<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ପ୍ରଧାନମନ୍ତ୍ରୀ ପଦ: ମୋଦୀଙ୍କ ପରେ ମାୟାବତୀ ଲୋକପ୍ରିୟ ନେତ୍ରୀ, ରାହୁଲ ଗାନ୍ଧୀ ପଛରେ
        </title>
        <link>
           http://khabarodisha.com/Politics/PM-Post-Narendra-Modi-popular-candidate-46777
        </link>
        <guid>
           http://khabarodisha.com/Politics/PM-Post-Narendra-Modi-popular-candidate-46777
        </guid>
        <pubDate>
           Fri, 18 Jan 2019 06:46:16 GMT
        </pubDate>
        <description>

ନୂଆଦିଲ୍ଲୀ, ଜାନୁଆରୀ ୧୮ (ଖବର ଓଡ଼ିଶା): ପ୍ରଧାନମନ୍ତ୍ରୀ ପଦ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହେଉଛନ୍ତି ଉପଯୁକ୍ତ ପ୍ରାର୍ଥୀ ବୋଲି ଜାତିୟ ଗଣମାଧ୍ୟମ ଦ୍ୱାରା ଏକ ରିପୋର୍ଟରେ ପ୍ରକାଶ ପାଇଛି । ଆଗାମୀ ମେ’ ମାସରେ ହେଉଥିବା ଲୋକସଭା ନିର୍ବାଚନରେ ବିଜେପି ନେତୃତ୍ୱରେ ପରିଚାଳିତ ଏନଡିଏ ସରକାର ପୁଣି ଥରେ କ୍ଷମତାକୁ ଆସିବ ବୋଲି ଅଧିକାଂଶ ଅନୁମାନ କରାଯାଉଛି । କାରଣ ନରେନ୍ଦ୍ର ମୋଦୀଙ୍କ ଲୋକପ୍ରିୟତା ଦେଶର ଚାରିଆଡେ ରହୁଛି । ବିଦେଶରେ ମଧ୍ୟ ମୋଦୀଙ୍କୁ ପ୍ରଶଂସା କରାଯାଉଛି ।  

ପ୍ରଧାନମନ୍ତ୍ରୀ ପଦ ପାଇଁ ମାୟାବତୀଙ୍କ ଦମ ମଧ୍ୟ କମ ନୁହେଁ । କାରଣ ବର୍ତ୍ତମାନ ରାଜନୈତିକ ପରିଦୃଶ୍ୟ ଅନୁସାରେ ମୋଦୀଙ୍କ ପରେ ମାୟବତୀ ହେଉଛନ୍ତି ଦ୍ୱିତୀୟ ଲୋକପ୍ରିୟ ନେତ୍ରୀ । ମାୟାବତୀଙ୍କ ଲୋକପ୍ରିୟତା ଏମିତ ବଢ଼ି ଯାଇଛି ଯେ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ବହୁ ପଛରେ ପଡ଼ିଯାଇଛି । ଦେଶର ଅଧିକାଂଶ ସାଂସଦ ଥିବାର ରାଜ୍ୟ ଉତ୍ତର ପ୍ରଦେଶରେ ମାୟାବତୀ ନିଜର ବହୁଜନ ସମାଜ ପାର୍ଟି ସହିତ ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ସମାଜବାଦୀ ପାର୍ଟି ସହିତ ମେଣ୍ଟ କରିଛନ୍ତି । 

ଉତ୍ତରପ୍ରଦେଶରେ ବହୁଜନ ସମାଜ ପାର୍ଟି ଏବଂ ସମାଜବାଦୀ ମେଣ୍ଟ କରିବା ପରେ କଂଗ୍ରେସକୁ ମାତ୍ର ୨ଟି ଆସନ ମିଳିବ ବୋଲି ସମର୍ଥକମାନେ ପୂର୍ବାନୁମାନ କରୁଛନ୍ତି । ବିଏସପି-ସମାଜବାଦୀଙ୍କ ଅନୁମାନ ଯେ, ଆଗାମୀ ଲୋକସଭା ନିର୍ବାଚନରେ କଂଗ୍ରେସକୁ ୧୦୦ ଆସନ ମିଳିବା କଷ୍ଟକର ହୋଇ ପଡ଼ିବ । କାରଣ ଅଧିକାଂଶ ଅଂଚଳରେ କଂଗ୍ରେସ ତୁଳନାରେ ଭାରତୀୟ ଜନତା ପାର୍ଟିର ଦମ ରହିଛି । 

ଆଗାମୀ ଲୋକସଭା ନିର୍ବାଚନରେ ମାୟାବତୀ-ଅଖିଳେଶଙ୍କ ଦ୍ୱାର ଗଠିତ ମେଣ୍ଟ ୬୦ ଆସନରେ ଜିତିବା ଆଶା ରଖୁଛି । ବର୍ଷ ୨୦୧୪ ସାଧାରଣ ନିର୍ବାଚନରେ ୮୦ରୁ ୪୧ ଆସନରେ ଏନଡିଏ ତୁଲନାରେ ଅଧିକ ଭୋଟ ମିଳିଥିଲା । ସେହିପରି ୨୦୧୭ ବିଧାନସଭା ନିର୍ବାଚନରେ ୫୭ ଲୋକସଭା ନିର୍ବାଚନ ମଣ୍ଡଳୀରେ ବିଏସପି ଏବଂ ସମାଜବାଦୀ ପାର୍ଟିକୁ ଭଲ ଭୋଟ ମିଳିଥିଲା । 

 

        </description>
      </item>
      <item>
        <title>
           ଲୋକସଭା ନିର୍ବାଚନ ପରେ ମଧ୍ୟପ୍ରଦେଶରେ ଚାଲିଯିବ କମଲନାଥଙ୍କ ସରକାର: ବିଜେପି ନେତା
        </title>
        <link>
           http://khabarodisha.com/Politics/Kamalnath-government-will-fall-after-2019-LS-election-opal-Bhargava-46776
        </link>
        <guid>
           http://khabarodisha.com/Politics/Kamalnath-government-will-fall-after-2019-LS-election-opal-Bhargava-46776
        </guid>
        <pubDate>
           Fri, 18 Jan 2019 06:11:53 GMT
        </pubDate>
        <description>

