପ୍ଲାଟଫର୍ମ ଏକ୍ସ, ଏହିପରି ଶହ ଶହ ହମାସ ଆକାଉଣ୍ଟକୁ ହଟାଇ ଦେଇଛି | 

   ଏକ୍ସରେ ପୋଷ୍ଟ କରାଯାଇଥିବା ଏକ ଚିଠିରେ ସିଇଓ ଲିଣ୍ଡା ୟାକାରିନୋ ଗୁରୁବାର କହିଛନ୍ତି ଯେ "ସୋସିଆଲ ମିଡିଆ ପ୍ଲାଟଫର୍ମ ହମାସ ସହ ଜଡିତ ଶହ ଶହ ଆକାଉଣ୍ଟକୁ ହଟାଇ ଦେଇଛି ଏବଂ ଆତଙ୍କବାଦୀ ସଂଗଠନ ଇସ୍ରାଏଲ ଉପରେ ଘାତକ ଆକ୍ରମଣ କରିବା ପରଠାରୁ ହଜାର ହଜାର ପୋଷ୍ଟକୁ ନିୟନ୍ତ୍ରଣ କରିଛି। ଇଉରୋପୀୟ କମିଶନର ଥିଏରି ବ୍ରେଟୋନଙ୍କୁ ଏକ ଚିଠିରେ ଇ-ସିଇଓ ଏହା କହିଛନ୍ତି ଯେ ଇସ୍ରାଏଲ-ହମାସ ଯୁଦ୍ଧ ସମ୍ବନ୍ଧରେ “ବେଆଇନ ବିଷୟବସ୍ତୁ ଏବଂ ବିଚ୍ଛିନ୍ନତା” ସମାଧାନ ପାଇଁ EU ଅଧିକାରୀ ୨୪ଘଣ୍ଟା ସମୟସୀମା ଦେଇଛନ୍ତି। ନୂତନ ଭାବେ କାର୍ଯ୍ୟକାରୀ ହୋଇଥିବା EU ର ଡିଜିଟାଲ୍ ସର୍ଭିସେସ୍ ଆକ୍ଟ ଅଧୀନରେ EU ନିର୍ଦ୍ଦେଶନାମା ଜାରି କରାଯାଇଥିଲା, ଯାହା ଅନୁଯାୟୀ ଏକ୍ସ ଏବଂ ମେଟାର ଫେସବୁକ୍ ପରି ବୃହତ ଅନଲାଇନ୍ ପ୍ଲାଟଫର୍ମଗୁଡିକ ବେଆଇନ ବିଷୟବସ୍ତୁ ହଟାଇବା ତଥା ଜନସାଧାରଣଙ୍କ ସୁରକ୍ଷା ତଥା ନାଗରିକ ବକ୍ତବ୍ୟ ପ୍ରତି ବିପଦକୁ ଦୂର କରିବା ପାଇଁ ଅଧିକ ସକ୍ରିୟ ପଦକ୍ଷେପ ଗ୍ରହଣ କରିବା ଆବଶ୍ୟକ କରନ୍ତି | ଆତଙ୍କବାଦୀ ସଂଗଠନ କିମ୍ବା ହିଂସାବାଦୀ ଉଗ୍ରବାଦୀ ଗୋଷ୍ଠୀ ପାଇଁ ଏକ୍ସରେ କୌଣସି ସ୍ଥାନ ନାହିଁ ଏବଂ ଆମେ ସକ୍ରିୟ ଗୋଷ୍ଠୀ ସମେତ ପ୍ରକୃତ ସମୟରେ ଏହି ଆକାଉଣ୍ଟଗୁଡିକୁ ହଟାଇବା ଜାରି ରଖିଛୁ ବୋଲି ଲିଣ୍ଡା ୟାକାରିନୋ ଉକ୍ତ ଚିଠିରେ ଲେଖିଛନ୍ତି।

ଅଧିକ ପଢ଼ନ୍ତୁ : ଇସ୍ରାଏଲ୍-ପାଲେଷ୍ଟାଇନ୍ ଯୁଦ୍ଧରେ ପାଲେଷ୍ଟାଇନ୍ ସପକ୍ଷରେ ବାହାରିଲେ ବଲିଉଡ୍ ଅଭିନେତ୍ରୀ

