<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ମୁଖ୍ୟମନ୍ତ୍ରୀଙ୍କୁ ଭେଟିଲେ ୨୨ ସେବାୟତ, ଅଣହିନ୍ଦୁ ପ୍ରବେଶକୁ ତୀବ୍ର ବିରୋଧ
        </title>
        <link>
           http://khabarodisha.com/Report-With-Selfie/22-priests-meet-cm-35459
        </link>
        <guid>
           http://khabarodisha.com/Report-With-Selfie/22-priests-meet-cm-35459
        </guid>
        <pubDate>
           Sun, 08 Jul 2018 15:20:51 GMT
        </pubDate>
        <description>

ଶ୍ରୀମନ୍ଦିରରେ ଅଣହିନ୍ଦୁ ପ୍ରବେଶ ନେଇ ଦେଶର ସର୍ବୋଚ୍ଚ ନ୍ୟାୟାଳୟ ଦେଇଥିବା ପ୍ରସ୍ତାବରେ ବିତର୍କ ଜାରି ରହିଛି । ବିଭିନ୍ନ ସଂଗଠନ ଏହାକୁ ବିରୋଧ କରୁଛନ୍ତି । ତେବେ ଶ୍ରୀମନ୍ଦିର ସଂସ୍କାରକୁ ନେଇ ସେବାୟତମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଛନ୍ତି । ଶ୍ରୀମନ୍ଦିରରେ ଅଣହିନ୍ଦୁ ପ୍ରବେଶକୁ ଘୋର ବିରୋଧ କରିଛି ସେବାୟତ ମହାସଂଘ । ଏ ନେଇ ଆମର ଆଭିମୁଖ୍ୟ କେବେ ବି ସକରାତ୍ମକ ରହିବନି ବୋଲି ସିଂହାରୀ ନିଯୋଗ ସଭାପତି ରାମଚନ୍ଦ୍ର ସିଂହାରୀ ପ୍ରତିକ୍ରିୟା ରଖିଛନ୍ତି । ମୁଖ୍ୟମନ୍ତ୍ରୀ ଶ୍ରୀମନ୍ଦିର ସୁନାମ ବଢ଼ାଇବାକୁ ପ୍ରତିଶ୍ରୁତି ଦେଇଥିବା ସେ କହିଛନ୍ତି । 

ଆଜି ସିଂହାରୀ ନିଯୋଗ ସଭାପତିଙ୍କ ସହିତ ୨୨ ଜଣ ସେବାୟତ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟି ଶ୍ରୀମନ୍ଦିର ସଂସ୍କାର ସଂପର୍କରେ ଆଲୋଚନା କରିଛନ୍ତି । ଏହି ସମୟରେ ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି ଓ ପୁରୀ ସାଂସଦ ପିନାକୀ ମିଶ୍ର ପ୍ରମୁଖ ଉପସ୍ଥିତ ଥିଲେ । ସଭାପତି କହିଛନ୍ତି ଯେ ଶ୍ରୀମନ୍ଦିରକୁ ନେଇ କୌଣସି ବିବାଦ ଓ ରାଜନୀତି ନ ହେବା ଉଚିତ । ସେବାୟତଙ୍କ ୪ରୁ ୫ଟି ପ୍ରସ୍ତାବ ଦିଆଯାଇଛି ବୋଲି ସେ ସୂଚନା ଦେଇଛନ୍ତି । ତେବେ ବଂଶାନୁକ୍ରମ ସେବାୟତ ଉଚ୍ଛେଦ ପ୍ରସ୍ତାବ ଉପରେ ପ୍ରତିକ୍ରିୟା ରଖି ଶ୍ରୀ ରାମଚନ୍ଦ୍ର ସିଂହାରୀ କହିଛନ୍ତି ଯେ ସମସ୍ତ ବିଷୟରେ ସୁପ୍ରିମକୋର୍ଟ କେବଳ ପ୍ରସ୍ତାବ ଦେଇଛନ୍ତି  । ମାତ୍ର ଆମେ ଏ ନେଇ ଆମେ ସୁପ୍ରିମକୋର୍ଟରେ ପ୍ରସ୍ତାବ ରଖିବୁ ।

ଅନ୍ୟପକ୍ଷରେ ଆଲୋଚନା ସମୟରେ ଉପସ୍ଥିତ ଥିବା ସାଂସଦ ପିନାକୀ ମିଶ୍ର କହିଛନ୍ତି ଯେ ସୁପ୍ରିମକୋର୍ଟଙ୍କ ଅନ୍ତରୀଣ ଆଦେଶ ଉପରେ ୫ଟି ଦାବି ଜଣାଇଛନ୍ତି ସେବାୟତ । ସଂସ୍କାର କମିଟି ସେବାୟତଙ୍କ ନିବେଦନକୁ ବିଚାରକୁ ନେଉ ବୋଲି ସାଂସଦ ପରାମର୍ଶ ଦେଇଛନ୍ତି । ପୁରୀ ଏକ ନିଆରା ସ୍ଥାନ । ଏଠାରେ ଜୀବନ୍ତ ଠାକୁର ପୂଜା ପାଆନ୍ତି । ଶହ ଶହ ବର୍ଷ ଧରି ଏଠାରେ ବଂଶାନୁକ୍ରମ ସେବା ପୂଜା ଦିଆଯାଉଛି । କିନ୍ତୁ ଏ ସଂପର୍କରେ ସୁପ୍ରିମକୋର୍ଟଙ୍କୁ ଠିକ୍‌ ଭାବେ ଅବଗତ କରାଯାଇ ନାହିଁ । 

        </description>
      </item>
      <item>
        <title>
           ପ୍ରସ୍ତୁତ ରଣକ୍ଷେତ୍ର, ମୋଦୀବାହିନୀଙ୍କୁ ଅପେକ୍ଷା
        </title>
        <link>
           http://khabarodisha.com/Report-With-Selfie/Platform-ready-wait-for-the-leaders-11100
        </link>
        <guid>
           http://khabarodisha.com/Report-With-Selfie/Platform-ready-wait-for-the-leaders-11100
        </guid>
        <pubDate>
           Fri, 14 Apr 2017 00:00:00 GMT
        </pubDate>
        <description>
ଭୁବନେଶ୍ଵର,ଏପ୍ରିଲ୧୪(ଖବର ଓଡ଼ିଶା): ରଣକ୍ଷେତ୍ର ପ୍ରସ୍ତୁତ । କେବଳ ସାରଥି ଆସିଲେ ଯୁଦ୍ଧର ବିଗୁଲ ବାଜିବ। ଜନତା ମଇଦାନରେ ଏହାକୁ ନେଇ ପ୍ରସ୍ତୁତି ପର୍ଯ୍ୟାୟ ଶେଷ ଅବସ୍ଥାରେ। ରାତି ସମୟରେ ନାଲି, ନେଳି, ହଳଦିଆ ଆଲୋକମାଳାରେ ଝଲସୁଛି ପଦ୍ମ। କର୍ମଚାରୀମାନଙ୍କ ମଧ୍ୟରେ ବି ଉତ୍ସାହର ମାହୋଲ। ଶୁକ୍ରବାର ଦଳର ରାଷ୍ଟ୍ରୀୟ ଅଧ୍ୟକ୍ଷ ଭୁବନେଶ୍ୱରରେ ପହଞ୍ଚିଛନ୍ତି। ଏବେ ମୋଦିଙ୍କୁ ଅପେକ୍ଷା। ପ୍ରସ୍ତୁତ ହେବ ଆଗାମୀ ନିର୍ବାଚନର ବ୍ଲୁ ପ୍ରିଣ୍ଟ।
 
୫ଟି ରାଜ୍ୟର ବିଧାନସଭା ନିର୍ବାଚନରେ ଐତିହାସିକ ବିଜୟ ହାସଲ କରି ୪ଟି ରାଜ୍ୟରେ ସରକାର ଗଠନ କରିଥିବା ଭାରତୀୟ ଜନତା ପାର୍ଟି ଏବେ ମିଶନ ୨୦୧୯କୁ ନେଇ ପ୍ରସ୍ତୁତି ଆରମ୍ଭ କରିଦେଇଛି। ପଞ୍ଚାୟତ ନିର୍ବାଚନରେ  ହାସଲ କରିଥିବା ଅଦ୍ଭୁତପୂର୍ଣ୍ଣ ସଫଳତାକୁ ୨୦୧୯ ନିର୍ବାଚନରେ ଦୋହରାଇବା ପାଇଁ ବିଜେପି କେନ୍ଦ୍ର ନେତୃବୃନ୍ଦ ଅଣ୍ଟା ଭିଡ଼ିଛନ୍ତି। ୨୦୧୯ ସାଧାରଣ ନିର୍ବାଚନ ସହ ମିଶନ ଓଡ଼ିଶାକୁ ନେଇ ବିଜେପି ପ୍ରସ୍ତୁତି ଆରମ୍ଭ କରିଛି। ଏହାକୁ ଦୃଷ୍ଟିରେ ରଖି ବିଜେପିର ଜାତୀୟ କାର୍ଯ୍ୟକାରିଣୀ ବୈଠକ ଭୁବନେଶ୍ଵରରେ ଆୟୋଜିତ ହେଉଛି।
 