ଭୋପାଳ, ଜାନୁଆରୀ ୧୮ (ଖବର ଓଡ଼ିଶା): ମଧ୍ୟପ୍ରଦେଶରେ କମଲନାଥ ସରକାରଙ୍କ ବିରୋଧରେ ପ୍ରଥମ ଦିନରୁ ଟାର୍ଗେଟ କରିଥିବା ଭାରତୀୟ ଜନତା ପାର୍ଟିର ନେତା ଏକ ବୟାନ ଦେଇଛନ୍ତି। ବିଜେପି ନିଜର ଲୋକସଂପର୍କ ବଢ଼ାଇଛି। ଲୋକସଭା ନିର୍ବାଚନରେ ବିପୁଳ ସଫଳତା ହାସଲ କରି ମଧ୍ୟପ୍ରଦେଶରେ ପୁଣି ଥରେ ଲୋକପ୍ରିୟ ରାଜନୈତିକ ପାର୍ଟି ଭାବରେ ଉଭା ହେବାକୁ ଉଦ୍ୟମ କରୁଛି। ବିଧାନସଭାରେ ବିରୋଧୀ ଦଳ ନେତା ଗୋପାଳ ଭାର୍ଗବ ଦଳୀୟ କର୍ମୀଙ୍କୁ ସମ୍ବୋଧିତ କରିବା ଅବସରରେ କହିଛନ୍ତି, କେନ୍ଦ୍ରରେ ମୋଦୀ ସରକାର ଫେରିବା ଏବଂ ମଧ୍ୟପ୍ରଦେଶରେ ଲୋକସଭା ନିର୍ବାଚନରେ ଅଧିକ ଆସନରେ ବିଜୟ ହେବା ସହିତ କମଲନାଥ ସରକାର ଚାଲିଯିବ। 

ବିରୋଧୀ ଦଳ ନେତା ଭାର୍ଗବ କହିଛନ୍ତି, କଂଗ୍ରେସ ସରକାର ଅଧିକ ଦିନ ତିଷ୍ଠି ପାରିବ ନାହିଁ। କଂଗ୍ରେସ ସରକାର ଖୁବ ଶୀଘ୍ର କ୍ଷମତା ହରାଇବ। ବିରୋଧୀ ଦଳ  ନେତା ଭାବରେ ଚୟନ ହେବା ପରେ ପ୍ରଥମ ଥର ନିଜର ଗୃହ ଜିଲ୍ଲା ସାଗର ପହଂଚିବା ପରେ ଭାର୍ଗବଙ୍କୁ ଦଳୀୟ କର୍ମୀଙ୍କ ଦ୍ୱାରା ବିପୁଳ ସ୍ୱାଗତ କରାଯାଇଛି। ବିଜେପି ବହୁମତ ମିଳି ନଥିବାରୁ ଦୁଃଖର ସହିତ ଭାର୍ଗବ କହିଛନ୍ତି, ରାଜ୍ୟରେ ଅଳ୍ପମତ ସରକାର ଚାଲିଛି। ଏହା ଏକ ଦୁର୍ବଳ ସରକାର ଭଳି ପରିଚାଳିତ ହେଉଛି। ଏହି ସରକାରରେ ହୃଦୟ ଜଣଙ୍କ ଏବଂ ଫୁସ୍‌ଫୁସ୍‌ ଆଉ ଜଣଙ୍କର ରହିଛି। ଏଭଳି ସରକାର ବେଶୀ ଦିନ ଚାଲିପାରିବ ନାହିଁ ବୋଲି ଭାର୍ଗବ ଦଳୀୟ କର୍ମୀଙ୍କୁ ସମ୍ବୋଧନରେ କହିଛନ୍ତି। 

        </description>
      </item>
      <item>
        <title>
           ମିଶନ ୨୦୧୯: ମେଣ୍ଟକୁ ମାତ୍ ଦେଇ ପଦ୍ମ ଫୁଟାଇବା ପାଇଁ ବ୍ୟୁହୋ ରଚନା କରିବେ ଶାହା
        </title>
        <link>
           http://khabarodisha.com/Politics/Politics-Odisha-BJP-president-amit-shah-will-make-strategy-to-defeat-sp-bsp-gathbandhan-46773
        </link>
        <guid>
           http://khabarodisha.com/Politics/Politics-Odisha-BJP-president-amit-shah-will-make-strategy-to-defeat-sp-bsp-gathbandhan-46773
        </guid>
        <pubDate>
           Thu, 17 Jan 2019 22:56:05 GMT
        </pubDate>
        <description>

ଭାରତୀୟ ଜନତା ପାର୍ଟି ୨୦୧୯ ଲୋକସଭା ନିର୍ବାଚନରେ ୟୁପିରେ ବଡ଼ ବିଜୟ ପାଇଁ ବୁଥ୍ ଦଖଲ ରଣନୀତି ଉପରେ ଆଗକୁ  ବଢୁଛି। ପାର୍ଟିର ଅଧ୍ୟକ୍ଷ ଅମିତ୍ ଶାହା ଖୋଦ୍ ପଶ୍ଚିମ ୟୁପିର ୨୭,୫୦୦ ବୁଥ୍ ଟିମକୁ  ନିର୍ବାଚନୀ ବ୍ୟୁହୋ ରଚନା ପାଇଁ ଟିପ୍ସ ଦେବେ। ଏଥିପାଇଁ ଫେବୃଆରୀ ୨ରେ ଗଜରୌଲା ବୁଥ୍ ସମ୍ମିଳନୀର ଆୟୋଜନ କରାଯାଇଛି।  ଏଠାରେ ପାର୍ଟି ନିଜର ବୁଥ୍ କର୍ମୀଙ୍କୁ ‘ମୋର ବୁଥ୍ ସବୁଠୁ ମଜବୁତ’ ଓ ‘ବୁଥ୍ ଜିତ, ସବୁ ଜିତ’ ସନ୍ଦେଶ ଦେବ। 

ଉଲ୍ଲେଖଯୋଗ୍ୟ, ଭାରତୀୟ ଜନତା ପାର୍ଟି ଦୁଇ ମାସ ପୂର୍ବରୁ ହିଁ ୨୦୧୯ ଲୋକସଭା ନିର୍ବାଚନ ପାଇଁ ପ୍ରସ୍ତୁତିରେ ଜୁଟିଛି। ପାର୍ଟି ନିର୍ବାଚନ ପର୍ଯ୍ୟନ୍ତ ତିନି ପର୍ଯ୍ୟାୟର ପ୍ରୋଗ୍ରାମ ମଧ୍ୟ ଜାରି କରିଛି। ବିଜେପିର କହିବା କଥା ୭୩ ପ୍ଲସ ଲୋକସଭା ସିଟ୍  ହାସଲ ପାଇଁ ଦକ୍ଷିଣ ୟୁପିରେ ଏସପି-ବିଏସପି ମେଣ୍ଟକୁ ବୁଥ୍ ସ୍ତରରୁ ହିଁ ମାତ୍ ଦେବାକୁ ପଡ଼ିବ। ଏଥିପାଇଁ ଖୋଦ୍  ପାର୍ଟି ଅଧ୍ୟକ୍ଷ ଅମିତ୍ ଶାହା ଓ ପିଏମ ନରେନ୍ଦ୍ର ମୋଦୀ ବୁଥ୍ ସ୍ତରର କର୍ମୀଙ୍କ ସହ ସିଧାସଳଖ କଥା ହେଉଛନ୍ତି।