ଆସିଛି ପାର୍ବଣର ଋତୁ । ପାର୍ବଣ ଋତୁରେ ଜଗତଜନନୀଙ୍କ ବିଭିନ୍ନ ଶକ୍ତିପୀଠରେ ଆରମ୍ଭ ହୋଇଯାଇଛି ଶାରଦୀୟ ପୂଜା । ଶକ୍ତିପୀଠମାନଙ୍କରେ ଚାଲିଛି ମାଆଙ୍କ ଷୋଡଶ ଉପଚାର ବିଧି । ୧୬ ଦିନ ପର୍ଯ୍ୟନ୍ତ ବିଭିନ୍ନ ବେଶରେ ଭକ୍ତଙ୍କ ଦର୍ଶନ ଦେବେ ମାଆ ଜଗତଜନନୀ ଦୁର୍ଗା । ଆମ ଦେଶରେ ଶକ୍ତି ପୂଜାର ପରମ୍ପରା ଯୁଗଯୁଗ ଧରି ଚଳିଆସୁଛି । କଳସ ଯାତ୍ରାରୁ ଆରମ୍ଭ ହୋଇଥାଏ ମାଆଙ୍କ ଏହି ଷୋଡଶ ଉପଚାର ବିଧି । 

ପୌରାଣିକ କଥା ଅନୁସାରେ, ରାଜା ଦକ୍ଷ ପ୍ରଜାପତିଙ୍କର କନ୍ୟା ସତୀ ଶିବହୀନ ଯଜ୍ଞକୁ ଅସହ୍ୟ ମଣି ଯଜ୍ଞକୁଣ୍ଡକୁ ଝାସ ଦେବାପରେ ତାଙ୍କ ଶରୀରକୁ ଭଗବାନ ଶିବ କାନ୍ଧରେ ବୋହି କରି କ୍ରୋଧ ଜର୍ଜରିତ ହୋଇ ଭ୍ରମଣ କରିବାରେ ଲାଗିଲେ । ଶିବଶଙ୍କରଙ୍କର ଏପରି କ୍ରୋଧାନ୍ୱିତ ଓ ବିବତ୍ସ ଅବସ୍ଥା ଦେଖି ସ୍ୱୟଂବିଷ୍ଣୁ ତାଙ୍କ ଚକ୍ର ଦ୍ଵାରା ସତୀଙ୍କର ଶରୀରକୁ ଖଣ୍ଡବିଖଣ୍ଡିତ କରିଦେଲେ । ଯେଉଁ ଯେଉଁ ସ୍ଥାନମାନଙ୍କରେ ସତୀଙ୍କର ଦିବ୍ୟ ଅଙ୍ଗ ପ୍ରତ୍ୟଙ୍ଗ ପଡ଼ିଲା, ସେହିସବୁ ସ୍ଥାନଗୁଡ଼ିକରେ ଭିନ୍ନଭିନ୍ନ ଶକ୍ତିପୀଠମାନ ଗଢିଉଠିଲା । ୫୧ ଗୋଟି ଶକ୍ତିପୀଠ ମଧ୍ୟରୁ ଓଡିଶାରେ ରହିଛି ମାଆ ଜଗତଜନନୀଙ୍କ ଅଷ୍ଟଗୋଟି ଶକ୍ତିପୀଠ । ଏହି ଅଷ୍ଟଗୋଟି ଶକ୍ତିପୀଠ ପୀଠ ମଧ୍ୟରୁ ଗୋଟିଏ ହେଉଛି ଜଗତସିଂହପୁର ଜିଲ୍ଲାର ପ୍ରସିଦ୍ଧ ପ୍ରାଚୀନ ଶକ୍ତିପୀଠ ଝଙ୍କଡ଼ବାସିନୀ  ମାଆ ଶାରଳାଙ୍କ ମନ୍ଦିର । 

