<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଭୋଟ୍ ପାଇଁ ଜରୁରୀକାଳୀନ ପାଣ୍ଠିକୁ ଲୁଟ୍ କଲେ ରାଜ୍ୟ ସରକାର, କାଳିଆ ଯୋଜନା ପାଇଁ କାଢି ସାରିଲେଣି ୭୩୪.୬୬ କୋଟି ଟଙ୍କା
        </title>
        <link>
           http://khabarodisha.com/News-Analysis/Politics-Odisha-BJD-Government-miss-use-the-contingency-fund-for-Kalia-scheme-46745
        </link>
        <guid>
           http://khabarodisha.com/News-Analysis/Politics-Odisha-BJD-Government-miss-use-the-contingency-fund-for-Kalia-scheme-46745
        </guid>
        <pubDate>
           Thu, 17 Jan 2019 17:22:24 GMT
        </pubDate>
        <description>

ନିର୍ବାଚନରେ ଭୋଟ୍ କେମିତି ହାତାଯାଏ ନବୀନ ପଟ୍ଟନାୟକଙ୍କୁ ତାହା ବେଶ୍ ଭଲ ଭାବେ ଜଣା। ପ୍ରତି ବର୍ଷ ନିର୍ବାଚନ ଋତୁ ପାଖେଇ ଆସିଲେ ବିଜେଡ଼ି ସରକାର ଅନେକ ମନଲୋଭା ଯୋଜନା ଘୋଷଣା କରି ଭୋଟରଙ୍କୁ ଆକର୍ଷିତ କରିଥାନ୍ତି। ଏଥର ମଧ୍ୟ ନିର୍ବାଚନୀ ଋତୁରେ ଏହି ଫଣ୍ଡାକୁ ଆପଣେଇବାକୁ ହେଳା କରି ନାହାନ୍ତି ନବୀନ ସରକାର।  ସାଧାରଣ ନିର୍ବାଚନକୁ ଆଉ ମାତ୍ର ତିନି ମାସ ସମୟ ବାକି ରହିଛି। ଏହାକୁ ଦୃଷ୍ଟିରେ ରଖି  ନିକଟରେ ଘୋଷଣା ହୋଇଛି କାଳିଆ ଯୋଜନା। ଏହି ଯୋଜନାରେ କୃଷକଙ୍କୁ ୧୦ ହଜାର ଟଙ୍କା ଏବଂ ଭୂମିହୀନ କୃଷକଙ୍କୁ ୧୨,୫୦୦ ଟଙ୍କା ଦେବାକୁ ଘୋଷଣା କରିଛନ୍ତି ରାଜ୍ୟ ସରକାର। ତେବେ ଏହି ଯୋଜନା ପାଇଁ କୌଣସି ବଜେଟର ପ୍ରାବଧାନ କରାଯାଇ ନାହିଁ। ତେବେ ଏଠାରେ ସ୍ଵତପ୍ରବୃତଃ ଭାବେ ପ୍ରଶ୍ନ ଉଠୁଛି ଯେ ଏହି ଯୋଜନାରେ ଖର୍ଚ୍ଚ ହେବାକୁ ଥିବା ହଜାର ହଜାର କୋଟି ଟଙ୍କା ଆସିବ କେଉଁଠୁ। କାରଣ ସରକାର ତ ଏହି ଯୋଜନା ପାଇଁ ବ୍ୟୟ ଅଟକଳ କରି ନାହାନ୍ତି। କିନ୍ତୁ କେବଳ ଭୋଟ୍ ପାଇବା ଲୋଭରେ ସରକାର ବଡ଼ ଚାଲାକି କରି ଜରୁରୀକାଳୀନ ପାଣ୍ଠିକୁ କାଳିଆ ଯୋଜନା ପାଇଁ ଦୁରୁପଯୋଗ  କରିଛନ୍ତି। ଏହି ଫଣ୍ଡରୁ ହଜାର ହଜାର କୋଟି ଟଙ୍କା ସ୍ଥାନାନ୍ତର କରିଛନ୍ତି ସରକାର। ଏ ନେଇ ଇଂରାଜୀ ଜାତୀୟ ଗଣମାଧ୍ୟମ  ଟାଇମ୍ସ ନାଓରେ ମଧ୍ୟ ରିପୋର୍ଟ ପ୍ରକାଶ ପାଇଛି। ଗତକାଲି ମଧ୍ୟ ବିରୋଧୀ ଦଳ ନେତା ନରସିଂହ ମିଶ୍ର ମଧ୍ୟ ଏହାକୁ ନେଇ ପ୍ରଶ୍ନ ଉଠାଇବା ସହ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି।

୧୫ରେ ରାଜ୍ୟ ସରକାର ଜରୁରୀକାଳୀନ ଫଣ୍ଡରୁ ଉଠାଇଲେ ୭୩୪.୬୬ କୋଟି ଟଙ୍କା 

ରାଜ୍ୟ ସରକାର କାଳିଆ ଯୋଜନାରେ ଜରୁରୀକାଳୀନ ପାଣ୍ଠିର ଦୁରୁପଯୋଗ କରିଥିବା ଅଭିଯୋଗ ହୋଇଛି। ଏହି ବ୍ୟୟବହୁଳ  ଯୋଜନା ପାଇଁ ସରକାର ୧୦,୧୮୦ କୋଟି ଟଙ୍କା ଖର୍ଚ୍ଚ କରୁଛନ୍ତି। ଆଉ ଏହି ମୋଟା ଅଙ୍କର ଅର୍ଥ ଜରୁରୀକାଳୀନ ପାଣ୍ଠିରୁ ଉଠାଯାଉଛି। ଏଠାରେ କହି ରଖୁଛୁ ଯେ ଜରୁରୀକାଳୀନ ପାଣ୍ଠି ହେଉଛି ସେହି ପାଣ୍ଠି, ଯେଉଁଥିରେ ଥିବା ଅର୍ଥକୁ  ବନ୍ୟା, ବାତ୍ୟା, ସୁନାମୀ, ଭଳି ପ୍ରାକୃତିକ ବିପର୍ଯ୍ୟୟରେ ସମୟରେ ବ୍ୟବହାର କରାଯାଏ। ମାତ୍ର ଦୁର୍ଭାଗ୍ୟର କଥା ଏହା ଯେ ରାଜ୍ୟ ସରକାର କେବଳ ଭୋଟ୍ ପାଇଁ ଜରୁରୀକାଳୀନ ପାଣ୍ଠିରେ ଥିବା ଅର୍ଥକୁ ଲୁଟ୍ କରି ଚାଲିଛନ୍ତି। ଏ ପର୍ଯ୍ୟନ୍ତ ଏହି ପାଣ୍ଠିରୁ ରାଜ୍ୟ ସରକାର ୭୩୪, ୬୬,୦୦,୦୦୦ ଟଙ୍କା ଚଳୁ କରି ସାରିଲେଣି। ଏଠାରେ ପ୍ରଶ୍ନ ଉଠୁଛି ଯେ ଯଦି ରାଜ୍ୟରେ ପ୍ରାକୃତିକ ବିପର୍ଯ୍ୟୟ ଭଳି କୌଣସି ବଡ଼ ବିପତ୍ତି ଦେଖାଯାଏ ତେବେ ରାଜ୍ୟ ସରକାର ଏହାର ମୁକାବିଲା ତଥା ଥଇଥାନ ପାଇଁ ଅର୍ଥ କୁଆଡୁ ଆଣିବେ। କେବଳ ନିର୍ବାଚନ ପାଖେଇ  ଆସିଲା ବୋଲି ଜରୁରୀକାଳୀନ ପାଣ୍ଠିର ଅର୍ଥକୁ ପାଣି ଭଳି ବୁହାଇବା କେତେ ସମୀଚନ। 