ଏହା ରହିବ ରଣନୀତି

କୁହାଯାଉଛି ଯେ ବିଜେପି ନୀତିରେ ବିଶ୍ଵାସ ରଖୁଥିବା ୫୦ ପ୍ରତିଶତରୁ ଅଧିକ  ଭୋଟର୍ସଙ୍କୁ ପାର୍ଟି ପକ୍ଷରେ ଟାଣିବା ଲକ୍ଷ୍ୟକୁ ପୂରା କରିବା ପାଇଁ ଶାହା କାର୍ଯ୍ୟକର୍ତ୍ତାଙ୍କୁ ଟିପ୍ସ ଦେବେ। ପାର୍ଟି ଉଦ୍ୟମ କରିବ ଯେ ଯେମିତି ପ୍ରତ୍ୟେକ ବୁଥରେ ଅତି କମରେ ୮୦ ପ୍ରତିଶତରୁ ଅଧିକ ଭୋଟିଂ ପଡ଼ିବ। ଭୋଟ୍ ଦେବାରେ ଯେମିତି କେହି ବଞ୍ଚିତ ନହୁଅନ୍ତି ସେଥିପାଇଁ ବୁଥ୍ ଓ ବୁଥ୍  ପାର୍ଟି ପ୍ରମୁଖଙ୍କ ଦଳ ସହିତ ଉତ୍ତମ ସମନ୍ଵୟ ରଖାଯିବ।

୨୦୧୬ରେ ମଧ୍ୟ ପାଠ ପଢାଇଥିଲେ ଶାହା

ଉଲ୍ଲେଖଯୋଗ୍ୟ ୨୦୧୭ ୟୁପି ବିଧାନସଭା ନିର୍ବାଚନ ପୂର୍ବରୁ ମଧ୍ୟ ୨୦୧୬ ଜୁନ ୩୦ରେ ଅମିତ୍ ଶାହା ଦକ୍ଷିଣ ୟୁପିର ବୁଥସ୍ତରୀୟ କାର୍ଯ୍ୟକର୍ତ୍ତାଙ୍କ ସମ୍ମିଳନୀ କରିଥିଲେ। ଏହା ପରେ ବିଧାନସଭା ନିର୍ବାଚନରେ ପାର୍ଟି ଉନ୍ନତ ପ୍ରଦର୍ଶନ କରିଥିଲା। 

        </description>
      </item>
      <item>
        <title>
           କର୍ଣ୍ଣାଟକ ସଂକଟ ପାଇଁ ବିଜେପି ନୁହେଁ, ଦଳୀୟ ନେତାଙ୍କ କ୍ଷମତା ଲୋଭ ଦାୟୀ
        </title>
        <link>
           http://khabarodisha.com/Politics/Politics-National-Karnatak-crisis-power-tussle-between-siddaramaiah-and-dk-shivakumar-46765
        </link>
        <guid>
           http://khabarodisha.com/Politics/Politics-National-Karnatak-crisis-power-tussle-between-siddaramaiah-and-dk-shivakumar-46765
        </guid>
        <pubDate>
           Thu, 17 Jan 2019 20:09:11 GMT
        </pubDate>
        <description>

 କର୍ଣ୍ଣାଟକରେ ବିଜେପି ଅପରେସନ ଲୋଟସ୍ ଜରିଆରେ କଂଗ୍ରେସ ନେତାଙ୍କୁ ଚକିତ କରିଛି। ମାତ୍ର ସୂତ୍ର ମୁତାବକ  କଂଗ୍ରେସର ଅବସ୍ଥା ଠିକ୍ ନାହିଁ। କାରଣ ସଂକଟ ପଛରେ ବିଜେପି ନୁହଁ ବରଂ ପାର୍ଟିର ବରିଷ୍ଠ ନେତା ଦାୟୀ ଅଟନ୍ତି।  ଏବେ ସଂକଟକୁ ଟାଳିବାର ଶ୍ରେୟ ମୁଖ୍ୟମନ୍ତ୍ରୀ କୁମାରସ୍ଵାମୀଙ୍କୁ ଦିଆଯାଉଛି, କାରଣ ସେ ଆଗକୁ ଆସି ଅସନ୍ତୁଷ୍ଟ  ବିଧାୟକଙ୍କ ସହ ଆଲୋଚନା କରିଛନ୍ତି।

କଂଗ୍ରେସର ସୂତ୍ର ମୁତାବକ ଏହି ମେଣ୍ଟ ସରକାର କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ କାରଣରୁ ହୋଇଛି। ଏବେ ଉପୁଜିଥିବା ଏହି ସଂକଟ ସମୟରେ ମୁଖ୍ୟମନ୍ତ୍ରୀ କୁମାରସ୍ଵାମୀ ଦିଲ୍ଲୀରେ ବିଜେପି  ଜାଲରେ ଫସିଥିବା ବିଧାୟକଙ୍କ ସହିତ ସଂପର୍କରେ ଥିଲେ। ସେଥିପାଇଁ ସେ ତାଙ୍କ ସରକାର ଭାଙ୍ଗିବ ନାହିଁ ବୋଲି ନିଶ୍ଚିତ ଥିଲେ। ସୂତ୍ର ମୁତାବକ ତିନି ଦିନ ପର୍ୟ୍ୟେନ୍ତ ଚାଲିଥିବା ସଂକଟର ସବୁଠୁ ବଡ଼ କାରଣ ବିଧାୟକ ଦଳର ନେତା ସିଦ୍ଧରମୈୟା ଓ ଜଳ ସମ୍ବଳ ମନ୍ତ୍ରୀ ଡିକେ ଶିବକୁମାରଙ୍କ ମଧ୍ୟରେ ଚାଲିଥିବା କ୍ଷମତା ଲଢେଇ। କ୍ୟାବିନେଟ୍ ପଦ ବ୍ୟତୀତ ବୋର୍ଡ ଓ କର୍ପୋରେସନରେ ପଦକୁ ନେଇ ମଧ୍ୟ ଉଭୟ ନେତାଙ୍କ ମଧ୍ୟରେ ଟଣାଓଟରା ଲାଗି ରହିଛି। ଯାହାର ଫାଇଦା ବିଜେପି ଉଠାଇବାକୁ ଚେଷ୍ଟା କରିଛି।

