<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ବିଧାନସଭାରେ ମନ୍ତ୍ରୀଙ୍କ ବିତଣ୍ଡା ଉତର : ବ୍ଲାକରୋଜ ଜାହାଜ ବୁଡିବାରୁ ପ୍ରଦୁଷଣ ନାହିଁ
        </title>
        <link>
           http://khabarodisha.com/Quick-Comment/Black-Rose-Vessel-Bobby-Das-Odisha-Assembly-39866
        </link>
        <guid>
           http://khabarodisha.com/Quick-Comment/Black-Rose-Vessel-Bobby-Das-Odisha-Assembly-39866
        </guid>
        <pubDate>
           Tue, 18 Sep 2018 19:49:26 GMT
        </pubDate>
        <description>

 ଆଶ୍ଚର୍ଯ୍ୟ ଜନକ ଭାବେ ବିଧାନସଭାରେ ପରିବେଶମନ୍ତ୍ରୀଙ୍କ ଉତର ବ୍ଲାକରୋଜ ଜାହାଜ ବୁଡିଲା ପରେ କୌଣସି ପ୍ରଦୂଷଣ ହୋଇନାହିଁ । ସମୁଦ୍ରରେ ଯେତେବେଳେ କୌଣସି ଜାହାଜ ବୁଡେ ସେତେବେଳେ ସମୁଦ୍ର ଓ ତଟବର୍ତୀ ସମୁଦ୍ରକୂଳରେ ଗଭୀର ଭାବେ ପରିବେଷ ପ୍ରଦୁଷଣ ହୁଏ ଏକଥା ସମସ୍ତେ ଜାଣନ୍ତି । ହେଲେ ରାଜ୍ୟ ସରକାରଙ୍କର ଖାତାରେ ବ୍ଲାକରୋଜ ଜାହାଜ ବୁଡିବା ପରେ କିଛି ପ୍ରଦୂଷଣ ହୋଇନାହିଁ କିପରି ଏହା ଏକ ବଡ ପ୍ରଶ୍ନ । ବ୍ଲାକରୋଜ ଜାହାଜ କାହାର ଏବଂ କେଉଁ ଅଦୃଶ୍ୟ ଶକ୍ତି ପାଇଁ ଏକ ବୃହତ ଜାହାଜ ବୁଡିବା ପରେ ବି ସରକାର ଏପରି ଅବାସ୍ତବ କଥା କହିଛନ୍ତି ତାହା ଜାଣିବା ଏବେ ସମସ୍ତଙ୍କ ପାଇଁ କୌତୁହଳ ହୋଇପଡିଛି ।

 

ଏକ ବୃହତ ମାଲବୋଝେଇ ଜାହାଜ ଲୁହା, ଆଜବେଷ୍ଟସ, ଆଲୁମିନିୟମ ଆଦିରେ ତିଆରି ହୋଇଥାଏ । ସେହିପରି ବ୍ଲାକରୋଜ ଜାହାଜରେ ଲୁହାପଥର ବୋଝେଇ ହୋଇଥିଲା । ସମୁଦ୍ରର ଲୁଣ ପାଣି ଏହି ସବୁ ଜିନିଷରେ ବାଜିବାରୁ ଲୁହାରେ କଳଙ୍କି ଲାଗିବା ସହ ଅନ୍ୟାନ୍ୟ ରାସାୟନିକ ପ୍ରତିକ୍ରିୟା ହୋଇଥାଏ । ଯାହାର ପ୍ରଭାବ ଜୈବ ବିବିଧତା ଉପରେ ଗଭିର ଭାବେ ପଡିଥାଏ । ସାମୁଦ୍ରିକ ପ୍ରାଣୀ ଓ ଜୈବମଣ୍ଡଳ ଆଦି ପ୍ରଭାବିତ ହୁଏ । ହେଲେ ମନ୍ତ୍ରୀ କେମିତି କହିଲେ କି ବ୍ଲାକରୋଜ ଜାହାଜ ବୁଡିବା କାରଣରୁ କୌଣସି ପ୍ରଦୂଷଣ ହୋଇନାହିଁ ତାହା ଏବେ ସନ୍ଦେହରେ ।

 ଏଠାରେ ଉଲ୍ଲେଖ୍ୟ ଯୋଗ୍ୟକି ପୂର୍ବରୁ ବ୍ଲାକରୋଜ ଜାହାଜରେ ଯାଜପୁରର ବିଧାୟକ ପ୍ରଣବ ପ୍ରକାଶ ଦାସଙ୍କର ଅର୍ଥ ଲାଗିଥିଲା ବୋଲି ଦାମ ରାଉତ କହିଥିଲେ ଆଉ ମୁଖ୍ୟମନ୍ତ୍ରୀ କାର୍ଯ୍ୟାଳୟର ଆର୍ଶୀବାଦ କାରଣରୁ ଏହି ବ୍ଲାକରୋଜ ଜାହାଜର ତଦନ୍ତକୁ ଅଟକାଗଲା । ଏବେ ସେହି ମାମଲା ସିବିଆଇରେ ପଡିଛି ।

        </description>
      </item>
      <item>
        <title>
           ଦାମଙ୍କ ୧୦ ବିତର୍କିତ ବୟାନ
        </title>
        <link>
           http://khabarodisha.com/Quick-Comment/Dama-Rout-Statement-Odisha-Politics-39491
        </link>
        <guid>
           http://khabarodisha.com/Quick-Comment/Dama-Rout-Statement-Odisha-Politics-39491
        </guid>
        <pubDate>
           Tue, 11 Sep 2018 17:18:31 GMT
        </pubDate>
        <description>

 ସବୁବେଳେ ନିଜ ତୁଣ୍ଡ ପାଇଁ ସବୁବେଳେ ଚର୍ଚ୍ଚାରେ ରହିଛନ୍ତି ପୁର୍ବତନ ମନ୍ତ୍ରୀ ଦାମ ରାଉତ । ସେ ପାଟି ଖୋଲିଲେ ଟିଭିରେ ବ୍ରେକିଙ୍ଗ ଚାଲେ, ଖବର କାଗଜରେ ହେଡଲାଇନ ହୋଇକି ପ୍ରଥମ ପୃଷ୍ଠାରେ ଖବର ଛପେ ।

ଦେଖନ୍ତୁ ଦାମଙ୍କ ୧୦ଟି ବିତର୍କିତ ବୟାନ ।

୧. ଆମ ମୁଖ୍ୟମନ୍ତ୍ରୀ କିଛି ଜାଣନ୍ତି ନାହିଁ । କିଛି କିରାଣୀଙ୍କ ହାତରେ ଓଡିଶାର ଶାସନ ଚାଲିଛି ।

୨. ଓମଫେଡ ଜରି ଦୁର୍ନୀତି, ଚାରା ଦୁର୍ନୀତି, ସମବାୟ ଦୁର୍ନିତି ଏସବୁର ତଦନ୍ତକୁ ମୁଖ୍ୟମନ୍ତ୍ରୀ କାର୍ଯ୍ୟାଳୟ ଅଟକାଇଛି । 

୩. ଏକ ଟିଭି ବିତର୍କରେ ବିଜେପିର ଜଣେ ମହିଳା ନେତ୍ରୀଙ୍କୁ କହିଥିଲେ, “ସ୍ୱାମୀ ଛାଡି ଅଙ୍ଗନବାଡି”

୪. ଏକ ସଭାରେ କହିଥିଲେ, “ବ୍ରାହ୍ମଣ ମାନେ ଭିକ ମାଗନ୍ତି” ।

୫. ଆଳୁ ଦର ବଢିଥିବା ବେଳେ କହିଥିଲେ, “ଆଳୁ ଖାଇବା ବନ୍ଦ କରିଦିଅ, ଆଳୁ ଖାଇଲେ ଡାଇବେଟିସ ହେବ” ।

୬. ଏକ ସାମ୍ବାଦିକ ସମ୍ମିଳନିରେ କହିଥିଲେ ମୁଖ୍ୟମନ୍ତ୍ରୀ ଆଗରୁ ମଦ ପିଉଥିଲେ, ଏବେ ସ୍ୱାସ୍ଥ୍ୟଗତ କାରଣ ପାଇଁ ମଦ ଛାଡିଦେଇଛନ୍ତି ।

୭. ଏକ ସାକ୍ଷାତକାରରେ କହିଥିଲେ ବିଜୁବାବୁ ଜଣେ ରାଷ୍ଟ୍ରନେତା, ନବିନ ଜଣେ ରାଷ୍ଟ୍ରନେତା ନୁହନ୍ତି ସେ କେବଳ ଜଣେ ରାଜନେତା ।