ଏହି ପାର୍ବଣ ଅବସରରେ ବାଣୀକ୍ଷେତ୍ର ଝଙ୍କଡ଼ର ଅଧିଷ୍ଠାତ୍ରୀ ଦେବୀ ମା ଶାରଳା ଠାକୁରାଣୀଙ୍କ ପୀଠରେ ପାର୍ବଣ ପୂଜା ଆରମ୍ଭ ହୋଇଯାଇଛି। ମା ଙ୍କର ବିଭିନ୍ନ ବେଶ ସହିତ ଷୋଡଶ ଉପଚାରରେ ଚାଲିଛି ପୂଜାର୍ଚ୍ଚନା । ମୂଳାଷ୍ଟମୀ ଠାରୁ ଆରମ୍ବ ହୋଇଛି ମାଙ୍କର ଷୋଡ଼ଶ ଉପଚାର । ଯାହାକି ଦଶହରାରେ ଶେଷ ହେବ। ବିଶେଷ କରି ମା ଙ୍କ ର ୧୦ ୮ ପ୍ରକାର ଭୋଗ ସହିତ ମା ମହିଷାମର୍ଦ୍ଦିନୀ ବେଶ ରେ ଦର୍ଶନ ଦେବେ । ଏବେ ଠାରୁ ଭକ୍ତଙ୍କ ଆଗମନ ଆରମ୍ଭ ହେଲାଣି। ଭକ୍ତଙ୍କ ଗହଳିରେ ପ୍ରକମ୍ପିତ ହେଉଛି ପିଠ। ଚଣ୍ଡୀପାଠ ସହିତ ଆରମ୍ଭ ହୋଇଛି ରୀତି ନୀତିରେ ମାଆଙ୍କର ପୂଜାର୍ଚ୍ଚନା ।

ଅଧିକ ପଢନ୍ତୁ ;- ଷୋହଳ ସୋମବାର ବ୍ରତର ମହତ୍ତ୍ୱ

ଆଜିକାଲି ସୋସିଆଲ ମିଡ଼ିଆ ଯୁଗରେ ୟୁଟ୍ୟୁବ ଚ୍ୟାନେଲ୍‌ ଖୋଲି ଭ୍ଲଗ କରିବାରେ ସମସ୍ତେ ବ୍ୟସ୍ତ । ନୂଆ ଥିମରେ ନୂଆ କଣ୍ଟେଣ୍ଟ ଦେଇ ନିଜ ଫଲୋଅରସ ବଢାଇବା ସହ ଏହା ରୋଜଗାରର ମାଧ୍ୟମ ମଧ୍ୟ ହେଇପାରୁଛି । ଆପଣ ମାନେ ଜାଣିଛନ୍ତି କି ଏପରି ଏକ ଗାଁ, ଯେଉଁଠି ରହିଛନ୍ତି ଘରେ ଘରେ ୟୁଟ୍ୟୁବର ଯେଉଁଠି କେବଳ ଯୁବକ କି ପିଲା ନୁହେ ୮୫ ବର୍ଷୀୟ ବୃଦ୍ଧ ବି ଅଭିନୟ କରନ୍ତି ।