ଜଣେ ମନ୍ତ୍ରୀ କହିଛନ୍ତି ଯେ ବିଜେପି ଏହି ସଙ୍କଟକୁ ଉସୁକାଇବା ପାଇଁ ଦାୟୀ ନୁହଁ। ଉପ ମୁଖ୍ୟମନ୍ତ୍ରୀ ଜି ପରମେଶ୍ଵର ମଧ୍ୟ ମାନିଛନ୍ତି ଯେ ଏହି ସଂକଟ ପରିସ୍ଥିତି ପାଇଁ ବିଜେପି ଦାୟୀ ନୁହଁ। ମୁଁ ମନା କରୁନାହିଁ ଯେଉଁ ବିଧାୟକଙ୍କୁ କ୍ୟାବିନେଟରେ ସାମିଲ ହେବାର ଇଚ୍ଛା ଥିଲା କିମ୍ବା ମନ୍ତ୍ରୀ ହେବାକୁ ଚାହୁଁଥିଲେ, ସେମାନେ ନିଜ ନିଜର ଭାବନାକୁ ମଧ୍ୟ କହିଥିଲେ। ମାତ୍ର କିଛି ମାସ ପରେ ବିଧାୟକଙ୍କ ଏହି ଇଚ୍ଛା ଦବି ଯାଇଥିଲା ଏବଂ ସେମାନେ ଅନୁଭବ କରିଥିଲେ ଯେ ସବୁ ଲୋକଙ୍କୁ ମନ୍ତ୍ରୀ କରାଯାଇ ପାରିବ ନାହିଁ। 

ଉପମୁଖ୍ୟମନ୍ତ୍ରୀ ପରେମଶ୍ଵର କଂଗ୍ରେସ ପକ୍ଷରୁ କୁମାରସ୍ଵାମୀ ଦ୍ଵାରା ମଧ୍ୟସ୍ତ ଭୂମିକାକୁ  ଉଚିତ୍ ଦର୍ଶାଇ କହିଛନ୍ତି ଯେ  ସେ କୌଣସି ପାର୍ଟିର ନୁହନ୍ତି ବରଂ  ରାଜ୍ୟର ମୁଖ୍ୟମନ୍ତ୍ରୀ। ନିଶ୍ଚିତ ରୂପେ ସେ ବିଧାୟକଙ୍କ ସମର୍ଥନରେ ଥିଲେ ଏବଂ ତାଙ୍କ ସହ ଆଲୋଚନା କରିଥିଲେ। ତେଣୁ ଏହି ସଂକଟ ଟଳିଯାଇଛି। 

        </description>
      </item>
      <item>
        <title>
           ବିଧାୟକ ପଦ ଛାଡ଼ିବି, କଣ ମୁଖ୍ୟମନ୍ତ୍ରୀଙ୍କୁ ପ୍ରଶଂସା କରିବା ଦଳ ବିରୋଧୀ କାର୍ଯ୍ୟ- ଯୋଗେଶ
        </title>
        <link>
           http://khabarodisha.com/Politics/Politics-Odisha-Congress-MLA-Jogesh-Singh-quit-his-mla-post-46762
        </link>
        <guid>
           http://khabarodisha.com/Politics/Politics-Odisha-Congress-MLA-Jogesh-Singh-quit-his-mla-post-46762
        </guid>
        <pubDate>
           Thu, 17 Jan 2019 18:51:31 GMT
        </pubDate>
        <description>

ଦଳ ବିରୋଧୀ ମନ୍ତବ୍ୟ ପାଇଁ ସୁନ୍ଦରଗଡ଼ ବିଧାୟକ ଯୋଗେଶ ସିଂହଙ୍କୁ କଂଗ୍ରେସ ଦଳରୁ ସସପେଣ୍ଡ କରିଛି। ଏହା ସହିତ ଓଡ଼ିଶାଙ୍କ ଜାନୁଆରୀ 25 ଓଡ଼ିଶା ଗସ୍ତ ପୂର୍ବରୁ ଦଳରେ ଅସ୍ଵାଭାବିକ ପରିସ୍ଥିତି ସୃଷ୍ଟି ହୋଇଛି। ଏଅାଇସିସିର ଅନୁମୋଦନ କ୍ରମେ ତାଙ୍କୁ ଆଜି ଦଳରୁ ବହିଷ୍କାର କରାଯାଇଥିବା ପିସିସି ଶୃଙ୍ଖଳା କମିଟି ଆବାହକ ଅନନ୍ତ ସେଠୀ ସୂଚନା ଦେଇଛନ୍ତି। ଦଳରୁ ସସପେଣ୍ଡ ହେବା ପରେ ଯୋଗେଶ ନିଜର ପ୍ରତିକ୍ରିୟା ରଖିଛନ୍ତି। ବିଧାୟକ ପଦରୁ ଇସ୍ତଫା ଦେବେ ବୋଲି ସେ କହିଛନ୍ତି।

ଦଳ ପକ୍ଷରୁ ଏମିତି କାର୍ଯ୍ୟାନୁଷ୍ଠାନ ପରେ ସାମ୍ବାଦିକଙ୍କୁ ନିଜର ପ୍ରତିକ୍ରିୟାରେ ଯୋଗେଶ କହିଛନ୍ତି ଯେ ମୁଁ ବିଧାୟକ ପଦରୁ ଇସ୍ତଫା ଦେବି।  ମୋତେ ଦଳ ସସପେଣ୍ଡ କରିଛି, ତେଣୁ ମୁଁ  ବିଧାୟକ ପଦ ଛାଡ଼ିବି। ଦଳର ଏହି କାର୍ଯ୍ୟାନୁଷ୍ଠାନ ବିରୋଧରେ ସେ  ହାଇକମାଣ୍ଡ ପାଖରେ ଅପିଲ କରିବି ନାହିଁ। ମୁଁ କୌଣସି ଦଳ ବିରୋଧୀ କାର୍ଯ୍ୟ କରିନାହିଁ। କଣ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିବା ଦଳ ବିରୋଧୀ କାର୍ଯ୍ୟ ବୋଲି ସେ ପ୍ରଶ୍ନ କରିଛନ୍ତି। ମୋ ଅଞ୍ଚଳରେ ଭଲ କାମ  ହେଉଛି, ତେଣୁ ମୁଁ ପ୍ରଶଂସା କଲି। 

