<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ମୁଖ୍ୟମନ୍ତ୍ରୀଙ୍କ ନଜର ପଡୁ ! ଚାରି ପିଲାଙ୍କୁ ଧରି ନାରାୟଣ ରାଜରାସ୍ତାରେ, ସରପଂଚ ମାଡିବସିଛନ୍ତି ଜମି ଆଉ ଘର
        </title>
        <link>
           http://khabarodisha.com/Quick-Comment/Pipili-Sarapancha-Threatens-Poor-Family-41305
        </link>
        <guid>
           http://khabarodisha.com/Quick-Comment/Pipili-Sarapancha-Threatens-Poor-Family-41305
        </guid>
        <pubDate>
           Sat, 13 Oct 2018 18:06:40 GMT
        </pubDate>
        <description>

 ଲୋକପ୍ରତିନିଧୀମାନଙ୍କର ଅରାଜକତା ସୀମାଲଙ୍ଘିଲାଣି । ଭୁଲିଗଲେଣି ନୀତି ନୈତିକତା । ଅନ୍ଧ କରିଛି ଅର୍ଥ ଆଉ ଜମି ଲୋଭ । ସାଥ ଦେଉଛି କ୍ଷମତା ଆଉ ପ୍ରଶାସନ । ଆଉ ସେଇ ଲୋଭରେ ଏତେ ଅନ୍ଧ ଯେ ନିଜର ଭାଇ ପ୍ରତିବି ଅନ୍ୟାୟ ଆଉ ଅବିଚାର । ଆଉ ନିଜର ହକ ପାଇଁ ଲଢି ଲଢି ସବୁଆଡୁ ନିରାଶ ହେଲାପରେ ଶେଷରେ ଲୋୟର ପିଏମଜିରେ ଧାରଣା ଦେଉଛନ୍ତି ନାରାୟଣ ଧଳ । ଘର ପୁରୀ ଜିଲ୍ଲାର ପିପିଲି ବ୍ଲକର କଂଟି ପଂଚାୟତରେ ।

ନାରାୟଣଙ୍କ ଜମି ଆଉ ଘର ମାଡି ବସିଛନ୍ତି କଂଟି ପଂଚାୟତର ସରପଂଚ ପ୍ରକାଶ ଧଳ । ପ୍ରକାଶ ଧଳ ହେଉଛନ୍ତି କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କର ଖାସ ଅନୁଗତ । ନାରାୟଣ ହେଉଛନ୍ତି ସରପଂଚ ପ୍ରକାଶଙ୍କର ସାହି ଭାଇ । ନାରାୟଣଙ୍କର ବାପା ଥିଲେ ନିରକ୍ଷର ଆଉ ସରଳ । ନିଜ ପିଲା ମାନଙ୍କୁ ବେଶି ପାଠ ପଢାଇ ପାରିଲେନି ନାରାୟଣଙ୍କର ବାପା । ନିଜର ପୈତୃକ ପରିବାରର ଥିବା ୩୫ ଏକର ଚାଷ ଜମିରେ ଅଛି ନାରାୟଣଙ୍କ ପରିବାର ଏବଂ ପ୍ରକାଶଙ୍କ ପରିବାରଙ୍କର ଭାଗ । ହେଲେ ନାରାୟଣଙ୍କୁ ତାଙ୍କ ପ୍ରାପ୍ୟ ଦେଉନାହାନ୍ତି ସରପଂଚ ପ୍ରକାଶ । ଖାଲି ଚାଷ ଜମି ନୁହେଁ ତାଙ୍କର ଘର ଡିହକୁ ବି ମାଡିବସିଛନ୍ତି ପ୍ରକାଶ ଧଳ । ନିଜର ଅଭିଯୋଗ ନାରାୟଣ ପିପିଲି ଥାନାରେ ଲିଖିତ ଜଣାଇଥିଲେ । ହେଲେ ଫଳ ହେଲା ଶୂନ । ମାମଲା କରିବା ଆଉ କେସ ଲଢିବା ପାଇଁ ଆର୍ଥୀକ ସକ୍ଷମ ନଥିବା ନାରାୟଣ ଜିଲ୍ଲା ଏସପି, କଲେକ୍ଟର ସମସ୍ତଙ୍କୁ ଗୁହାରି କଲେ । ହେଲେ ଭାରି ପଡିଲା ପ୍ରକାଶଙ୍କର ଶାସକ ଦଳର ଲିଙ୍କ । ଏସପିଙ୍କ ଠାରୁ କଲେକ୍ଟର ସମସ୍ତେ ନାରାୟଣଙ୍କୁ ପ୍ରଥମେ ଆଶ୍ୱାସନା ଦେଇ କିଛି କରିବେ ବୋଲି କୁହନ୍ତି ହେଲେ କିଛି ଦିନ ପରେ ଆସିଯାଏ ଉପରୁ ଫୋନ । ସେଥିରେ ବଦଳି ଯାଆନ୍ତି ପ୍ରଶାସନିକ ଅଧିକାରୀ ମାନେ । ସବୁଆଡୁ ନିରାଶ ହେବା ପରେ ନାରାୟଣ ବାଛି ନେଇଛନ୍ତି ଲୋୟର ପିଏମଜି । ଆଜକୁ ୧ ବର୍ଷ ହେଲାଣି ବସିଛନ୍ତି ଧାରଣାରେ । କାଳେ କେଉଁ ଦିନ ମୁଖ୍ୟମନ୍ତ୍ରୀଙ୍କର ନଜର ପଡିବ । ତାଙ୍କୁ ତାଙ୍କର ହକ ମିଳିବ ।

ନାରାୟଣ ନିଜର ପତ୍ନୀ ଆଉଚାରୋଟି ଛୁଆଙ୍କୁ ଧରି ଦିନ କାଟୁଛନ୍ତି ଲୋୟର ପିଏମଜି । ପ୍ରଥମ ଏବଂ ଦ୍ୱିତୀୟ ଝିଅର ସ୍କୁଲ ଯିବା ବୟସ ହୋଇସାରିଥିବାବେଳେ ପରିବାରର ଏହି ଅସୁବିଧା ପାଇଁ ସେମାନେ ପାଠ ପଢୁପାରୁନାହାନ୍ତି । ବାପା ମାଙ୍କ ସେମାନେ ବି ଏବେ ରାଜରାସ୍ତାରେ ।

        </description>
      </item>
      <item>
        <title>
           ମାନିଲେ ସରକାର ! ବନ୍ୟା ପାଇଁ ନଥିଲେ ପ୍ରସ୍ତୁତ
        </title>
        <link>
           http://khabarodisha.com/Quick-Comment/Titli-Cyclone-Odisha-Government-Not-Prepared-41225
        </link>
        <guid>
           http://khabarodisha.com/Quick-Comment/Titli-Cyclone-Odisha-Government-Not-Prepared-41225
        </guid>
        <pubDate>
           Fri, 12 Oct 2018 13:24:21 GMT
        </pubDate>
        <description>

 ଭୁବନେଶ୍ୱର – ୧୨ ଅକ୍ଟୋବର – ବାତ୍ୟା ପରେ ବର୍ଷା ହେବ ଏବଂ ବର୍ଷା ହେଲେ ବନ୍ୟା ହେବ । ଏକଥା କିଛି ନୁଆ କଥା ନୁହେଁ । ସୃଷ୍ଟିର ଏହି ଚିରା ଚରିତ କଥା । ଆଉ ଓଡିଶାରେ ଏକଥା ଆଗରୁ ବାରମ୍ବାର ହେଇଛି । ହେଲେ ଆଜି ସଚିବାଳୟରେ ରାଜ୍ୟ ସରକାରଙ୍କର ମୁଖ୍ୟ ଶାସନ ସଚିବଙ୍କ ବନ୍ୟା ପ୍ରତିକାର ପାଇଁ କରିଥିବା ସାମ୍ବାଦିକ ସମ୍ମିଳନିରେ କହିଲେ କି ସରକାର ବନ୍ୟା ପାଇଁ ପ୍ରସ୍ତୁତ ନଥିଲେ । ଆଗରୁ ବାତ୍ୟା ହେବ ବୋଲି ଆମେ ପ୍ରସ୍ତୁତ ଥିଲୁ । ହେଲେ କନ୍ଧମାଳ ଓ ରାୟଗଡା ସମେତ ଗଂଜାମ ଓ ଗଜପତିରେ ଏପରି ଏତେ ପରିମାଣର ବର୍ଷା ହେବ ତାହା ଆମ୍ଭେ କଳ୍ପନା କରିନଥିଲୁ ବୋଲି କହିଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ । ବାତ୍ୟା ହେବ ହେଲେ ବର୍ଷା ହେବ ବୋଲି ଆକଳନ କରିପାରିନଥିବା ବୋଲି କହିବା ପୁଣି ମୁଖ୍ୟ ଶାସନ ସଚିବ ନିଜେ ସ୍ପଷ୍ଟ କରୁଛି ଯେ ପ୍ରଶାସନ କେବଳ ଲୋକଙ୍କ ମନରେ ବିଶ୍ୱାସ ଜମାଇବା ପାଇଁ ଆଉ ଲୋକଦେଖାଣିଆ ଭାବେ ବାତ୍ୟା ପ୍ରସ୍ତୁୁତ କରିଥିଲେ ।