ଚଳିତ ବର୍ଷ ନିର୍ବାଚନରେ ରାଜ୍ୟରେ ଭଲ ପଦର୍ଶନ କରିବା ପରେ ବିଜେପି ଏବେ ଓଡ଼ିଶାକୁ ନିଜର ପ୍ରୟୋଗଶାଳା ବନାଇଛି। ଏହି କାର୍ଯ୍ୟକାରିଣୀ ବୈଠକରେ ଦଳ ୨୦୧୯ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିବା ସହ କେନ୍ଦ୍ରୀୟ ଯୋଜନାକୁ ଓଡ଼ିଶାବାସୀଙ୍କ ନିକଟରେ ପହଞ୍ଚାଇବାକୁ ଚେଷ୍ଟା କରିବ। ୧୫ ଓ ୧୬ ତାରିଖରେ ଅନୁଷ୍ଠିତ ହେବାକୁ ଥିବା କାର୍ଯ୍ୟକାରିଣୀ ବୈଠକ ନେଇ ଭୁବନେଶ୍ଵରର ଜନତା ମଇଦାନରେ ପ୍ରସ୍ତୁତି ଶେଷ ହୋଇଛି।  ଓଡ଼ିଶାରେ ଚତୁର୍ଥ ଥର ପାଇଁ ଆୟୋଜିତ ହେଉଥିବା ଏହି ବୈଠକରେ ପ୍ରଧାନମନ୍ତ୍ରୀ ମୋଦୀଙ୍କ ସହ ରାଷ୍ଟ୍ରୀୟ ବିଜେପି ଅଧ୍ୟକ୍ଷ ଅମିତ ଶାହା ଉପସ୍ଥିତ ରହିବେ। ଏହା ସହ ରାଜନାଥ ସିଂହ, ଅରୁଣ ଜେଟଲୀ, ଲାଲକୃଷ୍ଟ ଆଡ଼ଭାଣୀ, ମୁରଲୀ ମନୋହର ଯୋଶୀ, ନିତୀନ ଗଡ଼କରି, ଭେଙ୍କେୟା ନାଇଡ଼ୁଙ୍କ ପରି ବରିଷ୍ଠ ନେତାଙ୍କ ସହ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ଯୋଗଦେବେ।
 
ୟୁପିର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନଭିଶ, ଛତିଶଗଡ଼ ମୁଖ୍ୟମନ୍ତ୍ରୀ ଡଃ ରମଣ ସିଂହଝାଡ଼ଖଣ୍ଡ ମୁଖ୍ୟମନ୍ତ୍ରୀ ରଘୁବର ଦାସ, ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୈାହାନ, ଗୁଜରାତ ମୁଖ୍ୟମନ୍ତ୍ରୀ ବିଜୟ ରୂପାନୀ, ରାଜସ୍ଥାନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ, ହରିୟାଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର, ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂହ ରାଓ୍ଵତ, ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସନଓ୍ଵଲ, ଅରୁଣାଚଳ ମୁଖ୍ୟମନ୍ତ୍ରୀ ପେମା ଖାଣ୍ଡୁ ଓ ମଣିପୁର ମୁଖ୍ୟମନ୍ତ୍ରୀ ବିରେନ ସିଂହ ଆଦି ବିଶିଷ୍ଟ ବ୍ୟକ୍ତି କାର୍ଯ୍ୟକାରିଣୀରେ ଯୋଗ ଦେବେ। ଏତଦ୍ ବ୍ୟତିତ ୩୪୦ରୁ ଉର୍ଦ୍ଧ୍ଵ ରାଷ୍ଟ୍ରୀୟ କାର୍ଯ୍ୟକର୍ତ୍ତା ଏଥିରେ ସାମିଲ ହେବେ। ସବୁଠାରୁ ଅଧିକ ଗୁରୁତ୍ଵବହନ କରୁଥିବା ଏହି ବୈଠକରେ ବିଜେପି ୨୦୧୯ ସାଧାରଣ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିବ।
 
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ବଳିଷ୍ଠ ବ୍ୟକ୍ତିତ୍ୱ ତଥା ନେତୃତ୍ୱକୁ ଆଧାର କରି ଭାରତବର୍ଷର ପ୍ରତିଟି କ୍ଷେତ୍ରକୁ ସଫଳତାର କର୍ମଭୂମିରେ ପରିବର୍ତ୍ତନ କରିବ ସେଥିପାଇଁ ପ୍ରୟାସ କରୁଛି ବିଜେପି।
 
ସୂଚନାଯୋଗ୍ୟ, ଏହା ପୂର୍ବରୁ ଶେଷ ଥର ୧୯୯୮ରେ ଓଡ଼ିଶାରେ ବିଜେପିର ରାଷ୍ଟ୍ରୀୟ କାର୍ଯ୍ୟ କାରିଣୀ ବୈଠକ ଆୟୋଜିତ ହୋଇଥିଲା।
 
        </description>
      </item>
      <item>
        <title>
           ବିକାଶର ଆରପାରିରେ ଗୁପ୍ତ ବୃନ୍ଦାବନ
        </title>
        <link>
           http://khabarodisha.com/Report-With-Selfie/-11002
        </link>
        <guid>
           http://khabarodisha.com/Report-With-Selfie/-11002
        </guid>
        <pubDate>
           Wed, 12 Apr 2017 00:00:00 GMT
        </pubDate>
        <description>

ଯୁଗ ଯୁଗ ଧରି ଓଡିଆ ସାହିତ୍ୟ ଇତିହାସକୁ ରୁଦ୍ଧିମନ୍ତ କରି ଆସୁଥିବା ପଞ୍ଚସଖାଙ୍କ ବକୁଳ ବନ ବିଦ୍ୟାଳୟ ଆଜି ଜରାଜୀର୍ଣ୍ଣ । ବକୁଳ ବନ! ପଞ୍ଚସଖାଙ୍କ ସତ୍ୟବାଦୀ ବନ ବିଦ୍ୟାଳୟର ଉତ୍ପତ୍ତିସ୍ଥଳି । ହେଲେ ଆଜି ଏ ଗୁପ୍ତ ବ୍ରୁନ୍ଦାବନ ଅବହେଳିତ । ସରକାରୀ ସୁବିଧା ସତେ ଯେପରି ଏଠି ପାଲଟିଛି ସାତ ସପନ । ପଞ୍ଚସଖାଙ୍କ ମୂର୍ତ୍ତି ନିଜ ଅଧିକାର ଦାବି କରିପାରୁନାହାନ୍ତି କିମ୍ବା ଭୋଟ୍ ଦେଉନାହାନ୍ତି ବୋଲି ସେମାନେ ଆଜି ସମାଜର ନଜର ଆଢୁଆଳରେ ।

ଭୂବନେଶ୍ୱର ଠାରୁ ୫୧ କି.ମି ଦୂର ସାକ୍ଷୀଗୋପାଳ ଠାରେ ୨୦ ଏକର ଜମିରେ ଏହି ବନ ବିସ୍ତାରିତ । ଦିନେ ଏହି ବକୁଳ ବନ ଆମ୍ବ, ପଣଷ, ବଉଳ ଭଳି ଅନେକ ମୂଳ୍ୟବାନ ଗଛରେ ପରିପୂର୍ଣ୍ଣ ଥିଲା । ବର୍ତ୍ତମାନ ଏହାର ରକ୍ଷଣା ବେକ୍ଷଣ ଅଭାବରୁ ଆବଶ୍ୟକୀୟ ବୃକ୍ଷ ସବୁ ଲୋପ ପାଇଗଲାଣି । ପ୍ରଥାନୁଯାୟୀ ରଥଯାତ୍ରାରେ ଶ୍ରୀଜଗନ୍ନାଥଙ୍କ ପାଇଁ ୪ ଖଣ୍ଡ ବଉଳ କାଠ ଏହି ବନରୁ ଯିବାର ପରମ୍ପରା ଥିଲା । ମାତ୍ର ବର୍ତ୍ତମାନ ସେ ଗଛ ସବୁ ଲୋପ ପାଇଗଲାଣି । ପୁନଃ ବୃକ୍ଷରୋପଣ ପାଇଁ ସରକାର କିମ୍ବା ପ୍ରଶାସନ ତରଫରୁ କୌଣସି ପଦକ୍ଷେପ ନିଆଯାଉ ନାହିଁ।

