<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ମତଦାନ ପର୍ଯ୍ୟନ୍ତ ଆରଏସଏସ ପ୍ରତି ସତର୍କ ରୁହନ୍ତୁ, ପରେ ଆମେ ଦେଖି ନେବୁ
        </title>
        <link>
           http://khabarodisha.com/Politics/Kamalnath-allegedly-warns-muslims-to-be-safe-from-rss-video-goes-viral-43138
        </link>
        <guid>
           http://khabarodisha.com/Politics/Kamalnath-allegedly-warns-muslims-to-be-safe-from-rss-video-goes-viral-43138
        </guid>
        <pubDate>
           Wed, 14 Nov 2018 22:22:45 GMT
        </pubDate>
        <description>

ମଧ୍ୟ ପ୍ରଦେଶ ବିଧାନସଭା ପୂର୍ବରୁ ଭିନ୍ନ ଭିନ୍ନ ପ୍ରକାରର ଭିଡିଓ ଓ ଅଡ଼ିଓ ଭାଇରାଲ ହେବାରେ ଲାଗିଛି। ଏହା ମଧ୍ୟରେ କଂଗ୍ରେସ ଅଧ୍ୟକ୍ଷ କମଲନାଥଙ୍କୁ ନେଇ ନୂତନ ଭିଡ଼ିଓ ସାମ୍ନାକୁ ଆସିଛି। ଭିଡିଓରେ ସେ ମୁସଲିମ ପ୍ରତିନିଧିମଣ୍ଡଳକୁ କଥିତ ଭାବେ ନିର୍ବାଚନ ହେବା ପର୍ଯ୍ୟନ୍ତ ଆରଏସଏସ ପ୍ରତି ସତର୍କ ରହିବା ଆବଶ୍ୟକ ବୋଲି କହୁଥିବା ଶୁଣିବାକୁ ମିଳିଛି। କମଲନାଥ ଏହି ବୟାନ ଉପରେ ବିଜେପି କଂଗ୍ରେସ ଉପରେ ତୃଷ୍ଟୀକରଣର  ରାଜନୀତି କରୁଥିବା ଅଭିଯୋଗ କରିଛି। 

କମଲନାଥଙ୍କ ଏହି ଭିଡ଼ିଓ ରାଜ୍ୟର ସାମାଜିକ ଗଣମାଧ୍ୟମରେ ଭାଇରାଲ ହୋଇଛି। ଏଥିରେ ମୁସଲିମ ସମାଜର ପ୍ରତିନିଧି କମଲନାଥଙ୍କ ସହିତ ବସି ଆଲୋଚନା କରୁଥିବା ଦେଖିବାକୁ ମିଳିଛି। କମଲନାଥ ଆରଏସଏସ ଲୋକଙ୍କୁ ହମଲା କରି କହୁଛନ୍ତି ଯେ  ଆରଏସଏସର ଲୋକ କଣ କରୁଛନ୍ତି, ଏହାର ସମସ୍ତ ସୂଚନା ମୋ ପାଖରେ ରହିଛି। ଆରଏସଏସର କେବଳ ଗୋଟିଏ ସ୍ଲୋଗାନ ଯଦି ହିନ୍ଦୁଙ୍କୁ ଭୋଟ୍ ଦେବାର ଅଛି ତେବେ ହିନ୍ଦୁ ସିଂହ ମୋଦୀଙ୍କୁ ଭୋଟ୍ ଦିଅନ୍ତୁ। ଯଦି ମୁସଲମାନଙ୍କୁ ଭୋଟ୍ ଦେବାର ଅଛି ତେବେ କଂଗ୍ରେସକୁ ଦିଅନ୍ତୁ। 

କମଲନାଥ ଏହି ଭିଡିଓରେ କହୁଛନ୍ତି ଯେ ମୋର କ୍ଷେତ୍ର ନାଗପୁରରେ ସଙ୍ଘର ଲୋକ ଦିନରେ ଆସନ୍ତି ଏବଂ ରାତିରେ ଚାଲି ଯାଆନ୍ତି। ସେମାନେ କେବଳ ଦୁଇ ଧାଡି ପାଠ ପଢାଇବାକୁ ଆସନ୍ତି- ଯଦି ହିନ୍ଦୁଙ୍କୁ ଭୋଟ୍ ଦେବାର ଅଛି ତେବେ ହିନ୍ଦୁ ସିଂହ ମୋଦୀଙ୍କୁ ଭୋଟ୍ ଦିଅନ୍ତୁ। ଯଦି ମୁସଲମାନଙ୍କୁ ଭୋଟ୍ ଦେବାର ଅଛି ତେବେ କଂଗ୍ରେସକୁ ଦିଅନ୍ତୁ। ଏହା ସଙ୍ଘର ଏକ ରଣନୀତି ବୋଲି କମଲନାଥ କହିଛନ୍ତି।

କମଲନାଥ ମୁସଲିମ ସମାଜର ପ୍ରତିନିଧିଙ୍କୁ କହୁଛନ୍ତି ଯେ ବର୍ତ୍ତମାନ ସମୟରେ ସଜାଗ ଓ ସତର୍କ ରହିବାର ଆବଶ୍ୟକତା ରହିଛି। ଏହି  ଲୋକ ଏବେ ଆପଣଙ୍କୁ ଉସୁକାଇବାକୁ ଚେଷ୍ଟା କରିବେ। ମତଦାନ ପର୍ଯ୍ୟନ୍ତ ଆପଣ ସତର୍କ ରୁହନ୍ତୁ, ପରେ ଆମେ ଏମାନେଙ୍କୁ ଦେଖିନେବୁ। 

କମଲନାଥଙ୍କ ଏହି ବୟାନ ଉପରେ ବିଜେପି ପ୍ରଦେଶ ଅଧ୍ୟକ୍ଷ ରାକେଶ ସିଂହଙ୍କ କହିବା କଥା କଂଗ୍ରେସ, ରାହୁଲ ଗାନ୍ଧୀ,  କମଲନାଥ ସମସ୍ତଙ୍କ ଗୋଟିଏ କାମ, ରାଷ୍ଟ୍ରବାଦ ସଙ୍ଗଠନକୁ ଟାର୍ଗେଟ୍ କରିବା କାରଣ ବିଜେପି ରାଷ୍ଟ୍ରବାଦର କଥା କହିଥାଏ। ବିଜେପି ରାଷ୍ଟ୍ରବାଦୀ ସଙ୍ଗଠନକୁ ନେଇ ଚାଲିଥାଏ। ଯେଉଁଥିରେ ପୂରା ଦେଶ ଗୋଟିଏ ସୂତ୍ରରେ ବାନ୍ଧି ହୋଇ ଆଗକୁ ବଢିଥାଏ। କଂଗ୍ରେସ ସର୍ବଦା ‘ବିଭାଜନ କର ଏବଂ ରାଜ କର’ ଆଧାରରେ ରାଜନୀତି କରିଥାଏ। ଏଥିପାଇଁ ସେମାନେ ସମୟ ସମୟରେ ସଙ୍ଘ ପରି ରାଷ୍ଟ୍ରବାଦୀ ସଙ୍ଗଠନ ଉପରେ ଆକ୍ରମଣ କରି ତୃଷ୍ଟିକରଣ ରାଜନୀତି କରିଥାଏ। 

        </description>
      </item>
      <item>
        <title>
           ମୁଖ୍ୟମନ୍ତ୍ରୀ ମହିଳାଙ୍କୁ ସ୍ମାର୍ଟ ଫୋନ୍ ନୁହେଁ ବରଂ ସୁରକ୍ଷା ଓ ଆତ୍ମସ୍ୱାଭିମାନ ଯୋଗାଇଦିଅନ୍ତୁ: ପ୍ରଭାତି ପରିଡା
        </title>
        <link>
           http://khabarodisha.com/Politics/Women-Should-Have-Safety-Instead-Mobile-Phone-Said-Pravati-Parida-43137
        </link>
        <guid>
           http://khabarodisha.com/Politics/Women-Should-Have-Safety-Instead-Mobile-Phone-Said-Pravati-Parida-43137
        </guid>
        <pubDate>
           Wed, 14 Nov 2018 21:46:26 GMT
        </pubDate>
        <description>