ହେଲେ ଏଠି ପ୍ରଶ୍ନ ଉଠୁଛି ଯେ ଆଗରୁ ରାଜ୍ୟ ସରକାର ତିତଲି ପାଇଁ ପୁରା ୩୦ ଜିଲ୍ଲାରେ ପ୍ରସ୍ତୁତ ଅଛି ବୋଲି କହିଥିଲେ  । ସେହିପରି ପାଣିପାଗ ବିଭାଗ ମଧ୍ୟ ଆଗରୁ ପୁର୍ବାନୁମାନୁ କରିଥିଲେ କି ଗୋପାଳପୁର ପାଖରେ ଏହା ଲ୍ୟାଣ୍ଡ ଫଲ କରିବ । ଏହା ପରେ ଏହା ଓଡିଶା ଉପରେ ହୋଇ ଏହା ପଶ୍ଚିମବଙ୍ଗ ଆଡେ ମୁହାଁଇବ । ତେଣୁ ଏକଥା ପୁରା ସ୍ପଷ୍ଟ ଥିଲା କି ଓଡିଶାରେ ପ୍ରଚୁର ବର୍ଷା ହେବ । ସବୁ ଜଣା ଥିବା ସତ୍ୱେ ମଧ୍ୟ ରାଜ୍ୟ ସରକାରଙ୍କ ପ୍ରସ୍ତୁତି କାମରେ ପଛରେ ପଡିଯାଇଛି କେବଳ ସାମ୍ବାଦିକ ସମ୍ମିଳନିରେ ଆଗେଇଛି । ଏକଥା ଏବେ ବିଭିନ୍ନ ସ୍ଥାନରେ ବନ୍ୟା ସ୍ଥିତି ଦେଖି ଆଉ ସେଠାରେ ପ୍ରଶାସନ ନପହଂଚି ପାରିବା ଦେଖିଲା ପରେ ଅନୁଭବ ହେଉଛି ।

ରାଜ୍ୟ ସରକାର ଆଗରୁ ହେଲିକାପ୍ଟର ମାଗିପାରିଥାନ୍ତେ । ହେଲେ ଏବେ ସୁଦ୍ଧା ହେଲିକାପ୍ଟର ଲାଗିପାରିନାହିଁ ଉଦ୍ଧାର କାର୍ଯ୍ୟରେ । ଏବେ ବି ଗଂଜାମ, ଗଜପତି ଏବଂ ରାୟଗଡାରେ ଅନେକ ପଂଚାୟତ ପାଣିଘେରରେ । ସମୁଦାୟ ୧୫୫ଟି ପଂଚାୟତରେ ବନ୍ୟା ପାଣି ପଶିଛି । ଏବେବି ସେହି ସବୁ ସ୍ଥାନରେ ପ୍ରଶାସନ ପଂହଚି ପାରିନାହିଁ । ଆସିକା ଏବଂ ପୁରୁଷୋତମପୁରରେ ଲୋକେ ବନ୍ୟା ଘେରରେ ଥିବାର ୨୪ ଘଂଟାରୁ ଅଧିକ ସମୟ ହୋଇସାରିଲାଣି । ସେଠାରେ ତୁରନ୍ତ ରିଲିଫ ପଂହଚାଇବା ଜରୁରୀ ଥିବାବେଳେ ଏବେ ସୁଧା ରନ୍ଧା ଖାଦ୍ୟ ଛାଡନ୍ତୁ ଚୁଡା ବିସ୍କୁଟବି ଟିକିଏ ମିଳିନି । 

        </description>
      </item>
      <item>
        <title>
           କେବେ ଗିରଫ ହେବେ ଅଭିଜିତ ଆୟାର ? ତାମିଲ ଲିଙ୍କ ପାଇଁ ବଂଚିଗଲେ କି ?
        </title>
        <link>
           http://khabarodisha.com/Quick-Comment/When-Avijit-Iyer-Will-Be-Arrested-41078
        </link>
        <guid>
           http://khabarodisha.com/Quick-Comment/When-Avijit-Iyer-Will-Be-Arrested-41078
        </guid>
        <pubDate>
           Tue, 09 Oct 2018 18:15:45 GMT
        </pubDate>
        <description>

 ବହୁତ ତୁମ୍ବିତୋଫାନ କଲେ ରାଜ୍ୟ ସରକାର । ବିଧାନସଭା ବି ମୁଲତବି ହେଲା । ଦଳ ମତ ନିର୍ବିଶେଷରେ ସବୁ ବିଧାୟକ ଏକ ସ୍ୱରରେ ଦାବି କଲେ ଅଭିଜିତ ଆୟାରକୁ ଗିରଫ କରାଯାଉ । ରାଜ୍ୟ ସରକାରବି ବେଶ ତପ୍ତର ହେଲେ । ପୋଲିସ ମଧ୍ୟ ତପ୍ତର ଅଛନ୍ତି ବୋଲି ଦେଖାଇ ହେଲେ । ହେଲେ ଏଯାଏଁ ଗିରଫ କରିପାରିଲେ ନାହିଁ ।

ଓଡିଆ ଲୋକଙ୍କୁ ଓରି-ଶଳା ବୋଲି କହି ଅଦଭୁତ ଇତିହାସ ଜ୍ଞାନ ପଢାଇଥିବା ତଥା କୋଣାର୍କ ମନ୍ଦିର ସାମ୍ନାରେ ଓଡିଆ ଭାଷା ସଂସ୍କୃତି ଆଉ ଐତିହ୍ୟକୁ ଅସମ୍ମାନ କରିଥିବା ଏହି ତଥାକଥିତ ଲୁଟିଏନସ ସାମ୍ବାଦିକଙ୍କୁ ଗିରଫ କରିବା ପାଇଁ ପୋଲିସ କାହିଁକି ଡରୁଛି ।

ଘଟଣା ଘଟିବାର ଆଜିକୁ ୨୨ଦିନ ହୋଇସାରିଲାଣି । ଆଉ ଅଭିଜିତ ଆୟାର ବି ରହୁଛନ୍ତି ରାଜଧାନୀ ଦିଲ୍ଲୀରେ । ଖୋଲା ଖୋଲି ବୁଲୁଛନ୍ତି, ସୋସିଆଲ ମେଡିଆରେ ଫଟୋବି ଅପଲୋଡ କରୁଛନ୍ତି ହେଲେ କାହିଁକି ପୋଲିସ ତାଙ୍କୁ ଧରୁନାହିଁ ବା ଧରିବାର ପ୍ରକିୟା ଆରମ୍ଭ କରୁନାହିଁ ତାହା ଚିନ୍ତାର ବିଷୟ । ବଂର ପୋଲିସ ଦିନ ଗଡାଇ ଅଭିଜିତ ଆୟାରଙ୍କୁ ଜାମିନ ଆବେଦନ କରିବା ପାଇଁ ଯଥେଷ୍ଟ ସୁଯୋଗ ଦେବା ସହ ଜାଣିଶୁଣି ଚୁପ ବସିଛି ।

