<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଏପ୍ରିଲ ୩୦ରେ ଟ୍ରମ୍ପ ଦେଉଛନ୍ତି ଇସ୍ତଫା ! ନକଲି ଖବରକାଗଜରେ ବିରୋଧୀ କଲେ ଗୁଜବ ପ୍ରଚାର
        </title>
        <link>
           http://khabarodisha.com/International/international-donald-trump-rejignation-fake-wasington-post-46751
        </link>
        <guid>
           http://khabarodisha.com/International/international-donald-trump-rejignation-fake-wasington-post-46751
        </guid>
        <pubDate>
           Thu, 17 Jan 2019 16:23:13 GMT
        </pubDate>
        <description>

ଆମେରିକା ରାଷ୍ଟ୍ରପତିଙ୍କ ବିରୋଧୀମାନେ ଗତକାଲି ଏକ ଅଜବ କାରନାମା କରିଛନ୍ତି । ବିରୋଧୀମାନେ ଟ୍ରମ୍ପ ପଦରୁ ଇସ୍ତଫା ଦେଇଥିବା ଏକ ଗୁଜବ ପ୍ରଚାର କରିଥିଲେ । ଏହାସହ ଏକ ନାମୀ ଖବରକାଗଜର ନକଲି ସଂସ୍କରଣ ବାହାର କରି ଏନେଇ ଖବର ପରିବେଷଣ କରିଛନ୍ତି । ଏପରିକି ୱାସିଂଟନ ଡିସିର ନିକଟବର୍ତୀ ଅଂଚଳରେ ଏହାକୁ ବାଂଟିଛନ୍ତି  । 

ଦ ୱାସିଂଟନ ପୋଷ୍ଟର ନକଲି ସଂସ୍କରଣର ପ୍ରଥମ ପୃଷ୍ଠାରେ ୬ କଲମର ଟ୍ରମ୍ପଙ୍କ ଇସ୍ତଫା ନେଇ ଖବର ବାହାରିଛି । ଯାହାର ଶୀର୍ଷକ ରହିଛି ଅନପ୍ରେସିଡେଂଟିଡ, ଟ୍ରମ୍ପ ହେଷ୍ଟଲୀ ଡିପାର୍ଟସ ହ୍ୱାଇଟ ହାଉସ, ଏଣ୍ଡିଂ କ୍ଲାଏସିସ୍ । ଏଥିରେ ଦାବି କରାଯାଇଛି କି, ଏପ୍ରିଲ ୩୦ ତାରିଖରେ ଟ୍ରମ୍ପ ଛାଡିବାକୁ ଯାଉଛନ୍ତି । 

ଖବର ଛପିବା ତାରିଖରେ ମେ ୧, ୨୦୧୯ ଲେଖାଯାଇଛି । ଖବରରେ ଲେଖା ଯାଇଛି କି, ଉପରାଷ୍ଟ୍ରପତି ମାଇକ ପେନ୍ସ ନିଜ ଜେଜେ ମାଙ୍କ ବାଇବେଲ ଉପରେ ହାତ ରଖି ପରବର୍ତୀ ରାଷ୍ଟ୍ରପତି ଭାବେ ଶପଥଗ୍ରହଣ କରିବେ । ହ୍ୱାଇଟହାଉସର ୧୭ତମ କୋଠରୀ ଏବଂ ପେନସାରଭାନିଆରେ ଜଣେ ମହିଳା ବୁଲିବୁଲି ଏହି ଖବରକାଗଜ ବାଂଟୁଥିବା ଦେଖାଯାଇଛି । କହିରଖୁଛୁ କି, ୱାସିଂଟନ ପୋଷ୍ଟ ଖବରକାଗଜକୁ ଅନେକ ଥର ରାଷ୍ଟ୍ରପତି ଟ୍ରମ୍ପ ମିଛ ଖବର ଦେଉଥିବା ଗଣମାଧ୍ୟମ କହିଛନ୍ତି । କିନ୍ତୁ ବୁଧାବାର ଏହି ଖବରକାଗଜର ପରିଚାଳକ ଟ୍ରମ୍ପଙ୍କ ଇସ୍ତଫା ଖବରକୁ ଖଣ୍ଡନ କରିଛନ୍ତି । ଏହାସହ ଏକ ନକଲି ସଂସ୍କରଣ ବିତରଣ କରାଯାଇଥିବା ଟ୍ୱିଟରରେ ଉଲ୍ଲେଖ କରିଛନ୍ତି । 