୮. ନିଆଳିରେ ଅଜଣା ଜନ୍ତୁ ଆକ୍ରମଣରେ ମେଣ୍ଢା ମରୁଥିଲାବେଳେ ସେ କହିଥିଲେ ନିଆଳିରେ ମେଣ୍ଢା କିଛି ଲୋକ ତେଲେଙ୍ଗାନା ରାଜ୍ୟରୁ ଆସିଛନ୍ତି ସେମାନେ ମାରୁଛନ୍ତି ।

୯. ନିଜେ ସମବାୟ ମନ୍ତ୍ରୀ ଥିବା ବେଳେ ଦାମ ରାଉତ କହିଥିଲେ କୃୃଷି ଋଣ ଅସଲି ଚାଷୀଙ୍କୁ ମିଳୁନାହିଁ ।

୧୦. ରାଜ୍ୟ ସରକାରଙ୍କର ବିଭାଗୀୟ ସମୀକ୍ଷା ବେଳେ ସାମ୍ବାଦିକ ମାନଙ୍କ ଭାଗ ଚାଷୀ କେବେ ଗଣନା କରାଯିବ ପ୍ରଶ୍ନରେ ଦାମ ବାବୁ କହିଥିଲେ, “ତୁମେ ସାମ୍ବାଦିକ ମାନେ ଭାଗଚାଷି ଗଣୁନ”।

        </description>
      </item>
      <item>
        <title>
           ନିର୍ବାଚନ ପୁର୍ବରୁ ମନେପଡିଲା ପଶ୍ଚିମ ଓଡିଶା ହାଇକୋର୍ଟ ବେଂଚ, ୨୦୧୪ ନିର୍ବାଚନ ପୁର୍ବରୁ ଲେଖିଥିଲେ ଚିଠି, ପୁଣି ଲେଖିଲେ ୨୦୧୯ ପୁର୍ବରୁ
        </title>
        <link>
           http://khabarodisha.com/Quick-Comment/Western-Odisha-High-Court-Bench-39247
        </link>
        <guid>
           http://khabarodisha.com/Quick-Comment/Western-Odisha-High-Court-Bench-39247
        </guid>
        <pubDate>
           Fri, 07 Sep 2018 14:00:44 GMT
        </pubDate>
        <description>

ନିର୍ବାଚନ ଆସିଲେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାରେ ହାଇକୋର୍ଟ ବେଂଚ ପ୍ରତିଷ୍ଠା କଥା ମନେପକାଉଛନ୍ତି କି ? ୨୦୧୪ ନିର୍ବାଚନ ପୁର୍ବରୁ ୨୦୧୩ ମସିହା ସେପ୍ଟେମ୍ବର ଓ ୨୦୧୪ ଫେବୃୟାରୀରେ ମୁଖ୍ୟମନ୍ତ୍ରୀ ପଶ୍ଚିମ ଓଡିଶାର ହାଇକୋର୍ଟର ବେଂଚ ପ୍ରତିଷ୍ଠା ହେଉ ବୋଲି କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । ୨୦୧୪ ରୁ ଆସି ୨୦୧୮ ହେଲାଣି । ଆଉ ମାସ କେଇଟା ପରେ ନିର୍ବାଚନ । ନିର୍ବାଚନର ଠିକ ପୁର୍ବରୁ ପୁଣି ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କୁ ଚିଠି ଲେଖିଛନ୍ତି । ୨୦୧୪ ପରେ ମୁଖ୍ୟମନ୍ତ୍ରୀ ଏହି ପ୍ରସଙ୍ଗକୁ ସମ୍ପୃର୍ଣ୍ଣ ଭାବେ ଭୁଲିଯାଇଥିଲେ । ଏପରିକି ୨୦୧୪ ପରେ ମୁଖ୍ୟମନ୍ତ୍ରୀ ଆଉ କେନ୍ଦ୍ର ସରକାରଙ୍କୁ ଆଉ କୌଣସି ଚିଠି ଦେଇନଥିଲେ କି ରାଜ୍ୟ ସରକାରଙ୍କ ତରଫରୁ କୌଣସି ବିଧିବଦ୍ଧ ସମ୍ପୃର୍ଣ୍ଣ ପ୍ରସ୍ତାବ କେନ୍ଦ୍ର ସରକାରଙ୍କୁ ଦେଇନାହାନ୍ତି । ଆଉ ଏବେ ପୁଣି ଦୀର୍ଘ ୪ ବର୍ଷ ପରେ ହଠାତ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ବିଧାନ ପରିଷଦ ପାଇଁ ମୁଖ୍ୟମନ୍ତ୍ରୀ ଯେତିକି ତତ୍ପର ଯଦି ସେତିକି ଆନ୍ତରିକତା ପଶ୍ଚିମ ଓଡିଶା ହାଇକୋର୍ଟ ପ୍ରତିଷ୍ଠା ପାଇଁ ଦେଖାଇ ଥାଆନ୍ତେ ହୁଏତ ଏତିକି ବେଳକୁ ପଶ୍ଚିମ ଓଡିଶାରେ ହାଇକୋର୍ଟ ବେଂଚ ପ୍ରତିଷ୍ଠା ହୋଇସାରନ୍ତଣି । 

ଦେଶର ଅନ୍ୟ ରାଜ୍ୟରେ ଯେଉଁଠିବି ହାଇକୋର୍ଟ ବେଂଚ ପ୍ରତିଷ୍ଠା ହୋଇଛି ସେହି ସବୁ ରାଜ୍ୟମାନେ କେନ୍ଦ୍ର ସରକାରଙ୍କୁ ଏକ ବିଧିବଦ୍ଧ ଏବଂ ସମ୍ପୃର୍ଣ୍ଣ ପ୍ରସ୍ତାବ ଦେଇଛନ୍ତି ଏବଂ ଏହା ପରେ ଯାଇକି ବେଂଚ ପ୍ରତିଷ୍ଠା ହୋଇପାରିଛି । ହେଲେ ଏବେ ସୁଦ୍ଧା ରାଜ୍ୟ ସରକାର କେବଳ ଚିଠି ଲେଖିବା ଛଡା ଆଉ କିଛି କରିନାହାନ୍ତି । 

ରାଜ୍ୟସଭାରେ ସାଂସଦ ପ୍ରସନ୍ନ ଆଚାର୍ଯ୍ୟଙ୍କ ପ୍ରଶ୍ନର ଉତ୍ତରରେ କେନ୍ଦ୍ର ଆଇନ ମନ୍ତ୍ରୀ ଏକଥା ସ୍ପଷ୍ଟ କରିଛନ୍ତି । ହାଇକୋର୍ଟ ବେଂଚ ପ୍ରତିଷ୍ଠା ପାଇଁ ଏକ ପୁରା ବିସ୍ତୃତ ପ୍ରସ୍ତାବ ଦେବା ପରେ କେନ୍ଦ୍ର ସରକାର ଏହା ପ୍ରତିଷ୍ଠା କରିବା ଦିଗରେ ଆଗେଇବେ ବୋଲି ଉଲ୍ଲେଖ୍ୟ କରଛନ୍ତି । ହେଲେ ଏହା ପରେ ରାଜ୍ୟ ସରକାର ପୁରା ବିସ୍ତୃତ ପ୍ରସ୍ତାବ ଦେବା ବଦଳରେ ମୁଖ୍ୟମନ୍ତ୍ରୀ ପୁଣି ଚିଠି ଲେଖିଛନ୍ତି । 

ସତରେ ରାଜ୍ୟ ସରକାର ପଶ୍ଚିମ ଓଡିଶା ଓ ଦକ୍ଷିଣ ଓଡିଶାରେ ରେ ହାଇକୋର୍ଟ ବେଂଚ ପ୍ରତିଷ୍ଠା ହେବା କଥା ଚାହୁଛନ୍ତି ନା କେବଳ ଏକ ରାଜନୈତିକ ମୁଦ୍ଧା କରି ଏହି ପ୍ରସଙ୍ଗକୁ ବଂଚାଇ ରଖିବାକୁ ଚାହୁଛନ୍ତି ତାହା ଏବେ ପଶ୍ଚିମ ଓଡିଶା ଏବଂ ଦକ୍ଷିଣ ଓଡିଶା ଲୋକଙ୍କ ମନରେ ସନ୍ଦେହ ହେଲାଣି ।