ସୁପ୍ରିମକୋର୍ଟ ବି ଅଭିଜିତ ଆୟରଙ୍କ ଜାମିନ ଆବେଦନ ବେଳେ କହିଛନ୍ତି ଯେ, “ତୁମ ପାଇଁ ଜେଲ ହିଁ ଉପଯୁକ୍ତ ସ୍ଥାନ” । ସୁପ୍ରିମକୋର୍ଟଙ୍କର ଏହି କଡା ଟ୍ଟିପଣୀ ଦେବାର ଆଜକୁ ୫ ଦିନ ହୋଇଗଲାଣି । ସୁପ୍ରିମକୋର୍ଟଙ୍କର ଏହି ଟ୍ଟିପଣୀ ପରେ ପୋଲିସ ଅଭିଜିତଙ୍କୁ ତୁରନ୍ତ ଜେଲରେ ପୁରାଇବା କଥା ହେଲେ କେଉଁ କାରଣ ପାଇଁ ପୋଲିସ ଚୁପ ବସିଛି ତାହା ସନ୍ଦେହରେ ।

ପାଓାର କରିଡରେ ଯାହା ଚର୍ଚ୍ଚା ହେଉଛି ଅଭିଜିତ ଆୟାର ହେଉଛନ୍ତି ଜଣେ ତାମିଲ । ତାଙ୍କ ମା ହେଉଛନ୍ତି ତାମିଲନାଡୁ ସଚିବାଳୟର ଜଣେ ପୁର୍ବତନ ଉଚ୍ଚପଦସ୍ଥ ସରକାରୀ ଅଧିକାରୀ । ଓଡିଶା ସରକାରଙ୍କ ଶାସନରେ ତାମିଲ ପ୍ରଭାବ ବିଷୟରେ ସମସ୍ତଙ୍କୁ ଜଣା । ଆଉ ଏଠି ବି ସେହି ତାମିଲ ଭାଇ ଭାଇ ସର୍ମ୍ପକର ପ୍ରଭାବ ପଡିଛି । ମୁଖ୍ୟମନ୍ତ୍ରୀଙ୍କର କାର୍ଯ୍ୟାଳୟ ତୃତୀୟ ମହଲାର ବହୁ ପ୍ରଭାବଶାଳୀ ତାମିଲ ବାବୁଙ୍କର ପୋଲିସ ବିଭାଗକୁ କଡା ନିର୍ଦ୍ଦେଶ ଅଛି ଗିରଫ ନକରି କେବଳ ବାହାନା କର ଯାହା ଆଜି ଯାଏଁ ଓଡିଶା ପୋଲିସ ପୁରା ମାନିିଆସିଛି । ଅତୀତରେ ତାମିଲ ଯବାନ ମାନେ କୁନ୍ଦୁଲି ଗଣଦୁର୍ଷମ ମାମଲାରେ ସଂମ୍ପୃକ୍ତ ଥିଲେ ବୋଲି ସେହି ଘଟଣାରେ କାହାକୁ ଗିରଫ କରାନଯାଇ ପୀଡିତା ଜଣଙ୍କୁ ଆତ୍ମହତ୍ୟା କରିବା ପାଇଁ ବାଧ୍ୟ କରାଗଲା ବୋଲି ପୁର୍ବତନ ମନ୍ତ୍ରୀ ତଥା ବିଜେଡିର ବିଧାୟକ ଦାମ ରାଉତ ଅଭିଯୋଗ କରିଥିଲେ ।

        </description>
      </item>
      <item>
        <title>
           ରାଜ୍ୟରେ କମୁଛି ଷ୍ଟିଲ ଉପ୍ତାଦନ, ଉପ୍ତାଦନ ହେଉଛି ଅବସ୍ଥାପିତ ଉପ୍ତାଦନ କ୍ଷମତାର ମାତ୍ର ୨୧%
        </title>
        <link>
           http://khabarodisha.com/Quick-Comment/Steel-Production-Down-Odisha-40800
        </link>
        <guid>
           http://khabarodisha.com/Quick-Comment/Steel-Production-Down-Odisha-40800
        </guid>
        <pubDate>
           Thu, 04 Oct 2018 18:08:44 GMT
        </pubDate>
        <description>

 ଚାଲିଛି ମେକ-ଇନ-ଓଡିଶା ପାଇଁ ବହୁତ ପ୍ରସ୍ତୁତି । ଓଡିଶାରେ ଶିଳ୍ପ ପ୍ରତିଷ୍ଠା ପାଇଁ ଚାଲିଛି ଅନେକ ରୋଡ ସୋ ସହ ଅନେକ ପ୍ରଦର୍ଶନୀ । ଏହା ସହ କିପରି ଶିଳ୍ପପତିମାନେ ଆସି ଓଡିଶାରେ ଉପ୍ତାଦନ କାରଖାନା ବସାଇବେ କିପରି ନୁଆ ନୁଆ ଉଦ୍ୟୋଗ ସ୍ଥାପନା କରିବେ ସେଥିପାଇଁ ବ୍ୟାପକ ଯୋଜନା କରୁଛନ୍ତି ରାଜ୍ୟ ସରକାର । ହେଲେ ଏଣେ ଉଜୁଡି ଯାଉଛି ରାଜ୍ୟର ସ୍ଥାପିତ ହୋଇଥିବା ଶିଳ୍ପ । 

ଓଡିଶାରେ ଯଦି କେଉଁ ଶିଳ୍ପକୁ ନେଇ ବେଶି କିଛି ପ୍ରକଳ୍ପ ହୋଇଛି ତାହା ହେଉଛି ଇସ୍ପାତ ଶିଳ୍ପ । ଓଡିଶାରେ ପ୍ରଚୁର ଲୁହାପଥର ଏବଂ କୋଇଲା ଥିବାରୁ ଷ୍ଟିଲ କାରଖାନା ପ୍ରତିଷ୍ଠା ପାଇଁ ଓଡିଶା ହେଉଛି ଦେଶରେ ସବୁଠାରୁ ଉପଯୋଗୀ ରାଜ୍ୟ । ରାଜ୍ୟରେ ସ୍ଥାପିତ ହୋଇଥିବା ସମସ୍ତ ପ୍ରକାରର ମାନ୍ୟୁଫାକଚରିଙ୍ଗ ଶିଳ୍ପମଧ୍ୟରୁ ଇସ୍ପାତ ଶିଳ୍ପର ଉପ୍ତାଦନ ହେଉଛି ସର୍ବାଧୀକ । ହେଲେ ଏବେ ଦିନକୁ ଦିନକୁ କମୁଛି ଷ୍ଟିଲ ଉପ୍ତାଦନ । ସ୍ଥିତି ଆସି ଏମିତି ହେଲାଣି ଯେ ଅବସ୍ଥାପିତ ଉପ୍ତାଦନ କ୍ଷମତାର ମାତ୍ର ୨୧% ଷ୍ଟିଲ ଉପ୍ତାଦନ ହେଉପାରୁଛି ରାଜ୍ୟରେ । 

ଗତ ବିଧାନସଭାରେ ଇସ୍ପାତ ଓ ଖଣି ମନ୍ତ୍ରୀ ଦେଇଥିବା ତଥ୍ୟ ଅନୁସାରେ ଓଡିଶାରେ ଥିବା ୧୯ଟି ଷ୍ଟିଲ କାରଖାନାର ସମୁଦାୟ ଉପ୍ତାଦନ କ୍ଷମତା ହେଉଛି ବାର୍ଷୀକ ୫୨.୫୨ମିଲିୟନ ଟନ । ହେଲେ ଉପ୍ତାଦନ ହେଉଛି ମାତ୍ର ୧୧ ମିଲିୟନ ଟନ । ଅବସ୍ଥାପିତ ଉପ୍ତାଦନ କ୍ଷମତାର ମାତ୍ର ୨୧% ଷ୍ଟିଲ ଉପ୍ତାଦିତ ହେଉଛି । କେବଳ ସରକାରୀ ଉଦ୍ୟୋଗ ରାଉରକେଲା ଷ୍ଟିଲ କାରଖାନା ହିଁ ତାର ଉପ୍ତାଦନ ଠିକ ଭାବେ କରୁଥିବା ବେଳେ ବାକି ଷ୍ଟିଲ କମ୍ପାନୀ ମାନେ ନିଜର ଉପ୍ତାଦନକୁ କମାଇ ଦେଇଛନ୍ତି । 