ଆମ ଦେଶରେ ରହିଛି ଲକ୍ଷ ଲକ୍ଷ ଗାଁ । ହେଲେ  ଏଥିମଧ୍ୟରୁ ଅନେକ ଏପରି ଗାଁ ଅଛି ଯାହା ନିଜର ବିଶେଷତ୍ବ ପାଇଁ ବେଶ ପରିଚିତ । ସେହିପରି  ଏପରି ଏକ ଗାଁ ଅଛି, ଯେଉଁଠି ଅଛନ୍ତି ଘରେ ଘରେ ୟୁଟ୍ୟୁବର । ଅଭିନୟର ନିଶା ଏମିତି ଯେ ପିଲାଠାରୁ ବୁଢା ସମସ୍ତେ ହେଉଛନ୍ତି ଜଣେ ଜଣେ ଆକ୍ଟର ।  ଏହି ଗାଁର ଜନସଂଖ୍ୟା ହେଉଛି  ପ୍ରାୟ ୬ ହଜାର ଅଧିକ ଏବଂ ଏହି ଗାଁ ଲୋକଙ୍କର ରହିଛି ୪୦ରୁ ଅଧିକ ୟୁଟ୍ୟୁବ ଚ୍ୟାନେଲ୍‌ । ସବୁଠାରୁ ବଡ କଥା ହେଉଛି ଗାଁରେ ତିଆରି ହୋଇଛି ହାଇଟେକ୍ ଷ୍ଟୁଡିଓ । ଏବେ ଆପଣ ମାନେ ଭାବୁଥିବେ ଏହି ଗାଁଟି ନିଶ୍ଚୟ ଭାରତ ବାହାରେ ଥିବ ହେଲେ  ଏହି ଗାଁଟି ଆମ ଭାରତରେ ହିଁ  ରହିଛି । ସେ ପୁଣି ଆମ ପଡୋଶୀ ରାଜ୍ୟ ଛତିଶଗଡ଼ରେ । ଗାଁର ନା ହେଉଛି ତୁଳସୀ ଗାଁ। ଏହି ଗାଁକୁ ୟୁଟ୍ୟୁବରଙ୍କ ଗାଁ ବୋଲି ଆଖ୍ୟା ଦିଆଯାଇଛି । ଏଠାକାର ପ୍ରତି ପରିବାରରେ ରହିଛନ୍ତି ଜଣେ ଜଣେ ୟୁଟ୍ୟୁବର ।

ସାରା ଦେଶରେ  ଛତିଶଗଡ଼ ନକ୍ସଲ ହିଂସାଲାଗି ପରିଚିତ ଥିବା ବେଳେ ଏହି ଗାଁ ଏବେ ଦେଇଛି ନୂଆ ପରିଚୟ । ୨୦୧୬ ମସିହାରେ ପ୍ରଥମେ ଗାଁର ଦୁଇ ସାଙ୍ଗ ଜୟ ବର୍ମା ଓ ଜ୍ଞାନେନ୍ଦ୍ର ଆରମ୍ଭ କରିଥିଲେ ୟୁଟ୍ୟୁବ ଚ୍ୟାନେଲ । ପ୍ରଥମେ ଏମାନେ ଦୁଇଜଣ କମେଡି ଭିଡିଓ ବନାଇବା ଆରମ୍ଭ କରିଥିଲେ । ଆଉ ଏହାପରେ ଏଥିରେ ଧିରେ ଧିରେ ଗାଁର ଲୋକମାନେ ଅଭିନୟ କରିବା ଆରମ୍ଭ କଲେ । ପ୍ରଥମେ ପ୍ରଥମେ ସେମାନେ ମନୋରଂଜନ ପାଇଁ  ଭିଡିଓ ପ୍ରସ୍ତୁତ କରୁଥିଲେ । ତେବେ ୟୁଟ୍ୟୁବରୁ ଭଲ ରୋଜଗାର ହେଉଥିବା ଦେଖି ଅନ୍ୟମାନେ ବି ଆରମ୍ଭ କରିଥିଲେ ଅଭିନୟ କରିବା ।

ସବୁଠାରୁ ଆଶ୍ଚର୍ଯ୍ୟ ଏବଂ ଖୁସିର କଥା ହେଉଛି  ସମସ୍ତେ ଆକ୍ଟିଙ୍ଗ କଲେ ବି ଏଠି କେହି କାହାର ପ୍ରତିଦ୍ୱନ୍ଦ୍ୱୀ ନାହାନ୍ତି ବରଂ ଜଣେ ଅନ୍ୟ ଜଣଙ୍କୁ ଭ୍ଲାଗ କରିବାରେ ସାହାଯ୍ୟ କରିଥାନ୍ତି । ପ୍ରଥମେ ଏମାନେ ମୋବାଇଲ୍‌ ଫୋନରେ ଭିଡିଓ ସୁଟ୍‌ କରି ମୋବାଇଲ୍‌ରେ ହିଁ ଏଡିଂଟି କରି  ୟୁଟ୍ୟୁବରେ ଅପଲୋଡ କରି ସେୟାର କରୁଥିଲେ । ପରେ ଏମାନେ ଏକ ସେକେଣ୍ଡ ହ୍ୟାଣ୍ଡ କମ୍ୟୁଟର ଆଣି ସେଥିରେ ଆରମ୍ଭ କରିଥିଲେ ଏଡିଟିଙ୍ଗ୍ । ଏଥିରେ କ୍ୟାଲିଟି ଏତେ ଭଲ ଆସୁନଥିଲା । ଏମିତିକି ଛୋଟ ଭିଡିଓଟେ ଏଡିଟିଙ୍ଗ୍ କରିବା ପାଇଁ ଲାଗୁଥିଲା ଘଣ୍ଟା ଘଣ୍ଟା ସମୟ  । ତେବେ ସବୁଠାରୁ ଏଠାରେ  ବଡ ଅସୁବିଧା ଥିଲା ଇଣ୍ଟରନେଟ ସମସ୍ୟା ।