ମୁଖ୍ୟମନ୍ତ୍ରୀ ସ୍ୱୟଂ ସହାୟିକା ଗୋଷ୍ଠୀ ସଦସ୍ୟାଙ୍କୁ ସ୍ମାର୍ଟ ଫୋନ୍ ନୁହେଁ ବରଂ ରାଜ୍ୟର ମହିଳାମାନଙ୍କୁ ସୁରକ୍ଷା ଓ ଆତ୍ମସ୍ୱାଭିମାନ ଯୋଗାଇ ଦିଅନ୍ତୁ ବୋଲି ରାଜ୍ୟ ବିଜେପି ମହିଳା ମୋର୍ଚ୍ଚା ସଭାନେତ୍ରୀ ଶ୍ରୀମତୀ ପ୍ରଭାତି ପରିଡା କହିଛନ୍ତି । ରାଜ୍ୟର ମହିଳାମାନେ ସ୍ମାର୍ଟ ହେବା ପାଇଁ ସେମାନଙ୍କୁ ଫୋନ ଯୋଗାଇ ଦେବାର ଆବଶ୍ୟକତା ନାହିଁ । କାରଣ ଆଜିର ସମୟରେ ମହିଳାଙ୍କ ହାତରେ ସ୍ମାର୍ଟ ଫୋନ ଅଛି । ରାଜ୍ୟର ମହିଳାମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡିଜିଟାଲ ଇଣ୍ଡିଆରେ ନିଜକୁ ସାମିଲ କରି ପ୍ରଗତି ପଥରେ ଆଗେଇ ଚାଲିଛନ୍ତି । ମହିଳାଙ୍କ ମୌଳିକ ଆବଶ୍ୟକତା ପୂରଣ ନକରି ଆଗାମୀ ନିର୍ବାଚନକୁ ଆଖିରେ ରଖି ସ୍ମାର୍ଟ ଫୋନ ଦେବା ପାଇଁ ଘୋଷଣା କରିବା କେବଳ ରାଜନୀତି ଉଦ୍ଦେଶ୍ୟ ପ୍ରଣୋଦିତ । ଦାର୍ଘ ୧୮ ବର୍ଷ ମଧ୍ୟରେ ମୁଖ୍ୟମନ୍ତ୍ରୀ ସ୍ୱୟଂସହାୟକ ଗୋଷ୍ଠୀ ଗଠନ କରିଛନ୍ତି ସତ କିନ୍ତୁ ସେହି ଗୋଷ୍ଠୀ ମଧ୍ୟରୁ ଜଣେ ବି ମହିଳା ଉଦ୍ୟୋଗୀ ହୋଇପାରିନାହାଁନ୍ତି । ଏପରିକି ଏହି କାର୍ଯ୍ୟକ୍ରମରେ ଓଡିଶାର ଜଣେ ବି ମହିଳା ଉଦ୍ୟୋଗୀ ନଥିବା ଅତ୍ୟନ୍ତ ର୍ଦୁଭାଗ୍ୟଜନକ ।

ସ୍ୱୟଂସହାୟକ ଗୋଷ୍ଠୀଙ୍କୁ ଉଦ୍ୟୋଗୀ କରିବା ପାଇଁ ସ୍ମାର୍ଟଫୋନ ଗୋଟିଏ ମାଧ୍ୟମ ନୁହେଁ । ରାଜ୍ୟସରକାର ସ୍ୱୟଂସହାୟିକା ଗୋଷ୍ଠୀ ଏବଂ ସେମାନଙ୍କର ହାତ ତିଆରି ଜିନିଷରୁ ବିକ୍ରି କରିବା ଅବା ଲୋକାଭିମୁଖୀ କରିବା ପାଇଁ କଣ ସବୁ ପଦକ୍ଷେପ ନେଇଛନ୍ତି ତାହା ସ୍ପଷ୍ଟ କରନ୍ତୁ । ଦେଶର ଅନ୍ୟ ରାଜ୍ୟରେ ସ୍ୱୟଂସହାୟକ ମହିଳା ଗୋଷ୍ଠୀ ଅମୂଲ, ମଦର ଡାଏରୀ ,ଲିଜତ ପାମ୍ପଡ ଭଳି ବିଭିନ୍ନ କୁଟୀର ଶିଳ୍ପ ମାଧ୍ୟମରେ ଯେପରି ନିଜର ପ୍ରଡକ୍ଟକୁ ଭାରତର ବଜାରରେ ବ୍ରାଣ୍ଡିଙ୍ଗ କରିପାରିଛନ୍ତି । ସେହିପରି ରାଜ୍ୟରେ ମିଶନ ଶକ୍ତି ଥାଇ ମଧ୍ୟ ମହିଳାଙ୍କ ହୋମ ପ୍ରଡକ୍ଟ ଉପରେ କୈାଣସି ବ୍ରାଣ୍ଡିଙ୍ଗ ହୋଇଛି ନା ମାକେଟିଂ କରିବା ପାଇଁ କିଛି ସୁଯୋଗ ସୃଷ୍ଟି ହୋଇଛି ବୋଲି ଶ୍ରୀମତୀ ପରିଡା ପ୍ରଶ୍ନ କରିଛନ୍ତି ।

ରାଜ୍ୟସରକାର ଝିଅମାନଙ୍କୁ ଶିକ୍ଷା , ସ୍ୱାସ୍ଥ୍ୟ ଏବଂ ସୁରକ୍ଷା ପ୍ରଥମେ ଯୋଗାଇ ଦିଅନ୍ତୁ । ସ୍କୁଲରେ ପାଠପଢୁଥିବା ଝିଅକୁ ଶିକ୍ଷକ ଦରକାର । ଘରୁ ରାସ୍ତାକୁ ବାହରୁଥିବା ଝିଅ ଓ ମହିଳାମାନଙ୍କୁ ସୁରକ୍ଷା ଦରକାର । ନାବାଳିକା ଝିଅଙ୍କୁ ଦୁଷ୍କର୍ମ କରୁଥିବା ଅପରାଧୀଙ୍କୁ ଧରି ଦଣ୍ଡ ଦେବା ଦରକାର । ପୁରୁଷ ଚାଷୀଙ୍କ ପରେ ଏବେ ମହିଳା ଚାଷୀମାନେ ଆତ୍ମହତ୍ୟା କଲେଣି । ଆମ୍ବୁଲାନ୍ସ ନପହଂଚିବାରୁ ବାଟରେ ଘାଟରେ ମହିଳାମାନେ ପ୍ରସବ କରୁଛନ୍ତି । ମହିଳାମାନଙ୍କୁ ଯୋଜନା କରାଇବା ନାଁରେ ଶାସକ ବିଜେଡି ନେତା ଦଳୀୟ କାର୍ଯ୍ୟାଳୟରେ ଦୁଷ୍କର୍ମ କରୁଛନ୍ତି । ଶାସକ ବିଧାୟକଙ୍କ ସଂପର୍କୀୟ ମାନେ ନାବାଳିକାଙ୍କୁ ଦୁଷ୍କର୍ମ କରିଚାଲିଛନ୍ତି । ଏହାର ସମାଧାନ କରି ରାଜ୍ୟସରକାର ମହିଳାଙ୍କୁ ସେମାନଙ୍କ ଅଧିକାର ଓ ନ୍ୟାୟ ଦିଅନ୍ତୁ ।             

ସ୍ୱୟଂ ସହାୟିକା ଗୋଷ୍ଠୀ ତିଆରି କରି ଶାସକ ବିଜେଡି ରାସନ କାର୍ଡ ବାଟିଂବା ଭଳି କେବଳ ନିଜ ଦଳୀୟ ମହିଳା ଗୋଷ୍ଠୀଙ୍କୁ ସ୍ମାର୍ଟ ଫୋନ୍ ଦେବେ କି ରାଜ୍ୟର ସମସ୍ତ ସ୍ୱୟଂ ସହାୟିକା ଗୋଷ୍ଠୀକୁ ଦେବେ ତାହା ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ ବୋଲି ଶ୍ରୀମତୀ ପରିଡା କହିଛନ୍ତି ।

        </description>
      </item>
      <item>
        <title>
           ଡିସେମ୍ବର ୧୧ରୁ ସଂସଦର ଶୀତକାଳୀନ ଅଧିବେଶନ, କଣ ରାମ ମନ୍ଦିର ଉପରେ ଆସିବ କାନୁନ ?
        </title>
        <link>
           http://khabarodisha.com/Politics/winter-session-of-parliament-to-be-held-from-11-december-2018-to-8-january-2019-43134
        </link>
        <guid>
           http://khabarodisha.com/Politics/winter-session-of-parliament-to-be-held-from-11-december-2018-to-8-january-2019-43134
        </guid>
        <pubDate>
           Wed, 14 Nov 2018 21:01:30 GMT
        </pubDate>
        <description>

 ସଂସଦର ଶୀତକାଳୀନ ଅଧିବେଶନ ଡିସେମ୍ବର ୧୧ରୁ ଆରମ୍ଭ ହେବ। ଏହା ୨୦୧୯ ଜାନୁଆରୀ ୮ ପର୍ଯ୍ୟନ୍ତ ଚାଲିବ। ବୁଧବାର କେନ୍ଦ୍ରୀୟ  ମନ୍ତ୍ରୀ ପିୟୂଷ ଗୋଏଲ ଏହାର ସୂଚନା ଦେଇଛନ୍ତି। ଏହି ଅଧିବେଶନରେ ରାମ ମନ୍ଦିର ବିଧେୟକ ଆସିବା ନେଇ କଳ୍ପନା କଳ୍ପନା କରାଯାଉଛି। ଲୋକସଭା ନିର୍ବାଚନ ପୂର୍ବରୁ ମୋଦୀ ସରକାରଙ୍କ ଉପରେ ରାମ ମନ୍ଦିର ପାଇଁ ସଂସଦରେ କାନୁନ ଆଣିବା ପାଇଁ ବହୁତ ଚାପ ପଡୁଛି। ସାଧୁ-ସନ୍ଥ ଓ ଆରଏସଏସ ସମେତ ଅନେକ ହିନ୍ଦୁବାଦୀ ସଂଗଠନ ଏହି ପ୍ରସଙ୍ଗରେ ସରକାରଙ୍କୁ ଚେତାବନୀ ଦେଇ ସାରିଛନ୍ତି।