ସବୁଠୁ ବଡ଼ ମହତ୍ଵପୂର୍ଣ୍ଣ କଥା ଏହା ଯେ,  ରାଜ୍ୟ ଉପରେ ବର୍ତ୍ତମାନ ଯାଏ ୯୧,୯୪, ୩୦, ୦୦୦ ଟଙ୍କା ଋଣ ବୋଝଭାର ରହିଛି। ଏହା ସତ୍ଵେ ବି ରାଜ୍ୟ ସରକାର ବେଫିକର ଜରୁରୀକାଳୀନ ପାଣ୍ଠିକୁକ ଚାନ୍ଦା ଭାବେ ବ୍ୟବହାର କରିଛନ୍ତି।  କାଳିଆ ଯୋଜନାରେ ରାଜ୍ୟ ସରକାର ୧୦,୧୮୦ କୋଟି ଟଙ୍କା ଖର୍ଚ୍ଚ କରୁଛନ୍ତି। ଏହା ଆମ ନୁହେଁ ଏହା ଖୋଦ୍ ରାଜ୍ୟ ସରକାରଙ୍କ ଅର୍ଥ ବିଭାଗ କହୁଛି।  ୨୦୧୯  ଜାନୁଆରୀ ୧୫ରେ ରାଜ୍ୟ ସରକାରଙ୍କ ଅର୍ଥ ବିଭାଗ କାଳିଆ ପାଇଁ ଏହି ଅର୍ଥକୁ ମଞ୍ଜୁରୀ ଦେଇଛନ୍ତି। ଏହା ସହିତ ସେହି ଦିନ ଅର୍ଥାତ ଜାନୁଆରୀ ୧୫ରେ ରାଜ୍ୟ ସରକାର ଜରୁରୀକାଳୀନ ଫଣ୍ଡରୁ ୭୩୪.୬୬ କୋଟି ଟଙ୍କା ଉଠାଇବାକୁ ନିର୍ଦ୍ଦେଶ ଦେଇଛନ୍ତି। ସବୁଠୁ ବଡ଼ ଦୁର୍ଭାଗ୍ୟର କଥା ଯେ ଯେଉଁ ଅର୍ଥ ରାଶିକୁ ରାଜ୍ୟର ଜରୁରୀକାଳୀନ କିମ୍ବା ପ୍ରାକୃତିକ ବିପର୍ୟ୍ୟ ୟ ସମୟରେ ବ୍ୟବହାର କରାଯିବ କଥା ସେହି ଅର୍ଥକୁ ରାଜ୍ୟ ସରକାର କେବଳ କ୍ଷମତା ପାଇଁ ଭୋଟ୍ ପାଇବା ଲୋଭରେ ବ୍ୟବହାର  କରୁଛନ୍ତି। ଭୋଟ୍ ପାଇଁ ସରକାର ଜରୁରୀକାଳୀନ ଫଣ୍ଡକୁ ଲୁଟ୍ କରି ଚାଲିଛନ୍ତି। 

ବିରୋଧୀ ଏହାକୁ ସରକାରଙ୍କ ରାଜନୈତିକ ଚାଲ୍ ବୋଲି କହୁଛନ୍ତି। ଏହି କ୍ରମରେ କଂଗ୍ରେସ ପ୍ରଦେଶ ଅଧ୍ୟକ୍ଷ  ନିରଞ୍ଜନ ପଟ୍ଟନାୟକ କାଳିଆ ଯୋଜନାକୁ ନେଇ ଉଠାଇଛନ୍ତି ପ୍ରଶ୍ନ।  ଏହି ଯୋଜନା ଲାଗି ଆପାତକାଳୀନ ପାଣ୍ଠିରୁ ଟଙ୍କା ସ୍ଥାନାନ୍ତର କରାଯାଇଥିବା ନେଇ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି।

ନିରଞ୍ଜନ କାଳିଆ ଯୋଜନା  ଉପରେ ପ୍ରଶ୍ନ ଉଠାଇ କହିଛନ୍ତି ଯେ ଏହି ଯୋଜନା ଲାଗି  ଅନ୍ୟ ପାଣ୍ଠିରୁ ଟଙ୍କା ସ୍ଥାନାନ୍ତର କରାଯାଇଛି। କାଳିଆ ପାଇଁ ବିଜେଡି ଆପାତକାଳୀନ ପାଣ୍ଠିରୁ ୭୩୫ କୋଟି ଟଙ୍କା ସ୍ଥାନାନ୍ତର କରିଛି। ରାଜ୍ୟରେ ଏଭଳି କଣ  ଜରୁରୀ ପରିସ୍ଥିତି ସୃଷ୍ଟି ହେଲା ଯେ ନିର୍ବାଚନର ତିନି ମାସ ପୂର୍ବରୁ ରାଜ୍ୟ ସରକାରଙ୍କୁ ପାଣ୍ଠିରୁ ଟଙ୍କା  ଉଠାଇବାକୁ ପଡ଼ିଲା।  ଚାଷୀଙ୍କ ପାଇଁ ଜାତୀୟ ବିପତ୍ତି ସୃଷ୍ଟି ହୋଇଥିବା ସେମାନେ ଭାବୁଛନ୍ତି ବୋଲି ପ୍ରଶ୍ନ କରିଛନ୍ତି ନିରଞ୍ଜନ।

ନିରଞ୍ଜନ କହିଛନ୍ତି ଯେ ଭୋଟ୍ ହାତେଇବା ପାଇଁ ସରକାରଙ୍କୁ ଏବେ ଚାଷୀଙ୍କ କଥା ମନେ ପଡ଼ିଛି। ତରବରିଆ ଭାବେ କାଳିଆ ଯୋଜନା ଲାଗୁ କରିଛନ୍ତି। ଏଥିପାଇଁ କୌଣସି ବଜେଟ୍ ମଧ୍ୟ କରିନାହାନ୍ତି। ତେଣୁ ଆପାତକାଳୀନ ପାଣ୍ଠିରୁ ଟଙ୍କା ସ୍ଥାନାନ୍ତର କରାଯାଉଛି।

ସୌଜନ୍ୟ- ଟାଇମ୍ସ ନାଓ

        </description>
      </item>
      <item>
        <title>
           ବିଶ୍ୱ ହକି କପ୍ ସମ୍ପର୍କୀତ ସୂଚନା ପ୍ରଦାନରେ ରାଜ୍ୟ ସରକାର ବିଫଳ, ଜାନୁଆରୀ ୧୭ ତାରିଖରେ କ୍ରୀଡ଼ା ଓ ଯୁବ ସେବା ବିଭାଗ ସମ୍ମୁଖରେ ବିକ୍ଷୋଭ କରିବ ସୂଚନା ଅଧିକାର ଅଭିଯାନ
        </title>
        <link>
           http://khabarodisha.com/News-Analysis/Hockey-World-cup-Odisha-Government-46443
        </link>
        <guid>
           http://khabarodisha.com/News-Analysis/Hockey-World-cup-Odisha-Government-46443
        </guid>
        <pubDate>
           Sat, 12 Jan 2019 15:29:11 GMT
        </pubDate>
        <description>

 ମୁଖ୍ୟମନ୍ତ୍ରୀଙ୍କ ଥ୍ରୀ-ଟି ଏବଂ "ପିଠା’ ଯୋଜନା ରାଜ୍ୟ ପ୍ରଶାସନିକ ବ୍ୟବସ୍ଥାରେ ସ୍ୱଚ୍ଛତା ଏବଂ ଉତ୍ତରଦାୟିତ୍ୱ ପାଇଁ ନୁହେଁ ବରଂ ଜନସାଧାରଣଙ୍କୁ ଠକିବା ପାଇଁ ଉଦ୍ଦିଷ୍ଟ । ରାଜ୍ୟ ଶାସନ ବ୍ୟବସ୍ଥାରେ ସ୍ୱଚ୍ଛତା ଏବଂ ଉତ୍ତରଦାୟିତ୍ୱ ରଖିବା ପାଇଁ ପ୍ରଣୀତ ସୂଚନା ଅଧିକାର ଆଇନକୁ ଅକାମୀ କରିଦେବାପାଇଁ ପ୍ରଶାସନିକ ଅଧିକାରୀମାନେ ସମସ୍ତ ଷଡ଼ଯନ୍ତ୍ର କରିବା ସହ ତଥ୍ୟ ପ୍ରଦାନ କରୁନାହାନ୍ତି ବୋଲି ଓଡ଼ିଶା ସୂଚନା ଅଧିକାର ଅଭିଯାନ ତରଫରୁ ଅଭିଯୋଗ ହୋଇଛି ।