ଏହି ସମସ୍ୟାକୁ ସମାଧାନ ପାଇଁ ସହାୟତାର ହାତ ବଢାଇଥିଲା ଜିଲ୍ଲା ପ୍ରଶାସନ । ଆଉ ଗାଁରେ ତିଆରି ହୋଇଥିଲା ହମର ଫ୍ଲିକ୍ସ ଷ୍ଡୁଡିଓ । ଏଥିରେ ଡ୍ରୋନ ଓ ଡିଏସଆରଏଲ କ୍ୟାମେରା ସହ ଉନ୍ନତମାନର ଅଡିଓ ରେକଡିଂ, ଗ୍ରାଫିକ୍ସ ସଫ୍ଟୱେରର  ବ୍ୟବସ୍ଥା କରାଯାଇଛି । ତେବେ ଗାଁ ଲୋକର ଲୋକ ମାନେ  ସାଧାରଣତଃ ମନୋରଂଜନଧର୍ମୀ ଓ ମୋଟିଭେସନାଲ ଭିଡିଓ ପ୍ରସ୍ତୁତ କରିଥାନ୍ତି । ତେବେ ବର୍ତ୍ତମାନ  ଗାଁରେ ପାଖାପାଖି ମୋଟ ୪୦ଟି ରୁ ଅଧିକ  ୟୁଟ୍ୟୁବ ଚ୍ୟାନେଲ ରହିଛି । ଏଥିରୁ ଏଯାଏଁ ୧୨ଟି ମନିଟାଇଜ ହୋଇସାରିଛି । ଯେଉଁଥିରୁ ମୋଟା ଅଙ୍କର ରୋଜଗାର କରୁଛନ୍ତି ଗାଁର  ୟୁଟ୍ୟୁବର ।

ଅଧିକ ପଢନ୍ତୁ ;- ଇସ୍ରୋ ଉପରେ ପ୍ରତିଦିନ ଶତାଧିକ ସାଇବର ଆକ୍ରମଣ ହେଉଛି

ଅଡି କାର୍‌ର ମାଲିକ ହେବା  ଅନେକଙ୍କ ପାଇଁ ସ୍ବପ୍ନ ହୋଇଥାଏ । ଏଥିପାଇଁ ବହୁ ଅର୍ଥର ଆବଶ୍ୟକତା ପଡ଼ିଥାଏ । ଉଚ୍ଚ ପ୍ରତିଷ୍ଠିତ ଧନୀକ ଶ୍ରେଣୀର ଲୋକେ ବି ଅଡି କାର୍‌ କିଣିବା ପୂର୍ବରୁ ନିହାତି ପକ୍ଷେ ଦୁଇ ଥର ଭାବିଥାନ୍ତି । ମାତ୍ର କେରଳ ରାସ୍ତାରେ ଏପରି ଏକ ଦୃଶ୍ୟ ଦେଖି ଆପଣ ଚକିତ ହୋଇଯିବେ । କେରଳର ଜଣେ ଚାଷୀ ଶାଗ ବିକିବାପାଇଁ  ଅଡି ଧରି ଆସୁଛନ୍ତି । ଆଉ ବିକ୍ରି କରି ସାରିବା ପରେ ନିଜ କାର୍‌ରେ ପୁଣି ଥରେ ଘରକୁ ଫେରି ଯାଉଛନ୍ତି । ଏପରି ଘଟଣାର ଭିଡିଓ ସୋସିଆଲ ମିଡିଆରେ ଖୁବ୍‌ ଭାଇରାଲ ହେବାପରେ ଲାଗିଛି । 