ସାମ୍ବାଦିକଙ୍କ କେଉଁ ଦଳରେ ଯୋଗ ଦେବେ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ମୁଁ କେବେ ବି ଦଳ ଛାଡ଼ିବା କଥା କହିନି। ଏବେ ବି ମଁ ଦଳରେ ଅଛି। ହୁଏତ ଏହି ନିଲମ୍ବନ ଆଉ କିଛି ଦିନ ପରେ ଉଠି ଯାଇପାରେ। ବିଜେଡିରେ ଯୋଗ ଦେବେ କି ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ମୋ ପାଖକୁ ଏମିତି କିଛି ଅଫର ଆସିନି। ଆସିଲେ ବିଚାର କରାଯିବ। ସମୟ ଓ ପରିସ୍ଥିତି ଦେଖି ପରବର୍ତ୍ତୀ ପଦକ୍ଷେପ ନେବି ଯୋଗେଶ କହିଛନ୍ତି।

        </description>
      </item>
      <item>
        <title>
           ଆକ୍ସନ ମୋଡରେ କଂଗ୍ରେସ, ସୁନ୍ଦରଗଡ଼ ବିଧାୟକ ଯୋଗେଶ ସିଂହ ଦଳରୁ ସସପେଣ୍ଡ୍
        </title>
        <link>
           http://khabarodisha.com/Politics/Politics-Odisha-Congress-MLA-Yogesh-Singh-suspended-from-party-46760
        </link>
        <guid>
           http://khabarodisha.com/Politics/Politics-Odisha-Congress-MLA-Yogesh-Singh-suspended-from-party-46760
        </guid>
        <pubDate>
           Thu, 17 Jan 2019 18:40:46 GMT
        </pubDate>
        <description>

ବିଧାୟକ ନବ ଦାସ  ଗତକାଲି ଦଳରୁ ଇସ୍ତଫା ଦେବା ପରେ ରାଜ୍ୟ କଂଗ୍ରେସ ଆକ୍ସନ ମୋଡରେ ନଜର ଆସିଛି। ଗତକାଲି ଇସ୍ତଫା ପରେ ନବଙ୍କୁ ଦଳରୁ ବହିଷ୍କାର କରିବା ପରେ ଦଳ ଆଜି ଯୋଗେଶ ସିଂହଙ୍କୁ ସସପେଣ୍ଡ କରିଛି।  ଏଆଇସିସିର ଅନୁମୋଦନ କ୍ରମେ ଦଳ ବିରୋଧୀ ମନ୍ତବ୍ୟ ପାଇଁ ସୁନ୍ଦରଗଡର ବିଧାୟକ ଯୋଗେଶଙ୍କୁ ଦଳ ସସପେଣ୍ଡ କରିଥିବା   ପିସିସି ଶୃଙ୍ଖଳା କମିଟି ଆବାହକ ଅନନ୍ତ ସେଠୀ ସୂଚନା ଦେଇଛନ୍ତି। ଦଳ ଏହି କାର୍ଯ୍ୟାନୁଷ୍ଠାନ ସଙ୍କେତ ଦେଇଛି ଯେ ଦଳ ଆଉ ଏମିତି ନେତାଙ୍କୁ ବରଖାସ୍ତ କରିବ ନାହିଁ ଯେଉଁମାନେ ଦଳ ବିରୋଧୀ ମନ୍ତବ୍ୟ ଦେଉଛନ୍ତି ଏବଂ ଦଳ ଛାଡିବାକୁ ମନସ୍ଥ କରୁଛନ୍ତି। ରାହୁଲଙ୍କ ଗସ୍ତ ପୂର୍ବରୁ ନବ ଦାସ ଦଳ ଛାଡିବା ଏବଂ ଏବେ ଯୋଗେଶଙ୍କୁ ସସପେଣ୍ଡ କରିବା ରାଜ୍ୟ କଂଗ୍ରେସ ପାଇଁ ଅଡୁଆ ପରିସ୍ଥିତି ସୃଷ୍ଟି କରିଛି। 

ଉଲ୍ଲେଖଯୋଗ୍ୟ ବିଧାୟକ ଯୋଗେଶ ସିଂହ ପୂର୍ବରୁ ନବୀନ ପଟ୍ଟନାୟକଙ୍କୁ ପ୍ରଶଂସା କରିଥିଲେ ଏବଂ ଦଳ ବିରୋଧୀ ମନ୍ତବ୍ୟ ଦେଇଥିଲେ। ଏହା  ସହିତ ରାହୁଲଙ୍କ ଓଡ଼ିଶା ଗସ୍ତ ସମୟରେ ଆୟୋଜିତ ସଭାରେ ଯୋଗ ଦେବାକୁ ମନା କରି ଦେଇଥିଲେ। ଏହାକୁ ନେଇ ଦଳରେ ଅଡୁଆ ପରିସ୍ଥିତି ସୃଷ୍ଟି ହୋଇଥିଲା। ଯୋଗେଶଙ୍କୁ ଦଳରୁ ସସପେଣ୍ଡ କଲେ ମଧ୍ୟ ଦଳର ଆଭ୍ୟନ୍ତରୀଣ ସ୍ଥିତି ଭଲ ନାହିଁ। 

ଯୋଗେଶଙ୍କୁ ସସପେଣ୍ଡ ନେଇ ଅନନ୍ତ ସେଠୀ  କହିଛନ୍ତି ଯେ  ସେ କ୍ରମାଗତ ଦଳ ବିରୋଧୀ ମନ୍ତବ୍ୟ ଦେଇ ଚାଲିଥିଲେ। ଯାହା ଦଳର ଭାବମୂର୍ତ୍ତିକୁ ନଷ୍ଟ କରୁଥିଲା।  ଏ ସଂପର୍କରେ କାଲି  ଶୃଙ୍ଖଳା କମିଟି ବୈଠକ ବସିଥିଲା।  ୨୪ ଘଣ୍ଟା ମଧ୍ୟରେ ଉତ୍ତର ଦେବାକୁ ତାଙ୍କୁ କୁହାଯାଇଥିଲା।  ମାତ୍ର ୨୪ ଘଣ୍ଟା ମଧ୍ୟରେ ତାଙ୍କ ପକ୍ଷରୁ କୌଣସି ଉତ୍ତର ମିଳିନଥିଲା। ତେଣୁ ଆଜି ଏଆଇସିସିର ଅନୁମୋଦନ କ୍ରମେ ଯୋଗେଶ ସିଂହଙ୍କୁ ଦଳରୁ ସସପେଣ୍ଡ କରାଯାଇଛି। 