ଓଡିଶା ସୂଚନା ଅଧିକାର ଅଭିଯୋଗ ଅନୁସାରେ ଗତ ନଭେମ୍ବର ଏବଂ ଡିସେମ୍ବର ମାସରେ ସୂଚନା ଅଧିକାର ଆଇନ ବଳରେ ବିଶ୍ୱ ହକି କପ୍ ସମ୍ପର୍କିତ ଅନେକ ତଥ୍ୟ କ୍ରୀଡ଼ା ଓ ଯୁବସେବା ବିଭାଗକୁ ମଗାଯାଇଥିଲା । କିନ୍ତୁ ଉକ୍ତ ବିଭାଗ ୩୦ ଦିନ ବିତିଯାଇଥିଲେ ମଧ୍ୟ କୌଣସି ତଥ୍ୟ ଦେଉନାହିଁ । ବିଶ୍ୱ ହକି କପ୍ ସମ୍ପର୍କୀତ ସମସ୍ତ ସୂଚନା ଲୁଚାଇବା ପାଇଁ ରାଜ୍ୟ ସରକାର ଚକ୍ରାନ୍ତ କରୁଛନ୍ତି ବୋଲି ଅଭିଯାନର ଆବାହକ ପ୍ରଦୀପ ପ୍ରଧାନ ଅଭିଯୋଗ କରିଛନ୍ତି ।

ଗତ ତା ୦୩.୧୨.୨୦୧୮ରିଖରେ କେନ୍ଦ୍ରାପଡ଼ା ଜିଲ୍ଳାର ସୂଚନାଧିକାର କର୍ମୀ ପ୍ରତାପ ମହାନ୍ତି ଉକ୍ତ ବିଭାଗକୁ ହକି ଖେଳ ପାଇଁ କେଉଁ କେଉଁ ସୂତ୍ରରୁ କେତେ ଅର୍ଥ ଆସିଛି, କେତେ ଖର୍ଚ୍ଚ ହୋଇଛି, କେଉଁ ସଂସ୍ଥାକୁ କେତେ ଅର୍ଥ ଅଗ୍ରୀମ ଦିଆଯାଇଛି, କେଉଁ କେଉଁ ହୋଟେଲରେ ଅତିଥିମାନେ ରହିଥିଲେ, କେତେ ଅର୍ଥ ଖର୍ଚ୍ଚ ହୋଇଛି ତାର ତଥ୍ୟ ମାଗିଥିଲେ । ଗତ ତା ୦୩.୦୧.୨୦୧୯ରିଖରେ ଜନ ସୂଚନା ଅଧିକାରୀ ହକି କପ୍ ଖର୍ଚ୍ଚର ହିସାବପତ୍ର ସରି ନଥିବାରୁ ଏହି ତଥ୍ୟ ଦେବା ସମ୍ଭବ ନୁହେଁ ବୋଲି ଦର୍ଶାଇଥିଲେ । ସେହିପରି ତା ୦୬.୧୨.୨୦୧୮ରେ ପ୍ରଦୀପ ପ୍ରଧାନ କ୍ରୀଡ଼ା ଓ ଯୁବ ସେବା ବିଭାଗକୁ ହକି କପ୍ ଖେଳ ପାଇଁ ହକି ଇଣ୍ଡିଆ କେତେ ଅର୍ଥ ଦେଇଛି, ହକି ଇଣ୍ଡିଆ ସହିତ ଓଡ଼ିଶା ସରକାରଙ୍କ ସହିତ ହୋଇଥିବା ଚିଠିର ଆଦାନପ୍ରଦାନ, କେଉଁ କେଉଁ କର୍ପୋରେଟ୍ ହାଉସ୍ କେତେ ଅର୍ଥ ଦେଇଛନ୍ତି, ତାର ତଥ୍ୟ ମଗାଯାଇଥିଲା । ତା ୦୮.୦୧.୨୦୧୯ରିଖରେ ଜନ ସୂଚନା ଅଧିକାରୀ ବିଶ୍ୱ ହକି କପ୍ର ହିସାବ ପତ୍ର ସରିନାହିଁ, ତେଣୁ ତଥ୍ୟ ଦିଆଯାଇ ପାରିବ ନାହିଁ ବୋଲି ଦର୍ଶାଇ ଦରଖାସ୍ତଟିକୁ ଖାରଜ କରି ଦେଇଛନ୍ତି ।

ଯେହେତୁ ହକି ପାଇଁ ଆସିଥିବା ଅର୍ଥର ବ୍ୟାପକ ହେରଫେର ଏବଂ ଦୁରୁପଯୋଗ କରାଯାଇଛି, ଏବଂ ଅର୍ଥ ହରିଲୁଟ୍ ହୋଇଛି । ସେଥିପାଇଁ ଏହି ବିଭାଗର ଅମଲାମାନେ ଏହି ସବୁ ତଥ୍ୟ ଜାଣିଶୁଣି ପ୍ରଦାନ କରୁନାହାନ୍ତି ଏବଂ ଏହି ସବୁ ତଥ୍ୟ ଲୁଚାଇ ରଖୁଛନ୍ତି । ତେଣୁ ବିଶ୍ୱ ହକି କପ୍ ପାଇଁ ଆଦାୟ ଅର୍ଥ, ଖର୍ଚ୍ଚର ହିସାବ ସର୍ବସାଧାରଣରେ ପ୍ରକାଶ କରିବା ଦାବିରେ ଓସା ତରଫରୁ ଆଗାମୀ ଜାନୁଆରୀ ୧୭ ତାରିଖରେ କ୍ରୀଡ଼ା ଓ ଯୁବ ସେବା ବିଭାଗ ସମ୍ମୁଖରେ ବିକ୍ଷୋଭ କରାଯିବ ବୋଲି ନିଷ୍ପତ୍ତି ହୋଇଥିବା ଏକ ଇସ୍ତାହାର ମାଧ୍ୟମରେ ଜଣାଇଛନ୍ତି  । ସୂଚନା କମିଶନଙ୍କ ଏ ସମ୍ପର୍କିତ ଅଭିଯୋଗର ଶୁଣାଣି କରି ତୁରନ୍ତ ତଥ୍ୟ ପ୍ରଦାନ କରିବାକୁ ଦାବି ହୋଇଛି । ଆଜିର ଏହି ସାମ୍ବାଦିକ ସମ୍ମିଳନୀରେ ସୂଚନା ଅଧିକାର ଅଭିଯାନର ଆବାହକ ପ୍ରଦୀପ ପ୍ରଧାନ, ଓଡ଼ିଶା ହାଇକୋର୍ଟର ଆଡଭୋକେଟ୍ ସୁଧୀର ମହାନ୍ତି, ସାମାଜିକ କର୍ମୀ ଅଶୋକ ନନ୍ଦ, ବିଶିଷ୍ଟ ବସ୍ତି ନେତା ପ୍ରତାପ କୁମାର ସାହୁ, ଅଭିଭାବକ ମହାସଂଘର କାର୍ଯ୍ୟକାରୀ ସଭାପତି ସଞ୍ଜୁକ୍ତା ପାଣିଗ୍ରାହୀ, ରଞ୍ଜୁଲତା ମହାପାତ୍ର, ପ୍ରତାପ ମହାନ୍ତି, ସଞ୍ଜୟ ସାହୁ ପ୍ରମୁଖ ଏହି ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିଲେ ।