ମନ୍ତ୍ରିମଣ୍ଡଳର ସଂସଦୀୟ ମାମଲା ସମିତି(ସିସିପିଏ) ସଂସଦରେ ଶୀତକାଳୀନ ଅଧିବେଶନ ଡିସେମ୍ବର ୧୧ରୁ ଜାନୁଆରୀ ୮ ପର୍ଯ୍ୟନ୍ତ କରିବାକୁ ସୁପାରିଶ କରିଛନ୍ତି। ଏହା ପୂର୍ବରୁ  ମଙ୍ଗଳବାର କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ଗଠିତ ସିସିପିଏ ବୈଠକ ତାଙ୍କ ବାସଭବନରେ ଅନୁଷ୍ଠିତ ହୋଇଥିଲା। ବୈଠକରେ ସଂସଦର ତାରିଖ ଉପରେ ବିଚାର ବିମର୍ଶ କରିଥିଲେ।

ଆଗାମୀ ଲୋକସଭା ନିର୍ବାଚନ ପୂର୍ବରୁ ମୋଦୀ ସରକାରଙ୍କ ଏହା ହେଉଛି ଅନ୍ତିମ ପୂର୍ଣ୍ଣ ସଂସଦୀୟ ଅଧିବେଶନ। ସ୍ଵାଭାବିକ ରୂପେ ସଂସଦର ଶୀତକାଳୀନ ଅଧିବେଶନ  ନଭେମ୍ବରରେ ଆରମ୍ଭ ହୋଇଥାଏ। ମାତ୍ର ଦ୍ଵିତୀୟ ବର୍ଷ ହେବ ଶୀତକାଳୀନ ଅଧିବେଶନ ଡିସେମ୍ବରରେ  ଆରମ୍ଭ ହେଉଛି। ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ କାରଣରୁ ଚଳିତ ବର୍ଷ ଅଧିବେଶନରେ ବିଳମ୍ବ ଘଟିଛି।

ସୂଚନାଯୋଗ୍ୟ ଚଳିତ ବର୍ଷ ଶେଷ ଆଡକୁ ମଧ୍ୟ ପ୍ରଦେଶ, ଛତିଶଗଡ଼, ରାଜସ୍ଥାନ, ମିଜୋରାମ ଓ ତେଲଙ୍ଗାନାରେ ବିଧାନସଭା ନିର୍ବାଚନ ହେଉଛି।  ଏହି ସବୁ ରାଜ୍ୟର ନିର୍ବାଚନ ଫଳାଫଳ ଡିସେମ୍ବର ୧୧ରେ ଘୋଷିତ ହେବ। ଖାସ୍ କଥା ଏହା ଯେ ଶୀତକାଳୀନ ଅଧିବେଶନ  ସେହି ଦିନ ଆରମ୍ଭ ହେଉଛି ଯେଉଁ ଦିନ ପାଞ୍ଚଟି ରାଜ୍ୟର ନିର୍ବାଚନ ଫଳାଫଳ ସାମ୍ନାକୁ ଆସିବ।

କଣ ରାମ ମନ୍ଦିର ଉପରେ ସଂସଦରେ ଆସିବ କାନୁନ

ଏହି ଶୀତକାଳୀନ ଅଧିବେଶନରେ ଅନେକ ବିଧେୟକ ପାରିତ ହେବା ଏବଂ ଅନେକ ବିଧେୟକ  ଉପସ୍ଥାପନ ହେବାର ଆଶା ରହିଛି। ବିଶେଷ କରି ରାମ ମନ୍ଦିର ଉପରେ ସଂସଦରେ ବିଧେୟକ ଆସିବାର ଆଶା କରାଯାଉଛି।  ବର୍ତ୍ତମାନ ରାମ ମନ୍ଦିର ନିର୍ମାଣ ପ୍ରସଙ୍ଗ ଭାରତୀୟ ରାଜନୀତିର କେନ୍ଦ୍ର ପାଲଟିଛି। ରାମ ମନ୍ଦିର ଉପରେ କାନୁନ ଆଣିବାକୁ ମୋଦୀ ସରକାରଙ୍କ ଉପରେ ବହୁତ ଚାପ ରହିଛି। ଆରଏସଏସ ସମେତ ଅନେକ ହିନ୍ଦୁବାଦୀ ସଂଗଠନ ଓ ସନ୍ଥ ସମାଜ ମୋଦୀ ସରକାରଙ୍କଠାରେ ରାମ ମନ୍ଦିର ପାଇଁ ଅଧ୍ୟାଦେଶ ଆଣିବାକୁ ଦାବି କରୁଛନ୍ତି। 

        </description>
      </item>
      <item>
        <title>
           ସି-ପ୍ଲେନ୍‌ ପ୍ରକଳ୍ପ ଭଳି ତଟୀୟ ରାଜପଥ ନିର୍ମାଣରେ ବଡ ବାଧକ ସାଜିଛି ବିଜେଡ଼ି: ବିଜେପି
        </title>
        <link>
           http://khabarodisha.com/Politics/BJP-and-BJD-Fight-Costal-Highway-43131
        </link>
        <guid>
           http://khabarodisha.com/Politics/BJP-and-BJD-Fight-Costal-Highway-43131
        </guid>
        <pubDate>
           Wed, 14 Nov 2018 18:57:51 GMT
        </pubDate>
        <description>

 ତଟୀୟ ରାଜପଥକୁ ନେଇ ବିଜେଡ଼ି ଓ ରାଜ୍ୟ ବିଜେପି ମୁହାଁମୁହିଁ ହୋଇଛନ୍ତି। ଏହି ପ୍ରସଙ୍ଗରେ ବିଜେପି ଭୁଲ ତଥ୍ୟ ଦେଇ ଲୋକଙ୍କୁ ବିଭ୍ରାନ୍ତ କରୁଥିବା ବିଜେଡିର ସାଧାରଣ ସମ୍ପାଦକ ସଞ୍ଜୟ ଦାସବର୍ମା ଅଭିଯୋଗ କରିଛନ୍ତି। କୋଷ୍ଟାଲ ହାଇୱେ ପାଇଁ ବିଜେପିର ଆନ୍ତରିକତା କମ ଓ ରାଜନୀତି ବେଶି ବୋଲି ଶ୍ରୀ ଦାସବର୍ମା କହିଛନ୍ତି। ବିଜେଡ଼ିର ଏହି ଅଭିଯୋଗ ପରେ ବିଜେପି ନେତା ଲଳିତେନ୍ଦୁ ବିଦ୍ୟାଧର ମହାପାତ୍ର ପ୍ରେସ୍‌ମିଟ୍‌ କରି ଏହାର ଜବାବ ରଖିଛନ୍ତି। କେନ୍ଦ୍ର ଯୋଜନାକୁ ରାଜ୍ୟ ସରକାର କାର୍ଯ୍ୟକାରୀ କରିବାକୁ ଚାହୁଁନାହାନ୍ତି। ବିଜେଡି ତଟୀୟ ରାଜପଥର ଭାଗ୍ୟ ସି-ପ୍ଲେନ୍‌ ପ୍ରକଳ୍ପ ଭଳି କରିବାକୁ ଚାହୁଁଛି ବୋଲି ସେ କହିଛନ୍ତି। 

କୋଷ୍ଟାଲ ହାଇୱେ ନିର୍ମାଣରେ ବିଳମ୍ବ ନେଇ ବିଜେଡିର ସାଧାରଣ ସମ୍ପାଦକ ଶ୍ରୀ ବର୍ମା ବିଜେପି ଉପରେ ଦୋଷ ଲଦିଛନ୍ତି। ସେ କହିଛନ୍ତି ଯେ କେନ୍ଦ୍ର ସରକାରଙ୍କ କୋଷ୍ଟାଲ ହାଇୱେ ପ୍ରତିଶ୍ରୁତି ଫେଲ୍‌ ମାରିଛି। ଗୋପାଳପୁରରୁ ବାଲେଶ୍ୱର ପର୍ଯ୍ୟନ୍ତ ୪୬୦ କିମି ଉପକୂଳ ରାଜପଥ ହୋଇନାହିଁ। କୋଷ୍ଟାଲ ହାଇୱେ ପାଇଁ ରାଜ୍ୟ ସରକାର ପ୍ରସ୍ତୁତ ଅଛନ୍ତି। ଆଲାଏନମେଣ୍ଟ ସ୍ଥିର ହୋଇନଥିବାରୁ ଜମି ଅଧିଗ୍ରହଣ ହୋଇପାରୁନାହିଁ। ବିଜେପି ଏହି ପ୍ରକଳ୍ପ ନହେବା ନେଇ ରାଜ୍ୟ ସରକାରଙ୍କୁ ଦାୟୀ କରୁଥିବା ବେଳେ ଏହା ଦୁର୍ଭାଗ୍ୟଜନକ। ଓଡ଼ିଶାବାସୀଙ୍କୁ ପ୍ରତାରଣା ନକରି କେନ୍ଦ୍ର ସରକାର ଆନ୍ତରିକତା ଦେଖାନ୍ତୁ ବୋଲି ସଞ୍ଜୟ ମତବ୍ୟକ୍ତ କରିଛନ୍ତି।    