        </description>
      </item>
      <item>
        <title>
           ଲକ୍ଷ୍ମୀଧରଙ୍କ ମୃତ୍ୟୁ ଆତ୍ମହତ୍ୟା ନୁହେଁ ସରକାରୀ ପ୍ରାୟୋଜିତ ହତ୍ୟା: ଧର୍ମେନ୍ଦ୍ର ପ୍ରଧାନ
        </title>
        <link>
           http://khabarodisha.com/Politics/politics-odisha-dharmendra-pradhan-reaction-laxmidhar-suicide--issue-46759
        </link>
        <guid>
           http://khabarodisha.com/Politics/politics-odisha-dharmendra-pradhan-reaction-laxmidhar-suicide--issue-46759
        </guid>
        <pubDate>
           Thu, 17 Jan 2019 19:47:45 GMT
        </pubDate>
        <description>

ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ଲାଞ୍ଚ ଦେଇନପାରି ନିରାକାରପୁର ଅଞ୍ଚଳର ଲକ୍ଷ୍ମୀଧର ବେହେରା ଆତ୍ମହତ୍ୟା ଘଟଣାରେ ଦୁଃଖ ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଟ୍ୱିଟ କରି ଏହି ଘଟଣା ଶୁଣି ମାର୍ମାହତ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ଏହି ଘଟଣାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି । 

ରାଜ୍ୟରେ ପିସିର ଦାନବକୁ ଦାନାପାଣି କିଏ ଦେଉଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଓଡିଶା ଗସ୍ତ ସମୟରେ ପ୍ରଶ୍ନ ଉଠାଇଥିଲେ  । ଲକ୍ଷ୍ମୀଧର ଜାରି କରିଥିବା ଭିଡିଓରେ ସ୍ପଷ୍ଟ ଭାବେ ଉଲ୍ଲେଖ କରିଛନ୍ତି ଯେ, ବ୍ଲକର ଅଧିକାରୀ ମାନେ ତାଙ୍କ ଘର ବୁଲି ଦେଖିଛନ୍ତି  । ହେଲେ ଦୁଇଓଳି ଖାଇବାକୁ ପାଉନଥିବା ଏହି ପରିବାରକୁ ପ୍ରଶାସନିକ ଅଧିକାରୀ ମାନେ 15ରୁ 20 ହଜାର ଟଙ୍କା ଲାଞ୍ଚ ମାଗିଥିଲେ  । ଆତ୍ମହତ୍ୟା କରିଥିବା ଜଣେ ବ୍ୟକ୍ତିର ମୃତ୍ୟୁକାଳୀନ ଜମାନବନ୍ଦୀକୁ ସମ୍ପୂର୍ଣ୍ଣ ସତ୍ୟ ବୋଲି ମାନିବାକୁ ପଡିବ  । ପିସି ମଷ୍ଟ ଷ୍ଟପ କଥା କହୁଥିବା ମୁଖ୍ୟମନ୍ତ୍ରୀ ପୁଣି କଣ କହିବେ ଆପଣ ମାନେ ଖୁସି ତ ? ବୋଲି ପ୍ରଶ୍ନ କରିଛନ୍ତି କେନ୍ଦ୍ରମନ୍ତ୍ରୀ । ଲାଞ୍ଚ ପାଇଁ ଜଣେ ନୀରିହ, ନିଷ୍ପାପ ଲୋକର ଜୀବନ ଯିବା  ଅତ୍ୟନ୍ତ ଦୁର୍ଭାଗ୍ୟଜନକ  । ଓଡିଶାରେ ଏହା ବାସ୍ତବ ଚିତ୍ର  । ଖୋର୍ଦ୍ଧା ନିରାକାରପୁରରେ ଲକ୍ଷ୍ମୀଧରଙ୍କ ସହିତ ଘଟିଥିବା ଏଭଳି ଘଟଣା ଭାତହାଣ୍ଡିରୁ ଗୋଟିଏ ଭାତ ବୋଲି କେନ୍ଦ୍ରମନ୍ତ୍ରୀ ଟ୍ୱିଟ କରି କହିଛନ୍ତି । ଏହା ଆତ୍ମହତ୍ୟା ନୁହେଁ ସରକାରୀ ପ୍ରାୟୋଜିତ ହତ୍ୟା  । ଲକ୍ଷ୍ମୀଧର ଓ ତାଙ୍କ ପରି ଅଗଣିତ ସାଧାରଣ ଓଡିଆ ଲୋକଙ୍କୁ ନ୍ୟାୟ ପାଇଁ ଏବେ ଆମକୁ ଜବାବ ମାଗିବାକୁ ପଡିବ ବୋଲି ଧର୍ମେନ୍ଦ୍ର ପ୍ରଧାନ ଟ୍ୱିଟ କରି କହିଛନ୍ତି । 

ଗତକାଲି ସାହାଡ଼ାଯୋଡ଼ି ନିକଟରେ ନିରାକାରପୁରର ଲକ୍ଷ୍ମୀଧର ବେହେରାଙ୍କର ମୃତ ଦେହ ଉଦ୍ଧାର ହୋଇଥିଲା । କିନ୍ତୁ ମୃତ୍ୟୁ ପୂର୍ବର ଏକ ଭିଡ଼ିଓ ରାଜ୍ୟ ସରକାରଙ୍କ ପାଇଁ କାଳ ହୋଇଛି । ଲକ୍ଷ୍ମୀଧର ଭିଡ଼ିଓରେ ସେ ଘରଟିଏ ପାଇଁ ନିବେଦନ କରିଛନ୍ତି । ଘର ପାଇଁ ସ୍ଥାନୀୟ ସରପଞ୍ଚ, ବିଜେଡ଼ି ନେତା ଓ ବ୍ଲକ୍‌ ଅଧିକାରୀଙ୍କୁ କହିଥିଲେ । କିନ୍ତୁ ଘର ବଦଳରେ ତାଙ୍କୁ ଲାଞ୍ଚ ମଗାଯାଇଥିଲା । ଏପରି ଗୋଟିଏ ନୁହେଁ ତିନୋଟି ଭିଡ଼ିଓ ଭାଇରାଲ ହୋଇଛି । ସେ ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିଜେଡ଼ି ଦଳ, ବ୍ଲକ୍‌ ଅଧିକାରୀ ଓ ସ୍ଥାନୀୟ ସରପଞ୍ଚଙ୍କୁ ସିଧାସଳଖ ଦାୟୀ କରିଛନ୍ତି । 