ରାଉରକେଲା ଷ୍ଟିଲ କାରଖାନାର ଉପ୍ତାଦନ କ୍ଷମତା ୪.୫ ବାର୍ଷୀକ ମିଲିୟନ ଟନ ହୋଇଥିବାବେଳେ ୨୦୧୭-୧୮ରେ ଏଥିରୁ ୩.୨ ମିଲିୟନ ଟନ ଉପ୍ତାଦନ ହେଇଥିଲା ଯାହା ୭୧% ଉପ୍ତାଦନ ହାର । ବାକି ସମସ୍ତ ଘରୋଇ ଷ୍ଟିଲ କାରଖାନାର ଉପ୍ତାଦନ ତଳକୁ ଖସିଯାଇଛି । ବଡ କାରଖାନାଭାବେ ଗଣାଯାଉଥିବା ଜିନ୍ଦଲ ଷ୍ଟିଲ ଏବଂ ଭୁଷଣ ଷ୍ଟିଲର ଉପ୍ତାଦନ ହାର ବି ଅତି ଖରାପ । ଜିନ୍ଦଲ ଷ୍ଟିଲର ଦୁଇଟି କାରଖାନାରେ ଉପ୍ତାଦନ କ୍ଷମତା ବାର୍ଷୀକ ୭.୬୦ ମିଲିୟନ ଟନ ହୋଇଥିବାବେଳେ ସେଥିରୁ ଉପ୍ତାଦନ ହେଉଛି ମାତ୍ର ୨.୩ ମିଲିୟନ ଟନ ( ୩୦% ) । ସେହିପରି ୭ଟି ଷ୍ଟିଲ କମ୍ପାନୀ ଯେପରିକି କନକାଷ୍ଟ ଷ୍ଟିଲ, ଦୀପକ ଷ୍ଟିଲ, ମାହେଶ୍ୱରୀ ଷ୍ଟିଲ, ରଥୀ ଷ୍ଟିଲ, ନିଲାଚଲ ଇସ୍ପାତ, ଓରିୟନ ଇସ୍ପାତ ଓ ସ୍କାନ ଷ୍ଟିଲ ସେମାନଙ୍କର ଉପ୍ତାଦନକୁ ବନ୍ଦ କରିସାରିଛନ୍ତି । କାରଖାନାଗୁଡିକ ଉପ୍ତାଦନ କମାଇବା ବା ବନ୍ଦ କରିବାର ପ୍ରଭାବ ରାଜ୍ୟର ମାନ୍ୟୁଫାକଚରିଙ୍ଗ ଇଣ୍ଡେକ୍ସ ଉପରେ କୁପ୍ରଭାବ ପକାଏ । ରାଜ୍ୟକୁ ଆସୁଥିବା ବା ଆସିବା ପାଇଁ ଯୋଜନା କରୁଥିବା ଶିଳ୍ପ ସଂସ୍ଥା ଉପରେ ଏହାର ପ୍ରଭାବ ପକାଏ । ଏହା ସହ କାରଖାନାରେ ହୋଇଥିବା ସିଧାସଳଖ ନିଯୁକ୍ତି ଏବଂ ପରୋକ୍ଷ ନିଯୁକ୍ତି ଉପରେ ଏହାର ଭାରି ପ୍ରଭାବ ପଡେ ।

        </description>
      </item>
      <item>
        <title>
           ଚର୍ଚ୍ଚାରେ ବିଧାୟକ ! କାହାର ଅନ୍ତରଙ୍ଗ ଭିଡିଓ ପାଇଁ ମଲେ କେନ୍ଦ୍ରାପଡାର ଅବିନାଶ ? ସୋସିଆଲ ମେଡିଆରେ ବୁଲୁଛି ପୋଲିସ ନିଷ୍ଠୁରତାର ଫଟୋ
        </title>
        <link>
           http://khabarodisha.com/Quick-Comment/Abinash-Paital-Mahakalapada-Custodial-Death-40558
        </link>
        <guid>
           http://khabarodisha.com/Quick-Comment/Abinash-Paital-Mahakalapada-Custodial-Death-40558
        </guid>
        <pubDate>
           Sun, 30 Sep 2018 19:39:25 GMT
        </pubDate>
        <description>

 “ଯାହା ହେଇଯାଇଛି ହେଇଯାଇଛି । ଆଉ ଆଗକୁ ଯାଅନାହିଁ । ଜଣେ ମରିଛି ଗୋଟିଏ ପରିବାର ସର୍ବସ୍ୱାନ୍ତ ହୋଇଛି । କ୍ରାଇମବ୍ରାଂଚ ତଦନ୍ତ ଆଗରେ ବେଶି କିଛି କୁହ ନାହିଁ କି କିଛି ତଥ୍ୟ ପ୍ରମାଣ ଦିଅ ନାହିଁ । ନହେଲେ ମୋର ସମେତ ଆଉ ୪ଟି ପରିବାର ସର୍ବସ୍ୱାନ୍ତ ହେଇଯିବେ । ଅବିନାଶ ପରିବାର ସହ କଥାବାର୍ତା କର । ମୁଁ ଦେବି ୧୫ ଲକ୍ଷ ଟଙ୍କା । ଏକଥାରେ ଆଉ ଆନ୍ଦୋଳନ କରନି କି ଏକଥାକୁ ଆଉ ଆଗକୁ ଟାଣନି” ଏ ହେଉଛି କେନ୍ଦ୍ରାପଡାର ଜଣେ ଯୁବ ବିଧାୟକ ତଥା ପୁର୍ବତନ ମନ୍ତ୍ରୀଙ୍କର ଅବିନାଶ ପାଇଟାଳଙ୍କର ପୋଲିସ ହାଜତରେ ମୃତ୍ୟୁ ପରେ ହୋଇଥିବା ଜନଆନ୍ଦୋଳନର ନେତୃତ୍ୱ ନେଉଥିବା ଜଣେ ଯୁବକଙ୍କୁ ପ୍ରସ୍ତାବ । ଏହି କଥା ଏବେ ମହାକାଳପଡା ସମେତ ସାରା କେନ୍ଦ୍ରାପଡାରେ ଏବେ ଆଲୋଚ୍ୟର ବିଷୟ ପାଲଟିଛି ।

ଜଣେ ପୁର୍ବତନ ସ୍ୱାସ୍ଥ୍ୟ ମନ୍ତ୍ରୀ ତଥା ଏବେର ବିଧାୟକ, ଜଣେ ଅଙ୍ଗନଓାଡି ସୁପରଭାଇଜର , ଜଣେ ନାଏବ ସରପଚଂ ଏବଂ ଆଉ ଜଣେ ଅଙ୍ଗନଓାଡି କର୍ମୀଙ୍କ କିଛି ଚାରିକୋଣିଆ କାହାଣୀର କିଛି ଚଳଚ୍ଚିତ୍ର ସେହି ରହସ୍ୟମୟ ମୋବାଇଲରେ ଥିଲା ବୋଲି ଏବେ କେନ୍ଦ୍ରାପଡରେ ସାଧାରଣରେ ଆଲୋଚନା ହେଉଛି ।

ଏଣେ ସୋସିଆଲ ମେଡିଆରେ ହ୍ୱାଟସଆପରୁ ହ୍ୱାଟସଆପ ବୁଲୁଛି ମୃତ୍ୟୁ ଅବିନାଶଙ୍କର ମଳଦ୍ୱାର ଓ ଅନ୍ୟାନ୍ୟ ଅଙ୍ଗରେ ପାଲିସ ପିଭିସି ପାଇପ ପୁରାଇ ରକ୍ତାକ୍ତ କରିଦେଇଥିବାର ଫଟୋ । ଫଟୋରେ ଯାହା ସ୍ପଷ୍ଟ ହେଉଛି ପୋଲିସର ବର୍ବର ଆକ୍ରମଣରେ ଅବିନାଶଙ୍କର ମୃତ୍ୟୁ ହେବାପରେ ପୋଲିସ ତାକୁ ଆତ୍ମହତ୍ୟାର ରୁପ ଦେଇଛି ।