        </description>
      </item>
      <item>
        <title>
           କାଳିଆ ଯୋଜନାକୁ ନେଇ ହଟହଟା ହେଲେଣି ସରକାର, ଚାରିଆଡେ ଅସନ୍ତୋଷର ନିଆଁ
        </title>
        <link>
           http://khabarodisha.com/News-Analysis/Kalia-Scheme-Problem-Odisha-Government-46333
        </link>
        <guid>
           http://khabarodisha.com/News-Analysis/Kalia-Scheme-Problem-Odisha-Government-46333
        </guid>
        <pubDate>
           Thu, 10 Jan 2019 19:52:31 GMT
        </pubDate>
        <description>

କାଳିଆ ଯୋଜନାକୁ ନେଇ ଅଡୁଆରେ ସରକାର  । ଚାରିଆଡୁ ଅସନ୍ତୋଷ  । ଗାଁ ଗଣ୍ଡାରେ କାଳିଆ ଫର୍ମର କଳାବଜାରୀ ହେବା ପରେ ଏବେ ବିଳମ୍ବରେ ହେଲେ ମଧ୍ୟ ସରକାରଙ୍କ ଭାଙ୍ଗିଛି ନିଦ  । ଏପରିକି ଅରଜିନାଲ ଫର୍ମ ବଦଳରେ ଏଣିକି ଜେରକ୍ସ ଫର୍ମ କାମ କରିବ ବୋଲି କହିଛନ୍ତି ସରକାର  । ଏନେଇ କୃଷି ବିଭାଗ ସଚିବ ସୌରଭ ଗର୍ଗ ଏନେଇ ସୂଚନା ଦେଇଛନ୍ତି  ।

ଗତକିଛିଦିନ ଧରି କାଳିଆ ଯୋଜନାକୁ ନେଇ ରାଜ୍ୟବ୍ୟାପୀ ଅସନ୍ତୋସ ଦେଖାଦେଇଛି  । କେଉଁଠି ପଞ୍ଚାୟତ ଅଫିସରେ ତାଲା ପଡିଲାଣୀ ତ ଆଉ କେଉଁଠି ଛୁରାମାଡ ହୋଇଥିବାର ଅଭିଯୋଗ ହୋଇଛି  । ଆଉ କେଉଁଠି ଫର୍ମର କଳାବଜାରୀ ହେଉଛି ତ ଆଉ କେଉଁଠି ସରକାରୀ ଅଧିକାରୀଙ୍କୁ ଲୋକ ଘେରାଉ କରିଥିବା ଘଟଣା ମାନ ପ୍ରତିଦିନ ଘଟିଥିବାର ଦେଖିବାକୁ ମିଳିଥିଲା  । ଏହି ଘଟଣାର ସରକାର ଆବେଦନର ସମୟସୀମାକୁ ବୃଦ୍ଧି କରିଥିବା ବେଳେ ଏବେ ଅରଜିନାଲ ଫର୍ମ ସ୍ଥାନରେ ଜେରକ୍ସ ଫର୍ମ ବ୍ୟବହାର କରାଯାଇ ପାରିବ ବୋଲି ସଚିବ ଶ୍ରୀ ଗର୍ଗ ସୂଚନା ଦେଇଛନ୍ତି  ।

        </description>
      </item>
      <item>
        <title>
           ବିଜେଡିକୁ ନିରଞ୍ଜନଙ୍କ ସମାଲୋଚନା, ଗଞ୍ଜାମ ଜିଲାର ଉଦାହରଣ ଦେଲେ ପିସିସି ମୁଖିଆ
        </title>
        <link>
           http://khabarodisha.com/News-Analysis/Congress-President-Niranjan-Patnaik-Target-BJD-46332
        </link>
        <guid>
           http://khabarodisha.com/News-Analysis/Congress-President-Niranjan-Patnaik-Target-BJD-46332
        </guid>
        <pubDate>
           Thu, 10 Jan 2019 19:51:30 GMT
        </pubDate>
        <description>

ମୁଖ୍ୟମନ୍ତ୍ରୀଙ୍କ ଗୃହ ଜିଲ୍ଲା ଗଞ୍ଜାମରେ ଚାଷୀ ଏବେ କେବଳ ଏଥିପାଇଁ ମାଡ ଖାଇଲେ ଯେ, ସେମାନେ ତାଙ୍କର ଉତ୍ପାଦ କୁ ବିକ୍ରୀ କରିବାକୁ ଚାହୁଁଥିଲେ  । ବିଜେଡି ଚାଷୀ ମାନଙ୍କୁ ଦୁଇଟି ବିକଳ୍ପ ଦେଉଛି  । ଗୋଟିଏ ହେଲା ଯଦି ଋଣଭାରରେ ଅଛ ତେବେ ଆତ୍ମହତ୍ୟା କର ବା ଯଦି ଉତ୍ପାଦର ମୂଲ୍ୟ ସଠିକ ମାଗିବ ତାହାହେଲେ ପିଟା ଖାଇବ  । ଏଭଳି କଥା ନିଜର ଟ୍ୱିଟର ଆକାଉଣ୍ଟରେ ଉଲ୍ଲେଖ କରି ସରକାରଙ୍କୁ ଘେରିଛନ୍ତି ପିସିସି ମୁଖିଆ ନିରଞ୍ଜନ ପଟ୍ଟନାୟକ  ।

ମୁଖ୍ୟମନ୍ତ୍ରୀଙ୍କ ଘରୋଇ ଜିଲା ଗଞ୍ଜାମରେ ଯେପରି ଭାବେ ଜଣେ ବୃଦ୍ଧ ଚାଷୀଙ୍କୁ ଧାନମଣ୍ଡିରେ ମାଡ ମରାଗଲା ଏହି ଘଟଣା ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରି ଶ୍ରୀ ପଟ୍ଟନାୟକ ଏପରି କଥା ଉଲ୍ଲେଖ କରିଛନ୍ତି  । ଅନ୍ୟପଟେ ଚାଷୀଙ୍କ କଥା କହୁଥିବା ମୁଖ୍ୟମନ୍ତ୍ରୀଙ୍କ ନିଜ ଘରୋଇ ଜିଲ୍ଲାରେ ଏପରି ଘଟଣା ଘଟିବାକୁ ନେଇ ଏବେ ବିଭିନ୍ନ ମହଲରେ ପ୍ରଶ୍ନ କରାଯାଇଛି  । ଏପରିକି ଚାଷୀ ସଙ୍ଗଠନ ମାନେ ଏହା ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି  । ରାଜ୍ୟ ଶାସନ କ୍ଷମତାରେ ରହିଥିବା ବିଜେଡି ସରକାର ଚାଷୀଙ୍କୁ ସମ୍ମାନ ଦେବା କଥା କହୁଥିବା ବେଳେ ଅନ୍ୟପଟେ ନିଜ ଦଳର ଲୋକମାନେ ଯେପରି ଭାବେ ଚାଷୀ ମାନଙ୍କୁ ମାରଧର କରୁଛନ୍ତି ଏଥିରୁ ବିଜେଡି ସରକାର ଯେ, ଚାଷୀ ବିରୋଧୀ ତାହା ପ୍ରମାଣିତ ହେଉଛି ବୋଲି ଚାଷୀ ସଙ୍ଗଠନ ଗୁଡିକ ଅଭିଯୋଗ କରିଛନ୍ତି  ।