        </description>
      </item>
      <item>
        <title>
           ୟୁପିରେ ବିଜେପିକୁ ଝଟକା, ଓମପ୍ରକାଶ ରାଜଭର ଛାଡିଲେ ଏନଡିଏ
        </title>
        <link>
           http://khabarodisha.com/Politics/political-national-odisha-om-prakash-rajbhar-to-decide-his-party-s-candidates-on-25-january-46749
        </link>
        <guid>
           http://khabarodisha.com/Politics/political-national-odisha-om-prakash-rajbhar-to-decide-his-party-s-candidates-on-25-january-46749
        </guid>
        <pubDate>
           Thu, 17 Jan 2019 16:11:18 GMT
        </pubDate>
        <description>

ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏବେ ରାଜନୈତିକ ମାହୋଲ ସରଗରମ ରହିଛି । ଏହି ସମୟରେ  ସୁହେଲଦେବ ଭାରତୀୟ ସମାଜ ପାର୍ଟିର ଅଧ୍ୟକ୍ଷ ଓମପ୍ରକାଶ ରାଜଭର ଏକ ବଡ ଘୋଷଣା କରିଛନ୍ତି । ଏହି ଘୋଷଣାରେ ବିଜେପିକୁ ଝଟକା ଲାଗିଛି । ରାଜଭର ବିଜେପି ମହାମେଂଟରୁ ନିଜ ସମର୍ଥନ ଫେରେଇ ନେଇଛନ୍ତି ବୋଲି ଘୋଷଣା କରିଛନ୍ତି । ବସ୍ତୀରେ ସେ କହିଛନ୍ତି କି, ସପା ବିଏସପି ମହାମେଂଟରେ ସାମିଲ ହେବେ ନାହିଁ ଏବଂ ଜାନୁଆରୀ ୨୫ରେ ପ୍ରଦେଶର ସମସ୍ତ ୮୦ଟି ଆସନରୁ ନିଜ ପାର୍ଥୀଙ୍କୁ ଓହ୍ଲାଇବ ବୋଲି ଘୋଷଣା କରିଛନ୍ତି । 

ପଛୁଆ ବର୍ଗଙ୍କୁ ଆରକ୍ଷଣ ନଦେବାକୁ ନେଇ ସେ ବିଜେପି ଉପରେ ଅସନ୍ତୁଷ୍ଟ ଜାଗ୍ରତ କରି କହିଛନ୍ତି କି, ସେ ନିଜର ଅଧିକାରୀଙ୍କ ପାଇଁ ଲଢୁଛନ୍ତି । ବିଜେପି ଏହି ସମୟରେ କୁମ୍ଭ, ରାମ ମନ୍ଦିର ଏବଂ ହିନ୍ଦୁ ମୁସଲମାନ ମୁଦ୍ଦାରେ ଚିନ୍ତିତ । ସେ ପଛୁଆଙ୍କ ବିଷୟରେ କହିଥିଲେ କିନ୍ତୁ ବିଜେପି ଶୁଣି ନଥିଲା ।  

        </description>
      </item>
      <item>
        <title>
           ସଙ୍କଟରେ ନରସିଂହଙ୍କ ବିରୋଧୀ ଦଳ ନେତା ପଦ, କହିଲେ ପଦ ଗଲେ ଚୁପ ବସିବିନି
        </title>
        <link>
           http://khabarodisha.com/Politics/politics-odisha-oppsition-leader-narasingha-mishra-may-loss-his-position-46744
        </link>
        <guid>
           http://khabarodisha.com/Politics/politics-odisha-oppsition-leader-narasingha-mishra-may-loss-his-position-46744
        </guid>
        <pubDate>
           Thu, 17 Jan 2019 17:13:10 GMT
        </pubDate>
        <description>

କଂଗ୍ରେସର ଝାରସୁଗୁଡ଼ା ବିଧାୟକ ନବ ଦାସଙ୍କ ଇସ୍ତଫା ଦେବା ପରେ ଏବେ ବିରୋଧୀ ଦଳ ନେତା ନରସିଂହ ମିଶ୍ରଙ୍କ ପଦ ସଙ୍କଟରେ ରହିଛି । ସେ ନିୟମ ଅନୁଯାୟୀ ସେ ବିରୋଧୀ ଦଳ ନେତା ପଦରୁ ଅବ୍ୟାହତି ନେବେ । ବିରୋଧୀ ଦଳ ନେତାର ମାନ୍ୟତାରୁ ତାଙ୍କୁ ବହିଷ୍କାର କରାଯିବା ନେଇ ଏକ ପ୍ରକାର ନିଷ୍ପତି ନିଆଯାଇଥିବା ଜଣାପଡିଛି । କିନ୍ତୁ ନରସିଂହ ମିଶ୍ର ଏ ସମ୍ପର୍କରେ ଅତି ନିର୍ଭିକତାର ସହିତ ଉତ୍ତର ରଖିଛନ୍ତି । 

ସେ କହିଛନ୍ତି ମାନ୍ୟତା ଚାଲିଗଲେ ମଧ୍ୟ ପାଟି ଚୁପ କରିବେନି । ପୂର୍ବରୁ ସେ କେବେ ପାଟି ବନ୍ଦ କରିନାହାନ୍ତି ଓ  ମାନ୍ୟତା ଚାଲିଗରେ ମଧ୍ୟ ସେ ଚୁପ ରହିବେ ନାହିଁ କହି ନିର୍ଭୀକତା ଉତ୍ତର ରଖିଛନ୍ତି । ପଦବୀ ଚାଲିଗରେ ସରକାର ଦେଇଥିବା ଗାଡି ଓ ଦୁଇଟି ପିଅନଙ୍କୁ ନେଇଯିବେ ।  ଦଳପ୍ରତି ଲୋକଙ୍କ ସମର୍ଥନ ଥିଲେ ବ୍ୟକ୍ତି ଗଲେ କୌଣସି ପ୍ରଭାବ ପଡେ ନାହିଁ ।  ବ୍ୟକ୍ତିକୁ ନେଇ ଦଳ ସୁଦୃଢ ହେଉଥିଲେ ଏହାର ପ୍ରଭାବ ପଡେ ବୋଲି ସେ କହିଛନ୍ତି । 