ପଶ୍ଚିମ ଓଡିଶାରେ ହାଇକୋର୍ଟ ପ୍ରତିଷ୍ଠା ଦାବି ବହୁତ ପୁରୁଣା । କେବଳ ପଶ୍ଚିମ ଓଡିଶା ନୁହେଁ ଦକ୍ଷିଣ ଓଡିଶାରେ ମଧ୍ୟ ହାଇକୋର୍ଟ ପ୍ରତିଷ୍ଠା ପାଇଁ ଯର୍ଥାଥତା ଅଛି । କଟକ ଠାରୁ ଏହି ଜିଲ୍ଲା ମାନଙ୍କର ଦୂରତା ଅଧୀକ ହୋଇଥୀବା କାରଣରୁ ଯଦି ସେହି ସ୍ଥାନରେ ହାଇକୋର୍ଟ ବେଂଚ ପ୍ରତିଷ୍ଠା ହୁଅନ୍ତା ତାହେଲେ ପଶ୍ଚିମ ଓଡିଶା ଓ ଦକ୍ଷିଣ ଓଡିଶାବାସୀଙ୍କର ସମସ୍ୟା ଯାଆନ୍ତା । 

        </description>
      </item>
      <item>
        <title>
           କ୍ଷୀର ପଲିଥିନ ଖାଇଦେଲେ ଚଷା ପୁଅ ମହାରଥୀ, ଦାମ ଖୋଲୁଛନ୍ତି ଦୁର୍ନୀତି ପେଡି
        </title>
        <link>
           http://khabarodisha.com/Quick-Comment/Dama-Rout-Pradeep-Maharathi-Omfed-SCAM-39189
        </link>
        <guid>
           http://khabarodisha.com/Quick-Comment/Dama-Rout-Pradeep-Maharathi-Omfed-SCAM-39189
        </guid>
        <pubDate>
           Thu, 06 Sep 2018 21:17:40 GMT
        </pubDate>
        <description>

ପୁଣି ଦାମ ଖୋଲିଛନ୍ତି ଆଉ ଏକ ଦୁର୍ନୀତି ପେଡି ।୧୦୦ କୋଟିର ଗଛ ଚାରା ଘୋଟାଲା ପରେ ଏବେ ୩୦ କୋଟିର ଓମଫେଡ କ୍ଷୀର ଜରି । ଆଗରୁ ନିଶାନରେ ପାଣ୍ଡିୟାନ ଥିଲା ବେଳେ ଏବେ ଚଷା ପୁଅ ମନ୍ତ୍ରୀ ପ୍ରଦୀପ ମହାରଥି। ଦୁଇଟି ଯାକ ଘଟଣାରେ ସେଇ ସମାନ ଅଭିଯୋଗ, ଦୁର୍ନୀତିର ତଦନ୍ତ କରି କାର୍ଯ୍ୟାନୁଷ୍ଠାନ ନେବା ପାଇଁ ଦାମ ରାଉତ ଚାହିଁବାରୁ ତାଙ୍କୁ ମନ୍ତ୍ରୀ ପଦରୁ ବିଦା ହେବାକୁ ପଡିଲା । ଦାମ ରାଉତଙ୍କ ଏହି ଅଭିଯୋଗର ଜବାବରେ ମନ୍ତ୍ରୀ ପ୍ରଦୀପ ମହାରଥି ତାଙ୍କ ଚିରାଚରିତ କଡା ସଂଳାପକୁ ଛାଡି ଦାମ ବାବୁଙ୍କୁ ରାମ ଆଉ ସେ ନିଜେ ଲକ୍ଷ୍ମଣ ବୋଲି କହି ପରୋକ୍ଷରେ ଦାମ ବାବୁ ଆଉ ଆଗକୁ ନଯାଆନ୍ତୁ ବୋଲି ନେହୁରା ହୋଇଛନ୍ତି ।

ଆଜି ଗଣମାଧ୍ୟମ ସାମନାରେ ବିଧାୟକ ଦାମ ରାଉତ କହିଛନ୍ତି ଯେ ପ୍ରଦୀପ ମହାରଥୀ ଆଗରୁ କୃଷି ବିଭାଗର ମନ୍ତ୍ରୀ ଥିବା ବେଳେ ଓମଫେଡ କ୍ଷୀର ବଜାରରେ ବିକ୍ରି ହେବା ପାଇଁ ଆବଶ୍ୟକ ପଡୁଥିବା ପଲିଥିନି କିଣାରେ ହୋଇଥିଲା ୩୦ କୋଟିର ଦୁର୍ନୀତି । କିଣା ଯାଇଥିଲା ଅତି ନିମ୍ନମାନର ପଲିଥିନି ଯାହା ଫାଟି ଯାଉଥିଲା ଏବଂ ଓମଫେଡର ଅନେକ କ୍ଷତି ହୋଇଥିଲା । ଗ୍ରାହକ ମାନେ ମଧ୍ୟ ଏହି ନିମ୍ନମାନର ପ୍ୟାକେଜ ପାଇଁ ଅଭିଯୋଗ କରିଥିଲେ । ତତକାଳିନି ଓମଫେଡ ପରିଚାଳନା ନିର୍ଦ୍ଦେଶକ ସେତେବେଳେ ଏହି ତଦନ୍ତ ପାଇଁ ଭିଜିଲାନସ ତଦନ୍ତ ପାଇଁ ସୁପାରିଶ କରିଥିଲେ । ହେଲେ ମନ୍ତ୍ରୀ ପ୍ରଦୀପ ମହାରଥୀ ଏହାକୁ ଭିଜିଲାନସ ତଦନ୍ତ ନକରି ମୁଖ୍ୟମନ୍ତ୍ରୀ କାର୍ଯ୍ୟାଳୟରୁ ଏକ ନିର୍ଦ୍ଦେଶନାମା ଜାରି କରି ଏହାକୁ କେବଳ ବିଚାର ବିଭାଗୀୟ ତଦନ୍ତରେ ସୀମିତ କରିଦେଲେ ।

ହେଲେ ମନ୍ତ୍ରୀ ପ୍ରଦୀପ ମହାରଥୀ କାହିଁକି ସେହି ଦୁର୍ନିତିର ତଦନ୍ତ ଭିଜିଲାନସ ଦ୍ୱାରା ନକରି ନିଜ ବିଭାଗୀୟ ତଦନ୍ତ କଲେ ତାକୁ ନେଇ ଉଠିଛି ସନ୍ଦେହ । ମନ୍ତ୍ରୀ ପ୍ରଦୀପ ମହାରଥୀଙ୍କ ସେହି ଦୁର୍ନୀତି ସହ ସିଧାସଳଖ ସମ୍ପୃକ୍ତି ଅଛି ବୋଲି ଦାମ ରାଉତ ପରୋକ୍ଷ ଇଙ୍ଗିତ ଦେବା ପରେ ଏବେ ମନ୍ତ୍ରୀ ପ୍ରଦୀପ ମହାରଥୀଙ୍କ ଆଡେ ଉଠିଛି ଆଙ୍ଗୁଳି । ଓମଫେଡ ଭଳି ଘରେ ଘରେ କ୍ଷୀର ପହଂଚାଉଥିବା ସଂସ୍ଥା ତଥା ରାଜ୍ୟର ଲକ୍ଷ ଲକ୍ଷ ଗୋପାଳନ ଚାଷୀ ଏବଂ କ୍ଷୀର ବ୍ୟବସାୟୀଙ୍କ ଭାତ ହାଣ୍ଡି କୁହାଯାଉଥିବା ଓମଫେଡ ସହ ଏଭଳି ସାଙ୍ଘାତିକ ଖେଳ ଖେଳି ଏହାର ମାର୍କେଟ ରେପୁଟେସନକୁ ଖସାଇ ଦେବା ପାଇଁ ଚକ୍ରାନ୍ତ ଚାଲୁଛି ବୋଲି ଆଗରୁ ଅନେକ ଅଭିଯୋଗ ହୋଇଛି । ହେଲେ ଏହି ଚକ୍ରାନ୍ତରେ ନିଜେ କୃଷି ମନ୍ତ୍ରୀ ପ୍ରଦୀପ ମହାରଥି ସମ୍ପୃକ୍ତ ଥିବାର ଅଭିଯୋଗ ଜଣେ ପୁର୍ବତନ କୃଷି ମନ୍ତ୍ରୀ କରିବା ନିହାତି ଚିନ୍ତାର ବିଷୟ । 

        </description>
      </item>
      <item>
        <title>
           ଘର ରାଜନୀତି, ପଦାରେ ପଡିଲା ରାଜ୍ୟ ସରକାରଙ୍କ ଆଉ ଏକ ମିଛ ! କେନ୍ଦ୍ର ସଫଳତାରେ ନିଜର ପ୍ରଚାର
        </title>
        <link>
           http://khabarodisha.com/Quick-Comment/Biju-Pucca-Ghara-Pradhan-Mantri-Awas-Yojana-38654
        </link>
        <guid>
           http://khabarodisha.com/Quick-Comment/Biju-Pucca-Ghara-Pradhan-Mantri-Awas-Yojana-38654
        </guid>
        <pubDate>
           Wed, 29 Aug 2018 13:10:50 GMT
        </pubDate>
        <description>

