<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ରାହୁଲଙ୍କ ଅଭିଯୋଗ, ମେହୁଲ ଚୋକସିଙ୍କ କମ୍ପାନୀରୁ ଦରମା ନେଉଥିଲେ ଜେଟଲୀଙ୍କ ଝିଅ
        </title>
        <link>
           http://khabarodisha.com/Opinion/rahul-gandhi-slams-finance-ministry-arun-jaitley-over-banking-scam-in-twitter-41762
        </link>
        <guid>
           http://khabarodisha.com/Opinion/rahul-gandhi-slams-finance-ministry-arun-jaitley-over-banking-scam-in-twitter-41762
        </guid>
        <pubDate>
           Mon, 22 Oct 2018 22:58:28 GMT
        </pubDate>
        <description>

କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ଉପରେ କରିଛନ୍ତି ହମଲା। ରାହୁଲ ଟ୍ଵିଟ୍ କରି ପଲାତକ ମେହୁଲ ଚୋକସି ଓ ଜେଟଲୀଙ୍କ ଝିଅ ମଧ୍ୟରେ ଆଇସିଆଇସିଆଇ ବ୍ୟାଙ୍କ ମାଧ୍ୟମରେ ହୋଇଥିବା ନେଣ ଦେଣର ପ୍ରମାଣ ମଧ୍ୟ ଦେଇଛନ୍ତି। ରାହୁଲ ଟ୍ଵିଟ୍ କରି ଲେଖିଛନ୍ତି ଯେ ଅରୁଣ ଜେଟଲୀଙ୍କ ଝିଅ ଚୋର ମେହୁଲ ଚୋକସିଙ୍କ ବେତନ ଆଧାରରେ କାମ କରୁଥିଲେ।  ଏହି ମାମଲାରେ ପାର୍ଟି ଏବେ ନୈତିକତା ଆଧାରରେ ଜେଟଲୀଙ୍କ ଇସ୍ତଫା ଦାବି କରିଛି। 

ରାହୁଲ ଟ୍ଵିଟ୍ କରି ଅଭିଯୋଗ କରିଛନ୍ତି ଯେ ଜେଟଲୀଙ୍କ ଝିଅକୁ ଆଇସିଆଇସିଆଇ ବ୍ୟାଙ୍କରୁ ଅର୍ଥ ମିଳିଛି। ଅନ୍ୟ ପଟେ ତାଙ୍କର ପିତା ଅର୍ଥମନ୍ତ୍ରୀ ଜେଟଲୀ  ଏହି ସବୁ ଫାଇଲକୁ ଦବାଇ ଚୋକସିଙ୍କୁ ଦେଶରୁ ପଳାୟନ କରିବାକୁ ଅନୁମତି ଦେଇଛନ୍ତି। ରାହୁଲ ଟ୍ଵିଟରେ ସମ୍ବନ୍ଧିତ ବ୍ୟାଙ୍କର ଖାତା ନମ୍ବର ମଧ୍ୟ ଦେଇଛନ୍ତି। ଏହି ଟ୍ଵିଟ୍ ସହିତ ଅରୁଣ ଜେଟଲୀ ମଷ୍ଟ ରିଜାଇନ ହ୍ୟାଟସ୍ୟାଗ ମଧ୍ୟ ଦିଆଯାଇଛି। 

ଏହି ମାମଲାରେ କଂଗ୍ରେସ ନେତା ସଚିନ ପାଇଲଟ, ଗୁଜରାତ ପ୍ରଭାରୀ ରାଜୀବ ସାଟଭ ଓ ମହିଳା କଂଗ୍ରେସ ଅଧ୍ୟକ୍ଷା ସୁସ୍ମିତା ଦେବ ମିଳିତ ସାମ୍ଵାଦିକ ସମ୍ମିଳନୀ କରି  ଜେଟଲୀଙ୍କ ଝିଅ-ଜ୍ଵାଇଁଙ୍କ ସହ ଚୋକସିଙ୍କ ସଂପର୍କ ଓ ନେଣଦେଣକୁ ନେଇ ଅଭିଯୋଗ କରିଛନ୍ତି। 

ଉଲ୍ଲେଖଯୋଗ୍ୟ ରାହୁଲ ଗାନ୍ଧୀଙ୍କ ବ୍ୟାଙ୍କ ଘୋଟାଲାକୁ ନେଇ ପୂର୍ବେ ଅର୍ଥମନ୍ତ୍ରୀ ଅରୁଣ ଜେଟଲୀ ହମଲା କରୁଥିଲେ। ପଞ୍ଜାବ ନ୍ୟାସନାଲ ବ୍ୟାଙ୍କ ଓ ଅନ୍ୟ ବ୍ୟାଙ୍କ ଅଧିକାରୀଙ୍କ ସହ ସଲାସୁତୁରାରେ କିଛି ବଡ଼ ଉଦ୍ୟୋଗପତି ନିୟମର ଅଣଦେଖା କରି ବ୍ୟାଙ୍କରୁ ଲୋନ ନେଇ ଆଉ ପରିଶୋଧ କରି ନାହାନ୍ତି। ଏହି ମାମଲାରେ ପିଏନବି ବ୍ୟାଙ୍କ ସ୍ଵୀକାର କରିଥିଲା ଯେ କିଛି ଲୋକଙ୍କ ସଲାସୁତୁରାରେ  କିଛି ଲୋକଙ୍କୁ ଫାଇଦା ଦିଆଯାଇଛି। ଏହାକୁ ନେଇ ଜେଟଲୀ ରାହୁଲଙ୍କୁ ଟାର୍ଟେଟ୍ କରୁଥିଲେ।

        </description>
      </item>
      <item>
        <title>
           ଦାମ ରାଉତ ବେଲାଳସେନରୁ ବିଭିଷଣ
        </title>
        <link>
           http://khabarodisha.com/Opinion/Dama-Rout-Belalasena-Bibhisena-40022
        </link>
        <guid>
           http://khabarodisha.com/Opinion/Dama-Rout-Belalasena-Bibhisena-40022
        </guid>
        <pubDate>
           Fri, 21 Sep 2018 14:22:18 GMT
        </pubDate>
        <description>

 ମହାଭାରତର ବେଲାଳସେନରୁ ରାମାୟଣର ବିଭିଷଣ । ସେ ନିଜେ କହିଥିଲେ ମୁଁ ହେଉଛି ବେଲାଳସେନ । ପୁରା ମହାଭାରତ ଯୁଦ୍ଧକୁ ମୁଁ ସବୁ ଦେଖିଛି । ସବୁ କହିବି । ହେଲେ ଅଧା କହିଲା ପରେ ସେ ହେଲେ ଦଳରୁ ବହିଷ୍କାର । ଆଉ ପାଲଟିଲେ ବିଭିଷଣ । ଖାଲି ଦେଖିଥିବା କଥାକୁ କେବଳ କହି ନଛାଡି ବଂର ନିଜେ ଦୁର୍ନୀତି ବିରୋଧରେ ଲଢିବେ ବୋଲି ଘୋଷଣା କରିଛନ୍ତି ଦାମ ରାଉତ । 

ପୁରାଣର ଏହି ଦୁଇ ଚରିତ୍ର ବେଲାଳସେନ ଏବଂ ରାମାୟଣର ବିଭିଷଣ । ଏହି ଦୁଇ ଚରିତ୍ରରୁ ବେଲାଳସେନ ଏକ ମୁକ ପ୍ରାୟ ଚରିତ୍ର । ସମ୍ପୁର୍ଣ୍ଣ ମହାଭାରତ ଯୁଦ୍ଧକୁ କେବଳ ଦେଖି ଯୁଦ୍ଧ ସରିଲା ପରେ କହିଥିଲା । ହେଲେ ବିଭିଷଣ କିନ୍ତୁ ତାହା କରିନଥିଲେ । ଧର୍ମର ରକ୍ଷା ପାଇଁ ସେ ହୋଇଯାଇଥିଲେ ଗୃହ ଶତ୍ରୁ । ନିଜ ଭାଇ ରାବଣକୁ ବଦ୍ଧ କରିବା ପାଇଁ ଆସିଥିଲେ ରାମଙ୍କ ପାଖକୁ । ଇନ୍ଦ୍ରଜିତ ପାଇଥିବା ବର ଅନୁସାରେ ତାକୁ କିଏ ମାରିପାରିବ,  ମହିରାବଣ ପାତାଳରେ କେଉଁଠି ରହୁଛି, ରାବଣର କେଉଁ ସେନାପତି ସହ କିଏ ଲଢିପାରିବ, ରାବଣର ସମସ୍ତ ଗୁପ୍ତ କଥା ଜଣାଥିଲା ବିଭିଷଣକୁ । ଏପରିକି ଲକ୍ଷ୍ମଣ ଶକ୍ତିଭେଦ ହେଲାପରେ ତାଙ୍କର ଚିକିସ୍ତ୍ରା ପାଇଁ ବୈଦ୍ୟ ସୁଶେଣ ହିଁ ଏକମାତ୍ର ବୈଦ୍ୟ ଏକଥା ବିଭିଷଣ ହିଁ ବତାଇଥିଲେ ରାମଙ୍କୁ । ଯାହାଫଳରେ ଲକ୍ଷ୍ମଣ ବଂଚିପାରିଥିଲେ । ଯଦି ରାମଙ୍କ ପାଖେ ବିଭିଷଣ ନଥାନ୍ତେ ତାହେଲେ ରାବଣକୁ ବଦ୍ଧ କରିବା ରାମଙ୍କ ପାଇଁ ଅସମ୍ଭବ ହୋଇଥାନ୍ତା ।

ହେଲେ ଦାମ ରାଉତଙ୍କ ପାଇଁ ରାମ କିଏ, ସେ ନିଜେ ନା ଆଉ କିଏ ତାହା ଜଣା ନଥିଲା ବେଳେ କିନ୍ତୁ ଏବେ ସେ ଯେ ବିଭିଷଣ ଭୁମିକାରେ ଅବତିର୍ଣ୍ଣ ଏଥିରେ କୌଣସି ସନ୍ଦେହ ନାହିଁ । ସେ ନିଜେ କହିସାରିଛନ୍ତି ଆନ୍ନାଙ୍କ ଭୂମିକାରେ ଆସି ନବିନ ପଟ୍ଟନାୟକଙ୍କର ସମସ୍ତ ଦୁର୍ନୀତି ଉପରୁ ମୁଖା ଖୋଲିବେ ଏବଂ ରାଜ୍ୟ ସାରା ବୁଲି ପ୍ରଚାର କରିବେ । ଆଗାମି ୨୦୧୯ ଲଢେଇରେ ଦାମ ରାଉତ ବିଭିଷଣ ଭୂମିକାରେ ଓହ୍ଲାଇବେ ସେଥିରେ କୌଣସି ସନ୍ଦେହ ନାହିଁ ।