ଏତେଲାରେ ନାଁ ନଥିବା ସତ୍ୱେ ଏବଂ ପୋଲିସରେ ଅଭିଯୋଗ ହେବାର ୪ ମାସ ପରେ ପୋଲିସ କାହିଁକି ହଠାତ ଏତେ କ୍ରୀୟାଶୀଳ ହୋଇ ଉଠିଲା ଏବଂ ଏକ ମାମୁଲି ମୋବାଇଲ ଚୋରି ଅଭିଯୋଗରେ ଜଣେ ଯୁବକକୁ ଏତେ ଅମାନୁଷିକ ଭାବେ କାହିଁକି ମାରିଲେ ତାହା ନିହାତି ସନ୍ଦେହଜନକ କଥା । କଣ ଥିଲା ସେହି ରହସ୍ୟମୟ ମୋଇବାଲରେ, ମୋବାଇଲ ଅପେକ୍ଷା ପୋଲିସ ସେ ମେମୋରି କାର୍ଡ କାହିଁକି ବେଶି ଖୋଜୁଥିଲା , କାହିଁକି ବିଧାୟକ ୧୫ ଲକ୍ଷ ଟଙ୍କାର ପ୍ରସ୍ତାବ ଦେଉଛନ୍ତି ଅବିନାଶର ପରିବାରକୁ ଏସବୁ ଏବେ ଘଟଣାର ଗଭୀରତାକୁ ଆହୁରି ଅଧିକ ଗୁରୁତର କରୁଛି ।


ଯଦିଓ କ୍ରାଇମବ୍ରାଂଚ ଏହି ଘଟଣାର ତଦନ୍ତ କରୁଛି ହେଲେ କ୍ରାଇମବ୍ରାଂଚ କେବଳ ଥାନା ଆଇଆଇସିଙ୍କ ପାଖରେ ହିଁ ତଦନ୍ତକୁ ସୀମିତି କରିରଖିଛି । ସେ ମୋବାଇଲରେ କାହାର ଭିଡିଓ ଥିଲା ଯାହା ପାଇଁ ପୋଲିସ ବାବୁ ଜଣେ ଯୁବକଙ୍କ ଉପରେ ଏତେ ଅତ୍ୟାଚାର କଲେ ସେହି ବିଷୟକୁ କ୍ରାଇମବ୍ରାଂଚ ତଦନ୍ତ କଲେ ଯାଇକି ଅସଲ ସତ ପଦାକୁ ଆସିବ ।

        </description>
      </item>
      <item>
        <title>
           ସୁୁରମା ପାଢୀଙ୍କର ମହାରଥୀଙ୍କୁ ପ୍ରଶ୍ନ – ତାଙ୍କ ସ୍ତ୍ରୀଙ୍କର ଦ୍ୱିତୀୟ ସ୍ୱାମୀ କିଏ ? ସୋସିଆଲ ମେଡିଆରେ ଲୋକଙ୍କର ଉତର - ପାଣ୍ଡିଆନ
        </title>
        <link>
           http://khabarodisha.com/Quick-Comment/Pradeep-Maharathy-Controversial-Statement-Women-Two-Husband-40306
        </link>
        <guid>
           http://khabarodisha.com/Quick-Comment/Pradeep-Maharathy-Controversial-Statement-Women-Two-Husband-40306
        </guid>
        <pubDate>
           Wed, 26 Sep 2018 15:17:57 GMT
        </pubDate>
        <description>

 ମହିଳାଙ୍କର ୨ଟା ଲେଖାଏଁ ସ୍ୱାମୀ ଅଛନ୍ତି ବୋଲି କୃଷି ମନ୍ତ୍ରୀ ପ୍ରଦୀପ ମହାରଥୀ ଦେଇଥିବା ବିବାଦୀୟ ବୟାନ ଏବେ ଆହୁରି ବିବାଦୀୟ ହେବାରେ ଲାଗିଛି । ପ୍ରଥମେ କୃଷି ମନ୍ତ୍ରୀ ପ୍ରଦୀପ ମହାରଥୀ ନିଜେ ବିଜେପି ରାଷ୍ଟ୍ରିୟ ସଭାପତି ଅମିତ ଶାହାଙ୍କର ଗସ୍ତ ଆଗରୁ ଏପରି ବିବାଦୀୟ ବୟାନ ଦେଇ ଗଣମାଧ୍ୟମର ଧ୍ୟାନକୁ ନିଜ ଆଡକୁ ଟାଣିବାର ପ୍ରୟାସ କରିଥିଲେ । ହେଲେ ତାହାତ ବିଫଳ ହେଲା କିନ୍ତୁ ଏବେ ସେହି ବୟାନକୁ ନେଇ ତାଙ୍କ ବିରୋଧରେ ସାମାଜିକ ଗଣମାଧ୍ୟମରେ ଲୋକମାନଙ୍କର ବିରୋଧ ଜୋର ଧରିଲାଣି । ଅନେକ ସାଧାରଣ ଲୋକ ସିଧାସଳଖ ମନ୍ତ୍ରୀଙ୍କର ବ୍ୟକ୍ତିଗତ ପରିବାର ବିଷୟରେ ଟ୍ଟିପଣି ଦେବାରେ ବି ଲାଗିଛନ୍ତି ।

ଗତକାଲି ସାମାଜିକ ଗଣମାଧ୍ୟମ ଫେସବୁକରେ ପୁର୍ବତନ ସମବାୟ ମନ୍ତ୍ରୀ ତଥା ବିଜେପିର ବରିଷ୍ଠ ନେତ୍ରୀ ସୁରମା ପାଢୀ ଲେଖୀଥିଲେ କି, “ମାନ୍ୟବର ମନ୍ତ୍ରୀ ମହୋଦୟ ଯେ କି ଓଡ଼ିଶା ର ମହିଳା ମାନଙ୍କର ଦି ଦିଟା ସ୍ବାମୀ ବୋଲି ହିସାବ ଦେଖାଇଛନ୍ତି ସେ କହିବେ କି ତାଙ୍କ ସ୍ତ୍ରୀ ଙ୍କ ଦ୍ୱିତୀୟ ସ୍ବାମୀ ଜଣକ କିଏ ?” ଏହାର ତଳେ ସାଧାରଣ ଲୋକ ଯାହା ଉତ୍ତର ଦେବାରେ ଲାଗିଛନ୍ତି ତାହା ଏବେ ରାଜନୈତିକ ମହଲରେ ଚୁଟକଲି ଅାଉ ଚା ଖଟ୍ଟି ଚର୍ଚ୍ଚା ପାଇଁ ପୁରା ଖୋରାକ ଯୋଗାଇଛି ।

ଅନେକ ସାଧାରଣ ଜନତା ଲେଖିଛନ୍ତି ସେ ହେଉଛନ୍ତି "ଭିକେ ପାଣ୍ଡିୟାନ" । ଆସିଥିବା ଅନେକ ମନ୍ତ୍ୟବରୁ ସଂଖ୍ୟାଧିକ ଲୋକ ନିଜ କମେଂଟରେ "ପାଣ୍ଡିୟାନ" "ପାଣ୍ଡିୟାନ" ବୋଲି ଲେଖିଛନ୍ତି ।

ଏଠାରେ କହିବା ଉଲ୍ଲେଖ୍ୟଯୋଗ୍ୟ କି ମହିଳାଙ୍କ ବିଷୟରେ ଏପରି ବିବାଦୀୟ ବୟାନ ଦେଇ ବିବାଦକୁ ଟାଣିହେବା ମନ୍ତ୍ରୀ ପ୍ରଦୀପ ମହାରଥୀଙ୍କ ପାଇଁ ନୁଆ କଥା ନୁହେଁ । ଆଗରୁ ବିଧାନସଭା ଭିତରେ ବିଧାୟିକା ରାଧାରାଣି ପଣ୍ଡାକୁ “ତୁମର ଘିଅ କାଢିଦେବି” ବୋଲି କହି ସେ ବିବାଦକୁ ଆସିଥିଲେ । ପ୍ରଥମେ ମହାରଥୀ ଏହି କଥାକୁ ସ୍ୱୀକାର କଲେ ନାହିଁ । କହିଲେ ମୁଁ ତାଙ୍କ ଝିଅ ବାହାଘର କଥା ପଚାରୁଥିଲି ସେ ଶୁଣିପାରିଲେନି । କିନ୍ତୁ ପରେ ସାଧାରଣରେ ପ୍ରତିବାଦ ଜୋର ହେବାରୁ ସେ ନିଜେ ବିଧାୟିକା ପଣ୍ଡାଙ୍କୁ କ୍ଷମା ମାଗିଥିଲେ । ହେଲେ ଏବେ ମହିଳାମାନଙ୍କର ଦ୍ୱିତୀୟ ସ୍ୱାମୀ ଅଛନ୍ତି ବୋଲି କହିବା କଥାରେ ସେ କ୍ଷମା ମାଗିବେନି ବୋଲି ସ୍ପଷ୍ଟ କରିଛନ୍ତି । ଦେଖିବାକୁ ବାକି ରହିଲା କେବେ କ୍ଷମା ମାଗୁଛନ୍ତି ମନ୍ତ୍ରୀ ମହାରଥୀ ।