ଭୁବନେଶ୍ୱର, ୨୯ ଅଗଷ୍ଟ (ଖବର ଓଡିଶା)- ରାଜ୍ୟରେ ଗରିବ ଲୋକଙ୍କୁ ଯୋଗାଇ ଦିଆଯାଇଥିବା ପକ୍କାଘରକୁ ନେଇ ଜୋର ଧରିଲା ରାଜନୀତି । ରାଜ୍ୟ ସରକାର ପକ୍କାଘରର ଶ୍ରେୟ ନିଜେ ନେବାପାଇଁ ବିଜ୍ଞାପନ ମାଧ୍ୟମରେ ପ୍ରଚାର କରୁଥିବା ବେଳେ ରାଜ୍ୟ ସରକାରଙ୍କ ଏହି ପ୍ରଚାର ମିଛ ବୋଲି କହିଛି ବିଜେପି । ଯାହାକୁ ନେଇ ଏବେ ମୁହାଁମୁହିଁ ହୋଇଛନ୍ତି ରାଜ୍ୟର ଦୁଇ ପ୍ରମୁଖ ଦଳ ବିଜେଡି ଓ ବିଜେପି  ।

ଶାସକ ବିଜେଡି ମିଛ ବିଜ୍ଞାପନ ମାଧ୍ୟମରେ ନିଜର ଆତ୍ମ ପ୍ରଚାର ଚଲାଇଛି ବୋଲି ଭାରତୀୟ ଜନତା ପାର୍ଟି ପକ୍ଷ୍ୟରୁ ଅଭିଯୋଗ କରାଯାଇ ମିଛ ବିଜ୍ଞାପନ ବିରୋଧରେ ଅାଇନର ସହାୟତା ନିଅାଯିବ ବୋଲି କୁହାଯାଇଛି । ପୁଣି ଥରେ ବିଜୁ ପକ୍କା ଘର ଯୋଜନାକୁ ନେଇ ରାଜ୍ୟସରକାର ରାଜ୍ୟବାସୀଙ୍କୁ ବିଭ୍ରାନ୍ତି କରିଛନ୍ତି । ରାଜ୍ୟସରକାର ୨୦୧୪ରୁ ୨୦୧୮ ପର୍ୟ୍ୟନ୍ତ ୧୮ ଲକ୍ଷ କଚା ଘରକୁ ପକ୍କା କରିଥିବା ବିଜ୍ଞାପନ ମାରି ପ୍ରଚାର କରିଥିଲେ । କିନ୍ତୁ ଏହା ସଂପୂର୍ଣ୍ଣ ଭାବେ ମିଥ୍ୟା ତଥ୍ୟ ଉପରେ ଆଧାରିତ ଯାହା ବିଭାଗୀୟ ସଚିବଙ୍କ ରିପୋର୍ଟରୁ ଜଣାପଡିଛି । ତାଙ୍କ ରିପୋର୍ଟ ଅନୁସାରେ ପ୍ରଧାନମନ୍ତ୍ରୀ ଆବାସ ଯୋଜନା ଏବଂ ପୁବର୍ରୁ ଚାଲୁଥିବା ଇନ୍ଦିରା ଆବାସ ଯୋଜନାରେ ୧୬ ଲକ୍ଷ ଘର ହୋଇଛି । ସେହିପରି ବିଜୁ ପକ୍କାଘର ଏବଂ  ଖଣି ଓ ନିର୍ମାଣ ଶ୍ରମିକ ପକ୍କା ଘର ଯୋଜନାରେ ମୋଟ ୨ ଲକ୍ଷ ଘର ନିର୍ମାଣ ହୋଇଥିବା ତାଙ୍କ ରିପୋର୍ଟରେ ଉଲ୍ଲେଖ୍ୟ ରହିଛି । ଏହି ପରିପ୍ରେକ୍ଷୀରେ ପକ୍କା ଘର ମାମଲାରେ ମିଛ ତଥ୍ୟକୁ ପ୍ରଚାରିତ କରି କେନ୍ଦ୍ର ସରକାରଙ୍କ ଯୋଜନାରେ ନିର୍ମିତ ପକ୍କା ଘରକୁ ରାଜ୍ୟ ସରକାରଙ୍କର ନିଜସ୍ୱ ଯୋଜନା କହି ମିଛ ପ୍ରଚାର କରୁଛନ୍ତି ବୋଲି ବିଜେପି ଅାରୋପ କରିଛି ।

୨୦୧୧ ସୋସିଓ ଇକୋନୋମିକ ସର୍ଭେ ଅନୁସାରେ ରାଜ୍ୟରେ ଗ୍ରାମାଞ୍ଚଳରେ ୮୬ ଲକ୍ଷ ୭୭ ହଜାର ୬୧୫ ପରିବାର ବସବାସ କରୁଥିବା ବେଳେ ସହରାଞ୍ଚଳରେ ୧୨ ଲକ୍ଷ ୬୪ ହଜାର ୪୮୬ ପରିବାର ଅଛନ୍ତି । ମୋଟ ୯୯ ଲକ୍ଷ ୪୨ ହଜାର ୧୦୧ ପରିବାର ବାସ କରୁଛନ୍ତି । ୧୯୯୭ ବିପିଏଲ ସର୍ଭେ ଅନୁଯାୟୀ ରାଜୟରେ ଦାରିଦ୍ର୍ୟ ସୀମାରେଖା ତଳେ ଥିବା ପରିବାର ସଂଖ୍ୟା ୪୪ ଲକ୍ଷ ୯୩ ହଜାର ୪୧୦ । ୨୦୦୦-୨୦୦୧ ଠାରୁ ୨୦୧୫-୧୬ ଭିତରେ ୧୪ ଲକ୍ଷ ୯୬ ହଜାର ୩୨୭ ସଂଖ୍ୟକ ଗୃହ ଇନ୍ଦିରା ଆବାସ ଓ ପ୍ରଧାନମନ୍ତ୍ରୀ ଅାବାସ ଯୋଜନାରେ, ୧ଲକ୍ଷ ୮୩ ହଜାର ୨୯୩ ବିଜୁ ପକ୍କାଘର, ଏପରି ୧୬ ଲକ୍ଷ ୭୯ ହଜାର ୬୨୦ ସଂଖ୍ୟାକ ପରିବାର ପାଇଁ ଗୃହ ନିର୍ମାଣ ହୋଇଛି ।

ଆର୍ଥିକ ବର୍ଷ ୨୦୧୬-୧୭ ରୁ ଅଦ୍ୟାବଧି ବିଜୁ ପକ୍କାଘର ନିର୍ମାଣ ଶ୍ରମିକ ପକ୍କାଘର ଯୋଜନାରେ ୧୬୮୨ ଓ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ)ରେ ୧ ଲକ୍ଷ ୬୨ ହାଜର ୩୯୪ ଗୃହ ନିର୍ମିତ ହୋଇଛି । ଏହି ଆର୍ଥିକ ବର୍ଷରେ ପ୍ରଧାନମନ୍ତ୍ରୀ ଆବାସ ଯୋଜନାରେ ୩ ଲକ୍ଷ ୪୦ ହଜାର ୪୯୮ ପକ୍କାଘର , ବିଜୁ ପକ୍କାଘର ଯୋଜନାରେ ୧୨ ହଜାର ୨୦୯ ନିର୍ମାଣ ଶ୍ରମିକ ପକ୍କାଘର ଯୋଜନାରେ ୨୨୪୬ ପକ୍କାଘର ଏପରି ୩ ଲକ୍ଷ ୫୪ ହଜାର ୯୫୩ ସଂଖ୍ୟକ ଘର ମଞ୍ଜୁର ହୋଇଛି ।

        </description>
      </item>
      <item>
        <title>
           ରତ୍ନଭଣ୍ଡାର ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ନୀରବତାକୁ ନେଇ ବଡ ପ୍ରଶ୍ନ, ପଦଯାତ୍ରା ପରେ ତୃତୀୟ ମହଲାରେ କମ୍ପନ, ସାରା ରାଜ୍ୟରେ ତେଜୁଛି ଅସନ୍ତୋଷ
        </title>
        <link>
           http://khabarodisha.com/Quick-Comment/Ratna-Bhandar-Jagannath-Temple-Padajatra-Naveen-38231
        </link>
        <guid>
           http://khabarodisha.com/Quick-Comment/Ratna-Bhandar-Jagannath-Temple-Padajatra-Naveen-38231
        </guid>
        <pubDate>
           Tue, 21 Aug 2018 13:41:34 GMT
        </pubDate>
        <description>