        </description>
      </item>
      <item>
        <title>
           ଋଣଯନ୍ତାରେ ଓଡିଶା, ବିକାଶର ଗୋଲାପୀ ଚିତ୍ର ଦେଖାଉଛନ୍ତି ରାଜ୍ୟ ସରକାର ! ଜନ୍ମିତ ପିଲା ମୁଣ୍ଡରେ ୨୨ ହଜାର ଟଙ୍କାର ଋଣବୋଝ
        </title>
        <link>
           http://khabarodisha.com/News-Analysis/Odisha-on-loan-Net-Allegation-by-BJP-Odisha-46328
        </link>
        <guid>
           http://khabarodisha.com/News-Analysis/Odisha-on-loan-Net-Allegation-by-BJP-Odisha-46328
        </guid>
        <pubDate>
           Thu, 10 Jan 2019 16:23:28 GMT
        </pubDate>
        <description>

ରାଜ୍ୟରେ ଋଣଭାର ୯୨ ହଜାର କୋଟିଟଙ୍କାରେ ପହଁଚିଲାଣି । ପ୍ରତିବ୍ୟକ୍ତି ପିଛା ୨୨ ହଜାର ଟଙ୍କାର ଋଣ ଏବେ ଝୁଲୁଛି । ଏହା ସତ୍ୱେ ମଧ୍ୟ ରାଜ୍ୟ ସରକାର ବିକାଶର ଗୋଲାପୀ ଚିତ୍ର ଦେଖାଉଛନ୍ତି ବୋଲି ଅଭିଯୋଗ କରିଛନ୍ତି ବିରୋଧୀ  ।

ବିଜେପି ଉପସଭାପତି ସମୀର ମହାନ୍ତି ସିଧାସଳଖ ଭାବେ ରାଜ୍ୟ ସରକାରଙ୍କ ବିଫଳତାକୁ ସମାଲୋଚନା କରିବା ସହ ୧୯ ବର୍ଷ ଧରି ରାଜ୍ୟ ଶାସନ କ୍ଷମତାର ରହିଥିବା ମୁଖ୍ୟମନ୍ତ୍ରୀଙ୍କୁ ଟାଣିଛନ୍ତି କାଠଗଡାକୁ  ।

ନବୀନ ବାବୁ ଓଡିଶାରବିକାଶ ନୁହେଁ ବଂର ତାଙ୍କ ନିର୍ବାଚନ ଏଜେଣ୍ଡା ସେଟ କରିବା ପାଇଁ ଅର୍ଥ କମିଶନଙ୍କ ପାଖେ ତାଙ୍କ ଦାବିରଖିଛନ୍ତି ବୋଲି ଶ୍ରୀ ମହାନ୍ତି କହିଛନ୍ତି । ନବୀନ ବାବୁ ତାଙ୍କ ଦାବିରେ ଜିଏସଟି କଥା କହିଛନ୍ତି । ଜିଏସଟି ଲାଗୁହେଲା ପରେ ଓଡିଶାର ଟିକସ କଲେକ୍ସନ ୧୫% ବୃଦ୍ଧି ପାଇଛି  । ଏକଥା ନିଜେ ସରକାର ମାନିଛନ୍ତି  ।  ୨୦୧୭-୧୮ ଆର୍ଥୀକ ବର୍ଷରେ ଟିକସ ଆଦାୟ ୧୫% ବଢିଥିବା କଥାସରକାର ନିଜେ କହିଥିଲୋ ଅଧିକଟିକସ ପାଇଲା ପରେ ପୁଣି କ୍ଷତିପୁରଣ କଥା ଉଠାଇ ମୁଖ୍ୟମନ୍ତ୍ରୀ ନିଜ ଅପାରଗତାର ପ୍ରମାଣ ଦେଇଛନ୍ତି ବୋଲି ରାଜ୍ୟଉପସଭାପତି  ଶ୍ରୀ ମହାନ୍ତି ମହାନ୍ତି କହିଛନ୍ତି ।

        </description>
      </item>
      <item>
        <title>
           ପଦାରେ ପଡିଲା ଚାଷୀ ଦରଦ, ଦିଲ୍ଲୀରେ ଗର୍ଜିଲେ, ପଲ୍ଲୀରେ ପିଟିଲେ ! ବିଧାୟକଙ୍କ ଛତ୍ରଛାୟା ତଳେ ସରପଞ୍ଚ ବାବୁ, ମୁଖ୍ୟମନ୍ତ୍ରୀଙ୍କ ଜିଲ୍ଲାରେ ଚାଷୀ ଅସୁରକ୍ଷିତ
        </title>
        <link>
           http://khabarodisha.com/News-Analysis/Biju-janata-dal-farmer-of-Odisha-CMO-Odisha-Naveen-Patnaik-46320
        </link>
        <guid>
           http://khabarodisha.com/News-Analysis/Biju-janata-dal-farmer-of-Odisha-CMO-Odisha-Naveen-Patnaik-46320
        </guid>
        <pubDate>
           Thu, 10 Jan 2019 15:16:46 GMT
        </pubDate>
        <description>

ଚାଷୀ କଥା କହି ମୁଖ୍ୟମନ୍ତ୍ରୀ ଦିଲ୍ଲୀରେ ଗର୍ଜନ କରୁଛନ୍ତି  । ହେଲେ ତାଙ୍କ ନିଜ ଜିଲ୍ଲା ଗଞ୍ଜାମରେ ଚାଷୀଙ୍କୁ ପିଟୁଛନ୍ତି ବିଜେଡି ଦଳର କର୍ମୀ ଓ ନେତା  । ଏପରି ଅଭିଯୋଗ ଆସିଛି ଶାସକ ବିଜେଡି ଦଳ ବିରୋଧରେ  । ଧାନମଣ୍ଡିରେ ଧାନ ବିକିବାକୁ ଆସୁଥିବା ଜଣେ ବୃଦ୍ଧା ଚାଷୀଙ୍କୁ ମାଡ ମାରିଛନ୍ତି ଜଣେ ସରପଞ୍ଚ  । ଏପରି ଅଭାବନୀୟ ଘଟଣା ଘଟିଛି ଗଞ୍ଜାମ ଜିଲା ଖଲିକୋଟର ବାଗଲପୁର ଅଞ୍ଚଳରେ  । ଜଣେ ବୃଦ୍ଧ ଚାଷୀଙ୍କୁ ସ୍ଥାନୀୟ ସରପଞ୍ଚ ଗୋଡାଇ ଗୋଡାଇ ପିଟିବାର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି  । ଏହି ଘଟଣା ପଦାକୁ ଆସିବା ପରେ ଏହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି  । ତେବେ ବୃଦ୍ଧ ଜଣଙ୍କୁ ମାଡ ମାରିଥିବା ସରପଞ୍ଚ ଜଣଙ୍କ ବିଜେଡି ଦଳର ନେତା ବୋଲି ସ୍ଥାନୀୟ ଅଞ୍ଚଳରେ ଅଭିଯୋଗ ହୋଇଛି  ।