        </description>
      </item>
      <item>
        <title>
           ଉତ୍କଳ ବିଶ୍ୱବିଦ୍ୟାଳୟ କଣ ସରକାରଙ୍କର ସାବତ ପୁଅ ? ବନ୍ଦ ପଡିଛି ସମସ୍ତ ୫ ଗବେଷଣା ଚେୟାର
        </title>
        <link>
           http://khabarodisha.com/Quick-Comment/Utkal-University-Odisha-Research-Bench-Khabar-Odisha-40046
        </link>
        <guid>
           http://khabarodisha.com/Quick-Comment/Utkal-University-Odisha-Research-Bench-Khabar-Odisha-40046
        </guid>
        <pubDate>
           Fri, 21 Sep 2018 19:17:20 GMT
        </pubDate>
        <description>

 ରାଜ୍ୟର ସବୁଠାରୁ ପୁରାତନ ବିଶ୍ୱବିଦ୍ୟାଳୟ ଏବଂ ସବୁଠାରୁ ବଡ ସରକାରି ଶିକ୍ଷାନୁଷ୍ଠାନ ପ୍ରତି ରାଜ୍ୟ ସରକାର ନଜର ଦେଉନାହାନ୍ତି । ଦିନେ ଉତ୍କଳ ବିଶ୍ୱବିଦ୍ୟାଳୟରେ ପାଠ ପଢିବା ପାଇଁ ରାଜ୍ୟ ବାହାରୁ ଅନେକ ଛାତ୍ର ଛାତ୍ରୀ ଆସୁଥିଲେ । ଦେଶର ଏକ ପ୍ରମୁଖ ବିଶ୍ୱବିଦ୍ୟାଳୟ ଭାବେ ଉତ୍କଳ ବିଶ୍ୱବିଦ୍ୟାଳୟର ନାଁ ଥିଲା । ହେଲେ ଏବେ କ୍ରମାଗତ ଭାବେ ଲଗାତାର ବର୍ଷମାନଙ୍କରେ ଦେଶର ୧୦୦ ଶ୍ରେଷ୍ଠ ବିଶ୍ୱବିଦ୍ୟାଳୟ ତାଲିକାରେ ଉତ୍କଳ ବିଶ୍ୱବିଦ୍ୟାଳୟର ନାଁ ନାହିଁ ।

ଆଗରୁ ଉଚ୍ଚମାନର ଗବେଷଣା ଦିଗରେ ଅନେକ ନାଁ କମାଇଥିବା ଏହି ବିଶ୍ୱବିଦ୍ୟାଳୟ ଏବେ ଗବେଷଣା ଦିଗରେ ବହୁତ ପଛରେ । ଦେଶର ଅନ୍ୟ ସରକାରି ଏବଂ ବେସରକାରି ବିଶ୍ୱବିଦ୍ୟାଳୟ ମାନଙ୍କରେ ଗବେଷଣା କରିବା ଦିଗରେ ଯଥେଷ୍ଟ ପ୍ରୋସ୍ତ୍ରାହନ ମିଳୁଥିବା କାରଣରୁ ଅନେକ ନୁଆ ନୁଆ ଗବେଷଣା ହେଉଥିବା ବେଳେ ବାଣିବିହାର ଏହି ରେସରେ ଶୋଇପଡିଛି ।

ଉତ୍କଳ ବିଶ୍ୱବିଦ୍ୟାଳୟରେ ଗବେଷଣା ପାଇଁ ଅଛି ୫ଟି ଚେୟାର । ଓଡିଆ ଭାଷା, ପଦାର୍ଥ ବିଜ୍ଞାନ, ଉଦ୍ଭିଦ ବିଜ୍ଞାନ ପାଇଁ ଗୋଟିଏ ଲେଖାଏଁ ଗବେଷଣା ଚେୟାର ଥିଲା ବେଳେ ଅର୍ଥନୀତି ପାଇଁ ଅଛି ୨ଟି ଚେୟାର । ହେଲେ ଚିନ୍ତାର କଥା ହେଉଛି ସେହି ସମସ୍ତ ୫ ଟି ଯାକ ଚେୟାର ଅଚଳ ହୋଇପଡିଛି । ଓଡିଆ ଭାଷା ଚେୟାର ୧୯୯୯ ମସିହାରୁ ଅଚଳ ହୋଇପଡିଥିଲା ବେଳେ, ଉଦ୍ଭିଦ ବିଜ୍ଞାନ ୨୦୧୦ରେ, ପଦାର୍ଥ ବିଜ୍ଞାନ ୨୦୦୯ରେ, ଅର୍ଥନୀତି ଚେୟାରରୁ ଗୋଟିଏ ୨୦୦୦ରେ ଏବଂ ଅନ୍ୟଟି ୨୦୧୧ରୁ ଅଚଳ ହୋଇପଡିଛି । ବିଧାନସଭାରେ ବିଧାୟକ ଦିଲ୍ଲିପ ରାୟଙ୍କ ପ୍ରଶ୍ନର ଉତରରେ ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ ଏହି ଭଳି ତଥ୍ୟ ଦେଇଛନ୍ତି । ଆଉ ସେହି ଉତରରେ ବଡ ଆଶ୍ଚର୍ଯ୍ୟ ଜନକ ଭାବେ ମନ୍ତ୍ରୀ କହିଛନ୍ତି କି ଏହି ଚେୟାର ଗୁଡିକୁ ପୁନଃ କାର୍ଯ୍ୟକ୍ଷମ କରିବା ପାଇଁ ସରକାରଙ୍କର କୌଣସି ପ୍ରସ୍ତାବ ନାହିଁ ।

        </description>
      </item>
      <item>
        <title>
           ବିଧାନସଭାରେ ମନ୍ତ୍ରୀଙ୍କ ବିତଣ୍ଡା ଉତର : ବ୍ଲାକରୋଜ ଜାହାଜ ବୁଡିବାରୁ ପ୍ରଦୁଷଣ ନାହିଁ
        </title>
        <link>
           http://khabarodisha.com/Quick-Comment/Black-Rose-Vessel-Bobby-Das-Odisha-Assembly-39866
        </link>
        <guid>
           http://khabarodisha.com/Quick-Comment/Black-Rose-Vessel-Bobby-Das-Odisha-Assembly-39866
        </guid>
        <pubDate>
           Tue, 18 Sep 2018 19:49:26 GMT
        </pubDate>
        <description>

 ଆଶ୍ଚର୍ଯ୍ୟ ଜନକ ଭାବେ ବିଧାନସଭାରେ ପରିବେଶମନ୍ତ୍ରୀଙ୍କ ଉତର ବ୍ଲାକରୋଜ ଜାହାଜ ବୁଡିଲା ପରେ କୌଣସି ପ୍ରଦୂଷଣ ହୋଇନାହିଁ । ସମୁଦ୍ରରେ ଯେତେବେଳେ କୌଣସି ଜାହାଜ ବୁଡେ ସେତେବେଳେ ସମୁଦ୍ର ଓ ତଟବର୍ତୀ ସମୁଦ୍ରକୂଳରେ ଗଭୀର ଭାବେ ପରିବେଷ ପ୍ରଦୁଷଣ ହୁଏ ଏକଥା ସମସ୍ତେ ଜାଣନ୍ତି । ହେଲେ ରାଜ୍ୟ ସରକାରଙ୍କର ଖାତାରେ ବ୍ଲାକରୋଜ ଜାହାଜ ବୁଡିବା ପରେ କିଛି ପ୍ରଦୂଷଣ ହୋଇନାହିଁ କିପରି ଏହା ଏକ ବଡ ପ୍ରଶ୍ନ । ବ୍ଲାକରୋଜ ଜାହାଜ କାହାର ଏବଂ କେଉଁ ଅଦୃଶ୍ୟ ଶକ୍ତି ପାଇଁ ଏକ ବୃହତ ଜାହାଜ ବୁଡିବା ପରେ ବି ସରକାର ଏପରି ଅବାସ୍ତବ କଥା କହିଛନ୍ତି ତାହା ଜାଣିବା ଏବେ ସମସ୍ତଙ୍କ ପାଇଁ କୌତୁହଳ ହୋଇପଡିଛି ।