        </description>
      </item>
      <item>
        <title>
           ବଦଳିଛନ୍ତି ନବିନ, ଆଗରୁ ଦୁର୍ନୀତି କଲେ ବିଦା କରୁଥିଲେ ଆଉ ଏବେ ଦୁର୍ନୀତିକୁ ବିରୋଧ କଲେ
        </title>
        <link>
           http://khabarodisha.com/Opinion/Naveen-Pattnaik-Change-In-Image-Dama-Rout-39597
        </link>
        <guid>
           http://khabarodisha.com/Opinion/Naveen-Pattnaik-Change-In-Image-Dama-Rout-39597
        </guid>
        <pubDate>
           Thu, 13 Sep 2018 21:15:39 GMT
        </pubDate>
        <description>

 ନବିନ ପଟ୍ଟନାୟକଙ୍କ ନେତୃତ୍ୱକୁ ଲୋକ କାହିଁକି ବାରମ୍ବାର ଭରସା କରିଛନ୍ତି ? କାହିଁକି ଥରେ ନୁହେଁ ଚାରି ଚାରି ଥର ଲୋକ ନବିନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ ଭାବେ ଭାବିଛନ୍ତି ? ଏହାର ଗୋଟିଏ ମୁଖ୍ୟ କାରଣ ହେଲା ସାଧାରଣରେ ଏକଥା ବିଶ୍ୱାସ ଅଛି ନବିନ ବାବୁ ନିଜେ ଦୁର୍ନୀତି କରନ୍ତି ନାହିଁ କି ତାଙ୍କ ସରକାରରେ ଦୁର୍ନୀତି ଗ୍ରସ୍ତ ନେତାଙ୍କର କୌଣସି ସ୍ଥାନ ନାହିଁ । ହେଲେ ସେହି ଧାରଣ ଯେ ଏକ ମିଛ ଧାରଣ ତାହା ଆଜି ପ୍ରମାଣିତ ହେଲାଭଳି ମନେ ହେଉଛି।

ନବିନଙ୍କ ପ୍ରଥମ ଦୁଇଟି ପାଳିରେ ବିଦା କରିଥିଲେ ପ୍ରଶାନ୍ତ ନନ୍ଦ, ନଳିନି ମହାନ୍ତି, କମଳା ଦାସ, ଅମର ଶତପଥୀ, ଦେବୀ ମିଶ୍ର ଆଦି ନେତାଙ୍କୁ । ସେ ସମସ୍ତେଙ୍କୁ ନବିନ ବିଦା କରିଥିଲେ କେବଳ ଛାୟା ଦୁର୍ନୀତି ଅଭିଯୋଗରେ, ଦୁର୍ନୀତି ପ୍ରମାଣ ହେବା ଆଗରୁ କେବଳ ଅଭିଯୋଗ ଆଧାରରେ ହିଁ ନବିନ ସେମାନଙ୍କୁ ବିଦା କରିଥିଲେ । ଦୁର୍ନୀତିର ଅଭିଯୋଗ ଆସିଲା ମାନେ ମନ୍ତ୍ରୀମଣ୍ଡଳରୁ ବିଦା କରିଦେଉଥିବା କାରଣରୁ ସାଧାରଣରେ ଗୋଟିଏ ସନ୍ଦେଶ ଯାଇଥିଲା କି ନବିନବାବୁ ଜଣେ ସ୍ୱଛ ରାଜନେତା ସେ ଦୁର୍ନୀତି କରନ୍ତି କି ନାହିଁ କି ଦୁର୍ନୀତିକୁ ବରଦାସ୍ତ କରନ୍ତି ନାହିଁ । ଦୁର୍ନୀତି ଦେଖିଲା ମାନେ ତାଙ୍କ ନାହିଁ ଡିଏଁ ଇତ୍ୟାଦି । 

ହେଲେ ଯେଉଁ ଭଳି ଢଙ୍ଗରେ ମୁଖ୍ୟମନ୍ତ୍ରୀ ନବିନ ବାବୁ ଏବେ ଦାମ ରାଉତଙ୍କୁ ଦଳରୁ ବିଦା କଲେ ତାଙ୍କର ସେ ଦୁର୍ନୀତି ବିରୋଧୀ ଭାବମୁର୍ତୀ ଆଉ ବଜାୟ ରହିବ ନାହିଁ ଏକଥା ଲାଗୁଛି । କାରଣ ବହିଷ୍କାରରେ କାରଣ ଭାବେ ବିଜୁ ଜନତା ଦଳ ତରଫରୁ ଯାହା କାରଣ ଦର୍ଶାଯାଇଛି କି ସେ ଦଳ ବିରୋଧୀ କାମ କରୁଥିଲେ ବାସ୍ତବରେ ଦାମ ରାଉତ ବିଜୁ ଜନତା ଦଳ ବିରୋଧରେ ସେପରି କିଛି କରିନାହାନ୍ତି । ସେ କେବଳ ସରକାରଙ୍କ କିଛି ଦୁର୍ନିତିକୁ ସାମନାକୁ ଆଣିଥିଲେ । ଯେଉଁ ଦୁର୍ନୀତିକୁ ସରକାରୀ ସ୍ତରରେ ଏବେ ସୁଦ୍ଧା ଖଣ୍ଡନ କରିବା ପାଇଁ କେଉଁ ସରକାରି ବାବୁ ଅଫିସର ମନ୍ତ୍ରୀଙ୍କର ସାହାସ ହେଉନାହିଁ । ମୁଖ୍ୟମନ୍ତ୍ରୀ କାର୍ଯ୍ୟାଳୟ ଏହି ଦୁର୍ନୀତି ସବୁରେ ସମ୍ପୃକ୍ତ ଅଛି ବୋଲି ଦାମ ରାଉତ ଅଭିଯୋଗ କରିଥିଲେ ।

ସେତେବେଳେ ମୁଖ୍ୟମନ୍ତ୍ରୀଙ୍କର ନୈତିକ ଦାୟୀତ୍ୱ ହେଉଛି ନିଜ କାର୍ଯ୍ୟାଳୟ ପକ୍ଷ୍ୟରୁ କୌଣସି ଦୁର୍ନୀତି ହୋଇନାହିଁ ବୋଲି କହି ସାଧାରଣ ଲୋକଙ୍କ ସନ୍ଦେହ ଦୁର କରିବା କଥା ନହେଲେ ନିଜେ ସମ୍ପୃର୍ଣ୍ଣ ତଥ୍ୟ ପ୍ରମାଣ ଆଣି ସାଧାରଣରେ ପ୍ରକାଶ କରିବା କଥା କି ନା ମୁଖ୍ୟମନ୍ତ୍ରୀ କାର୍ଯ୍ୟାଳୟ କୌଣସି ଦୁର୍ନୀତି କରିନାହିଁ । କାରଣ ଅଭିଯୋଗ ସିଧାସଳଖ ତାଙ୍କ କାର୍ଯ୍ୟାଳୟ ବିରୋଧରେ ଥିଲା ଯାହାର ମୁଖ୍ୟ ହେଉଛନ୍ତି ସେ ନିଜେ । ହେଲେ ସେ ନିଜ କାର୍ଯ୍ୟାଳୟ ଉପରେ ଆସିଥିବା ଅଭିଯୋଗ ଉପରେ କୌଣସି ପଦକ୍ଷେପ ନଦେବା ବଦଳରେ ଅଭିଯୋଗ ଆଣିଥିବା ଲୋକଙ୍କୁ ବହିଷ୍କାର କରିଲେ ।

ଦୀର୍ଘଦିନ ଧରି ନବିନ ବାବୁଙ୍କର ଯେଉଁ ଦୁର୍ନୀିତ ବିରୋଧୀ ଭାବମୁର୍ତୀ ଥିଲା ତାହା ଏବେ ଭାଙ୍ଗିଯାଇଛି । ଗଣତନ୍ତ୍ରରେ ଦୁର୍ନୀତିର ଅଭିଯୋଗ ଆଣିଥିବା ଲୋକଙ୍କୁ ଦଳରୁ ବହିଷ୍କାର କଲେ ଏହାର ଓଲଟା ପ୍ରଭାବ ପଡିପାରେ । ସାଧ।।ରଣ ଲୋକଙ୍କ ବିଶ୍ୱାସ ଜିତିବାକୁ ହେଲେ ଦୁର୍ନୀତି ଅଭିଯୋଗ ମିଛ ବୋଲି ଏହାର ପ୍ରମାଣ ଦେଖାଇବାକୁ ପଡେ । ଦୁର୍ନୀତିର ଅଭିଯୋଗ ଆଣିଥିବା ଲୋକଙ୍କୁ ବହିଷ୍କାର କଲେ ଦୁର୍ନିତି ହୋଇଛି ବୋଲି ଲୋକେ ଭାବନ୍ତି ।

        </description>
      </item>
      <item>
        <title>
           ରତ୍ନଭଣ୍ଡାର ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ନୀରବତାକୁ ନେଇ ବଡ ପ୍ରଶ୍ନ, ପଦଯାତ୍ରା ପରେ ତୃତୀୟ ମହଲାରେ କମ୍ପନ, ସାରା ରାଜ୍ୟରେ ତେଜୁଛି ଅସନ୍ତୋଷ
        </title>
        <link>
           http://khabarodisha.com/Opinion/Ratna-Bhandar-Jagannath-Temple-Padajatra-Naveen-38231
        </link>
        <guid>
           http://khabarodisha.com/Opinion/Ratna-Bhandar-Jagannath-Temple-Padajatra-Naveen-38231
        </guid>
        <pubDate>
           Tue, 21 Aug 2018 13:41:34 GMT
        </pubDate>
        <description>