୧୯୦୯ ମସିହାରେ ପଣ୍ଡିତ ଗୋପବନ୍ଧୁ ଦାସ ଏବଂ ତାଙ୍କର ସମାସ୍କାନ୍ଦ ପଣ୍ଡିତ ନୀଳକଣ୍ଠ ଦାସ, ଅଚାର୍ଯ୍ୟ ହରିହର ଦାସ, ପଣ୍ଡିତ କୃପାସିନ୍ଧୁ ମିଶ୍ର, ପଣ୍ଡିତ ଗୋଦାବରିଶ ମିଶ୍ର ମିଳିତ ଭାବରେ ଏହି ବକୁଳ ବନରେ ଏକ ବନ ବିଦ୍ୟାଳୟ ଆରମ୍ଭ କରିଥିଲେ । ପ୍ରକୃତ୍ତିର କୋଳରେ ଖୋଲା ଆକାଶ ତଳେ ଗୁରୁକୁଳ ଭଳି ପରିବେଶରେ ଆରମ୍ଭ ହୋଇଥିଲା ଏହି ବନ ବିଦ୍ୟାଳୟ । ବର୍ତ୍ତମାନ ସରକାରଙ୍କ ଦ୍ୱାରା ବିଦ୍ୟାଳୟ ଗୃହ ନିର୍ମିତ ହୋଇଛି ଏବଂ ପରିଚାଳିତ ହେଉଛି ସତ, ମାତ୍ର ଏହି ବିଦ୍ୟାଳୟର ଇତିହାସ ପରିତ୍ୟକ୍ତ ଅବସ୍ଥାରେ ଅଛି ।

ପଞ୍ଚସଖାଙ୍କ ସ୍ମୃତିକୁ ଜନ ମାନସରେ ଜୀବିତ ରଖିବା ଉଦେ୍ଦଶ୍ୟ ନେଇ ବ୍ରୋଞ୍ଚ ତିଆରି ମୁର୍ତ୍ତିମାନ ଏଠାରେ ସ୍ଥାପିତ କରାଯାଇଥିଲା । ଯାହା କିଛିଦିନ ତଳେ ଦୂର୍ବୁତ୍ତମାନେ ଭାଙ୍ଗି ନେଇଯାଇଛନ୍ତି । ବର୍ତ୍ତମାନ କେବଳ ଏହି ମହାପୁରୁଷ ମାନଙ୍କର ମସ୍ତକ ବିହୀନ  ମୂର୍ତ୍ତି ରହିଯାଇଛି । ଏହି ସ୍ଥାନ ଆମର ଐତିହ୍ୟ ବହନ କରୁଛି । ଏହାର ରକ୍ଷଣାବେକ୍ଷଣ ସରକାରଙ୍କ ଦାୟିତ୍ୱ । ମାତ୍ର ଏହାର ସୁରକ୍ଷା ପାଇଁ ନିୟୋଜିତ ସୁରକ୍ଷା କର୍ମୀକୁ ମାସିକ ଦେୟ ଦିଆଯାଉଛି ମାତ୍ର ୬୦୦ଟଙ୍କା, ଏଠାରେ ରହିବା ପାଇଁ ମଧ୍ୟ କୌଣସି ବ୍ୟବସ୍ଥା ନାହିଁ । ଗୋପବନ୍ଧୁ ଏହିଠାରେ ଏକ ଓଡିଆ ବିଶ୍ୱବିଦ୍ୟାଳୟର ସ୍ୱପ୍ନ ଦେଖିଥିଲେ ଯାହା ସ୍ୱପ୍ନ ହୋଇ ରହିଯାଇଛି ।

ଏହା ବଣଭୋଜି ପାଇଁ ଏକ ଉପଯୁକ୍ତ ସ୍ଥାନ, କିନ୍ତୁ ପାନୀୟ ଜଳର କୌଣସି ସୁବିଧା ନାହିଁ, ବଣ ଭିତରେ ବୁଲିବା ପାଇଁ ରାସ୍ତା ଥିଲେ ମଧ୍ୟ ତାହା ବ୍ୟବହାର ଉପଯୋଗୀ ହୋଇନାହିଁ । ପଞ୍ଚସଖାଙ୍କ ଉପଲବ୍ଧି ବିଷୟରେ ନୂତନ ପିଢ଼ି ଜାଣିବା ପାଇଁ ଏଠାରେ ଏକ ସଂଗ୍ରହାଳୟ ହେବା ଆବଶ୍ୟକ ବୋଲି ସାଧାରଣରେ ଦାବି ହେଉଛି । ଏହା ଉତ୍କଳର ଐତିହ ବହନ କରୁଥିବା ଏକ ଗୁରୁତ୍ୱପୂର୍ଣ୍ଣ ସ୍ଥାନ । ଏହାର ଉନ୍ନତ୍ତି ପ୍ରତି ସରକାର ଦୃଷ୍ଟି ଦେଲେ, ଅନେକ ପର୍ଯ୍ୟଟକ ଏଠାକୁ ଆସନ୍ତେ ।

 

        </description>
      </item>
      <item>
        <title>
           ଜାଇକା ପ୍ରକଳ୍ପକୁ ନେଇ ଜନ ଅସନ୍ତୋଷ, ନିର୍ମାଣାଧିନ କାମକୁ ନେଇ ଅନେକ ପ୍ରଶ୍ନ
        </title>
        <link>
           http://khabarodisha.com/Report-With-Selfie/-10595
        </link>
        <guid>
           http://khabarodisha.com/Report-With-Selfie/-10595
        </guid>
        <pubDate>
           Mon, 03 Apr 2017 00:00:00 GMT
        </pubDate>
        <description>
କଟକ,ଏପ୍ରିଲ୨ (ଖବର ଓଡିଶା):  ବର୍ଷ ବର୍ଷ ଧରି କଟକ ସହରରେ ଜାଇକା କାମ ଚାଲୁଥିଲେ ମଧ୍ୟ ଅନ୍ତିମ ପର୍ୟ୍ୟାୟରେ ପହଞ୍ଚି ପାରୁନାହିଁ ପ୍ରକଳ୍ପ। ନାମକୁ ମାତ୍ର କାର୍ଯ୍ୟ କରାଯାଉଛି ବୋଲି ଜନସାଧାରଣ ଅଭିଯୋଗ କରିଛନ୍ତି । ସହରର ଗଳି ରାସ୍ତାଗୁଡିକ ସଙ୍କୀର୍ଣ୍ଣ ହୋଇଥିବାରୁ ଜାଇକା କାର୍ଯ୍ୟ ଜନ ଜୀବନକୁ ବାଧାପ୍ରାପ୍ତ କରୁଛି। ଫଳରେ ସହରବାସୀଙ୍କ ମନରେ ଅଶାନ୍ତର ବାତାବରଣ ଦେଖାଦେଇଛି ।
 
ଏ ହେଉଛି କଟକ ଜିଲ୍ଲା ବାଦାମବାଡି ଅରୁଣଦୟ ମାର୍କେଟ ସ୍ଥିତ ନିୟୁ ଏଲ୍.ଆଇ.ସି କଲୋନି ପାଖର ଦୃଶ୍ୟ । ଏହି କଲୋନିରେ ପ୍ରାୟ ୩୦୦୦ରୁ ଉର୍ଦ୍ଧ ଲୋକ ବାସ କରନ୍ତି । କଲୋନିର ମୁଖ୍ୟ ଗଳି ରାସ୍ତା ଦେଇ ଯାଇଥବା ବାଟରେ ପ୍ରତିଦିନ ଶତାଧିକ ଗାଡି, ମଟର ସାଇକେଲ ଏବଂ ଲୋକମାନେ ଯାତାୟତ କରନ୍ତି । କଲୋନିରେ ଅନେକ କୋଚିଂ ସେଣ୍ଟର, କ୍ରୀଡା ଓ ସରକାରୀ ବିଦ୍ୟାଳୟ ଅବସ୍ଥାପିତ ଥିବାରୁ ବହୁ ଛୋଟ ଛୋଟ ପିଲା ମଧ୍ୟ ନିତିଦିନ ଏହି ବାଟରେ ଯିବା ଆସିବା କରନ୍ତି । ପୁନଶ୍ଚ ପାଖରେ ଦୋକାନ ବଜାର ସମେତ ଅଫିସ ଏବଂ ଡାକ୍ତରଖାନା ଥିବାରୁ ଏଠାରେ ପ୍ରତିଦିନ ଲୋକଙ୍କ ଭିଡ ଲାଗିରହିଥାଏ ।
 