 

ଏକ ବୃହତ ମାଲବୋଝେଇ ଜାହାଜ ଲୁହା, ଆଜବେଷ୍ଟସ, ଆଲୁମିନିୟମ ଆଦିରେ ତିଆରି ହୋଇଥାଏ । ସେହିପରି ବ୍ଲାକରୋଜ ଜାହାଜରେ ଲୁହାପଥର ବୋଝେଇ ହୋଇଥିଲା । ସମୁଦ୍ରର ଲୁଣ ପାଣି ଏହି ସବୁ ଜିନିଷରେ ବାଜିବାରୁ ଲୁହାରେ କଳଙ୍କି ଲାଗିବା ସହ ଅନ୍ୟାନ୍ୟ ରାସାୟନିକ ପ୍ରତିକ୍ରିୟା ହୋଇଥାଏ । ଯାହାର ପ୍ରଭାବ ଜୈବ ବିବିଧତା ଉପରେ ଗଭିର ଭାବେ ପଡିଥାଏ । ସାମୁଦ୍ରିକ ପ୍ରାଣୀ ଓ ଜୈବମଣ୍ଡଳ ଆଦି ପ୍ରଭାବିତ ହୁଏ । ହେଲେ ମନ୍ତ୍ରୀ କେମିତି କହିଲେ କି ବ୍ଲାକରୋଜ ଜାହାଜ ବୁଡିବା କାରଣରୁ କୌଣସି ପ୍ରଦୂଷଣ ହୋଇନାହିଁ ତାହା ଏବେ ସନ୍ଦେହରେ ।

 ଏଠାରେ ଉଲ୍ଲେଖ୍ୟ ଯୋଗ୍ୟକି ପୂର୍ବରୁ ବ୍ଲାକରୋଜ ଜାହାଜରେ ଯାଜପୁରର ବିଧାୟକ ପ୍ରଣବ ପ୍ରକାଶ ଦାସଙ୍କର ଅର୍ଥ ଲାଗିଥିଲା ବୋଲି ଦାମ ରାଉତ କହିଥିଲେ ଆଉ ମୁଖ୍ୟମନ୍ତ୍ରୀ କାର୍ଯ୍ୟାଳୟର ଆର୍ଶୀବାଦ କାରଣରୁ ଏହି ବ୍ଲାକରୋଜ ଜାହାଜର ତଦନ୍ତକୁ ଅଟକାଗଲା । ଏବେ ସେହି ମାମଲା ସିବିଆଇରେ ପଡିଛି ।

        </description>
      </item>
      <item>
        <title>
           ଦାମଙ୍କ ୧୦ ବିତର୍କିତ ବୟାନ
        </title>
        <link>
           http://khabarodisha.com/Quick-Comment/Dama-Rout-Statement-Odisha-Politics-39491
        </link>
        <guid>
           http://khabarodisha.com/Quick-Comment/Dama-Rout-Statement-Odisha-Politics-39491
        </guid>
        <pubDate>
           Tue, 11 Sep 2018 17:18:31 GMT
        </pubDate>
        <description>

 ସବୁବେଳେ ନିଜ ତୁଣ୍ଡ ପାଇଁ ସବୁବେଳେ ଚର୍ଚ୍ଚାରେ ରହିଛନ୍ତି ପୁର୍ବତନ ମନ୍ତ୍ରୀ ଦାମ ରାଉତ । ସେ ପାଟି ଖୋଲିଲେ ଟିଭିରେ ବ୍ରେକିଙ୍ଗ ଚାଲେ, ଖବର କାଗଜରେ ହେଡଲାଇନ ହୋଇକି ପ୍ରଥମ ପୃଷ୍ଠାରେ ଖବର ଛପେ ।

ଦେଖନ୍ତୁ ଦାମଙ୍କ ୧୦ଟି ବିତର୍କିତ ବୟାନ ।

୧. ଆମ ମୁଖ୍ୟମନ୍ତ୍ରୀ କିଛି ଜାଣନ୍ତି ନାହିଁ । କିଛି କିରାଣୀଙ୍କ ହାତରେ ଓଡିଶାର ଶାସନ ଚାଲିଛି ।

୨. ଓମଫେଡ ଜରି ଦୁର୍ନୀତି, ଚାରା ଦୁର୍ନୀତି, ସମବାୟ ଦୁର୍ନିତି ଏସବୁର ତଦନ୍ତକୁ ମୁଖ୍ୟମନ୍ତ୍ରୀ କାର୍ଯ୍ୟାଳୟ ଅଟକାଇଛି । 

୩. ଏକ ଟିଭି ବିତର୍କରେ ବିଜେପିର ଜଣେ ମହିଳା ନେତ୍ରୀଙ୍କୁ କହିଥିଲେ, “ସ୍ୱାମୀ ଛାଡି ଅଙ୍ଗନବାଡି”

୪. ଏକ ସଭାରେ କହିଥିଲେ, “ବ୍ରାହ୍ମଣ ମାନେ ଭିକ ମାଗନ୍ତି” ।

୫. ଆଳୁ ଦର ବଢିଥିବା ବେଳେ କହିଥିଲେ, “ଆଳୁ ଖାଇବା ବନ୍ଦ କରିଦିଅ, ଆଳୁ ଖାଇଲେ ଡାଇବେଟିସ ହେବ” ।

୬. ଏକ ସାମ୍ବାଦିକ ସମ୍ମିଳନିରେ କହିଥିଲେ ମୁଖ୍ୟମନ୍ତ୍ରୀ ଆଗରୁ ମଦ ପିଉଥିଲେ, ଏବେ ସ୍ୱାସ୍ଥ୍ୟଗତ କାରଣ ପାଇଁ ମଦ ଛାଡିଦେଇଛନ୍ତି ।

୭. ଏକ ସାକ୍ଷାତକାରରେ କହିଥିଲେ ବିଜୁବାବୁ ଜଣେ ରାଷ୍ଟ୍ରନେତା, ନବିନ ଜଣେ ରାଷ୍ଟ୍ରନେତା ନୁହନ୍ତି ସେ କେବଳ ଜଣେ ରାଜନେତା ।

୮. ନିଆଳିରେ ଅଜଣା ଜନ୍ତୁ ଆକ୍ରମଣରେ ମେଣ୍ଢା ମରୁଥିଲାବେଳେ ସେ କହିଥିଲେ ନିଆଳିରେ ମେଣ୍ଢା କିଛି ଲୋକ ତେଲେଙ୍ଗାନା ରାଜ୍ୟରୁ ଆସିଛନ୍ତି ସେମାନେ ମାରୁଛନ୍ତି ।

୯. ନିଜେ ସମବାୟ ମନ୍ତ୍ରୀ ଥିବା ବେଳେ ଦାମ ରାଉତ କହିଥିଲେ କୃୃଷି ଋଣ ଅସଲି ଚାଷୀଙ୍କୁ ମିଳୁନାହିଁ ।

୧୦. ରାଜ୍ୟ ସରକାରଙ୍କର ବିଭାଗୀୟ ସମୀକ୍ଷା ବେଳେ ସାମ୍ବାଦିକ ମାନଙ୍କ ଭାଗ ଚାଷୀ କେବେ ଗଣନା କରାଯିବ ପ୍ରଶ୍ନରେ ଦାମ ବାବୁ କହିଥିଲେ, “ତୁମେ ସାମ୍ବାଦିକ ମାନେ ଭାଗଚାଷି ଗଣୁନ”।