 ଭୁବନେଶ୍ୱର, ୨୧ ଅଗଷ୍ଟ (ଖବର ଓଡିଶା) - ମହାପ୍ରଭୁ ଶ୍ରୀ ଜଗନ୍ନାଥଙ୍କ ରତ୍ନଭଣ୍ଡାରରେ ରତ୍ନ ଅଛକି ନାହିଁ ଏହାକୁ ନେଇ ସାଧାରଣରେ ଏବେ ସୃଷ୍ଟି ହୋଇଛି ବଡ ପ୍ରଶ୍ନ । ଏହାକୁ ନେଇ ଜଗନ୍ନାଥ ପ୍ରେମୀମାନେ ଚିନ୍ତାରେ ରହିଥିବା ବେଳେ ମୁଖ୍ୟମନ୍ତ୍ରୀଙ୍କ ନୀରବତା ଏହି ପ୍ରସଙ୍ଗକୁ ଆହୁରି ଅଧିକ ଜଟିଳ କରିଦେଇଛି । ଯାହାକୁ ନେଇ ରାଜ୍ୟ ସରକାରଙ୍କ ପାଇଁ ଏବେ ବଢୁଛି ଅଡୁଆ  । ଏହି ପ୍ରସଙ୍ଗରେ ରାଜ୍ୟ ସରକାରଙ୍କ ପକ୍ଷରୁ କମିଶନ ବସାଇ ତଦନ୍ତ ନିର୍ଦ୍ଦେଶ ଦେଇଥିବା ବେଳେ କମିଶନ ତଦନ୍ତ ଆରମ୍ଭ କରିଛନ୍ତି । ସେପଟେ କିନ୍ତୁ ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ଏଯାଏଁ ମୁହଁ ଖୋଲିନାହାନ୍ତି । ଅନ୍ୟପଟେ  ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ପରିଷଦ ପକ୍ଷରୁ ସିଂହଦ୍ୱାରରୁ ନବୀନ ନିବାସ ଯାଏଁ ପଦଯାତ୍ରା ପରେ ପୁଣିଥରେ ସରକାରଙ୍କ ପାଇଁ ବଢିଛି ଅଡୁଆ । ସାରା ରାଜ୍ୟରେ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଥିବା ବେଳେ ଏହାକୁ ନେଇ ତୃତୀୟ ମହଲାରେ ଏକପ୍ରକାର କମ୍ପନ ସୃଷି ହୋଇଥିବା ନେଇ ପାୱାର କରିଡରରେ ଚାଲିଛି ଜୋରଦାର ଚର୍ଚ୍ଚା ।

ରତ୍ନଭଣ୍ଡାର ଚାବି ହଜିବା ପ୍ରସଙ୍ଗ ଜଣାପଡିବା ପର ଠାରୁ ବିଶ୍ୱ ଦରବାରରେ ମଧ୍ୟ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଛି । ରାଜନୈତିକ ଦଳ ଠାରୁ ଆରମ୍ଭ କରି ସାମାଜିକ ସଙ୍ଗଠନ ମଧ୍ୟ ଏନେଇ ରାସ୍ତାକୁ ଓହ୍ଲାଇଛନ୍ତି । ଥାନାରେ ମଧ୍ୟ ଏନେଇ ମାମଲା ଦାଏର ହୋଇଛି । ଏହାସତ୍ୱେ ମଧ୍ୟ ମୁଖ୍ୟମନ୍ତ୍ରୀଙ୍କ ନୀରବତାକୁ ନେଇ ସାଧାରଣରେ ବଡ ପ୍ରଶ୍ନ ଉଠିଛି । ସେପଟେ ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ପରିଷଦ ପକ୍ଷରୁ ସିଂହଦ୍ୱାର ଠାରୁ ନବୀନ ନିବାସ ଯାଏଁ ପଦଯାତ୍ରା ହୋଇଥିବା ବେଳେ ଆନ୍ଦୋଳନକାରୀ ମାନଙ୍କୁ ମୁଖ୍ୟମନ୍ତ୍ରୀ ସାକ୍ଷାତ ନକରିବା କି ସମୟ ନଦେବାକୁ ନେଇ ଏବେ ସାଧାରଣରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି । ଏପରିକି ଏକ ସମ୍ବେଦନଶୀଳ ପ୍ରସଙ୍ଗ, ଯାହାକି ସମଗ୍ର ଓଡିଆଙ୍କ ଭାବାବେଗ ସହ ସମ୍ପୃକ୍ତି ରହିଛି । ଏଭଳି ପ୍ରସଙ୍ଗକୁ ରାଜ୍ୟ ସରକାର ଏଡାଇ ଯିବା ଦୁର୍ଭାଗ୍ୟଜନକ ବୋଲି କହିଛନ୍ତି ବିରୋଧୀ କଂଗ୍ରେସ ଓ ବିଜେପି ।

        </description>
      </item>
      <item>
        <title>
           କୋକାକୋଲା ସ୍ପ୍ରାଇଟ ଛାଡନ୍ତୁ ପଇଡ ପାଣି ପିଅନ୍ତୁ
        </title>
        <link>
           http://khabarodisha.com/Opinion/Say-No-To-Cocacola-Yes-To-Coconut-34812
        </link>
        <guid>
           http://khabarodisha.com/Opinion/Say-No-To-Cocacola-Yes-To-Coconut-34812
        </guid>
        <pubDate>
           Thu, 28 Jun 2018 18:25:10 GMT
        </pubDate>
        <description>

 ଆମେ ମାନେ ପ୍ରାୟ ସମସ୍ତେ ମୃଦ୍ୟୁ ପାନୀୟ ମୋହରେ ପଡିଯାଇଛେ । ହେଲେ ଏହି ମୃଦ୍ୟୁ ପାନୀୟ କେତେ ମାତ୍ରାରେ ଆମ ସ୍ୱାସ୍ଥ୍ୟ, ଆମ ଅର୍ଥନୀତି, ଆମ ପରିବେଶକୁ ଖରାପ କରୁଛି ତାହା ଆମେ ଜାଣିଛେ କି ? ଏବେ ସମୟ ଆସିଛି କୋକାକୋଲା, ସ୍ପ୍ରାଇଟ, ପେପସି, ଥମସଅପ, ମିରିଣ୍ଡା ଏସବୁକୁ ଛାଡିବା ଆଉ ପଇଡ ପାଣି ପିଇବା । ତାହେଲେ ଯାଇ ଆମେ ସୁସ୍ଥ ରହି ପାରିବା ଏବଂ ଆମର ଦେଶି ଅର୍ଥନୀତିକୁ ସୁରକ୍ଷିତ ରଖିପାରିବା ।

ଅର୍ଥନୀତି

ଏବେ ନିପଟ ମଫସଲ ଗାଁ ଠାରୁ ଆରମ୍ଭ କରି ରାଜଧାନୀର ବଡ ସପିଙ୍ଗମଲରେ ସବୁଠି ମିଳୁଛି ଏହି ମିଠା ବିଷ ସବୁ । ସାରା ଭାରତରେ ଏହି କୋଲ୍ଡଡ୍ରିଙ୍କସ ଯାହାକୁ ଆମେ ମୃଦ୍ୟୁ ପାନୀୟ କହୁଛେ ତାହାର ବଜାର ହେଉଛି ୧୮,୦୦୦ କୋଟି ଟଙ୍କାର । ଓଡିଶାରେ ପାଖାପାଖି ୮୦୦ କୋଟି ଟଙ୍କାର । ୪ କୋଟି ଜନ ସଂଖ୍ୟାରେ ୮୦୦ କୋଟିର ବେପାର । ଆଉ ଏହି ବେପାରରେ ବିଦେଶି କମ୍ପାନୀ କୋକାକୋଲା ଏବଂ ପେପସି କମ୍ପାନୀର ହେଉଛି ୮୦ % ସେୟାର । ଆମକୁ ପାଣୀରେ କିଛି କେମିକାଲ ଆଉ ଫ୍ଲେଭର ପକେଇ ଦେଇ ଏହାକୁ ଆକର୍ଷଣୀୟ ବୋଟଲରେ ପ୍ୟାକେଟ କରି ଏମାନେ କୋଟି କୋଟି ଲାଭ କରନ୍ତି ଏବଂ ଏହି ଅର୍ଥ ଚାଲିଯାଏ ସିଧା ସିଧା ବିଦେଶକୁ । ଆଉ ଏହି ୮୦୦ କୋଟି ଟଙ୍କା ଯଦି ଆମ ନିଜ ରାଜ୍ୟର ପଇଡ ଚାଷୀଙ୍କ ପାଖରେ ରୁହନ୍ତା ତାହେଲେ ଭାବନ୍ତୁ ତ କେତେ ଭଲ ହୁଅନ୍ତା । ସେମାନଙ୍କ ଆର୍ଥୀକ ପ୍ରଗତି ହେବା ସହ ଛୋଟ ଛୋଟ ବେପାରୀ ମାନେ ଅଧିକ ଲାଭ ପାଆନ୍ତେ ଏବଂ ଲୋକମାନେ ମଧ୍ୟ କମ ଅର୍ଥରେ ଭଲ ସ୍ବାସ୍ଥ୍ୟକର ପାନୀୟ ପିଇପାରନ୍ତେ ।