ୱାର୍ଡ ନଂ ୩୭ରେ ଅନ୍ତର୍ଭୁକ୍ତ ଏହି ଅଞ୍ଚଳର ରାସ୍ତା ଖୋଳାଯାଇ କାର୍ଯ୍ୟ କରାଯାଉନଥିବା ଯୋଗୁଁ ପଥଚାରୀ, ସ୍କୁଲ ପିଲା ଏବଂ ଗାଡି ଚାଳକ ମାନେ ଖାଲ ମଧ୍ୟରେ ପଡି ଆହତ ହେଉଛନ୍ତି । ରାତ୍ର ସମୟରେ ବିପର୍ୟ୍ୟସ୍ତ ଆଲୋକର ବ୍ୟବସ୍ଥା ଯୋଗୁଁ  ଲୋକମାନଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଛି । କଟକ ମହାନିଗର ନିଗମ(ସି.ଏମ.ସି)ର ସଫେଇ କାର୍ଯ୍ୟରେ  ଅନିୟମିତତା ଯୋଗୁଁ ଘରୁ ବାହାରୁଥିବା ଆବର୍ଜନା, ଚୋପା, ଦୂଷିତ ଖାଦ୍ୟ, ଅଦରକାରୀ କାଗଜ ଓ ପଲିଥିନ୍ ରାସ୍ତା କଡରେ ଗଦା ହେଉଛି । ଯାହା ଫଳରେ ବର୍ଷା ସମୟରେ ସେଠାକାର ସ୍ଥିତି ଅତି ଶୋଚନୀୟ ରହିଥାଏ।  ରାସ୍ତାର ଦୁଇ ପାର୍ଶ୍ଵରେ ଥବା ନାଳ ଗୁଡିକର ଠିକ୍ ଭାବେ ମରାମତି କରାଯାଉନଥିବାରୁ ଖୋଳା ଯାଇଥିବା ଗାତ ଗୁଡିକ ନାଳ ପାଣିରେ ପୂର୍ଣ୍ଣ ହୋଇ ଘର ଭିତରେ ପାଣି ପଶିଯାଉଛି। ଫଳରେ ସ୍ଥାନୀୟ ବାସୀଙ୍କୁ ପଦାକୁ ବାହାରିବା କଷ୍ଟକର ହୋଇଥାଏ।  ଦୀର୍ଘ ସମୟ ବ୍ୟବଧାନ ପରେ ମଧ୍ୟ ଜାଇକା କାମ ଶେଷ ହୋଇପାରୁନିଥବା ଫଳରେ ସ୍ଥାନୀୟ ବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଏପରି ବ୍ୟବସ୍ଥା ଲାଗିରହିବାରୁ ସ୍ଥାନୀୟବାସୀ ମାନେ ବାରମ୍ବାର ମେୟରଙ୍କ ପାଖରେ ଅଭିଯୋଗ କରିଥଲେ ମଧ୍ୟ ପ୍ରଶାସନିକସ୍ତରେ କୌଣସି ପଦକ୍ଷେପ ଗ୍ରହଣ କରାଯାଉନି ।
 
ସୂଚନାନୁଯାୟୀ ଗତ ଜାନୁୟାରୀ ମାସରେ ଜାଇକା କାର୍ଯ୍ୟକୁ ନେଇ ଓଡିଶା ହାଇକୋର୍ଟ ଗଭୀର ଅସନ୍ତୋଷ ପ୍ରକାଶ କରିବା ସହ ନିର୍ଦ୍ଦେଶକୁ ଯଦି କାର୍ଯ୍ୟ କରାନଯାଏ ତେବେ ପ୍ରଶାସନିକ ଅଧିକାରିଙ୍କ ବିରୋଧରେ ଦୃଢ କାର୍ୟ୍ୟାନଷ୍ଠାନ ନିଆଯିବ ବୋଲି ବିଚାରପତି ଆଦେଶ ଦେଇଥିଲେ । ତଥାପି ବିଚାରପତିଙ୍କ ଆଦେଶକୁ ଅମାନ୍ୟ କରି କାର୍ୟ୍ୟନିବାହୀ ଅଧିକାରୀ ଜାଇକା କାର୍ୟ୍ୟର ବିଡମ୍ବନା କରିଛନ୍ତି । 
 
ସୂଚନାଯୋଗ୍ୟ, ସହରର ଡ୍ରେନେଜ୍ ଓ ସ୍ଵରେଜ୍ ବ୍ୟବସ୍ଥାକୁ ସୁଧାରିବା ପାଇଁ ଜାପାନ କୋର୍ପରେସନ ଏଜେନ୍ସି ପକ୍ଷରୁ ୨୦୧୩ ମସିହାରୁ ଜାଇକା ପକଳ୍ପ ଆରମ୍ଭ ହୋଇଥିଲା । ତେବେ ୨୦୧୫ ସୁଦ୍ଧା କାମକୁ ଶେଷ କରିବା ପାଇଁ ଲକ୍ଷ ରଖିଥିଲେ ମଧ୍ୟ ତାହା ସମ୍ପୂର୍ଣ୍ଣ ନ ହେବାରୁ ସମୟ ଅବଧିକୁ ବୃଦ୍ଧି କରାଯାଇଥିଲା ।
  
        </description>
      </item>
      <item>
        <title>
           ସଡକରେ ରଙ୍ଗିନ୍ ମାଛର ବଜାର
        </title>
        <link>
           http://khabarodisha.com/Report-With-Selfie/Aquarium-Business-in-smart-city-road-side-9495
        </link>
        <guid>
           http://khabarodisha.com/Report-With-Selfie/Aquarium-Business-in-smart-city-road-side-9495
        </guid>
        <pubDate>
           Wed, 08 Mar 2017 00:00:00 GMT
        </pubDate>
        <description>
ସ୍ମାର୍ଟ ସହର ଭୁବନେଶ୍ୱର । ଏଠି ଟ୍ରାଫିକ୍ ଛକରେ ବି ଚାଲିଛି କିଣାବିକା। ରେଡ୍ ସିଗ୍‌ନାଲରେ ଅଟକି ଥିବା ଯାନବାହାନର ଯାତ୍ରୀ ମାନଙ୍କୁ କିଛି ମିନିଟ୍‌ରେ କିଣିବା ପାଇଁ ପ୍ରଭାବିତ କରିପାରୁଛି ବେପାରି । ଫୁଟ୍‌ପାଥରେ ବି ଚାଲିଛି ଧୁମ୍‌ଧାମ୍ କିଣାବିକା। ଖାଦ୍ୟଠୁ ପ୍ରସାଧାନିକ ଦ୍ରବ୍ୟଯାଏ ସବୁକିଛି ରାସ୍ତା କଡରେ ବିକ୍ରି ହେଉଥିବାବେଳେ ସେଥିରେ ଯୋଡି ହୋଇଛି ଆଉ ଏକ ନୂଆ ବେପାର ରଙ୍ଗିନ୍ ମାଛ କାରବାର । ଯାହିତାହି ମାଛ ନୁହେଁ ଘର ସଜେଇବା ପାଇଁ  ଆକ୍ୱାରିୟମ୍‌ର ମାଛ ।
 
ଲୋକମାନଙ୍କୁ ଆକୃଷ୍ଟ କଳା ଭଳି କାଚ ଭିତରେ ଭଳିକି ଭଳି ରଙ୍ଗିନ୍ ମାଛ, ପଥର, ପ୍ଲାଷ୍ଟିକ୍ ଫୁଲ ସଜା ହୋଇଛି। ଏପରିସଜା ହୋଇଛି ଯେ ପଥଚାରୀମାନେ ପଛରୁ ଫେରି ଦେଖିବାକୁ ବାଧ୍ୟ ହେଉଛନ୍ତି। ଏପରି ଆକ୍ୱାରିୟମ ସାମଗ୍ରୀର ବିକ୍ରେତା ଦାନିସ ଖାନ୍ ନିକଟରେ ହରିୟାଣାରୁ ଓଡିଶା ଆସି ଜମେଇ ଦେଲେଣି ଆସ୍ଥାନ।
 
 
ଅଶୋକ ନଗର ଠାରୁ ଏସବୁ ଦ୍ରବ୍ୟ କିଣି ୟୁନିଟ୍ -୪ ଅଞ୍ଚଳରେ ବିକ୍ରିବ୍ୟବସ୍ଥା କରୁଛନ୍ତି ଦାନିସ । ତାଙ୍କ ନିଜ ଗର ଆମ୍ବାଲା କାଣ୍ଟ ଅଞ୍ଚଳରେ । ମାତ୍ର ୨୧ ଦିନ ତଳେ ଓଡିଶା ଆସି ଦିନକୁ ୯ଘଣ୍ଟା ପରିଶ୍ରମ କରି ୧ହଜାରରୁ ୨ହଜାର ଟଙ୍କା କମାଉ ଥିବା କୁହନ୍ତି।
 
 
ରାଜଧାନୀ ବାସୀଙ୍କ ଆକ୍ୱାରିୟମ ପ୍ରତି ଆକର୍ଷଣ କିଛି କମ୍‌ ନୁହେଁ । ଭଲବ୍ୟବହାର ଓ ଗ୍ରାହକଙ୍କୁ ସନ୍ତୁଷ୍ଟି କରିପାରିଲେ ରାସ୍ତା କଡରେ ସବୁ ପ୍ରକାର ବେପାର ଚାଲିପାରିବ ବୋଲି ତାଙ୍କର ମତ ।
 