ଗୋଟିଏ ପଟେ ମୁଖ୍ୟମନ୍ତ୍ରୀ ଚାଷୀ ସୁରକ୍ଷା କଥା କହୁଥିବା ବେଳେ ଜଣେ ଚାଷୀ ମଣ୍ଡିକୁ ଧାନ ବିକିବା ପାଇଁ ଆସୁଥିବା ବେଳେ ତାଙ୍କୁ ଯେପରି ଭାବେ ମାଡ ହୋଇଛି ଏହାକୁ ବିଭିନ୍ନ ମହଲରେ ନିନ୍ଦା କରାଯାଇଛି  । ଏପରିକି ବିଜେଡି ଓ ମିଲର ମାନଙ୍କ ମଧ୍ୟରେ ମଧୁଚନ୍ଦ୍ରିକା ରହିଥିବା ନେଇ ଯେଉଁ ଅଭିଯୋଗ ହୋଇଥିଲା ତାହା ଆଜି ପ୍ରମାଣିତ ହୋଇଗଲା ବୋଲି କହିଛି ବିଜେପି  । ନିଜର ଇଲେକସନ ପାଣ୍ଠି ସଂଗ୍ରହ ପାଇଁ ବିଧାୟକ ମାନେ ସେମାନଙ୍କ ଗୁମାସ୍ତା ମାନଙ୍କୁ କାମରେ ଲଗାଇ ଦେଇଛନ୍ତି ତାର ଜ୍ୱଳନ୍ତ ଉଦାହରଣ ଗଞ୍ଜାମ ଘଟଣା ବୋଲି ବିଜେପି ଅଭିଯୋଗ କରିବା ସହ କାହା ବଳରେ ସରପଞ୍ଚ ଏପରି କାମ କରିଛନ୍ତି ଏହା ତଦନ୍ତ କରିବାକୁ ଦାବି ହୋଇଛି  । ତେବେ ବୃଦ୍ଧ ଜଣଙ୍କୁ ଆକ୍ରମଣ କରିଥିବା ବ୍ୟକ୍ତି ଜଣଙ୍କ ସ୍ଥାନୀୟ ବିଧାୟକଙ୍କ ଅତି ଘନିଷ୍ଠ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି  ।

        </description>
      </item>
      <item>
        <title>
           ନବୀନ, ନିରଞ୍ଜନ, ସୌମ୍ୟ, ପାଣ୍ଡିଆନ୍ ଓ ପ୍ରଭାକରନ୍ ମିଶି ଚଳାଉଛନ୍ତି ସରକାର-ପୀତାମ୍ବର ଆଚାର୍ଯ୍ୟ
        </title>
        <link>
           http://khabarodisha.com/News-Analysis/BJP-Spokesperson-Pitamber-acharya-Naveen-Patnaik-Niranjan-Patnaik-Prabhakaran-Pandian-46246
        </link>
        <guid>
           http://khabarodisha.com/News-Analysis/BJP-Spokesperson-Pitamber-acharya-Naveen-Patnaik-Niranjan-Patnaik-Prabhakaran-Pandian-46246
        </guid>
        <pubDate>
           Wed, 09 Jan 2019 17:36:19 GMT
        </pubDate>
        <description>

କଂଗ୍ରେସ ହେଉଛି ବିଜେଡିର ଆଶାବାଡୀ । ଏହାକୁ ନିଜେ ପିସିସି ସଭାପତି ନିରଞ୍ଜନ ପଟ୍ଟନାୟକ ଏବଂ ମୁଖ୍ୟମନ୍ତ୍ରୀ ନବୀନବାବୁ ଏହାକୁ ପ୍ରମାଣ କରିଛନ୍ତି । ପୂର୍ବରୁ ତାଙ୍କ ମନ୍ତ୍ରୀ ମଣ୍ଡଳରୁ ଜଣେ ବରିଷ୍ଠ ସଦସ୍ୟ ଅଭିଯୋଗ କରିଥିଲେ କି ରାଜ୍ୟରେ ପିପିପି ମୋଡରେ ସରକାର ଶାସନ ଚଲାଇଛି । ନବୀନ ପଟ୍ଟନାୟକ,ନିରଜଂନ ପଟ୍ଟନାୟକ, ସୌମ୍ୟ ପଟ୍ଟନାୟକ, ଭିକେ ପାଣ୍ଡିୟାନ, ପ୍ରଭାକରନ ଏ ସମସ୍ତେ ମିଶି ଯାଇଛନ୍ତି ବୋଲି ଅଭିଯୋଗ କରିଛନ୍ତି ବିଜେପି ମୁଖପାତ୍ର ପୀତାମ୍ବର ଆଚାର୍ଯ୍ୟ  । 

ଟ୍ରେଡ୍ ୟୁନିଅନ୍ ମାନଙ୍କର ୪୮ ଘଣ୍ଟିଆ ଧର୍ମଘଟ ଉପରେ ନିଜର ମତ ରଖି ଶ୍ରୀ ଆଚାର୍ଯ୍ୟ କହିଛନ୍ତି କଂଗ୍ରେସ ଓ ବିଜେଡି ବନ୍ଦକୁ ସମର୍ଥନ କରିଛନ୍ତି । କଂଗ୍ରେସ ଆଉ ବିଜେଡି ଦଳ ଦିନରେ ବସନ୍ତ ରାତିରେ ବାସନ୍ତୀ ।

ବିରୋଧୀଙ୍କ ଭାରତ ବନ୍ଦ ଡାକରା ପରେ ବି ଓଡିଶାରେ କୌଣସି ପ୍ରଭାବ ପଡିନାହିଁ ବରଂ କଂଗ୍ରେସ ଏବଂ ବିଜେଡିର ମଧୁଚନ୍ଦ୍ରିକା ପଦାରେ ପଡିଛି ।  ଓଡିଶାରେ ଏହି ବନ୍ଦରେ କେଉଁ ଶ୍ରମିକ ସଙ୍ଗଠନ ରାସ୍ତାକୁ ଆସିନଥିଲା । ଜନଜୀବନ ସମ୍ପୃର୍ଣ୍ଣ ସ୍ୱାଭାବିକ ଥିଲା । ସମସ୍ତ ଜିଲ୍ଲାରେ ଗାଡି ଚଳାଚଳ ସମ୍ପୃର୍ଣ୍ଣ ସ୍ୱାଭାବିକ ଥିଲା । ଦୋକାନ ବଜାର ପୁରା ପୁରି ଖୋଲା ଥିଲା । କେବଳ ସ୍କୁଲ କଲେଜକୁ ବନ୍ଦ କରି ରାଜ୍ୟ ସରକାର ଏହି ବନ୍ଦକୁ ସରକାରୀ ସ୍ତରରେ ସମର୍ଥନ କରିଥିଲେ ବୋଲି ରାଜ୍ୟ ବିଜେପି ମୁଖପାତ୍ର ଶ୍ରୀ ଆଚାର୍ଯ୍ୟ ଅଭିଯୋଗ କରିଛନ୍ତି । 

        </description>
      </item>
      <item>
        <title>
           ଇଲେକସନ ପାଇଁ ପାଣ୍ଠି ସଂଗ୍ରହରେ ମାତିଲା ବିଜେଡି ! ମିଲର ଓ ବିଜେଡି ମଧ୍ୟରେ ମଧୁଚନ୍ଦ୍ରିକା, ହତାଶ ହେଲେ ରାଜ୍ୟର ଚାଷୀ
        </title>
        <link>
           http://khabarodisha.com/News-Analysis/farmer-issue--Biju-janata-dal-General--Election-46244
        </link>
        <guid>
           http://khabarodisha.com/News-Analysis/farmer-issue--Biju-janata-dal-General--Election-46244
        </guid>
        <pubDate>
           Wed, 09 Jan 2019 12:46:54 GMT
        </pubDate>
        <description>

ଆଗକୁ ନିର୍ବାଚନ  । ପାଣ୍ଠି ସଂଗ୍ରହରେ ମାତିଲେ ବିଜେଡି ନେତା  । ମିଲର ମାନଙ୍କ ସହ ମଧୁଚନ୍ଦ୍ରିକା କରି ମଧ୍ୟସ୍ଥି ମାଧ୍ୟମରେ ଚାଷୀଙ୍କୁ ଲୁଟ କଲା ରାଜ୍ୟ ଶାସନ କ୍ଷମତା ଥିବା ବିଜୁ ଜନତା ଦଳ  । ଏପରି ସାଙ୍ଗାତିକ ଅଭିଯୋଗ ଆଣି ସରକାରଙ୍କୁ ଘେରିଛି ବିରୋଧୀ ବିଜେପି  । ଏପରିକି ରାଜ୍ୟ ଶାସନ କ୍ଷମତାରେ ରହିଥିବା ବିଜେଡି ସରକାର ଚାଷୀଙ୍କୁ ଧୋକ୍କା ଦେଇଛି ବୋଲି ଦଳ ସିଧାସଳଖ ଅଭିଯୋଗ କରିଛି । 