ଆପଣ ଭାବୁଥିବେ କୋଲ୍ଡଡ୍ରିଙ୍କସ ପିଇବା ବନ୍ଦ କରିଦେଲେ ଯେଉଁ ସବୁ ଦୋକାନୀମାନେ ଏବେ ବିକ୍ରି କରୁଛନ୍ତି ସେମାନ ହଇରାଣ ହେବେ । ବାସ୍ତବରେ ଗୋଟିଏ ୧୦ରୁ ୧୨ ଟଙ୍କାର କୋଲ୍ଡଡ୍ରିଙ୍କସରୁ ଦୋକାନୀ ପାଏ ମାତ୍ର ୧ ଟଙ୍କା । ମନେକରନ୍ତୁ ଏକ ଲିଟର ଥଣ୍ଡାର ଦାମ ହେଉଛି ୫୦ ଟଙ୍କା । ସେହି ୫୦ ଟଙ୍କାର କୋଲ୍ଡଡ୍ରିଙ୍କସ ରୁ ଦୋକାନୀ ପାଏ ମାତ୍ର ୩ରୁ ୫ଟଙ୍କା । ବାକି ୪୫ ଟଙ୍କାରୁ ସରକାର ଟିକସ ପାଆନ୍ତି ସର୍ବାଧୀକ ୫ ଟଙ୍କା । ବାକି ୪୦ ଟଙ୍କା ଯାଏ କମ୍ପାନୀ ପାଖକୁ । କମ୍ପାନୀର କର୍ମଚାରୀ ଦରମା ଖର୍ଚ୍ଚ, ବୋତଲ ଖର୍ଚ୍ଚ ଏବଂ ପାନିୟ ପ୍ରସ୍ତୁତି ଖର୍ଚ୍ଚରେ ଖର୍ଚ୍ଚ ହୁଏ ସର୍ବାଧୀକ ୫ ଟଙ୍କା ରୁ ୧୦ ଟଙ୍କା । ବାକି ୩୦ ଟଙ୍କା ହେଉଛି କମ୍ପାନୀର ଲାଭ । ପ୍ରାୟ ୬୦%  ଲାଭ ହୁଏ ଏବଂ ଏହା ସିଧା ସିଧା ଚାଲିଯାଏ ବିଦେଶକୁ । ହେଲେ ଯଦି ପଇଡ ଆମେ ସମସ୍ତେ ପିଅନ୍ତେ ତାହେଲେ ଏହି ପଇସା ଓଡିଆ ଚାଷୀ, ଛୋଟ ଛୋଟ ବେପାରୀଙ୍କ ପାଖରେ ରୁହନ୍ତା ।

ଓଡିଶାର ପ୍ରାକୃତିକ ଭୌଗଳିକ ପରିବେଶ ଯାହା ସେଥିରେ ପଇଡ ଚାଷ ବ୍ୟାପକ ମାତ୍ରାରେ ହୋଇପାରିବ । ଆମର ତ ଏଠି ଅନେକ ଯାଗାରେ ଖାଲି ନଡିଆ ଚାରା ପକାଇ ଦେଲେ ଗଛ ତାର ମନକୁ ମନ ହେବ । ବିଶେଷ ଯତ୍ନ ନନେଲେବି ପଇଡ ଫଳିବ । ଦେଶର ପଇଡା ବା ନଡିଆ ପାଇଁ ଉପଯୁକ୍ତ ଥିବା ମାତ୍ର ୬ଟି ରାଜ୍ୟରୁ ଓଡିଶା ଅନ୍ୟତମ । ହେଲେ ଆମ ମାନଙ୍କ କୋଲ୍ଡଡ୍ରିଙ୍କସ ପ୍ରେମ ପାଇଁ ଏହି ପଇଡ ଚାଷ ଆଜି ନଷ୍ଟ ହେବାକୁ ବସିଲାଣି । ଏବେ ରାଜ୍ୟରେ ଯେତିକି ପଇଡ ବା ନଡିଆ ଉପ୍ତାଦନ ହେଉଛି ତାହା ଆମର କ୍ଷମତାର ମାତ୍ର ୧୦% । ଆହୁରି ଅଧିକ ୯୦% ପଇଡ ଉପ୍ତାଦନ ପାଇଁ ରାଜ୍ୟ ସକ୍ଷମ । ହେଲେ ପଇଡ ବିକ୍ରି ନହୋଇ ପାରିବା କାରଣରୁ, ଏବଂ ନଡିଆରୁ ତେଲ ବାହାର କରି ଏହାର ବିକ୍ରି ସୁବିଧା ନଥିବା କାରଣରୁ ଚାଷୀ ମାନେ ଆଉ ପଇଡ ଚାଷ ପାଇଁ ଆଗ୍ରହ ଦେଖଉ ନାହାନ୍ତି ।

ସ୍ବାସ୍ଥ୍ୟ

ଋିସର୍ଚ୍ଚରୁ ଜଣା ପଡିଛି ଯେ ଯେଉଁମାନେ ନିୟମିତ ଭାବେ ଦୈନିକ ୨୦୦ ମିଲିଲିଟରରୁ ଅଧିକ କୋଲ୍ଡ ଡ୍ରିଙ୍କସ ପିଅନ୍ତି ସେମାନେ ୪୦ ବର୍ଷ ବୟସରେ ପହଂଚିଲାବେଳକୁ ସୁଗାର ଡାଇବେଟିସ ଏବଂ କିଡନି  ରୋଗରେ ଆକ୍ରାନ୍ତ ହେବାର ସମ୍ଭାବନା ଅଧିକ । କୋଲ୍ଡ ଡ୍ରିଙ୍କସ ପିଇବା ଫଳରେ ଦାନ୍ତ ଏବଂ ହାଡକୁ ଯଥେଷ୍ଟ କ୍ଷତି ପହଂଚିଥାଏ । ପରୀକ୍ଷାରୁ ଜଣାପଡିଛି ଯେ ଗୋଟିଏ ଗ୍ଲାସରେ ଯଦି କୋକାକୋଲା ବା ସେହିଭଳି ମୃଦ୍ୟୁପାନୀୟରେ ଯଦି ଏକ ଦାନ୍ତକୁ ୧ ସପ୍ତାହ ବୁଡାଇ ରଖାଯାଇରଖାଯାଏ ତାହେଲେ ଏକ ସପ୍ତାହ ପରେ ଏହି ଦାନ୍ତଟି ସେଥିରେ ମିଳେଇ ଯିବ ଏବଂ ନିଜର ଅସ୍ତିତ୍ୱ ହରାଇବ । ଏଥିରୁ ବୁଝାପଡୁଛି ଯେ ଶରୀର ପାଇଁ କୋଲ୍ଡଡ୍ରିଙ୍କସ କେତେ ହାନି କାରକ । କୋକ ଏବଂ ଅରେଂଜ ଫ୍ଲେଭର କୋଲ୍ଡଡ୍ରିଙ୍କସରେ ମିଶୁଥିବା କୃତିମ ରଙ୍ଗ ସବୁ ହେଉଛନ୍ତି କ୍ୟାନସର ବେମାରୀ ଗୋଟିଏ ଗୋଟିଏ ଏଜେଂଟ । ମୃଦ୍ୟୁପାନିୟ ପ୍ରସ୍ତୁତିରେ ଫସପରିକଏ ଏସିଡର ବ୍ୟବହାର ହୁଏ ଯାହା କିଡନିକୁ ନଷ୍ଟ କରିଦେଇଥାଏ । କୋଲା ପିଇବା ଫଳରେ ରକ୍ତରେ ଅତ୍ୟଧିକ ଫସଫେଟ ଆସିଥାଏ ଯାହା ଶରୀରରେ କ୍ୟାଲସିୟମ ମେଟାବଲିଜିମକୁ ନଷ୍ଟ କରିଦେଇଥାଏ । କ୍ୟାଲସିୟମ ମେଟାବଲିଜିମ ନଷ୍ଟ ହେବାର ପ୍ରଭାବ ମସ୍ତିଷ୍କ, ହାଡ ଏବଂ ଦାନ୍ତ ଉପରେ ପଡେ । ମୃଦ୍ୟୁପାନୀୟରେ ସେପରି କିଛି ଏନର୍ଜି ବା ଭିଟାମିନସ ନାହିଁ । କେବଳ ପାଟି ସୁଆଦ ଏବଂ ବଡ ବଡ ସିନେମା ତାରକା ଏବଂ ଖେଳାଳୀଙ୍କ ବିଜ୍ଞାପନରେ ପ୍ରଭାବିତ ହୋଇ ଲୋକମାନେ ଏହାକୁ ପିଇ ଦେଇଥାନ୍ତି ।

କିନ୍ତୁ ପଇଡ ପିଇବା ଶରୀର ପ୍ରତି ଅନେକ ଲାଭ ଦାୟକ ହୋଇଥାଏ । ପ୍ରଥମତଃ ଏହା ସମ୍ପୁର୍ଣ୍ଣ ପ୍ରାକୃତିକ । ଏଥିରେ କୋଲ୍ଡ ଡ୍ରିଙ୍କସ ଭଳି କୌଣସି କେମିକାଲର ଭୟ ନାହିଁ । ୨୫୦ ଗ୍ରାମ ପଇଡ ପାଣିରେ ୪୬ କ୍ୟାଲୋରି ଏନର୍ଜି ଥାଏ ଯାହା ସମାନ ପରିମାଣର କୋଲ୍ଡଡ୍ରିଙ୍କସରେ ଥିବା ଏନର୍ଜି ଅପେକ୍ଷା ୪ ଗୁଣ ଅଧୀକ । ଏହା ଛଡା ପଇଡ ପାଣିରେ ଫାଇବର, ପ୍ରୋଟିନ, କାବ୍ରସ, ଭିଟାମିନ-ସି, ମ୍ୟାଗ୍ନେସିୟମ, ପୋଟାସିୟମ, କ୍ୟାଲିସିୟମ ଏବଂ ସୋଡିୟମ ଥାଏ ଯାହା ଶରୀର ପାଇଁ ବହୁତ ଭଲ । ପଇଡ ପାଣି ଶରୀରରେ ସୁଗାର ଲେଭେଲକୁ କମ କରିଥାଏ ଯାହା ଫଳରେ ଡାଇବେଟିସ ହୋଇନଥାଏ । ସର୍ଭେରୁ ଜଣାପଡିଛି ସକାଳେ ନିୟମିତ ପଇଡ ପାଣି ପିଇଲେ ଉଚ୍ଚ ରକ୍ତଚାପରୁ ମୁକ୍ତି ମିଳେ । ପଇଡ ପାଣିରେ ପଟ୍ଟାସିୟମ ଥିବାରୁ ଏହା ରକ୍ତଚ୍ଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ ।

ଯଦି କାହାକୁ ଡାଇରିଆ ବା ଦଣ୍ଡିସ ହୋଇଥାଏ ତାକୁ ଯଦି କୋଲ୍ଡଡ୍ରିଙ୍କସ ଦିଆଯାଏ ତାହେଲେ ରୋଗୀର ମୃତ୍ୟୁ ସୁନିଶ୍ଚିତ ହେଲେ ଯଦି ପଇଡ ପାଣି ଦିଆଯାଏ ତାହେଲେ ଏହା ରୋଗକୁ ପ୍ରଶମିତ କରିଥାଏ । ଏଥିରୁ ଜଣାପଡୁଛି ଆମେ କାହିଁକି କୋଲ୍ଡଡ୍ରିଙ୍କସକୁ ଛାଡି ପଇଡ ପିଇବା ଉଚିତ ।