        </description>
      </item>
      <item>
        <title>
           ଅାଧୁନିକ ଯୁଗରେ ବି ବଞ୍ଚିଛି ଭଗବାନଙ୍କ ପ୍ରତି ଅାସ୍ଥା
        </title>
        <link>
           http://khabarodisha.com/Report-With-Selfie/For-God-belive-still-alive-in-Modern-time-9159
        </link>
        <guid>
           http://khabarodisha.com/Report-With-Selfie/For-God-belive-still-alive-in-Modern-time-9159
        </guid>
        <pubDate>
           Wed, 01 Mar 2017 00:00:00 GMT
        </pubDate>
        <description>
ଦେହରେ ଗେରୁଆ ବସ୍ତ୍ର । ଆଖିରେ କେବଳ ସେହି ପରମେଶ୍ୱରଙ୍କ ପ୍ରତି ଭକ୍ତି ଓ  ସମାଜର ବିକାଶ ପାଇଁ ଅନେକ ଆଶା।  ତାଙ୍କ ମନରେ ନା ଅଛି ଆଉ କିଛି ପାଇବାର ଆଶା ନା ଅଛି କିଛି ହରେଇବାର ଦୁଃଖ । ଏମିତି ଭାବେ ପ୍ରତିଟି ଦିନ ଓ ରାତି ପ୍ରଭୁଙ୍କୁ ସମର୍ପିଦେଇ ଜୀବନ ଅତିବାହିତ କରୁଛନ୍ତି ସୁବଳ ବାବା । ସେ ମହିମା ଅଲେଖଙ୍କ ଦୀକ୍ଷାରେ ଦୀକ୍ଷିତ । ଜନ୍ମ ତାଙ୍କର ନୟାଗଡ ଜିଲ୍ଲା  ଖଣ୍ଡପଡା ବ୍ଲକର ଶିଖରପୁର ଠାରେ । ପିଲା ବେଳୁ ତାଙ୍କ ପିତା ମାତା ସ୍ୱପ୍ନ ଦେଖିଥିଲେ ପୁଅ ପାଠ ପଢି ସମାଜରେ ପ୍ରତିଷ୍ଠିତ ହେବ । ସୁଖରେ  ସଂସାର କରିବ ଏବଂ  ଅଭାବ ଅନଟନକୁ ଦୂର କରିବ। 
 
ଦିନ ପରେ ଦିନ ଗଡି ଚାଲିଲା । ହୁଏତ ସେ ବିଧାତାଙ୍କ ଲେଖନୀରେ ସୁବଳଙ୍କ ପାଇଁ ଆଉ କିଛି ରଚନା ହୋଇଥିଲା । ଅତି କମ୍ ବୟସରଙ୍କ ତାଙ୍କୁ ଶ୍ୱାସ ଜନିତ ରୋଗ ମାଡି ବସି ଥିଲା । ବିଭିନ୍ନ ବଇଦ ତଥା ଘରୋଇ ଚିକିତ୍ସା ତାଙ୍କ ସ୍ୱାସ୍ଥ୍ୟ ଭଲ କରିବା ପାଇଁ ବିଫଳ ହୋଇଥିଲା । କିନ୍ତୁ ଦିନେ ହଠାତ୍ କିଛି ଅଲେଖ ବାବଜୀ ତାଙ୍କ ଗାଁକୁ ଆସିଥିଲେ ଏବଂ ତାଙ୍କୁ ସାକ୍ଷାତ କରିଥିଲେ ସୁବଳ ଓ ତାଙ୍କ ବାପା ମା । ସେହି ବାବାଜୀମାନେ କହିଥିଲେ ଯେ ପୁଅକୁ ଅଲେଖ ଦୀକ୍ଷାରେ ଦୀକ୍ଷିତ କଲେ ଆପଣଙ୍କ ସବୁ ଦୁଃଖ ଅପସରିଯିବ ଏବଂ  ସୁବଳର ଦେହ ମଧ୍ୟ ସବୁବେଳେ ଭଲ ରହିବ । ସମସ୍ତ ଆଶା ହରାଇ ବସିଥିବା ଏବଂ ସବୁ ସ୍ଥାନରୁ ଖାଲି ହାତରେ ଫେରିଥିବା ସୁବଳର ବାପା ଓ ମା ଅନିଚ୍ଛା ସତ୍ୱେ ବାବାଜୀଙ୍କ କଥାରେ ରାଜି ହୋଇଯାଇଥିଲେ । ସେହି ମୁହୂର୍ତରେହିଁ ସୁବଳ ଅଲେଖ ଦୀକ୍ଷା ଗ୍ରହଣ କରିଥିଲେ ଏବଂ ବାବାଜୀ ମାନଙ୍କ ସହ ଘର ଛାଡି ଚାଲିଯାଇଥିଲେ । ସେହିଦିନ ଠାରୁ ପରିବାରର ମୋହ ମାୟାରୁ ମୁକ୍ତ ହୋଇ ସବୁଦିନ ପାଇଁ ପ୍ରଭୁଙ୍କ ଆଶ୍ରୟକୁ ନିଜ ଭାଗ୍ୟ ଭାବେ ଗ୍ରହଣ କରିଥିଲେ ସୁବଳ । ଧିରେ ଧିରେ ତାଙ୍କ ଦେହ ଭଲ ହୋଇଯାଇଥିଲା । ତା ସହ ବଢିଥିଲା ଭଗବାନ ଉପରେ ଦୃଢ ବିଶ୍ୱାସ ଓ ଭକ୍ତି ।
 
ସ୍ୱର୍ଗତ ଗୁରୁ ଚକ୍ରଧର ବାବାଙ୍କ ଶିଷ୍ୟତ୍ୱ ଗ୍ରହଣ କରି ଜୀବନର ପ୍ରତିଟି ପାହଚ ସେ ଚଢି ଚାଲିଛନ୍ତି । ଏବେ ତାଙ୍କୁ ବୟୟ ପ୍ରାୟ ୪୮ ବର୍ଷ । ସାଂସାରିକ ଜୀବନରୁ ମୁକ୍ତ ରହି ଆଠଗଡ ସ୍ଥିତ ଘଂଟିଖାଲ ଠାରେ ଅନ୍ୟ କିଛି ବାବାଜୀଙ୍କ ସହ ଏବେ ସେ ଜଣେ ସନ୍ଥ ଭାବେ ଜୀବନ ଯାପନ କରୁଛନ୍ତି । ସବୁ ବାବାଜୀଙ୍କ ଭଳି ଭିକ୍ଷାବୃତି କରି ସେ ଚଳି ଯାଉଛନ୍ତି । ପ୍ରତିଦିନ ସୂର୍ଯେ୍ୟାଦ୍ୱୟ ପୂର୍ବରୁ ଶଯ୍ୟା ତ୍ୟାଗ କରନ୍ତି ସୁବଳ ବାବା ଏବଂ ସନ୍ଧ୍ୟା ହେବା ପୂର୍ବରୁ ସେ ଖାଦ୍ୟ ଗ୍ରହଣ କରନ୍ତି । ଖାଦ୍ୟ ଭାବେ ଭାତ, ଡାଲମା ମୁଖ୍ୟତଃ ସେ ଗ୍ରହଣ କରିଥାନ୍ତି । ଏହି ସବୁ ଦ୍ୱାରା କଷ୍ଟ ହୁଏନି ବୋଲି ପଚାରିବାରୁ ସେ କୁହନ୍ତି ଯେ ପିଲା ଦିନେ ଚଣା ସିଝା, ବାଉଁଶ ସିଝା, ମାଣ୍ଡିଆ ଯାଉ ଆଦି ହିଁ ଖାଇବାକୁ ମିଳୁଥିଲା । ବେଳେ ବେଳେ ୩-୪ ଦିନ ଉପବାସରେ ରହିଛନ୍ତି ବୋଲି ସେ କୁହନ୍ତି । ଘରର ଆର୍ଥôକ ସ୍ଥିତି ଭଲ ନଥିବାରୁ ଆକ୍ଷରିକ ଶିକ୍ଷାରୁ ସେ ବଂଚିତ ।
 
ଘଂଟିଖାଲ ସ୍ଥିତ ଆଶ୍ରମକୁ ଭକ୍ତ ବେଳେ ବେଳେ ଆସିଥାନ୍ତି । କିନ୍ତୁ ବର୍ତମାନ ସମୟର ଭଣ୍ଡ ଏବଂ ଅର୍ଥଲୋଭୀ ବାବା ମାନଙ୍କ ପାଇଁ ତାଙ୍କୁ ଏବଂ ଅନ୍ୟ ସାଧୁ ମାନଙ୍କୁ ଅନେକ ସମୟରେ ବିଭିନ୍ନ ସ୍ଥାନରେ ଲଜ୍ଜିତ ହେବାକୁ ପଡିଛି । ଭଗବାନଙ୍କ ନାଁରେ ମିଛ କହି ଓ ଅନ୍ଧବିଶ୍ୱାସକୁ ସମ୍ବଳ କରି ସମାଜକୁ ତଥା ଲୋକ ମାନଙ୍କୁ ଭୁଆଁ ବୁଲାଉଥିବା ଭଣ୍ଡ ବାବାଙ୍କ ବିରୋଧରେ ସୁବଳ ବାବଙ୍କର ଅନେକ ଅଭିଯୋଗ । କିନ୍ତୁ ସେ ନୀରବଦ୍ରଷ୍ଟା ଏବଂ ନିରୂପାୟ । ତେଣୁ ସମାଜର ସୁଭବିଷ୍ୟତ ପାଇଁ ସବୁବେଳେ ପ୍ରାର୍ଥନା କରନ୍ତି ବାବାଜୀ ସୁବଳ ।
 