ଅଡି କାର୍‌ର ମାଲିକ ଥିବା ଏହି ଯୁବ ଚାଷୀଜଣକ ହେଉଛନ୍ତି ସୁଜିଥ୍‌ । ସୁଜିଥ୍‌ ପ୍ରାୟ ୧୦ ବର୍ଷ ହେବ ଚାଷ କରୁଥିବା ବେଳେ ଏ ସମ୍ପର୍କୀତ ଭିଡିଓ ସେ ସବୁବେଳ ନିଜ ସୋଶାଲ ମିଡିଆ ଆକାଉଣ୍ଟ ରେ ପୋଷ୍ଟ କରିଥାନ୍ତି। ଇନଷ୍ଟାଗ୍ରାମରେ ତାଙ୍କ ଫଲୋୟରଙ୍କ ସଂଖ୍ୟା  ପାଖାପାଖି  ୨ ଲକ୍ଷରୁ ଅଧିକ  ବୋଲି ଜଣାଯାଇଛି । ସେହିପରି ତାଙ୍କର ଏକ ୟୁଟ୍ୟୁବ ଚ୍ୟାନେଲ ଥିବା ବେଳେ ସେଥିରେ ତାଙ୍କର ୫ ଲକ୍ଷ ଫଲୋୟର ଅଛନ୍ତି । ତେବେ ଇନଷ୍ଟାଗ୍ରାମରେ ସୁଜିଥ୍‌ Variety Farmer’ ନାମରେ ବେଶ୍‌ ପପୁଲାର ।

 ସୁଜିଥ୍‌ ଶେଆର କରିଥିବା ଭିଡିଓରେ ସେ ନିଜ ଅଡିରେ ଆସି ମାର୍କେଟରେ ପହଞ୍ଚିଛନ୍ତି। ଏହାପରେ ରାସ୍ତା ପାର୍ଶ୍ୱରେ ଏକ ପ୍ଲାଷ୍ଟିକ ଚାଦର ପକାଉଛନ୍ତି । ନିଜ ଅଡିରୁ ସତେଜ ଥିବା ଶାଗ ବାହାର କରି ତାକୁ ସଜାଇ ରଖୁଛନ୍ତି। ଏହାପରେ ନିଜ ଚପଲ ଖୋଲି ସେ ବି ସେଠାରେ ଶାଗବିକାଳୀ ଭାବେ ବସି ଯାଉଛନ୍ତି। ସୁଜିଥ୍‌ ନିଜର ଏକ ଭିଡିଓ କ୍ୟାପସନ୍‌ରେ  ‘ଅଡିରେ ଆସି ଶାଗ ବିକୁଛି’ ବୋଲି ଲେଖିଛନ୍ତି।

ଗତ ୩ ଦିନ ହେବ ସୁଜିଥ୍‌ ଏଡି ଭିଡିଓ ପୋଷ୍ଟ କରି ସାରିଥିବା ବେଳେ ଏହାକୁ ୬ ମିଲିୟନରୁ ଅଧିକ ଲୋକ ଦେଖି ସାରିଲେଣି। ସୋଶାଲ ମିଡିଆ ୟୁଜର୍ସ ସୁଜିଥ୍‌ଙ୍କ ଭିଡିଓକୁ ଲାଇକ୍‌ କରିବା ସହ ତାଙ୍କୁ ଖୁବ୍‌ ଭଲ ପାଇବା ଦେଇଛନ୍ତି । ସୁଜିଥ୍‌ଙ୍କ ପରି ଭାରତର ସମସ୍ତ ଚାଷୀ ଏହିପରି ଭଲ ଜୀବନ ବିତାନ୍ତୁ ବୋଲି ୟୁଜର୍ସ ମାନେ ଶୁଭକାମନା ଜଣାଇଛନ୍ତି । 

ଅଧିକ ପଢନ୍ତୁ :- ଅଲୋଡ଼ା ଝିଅକୁ ଅମୁଲ୍ୟ କଲେ ମରିସସର ଦମ୍ପତି