 ଭୁବନେଶ୍ୱର, ୨୧ ଅଗଷ୍ଟ (ଖବର ଓଡିଶା) - ମହାପ୍ରଭୁ ଶ୍ରୀ ଜଗନ୍ନାଥଙ୍କ ରତ୍ନଭଣ୍ଡାରରେ ରତ୍ନ ଅଛକି ନାହିଁ ଏହାକୁ ନେଇ ସାଧାରଣରେ ଏବେ ସୃଷ୍ଟି ହୋଇଛି ବଡ ପ୍ରଶ୍ନ । ଏହାକୁ ନେଇ ଜଗନ୍ନାଥ ପ୍ରେମୀମାନେ ଚିନ୍ତାରେ ରହିଥିବା ବେଳେ ମୁଖ୍ୟମନ୍ତ୍ରୀଙ୍କ ନୀରବତା ଏହି ପ୍ରସଙ୍ଗକୁ ଆହୁରି ଅଧିକ ଜଟିଳ କରିଦେଇଛି । ଯାହାକୁ ନେଇ ରାଜ୍ୟ ସରକାରଙ୍କ ପାଇଁ ଏବେ ବଢୁଛି ଅଡୁଆ  । ଏହି ପ୍ରସଙ୍ଗରେ ରାଜ୍ୟ ସରକାରଙ୍କ ପକ୍ଷରୁ କମିଶନ ବସାଇ ତଦନ୍ତ ନିର୍ଦ୍ଦେଶ ଦେଇଥିବା ବେଳେ କମିଶନ ତଦନ୍ତ ଆରମ୍ଭ କରିଛନ୍ତି । ସେପଟେ କିନ୍ତୁ ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ଏଯାଏଁ ମୁହଁ ଖୋଲିନାହାନ୍ତି । ଅନ୍ୟପଟେ  ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ପରିଷଦ ପକ୍ଷରୁ ସିଂହଦ୍ୱାରରୁ ନବୀନ ନିବାସ ଯାଏଁ ପଦଯାତ୍ରା ପରେ ପୁଣିଥରେ ସରକାରଙ୍କ ପାଇଁ ବଢିଛି ଅଡୁଆ । ସାରା ରାଜ୍ୟରେ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଥିବା ବେଳେ ଏହାକୁ ନେଇ ତୃତୀୟ ମହଲାରେ ଏକପ୍ରକାର କମ୍ପନ ସୃଷି ହୋଇଥିବା ନେଇ ପାୱାର କରିଡରରେ ଚାଲିଛି ଜୋରଦାର ଚର୍ଚ୍ଚା ।

ରତ୍ନଭଣ୍ଡାର ଚାବି ହଜିବା ପ୍ରସଙ୍ଗ ଜଣାପଡିବା ପର ଠାରୁ ବିଶ୍ୱ ଦରବାରରେ ମଧ୍ୟ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଛି । ରାଜନୈତିକ ଦଳ ଠାରୁ ଆରମ୍ଭ କରି ସାମାଜିକ ସଙ୍ଗଠନ ମଧ୍ୟ ଏନେଇ ରାସ୍ତାକୁ ଓହ୍ଲାଇଛନ୍ତି । ଥାନାରେ ମଧ୍ୟ ଏନେଇ ମାମଲା ଦାଏର ହୋଇଛି । ଏହାସତ୍ୱେ ମଧ୍ୟ ମୁଖ୍ୟମନ୍ତ୍ରୀଙ୍କ ନୀରବତାକୁ ନେଇ ସାଧାରଣରେ ବଡ ପ୍ରଶ୍ନ ଉଠିଛି । ସେପଟେ ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ପରିଷଦ ପକ୍ଷରୁ ସିଂହଦ୍ୱାର ଠାରୁ ନବୀନ ନିବାସ ଯାଏଁ ପଦଯାତ୍ରା ହୋଇଥିବା ବେଳେ ଆନ୍ଦୋଳନକାରୀ ମାନଙ୍କୁ ମୁଖ୍ୟମନ୍ତ୍ରୀ ସାକ୍ଷାତ ନକରିବା କି ସମୟ ନଦେବାକୁ ନେଇ ଏବେ ସାଧାରଣରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି । ଏପରିକି ଏକ ସମ୍ବେଦନଶୀଳ ପ୍ରସଙ୍ଗ, ଯାହାକି ସମଗ୍ର ଓଡିଆଙ୍କ ଭାବାବେଗ ସହ ସମ୍ପୃକ୍ତି ରହିଛି । ଏଭଳି ପ୍ରସଙ୍ଗକୁ ରାଜ୍ୟ ସରକାର ଏଡାଇ ଯିବା ଦୁର୍ଭାଗ୍ୟଜନକ ବୋଲି କହିଛନ୍ତି ବିରୋଧୀ କଂଗ୍ରେସ ଓ ବିଜେପି ।

        </description>
      </item>
      <item>
        <title>
           କାହିଁକି ବିଜେଡି କହିଥିଲା ମିଛ! ସମର୍ଥନ କରିବା ପାଇଁ ବାଧ୍ୟ ହେଲାପରେ ବାହାନା ଖୋଜୁଛି କି ବିଜୁ ଜନତା ଦଳ ?
        </title>
        <link>
           http://khabarodisha.com/Quick-Comment/Rajya-Sabha-Vice-Chairman-BJD-Support-JDU-37335
        </link>
        <guid>
           http://khabarodisha.com/Quick-Comment/Rajya-Sabha-Vice-Chairman-BJD-Support-JDU-37335
        </guid>
        <pubDate>
           Tue, 07 Aug 2018 19:29:58 GMT
        </pubDate>
        <description>

ଆଜି ବିଜୁ ଜନତା ଦଳ ଏନଡିଏର ରାଜ୍ୟସଭା ଉପାଧ୍ୟକ୍ଷ ପଦ ପାଇଁ ପାର୍ଥୀ ହୋଇଥିବା ଜେଡୁଏ ସାଂସଦ ହରିବଂଶନକୁ ସମର୍ଥନ କରିବ ବୋଲି ଘୋଷଣା କରିସାରିଛି । ସମର୍ଥନର କାରଣ ଭାବେ କହିଥିଲେ କି ଜେଡିୟୁ ବିଜୁ ଜନତା ଦଳର ରାଷ୍ଟ୍ରପତି ପାର୍ଥୀ ପିଏ ସାଙ୍ଗମାଙ୍କୁ ଆଗରୁ ସମର୍ଥନ କରିଥିବାରୁ ସେଥିପାଇଁ ସେମାନେ ଜେଡିୟୁର ପାର୍ଥୀଙ୍କୁ ରାଜ୍ୟସଭା ଉପନିର୍ବାଚନରେ ସମର୍ଥନ କରିବେ । ହେଲେ ପରେ ଏହି ବୟାନକୁ ବଦଳାଇ କ୍ଷମା ପାର୍ଥନା କରି ସଂଶୋଧନ କରିବାକୁ ପଡିଲା କାରଣ ଜେଡିୟୁ ବିଜେଡିର ରାଷ୍ଟ୍ରପତି ପାର୍ଥୀ ପିଏ ସାଙ୍ଗମାଙ୍କୁ ସମର୍ଥନ କରିନଥିଲା । ହେଲେ କାହିଁକି ବିଜୁ ଜନତା ଦଳ କାହିଁକି ଏପରି ମିଛ କଥା ପ୍ରଥମେ କହିଲା ଏବଂ ପରେ ଏହାକୁ ବଦଳାଇଲା ତାକୁ ନେଇ ଉଠିଛି ଚର୍ଚ୍ଚା । ବିଜୁ ଜନତା ଦଳ ସବୁବେଳେ ସମଦୂରତା କଥା କହୁଥିବା ବେଳେ ସେହି ସମଦୂରତା ଇମେଜକୁ ବଂଚାଇବା ପାଇଁ ବିଜୁ ଜନତା ଦଳ ଏପରି ପ୍ରୟାସ କରିଥିଲେ ବୋଲି ଆଲୋଚନା ହେଉଛି ।

ସବୁବେଳେ ସମଦୂରତା କଥା କହୁଥିବା ବିଜୁ ଜନତା ଦଳ ରାଜ୍ୟରେ ବିଜେପି ସହିତ ମୁହାଁମୁହିଁ ଲଢି ପ୍ରଧାନମନ୍ତ୍ରୀଙ୍କୁ କଠୋର ସମାଲୋଚନା କରୁଥିବା ବେଳେ କେନ୍ଦ୍ରରେ କିନ୍ତୁ ବିଜେପି ବିରୋଧରେ ଯାଉନାହିଁ । ନିକଟରେ ହୋଇଥିବା ଅନାସ୍ଥା ପ୍ରସ୍ତାବ ବେଳେ ବିଜୁ ଜନତା ଦଳ ବିରତ ରହି ଏକ ପ୍ରକାର ସନ୍ଦେଶ ଦେଇଥିଲା କି ସେମାନେ କେନ୍ଦ୍ରରେ କେଉଁଠି ନା କେଉଁଠି ବିଜେପି ବିରୋଧରେ ଯିବେ ନାହିଁ । ଏବେ ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ଜେଡିୟୁ ପାର୍ଥୀଙ୍କୁ ସମର୍ଥନ କରିବା ହେଉଛି ବୋଧହୁଏ ବିଜୁ ଜନତା ଦଳର ସେହି ବିଜେପିକୁ ଭୟର ପରିପ୍ରକାଶ ବୋଲି ଏବେ ରାଜନୈତିକ ମହଲରେ ଚର୍ଚ୍ଚା ହେଉଛି ।