        </description>
      </item>
      <item>
        <title>
           ସାଇକେଲ୍‌ରେ ସ୍ୱାସ୍ଥ୍ୟ ସେବା
        </title>
        <link>
           http://khabarodisha.com/Report-With-Selfie/Treatment-in-Cycle-Bhubaneswar-8280
        </link>
        <guid>
           http://khabarodisha.com/Report-With-Selfie/Treatment-in-Cycle-Bhubaneswar-8280
        </guid>
        <pubDate>
           Thu, 09 Feb 2017 00:00:00 GMT
        </pubDate>
        <description>
ସାଇକେଲ୍‌ରେ ସଜା ହୋଇଛି ଭଳିକି ଭଳି ଆୟୁର୍ବେଦିକ ଔଷଧ। ବ୍ୟାଟେରୀ ଚାଳିତ ଛୋଟ ଏକ ଡାକବାଜି ଯନ୍ତ୍ର ବି ରହିଛି। ସାଇକେଲ୍‌କୁ ଗଡାଇ ଔଷଧର ଗୁଣ ଓ ଉପକାରୀତାକୁ ପ୍ରଚାର କରି ଗ୍ରାହକଙ୍କ ଧ୍ୟାନ ଆକର୍ଷଣ କରୁଛନ୍ତି ଜଣେ ୨୮ ବର୍ଷର ଯୁବକ।
 
ଯୁବକଙ୍କ ନାମ ହେଉଛି ରାଣା। ଘର ପଶ୍ଚିମବଙ୍ଗରେ। ରହନ୍ତି କଟକରେ, ବୃତ୍ତି ଭୁବନେଶ୍ୱରରେ। କଟକରୁ ଭୋର୍‌ ୪ରୁ ଟ୍ରେନ୍‌ରେ ଆସି ଓହ୍ଲାନ୍ତି ଭୁବନେଶ୍ୱର ରେଳ ଷ୍ଟେସନରେ। ମାଷ୍ଟରକ୍ୟାଣ୍ଟିନ୍ ରେଳ ଷ୍ଟେସନ୍‌ ନିକଟ ସାଇକେଲ୍‌ ଷ୍ଟାଣ୍ଡରେ ରଖିଥାନ୍ତି ତାଙ୍କର ସାଇକେଲ୍‌। କାନ୍ଧରେ ଓହଳାଇଥିବା ଔଷଧ ଭର୍ତ୍ତି ବ୍ୟାଗ୍‌କୁ ସାଇକେଲ୍‌ ପଛରେ ସଜେଇ ଜୀବିକାର ଯାତ୍ରା ଆରମ୍ଭ କରିନ୍ତି। ରାଜଧାନୀର ରାଜରାସ୍ତାରେ ବୁଲି ବୁଲି ଔଷଧ ବିକନ୍ତି। ୟୁନିଟ୍‌-୩ ସ୍ଥିତ ‘ଉତ୍କଳିକା’ ଭବନ ନିକଟରେ ଅଧିକାଂଶ ସମୟରେ ରାଣାଙ୍କ ଦେଖା ମିଳେ।
 
ଦାନ୍ତବିନ୍ଧା ମୁଣ୍ଡବିନ୍ଧା ଠାରୁ ସ୍ମୃତି ଶକ୍ତି ବର୍ଦ୍ଧକ ଯାଏ ୬୦-୭୦ ପ୍ରକାରର ଚୂର୍ଣ୍ଣ, ତୈଳ, ଭସ୍ମ, ବଟିକା, ମଲମ, ବାମକୁ  ସେ କଟକର ହୋଲ୍‌ସେଲ୍‌ ଡିଷ୍ଟ୍ରିବ୍ୟୁଟରଙ୍କ ଠାରୁ ନଗଦ ଅର୍ଥ ଦେଇ କିଣନ୍ତି। ସମୁଦାୟ ତିନି ହଜାର ଟଙ୍କାର ସାମଗ୍ରୀ। କୋଉଦିନ ୧୦୦୦ ତ କୋଉ ଦିନ ୨୦୦୦ ଟଙ୍କାର ଔଷଧ ବିକ୍ରି ହେଉଥିବା କଥା କହନ୍ତି ରାଣା। ଏଥିରୁ ଦୈନିକ ୨୦୦ରୁ ୫୦୦ ଟଙ୍କା ପର୍ୟ୍ୟନ୍ତ ଲାଭ ମିଳେ ଓ ସେଥିରୁ ପରିବାର ଚଳିଯାଏ। ଏହା କେବଳ ଏକ ବୃତ୍ତି ନୁହେଁ ଏଥିରୁ ଅନେକ ଲୋକଙ୍କୁ ଆରୋଗ୍ୟ ପ୍ରଦାନ କରାଯାଉଥିବା ଶୁଣିଲେ ମନଟା କୁଣ୍ଡେ ମୋଟ ହୋଇଯାଏ ବୋଲି ରାଣା କହନ୍ତି।


 
        </description>
      </item>
      <item>
        <title>
           ଅବହେଳିତ ଅବସ୍ଥାରେ ମହାପୁରୁଷଙ୍କ ପ୍ରତିମୂର୍ତି
        </title>
        <link>
           http://khabarodisha.com/Report-With-Selfie/Statues-Of-Heroes-Neglected-7541
        </link>
        <guid>
           http://khabarodisha.com/Report-With-Selfie/Statues-Of-Heroes-Neglected-7541
        </guid>
        <pubDate>
           Mon, 23 Jan 2017 00:00:00 GMT
        </pubDate>
        <description>

୧୯୪୭ ମସିହାରେ ସ୍ୱାଧୀନ ହୋଇଥିଲା ଆମ ଭାରତବର୍ଷ । ପାଖାପାଖି ୨୦୦ ବର୍ଷର ଅତ୍ୟାଚାରୀ ଇଂରେଜ ମାନଙ୍କ ଶାସନରୁ ଆମକୁ ମୁକ୍ତି ମିଳିଥିଲା । ଏଥିପାଇଁ ଅନେକ ନେତା, ସଂଗ୍ରାମୀ, କବି, ଲେଖକମାନେ ବିଶେଷ ଭୂମିକା ଗ୍ରହଣ କରିଥିଲେ । ଅନ୍ୟ ଶବ୍ଦରେ କହିବାକୁ ଗଲେ ଏହି ମହାପୁରୁଷ ମାନଙ୍କ ପାଇଁ ସମଗ୍ର ଦେଶ ଏବଂ ଏହାର ଅଧିବାସୀ ଆଜି ସ୍ୱାଧୀନତା ସହ ଜୀବନ ଅତିବାହିତ କରୁଛନ୍ତି । ଇଂରେଜ ମାନଙ୍କ ଅକଥନୀୟ ଅତ୍ୟାଚାର ସହି, ଜେଲ ଯାଇ ଫାଶି ଖୁଂଟରେ ଝୁଲି ଦେଶକୁ ମୁକ୍ତ କରିଥିବା ଏହି ମହାମାନବ ମାନଙ୍କୁ ସମ୍ମାନ ଜଣାଇବା ବା ତାଙ୍କ ସ୍ମୃତିକୁ ସବୁଦିନ ସତେଜ ରଖିବା ପାଇଁ ଦେଶର କୋଣ ଅନୁକୋଣରେ ବିଭିନ୍ନ ପାର୍କ, ଛକ, ବଜାର, ସରକାରୀ କାର୍ଯ୍ୟାଳୟ ଆଦିରେ ଅନେକ ପ୍ରତିମୂର୍ତିମାନ ସ୍ଥାପନ କରାଯାଇଛି । ଆମ ରାଜ୍ୟର ରାଜଧାନୀ ଭୁବନେଶ୍ୱରରେ ମଧ୍ୟ ମହାପୁରୁଷ ମାନଙ୍କ ସମ୍ମାନାର୍ଥେ ବା ସ୍ମୃତିରେ ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ଅନେକ ପ୍ରତିମୂର୍ତି ନିର୍ମାଣ କରାଯାଇଛି ।