କେନ୍ଦ୍ର ସରକାର ଧାନର କୁଇଣ୍ଚାଲ ପ୍ରତି ମୂଲ୍ୟ ୧୭୫୦ ଟଙ୍କା ସ୍ଥିର କରିଥିବା ବେଳେ ରାଜ୍ୟରେ ଚାଷୀମାନେ ୧୦୦୦ ଟଙ୍କାରେ ଧାନ ବିକୁଛନ୍ତି  । ରାଜ୍ୟରେ ଅଧିକାଂଶ ସ୍ଥାନରେ ମଣ୍ଡି ଖୋଲିନାହିଁ  । ମିଲର ମାନଙ୍କୁ ସୁଆଇବା ଭଳି କାମ ରାଜ୍ୟ ସରକାର କରୁଛନ୍ତି ବୋଲି ବିଜେପି ସିଧାସଳଖ ଅଭିଯୋଗ କରିଛି  । ରାଜ୍ୟରେ ମଣ୍ଡି ଖୋଲିବା, କେନ୍ଦ୍ର ସରକାର ଧାର୍ଯ୍ୟ କରିଥିବା ଧାନର ସର୍ବନିମ୍ନ ସହାୟକ ମୂଲ୍ୟ ୧୭୫୦ ଟଙ୍କାରେ ଧାନ କିଣିବା, ସୁଧ ମୁକ୍ତ ଋଣ ଚାଷୀମାନଙ୍କୁ ଯୋଗାଇଦେବା, ରୃଷି ଋଣ ଛାଡ କରିବା, ଜମିକୁ ଜଳସେଚନ ଯୋଗାଇଦେବା କୁ ବିଜେପି କିଷାନ ମୋର୍ଚ୍ଚା ଦାବି କରିଛି  ।

କୃଷକ ମୋର୍ଚ୍ଚା କହିଛି ଯେ, ରାଜ୍ୟର ୩୦ଟି ଜିଲ୍ଲାରେ ଚାଷୀ ମାନଙ୍କର ମୁଖ୍ୟ ଅମଳ ଧାନ ଓ ଏଥିରୁ ରୋଜଗାର ହିଁ ବର୍ଷ ଯାକର କୃଷକ ପରିବାରର ମୂଳ ସମ୍ବଳ । ମାତ୍ର ଚାଷୀ ଧାନ ଅମଳ କରି ବିକିବାକୁ ବସିଥିବା ବେଳେ କେଉଁଠି ମଣ୍ଡି ନାହିଁ ତ କେଉଁଠି ମଣ୍ଡିରେ ବ୍ୟାପକ ଅବ୍ୟବସ୍ଥା । ଚାଷୀ ଶାସକ ଦଳ ଓ ଅସାଧୁ ବ୍ୟବସାୟୀଙ୍କ ମଧୁଚନ୍ଦ୍ରିକାର ଶିକାର ହୋଇ ନିଜ ହକ୍ ପାଇବାର ବଂଚିତ ହୋଇଛି ।

କେନ୍ଦ୍ର ସରକାର ଧାନର ଉତ୍ପାଦନ ମୂଲ୍ୟରୁ ଦେଢଗୁଣ ମୂଲ୍ୟ କରି ସର୍ବନିମ୍ନ ସହାୟକ ମୂଲ୍ୟ ୧୭୫୦ ଟଙ୍କା ହିସାବରେ ମୋଦି ସରକାର ଯୋଗାଇ ଦେଉଛନ୍ତି । ଓଡ଼ିଶାରେ ସରକାର ଓ ଅସାଧୁ ବ୍ୟବସାୟିଙ୍କ ମଧୁଚନ୍ଦ୍ରିକାରେ ଚାଷୀମାନେ ୧୦୦୦/୧୨୦୦ ଟଙ୍କାରେ ନିଜର କଷ୍ଟ ଅର୍ଜିତ ଧାନକୁ ବିକ୍ରି କରିବାକୁ ବାଧ୍ୟ ହେଉଛନ୍ତି । ୪-୫ କିଲୋରୁ ଅଧିକ ଧାନ ନକାଟିଲେ ଧାନ କିଣା ଯାଉନାହିଁ । ସର୍ବନିମ୍ନ ସହାୟକ ମୂଲ୍ୟ ଉପରେ ୧୦୦ ଟଙ୍କା ବୋନସ୍ ଦେବା ପାଇଁ ମୁଖ୍ୟମନ୍ତ୍ରୀ ବରଗଡ଼ ଜିଲ୍ଲାର ସୋହଲା ଜନସଭାରେ ଘୋଷଣା କରିଥିଲେ । ହେଲେ ଏବେ ସୁଦ୍ଧା ଏହି ବୋନସ ରାଜ୍ୟସରକାର ଦେଇ ନାହାଁନ୍ତି ? ମୁଖ୍ୟମନ୍ତ୍ରୀଙ୍କ ଜିଲ୍ଲା ଗଞ୍ଜାମରେ  ସବୁଠାରୁ ଅଧିକ ଧାନ ଦଲାଲମାନଙ୍କ ଦ୍ୱାରା  କମ୍ ଦରରେ ଧାନ  କିଣା ଯାଇ ଆନ୍ଧ୍ର ଏବଂ ଛତିଶଗଡରେ ଏହାକୁ  ଅଧିକ ଦରରେ ବିକ୍ରି କରାଯାଉଛି ।

ଏପରି ପରିସ୍ଥିତିରେ ରାଜ୍ୟ କୃଷକଙ୍କ ସ୍ୱାର୍ଥ ଦୃଷ୍ଟିରୁ କୃଷି ଋଣ ଛାଡ, ବ୍ୟାପକ ସଂଖ୍ୟାରେ ମଣ୍ଡି ଖୋଲାଯିବା, ଧାନ ମଣ୍ଡିରେ ପ୍ରତି କ୍ୱିଂଟାଲ ପିଛା ୧୭୫୦ ଟଙ୍କା ପ୍ରଦାନ, ପ୍ରତି କ୍ୱିଂଟାଲ ପିଛା ୧୦୦ ଟଙ୍କାର ବୋନସ ଦିଆଯିବା ଦରକାର ବୋଲି ଦଳ ପକ୍ଷରୁ ଦାବି କରାଯାଇଛି  ।

        </description>
      </item>
      <item>
        <title>
           ବିଜେଡିର ଚାଷୀ ସମାବେଶକୁ ବିଭିନ୍ନ ମହଲରେ ସମାଲୋଚନା, ବିଜେଡିରେ ଚାଷୀ ନାହାନ୍ତି, ଲକ୍ଷଲକ୍ଷ ଟଙ୍କାରେ ଦଳୀୟ ନେତାଙ୍କ ପିକିନିକ୍ !
        </title>
        <link>
           http://khabarodisha.com/News-Analysis/BJD-Farmer-Protest-comment-by-Congress-and-Oppositionparty-46242
        </link>
        <guid>
           http://khabarodisha.com/News-Analysis/BJD-Farmer-Protest-comment-by-Congress-and-Oppositionparty-46242
        </guid>
        <pubDate>
           Wed, 09 Jan 2019 12:15:28 GMT
        </pubDate>
        <description>

ବିଜେଡିର ଦିଲ୍ଲୀ ଚାଷୀ ସମାବେଶକୁ ନେଇ ବିଜେଡିକୁ ବିଭିନ୍ନ ମହଲରେ ସମାଲୋଚନା  । ଦଳରେ ନେତା ଓ ନେତ୍ରୀ ମାନେ ଯେପରି ଢଙ୍ଗରେ ଫଟୋ ଛାଡିଲେ ଏହା ପିକିନିକ୍ ଠାରୁ ବଳିଗଲା ବୋଲି ଏବେ ବିରୋଧୀ ମାନେ ଅଭିଯୋଗ କରିଛନ୍ତି  । ତେବେ ଏପରି ସ୍ଥିତିରେ ବିଜେଡି ନିଜର ନେତାମାନଙ୍କୁ ଚାଷୀ ନେତା କହୁଥିବା ବେଳେ ବିଜେଡିରେ କେହି ଚାଷୀ ନେତା କି କର୍ମୀ ନାହାନ୍ତି ବୋଲି କହି ଚର୍ଚ୍ଚାକୁ ଆସିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ  ।