ପରିବେଶ

କୋଲ୍ଡଡ୍ରିଙ୍କସର ସବୁଠାରୁ ଖରାପ ପ୍ରଭାବ ଯାହା ପରିବେଶକୁ ବହୁତ କ୍ଷତି କରେ ତାହା ହେଲା ଏହାର ପ୍ଲାଷ୍ଟିକ ବୋତଲ ଏବଂ ଏହାର ଠିପି । ଭାରତରେ ବର୍ଷକୁ ଏତେ ପରିମାଣର କୋଲ୍ଡଡ୍ରିଙ୍କସ ବିକ୍ରି ହେଉଛିଯେ ଯଦି ଏହାକୁ କେବଳ ଗୋଟିଏ ଗୋଟିଏ କରି ସଜା ଯାଏ ତାହେଲେ ସାରା ଭାରତର ଅଧା କ୍ଷେତ୍ରଫଳ ଭରିଯିବ । ଭାରତରେ ବର୍ଷକୁ ୧୩ ମିଲିୟନ ମେଟ୍ରିକ ଟନର ପ୍ଲାଷ୍ଟିକ ଉପ୍ତାଦନ ହୁଏ ଯାହାର ୩୦ରୁ ୩୫ % ହେଉଛି କେବଳ ଏହି କୋଲ୍ଡ ଡ୍ରିଙ୍କସ ପାଇଁ । ଆମ ଦେଶର ଜନସଂଖ୍ୟା ଅଧୀକ ଥିବାରୁ ପ୍ଲାଷ୍ଟିକ ବର୍ଜ୍ୟବସ୍ତୁର ପରିମାଣ ଅଧିକ ହୋଇଯାଉଛି । ଏହି ସବୁ ବୋତଲକୁ ରିସାଇକ୍ଲିଙ୍ଗ କରିବା ପାଇଁ ସରକାରୀ ବା ବେସରକାରୀ ସ୍ତରରେ କୌଣସି ବ୍ୟବସ୍ଥା ନାହିଁ । ଏତେ ବିପୁଳ ପରିମାଣ ପ୍ଲାଷ୍ଟିକ ଯିବ କୁଆଡେ । ସବୁ ଯାଉଛି ବିଭିନ୍ନ ଜଳାଶୟ, ନଦୀ, ସମୁଦ୍ର ଆଉ ମାଟିକୁ । ହେଲେ ପଇଡର କୌଣସି ବର୍ଜ୍ୟବସ୍ତୁ ନାହିଁ । ଏହାର ସମସ୍ତ ଜିନିଷ କାମରେ ଲାଗେ । ଖାଇକି ଫୋପଡା ଯାଉଥିବା ପଇଡ ଶୁଖିଲେ ସେଥିରୁ କତା ବାହାରିପାରିବ ଯେଉଁଥିରୁ ଦଉଡି ବାହାରିପାରିବ, ପା ପୋଛ, ଅଖା, ବ୍ୟାଗ, ମଶିଣା, କଣ୍ଢେଇ ଇତ୍ୟାଦି ତିଆରି ହୋଇପାରିବ । ନଡିଆ କତାରୁ ଏପରି ଅନେକ ଘରକରଣା ଜିନିଷ ତିଆରି ହୋଇପାରିବ ଯାହା ଆମର ଦୈନଦିନ ଜିବନରେ ଅନେକ କାମରେ ଆସେ । ଆଗରୁ ଶ୍ରୀ ଜଗନ୍ନାଥଙ୍କ ରଥଯାତ୍ରା ବେଳେ ଲାଗୁଥିବା ଦଉଡି ସବୁ ଆମର ସାକ୍ଷୀଗୋପାଳରେ ପ୍ରସ୍ତୁତ ହେଉଥିଲା । ଏକଥା ବେଶି ଦିନର କଥା ନୁହେଁ ମାତ୍ର ୩୦ ବର୍ଷ ତଳର କଥା । ହେଲେ ଏବେ ଏହା କେରଳରୁ ଆସୁଛି । କାରଣ ଆମେ ନଡିଆ ଚାଷକୁ ଯେତିକି ପ୍ରୋସ୍ତ୍ରାହନ ଦେବା କଥା ତାହା କରିପାରିଲେ ନାହିଁ ଯାହା ଫଳରେ ଏହି ଚାଷ ଦିନକୁ ଦିନ ଡୁବିଲା ଏବଂ ରାଜ୍ୟର ପଇଡ ଉପ୍ତାଦନ ମଧ୍ୟ କମିବାରେ ଲାଗିଲା ।

ଏସବୁର ସମାଧାନ ହେବ ଯଦି ଆମେ କୋଲ୍ଡଡ୍ରିଙ୍କସ ପିଇବା ଛାଡିବା ଏବଂ ପଡଇ ପିଇବା ।

        </description>
      </item>
      <item>
        <title>
           ମଦୁଆ ହେଉଛି ଓଡିଶା, ବାର୍ଷୀକ ବିକ୍ରି ପରିମାଣ ୧୬ କୋଟି ୪୬ ଲକ୍ଷ ଲିଟର
        </title>
        <link>
           http://khabarodisha.com/Opinion/Liquor-Sales-Odisha-16-Crores-Liters-Odisha-records-growth-in-beer-liquor-sale-33866
        </link>
        <guid>
           http://khabarodisha.com/Opinion/Liquor-Sales-Odisha-16-Crores-Liters-Odisha-records-growth-in-beer-liquor-sale-33866
        </guid>
        <pubDate>
           Mon, 11 Jun 2018 19:56:40 GMT
        </pubDate>
        <description>

 ବଢୁଛି ମଦ ବିକ୍ରି । ଗଳି ଗଳିରେ ଖୋଲୁଛି ସରକାରୀ ଲାଇସେନ୍ସ ପ୍ରାପ୍ତ ମଦ ଦୋକାନ । ମଦର କରାଳ ନିଶାରେ ପଡୁଛନ୍ତି ରାଜ୍ୟର ଯୁବ ଗୋଷ୍ଠୀ । ଉଜୁଡୁଛି ପାରିବାରିକ ସର୍ମ୍ପକ । ଭାଙ୍ଗୁଛି ସ୍ୱାମୀ ସ୍ତ୍ରୀର ସଂସାର । ଖାଲି ସେତିକି ନୁହେଁ ଭୟଙ୍କର ହାରରେ ବଢୁଛି କିଡନି, ଲିଭର ଏବଂ ପାକସ୍ଥଳିରୋଗୀଙ୍କ ସଂଖ୍ୟା । କିଡନି, ଲିଭର ଏବଂ ପାକସ୍ଥଳ ଖରାପ ପାଇଁ ଲିଭୁଛି ଅନେକ ସ୍ତ୍ରୀଙ୍କର ସିନ୍ଦୁର । ସଡକ ଦୁର୍ଘଟଣାରେ ଯେତିକି ଲୋକ ମରୁଛନ୍ତି ସେଥିରୁ ଅଧିକାଂଶ ମଦ୍ୟପାନ ଜନିତ ବେପରୁଆ ଗାଡି ଚାଳନା ପାଇଁ ହେଉଛି ।

ଓଡିଶାରେ ଯେତିକି ହାରରେ ନୁଆ ସ୍କୁଲ ଖୋଲୁନି କି ନୁଆ ଡାକ୍ତରଖାନା ତିଆରି ହେଉନି ତାଠାରୁ ଅଧିକ ହାରରେ ଖୋଲୁଛି ମଦ ଦୋକାନ । ସମାଜର ଏତେ କ୍ଷତି ହେବା ସତ୍ୱେ କାହିଁକି ଏତେ ମାତ୍ରାରେ ମଦ ଦୋକାନ ଖୋଲିବା ପାଇଁ ସରକାର ଅନୁମତି ଦେଉଛନ୍ତି ତାହା ଏକ ବଡ ପ୍ରଶ୍ନ ।

ରାଜ୍ୟରେ ୨୦୦୧ ମସିହାରେ ଥିଲା ମାତ୍ର ୧୩ଟି ବିୟର ପାର୍ଲର । ହେଲେ ଏବେ ଏହି ସଂଖ୍ୟା ୧୦୫କୁ ଟପି ସାରିଲାଣି । ୧୭ ବର୍ଷରେ ନୁଆ ୯୨ଟି ବିୟର ପାର୍ଲର ତିଆରି ହୋଇଛି । ଅର୍ଥାତ ବିୟର ପାର୍ଲର ସଂଖ୍ୟା ବଢିଛି ୭୦୦% ହାରରେ । ଯଦି ଫରେନ ଲିକରର ଦୋକାନକୁ ହିସାବକୁ ନିଆଯାଏ ତାହେଲେ ମଧ୍ୟ ଏହି ସଂଖ୍ୟାରେ ବି ବଢିଛି ଆକାଶଛୁଆଁ । ୨୦୦୧ ବେଳେ  ଫରେନ ଲିକର ଅଫ ସପ ଏବଂ ଅନ ସପ ମିଶି ୭୫୩ଟି ଥିଲା । ଏବେ ସହି ସଂଖ୍ୟା ଆସି ୧୪୯୩ରେ ପହଂଚିଲାଣି । ୧୭ ବର୍ଷରେ ନୁଆ ୭୪୦ଟି ମଦ ଦୋକାନ ଖୋଲିଛି ଯାହା ଏକ ଉଦବେଗଜନକ ସଂଖ୍ୟା । ରାଜ୍ୟରେ ମଦ ବିକ୍ରି ହେବାପରଠାରୁ ୨୦୦୧ ମସିହା ଭିତରେ ଯେତିକି ଦୋକାନ ଖୋଲାଯାଇଥିଲା ମାତ୍ର ୧୭ ବର୍ଷରେ ଏହି ସଂଖ୍ୟା ଏହାର ପାଖାପାଖି ହୋଇଗଲାଣି ।