        </description>
      </item>
      <item>
        <title>
           ନିର୍ବାଚନ ପୁର୍ବରୁ ମନେପଡିଲା ପଶ୍ଚିମ ଓଡିଶା ହାଇକୋର୍ଟ ବେଂଚ, ୨୦୧୪ ନିର୍ବାଚନ ପୁର୍ବରୁ ଲେଖିଥିଲେ ଚିଠି, ପୁଣି ଲେଖିଲେ ୨୦୧୯ ପୁର୍ବରୁ
        </title>
        <link>
           http://khabarodisha.com/Quick-Comment/Western-Odisha-High-Court-Bench-39247
        </link>
        <guid>
           http://khabarodisha.com/Quick-Comment/Western-Odisha-High-Court-Bench-39247
        </guid>
        <pubDate>
           Fri, 07 Sep 2018 14:00:44 GMT
        </pubDate>
        <description>

ନିର୍ବାଚନ ଆସିଲେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାରେ ହାଇକୋର୍ଟ ବେଂଚ ପ୍ରତିଷ୍ଠା କଥା ମନେପକାଉଛନ୍ତି କି ? ୨୦୧୪ ନିର୍ବାଚନ ପୁର୍ବରୁ ୨୦୧୩ ମସିହା ସେପ୍ଟେମ୍ବର ଓ ୨୦୧୪ ଫେବୃୟାରୀରେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାର ହାଇକୋର୍ଟର ବେଂଚ ପ୍ରତିଷ୍ଠା ହେଉ ବୋଲି କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । ୨୦୧୪ ରୁ ଆସି ୨୦୧୮ ହେଲାଣି । ଆଉ ମାସ କେଇଟା ପରେ ନିର୍ବାଚନ । ନିର୍ବାଚନର ଠିକ ପୁର୍ବରୁ ପୁଣି ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କୁ ଚିଠି ଲେଖିଛନ୍ତି । ୨୦୧୪ ପରେ ମୁଖ୍ୟମନ୍ତ୍ରୀ ଏହି ପ୍ରସଙ୍ଗକୁ ସମ୍ପୃର୍ଣ୍ଣ ଭାବେ ଭୁଲିଯାଇଥିଲେ । ଏପରିକି ୨୦୧୪ ପରେ ମୁଖ୍ୟମନ୍ତ୍ରୀ ଆଉ କେନ୍ଦ୍ର ସରକାରଙ୍କୁ ଆଉ କୌଣସି ଚିଠି ଦେଇନଥିଲେ କି ରାଜ୍ୟ ସରକାରଙ୍କ ତରଫରୁ କୌଣସି ବିଧିବଦ୍ଧ ସମ୍ପୃର୍ଣ୍ଣ ପ୍ରସ୍ତାବ କେନ୍ଦ୍ର ସରକାରଙ୍କୁ ଦେଇନାହାନ୍ତି । ଆଉ ଏବେ ପୁଣି ଦୀର୍ଘ ୪ ବର୍ଷ ପରେ ହଠାତ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ବିଧାନ ପରିଷଦ ପାଇଁ ମୁଖ୍ୟମନ୍ତ୍ରୀ ଯେତିକି ତତ୍ପର ଯଦି ସେତିକି ଆନ୍ତରିକତା ପଶ୍ଚିମ ଓଡିଶା ହାଇକୋର୍ଟ ପ୍ରତିଷ୍ଠା ପାଇଁ ଦେଖାଇ ଥାଆନ୍ତେ ହୁଏତ ଏତିକି ବେଳକୁ ପଶ୍ଚିମ ଓଡିଶାରେ ହାଇକୋର୍ଟ ବେଂଚ ପ୍ରତିଷ୍ଠା ହୋଇସାରନ୍ତଣି । 

ଦେଶର ଅନ୍ୟ ରାଜ୍ୟରେ ଯେଉଁଠିବି ହାଇକୋର୍ଟ ବେଂଚ ପ୍ରତିଷ୍ଠା ହୋଇଛି ସେହି ସବୁ ରାଜ୍ୟମାନେ କେନ୍ଦ୍ର ସରକାରଙ୍କୁ ଏକ ବିଧିବଦ୍ଧ ଏବଂ ସମ୍ପୃର୍ଣ୍ଣ ପ୍ରସ୍ତାବ ଦେଇଛନ୍ତି ଏବଂ ଏହା ପରେ ଯାଇକି ବେଂଚ ପ୍ରତିଷ୍ଠା ହୋଇପାରିଛି । ହେଲେ ଏବେ ସୁଦ୍ଧା ରାଜ୍ୟ ସରକାର କେବଳ ଚିଠି ଲେଖିବା ଛଡା ଆଉ କିଛି କରିନାହାନ୍ତି । 

ରାଜ୍ୟସଭାରେ ସାଂସଦ ପ୍ରସନ୍ନ ଆଚାର୍ଯ୍ୟଙ୍କ ପ୍ରଶ୍ନର ଉତ୍ତରରେ କେନ୍ଦ୍ର ଆଇନ ମନ୍ତ୍ରୀ ଏକଥା ସ୍ପଷ୍ଟ କରିଛନ୍ତି । ହାଇକୋର୍ଟ ବେଂଚ ପ୍ରତିଷ୍ଠା ପାଇଁ ଏକ ପୁରା ବିସ୍ତୃତ ପ୍ରସ୍ତାବ ଦେବା ପରେ କେନ୍ଦ୍ର ସରକାର ଏହା ପ୍ରତିଷ୍ଠା କରିବା ଦିଗରେ ଆଗେଇବେ ବୋଲି ଉଲ୍ଲେଖ୍ୟ କରଛନ୍ତି । ହେଲେ ଏହା ପରେ ରାଜ୍ୟ ସରକାର ପୁରା ବିସ୍ତୃତ ପ୍ରସ୍ତାବ ଦେବା ବଦଳରେ ମୁଖ୍ୟମନ୍ତ୍ରୀ ପୁଣି ଚିଠି ଲେଖିଛନ୍ତି । 

ସତରେ ରାଜ୍ୟ ସରକାର ପଶ୍ଚିମ ଓଡିଶା ଓ ଦକ୍ଷିଣ ଓଡିଶାରେ ରେ ହାଇକୋର୍ଟ ବେଂଚ ପ୍ରତିଷ୍ଠା ହେବା କଥା ଚାହୁଛନ୍ତି ନା କେବଳ ଏକ ରାଜନୈତିକ ମୁଦ୍ଧା କରି ଏହି ପ୍ରସଙ୍ଗକୁ ବଂଚାଇ ରଖିବାକୁ ଚାହୁଛନ୍ତି ତାହା ଏବେ ପଶ୍ଚିମ ଓଡିଶା ଏବଂ ଦକ୍ଷିଣ ଓଡିଶା ଲୋକଙ୍କ ମନରେ ସନ୍ଦେହ ହେଲାଣି ।

ପଶ୍ଚିମ ଓଡିଶାରେ ହାଇକୋର୍ଟ ପ୍ରତିଷ୍ଠା ଦାବି ବହୁତ ପୁରୁଣା । କେବଳ ପଶ୍ଚିମ ଓଡିଶା ନୁହେଁ ଦକ୍ଷିଣ ଓଡିଶାରେ ମଧ୍ୟ ହାଇକୋର୍ଟ ପ୍ରତିଷ୍ଠା ପାଇଁ ଯର୍ଥାଥତା ଅଛି । କଟକ ଠାରୁ ଏହି ଜିଲ୍ଲା ମାନଙ୍କର ଦୂରତା ଅଧୀକ ହୋଇଥୀବା କାରଣରୁ ଯଦି ସେହି ସ୍ଥାନରେ ହାଇକୋର୍ଟ ବେଂଚ ପ୍ରତିଷ୍ଠା ହୁଅନ୍ତା ତାହେଲେ ପଶ୍ଚିମ ଓଡିଶା ଓ ଦକ୍ଷିଣ ଓଡିଶାବାସୀଙ୍କର ସମସ୍ୟା ଯାଆନ୍ତା । 

        </description>
      </item>
   </rss>
 </channel>