ଚିଟଫଣ୍ଡ ଦୁର୍ନୀତିରେ ଶାସକ ଦଳର ନେତା ମାନଙ୍କର ସିଧାସଳଖ ସମ୍ପୃକ୍ତିର ପ୍ରମାଣ ସିବିଆଇ ପାଇଛି । ହେଲେ ସିବିଆଇ ମାତ୍ର ୨ ଜଣ ବିଧାୟକ ଏବଂ ଜଣେ ସାଂସଦଙ୍କୁ ଗିରଫ କରିଛି । ହେଲେ ସିବିଆଇ ସ୍କାନରରେ ଅଛନ୍ତି ୭ ସାଂସଦ ଏବଂ ୨୮ ବିଧାୟକ । ସିବିଆଇ କୋପରୁ ବଂଚିବା ପାଇଁ ବିଜୁ ଜନତା ଦଳ ବିଜେପିର କେନ୍ଦ୍ରୀୟ ନେତୃତ୍ୱଙ୍କୁ ଅସୁଖି କରିବା ପାଇଁ ଚାହୁନାହାନ୍ତି । ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ବିଜେଡିର ଭୋଟ ସବୁଠାରୁ ଗୁରୁତ୍ୱପୁର୍ଣ୍ଣ ଥିଲା । କାରଣ ବିଜୁ ଜନତା ଦଳ ଯାହାକୁ ସମର୍ଥନ କରିବ ସେହି ପାର୍ଥୀ ଜିତିବା ସହଜ । ଆଗରୁ ଉପରାଷ୍ଟ୍ରପତି ନିର୍ବାଚନରେ ବିଜୁ ଜନତା ଦଳ ଏନଡିଏ ପାର୍ଥୀ ଭେଙ୍କିୟା ନାଇଡୁଙ୍କୁ ସମର୍ଥନ କରିନଥିଲା କାରଣ ସେତେବେଳେ ଭେଙ୍କିୟା ନାଇଡୁଙ୍କ ପାଇଁ ଜିତିବା ପାଇଁ ସଂଖ୍ୟାର ଅଭାବ ନଥିଲା । 

        </description>
      </item>
      <item>
        <title>
           ଓଡିଶାରୁ କେବେ ବିଦା ହେବେ ବଙ୍ଗଳାଦେଶୀ ଅନୁପ୍ରବେଶକାରୀ ? ଭୋଟବ୍ୟାଙ୍କ ପାଇଁ ହେଉ ନାହାନ୍ତି କି ବିଦା ?
        </title>
        <link>
           http://khabarodisha.com/Quick-Comment/Bangaldeshi-Migrants-Infiltration-Odisha-36923
        </link>
        <guid>
           http://khabarodisha.com/Quick-Comment/Bangaldeshi-Migrants-Infiltration-Odisha-36923
        </guid>
        <pubDate>
           Wed, 01 Aug 2018 19:32:12 GMT
        </pubDate>
        <description>

ଭୁବନେଶ୍ୱର, ୧ ଅଗଷ୍ଟ (ଖବର ଓଡିଶା)- ବଙ୍ଗଳାଦେଶୀ ଅନୁପ୍ରବେଶକାରୀ ପ୍ରସଙ୍ଗରେ ପଦାରେ ପଡୁଛି ନବୀନ ସରକାରଙ୍କ ଦୋମୁହାଁ ନୀତି । ଯାହାକୁ ନେଇ ଏବେ ଚଳଚଞ୍ଚଳ ହୋଇପଡିଛି ରାଜ୍ୟ ରାଜନୀତି । ସେପଟେ ଏହି ପ୍ରସଙ୍ଗକୁ ନେଇ ରାଜ୍ୟ ସରକାରଙ୍କ ଦୁଇଟି ବିଭାଗ ମଧ୍ୟରେ ତାଳମେଳ ରହୁନାହିଁ । ଦୁଇ ବିଭାଗର ତଥ୍ୟ ଭିନ୍ନଭିନ୍ନ ରହିବାକୁ ନେଇ ଏବେ ସାଧାରଣରେ ସରକାରଙ୍କ ଭୂମିକାକୁ ନେଇ ପ୍ରଶ୍ନ ଉଠିଛି । ସେପଟେ ଏ ସବୁ ମଧ୍ୟରେ ସାଂସଦ ପ୍ରସନ୍ତ ଆଚାର୍ୟ୍ୟଙ୍କ ବୟାନ ଚର୍ଚ୍ଚାକୁ ଆସିଛି ।

ଗତକାଲି ରାଜ୍ୟସଭାରେ ବିଜୁ ଜନତା ଦଳର ରାଜ୍ୟସଭା ସଂସଦୀୟ ଦଳର ନେତା ପ୍ରସନ୍ନ ଆଚାର୍ୟ୍ୟ ରାଜ୍ୟସଭାରେ ବଙ୍ଗଳାଦେଶୀ ଅନୁପ୍ରବେଶକାରିଙ୍କୁ ବିଦା କରିବା ପାଇଁ ସମସ୍ତ ପ୍ରୟାସ କରିବା ଦରକାର ବୋଲି କହିଛନ୍ତି । ପ୍ରସନ୍ନ ଆଚାର୍ୟ୍ୟ କହିଛନ୍ତିକି ଏହା ଏକ ଜାତୀୟ ସୁରକ୍ଷାର ପ୍ରସଙ୍ଗ ।

ହେଲେ ଓଡିଶାରେ ବାଙ୍ଗଲାଦେଶି ଅନୁପ୍ରବେଶକାରୀଙ୍କୁ ବାହାର କରିବା ପାଇଁ ତାଙ୍କ ଦଳର ସରକାର ସତରେ ଚାହୁଁଛି କି ? ବାଙ୍ଗଲାଦେଶି ଅନୁପ୍ରବେଶକାରୀଙ୍କୁ ଆମ ରାଜ୍ୟରୁ କାଢିବା ପାଇଁ କିଏ ମନାକରିଛି ରାଜ୍ୟ ସରକାରଙ୍କୁ । କାହିଁକି ରାଜ୍ୟ ସରକାର ବାଙ୍ଗଲାଦେଶୀ ଅନୁପ୍ରବେଶ ମାନଙ୍କୁ ବାହାର କରୁନାହାନ୍ତି ଓଡିଶାରୁ ଏହା ଏକ ବଡ ପ୍ରଶ୍ନ ହୋଇ ଠିଆ ହୋଇଛି ସାଧାରଣ ଜନତାଙ୍କ ଆଗରେ ।

ଏପରିକି ଓଡିଶାରେ କେତେ ବଙ୍ଗଳାଦେଶୀ ଅନୁପ୍ରବେଶକାରୀ ଅଛନ୍ତି ତାକୁ ନେଇ ମଧ୍ୟ ସରକାର ବିଧାନସଭାରେ ଦ୍ୱନ୍ଦାତ୍ମକ ତଥ୍ୟ ଦେଉଛନ୍ତି । ଗୃହ ବିଭାଗ ଏବଂ ରାଜସ୍ୱ ବିଭାଗ ତଥ୍ୟରେ ଅଛି ଆକାଶ ପାତାଳ ଫରକ ।

ରାଜସ୍ୱ ବିଭାଗ ଦେଇଥିବା ତଥ୍ୟ ଅନୁସାରେ ୨୦୧୫-୧୬ ସୁଦ୍ଧା ରାଜ୍ୟରେ ୪୭,୨୮୯ ଜଣ ବାଙ୍ଗଲାଦେଶୀ ଅନୁପ୍ରବେଶ ଅଛନ୍ତି । ହେଲେ ଗୃହ ବିଭାଗ ଦେଇଥିବା ତଥ୍ୟାନୁସାରେ ରାଜ୍ୟରେ ଅଛନ୍ତି ମାତ୍ର ୩୮୩୭ ଜଣ ବାଙ୍ଗଲାଦେଶୀ ଅନୁପ୍ରବେଶ କାରୀ ।  ତାହେଲେ କିଏ ଠିକ ରାଜସ୍ୱ ବିଭାଗ ନା ଗୃହ ବିଭାଗ ତାହା ମଧ୍ୟ ଏକ ବଡ ପ୍ରଶ୍ନ ।