ରାଜ୍ୟରେ ୨୦୦୦ ମସିହାରେ ଫରେନ ଲିକର ବର୍ଷକୁ ୪୬ ଲକ୍ଷ ଲିଟର ବିଦେଶୀ ମଦ ବିକ୍ରି ହେଉଥିବାବେଳେ ଏବେ ଏହାର ବିକ୍ରି ପରିମାଣ ୫୦୦ ଲକ୍ଷ ଲିଟରରେ ପହଂଚିଲାଣି । ମାତ୍ର ୧୮ ବର୍ଷରେ ଫରେନ ଲିକର ବିକ୍ରି ୧୧ ଗୁଣ ବଢିଗଲାଣି । ସେହିପରି ବିୟର ବିକ୍ରି ୨୦୦୦ ମସିହାରେ ୫୪ ଲକ୍ଷ ଲିଟର ଥିବା ବେଳେ ଏବେ ଏହା ୪୮୫ ଲକ୍ଷ ଲିଟରରେ ପହଂଚିଲାଣି  । ରାଜ୍ୟରେ ବାର୍ଷୀକ ବିକ୍ରି ହେଉଥିବା ସମୁଦାୟ ଦେଶି, ବିଦେଶି ଏବଂ ବିୟର ମଦର ପରିମାଣ ହେଉଛି ୧୬ କୋଟି ୪୬ ଲକ୍ଷ ଲିଟର । 

        </description>
      </item>
      <item>
        <title>
           ପଟୁ ଖାଉଛି ହିରାକୁଦର ପେଟ , ଜମିଗଲାଣି ୧ ଲକ୍ଷ ହେକ୍ଟୋମିଟର ପରିମାଣର ପଟୁମାଟି
        </title>
        <link>
           http://khabarodisha.com/Opinion/Hirakud-Dam-Spillage-Mahanadi-River-33316
        </link>
        <guid>
           http://khabarodisha.com/Opinion/Hirakud-Dam-Spillage-Mahanadi-River-33316
        </guid>
        <pubDate>
           Sat, 02 Jun 2018 20:26:04 GMT
        </pubDate>
        <description>

 ମହାନଦୀ ଯେପରି ଓଡିଶାର ଜୀବନ ରେଖା ସେହିପରି ହିରାକୁଦ ଜଳଭଣ୍ଡାର ହେଉଛି ଓଡିଶାରେ ବହୁଥିବା ମହାନଦୀର ଜୀବନରେଖା । ମହାନଦୀ ପାଇଁ ଓଡିଶା ଏବଂ ଛତିଶଗଡ ଲଢେଇରେ ଦିନକୁ ଦିନକୁ ରାଜନୈତିକ ରଙ୍ଗ ବଢିଚାଲୁଥିବା ବେଳେ ହିରାକୁଦ ଜଳଭଣ୍ଡାର କିନ୍ତୁ ଅବହେଳିତ ହୋଇପଡୁଛି । ହିରାକୁଦ ଜଳଭଣ୍ଡାର ତିଆରି ହୋଇଥିବାବେଳେ ଏହାର ଜଳଧାରଣ କ୍ଷମତା ୫ ଲକ୍ଷ ୮୧ ହଜାର ୮୦୦ ହେକ୍ଟୋମିଟର ଥିବା ବେଳେ ଏବେ ଏହାର ବର୍ତମାନ ଜଳଧାରଣ କ୍ଷମତା ୪ ଲକ୍ଷ ୮୨ ହଜାର ୧୫୫ ହେକ୍ଟୋମିଟରକୁ ଖସି ଆସିଲାଣି । ପାଖାପାଖି ୧ ଲକ୍ଷ ହେକ୍ଟର ଜଳ ଧାରଣ କ୍ଷମତା କମିଆସିଲାଣି ହିରାକୁଦ ଜଳଭଣ୍ଡାରର ଯାହା ହେଉଛି ଜଳଭଣ୍ଡାରର ଜଳଧାରଣ କ୍ଷମତାର ୧୮% ରୁ ଅଧିକ । ନିର୍ମାଣ ହୋଇଥିଲା ବେଳେ ହିରାକୁଦରେ ଯାହା ପାଣିରହିବାର କ୍ଷମତା ଥିଲା ବର୍ତମାନ ଏଥିରେ ସର୍ବାଧିକ ଏହାର ୮୨% ପାଣି ରହିପାରୁଛି । ବାକି ୧୮%କୁ ଖାଉଯାଇଛି ଜମାହୋଇ ପଡିଥିବା ପଟୁ ମାଟି ।

ବର୍ଷ ବର୍ଷ ଧରି ବର୍ଷା ଦିନେ ପାଣି ଜୋରରେ ଆସିବା ବେଳେ ସେଥିରେ ଆସୁଥିବା ପଟୁମାଟି କ୍ରମାଗର ଭାବେ ଜମା ହେବାରେ ଲାଗିଛି ଏବଂ ବର୍ଷକୁ ବର୍ଷ ଏହା ବଢିବାରେ ଲାଗିଛି । ମୃତିକା ଅବକ୍ଷୟ ଯୋଗୁଁ ନଦୀରେ ମାଟି ଆସିବା କିଛି ନୁଆ କଥା ନୁହେଁ । ହେଲେ ଆଜିର ଅତ୍ୟାଧୁନିକ ଟେକନଲୋଜି ଯୁଗରେ ବୃହତ ଜଳଭଣ୍ଡାରରୁ ମାଟି କାଢିବା ପାଇଁ ଅନେକ ପଦ୍ଧତି ବାହାରି ସାରିଲାଣି । ଅନ୍ୟ ଯାଗାରେ ମଧ୍ୟମ ଆକାରର ସବମେରାଇନ ର ବ୍ୟବହାର କରାଯାଉଛି ଏହି ପଟୁମାଟିକୁ ବାହାର କରିବା ପାଇଁ । ହେଲେ ଓଡିଶାରେ ରାଜ୍ୟ ସରକାର ସେସବୁ ପଦ୍ଧତି ଏଯାଏଁ ଆପଣେଇ ନାହାନ୍ତି । ଆଜିବି ସେଇ ପୁରୁଣା ସ୍ଲୁଇସଗେଟ ମାଧ୍ୟମରେ ପଟୁ କାଢୁଛନ୍ତି ଯାହା ସେତେଟା ଫଳପ୍ରଦ ହେଉନାହିଁ ।

ମହାନଦୀ ଏକ ଚିରୋସ୍ରୋତା ନଦୀ ହୋଇନଥିବା କାରଣରୁ ଅଣମୌସୁମି ସମୟରେ ଯାହା ପାଣି ମହାନଦୀର ତଳମୁଣ୍ଡରେ ନଦୀରେ ରୁହେ ତାହା ସବୁ ହିରାକୁଦ ଜଳଭଣ୍ଡାରରୁ ହିଁ ଆସିଥାଏ । ବନ୍ୟା ନିୟନ୍ତ୍ରଣ, ଖରାଦିନେ ଚାଷ ଜମିକୁ ଜଳସେଚନ ସହ ବିଜୁଳି ଉପ୍ତାଦନ ଏବଂ ନଦୀର ତଳମୁଣ୍ଡରେ କିଛି କିଛି ପାଣି ରଖିବା ପାଇଁ ହିରାକୁଦ ବନ୍ଧ ତିଆରି କରାଯାଇଥିଲା । ହିରାକୁଦ ବନ୍ଧ ହେବା ଆଗରୁ ପ୍ରାୟ ପ୍ରତି ବର୍ଷ ବନ୍ୟା ଆସୁଥିବା କଥା ବ୍ରିଟିସ ସରକାରଙ୍କ ରେକର୍ଡରୁ ଦେଖିବାକୁ ମିଳେ । ହେଲେ ହିରାକୁଦ ବନ୍ଧ ନିର୍ମାଣ ହେଲାପରେ ବନ୍ୟାର ମାତ୍ରା କମିଛି । ଯଦିଓ ସମ୍ପୃର୍ଣ୍ଣ ବନ୍ୟା ନିୟନ୍ତ୍ରଣ ହୋଇପାରିନାହିଁ ତଥାପି କମିଛି । ସେହିପରି ଖରା ଦିନେ ମହାନଦୀରେ କିଛି କିଛି ଗଣ୍ଡକୁ ଛାଡିଦେଲେ ନଦୀଟା ପ୍ରାୟ ଶୁଖିଲା ଥାଏ । ହେଲେ ମହାନଦୀରେ ହିରାକୁଦରେ ବନ୍ଧ ହେବା ପରେ କିଛି ଖରାଦିନେ ଚାଷ କାମ ଏବଂ ଅନ୍ୟାନ୍ୟ ବ୍ୟବହାର ପାଇଁ କିଛି ପାଣି ମିଳିଲା । ହିରାକୁଦରେ ପଟୁମାଟି ଜମିବା ଏବଂ ଏହାର ପ୍ରତିକାର କରାନଯିବାର କୁପ୍ରଭାବ ପଡୁଛି ଯାହାର ପ୍ରତିକାର ସରକାର ତୁରନ୍ତ କରିବା ଦରକାର ।

        </description>
      </item>
      <item>
        <title>
           ପିଇବାକୁ ପାଣି ମିଳିବନି କଥା କହୁଥିବା ବେଳେ ୨୦୧୬ ମସିହା ପରେ ସରକାର ଦେଇଛନ୍ତି ଆହୁରି ଅଧିକ ୧୩୦ ଶିଳ୍ପକୁ ପାଣି, ମହାନଦୀରେ ୮୦ରୁ ଅଧିକ
        </title>
        <link>
           http://khabarodisha.com/Opinion/Mahanadi-Water-To-Industry-Mahanadi-Controversy-Odisha-Chhattisgarh-33082
        </link>
        <guid>
           http://khabarodisha.com/Opinion/Mahanadi-Water-To-Industry-Mahanadi-Controversy-Odisha-Chhattisgarh-33082
        </guid>
        <pubDate>
           Wed, 30 May 2018 16:51:42 GMT
        </pubDate>
        <description>