ବିଜେଡିର ଏହି ଅଭିଯୋଗ ଉପରେ ବିଜେପି ନେତା ଲଳିତେନ୍ଦୁ ବିଦ୍ୟାଧର ମହାପାତ୍ର କୋଷ୍ଟାଲ ହାଇୱେକୁ ନେଇ ରାଜ୍ୟ ସରକାର କେତେ ଥର ପ୍ରସ୍ତାବ ଦେଇଛନ୍ତି ତାହାର ଉତ୍ତର ଦିଅନ୍ତୁ ବୋଲି ପ୍ରଶ୍ନ କରିଛନ୍ତି। କେନ୍ଦ୍ରର ବିକାଶମୂଳକ କାମକୁ ରାଜ୍ୟ ସରକାର ଓଡ଼ିଶାରେ କରାଇଦେବାକୁ ଚାହୁଁନଥିବା ସେ ପ୍ରେସମିଟରେ ବର୍ଣ୍ଣନା କରିଛନ୍ତି। ଶ୍ରୀ ମହାପାତ୍ର କହିଛନ୍ତି ଯେ ୩ ମାସ ମଧ୍ୟରେ କେନ୍ଦ୍ର ସରକାର ୪୫୦ କିଲୋମିଟର ହାଇୱେ ସର୍ଭେ ମାଗିଥିଲେ। କିନ୍ତୁ ରାଜ୍ୟ ଆଲାଏନମେଣ୍ଟ ମୋଡିଫିକେସନ ପାଇଁ ୨ ବର୍ଷ କାହିଁକି ନେଲେ ବୋଲି ସେ ପ୍ରଶ୍ନ କରିଛନ୍ତି। ୨ ବର୍ଷ ଧରି ଆଲାଇନ୍‌ମେଣ୍ଟ ବଦଳାଇ ରାଜ୍ୟ ସରକାର କେନ୍ଦ୍ର ସରକାରଙ୍କ ପ୍ରକଳ୍ପକୁ ଟାଳିବାକୁ ଚାହିଁଛନ୍ତି।  ୨୦୧୬ ନଭେମ୍ବର ୨୪ରେ ଏନଏଚଏଆଇର ପୂର୍ଣ୍ଣାଙ୍ଗ ରିପୋର୍ଟକୁ ମଧ୍ୟ ଗ୍ରହଣ କଲେନାହିଁ। ବିଜେଡି ତଟୀୟ ରାଜପଥର ଭାଗ୍ୟ ସି-ପ୍ଲେନ୍‌ ପ୍ରକଳ୍ପ ଭଳି କରିବାକୁ ଚାହୁଁଛି ବୋଲି ଶ୍ରୀ ମହାପାତ୍ର କହିଛନ୍ତି। 

        </description>
      </item>
      <item>
        <title>
           ଟିକେଟ ଲବି ଜୋରଧରିଲା, ଚର୍ଚ୍ଚାରେ ଭୁବନେଶ୍ୱର ଉତ୍ତର ନିର୍ବାଚନମଣ୍ଡଳୀ, କିଏ ହେବ ପ୍ରାର୍ଥୀ ପ୍ରିୟଦର୍ଶୀ ନା ଅନନ୍ତ ନାରାୟଣ !
        </title>
        <link>
           http://khabarodisha.com/Politics/Ticket-Row-Bhubaneswar-North-Constituency-Ananta-Narayana-Jena--Biju-Janata-Dal-Odisha-43129
        </link>
        <guid>
           http://khabarodisha.com/Politics/Ticket-Row-Bhubaneswar-North-Constituency-Ananta-Narayana-Jena--Biju-Janata-Dal-Odisha-43129
        </guid>
        <pubDate>
           Wed, 14 Nov 2018 17:40:19 GMT
        </pubDate>
        <description>

 କିଏ ହେବ ଭୁବନେଶ୍ୱର ଉତ୍ତର ନିର୍ବାଚନ ମଣ୍ଡଳୀରେ ବିଜେଡିର ପ୍ରାର୍ଥୀ  । ଏହାକୁ ନେଇ ଏବେଠାରୁ ଦଳରେ ନେତାଙ୍କ ମଧ୍ୟରେ ଛକାପଞ୍ଝା ଆରମ୍ଭ ହୋଇଗଲାଣୀ  । ଏହି ଆସନରୁ ବିଜେଡିର ପ୍ରିୟଦର୍ଶୀ ମିଶ୍ର ଏବେ ବିଧାୟକ ଭାବେ ରହିଛନ୍ତି  । ତେବେ ଏହା ଉପରେ ଏବେ ନଜର ପକାଇଛନ୍ତି ଭୁବନେଶ୍ୱର ମେୟର ଅନନ୍ତ ନାରାୟଣ ଜେନା  । ଉଭୟ ନେତା ଏବେ ଏହି ନିର୍ବାଚନ ମଣ୍ଡଳୀକୁ ଘନଘନ ଗସ୍ତ କରିବା ସହ କର୍ମୀ ସମ୍ମିଳନୀ ମଧ୍ୟ କରୁଛନ୍ତି  । ନିଜ ସରକାରୀ ବାସଭବନରେ ମଧ୍ୟ ବୈଠକ ଉପରେ ବୈଠକ କରି ସଙ୍ଗଠନ ସଜାଡିବା ପାଇଁ କର୍ମୀମାନଙ୍କୁ କହୁଛନ୍ତି  । ଯାହାକୁ ନେଇ ଏବେ ଦ୍ୱନ୍ଦରେ ପଡିଯାଇଛନ୍ତି ବିଜେଡିର କର୍ମୀମାନେ  । 

୨୦୦୯ରେ ଏହି ନିର୍ବାଚନମଣ୍ଡଳୀରେ ବିଜେଡିର ପ୍ରାର୍ଥୀ ଭାଗିରଥି ବଡଜେନା ଏଥିରୁ ବିଧାୟକ ହୋଇଥିବା ବେଳେ ୨୦୧୪ରେ ତାଙ୍କୁ ଏହି ନିର୍ବାଚନମଣ୍ଡଳୀରୁ ପ୍ରାର୍ଥୀ ନକରାଯାଇ ଜଟଣୀରୁ କରାଯାଇଥିଲା  । ତେବେ ୨୦୧୯ ସାଧାରଣ ନିର୍ବାଚନରେ ଏଠାରୁ ମେୟର ଅନନ୍ତ ନାରାୟଣ ଜେନା ପ୍ରାର୍ଥୀ ହେବା ନେଇ ଜୋର ଧରିଛି ଚର୍ଚ୍ଚା  । 

ଭୁବନେଶ୍ୱର ବିଜେଡିର ଏହି ଦୁଇନେତାଙ୍କର ତୃତୀୟ ମହଲାରେ ବେଶ ଦବଦବା ରହିଛି  । ଜଣେ ନବୀନ ନିବାସ ଏକାଡେମୀର ହୋଇଥିବା ବେଳେ ଅନ୍ୟଜଣେ ତାମିଲ ଅଫିସରଙ୍କ ଶିବିରର  । ଏପରିକି ମେୟରଙ୍କ ବିରୋଧରେ ବିଭିନ୍ନ ଅଭିଯୋଗ ଆସିଥିଲେ ମଧ୍ୟ ତାଙ୍କୁ ବହିଷ୍କାର ମଧ୍ୟ କରଯାଇନଥିଲା  । ତେଣୁ ମେୟର ଏଥର ବିଧାନସଭା ଆସନରୁ ଲଢିବା ପାଇଁ ଚର୍ଚ୍ଚା ହେଉଛି  । ଟିକେଟ ପାଇବା ପାଇଁ ଏହି ନେତା ଏବେ ନିଜ ନିଜ ଗଡଫାଦରଙ୍କ ନିକଟରେ ଲବି ଆରମ୍ଭ କରିଦେଇଥିବା ନେଇ ନିର୍ବାଚନମଣ୍ଡଳୀରେ ଜୋର ଧରିଛି ଚର୍ଚ୍ଚା  । ତେବେ କିଏ ହେବ ବିଜେଡିର ପ୍ରାର୍ଥୀ ଏହା ଉପରେ ଏବେ ରହିଛି ସମସ୍ତଙ୍କ ନଜର  । 

        </description>
      </item>
      <item>
        <title>
           ମେକ୍ ଇନ୍ ଓଡିଶା କନକ୍ଲେଭରେ ଓଡିଆ ଶିଳ୍ପଦ୍ୟୋଗୀମାନଙ୍କୁ ଅଣଦେଖା କରାଯାଉଛି: ବସନ୍ତ ପଣ୍ଡା
        </title>
        <link>
           http://khabarodisha.com/Politics/MIO-Conclave--Odisha-BJP-President-Basant-Panda--Allegations-43095
        </link>
        <guid>
           http://khabarodisha.com/Politics/MIO-Conclave--Odisha-BJP-President-Basant-Panda--Allegations-43095
        </guid>
        <pubDate>
           Tue, 13 Nov 2018 20:53:28 GMT
        </pubDate>
        <description>