ଏତ ହେଉଛି ସରକାର ହିସାବ ହେଲେ ବେସରକାରୀ ତଥ୍ୟଅନୁସାରେ ଓଡିଶାରେ ୧୦ ଲକ୍ଷରୁ ଅଧିକ ବାଙ୍ଗଲାଦେଶୀ ଅନୁପ୍ରବେଶକାରୀ ଅଛନ୍ତି । 

ଓଡିଶାର ସମୁଦାୟ ୩୦ଟି ଜିଲ୍ଲାରୁ ୨୮ଟି ଜିଲ୍ଲାରେ ଏବେ ବାଙ୍ଗଲାଦେଶି ଅନୁପ୍ରବେଶ କାରି ମାନେ । କେନ୍ଦ୍ରାପଡା, ଜଗତସିଂପୁର, ଏବଂ ନବରଙ୍ଗପୁରରେ ଅଛନ୍ତି ସର୍ବାଧୀକ । ରାଜ୍ୟର ଖଣି ଅଂଚଳ ଏବଂ ଶିଳ୍ପାଂଚଳ ସବୁଠି ବାଙ୍ଗଲାଦେଶୀ ଅନୁପ୍ରବେଶ କାରୀ ମାନେ । ରାଉରକଲାରେ କେବଳ ଅଛନ୍ତି ୧୦ ହଜାରରୁ ଅଧିକ ଅନୁପ୍ରବେଶ କାରୀ ।

୨୦୦୧ ମସିହାରେ ୪୦୦୦ ବାଙ୍ଗଲାଦେଶିଙ୍କୁ ବିତାଡିତ କରାଯିବା ପାଇଁ ନିଷ୍ପତି ହୋଇଥିଲା । ବିଧାନସଭାରେ ଏକ ସର୍ବସମ୍ମତି ପ୍ରସ୍ତାବ ଗୃହିତ ହୋଇଥୀଲା ଓଡିଶାରେ ବାଙ୍ଗଲାଦେଶୀମାନଙ୍କୁ ଚିହ୍ନଟ କରି ବିତାଡିତ କରିବା ହେଲେ ସେ ପ୍ରସ୍ତାବକୁ ରାଜ୍ୟ ସରକାର ଏବେଯାଏଁ କାର୍ୟ୍ୟକାରୀ ହୋଇପାରିଲା ନାହିଁ । 

ବିଧାନସଭାରେ ପୁର୍ଣ୍ଣ ବହୁମତ ଅଛି ବିଜୁ ଜନତା ଦଳର । ହେଲେ କାହିଁକି ରାଜ୍ୟ ସରକାର ବାଙ୍ଗଲାଦେଶିଙ୍କୁ ଓଡିଶାରୁ ଚିହ୍ନଟ କରି ବିଦା କରୁନାହାନ୍ତି ଏହା ଏକ ଚିନ୍ତାଜନକ ବିଷୟ । 

ଏହା ପଛରେ ରାଜନୈତିକ ଭୋଟ ବ୍ୟାଙ୍କ ଏକ ମୁଖ୍ୟ କାରଣ ବୋଲି କୁହାଯାଉଛି । କେନ୍ଦ୍ରାପଡାର ମହାକାଳପଡାରେ ଅଛନ୍ତି ୩୦ ହଜାର ବାଙ୍ଗଲାଦେଶୀ ଭୋଟର । ଖାଲି ମହାକାଳପଡା ନୁହେଁ ରାଜନଗର, ଆଳି,  ନବରଙ୍ଗପୁର, ପାରାଦ୍ୱୀପର ଏରସମା, ତିର୍ତୋଲ ଏପରି ଅନେକ ନିର୍ବାଚନ ମଣ୍ଡଳିରେ ଏହି ବାଙ୍ଗଲାଦେଶି ଭୋଟର ମାନଙ୍କ ନିର୍ବାଚନ ଜିତିବା ହାରିବା ରେ ଗୋଟିଏ ବଡ ଭୁମିକା ଅଛି ।

ଜାଲ ନୋଟ କାରବାରଠାରୁ ଆରମ୍ଭ କରି ଗଂଜେଇ ବ୍ରାଉନସୁଗାର ଚାଲାଣ ସବୁଥିରେ ବାଙ୍ଗଲାଦେଶୀ ଅନୁପ୍ରବେଶକାରୀକାରିକ ସମ୍ପୃକ୍ତ ଥିବା ନେଇ ବିଭିନ୍ନ ସମୟରେ ଅଭିଯୋଗ ମଧ୍ୟ ହେଉଛି ।

        </description>
      </item>
      <item>
        <title>
           ଖୋଲୁଛି ଗୁମର ସ୍ୱାମୀ ଅଗ୍ନିବେଶ ଯାଇଥିଲେ ଧର୍ମାନ୍ତକରଣ ସଭାରେ ମୁଖ୍ୟବକ୍ତା ହୋଇ
        </title>
        <link>
           http://khabarodisha.com/Quick-Comment/Swami-Agnibesh-Attacked-Christian-Conversion-36072
        </link>
        <guid>
           http://khabarodisha.com/Quick-Comment/Swami-Agnibesh-Attacked-Christian-Conversion-36072
        </guid>
        <pubDate>
           Thu, 19 Jul 2018 17:10:01 GMT
        </pubDate>
        <description>

 ଏବେ ସାଧାରଣରେ ମାଡ ଖାଇ ସାରା ଦେଶରେ ଚର୍ଚ୍ଚାର କେନ୍ଦ୍ର ବିନ୍ଦୁରେ ଥିବା ଅଗ୍ନିବେଶଙ୍କ ବିଷୟରେ ଦିନକୁ ଦିନକୁ ନୁଆ ନୁଆ ତଥ୍ୟ ଆସିବାରେ ଲାଗିଛି । କିଛି ଇଂରାଜୀ ଗଣମାଧ୍ୟମ ଏବଂ ହିନ୍ଦି ଗଣମାଧ୍ୟମରେ ପ୍ରକାଶିତ ହୋଇଥିବା ଖବର ଅନୁସାରେ ସ୍ୱାମୀ ଅଗ୍ନିବେଶ ଝାରଖଣ୍ଡର ପାକୁର ଜିଲ୍ଲାରେ ହେଉଥିବା ଏକ ଧର୍ମାନ୍ତକରଣ ସଭାରେ ମୁଖ୍ୟ ବକ୍ତା ଭାବେ ଯୋଗ ଦେବା ପାଇଁ ଯାଇଥିଲେ । ସେଠାକାର ସ୍ଥାନୀୟ ୩୦୦୦ରୁ ଅଧିକ ଆଦିବାସୀ ହିନ୍ଦୁ ଧର୍ମ ଛାଡି ଅନ୍ୟ ଧର୍ମରେ ସାମିଲ ହୋଇଥାନ୍ତେ ।

କାର୍ଯ୍ୟକ୍ରମ ସ୍ଥିର ହେବା ସମୟରେ ଏହାକୁ କିଛି ସ୍ଥାନୀୟ ଲୋକମାନେ ବିରୋଧ କରିଥିଲେ । ହେଲେ ସ୍ୱାମୀ ଅଗ୍ନିବେଶ ଏହାକୁ ନମାନି ସଭାରେ ଯୋଗଦେବାକୁ ପାକୁର ପହଂଚିଥିଲେ । ଧର୍ମାନ୍ତକରଣ ରୋକିବା ପାଇଁ କାମ କରୁଥିବା କିଛି ସ୍ଥାନୀୟ ସଙ୍ଗଠନ ମାନେ ଏ ବିଷୟରେ ସ୍ଥାନୀୟ ପୋଲିସ ପ୍ରଶାସନରେ ଜଣାଇଥିଲେ । ହେଲେ କିଛି ଲାଭ ନହେବାରୁ ସେମାନେ ଆଇନକୁ ହାତକୁ ନେଇଥିଲେ । ସ୍ୱାମୀ ଅଗ୍ନିବେଶ ରହୁଥିବା ହୋଟେଲ ବାହାରେ ହିଁ ସେମାନେ ଅଗ୍ନିବେଶଙ୍କୁ ମାଡ ମାରିଥିଲେ । ମାଡ ମାରିବା ପରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବା ଭୟରେ ଉକ୍ତ ଧର୍ମାନ୍ତକରଣ କାର୍ଯ୍ୟକ୍ରମ ବନ୍ଦ ହୋଇଯାଇଥିବା ଜଣାପଡିଛି ।