ମହାନଦୀକୁ ନେଇ ରାଜ୍ୟ ରାଜନୀତି ପୁରା ସରଗରମ । ଛତିଶଗଡ ସରକାର ମହନଦୀରେ ବନ୍ଧ ବାନ୍ଧି ପାଣି ଅଟକାଉଥିବାରୁ ରାଜ୍ୟରେ ପିଇବାକୁ ପାଣି ମିଳିବ ନାହିଁ ଏବଂ ଚାଷ କାମ କରିବାକୁ ପାଣି ମିଳିବ ନାହିଁ ବୋଲିି ବିଜୁ ଜନତା ଦଳ କହିଆସୁଛି । ଖାଲି ସେତିକି ନୁହେଁ ମହାନଦୀ ପାଇଁ ମୁଖ୍ୟମନ୍ତ୍ରୀ ମହାସଂଗ୍ରାମର ଡାକରା ଦେଇଛନ୍ତି ଯେଉଁଥିରେ କହିଛନ୍ତି ଛତିଶଗଡ ସରକାର ଶିଳ୍ପକୁ ପାଣି ଦେବା ପାଇଁ ମହାନଦୀର ପାଣି ଅଟକାଇଛନ୍ତି ଏବଂ ଯାହାଫଳରେ ଓଡିଶାରେ ପିଇବାକୁ ଏବଂ ଚାଷ କାମ କରିବାକୁ ପାଣି ମିଳିବ ନାହିଁ । ଦଳର ଅନ୍ୟ ବରିଷ୍ଠ ନେତାମାନେ ନିଜ ବ୍ୟକ୍ତବରେ ବି ଛତିଶଗଡ ସରକାର ଶିଳ୍ପକୁ ପାଣି ଦେବା ପାଇଁ ବନ୍ଧ ବାନ୍ଧିଥିବା କଥା କହିଥିଲା ବେଳେ ଆଗାମି ଦିନରେ ମହାନଦୀରେ ପାଣି ନଆସି ଓଡିଶାର ଅଧା ଜିଲ୍ଲା ମରୁଭୂମିରେ ପରିଣତ ହୋଇଯିବ ବୋଲି ଲୋକମାନଙ୍କୁ ବୁଝାଇଛନ୍ତି । 

ହେଲେ ଓଡିଶା ସରକାରଙ୍କ ତଥ୍ୟ କହୁଛି ମହାନଦୀ ବିବାଦକୁ ନିଜେ ରାଜ୍ୟ ସରକାର ସାମ୍ନାକୁ ଆଣିବା ପରେ ରାଜ୍ୟ ସରକାର ମଧ୍ୟ ଶିଳ୍ପକୁ ଅଧିକ ପାଣି ଦେଇ ଚାଲିଛନ୍ତି । କଥାଟା ଅଡୁଆ ଲାଗିଲେ ବି ସତ । ଛତିଶଗଡ ସରକାର ୨୦୦୯ ମସିିହାରୁ ବନ୍ଧ ତିଆରି ଆରମ୍ଭ କରିଥିବାବେଳେ ରାଜ୍ୟ ସରକାରଙ୍କର ନିଦ ଭାଙ୍ଗିଥିଲା ୨୦୧୬ ମସିହାରେ । ୨୦୧୬ ମସିହାରୁ ରାଜ୍ୟ ସରକାର ଛତିଶଗଡ ସରକାରଙ୍କ ଏହି ନିର୍ମାଣ ବିରୋଧରେ ସ୍ୱର ଉଠାଇ ଆସିଛନ୍ତି । 

ରାଜ୍ୟ ସରକାର ବିଧାନସଭାରେ ଦେଇଥିବା ତଥ୍ୟ ଅନୁସାରେ ୨୦୧୬ ତୁଳନାରେ ୨୦୧୭ ମସିହାରେ ସରକାର ଆହୁରି ୧୩୦ ଟି ଅଧିକ ଶିଳ୍ପକୁ ପାଣି ଦେଇଛନ୍ତି ଏବଂ ସେଥିରୁ ମହାନଦୀରେ ଅଛି ୮୦ରୁ ଅଧିକ ।

ସରକାର ଦେଇଥିବା ତଥ୍ୟ ଅନୁସାରେ ୩୧ ମାର୍ଚ୍ଚ ୨୦୧୬ ବେଳେ ୩୭୬ଟି ଶିଳ୍ପ ଏବଂ ବ୍ୟବସାୟିକ ସଂସ୍ଥାକୁ ପାଣି ଦେଉଥିବାବେଳେ ଠିକ ଏକ ବର୍ଷ ପରେ ୩୧ ମାର୍ଚ୍ଚ ୨୦୧୭ ବେଳକୁ ଏହା ବଢି ୪୬୫ରେ ପହଂଚିଥିଲ । ଏବଂ ଏହାର ୭ ମାସ ପରେ ଅର୍ଥାତ ୩୧ ଅକ୍ଟୋବର ୨୦୧୭ ବେଳକୁ ଏହା ବଢି ୫୦୬ ସଂଖ୍ୟାରେ ପହଂଚିଲା । ୨୦୧୬ ମସିହା ତୁଳନାରେ ୨୦୧୭ ମସିହାରେ ୧୩୦ ଅଧିକ ବ୍ୟବସାୟିକ ସଂସ୍ଥାକୁ ନଦୀରୁ ପାଣି ଯୋଗାଇ ଦିଆଯାଇଛି ଯେଉଁଥିରୁ ୮୦ରୁ ଅଧିକ ଅଛି କେବଳ ମହାନଦୀରୁ ।

ଉସ୍ତ୍ର - ବିଧାନସଭାରେ ବିଧାୟକ ରବି ନାୟକଙ୍କ ପ୍ରଶ୍ନରେ ମୁଖ୍ୟମନ୍ତ୍ରୀଙ୍କର ଲିଖିତ ଉତ୍ତର

        </description>
      </item>
      <item>
        <title>
           ହନି ସ୍କାମ : ଚଳୁ କରିଛନ୍ତି ୮ କୋଟି ଟଙ୍କା, ଅଡୁଆରେ ତେଜେଶ୍ୱର ଏବଂ ପ୍ରଫୁଲ୍ଲ
        </title>
        <link>
           http://khabarodisha.com/Opinion/Honey-Scam-Odisha-Tejeswar-Parida-Prafulla-Samal-Khadi-Board-32690
        </link>
        <guid>
           http://khabarodisha.com/Opinion/Honey-Scam-Odisha-Tejeswar-Parida-Prafulla-Samal-Khadi-Board-32690
        </guid>
        <pubDate>
           Wed, 23 May 2018 20:27:44 GMT
        </pubDate>
        <description>

 ଖଣି, ଡାଲି, ପାଣି, ଜଙ୍ଗଲ ପରେ ଆଉ ଗୋଟିଏ ଦୁର୍ନୀତି ଏବେ ସାମ୍ନାକୁ ଆସିଛି । ରାଜ୍ୟରେ ପ୍ରଥମ ଥର ପାଇଁ ହୋଇଛି ହନି ସ୍କାମ । ମହୁ ଚାଷ ନାଁରେ ଲୁଟ କରାଯାଇଛି କୋଟି କୋଟି ଟଙ୍କା । ଖଦୀ ବୋର୍ଡ ଅଧିନରେ ଚାଲିଥିବା ମହୁ ଚାଷ ଯୋଜନାରେ ହୋଇଛି ହରି ଲୁଟ । ରାଜ୍ୟ ସରକାର ୨୦୧୪-୧୫ ଆର୍ଥୀକ ବର୍ଷରୁ ୨୦୧୭-୧୮ ଆର୍ଥୀକ ବର୍ଷ ଭିତରେ ୪ ବର୍ଷରେ ମହୁ ଚାଷର ବିକାଶ ପାଇଁ ରାଜ୍ୟ ଖଦୀବୋର୍ଡକୁ ଦେଇଥିଲେ ୮ କୋଟିରୁ ଅଧିକ ଟଙ୍କା । ହେଲେ ୮ କୋଟି ଖର୍ଚ୍ଚ କିପରି ହୋଇଛି ଓ ଏହା ଦ୍ୱାରା କେତେ ଜଣ ମହୁଚାଷି ଲାଭବାନ ହୋଇଛନ୍ତି ଓ ରାଜ୍ୟରେ ମହୁ ଉପ୍ତାଦନ କେତେ ବଢିଛି ଏହା ଦେଖିଲେ ଆପଣଙ୍କ ହୋସ ଉଡିଯିବ । ମାତ୍ର ୧୦ ଲକ୍ଷ ଟଙ୍କା ଖର୍ଚ୍ଚ ହୋଇଥିବାବେଳେ ବାକି ଅର୍ଥ ଯାଇଛି କାହା ପକେଟକୁ ତାକୁ ନେଇ ଏବେ ଉଠିଛି ପ୍ରଶ୍ନା ପାଖା ପାଖି ୭ କୋଟି ୯୦ ଲକ୍ଷ ଟଙ୍କା ସିଧା ସିଧା ଚଳୁ କରିଛନ୍ତି କିଛି ନେତା ଏବଂ ଅଫିସର ମାନେ । ନିଜ ରାଜନୈତିକ ଖର୍ଚ୍ଚ ଉଠାଇବା ପାଇଁ ସରକାରୀ ଅର୍ଥର କିପରି ହରିଲୁଟ କରାଯାଉଛି ତାହାର ନମୁନା ହେଉଛି ରାଜ୍ୟରେ ହୋଇଥିବା ମହୁ ଦୁର୍ନୀତି ।

ମହୁ ଚାଷର ବିକାଶ ପାଇଁ ପୁରା ଦାୟିତ୍ୱ ନେଇଥିବା ଖଦୀବୋର୍ଡର ଅଧ୍ୟକ୍ଷ ତେଜେଶ୍ୱର ପରିଡା ଏବେ ସନ୍ଦେହରେ । ରାଜ୍ୟରେ ଅନେକ ବଡ ବଡ ଦୁର୍ନୀତି ହଜି ଯାଇଥିବା ବେଳେ ଏହି ଦୁର୍ନୀତିରେ ତେଜେଶ୍ୱରଙ୍କ ବିରୋଧରେ କଣ କାର୍ଯ୍ୟାନୁଷ୍ଠାନ ତାହା ଆଗାମୀ ଦିନରେ ଜଣାପଡିବ ।