 କୋଟି କୋଟି ଟଙ୍କାର ଭବ୍ୟ ଆୟୋଜନ ମେକ୍ ଇନ୍ ଓଡିଶା କଲକ୍ଲେଭ ନିଜର ପ୍ରାସଙ୍ଗିକତା ହରାଇଛି । ଯେଉଁ ଉଦ୍ଦେଶ୍ୟ ରଖି ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା ତାହା ଏଯାବତ୍ ପ୍ରତିଫଳନ ହେଉନାହିଁ । ରାଜ୍ୟରେ ଶିଳ୍ପର ବିକାଶ ଓ ଅଭିବୃଦ୍ଧି ହେବା ପରିବର୍ତେ କିଛି ମୁଷ୍ଟିମେୟ ଶିଳ୍ପପତିମାନଙ୍କୁ ଡାକି ଏଠି ନିଜର ଆତ୍ମପ୍ରଚାର ଚାଲିଛି ବୋଲି ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା କହିଛନ୍ତି । 

ପିସି ସରକାର ଯାଦୁ ଦେଖାଇବା ପରି ରାଜ୍ୟ ସରକାର ଏହି ଭବ୍ୟ ଆୟୋଜନ କରି ରାଜ୍ୟବାସୀଙ୍କ ମନରେ ମାୟାଜାଲ ବୁଣିବାକୁ ଚେଷ୍ଟା କରୁଛନ୍ତି । ଅବାସ୍ତବକୁ ବାସ୍ତବ କହି ଲୋକଙ୍କୁ ଭୂଆଁ ବୁଲାଇବାରେ ମୁଖ୍ୟମନ୍ତ୍ରୀ ପୁରା ପୋଖତ । ରାଜ୍ୟର ଶିଳ୍ପପତିମାନଙ୍କୁ ନଡାକି ମେକ୍ ଇନ ଓଡିଶା କରିବାର ଉଦ୍ଦେଶ୍ୟ କଣ ତାହା ବେଶ ଜଣାପଡୁଛି । ଆଗାମୀ ନିର୍ବାଚନ ପାଇଁ ଦଳୀୟ ପାଣ୍ଠି ସଂଗ୍ରହ କରିବା ଲକ୍ଷ୍ୟରେ ମେକ୍ ଇନ୍ ଓଡିଶାର ଏହିଭବ୍ୟ ଆୟୋଜନ କରାଯାଇଛି ବୋଲି ଶ୍ରୀ ପଣ୍ଡା କହିଛନ୍ତି ।

ଆମ ରାଜ୍ୟର ଓଡିଆ ଶିଳ୍ପପତି ଏବଂ ନୂଆ ଉଦ୍ୟୋଗପତି ମାନଙ୍କୁ ଏହି ମେଇ ଇନ ଓଡିଶାରେ ଆଦୌ ପ୍ରାଧାନ୍ୟ ଦିଆଯାଉନାହିଁ । ଏପରିକି ଯୁବ ଶିଳ୍ପପତି ତଥା ନୂଆ ଯୁବପିଢୀମାନଙ୍କୁ ଏହି କାର୍ଯ୍ୟକ୍ରମରେ ଭାଗନେବା ପାଇଁ ବି ସୁଯୋଗ ମିଳିନି । ଏବେ ସୁଦ୍ଧା ଚଳିତ ମେକ ଇନ ଓଡିଶାରେ ଆମେ ଯେତେଶିଳ୍ପ ପତିମାନଙ୍କ ନା ଶୁଣୁଛୁ ସମସ୍ତେ ହେଉଛନ୍ତି ଅଣଓଡିଆ । ପୂର୍ବରୁ ୨୦୧୬ ମେକ୍ ଇନ ଓଡିଶାର ପ୍ରଥମ ସଂସ୍କରଣରେ ସେହିପରି ସମାନ ଢଙ୍ଗରେ ଓଡିଆ ଶିଳ୍ପଉଦ୍ୟମୀ ତଥା ଯେଉଁମାନେ ଶିଳ୍ପବସାଇବା ପାଇଁ ଆଗ୍ରହୀ ସେମାନଙ୍କୁ ଅଣଦେଖା କରାଯାଇଥିଲା । ଫଳ ସ୍ୱରୁପ ମାତ୍ର ୮% ପୁଜିଂ ନିବେଶ ହୋଇପାରିଲା । ଏଥିରୁ ସରକାର କିଛି ଶିଖିପାରିଲେନି । ରାଜ୍ୟସରକାରଙ୍କର ଏହି ଓଡିଆ ବିରୋଧୀ ମନୋଭାବ ଓଡିଶା ପାଇଁ ହାନିକାରକ ବୋଲି ଶ୍ରୀ ପଣ୍ଡା କହିଛନ୍ତି ।

ମୁଖ୍ୟମନ୍ତ୍ରୀ ଦୀର୍ଘ ୧୯ ବର୍ଷ ମଧ୍ୟରେ ଓଡିଆ ଶିଖି ପାରିଲେ ନାହିଁ । ରାଜ୍ୟରେ ଓଡିଆ ପ୍ରଶାସନିକ ଅଧିକାରୀଙ୍କୁ ଅଗ୍ରାଧୀକାର ଦିଆଯାଉନଥିବା ନଜିର ରାଜ୍ୟବାସୀ ଦେଖି ସାରିଛନ୍ତି । ଏହା ମୁଖ୍ୟମନ୍ତ୍ରୀଙ୍କର ଓଡିଆ ବିରୋଧୀ ମନଭାବକୁ ସ୍ପଷ୍ଟ କରି ସାଜିଛି । ଏବେ ମେକ ଇନ ଓଡିଶା କଲକ୍ଲେଭ ଓଡିଆ ଲୋକର ଟିକସ ପଇସା ଖର୍ଚ୍ଚ କରି ଓଡିଆ ଲୋକଙ୍କୁ ଅଣଦେଖା କରୁଛନ୍ତି ବୋଲି ଶ୍ରୀ ପଣ୍ଡା କହିଛନ୍ତି । 

        </description>
      </item>
      <item>
        <title>
           ଦୋଛକିରେ ବିଧାୟକ ଅରୁଣ ସାହୁ, ଛାଡିବେ ନୟାଗଡ !
        </title>
        <link>
           http://khabarodisha.com/Politics/BJD-Arun-Sahu-May-Left-Nayagarh-43074
        </link>
        <guid>
           http://khabarodisha.com/Politics/BJD-Arun-Sahu-May-Left-Nayagarh-43074
        </guid>
        <pubDate>
           Tue, 13 Nov 2018 20:31:12 GMT
        </pubDate>
        <description>

ନୟାଗଡ ଛାଡିବେ ବିଧାୟକ ଅରୁଣ ସାହୁ  । ନିଜର ଗଡ ଛାଡିବା ଖବର ପ୍ରଚାର ହେବାପରେ ଏହାକୁ ନେଇ ନୟାଗଡ ବିଜେଡିରେ ସୃଷ୍ଟି ହେଲାଣୀ କମ୍ପନ  । ୨୦୦୪ ମସିହାରୁ ଏହି ଆସନରୁ ବିଧାୟକ ହୋଇ ଆସୁଥିବା ଅରୁଣଙ୍କୁ ଏଥର ଦଳ ଲୋକସଭା ଆସନରୁ ଲଢିବା ପାଇଁ ନିର୍ଦ୍ଦେଶ ଦେଇ ସାରିଥିବା କଥା ଏବେ ନୟାଗଡ ବିଜେଡିରେ କର୍ମୀମାନଙ୍କ ମହଲରେ ଆଲୋଚନା ହେଉଛି  । ଅରୁଣଙ୍କ ସ୍ଥାନ ନେବେ ସାଂସଦ ପ୍ରତ୍ୟୁଷା ରାଜେଶ୍ୱରୀ  । ଏଥିପାଇଁ ସେ ଏବେ ନୟାଗଡ ନିର୍ବାଚନ ମଣ୍ଡଳୀ ବୁଲି ଲୋକମାନଙ୍କ ସହ ଆଲୋଚନା କରୁଛନ୍ତି  । ଏପରିକି ବିଭିନ୍ନ ପଞ୍ଚାୟତରେ ପ୍ରତ୍ୟୁଷା ରାଜେଶ୍ୱରୀ ଓ ତାଙ୍କର ସମର୍ଥକ ମାନେ ଏକପ୍ରକାର ସକ୍ରିୟ ହୋଇ ପଞ୍ଚାୟତ ସ୍ତରରୁ ବୈଠକ ଆରମ୍ଭ କରିଦେଲେଣୀ  । ଯାହାକୁ ନେଇ ଏବେ ଅରୁଣ ଓ ପ୍ରତ୍ୟୁଷାଙ୍କ ସମର୍ଥକ ମଧ୍ୟରେ ଏକପ୍ରକାର ମୁହାଁମୁହିଁ ସ୍ଥିତି ସୃଷ୍ଟି ହେଲାଣୀ  । ବିଜେଡିରେ ଏବେ ଫାଟ ଭୟଙ୍କର ରୂପ ଧାରଣ କରିଥିବା ବେଳେ ଏଥିରୁ ଫାଇଦା ନେବାପାଇଁ ବିଜେପି ଓ କଂଗ୍ରେସ ପକ୍ଷରୁ ଜୋରଦାର ପ୍ରୟାସ ଆରମ୍ଭ ହୋଇଯାଇଛି  ।