କିନ୍ତୁ ସେଗୁଡିକର ସୁନ୍ଦରତା ଏବଂ ବାସ୍ତବ ସ୍ଥିତି ଏକ ଭିନ୍ନ ଚିତ୍ର ଉପସ୍ଥାପନ କରୁଛି । ରାସ୍ତାରେ ଉଡୁଥିବା ଧୂଳି-ଧୂଆଁ, ଅଳିଆ-ଆବର୍ଜନା, ପଶୁ-ପକ୍ଷୀ ମାନଙ୍କର ମଳରେ ଆଚ୍ଛାଦିତ ହୋଇରହିଛି ପ୍ରତିଟି ପ୍ରତିମୂର୍ତି । କିଛି କିଛି ସ୍ଥାନରେ କେବଳ ମୂର୍ତି ଗୁଡିକର ଭଗ୍ନନାବଶେଷ ପଡି ରହିଛି । ମହାପୁରୁଷ ମାନଙ୍କର ଜୟନ୍ତୀ କିମ୍ବା ପୂଣ୍ୟତିଥି ଭଳି ଦିନ ମାନଙ୍କରେ ହିଁ କେବଳ ସେଗୁଡିକି ଧୋଇ ଦିଆଯାଉଛି ଏବଂ ଫୁଲମାଳଟିଏ ପିନ୍ଧାଇଦେଇ ଯାଉଛି । ଅନ୍ୟ ସମୟରେ ନା ସେଗୁଡିକ କାହାକୁ ଦେଖାଯାଉଛି ନା ସେସବୁର ସୁରକ୍ଷା ପାଇଁ କୌଣସି ପଦକ୍ଷେପ ନିଆଯାଉଛି । ଆଉ ୪ଦିନ ପରେ ସାଧାରଣତନ୍ତ୍ର ଦିବସ । ଏଥିପାଇଁ ବିଭିନ୍ନ ସ୍କୁଲ-କଲେଜ, ସରକାରୀ-ବେସରକାରୀ କାର୍ଯ୍ୟାଳୟ ଆଦିରେ ଆରମ୍ଭ ହୋଇ ଗଲାଣି ପ୍ରସ୍ତୁତି । କିନ୍ତୁ ଭାରତୀୟ ସମ୍ବିଧାନର ମୁଖ୍ୟ ବସ୍ତୁକାର ବି.ଆର୍. ଆମ୍ବେଦକର ତଥା ସ୍ୱାଧୀନ ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁଙ୍କ ପ୍ରତିମୂର୍ତି ଗୁଡିକ ଅତ୍ୟନ୍ତ ଦୟନୀୟ ପରିସ୍ଥିତିରେ ଅବହେଳିତ ଭାବେ ପଡି ରହିଛି । ଏମିତି ସମସ୍ତ ପ୍ରତିମୂର୍ତିର ଅବସ୍ଥା ପ୍ରାୟ ସମାନ । ଏହାସବୁ ଦେଖିଲେ ମହାପୁରୁଷ ମାନଙ୍କ ପ୍ରତି ଆମ ସରକାରଙ୍କର କେତେ ସମ୍ମାନ ଅଛି ତାହା ସ୍ପଷ୍ଟ ଭାବେ ବାରି ହୋଇ ପଡୁଛି । 
ପ୍ରତିମୂର୍ତି ଗୁଡିକର ରକ୍ଷଣାବେକ୍ଷଣ ଏବଂ ସଂରକ୍ଷଣ ପାଇଁ ସରକାର ଅନେକଥର ବିଭିନ୍ନ ଯୋଜନା ଆଗତ ଏବଂ ପ୍ରଣୟନ କରିଛନ୍ତି । ମୂର୍ତି ଗୁଡିକର ସୌନ୍ଦର୍ଯ୍ୟ ଏବଂ ସୁରକ୍ଷା ପାଇଁ ରାଜ୍ୟ ସରକାର ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି । ଏହାଛଡା ଅନେକଥର ବିଭିନ୍ନ ଗଣମାଧ୍ୟମରେ ପ୍ରତିମୂର୍ତି ଗୁଡିକର ଅବହେଳିତ ଅବସ୍ଥାକୁ ନେଇ ଖବର ପ୍ରସାରଣ ତଥା ସଚେତନ କରାଯାଇଥିଲେ ମଧ୍ୟ ସବୁ ଯେମିତି ଫଳଶୂନ୍ୟ ହୋଇଛି । ଆମକୁ ସ୍ୱାଧୀନତାର ଉପହାର ଦେଇଥିବା ସଂଗ୍ରାମୀ ମାନଙ୍କୁ ସତରେ ସମ୍ମାନ ଦେବା ଉଚିତ୍ ବୋଲ ଯଦିି ସରକାର ହୃଦୟଙ୍ଗମ କରୁଛନ୍ତି ତେବେ ସେମାନଙ୍କ  ସ୍ମୃତି ଉଦେ୍ଦଶ୍ୟରେ ନିର୍ମାଣ କରାଯାଉଥିବା ପ୍ରତିମୂର୍ତି ଗୁଡିକର ସଂରକ୍ଷଣ ତଥା ରକ୍ଷଣାବେକ୍ଷଣ ପାଇଁ ନୀତିଦିନ ପ୍ରୟାସ ଜରୁରୀ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।
-ପ୍ରଦୀପ୍ତ
        </description>
      </item>
      <item>
        <title>
           ଭିକ୍ଷାବୃତି : କାହା ପାଇଁ ବାଧ୍ୟତାମୂଳକ ତ କାହା ପାଇଁ ରୋଜଗାର କରିବାର ଏକ ସହଜ ଉପାୟ
        </title>
        <link>
           http://khabarodisha.com/Report-With-Selfie/-6753
        </link>
        <guid>
           http://khabarodisha.com/Report-With-Selfie/-6753
        </guid>
        <pubDate>
           Wed, 04 Jan 2017 00:00:00 GMT
        </pubDate>
        <description>
ଭୁବନେଶ୍ୱର,ଜାନୁଆରୀ ୦୪ : ପୁରାଣ ଯୁଗ ହେଉ ଅବା ଆଦିମ ଯୁଗ କିମ୍ବା ଆଜିର ଏ ଆଧୁନିକ ଯୁଗ। ବର୍ତ୍ତମାନ ଭିକ୍ଷାବୃତି ଆମ ସମାଜର ଏକ ପ୍ରଚଳିତ ଧାରା ଭାବେ ଚାଲିଆସିଛି । ପୁରାଣରେ ବର୍ଣ୍ଣିତ ହୋଇଛି ସାଧାରଣତଃ ଯୋଗୀ ମୁନି ମାନେ ଭିକ୍ଷାବୃତି କରିଥାନ୍ତି । ହେଲେ ଆଜିର ଏ ଆଧୁନିକ ଯୁଗରେ ଯୋଗୀ ମୁନି ମାନଙ୍କ ଅପେକ୍ଷା ଗରିବ ଅସହାୟ ଓ ସାଧାରଣ ଲୋକମାନଙ୍କୁ ଭିକ୍ଷା ବୃତି କରୁଥିବାର ଦେଖିବାକୁ ମିଳୁଛି । ଏସବୁର କାରଣ ଖୋଜି ବସିଲେ ଏହା ହିଁ ସାମ୍ନାକୁ ଆସୁଛି ଯେ ସମାଜରେ ବଢୁଥିବା ଅନାହାର ଓ ବେକାରୀ ସମସ୍ୟା ଯୋଗୁଁ ଭିକ୍ଷାବୃତି କରୁଥିବା ଲୋକମାନଙ୍କର ସଂଖ୍ୟା ବୃଦ୍ଧି ପାଇବାରେ ଲାଗିଛି । 
           କିନ୍ତୁ କିଛି ଆଳସ୍ୟପରାୟଣ ଲୋକ ଭିକ୍ଷାବୃତି କୁ ସେମାନଙ୍କର ପଇସା ରୋଜଗାର କରିବାର  ଏକ ସହଜ ଉପାୟ ଭାବେ ବାଛି ନେଇଛନ୍ତି । ଯେଉଁଥିପାଇଁ ଭିକ୍ଷାବୃତି କରୁଥିବା ଲୋକମାନଙ୍କର ପରିଚୟ ଧୀରେ ଧୀରେ କଳଙ୍କିତ ହେବାରେ ଲାଗିଛି । 
        ସତ୍ୟନଗରର ଦିନନାଥ ଓଝାଙ୍କ  କହିବା ଅନୁସାରେ ସେ ରାମ ମନ୍ଦିରକୁ ପ୍ରାୟ ସବୁବେଳେ ଆସିଥାନ୍ତି ହେଲେ ଦିନେ ତାଙ୍କୁ ୩ ରୁ ୪ ଜଣ ଛୋଟ ପିଲା ଘେରିଯାଇ ଭିକ ମାଗିଲେ ସେ ସେମାନଙ୍କୁ ଖାଇବାପାଇଁ କହିବାରୁ ସେ ମନା କରି କେବଳ ଟଙ୍କା ନେବେ ବୋଲି କହିଥିଲେ । ଆଉ ଦିନନାଥ ଟଙ୍କା ନଦେବାରୁ ସେମାନେ ତାଙ୍କୁ ଖରାପ ଭାଷାରେ ଗାଳିଗୁଲଜ କରିଥିଲେ । ଏହାପରଠୁ ସେ ଆଉ କେବେ କେଉଁ ଭିକାରୀଟିକୁ ବି ପଇସା ଦେବାକୁ ପସନ୍ଦ କରନ୍ତିନି । 
           ସେହିପରି ମନ୍ଦିର ସମ୍ନାରେ ଭିକ୍ଷାବୃତି କରୁଥିବା ହାରାମଣି ବେୱା କୁହନ୍ତି ଦୀର୍ଘ ୯ ବର୍ଷ ହେବ ରାମ ମନ୍ଦିର ଆଗରେ ଭିକ୍ଷାବୃତି କରିଆସୁଛନ୍ତି । ଆଗ ଅପେକ୍ଷା ଏବେ ଲୋକମାନେ ଆଉ ଅଧିକ ଭିକ ଦେବାକୁ ପସନ୍ଦ କରୁନାହାନ୍ତି । କେବଳ ମନ୍ଦିର ବାର ଦିନକୁ ଛାଡି ଦେଲେ ଅଲଗା ଦିନରେ ଦିମୁଠା ଦିଓଳି ଖାଇବାକୁ ବି ମିଳେନି । 
କଥାରେ ଅଛି ଭେକ ଥିଲେ ଭିକ ମିଳେ । ହେଲେ ଆଜି ଏହିପରି କିଛି ଆଳସ୍ୟପରାୟଣ ଲୋକମାନଙ୍କ ଯୋଗୁଁ ଯେଉଁମାନେ ଅସଲରେ ପେଟର ଭୋକ ପାଇଁ ଲୋକ ଲଜ୍ଜ୍ୟା ଭିତରେ ବି  ଭିକ୍ଷାବୃତି କରୁଛନ୍ତି ସେମାନଙ୍କୁ ଭିକ ଗଣ୍ଡେ ମିଳିବା କଷ୍ଟକର ହେଲାଣି । 