ଝାରଖଣ୍ଡର ପାକୁର ଜିଲ୍ଲାରେ ଧର୍ମାନ୍ତକରଣ ହେଉଥିବାର ଅଭିଯୋଗ ଆଗରୁ ହୋଇଆସୁଥିଲା । 

        </description>
      </item>
      <item>
        <title>
           ଲୋକାୟୁକ୍ତ ନିଯୁକ୍ତି କରିବେନି ବୋଲି ସୁପ୍ରିମକୋର୍ଟର ସତ୍ୟପାଠକୁ ନମାନିବାକୁ ବି ପଛେଇଲେନି ସରକାର !
        </title>
        <link>
           http://khabarodisha.com/Quick-Comment/Odisha-Lokayukta-Appointment-Naveen-Pattnaik-35577
        </link>
        <guid>
           http://khabarodisha.com/Quick-Comment/Odisha-Lokayukta-Appointment-Naveen-Pattnaik-35577
        </guid>
        <pubDate>
           Tue, 10 Jul 2018 19:49:44 GMT
        </pubDate>
        <description>

 ଆଜି ହେଉଛି ଜୁଲାଇ ୧୦ । ଲୋକାୟୁକ୍ତ ନିଯୁକ୍ତି ପ୍ରସଙ୍ଗରେ ସୁପ୍ରିମକୋର୍ଟରେ ନିଜେ ରାଜ୍ୟ ସରକାର ଦେଇଥିବା ସତ୍ୟପାଠ ଅନୁସାରେ ଆଜି ରାଜ୍ୟରେ ଲୋକାୟୁକ୍ତ ନିଯୁକ୍ତି ହୋଇଯିବା କଥା । ହେଲେ ଏହା ହୋଇପାରିଲା ନାହିଁ । ସରକାର ଲୋକାୟୁକ୍ତ ନିଯୁକ୍ତି କଥା ଛାଡନ୍ତୁ ଏଥିପାଇଁ ନୋଟିସ ବା ସର୍ଚ୍ଚ କମିଟି ବି ଗଠନ କରିନାହାନ୍ତି ।  ଲୋକାୟୁକ୍ତ ନିଯୁକ୍ତି ପାଇଁ ରାଜ୍ୟ ସରକାର ସତରେ ଚାହାନ୍ତି ନା ଚାହାନ୍ତି ନାହିଁ ତାକୁ ନେଇ ଏବେ ଉଠିଛି ପ୍ରଶ୍ନ ।

ମୁଖ୍ୟମନ୍ତ୍ରୀ ନବିନ ପଟ୍ଟନାୟକ ଦେଶର ପ୍ରଥମ ରାଜ୍ୟ ଭାବେ ଓଡିଶାରେ ଲୋକାୟୁକ୍ତ ବିଲକୁ ୨୦୧୪ ମସିହାରେ ବିଧାନସଭାରେ ପାସ କରାଇଥିଲେ । ପ୍ରଥମ ରାଜ୍ୟଭାବେ ଏପରି କରି ପୁରା ସାରା ଦେଶରେ ବାହାବା ବି ନେଇଥିଲେ । ଦୁର୍ନୀତି ହଟାଇବା ପାଇଁ ନବିନ ପଟ୍ଟନାୟକଙ୍କ ସରକାର ଯେ ପୁରା ସମର୍ପିତ ଏପରି କିଛି ସନ୍ଦେଶ ଯାଇଥିଲା ସେତେବବେଳେ ସାରା ଦେଶରେ । ଏହାକୁ ୨୦୧୫ରେ ରାଷ୍ଟ୍ରପତିଙ୍କ ମୋହର ମଧ୍ୟ ବାଜିସାରିିଛି । ଏହା ଏବେ ଏକ ଆଇନ ହୋଇସାରିଛି । ହେଲେ ଅାଇନ ଖାଲି ଅାଇନ ହୋଇ ରହିଯାଇଛି କିନ୍ତୁ ଲୋକାୟୁକ୍ତ ନାହାନ୍ତି ।

ରାଜ୍ୟ ସରକାର ଲୋକାୟୁକ୍ତ ନିଯୁକ୍ତି ନକରିବା କାରଣରୁ କିଛି ସମାଜସେବୀ ୨୦୧୬ ମସିହାରେ ସୁପ୍ରିମକୋର୍ଟର ଆଶ୍ରୟ ନେଇଥିଲେ । ସୁପ୍ରିମକୋର୍ଟରେ ରିଟ ପିଟିସନ ନମ୍ବର ୬୮୪/୨୦୧୬ରେ ଓଡିଶା ସରକାରଙ୍କର ମୁଖ୍ୟ ଶାସନ ସଚିବ ସତ୍ୟପାଠ ଦାଖଲ କରି କହିଥିଲେ କି ରାଜ୍ୟରେ ଲୋକାୟୁକ୍ତ ନିଯୁକ୍ତି ପ୍ରକିୟା ଚାଲିଛି । ସେତେବେଳେ ସରକାର ସୁପ୍ରିମକୋର୍ଟରେ କହିଥିଲେ କି ରାଜ୍ୟ ସରକାର ଏଥିପାଇଁ ଏକ ସର୍ଚ୍ଚ କମିଟି ତୁରନ୍ତ ଗଠନ କରିବେ ଏବଂ ଲୋକାୟୁକ୍ତ ନିଯୁକ୍ତି ପ୍ରକିୟାକୁ ଜୁଲାଇ ୧୦, ୨୦୧୮ ସୁଦ୍ଧା ସାରି ମାନ୍ୟବର କୋର୍ଟକୁ ଜଣାଇବେ । ହେଲେ ଆଜି ଜୁଲାଇ ୧୦ ତାରିଖର କଂଟ ପୁରିଲାବେଳେ ରାଜ୍ୟ ସରକାର ଏବେ ସୁଦ୍ଧା ଲୋକାୟୁକ୍ତ ନିଯୁକ୍ତି କଥା ଛାଡନ୍ତୁ ସର୍ଚ୍ଚ କମିଟିଟିଏ ବି ଗଠନ କଲେନାହିଁ ।

ଲୋକାୟୁକ୍ତ ନିଯୁକ୍ତି କମିଟିର ଅଧ୍ୟକ୍ଷ ହେଉଛନ୍ତି ନିଜେ ମୁଖ୍ୟମନ୍ତ୍ରୀ । ହେଲେ ମୁଖ୍ୟମନ୍ତ୍ରୀ କାହିଁକି ଲୋକାୟୁକ୍ତ ନିଯୁକ୍ତି କରିବା ପାଇଁ ପଛାଉଛନ୍ତି ତାହା ସନ୍ଦେହରେ । କାରଣ ବିଲ ପାସ ହେବାକୁ ୪ ବର୍ଷ ପୁରିବାକୁ ବସିଥିବାବେଳେ ଏବଂ ସୁପ୍ରିମକୋର୍ଟରେ ସତ୍ୟପାଠ ଦେଇବି ନିଯୁକ୍ତି ପ୍ରକ୍ରିୟା ଆରମ୍ଭ ନକରିବା ନିହାତି ଚିନ୍ତାଜନକ ବିଷୟ । ସୁପ୍ରିମକୋର୍ଟରେ ସତ୍ୟପାଠ ଦେଇ ତାକୁ ନମାନିବା ଏବଂ ଲୋକାୟୁକ୍ତ ନିଯୁକ୍ତି କରିବା ପାଇଁ ରାଜ୍ୟ ସରକାର ଡରିବା ପଛରେ କଣ ଅଦୃଶ୍ୟ କାରଣ ଅଛି ତାହା ଏବେସୁଦ୍ଧା ବୁଝିହେଉନାହିଁ ।

ଏହାକୁ ନେଇ ଘେରିଛନ୍ତି ବିରୋଧୀ । ନିଜେ ବସାଇଥିବା ଜାଲରେ ନିଜେ ଛନ୍ଦି ହୋଇଯିବାର ଭୟରେ ସରକାର ଲୋକାୟୁକ୍ତ ନିଯୁକ୍ତି ଦିଗରେ ଅାଦୌ ଆଗଉନାହାନ୍ତି ବୋଲି ବିରୋଧୀ ମାନଙ୍କ ପକ୍ଷରୁ କୁହାଯାଇଛି । କାଳେ ଏହି ଆଇନକୁ ଆୟୁଧ କରି ସରକାରଙ୍କୁ ଦୁର୍ନୀତି ବିରୋଧରେ କାଠଗଡାକୁ ଟାଣିବେ ଏହି ଡରରେ ଲୋକାୟୁକ୍ତ ନିଯୁକ୍ତି ରାଜ୍ୟ ସରକାର କରୁନାହାନ୍ତି ବୋଲି ବିରୋଧୀମାନେ କହିଛନ୍ତି ।

        </description>
      </item>
   </rss>
 </channel>