ଗୋଟିଏ ପଟେ ବିଜେଡି ଚାଷୀନେତା ମାନଙ୍କ ଦଳ ବୋଲି ଦଳ ହୃଢୋକ୍ତି ମାରୁଛି  । ଏପରିକି ଚାଷୀ ନେତା ଭାବେ ନବନିର୍ମାଣ କୃଷକ ସଙ୍ଗଠନର ନେତୃତ୍ୱ ନେଉଥିବା ନିରଞ୍ଜନ ପଟ୍ଟନାୟକ ଏବେ ବିଜେଡି ଦଳରେ  । ପ୍ରାଇସ , ପେଷ୍ଟିଜ ଓ ପେନସନର ଲଢେଇ କରୁଥିବା ଚାଷୀ ନେତା ଏବେ ରାଜ୍ୟସଭାରେ ସାଂସଦ  । ସେହିପରି ଦଳର ଅନ୍ୟ ନେତାଙ୍କୁ ବିଜେଡି ଚାଷୀ ନେତା କହୁଥିବା ବେଳେ ଏହାକୁ ସହଜରେ ଗ୍ରହଣ କରିନାହାନ୍ତି ବରିଷ୍ଠ କଂଗ୍ରେସ ନେତା ତଥା ପିସିସି ସଭାପତି ନିରଞ୍ଜନ ପଟ୍ଟନାୟକ  । ସେ କହିଛନ୍ତି ବିଜେଡି ଦଳରେ କେହି ଚାଷୀ ନେତା କି କର୍ମୀ ନାହାନ୍ତି  । ଦିଲ୍ଲୀ ଯାଇଥିବା ନେତାମାନେ ୫୨ ଲକ୍ଷ ଖର୍ଚ୍ଚ କରି କେବଳ ପିକିନିକ୍ କରିବାକୁ ଯାଇଥିଲେ  । 

ଗୋଟିଏ ପଟେ ଚାଷୀମାନଙ୍କ ସମର୍ଥନ ପାଇବା ପାଇଁ ବିଜେଡି ସୁପ୍ରିମୋ , ଦିଲ୍ଲୀ ଯାଇ ସମାବେଶ କରିଥିବା ବେଳେ ଏହାର ପ୍ରଭାବ ପଡିନାହିଁ  । ବରଂ ନିଜ ଦଳର ନେତାମାନେ ଦଳକୁ ଅଡୁଆରେ ପକାଇ ଦେବାସହ ସୋସିଆଲ ମିଡିଆରେ ଫଟୋ ଛାଡି ଦଳର ଗୁମରକୁ ଖୋଲିଦେଲେ ବୋଲି ଏବେ ରାଜନୈତିକ ପର୍ଯ୍ୟବେକ୍ଷକ ମାନଙ୍କ ମହଲରେ ଆଲୋଚନା ହେଉଛି  ।

        </description>
      </item>
      <item>
        <title>
           ବିଜେଡିର ଚାଷୀ ଆନ୍ଦୋଳନ, ରାଷ୍ଟ୍ରପତିଙ୍କୁ ଭେଟିଲା ୧୨ ଜଣିଆ ପ୍ରତିନିଧି ଦଳ, ଚାଷୀନେତା ସୌମ୍ୟରଞ୍ଜନଙ୍କୁ ଅଣଦେଖା କଲେ ନବୀନ !
        </title>
        <link>
           http://khabarodisha.com/News-Analysis/BJD-Farmer-Protest-Row-46213
        </link>
        <guid>
           http://khabarodisha.com/News-Analysis/BJD-Farmer-Protest-Row-46213
        </guid>
        <pubDate>
           Tue, 08 Jan 2019 22:41:27 GMT
        </pubDate>
        <description>

ଚାଷୀନେତା ସୌମ୍ୟରଞ୍ଜନ ପଟ୍ଟନାୟକଙ୍କୁ ବିଜେଡିରେ ଅଣଦେଖା  । ଏଭଳି ଚର୍ଚ୍ଚା ଏବେ ଦିଲୀ ଦରବାରରେ ଦେଖିବାକୁ ମିଳିଛି  । ପ୍ରାଇସ୍ , ପେଷ୍ଟିଜ୍ ଓ ପେନସନ କଥା କହି ବିଜେଡିକୁ ଅଡୁଆରେ ପକାଇ ରାଜ୍ୟସଭା ପଦବୀ ହାତେଇଥିବା ସୌମ୍ୟରଞ୍ଜନ କିନ୍ତୁ ଆଜି ନବୀନଙ୍କ ୧୨ ଜଣିଆ ଟିମ୍ ରେ ସ୍ଥାନ ପାଇନଥିଲେ  । ବିଜେଡି ତରଫରୁ ଦଳର ସଭାପତି ନବୀନ ପଟ୍ଟନାୟକଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ରାଷ୍ଟ୍ରପତିଙ୍କୁ ଭେଟି ସ୍ମାରକପତ୍ର ପ୍ରଦାନ କରିଥିଲେ  । 

ନବୀନଙ୍କ ସହ ରହିଥିବା ନେତାମାନଙ୍କ ମଧ୍ୟରେ ଥିଲେ  ପ୍ରସନ୍ନ ଆଚାର୍ଯ୍ୟ, ପ୍ରତାପ ଜେନା, ଭର୍ତ୍ତୁହରି ମହତାବ, ତଥାଗତ ଶତପଥୀ, ରବିନ୍ଦ୍ର ଜେନା, ଏନ.ଭାସ୍କର ରାଓ, ପ୍ରମିଳା ମଲ୍ଲିକ, ଦେବୀପ୍ରସାଦ ମିଶ୍ର, ସଞ୍ଜୟ ଦାସବର୍ମା, ଅରୁଣ ସାହୁ, ସିଗ୍ଧା ପଟେଲ, ରମଣୀ ରଞ୍ଜନ ପ୍ରଧାନ  । ବିଜେଡି ତରଫରୁ ଏହି ତାଲିକା ପ୍ରକାଶ ପାଇଛି  ।

ତେବେ ନିଜକୁ ଚାଷୀ ନେତା କହି ସବୁବେଳେ ଚର୍ଚ୍ଚାରେ ରହିଥିବା ସାଂସଦ ସୌମ୍ୟରଞ୍ଜନ ପଟ୍ଟନାୟକ ଆଜିର କାର୍ଯ୍ୟକ୍ରମରେ ଉପସ୍ଥିତ ଥିଲେ ମଧ୍ୟ ତାଙ୍କୁ ରାଷ୍ଟ୍ରପତିଙ୍କ ସାକ୍ଷାତ ପାଇଁ ଯାଇଥିବା ପ୍ରତିନିଧି ଦଳରେ ସ୍ଥାନ ନମିଳିବାକୁ ନେଇ ଏବେ ରାଜନୈତିକ ମହଲରେ ଭିନ୍ନ ଚର୍ଚ୍ଚା ଚାଲିଛି  । ଏପରିକି ସୌମ୍ୟଙ୍କୁ ଏକପ୍ରକାର ଦଳର ମୁଖିଆ ଆଜିର କାର୍ଯ୍ୟକ୍ରମରେ ଅଣଦେଖା କରିଥିବା କଥା ସାଧାରଣରେ ଚର୍ଚ୍ଚା ହେଉଛି  ।

        </description>
      </item>
   </rss>
 </channel>