ତା ୧୫/୦୯/୨୦୧୭ରେ ବିଧାନସଭାରେ ବିଧାୟକ ଦିଲ୍ଲୀପ ରାୟଙ୍କ ଲିଖିତ ପ୍ରଶ୍ନର ଉତରରେ ବିଭାଗୀୟ ମନ୍ତ୍ରୀ ପ୍ରଫୁଲ୍ଲ ସାମଲ ଲିଖିତ ଉତ୍ତରରେ କହିଥିଲେ ମହୁଚାଷର ବିକାଶ ପାଇଁ  ୨୦୧୪-୧୫ରେ ୧ କୋଟି ୪ ଲକ୍ଷ, ୨୦୧୫-୧୬ରେ ୧ କୋଟି, ୨୦୧୬-୧୭ରେ ୧ କୋଟି ୨୫ ଲକ୍ଷ, ୨୦୧୭-୧୮ରେ ୫ କୋଟି ଟଙ୍କା ରାଜ୍ୟ ସରକାର ଦେଇଛନ୍ତି । ଏହି ସବୁ ଅର୍ଥ ଖଦୀ ବୋର୍ଡକୁ ଦିଆଯାଇଛି ।  ୪ ବର୍ଷରେ ସମୁଦାୟ ୮ କୋଟି ୨୯ ଲକ୍ଷ ଟଙ୍କା ଖଦୀ ବୋର୍ଡକୁ ମିଳିଛି ମହୁ ଚାଷ ପାଇଁ ।

ହେଲେ ଏହି ୮ କୋଟି ଟଙ୍କା ଖର୍ଚ୍ଚର ଫଳ କଣ ମିଳିଛି ? ନିକଟରେ ୨୦/୦୫/୨୦୧୮ରେ ବିଶ୍ୱ ମହୁ ଦିବସର ପାଳନ ବେଳେ ସରକାର କହିଛନ୍ତି କି ରାଜ୍ୟରେ ସମୁଦାୟ ମାତ୍ର ୧୨୦୦ ଜଣ ମହୁଚାଷୀଙ୍କୁ ତାଲିମ ମିଳିଛି ଏବଂ ୪୮୦ ଜଣ ହିତାଧୀକାରିଙ୍କୁ ସରକାର ୫୦ ପ୍ରତିଶତ ରିହାତି ହାରରେ ମହୁବାକ୍ସ ଯୋଗାଇଛନ୍ତି । ଯାହାର ମୁଲ୍ୟ ସର୍ବାଧୀକ ୧୦ ଲକ୍ଷ ଟଙ୍କା ଭିତରେ ହେବ । ତାହେଲେ ସରକାର ଯୋଗାଇଥିବା ୮ କୋଟି ଟଙ୍କା କିଏ ଖାଇଲା ତାକୁ ନେଇ ଉଠିଛି ସନ୍ଦେହ ।

ଖାଲି ସେତିକି ନୁହେଁ ରାଜ୍ୟରେ ମହୁ ଉପ୍ତାଦନ ଦେଖିଲେ ମଧ୍ୟ ସନ୍ଦେହ ଉପୁଜିବା ସ୍ୱାଭାବିକ । ତିନି ବର୍ଷରେ ଖଦୀ ବୋର୍ଡ କିଣିଥିବା ମହୁର ପରିମାଣର ମୁଲ୍ୟ ମାତ୍ର ୨୮ ଲକ୍ଷ ଟଙ୍କାର । ଯଦି ୮ କୋଟି ଟଙ୍କା ଖର୍ଚ ହେଲାପରେ ମହୁ ଉପ୍ତାଦନ ହେଉଛି ମାତ୍ର ୨୮ ଲକ୍ଷ ଟଙ୍କାର ତାହେଲେ ଯୋଜନାର ଗତି କୁଆଡେ ଯାଇଛି ତାହା ସ୍ପଷ୍ଟ । ଦୁର୍ନୀତିର ସିଧାସଳଖ ଗନ୍ଧ ବାହାରୁଥିବା ଖଦୀ ବୋର୍ଡରେ ଆହୁରି କେତେ ଦୁର୍ନୀତି ଅଛି ଆଳୁ ଖୋଳିଲେ ବାହାରନ୍ତା ।

        </description>
      </item>
      <item>
        <title>
           ୨୦୦୩ରେ ଶିଳାନ୍ୟାସ ହୋଇଥିବା ଗ୍ରାମୋଦ୍ୟୋଗ ଭବନର ନିର୍ମାଣ ପାଇଁ ମିଳିନି ଟଙ୍କାଟିଏ, ୨୦୦୩ରୁ ଚାଲିଛି ଶିଳାନ୍ୟାସ ଫଳକର ରକ୍ଷଣା ବେକ୍ଷଣ
        </title>
        <link>
           http://khabarodisha.com/Opinion/Tejeswar-Parida-Looted-Honey-Farmers-Subsidy-Corruption-Honey-Scam-Khadi-Gramodyog-Bhawan-32635
        </link>
        <guid>
           http://khabarodisha.com/Opinion/Tejeswar-Parida-Looted-Honey-Farmers-Subsidy-Corruption-Honey-Scam-Khadi-Gramodyog-Bhawan-32635
        </guid>
        <pubDate>
           Tue, 22 May 2018 19:22:55 GMT
        </pubDate>
        <description>

 ରାଜ୍ୟ ସରକାର ଖଦିର ବିକାଶ ପାଇଁ କେତେ ଚିନ୍ତିତ ତାହା ଜାଣିହେଉଛି ଗ୍ରାମୋଦ୍ୟୋଗ ଭବନର ନିର୍ମାଣ ପାଇଁ ସରକାରଙ୍କର ଆନ୍ତରିକତା କେତେ ଅଛି ସେଥିରୁ । ୨୦୦୩ ମସିହାରେ ମହାତ୍ମା ଗାନ୍ଧୀଙ୍କ ପୁଣ୍ୟ ତିଥିରେ ନିଜେ ମୁଖ୍ୟମନ୍ତ୍ରୀ ଭୁବନେଶ୍ୱରରେ ଥିବା ଓଡିଶା ଖଦି ଓ ଗ୍ରାମୋଦ୍ୟୋଗ ବୋର୍ଡର ମୁଖ୍ୟ ଦପ୍ତରରେ ଏକ ଗ୍ରାମୋଦ୍ୟୋଗ ଭବନ ନିର୍ମାଣ କରାଯିବାର ଶିଳାନ୍ୟାସ କରିଥିଲେ । ଲକ୍ଷ୍ୟ ଥିଲା ଖଦିର ବିକ୍ରି ବଢିବା ପାଇଁ ଏକ ଅତ୍ୟାଧୁନିକ ସୋରୁମ ଓ ସପିଙ୍ଗମଲର ନିର୍ମାଣ କରାଯିବ । ଖଦିର ପ୍ରଚାର ପ୍ରସାର କରିବା ଦିଗରେ ଏକ କନଫେରନେସ ହଲ ତିଆରି ହେବ ଏବଂ ଖଦିର ନୁଆ କୌଶଳ ଉପରେ ଶିକ୍ଷା ଦିଆଯିବ ଇତ୍ୟାଦି ଇତ୍ୟାଦି । ମୁଖ୍ୟମନ୍ତ୍ରୀଙ୍କର ଶିଳାନ୍ୟାସକୁ ପୁରିଗଲାଣି ୧୫ ବର୍ଷ । ହେଲେ ଏବେ ସୁଦ୍ଧା ଏହାର ନିର୍ମାଣ ହେବାତ ଦୂରର କଥା ଏଥିପାଇଁ ସରକାର ଟଙ୍କାଟିଏ ହେଲେବି ଏହାର ନିର୍ମାଣ ପାଇଁ ଅନୁଦାନ ବି ଦେଇ ନାହାନ୍ତି ।

ଖାଲି ସେତିକି ନୁହେଁ ୨୦୦୩ ମସିହାରେ ଶିଳାନ୍ୟାସ ହୋଇଥିବା ଏହି ଶିଳାନ୍ୟାସ ଫଳକର ରକ୍ଷଣା ବେକ୍ଷଣ ସରକାର ସଠିକ ଭାବରେ କରୁଛନ୍ତି ବୋଲି ଲିଖିତ ଉତ୍ତର ବିଧାନସଭାରେ ଦେଉଛନ୍ତି । ଏଥିରୁ ଜଣାପଡୁଛି ସରକାର କେତେ ଚିନ୍ତିତ ଖଦିର ବିକାଶ ଦିଗରେ ।

ସୋସିଆଲ ମେଡିଆରେ ଖଦି ବୋର୍ଡର ଅଧ୍ୟକ୍ଷ ତେଜେଶ୍ବର ପରିଡା ରାତି ୧୨ରେ ଅଫିସରେ ବସି ନିଜେ ଏକା କାମ କରୁଛନ୍ତି ଫଟୋ ଅପଲୋଡ କରି ଆତ୍ମପ୍ରଚାରରେ ବ୍ୟସ୍ତ ଥିବା ବେଳେ ସେହି ଅଫିସ ପରିସରରେ ୧୫ ବର୍ଷ ହେଲାଣି ରାଜ୍ୟ ମୁଖିଆଙ୍କର ଏକ ଶିଳାନ୍ୟାସ ଫଳକର କାମ କାହିଁକି ଆଗଉନାହିଁ ଏହା ଉପରେ ଭାବିପାରୁନାହାନ୍ତି । ବିଭାଗୀୟ ମନ୍ତ୍ରୀ ମଧ୍ୟ ଏହି ଦିଗରେ ଆଦୌ ନଜର ପକାଉନାହାନ୍ତି ।

ଭୁବନେଶ୍ବରରେ ଆଜି ଯାଏ ଖଦି ପାଇଁ ଭଲ ଏବଂ ଆଧୁନିକ ସୋରୁମ ବା ସପିଙ୍ଗ ମଲଟିଏ ନିର୍ମାଣ ହୋଇପାରିଲାନି । ଯାହା ଅଛି ତାହା ସବୁ ୧୨ ଫୁଟ ରେ ୧୨ ଫୁଟିଆ ଛୋଟିଆ ଦୋକାନ । ଓଡିଶାରେ ଖଦିର ଯାହା ସୁଯୋଗ ଅଛି ଯଦି ସରକାର ଏକ ଖଦି ସପିଙ୍ଗ ମଲ ତିଆରି କରିପାରିଥାନ୍ତେ ତାହେଲେ ହୁଏତ ଖଦିର ବ୍ୟବହାର ବଢନ୍ତା ଏବଂ ଦେଶି କାରିଗର ମାନେ କାମ ପାଆନ୍ତେ ।

        </description>
      </item>
   </rss>
 </channel>