ନିୟମ ଅନୁଯାୟୀ, ବିଧାନସଭାର ଆସନ ସଂଖ୍ୟା ୧୦ ପ୍ରତିଶତ ବିରୋଧୀଙ୍କ ଆସନ ରହିଲେ ବିରୋଧୀ ଦଳର ମାନ୍ୟତା ପାଇବ । ଏହି ଦୃଷ୍ଟିରୁ ଓଡ଼ିଶା ବିଧାନସଭାର ୧୪୭ଟି ଆସନର ୧୦ ପ୍ରତିଶତ ହେଉଛି ୧୪.୭ ଅର୍ଥାତ୍‌ ୧୫ଟି ଆସନ । ତେବେ ୨୦୧୪ରେ ୧୬ଟି ଆସନରେ ବିଜୟୀ ହୋଇଥିବା କଂଗ୍ରେସର ଏବେ ଆସନ ସଂଖ୍ୟା ୧୪ରେ ପହଁଚିଛି । ପ୍ରଥମେ ସୁବଳ ସାହୁଙ୍କ ମୃତ୍ୟୁ ଏବଂ ଦ୍ୱିତୀୟରେ ନବ ଦାସଙ୍କ ଇସ୍ତଫା ପରେ ନରସିଂହ ମିଶ୍ରଙ୍କ ପଦ ଯିବାର ସମ୍ଭାବନା ରହିଛି ।

        </description>
      </item>
      <item>
        <title>
           ଅମିତ ଶାହାଙ୍କୁ ସ୍ୱାଇନ ଫ୍ଲ୍ୟୁକୁ ନେଇ କଂଗ୍ରେସ ନେତା ବିକେ ହରିପ୍ରସାଦ ଦେଲେ ବିବାଦୀୟ ବୟାନ
        </title>
        <link>
           http://khabarodisha.com/Politics/political-national-odisha-congress-mp-bk-hariprasad-mocks-illness-of-bjp-chief-amit-shah-46738
        </link>
        <guid>
           http://khabarodisha.com/Politics/political-national-odisha-congress-mp-bk-hariprasad-mocks-illness-of-bjp-chief-amit-shah-46738
        </guid>
        <pubDate>
           Thu, 17 Jan 2019 16:25:30 GMT
        </pubDate>
        <description>

 କର୍ଣ୍ଣାଟକର ଜନତା ଦଳ ସିକ୍ୟୁଲାର ଏବଂ କଂଗ୍ରେସ ମହାମେଂଟ ଭାଙ୍ଗିବା କରାଣରୁ ବିଜେପି କାଯ୍ୟହୀନ ସାବ୍ୟସ୍ତ ହୋଇଛି । ସେହି ସମୟରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କୁ ସ୍ୱାଇନ ଫ୍ଲ୍ୟୁରେ ପୀଡିତ ହେବା କାରଣରୁ ତାଙ୍କୁ ଏମସ ହ୍ସିଟାରେ ଭର୍ତି କରାଯାଇଛି । ଏବେ କଂଗ୍ରେସ ଅଲଗା ଅଲଗା ମୁଦ୍ଦାକୁ ଯୋଡି କଂଗ୍ରେସର ବରିଷ୍ଠ ନେତା ବିକେ ହରିପ୍ରସାଦ ଅମିତ ଶାହାଙ୍କ ବିରୁଧରେ ଆପତିଜନକ ଟିପ୍ପଣୀ ଦେଇଛନ୍ତି । 

ବିଜେପି ଅଧ୍ୟକ୍ଷ ଅମିତ ଶାହାଙ୍କ ରୋଗକୁ ନେଇ କଂଗ୍ରେସ ନେତା ବିକେ ହରିପ୍ରସାଦ ଆକ୍ରମଣ କରିଛନ୍ତି । ସେ ଏହାକୁ “ ସ୍ୱାୟୁନ ଫ୍ଲ୍ୟୁ ରୋଗ” ବୋଲି କହିଛନ୍ତି । ଯଦି କର୍ଣ୍ଣାଟକରେ ସରକାରଙ୍କୁ ହଇରାଣ କରିବାକୁ ଚେଷ୍ଟା କରନ୍ତି ତେବେ ଏହା ଠାରୁ ଅଧିକ ବଡ ରୋଗ ହେବ।  ବୟାନ ପରେ ବିଜେପିକୁ କଂଗ୍ରେସ ଉପରକୁ ଆକ୍ରମଣ କରିବାକୁ ଅବସର ମିଳି ଯାଇଛି । ତେବେ ଅମିତ ଶାହା ବୁଧବାର ଦିନ ଟ୍ୱିଟ କରି କହିଛନ୍ତି କି, ମୋତେ ସ୍ୱାୟୁନ ଫ୍ଲ୍ୟୁ ହୋଇଛି । ଯାହାର ଉପଚାର ଏବେ ଚାଲିଛି । ଇଶ୍ୱରଙ୍କ କୃପାରୁ ଆପଣ ସମସ୍ତଙ୍କର ଭଲପାଇବା ଏବଂ ଶୁଭକାମନା ଦ୍ୱାରା ଶୀଘ୍ର ସୁସ୍ଥ ହୋଇଯିବି । 

ସୂଚନାଯୋଗ୍ୟ, କର୍ଣ୍ଣାଟକରେ ଜେଡିଏସ କଂଗ୍ରେସ ମହାମେଂଟ ସରକାର ଭାଙ୍ଗିବା ପରେ ବିଜେପିର ପ୍ରୟାଶକୁ ଝଟକା ଲାଗିଛି । ଅସନ୍ତୁଷ୍ଟ କଂଗ୍ରେସ ନେତାମାନେ ଅନ୍ତିମ ସମୟରେ ଦଳ ଛାଡିବାକୁ ମନା କରି ଦେଲେ । ଏହା ଦ୍ୱାରା ବିଜେପିର ଅପରେଶନ ଲୋଟସ ବିଫଳ ହୋଇଗଲା । କାରଣ ବିଜେପି ୧୨ରୁ ୧୫ କଂଗ୍ରେସ ବିଧାୟକଙ୍କୁ ଇସ୍ତଫା ଦିଆଇ ସରକାର ତିଆରି କରିବାକୁ ଚେଷ୍ଟା କରୁଥିଲା ।   

        </description>
      </item>
   </rss>
 </channel>