ବିଧାୟକ ଶ୍ରୀ ସାହୁଙ୍କୁ ତୃତୀୟ ମହଲାରୁ ଏପରି ନିର୍ଦ୍ଦେଶ ଯାଇଥିବା ଚର୍ଚ୍ଚା ପରେ ଦୋଛକିରେ ପଡିଯାଇଛନ୍ତି ନିଜେ ଶ୍ରୀ ସାହୁ ଓ ତାଙ୍କର ସମର୍ଥକ  । ବେଶ କିଛିଦିନ ନୟାଗଡରେ ନିଜର କାୟା ବିସ୍ତାର କରିବା ସହ ମନ୍ତ୍ରୀମଣ୍ଡଳରେ ମଧ୍ୟ ସ୍ଥାନ ପାଇଥିଲେ ଅରୁଣ  । କ୍ରମାଗତ  ଭାବେ ତୃତୀୟ ଥର ପାଇଁ ସେ ନୟାଗଡ ଆସନରୁ ବିଜୟ ହାସଲ କରିଥିଲେ  । ତେବେ ୨୦୦୪ ପରେ କର୍ମୀଙ୍କୁ ଅଣଦେଖା, ନିର୍ବାଚନ ମଣ୍ଡଳୀ ପ୍ରତି ସମୟ ନଦେବା ଆଦି ଅଭିଯୋଗ ତାଙ୍କ ବିରୋଧରେ ବିଭିନ୍ନ ସମୟରେ କର୍ମୀମାନେ ଖୋଲାଖୋଲି ଭାବେ ଅଭିଯୋଗ କରି ଆସୁଥିବା ଜିଲାରେ ଦେଖିବାକୁ ମିଳିଥିଲା  । ସେହିପରି ବହୁ ବାଦ ବିବାଦ ମଧ୍ୟ ତାଙ୍କ ବିରୋଧରେ ଆସିଥିବା ବେଳେ ଏବେ ନୟାଗଡରେ ବେଶ ଦବଦବା ଥିବା ପ୍ରତ୍ୟୁଷାଙ୍କୁ ଦଳ ପ୍ରାର୍ଥୀ କରିବା ପାଇଁ ନିଷ୍ପତ୍ତି ନେବା ସହ ତାଙ୍କୁ ସେ ଅଞ୍ଚଳରେ ଜନସମ୍ପର୍କ ସୃଷ୍ଟି କରିବା ପାଇଁ ନିର୍ଦ୍ଦେଶ ଯାଇଥିବା କଥା ପ୍ରତ୍ୟୁଷାଙ୍କ ସମର୍ଥକ ମାନେ କହି ବୁଲୁଥୁବା ବେଳେ ଏହାକୁ ନେଇ ଅରୁଣଙ୍କ ସମର୍ଥକ ମାନଙ୍କ ମଧ୍ୟରେ ଏକପ୍ରକାର ନିରାଶ ଖେଳାଇ ଦେଇଥିବା ଦେଖିବାକୁ ମିଳିଛି  । 

        </description>
      </item>
      <item>
        <title>
           ଯଦି ୧୦ ପାର୍ଟି ଜଣେ ବ୍ୟକ୍ତିଙ୍କ ବିରୋଧରେ ମେଣ୍ଟ କରୁଛନ୍ତି ତେବେ ବୁଝି ପାରୁଥିବେ କିଏ ଅଧିକ ଶକ୍ତିଶାଳୀ: ରଜନୀକାନ୍ତ
        </title>
        <link>
           http://khabarodisha.com/Politics/Rajnikanth-says-if-10-Parties-are-ganging-up-against-one-then-should-understand-who-is-powerful-43060
        </link>
        <guid>
           http://khabarodisha.com/Politics/Rajnikanth-says-if-10-Parties-are-ganging-up-against-one-then-should-understand-who-is-powerful-43060
        </guid>
        <pubDate>
           Tue, 13 Nov 2018 13:58:30 GMT
        </pubDate>
        <description>

 ଅଭିନେତାରୁ ନେତା ହୋଇଥିବା ରଜନୀକାନ୍ତଙ୍କ ବୟାନକୁ ନେଇ ଜାତୀୟ ରାଜନୀତିରେ ଅନେକ କଳ୍ପନା ଜଳ୍ପନା ଆରମ୍ଭ ହୋଇ ଯାଇଛି। ୨୦୧୯ ସାଧାରଣ ନିର୍ବାଚନରେ ସେ ମୋଦୀଙ୍କ ସହ ଯୋଗ ଦେବେ ନା ବିରୋଧୀ ମେଣ୍ଟରେ ସାମିଲ ହେବେ ତାକୁ ନେଇ କୌଣସି ସ୍ପଷ୍ଟ ଚିତ୍ର ମିଳିନାହିଁ। ମାତ୍ର ନିଜର ବୟାନରେ ମୋଦୀଙ୍କୁ ଜଣେ ମଜବୁତ ନେତା ଦର୍ଶାଇ ପୁଣି ଥରେ ସେ ଏହି କଳ୍ପନା ଜଳ୍ପନାକୁ ଅଧିକ ବଢାଇଛନ୍ତି। ରଜଜୀକାନ୍ତଙ୍କ କହିବା କଥା ଯେ ଯଦି ୧୦ଟି ପାର୍ଟି ଜଣଙ୍କ ବିରୋଧରେ  ମେଣ୍ଟ କରୁଛନ୍ତି ତେବେ ଆପଣ ବୁଝି ପାରୁଥିବେ ଯେ କିଏ ଅଧିକ ଶକ୍ତିଶାଳୀ।

ଅଭିନେତା ରଜନୀକାନ୍ତଙ୍କୁ  ପ୍ରଶ୍ନ କରାଗଲା ଯେ କଣ ଆପଣଙ୍କୁ ଲାଗୁଛି ଯେ ବିଜେପି ବାସ୍ତବରେ ଏକ ବିପଦଜ୍ଜନକ ପାର୍ଟି, ଯାହା ବିରୋଧରେ ଦେଶରେ ମହାମେଣ୍ଟ ପ୍ରସ୍ତୁତି ଚାଲିଛି। ଏହାର ଜବାବରେ ରଜନୀକାନ୍ତ କହିଛନ୍ତି ଯେ ଯଦି ୧୦ଟି ପାର୍ଟି ଏମିତି ଭାବୁଛନ୍ତି ତେବେ ତାଙ୍କ ପାଇଁ ଏହା ସତ୍ୟ ହୋଇ ଥାଇପାରେ। ମହାମେଣ୍ଟ ବନାମ ପିଏମ ନରେନ୍ଦ୍ର ମୋଦୀ, କିଏ ଅଧିକ ଶକ୍ତିଶାଳୀ ? ଏହି ପ୍ରଶ୍ନର ଉତ୍ତରେ ରଜନୀକାନ୍ତ କହିଛନ୍ତି ମୁଁ ଏହି ସମୟରେ ବିଜେପି କିମ୍ବା ପିଏମ ମୋଦୀଙ୍କ ଉପରେ କୌଣସି ଟିପ୍ପଣୀ କରିବାକୁ ଚାହୁଁନାହିଁ। ମାତ୍ର ଯଦି ୧୦ ପାର୍ଟି କୌଣସି ଜଣେ ବ୍ୟକ୍ତିଙ୍କ ବିରୋଧରେ ଏକଜୁଟ୍ ହେଉଛନ୍ତି ତେବେ ଆପଣ ବୁଝିପାରୁଥିବେ ଯେ କିଏ ଅଧିକ ଶକ୍ତିଶାଳୀ। 

ସୂଚନାଯୋଗ୍ୟ ଏହା ପୂର୍ବରୁ ରଜନୀକାନ୍ତ ସୋମବାର ଚେନ୍ନାଇ ବିମାନ ବନ୍ଦର ବାହାରେ ସାମ୍ବାଦିକଙ୍କ ସହ ଆଲୋଚନା ବେଳେ ଠିକ୍ ଏହି ଭଳି ଜବାବ ଦେଇଥିଲେ। ମାତ୍ର ଜଣା ପଡ଼ିନଥିଲା ଯେ ସେ କାହାକୁ ସମର୍ଥନ କରୁଛନ୍ତି। ଏମିତିରେ ମଙ୍ଗଳବାର ସୁପରଷ୍ଟାର ରଜନୀକାନ୍ତ ଦେଇଥିବା ବୟାନ ନିଶ୍ଚିତ ରୂପେ ବିଜେପି ପାଇଁ ସକରାତ୍ମକ ସଙ୍କେତ ହୋଇପାରେ। ତଥାପି ଜଣା ପଡିନାହିଁ ଯେ ରଜନୀ ୨୦୧୯ ପାଇଁ କାହା ସହ ମେଣ୍ଟ କରିବେ। 

        </description>
      </item>
      <item>
        <title>
           ରାଜ୍ୟ ମହିଳା କଂଗ୍ରେସ କମିଟି ପୁନର୍ଗଠିତ
        </title>
        <link>
           http://khabarodisha.com/Politics/Odisha-Mahila-Congress-Commited-united-43026
        </link>
        <guid>
           http://khabarodisha.com/Politics/Odisha-Mahila-Congress-Commited-united-43026
        </guid>
        <pubDate>
           Mon, 12 Nov 2018 19:24:05 GMT
        </pubDate>
        <description>

 ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ନିରଞ୍ଜନ ପଟ୍ଟନାୟକଙ୍କ ମାର୍ଗଦର୍ଶନ ଓ ଅଖିଳ ଭାରତ ମହିଳା କଂଗ୍ରେସ ସଭାପତି ସୁଶ୍ରୀ ସୁସ୍ମିତା ଦେବଙ୍କ ଅନୁମୋଦନ ଓ ଅଖିଳ ଭାରତ ମହିଳା କଂଗ୍ରେସ କମିଟିର ସଂପାଦିକା ତଥା ଓଡିଶା ମହିଳା କଂଗ୍ରେସ ପ୍ରଭାରୀ ସନ୍ଧ୍ୟା ସାଓ୍ୱାଲେଖା ରାଜ୍ୟ ମହିଳା କଂଗ୍ରେସ କମିଟି ଘୋଷଣା କରିଛନ୍ତି। ଉକ୍ତ କମିଟିରେ ୨ଜଣ କାର୍ଯ୍ୟକାରୀ ସଭାପତି, କୋଷାଧ୍ୟକ୍ଷଙ୍କ ସମେତ ୧୫ ଜଣ ଉପସଭାପତି, ୩୧ ଜଣ ସାଧାରଣ ସଂପାଦିକା, ୩୫ ଜଣ ସଂପାଦିକା, ୧୦ ଜଣ କାର୍ଯ୍ୟକାରିଣୀ ସଦସ୍ୟା, ୧୪ ଜଣ ସ୍ଥାୟୀ ସ୍ୱତନ୍ତ୍ର ସଦସ୍ୟାଙ୍କ ନାମ ସ୍ଥାନିତ ହୋଇଛି।

ନୂତନ କରି ଘୋଷିତ ରାଜ୍ୟ ମହିଳା କଂଗ୍ରେସ କମିଟିର ସମସ୍ତ ସଭ୍ୟା ଓ କର୍ମକର୍ତାମାନଙ୍କୁ ଆସନ୍ତା ଗୁରୁବାର ଦିନ ଭୁବନେଶ୍ୱର କଂଗ୍ରେସ ଭବନରେ ୨ ଘଟିକା ୩୦ ମିନିଟ୍ ସମୟରେ ସ୍ୱାଗତ କରାଯିବା ସହ ଜରୁରୀ ବୈଠକ ଡକାଯାଇଛି। ସମସ୍ତଙ୍କୁ ଉକ୍ତ ବୈଠକରେ ଯୋଗଦେବାକୁ ସୂଚିତ କରାଯାଇଛି।

ମହିଳା କଂଗ୍ରେସ କାର୍ଯ୍ୟକାରୀ ସଭାପତି ଭାବେ ଅଜୟନ୍ତୀ ପ୍ରଧାନ ଓ ବନ୍ଦିତା ପରିଡା ରହିଥିବା ବେଳେ କୋଷାଧ୍ୟକ୍ଷ ଭାବେ ପ୍ରତିମା କର ନିଯୁକ୍ତି ପାଇଛନ୍ତି। ସେହିଭଳି ଉପସଭାପତି ଭାବେ ରତ୍ନମଣି ଉଲାକା, ପ୍ରଣତି ମିଶ୍ର, ମନୋଜା ମଞ୍ଜରୀ ଦେବୀ, ସ୍ବାଧିନବାଳା ଦାସ, ପ୍ରଭାତୀ ମିଶ୍ର, ସୁକାନ୍ତି ଦାସ, ରଞ୍ଜିତା ଯୋଶୀ, ଶୁଭଶ୍ରୀ ପଣ୍ଡା,ଜୟଶ୍ରୀ ପଟ୍ଟନାୟକ, ସୁଭାସିନୀ ମହାକୁଡ, ଶୋଭାରାଣୀ ଦାସ, କମଳା ତିରିଆ,ଦେବସ୍ମିତା ସାମଲ, ହୁର୍ ବାନୁ ଓ ବିନୀତା ମାଝୀ ରହିଥିବା ବେଳେ ସାଧାରଣ ସଂପାଦିକା ଭାବେ ଅଚ୍ରଚନା ନନ୍ଦୀ, ବନ୍ଦିତା ପଟ୍ଟନାୟକ, ଶ୍ରୀୟା ସମ୍ବେଦନା, ପ୍ରତିମା ମଲ୍ଲିକ, ରେଣୁବାଳା ରାଉତ, କନକଲତା ମଲ୍ଲିକ, ଅନ୍ନପୂର୍ଣ୍ଣା ସାହୁ, ସରିତା ରଥ, ପ୍ରତିମା ଜେନା, ମିତା ରାୟ, ସ୍ନେହଲତା ରାୟ ଚୌଧୁରୀ, ଜ୍ୟୋତ୍ସ୍ନା ଦାସ, ବିନ୍ଧ୍ୟାବିନି ସାହୁ, ସୁଲୋଚନା ନାୟକ, ପ୍ରଜ୍ଞା ପରମିତା ମହାନ୍ତି, ଗାୟତ୍ରୀ ମହାନ୍ତି, ନିର୍ମଳା ମଲ୍ଲିକ, ଲଳିତା ସାହୁ, ସୁପ୍ରଭା ଦାସ, ମଞ୍ଜୁଲତା ବାରିକ, ଏମ୍.ଏ ପରବିନ୍, ମଧୁସ୍ମିତା ରଥ, ରଞ୍ଜିତା ହେମ୍ବ୍ରମ୍, ଗୋରେଟୀ ଖେସ୍, କୁସୁମ ପ୍ରଧାନ, ଜବାମଣି ଟୁଡୁ, ରଞ୍ଜିତା ରାଉତ, ସୁଜାତା ଜେନା, ନିରୂପମା ଦାସ, ସ୍ମୃତି ପହି, ରୂପଦିପ୍ତା ମହାପାତ୍ର ରହିଛନ୍ତି।

ସଂପାଦିକା ଭାବେ ବିଜୟୀନି ତିରିଆ, ନିରୁପମା ପାତ୍ର, ସନ୍ଧ୍ୟାରାଣୀ ଦାସ ସାମନ୍ତ, ସୁନିତା ବାଗ, ଉଲ୍ଲାସ ମଲ୍ଲିକ, ବିନୀତା ନାୟକ, ଚୈତାଳୀ ପଟ୍ଟନାୟକ, ବିଶ୍ବକଲ୍ୟାଣୀ କର, ମଞ୍ଜୁଲତା ଗୌଡ, ନିଲମ୍ ଗୁପ୍ତା, ସିଲି ସେଠୀ, ବୈଶାଳୀ ବେହେରା, ରୀନା ସ୍ବାଇଁ, ଦୀପ୍ତିରାଣୀ ପ୍ରଧାନ, ରେଖା ହୋତା, ସବିତା ସ୍ବାଇଁ, ରୀନା ମେହେର, ଖୁଲଣା ଜେନା, ଭାଗ୍ୟଲକ୍ଷ୍ମୀ ପଣ୍ଡା, ସସ୍ମିତା ସାହୁ, ଏଲ୍ ମାଣିକ ପ୍ରଭା, ସ୍ବାଗତିକା ବିଶ୍ବାଳ, ଅଙ୍ଗୁରୀ ବେଗମ୍, ରଶ୍ମିତା ଟେଟେ, ତୃପ୍ତି ବେହେରା, ଶୁଭସ୍ମିତା ଧଳ, ୟାସ୍ମିନ୍ ବିବି, ଆଶା ମିଞ୍ଜ, ବିଷ୍ଣୁପ୍ରିୟା ଚାନ୍ଦ, ବିଳାସିନୀ ନାୟକ, ମାଧବୀ ସେନାପତି, ସୁଜ୍ଞାନୀ ପଟ୍ଟନାୟକ, ମଞ୍ଜୁ ନାୟକ, କୁନୀ ହରିଚନ୍ଦନ, ନିଳୀମା ଅଗ୍ରଓ୍ବାଲା ମନୋନୀତ ହୋଇଛନ୍ତି।

ସେହିଭଳି କାର୍ଯ୍ୟକାରୀ ସଦସ୍ୟା ଭାବେ ସଂଯୁକ୍ତା ମହାନ୍ତି, ବାସନ୍ତୀ ପ୍ରଧାନ, ଉର୍ବଶୀ ମିଶ୍ର, ମଞ୍ଜୁଲତା ସାହୁ, ନଳିନୀ ଉଦ୍ଗଲା, ରୁବି କାନୁନ୍ଗୋ, ଅନୁସୂୟା ବେହେରା, ସୁରେଖା ମଲ୍ଲିକ ଓ ମମତା ସାହୁ ରହିଥିବା ବେଳେ ସ୍ଥାୟୀ ସ୍ବତନ୍ତ୍ର ସଦସ୍ୟା ଭାବେ ଜୟନ୍ତୀ ପଟ୍ଟନାୟକ, ସୁଶୀଳା ତିରିଆ, ଉମାରାଣୀ ପାତ୍ର, ସରସ୍ବତୀ ହେମ୍ବମ୍, ବିଜୟଲକ୍ଷ୍ମୀ ସାହୁ, ସନ୍ଧ୍ୟା ମହାପାତ୍ର, ସସ୍ମିତା ବେହେରା, ପରମା ପୂଜାରୀ, ଚନ୍ଦ୍ରମା ସାନ୍ତା, ଇନ୍ଦିରା ମିତ୍ର, ସାବିତ୍ରୀ ଚୌଧୁରୀ, ମଞ୍ଜୁ ମହାନ୍ତି, କିରଣ ପଣ୍ଡା ଓ ପ୍ରଭା ପଟେଲ ପ୍ରମୁଖ ରହିଛନ୍ତି।  