 
        </description>
      </item>
      <item>
        <title>
           ବିମୁଦ୍ରୀକରଣରେ ସାଧାରଣଲୋକଙ୍କ ପ୍ରଥମ ପସନ୍ଦ:ପେଟିଏମ୍
        </title>
        <link>
           http://khabarodisha.com/Report-With-Selfie/bhubaneswar-people-useing-paytm-after-demonitisation-6718
        </link>
        <guid>
           http://khabarodisha.com/Report-With-Selfie/bhubaneswar-people-useing-paytm-after-demonitisation-6718
        </guid>
        <pubDate>
           Tue, 03 Jan 2017 00:00:00 GMT
        </pubDate>
        <description>
ଭୁବନେଶ୍ୱର,  ଜାନୁଆରୀ ୦୩: ନଭେମ୍ବର ୮ତାରିଖ ରାତି୮ଟା ପ୍ରଧାନମନ୍ତ୍ରୀଙ୍କ ବିମୁଦ୍ରୀକରଣ ଘୋଷଣା ପୁରା ଭାରତବାସୀଙ୍କୁ  ସ୍ତବ୍ଧ କରିଦେଇଥିଲା। ପ୍ରଧାନମନ୍ତ୍ରୀଙ୍କ ଏହି ଘୋଷଣାର ଆଜି ୫୩ଦିନ ପୁରିଛି, ତଥାପି ନୋଟ୍‌ର ଅଭାବ ଏଟିଏମ୍ ମାନଙ୍କରେ ଦେଖିବାକୁ ମିଳୁଛି। ସେଥିପାଇଁ ସାଧାରଣ ଲୋକମାନେ ଅନ୍‌ଲାଇନ ପେମେଂଟକୁ ଆପଣାଉଛନ୍ତି। ବିମୁଦ୍ରୀକରଣରକୁ ସାରା ଦେଶ ସାମ୍ନା କରୁଥିବାବେଳେ, ସ୍ମାର୍ଟ ସିଟିର ପ୍ରତ୍ୟେକ ଛୋଟବଡ ବ୍ୟବସାୟୀମାନେ ଡିଜିଟାଲ ପେମେଂଟ୍ ବ୍ୟବସ୍ଥାକୁ ଉପଭୋକ୍ତା ମାନଙ୍କୁ ଭେଟି ଦେଇଛନ୍ତି।
                                                                                   
କେଶରୀ ହଲ୍ ନିକଟରେ ଥିବା ପାନଦୋକାନୀ କେଦାର ସାହୁ, ଡିଜିଟାଲ ପେମେଂଟ୍‌କୁ ଗୁରୁତ୍ୱ ଦେଇ କିଣାବିକା ପାଇଁ ପେଟିଏମ୍ ବ୍ୟବହାରକୁ ଗୁରୁତ୍ୱ ଦେଇଛନ୍ତି। ୫୦୦ ଓ ୧୦୦୦ ଟଙ୍କା ନୋଟ ଅଚଳ ଏବଂ ଏଟିଏମ୍‌ରେ କ୍ୟାସ୍ ଅଭାବ ପାଇଁ ଶ୍ରୀ ସାହୁ ଗଲା ୧୯ ତାରିଖରୁ ପେଟିଏମ୍ ଦ୍ୱାରା ଟଙ୍କା ନେଣଦେଣ ଆରମ୍ଭ କରିଛନ୍ତି। ସେ ତାଙ୍କ ପେଟିଏମ୍ ଆକାଉଂଟ୍‌କୁ ତାଙ୍କ ବ୍ୟାଙ୍କ ଆକାଉଂଟ ସହିତ ଯୋଡିଛନ୍ତି। ତା’ପରେ ସେ ତାଙ୍କ ପେଟିଏମ୍ ଆକାଉଂଟ୍‌ରୁ ବ୍ୟାଙ୍କ ଆକାଉଂଟକୁ କେତେବେଳେ ବି ଟଙ୍କା ଟ୍ରାନ୍ସଫର କରିପାରୁଛନ୍ତି । ତାଙ୍କ କହିବା ଅନୁସାରେ  କଲେଜ ପଢୁଆ ଏବଂ ଯୁବପିଢ଼ିଙ୍କ ଦ୍ୱାରା ଏହି ଡିଜିଟାଲ ପେମେଂଟ ଖୁବ୍ ଆଦୃତ ହୋଇଛି। ସ୍ମାର୍ଟଫୋନ ଏବଂ  ଇଂଟରନେଟ୍‌ର ବହୁଳ ବ୍ୟବହାର ଯୋଗୁଁ ପେଟିଏମ୍  ବ୍ୟବହାରରେ କିଛି ଅସୁବିଧା ହେଉ ନଥିବା ବୋଲି ସେ କହିଥିଲେ।
 
ସେହିପରି ପ୍ରତାପ ମହାରଣା ଜଣେ ଗ୍ରାହକ ହିସାବରେ କହିଥଲେ ବିମୁଦ୍ରୀକରଣ ପାଇଁ ପେଟିଏମ୍ ଦ୍ୱାରା ଦେଣନେଣ ଗୋଟିଏ ଭଲ ଉପାୟ  । ଶ୍ରୀ ମହାରଣା କହିବା ଅନୁସାରେ  ସ୍ମାର୍ଟଫୋନ ଯୁଗରେ  ଅନ୍‌ଲାଇନ ପେମେଂଟ କରିବା କିଛି ବଡ ଡିଲ୍ ନୁହେଁ  । ଏବଂ ମୋଦିଙ୍କ ଏହି ଘୋଷଣା ପରେ ଦେଶ କ୍ୟାସ୍‌ଲେସ ଆଡକୁ ଗତି କରିବା ଗୋଟିଏ ଭଲ ପଦକ୍ଷେପ ବୋଲି କହିଥଲେ  ।

ଅନ୍ୟପକ୍ଷରେ ୪ନମ୍ବର ମାର୍କେଟର ବ୍ରଏଲର୍ ଦୋକାନୀ ସୁରେଶ ସାହୁ ୧୦ଦିନ ହେଲା ପେଟିଏମ୍ ବ୍ୟବହାର ଆରମ୍ଭ କରିଛନ୍ତି। ସେ କହିଥିଲେ ଯେ ଟଙ୍କା ଅଚଳାବସ୍ଥା ସମୟରେ ଗ୍ରାହକଙ୍କୁ କ୍ୟାସ ଲେନଦେନ୍ ରେ ଅସୁବିଧା ହେଉଥିବାବେଳେ ପେଟିଏମ୍ ର ବ୍ୟବହାରକୁ ଗୁରୁତ୍ୱ ଦେଇଛନ୍ତି। ପେଟିଏମ୍ ରେ କେବଳ ଯୁବପିଢି ଗ୍ରାହକ ବ୍ୟବହାର କରୁଥିବାବେଳେ ଅଧିକାଂଶ ଲୋକ କ୍ୟାସ୍ ରେ ନେଣଦେଣ କରୁଛନ୍ତି।
 
ପେଟିଏମ୍  ଯେ କେବଳ ବ୍ୟବସାୟୀ ମାନଙ୍କ ପାଇଁ, ତାହାନୁହେଁ  ଉଭୟ ଗ୍ରାହକ ଓ ବ୍ୟବସାୟୀ ମାନଙ୍କ ପାଇଁ ଏକ ଟଙ୍କା ଦେଣନେଣର ବଳିଷ୍ଠ ମାଧ୍ୟମ ପାଲଟିଛି ।
        </description>
      </item>
   </rss>
 </channel>