        </description>
      </item>
      <item>
        <title>
           ମେକ୍ ଇନ୍ ଓଡ଼ିଶା ଆଳରେ ରାଜ୍ୟ ସରକାର ନିର୍ବାଚନୀ ଚାନ୍ଦା ଆଦାୟ କରିବାର ମସୁଧା କରୁଛନ୍ତି:ବସନ୍ତ ପଣ୍ଡା
        </title>
        <link>
           http://khabarodisha.com/Politics/Odisha-BJP-President-Allegation-On-Make-in-Odisha-43023
        </link>
        <guid>
           http://khabarodisha.com/Politics/Odisha-BJP-President-Allegation-On-Make-in-Odisha-43023
        </guid>
        <pubDate>
           Mon, 12 Nov 2018 19:03:57 GMT
        </pubDate>
        <description>

ରାଜ୍ୟ ସରକାର ଗରିବ, ଚାଷୀ, ଶ୍ରମିକମାନଙ୍କୁ ଶୋଷଣ କରି ପୁଂଜିପତି ଓ ଶିଳ୍ପପତି ମାନଙ୍କୁ ପ୍ରାଧାନ୍ୟ ଦେବା ଅତ୍ୟନ୍ତ ର୍ଦୁଭାଗ୍ୟଜନକ। ଶିଳ୍ପର ବିକାଶ ପାଇଁ ପୂର୍ବରୁ ୨୦୧୬ ମସିହାରେ ମେକ୍ ଇନ୍ ଓଡିଶା କରି ୨୧ କୋଟି ଖର୍ଚ୍ଚ କରିଥିଲେ। ସେହିପରି ମେକ୍ ଇନ୍ ଓଡ଼ିଶା ଦ୍ୱିତୀୟ ସଂସ୍କରଣରେ ଚଳିତ ବର୍ଷ ୩୦କୋଟି ଖର୍ଚ୍ଚ କରୁଥିବା ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଛି। ଗତ ମେକ୍ ଇନ ଓଡିଶା କନକ୍ଲେଭରେ ଏମଓୟୁ ହୋଇଥିବା ଶିଳ୍ପମାନଙ୍କ ମଧ୍ଯରେ କେତୋଟି ଶିଳ୍ପ ପ୍ରତିଷ୍ଠା ହୋଇଛି ତାହାର ହିସାବ ରାଜ୍ୟସରକାର ପ୍ରଦାନ କରନ୍ତୁ ବୋଲି ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା କହିଛନ୍ତି। 

ଓାଲଡ୍ ବ୍ୟାଙ୍କ ଡିଆପିପିର “ଇଜ୍ ଅଫ୍ ଡୁଇଙ୍ଗ ବିଜନେସ”ର ରାଙ୍କରେ ଓଡିଶା ୨୦୧୫ରେ ୭ମ ଥିବାବେଳେ ୨୦୧୬ରେ ଏହା ୧୧ତମ ସ୍ଥାନକୁ ଖସିଛି। ଅନ୍ୟପଟେ ଦେଶରେ ଅର୍ଥନୀତି ଅଭିବୃଦ୍ଧି ହୋଇଥିବାବେଳ “ଇଜ୍ ଅଫ୍ ଡୁଇଙ୍ଗ ବିଜନେସ”ର ରାଙ୍କରେ ଭାରତ ୧୩୪ ସ୍ଥାନରୁ ଉପରକୁ ଉଠି ୭୭ତମ ସ୍ଥାନରେ ପହଂଚିଛି। ୨୦୧୬ ମେକ୍ ଇନ୍ ଓଡିଶାର ପ୍ରଥମ ସଂସ୍କରଣର ସଫଳତା ମାତ୍ର ୮ ପ୍ରତିଶତ ଥିଲା । ରାଜ୍ୟ ସରକାର ମେକ୍ ଇନ୍ ଓଡ଼ିଶା ଆଳରେ ଶିଳ୍ପପତିମାନଙ୍କୁ ଡାକି ନିର୍ବାଚନୀ ଚାନ୍ଦା ଆଦାୟ କରିବାର ମସୁଧା କରୁଛନ୍ତି। ପବ୍ଲିକ ଆଫାଆରସ୍ ଇଣ୍ଡେକ୍ସ ୨୦୧୮ରେ ଓଡିଶା ଦେଶର ୩୦ଟି ରାଜ୍ୟ ମଧ୍ୟରୁ ୨୪ତମ ସ୍ଥାନରେ ଅଛି। ବିଶେଷ ଭାବରେ ମାନ୍ୟୁଫାକଚିରିଙ୍ଗ କ୍ଷେତ୍ରରେ ୨୦୧୪-୧୫ରୁ ଆଜି ଯାଏଁ ଜିଏସଡିପି ୧୫% ଭିତରେ ସୀମିତ ହୋଇ ରହିଛି। ରାଜ୍ୟ ସରକାରଙ୍କ ଭୁଲ ନୀତି ଯୋ଼ଗୁଁ ଗତ କିଛିବର୍ଷରେ ୧୫୩୧୫ ପଞ୍ଜିକୃତ ଏମଏସଏମଇ ବନ୍ଦ ହେବା ଯୋଗୁଁ ୧ଲକ୍ଷ ୩୦ ହଜାର ଚାକିରୀ ହରାଇବାସହ ୪୫୬ କୋଟି ଟଙ୍କାର ପୁଞ୍ଜି ନିବେଶ ବ୍ୟର୍ଥ ହୋଇଛି। ଓଟିଏମ, କଳିଙ୍ଗା ରିଫ୍ରେଜିରେଟର, କୋଣାର୍କ ଟିଭିର ପୁର୍ନରୁଦ୍ଧାର ହୋଇପାରିଲା ନାହିଁ।

ରାଜ୍ୟରେ ଖଣିଜ ପଦାର୍ଥର ହରିଲୁଟ୍ ଚାଲିଛି। ଖଣି ଦୁର୍ନୀତିରେ ସାମିଲ ହୋଇଥିବା ଖଣି ମାଫିଆ ମାନେ ବିଜେଡି ଦଳର ପ୍ରିୟପାତ୍ର ହୋଇଛନ୍ତି। ରାଜ୍ୟର ଜିଡ଼ିପିରେ ଶିଳ୍ପର ଯୋଗଦାନ ୨୦୧୫-୧୬ରେ ୩୯% ଥିବାବେଳେ ୨୦୧୭-୧୮ରେ ଏହାକମି ୩୫% ରେ ପହଂଚିଛି। ବିଶେଷ ଭାବରେ ମାନୁଫ୍ୟାକଚରିଙ୍ଗ କ୍ଷେତ୍ରରେ ୨୦୧୪-୧୫ରୁ ଆଜି ଯାଏଁ ଜିଏସଡିପି ୧୫% ଭିତରେ ସୀମିତ ହୋଇ ରହିଛି, ବୃଦ୍ଧି ପାଉନାହିଁ। ଯଦି ମାନ୍ୟୁଫାକଚିରିଙ୍ଗ ବା ବିନିର୍ମାଣ ବଢୁ ନାହିଁ। ତାହାହେଲେ ରାଜ୍ୟ ସରକାର କି ପ୍ରକାର ଶିଳ୍ପ ବିକାଶର ଡ଼ିଣ୍ଡିମ ପିଟୁଛନ୍ତି ବୋଲି ଶ୍ରୀ ପଣ୍ଡା ପ୍ରଶ୍ନ କରିଛନ୍ତି।

ଓଡିଶାକୁ ଆସୁଥିବା ଶିଳ୍ପସଂସ୍ଥାମାନଙ୍କୁ ରାଜ୍ୟସରକାର ଅବହେଳା କରି ଚାଲିଛନ୍ତି। କେବଳ ଏମଓୟୁ ବ୍ୟତୀତ ରାଜ୍ୟରେ କୌଣସି ଶିଳ୍ପ ସଂସ୍ଥା ରହିପାରୁନାହାଁନ୍ତି। ରାଜ୍ୟରେ ଶିଳ୍ପ ସଂସ୍ଥା ସାମ୍ନାରେ ବିଜେଡ଼ି ପ୍ରାୟୋଜିତ ଗୁଣ୍ଡାମାନଙ୍କ ଦ୍ୱାରା ଆନ୍ଦୋଳନ କରାଯାଇ ସଂସ୍ଥାକୁ ଦୀର୍ଘଦିନ ବନ୍ଦ କରି ରଖିବା ଏହାର ଏକ ବଡ ଉଦାହରଣ। ଓଡିଶାର ଶିଳ୍ପ ଚଲାଇବା ପାଇଁ ଇଡକୋ, ଡିଆରସି, ଇପିଏଲ, ଡାଇରେକ୍ଟର ହ୍ୟାଣ୍ଡିକାଫ୍ଟ ଭଳି ସଂସ୍ଥାରେ ସମୁଦାୟ ୧୧୮୦ ଲୋକଙ୍କ ଆବଶ୍ୟକତା ଥିବାବେଳେ ଏବେ ସୁଦ୍ଧା ୯୮୦ ପଦବୀ ଖାଲି ପଡିଛି ବୋଲି ଶ୍ରୀ ପଣ୍ଡା କହିଛନ୍ତି। 

        </description>
      </item>
   </rss>
 </channel>