ନୂଆଦିଲ୍ଲୀରେ ଖୁସିର ଲହରୀ ନେଇ ଉଲ୍ଲେଖ

ନକଲି ୱାସିଂଟନ ପୋଷ୍ଟରେ କୁହାଯାଇଛି କି, ଟ୍ରମ୍ପଙ୍କ ଇସ୍ତଫା କାରଣରୁ ସାରା ବିଶ୍ୱରେ ଆନନ୍ଦ ଖେଳିଯାଇଛି । ନୂଆଦିଲ୍ଲୀରେ ବିଶେଷ ଭାବେ ଉତ୍ସବ ପାଳନ କରାଯାଉଛି । ସୂଚନାଯୋଗ୍ୟ କି, ଗତ କିଛି ଦିନ ହେବ ଟ୍ରମ୍ପ ସରକାର ଆଫଗାନିସ୍ଥାନରେ ଭାରତ ପକ୍ଷରୁ ହେଉଥିବା କାର୍ଯ୍ୟର ମଜାକ ଉଡାଇଥିଲେ ।  ନକଲି ଖବରକାଗଜରେ ଦୁଇ ପ୍ରବାସୀ ଭାରତୀୟ ସାମ୍ବାଦିକ ହରିତା ଜାଡେଜା ଏବଂ ସୁଜନ ପଟେଲଙ୍କ ନାମ ରହିଛି । 

        </description>
      </item>
      <item>
        <title>
           ଚେତାଇଲା ଆମେରିକା, ଚୀନର ଓବିଓଆରରେ ବିପଦରେ ଅନେକ ଦେଶର ସାର୍ବଭୌମ
        </title>
        <link>
           http://khabarodisha.com/International/International--USA-Odisha-China-OBOR-diminishes-Sovereignty-Of-Countries-Says-Pentagon-46692
        </link>
        <guid>
           http://khabarodisha.com/International/International--USA-Odisha-China-OBOR-diminishes-Sovereignty-Of-Countries-Says-Pentagon-46692
        </guid>
        <pubDate>
           Wed, 16 Jan 2019 20:25:26 GMT
        </pubDate>
        <description>

 ଚୀନର ଓ୍ଵାନ ବେଲ୍ଟ ଓ୍ଵାନ ରୋଡ୍ ପ୍ରୋଜେକ୍ଟରେ ବିପୁଳ ମାତ୍ରାରେ ନିବେଶ କରି ଅନ୍ୟ ଦେଶ ମାଟିରେ ନିଜର ସୈନ୍ୟ କ୍ଷମତା  ବଢାଇବାକୁ ଚେଷ୍ଟା ଚଳାଇଛି। ଚୀନର ଏହି ମହତ୍ଵାକାଂକ୍ଷୀ କରିଡର ଯେଉଁ ଦେଶ ଦେଇ ଗତି କରିବ  ସେହି ଦେଶ ଉପରେ  ନକରାତ୍ମକ ଆର୍ଥିକ ପ୍ରଭାବ ପଡ଼ିବ ଏବଂ ଉକ୍ତ ଦେଶର ସାର୍ବଭୌମ ମଧ୍ୟ ବିପଦରେ ପଡ଼ିବ। କାରଣ ଏହି ପ୍ରୋଜେକ୍ଟ ଜରିଆରେ ଚୀନ ଅନ୍ୟ ଦେଶକୁ ଅର୍ଥ ଦେଇ ଋଣ ଜାଲରେ ଫସାଇବାକୁ ଚେଷ୍ଟା ଚଳାଇଛି। ଏହାକୁ ନେଇ ଦେଶଗୁଡିକୁ ସତର୍କ କରାଇଛି  ଆମେରିକା ପ୍ରତିରକ୍ଷା  ମନ୍ତ୍ରଣାଳୟ।

ଚୀନ ନିଜର ଏହି ଡ୍ରିମ ପ୍ରୋଜେକ୍ଟ ଜରିଆରେ ଅନ୍ୟ ଦେଶଗୁଡିକରେ ନିଜର ସ୍ଥିତି ଜାହିର କରିବାକୁ ଚେଷ୍ଟା କରୁଛି। ଚୀନର ଏହି ବିସ୍ତାରବାଦୀ ନୀତିକୁ ନେଇ ଚିନ୍ତା ପ୍ରକଟ କରିଛି ଆମେରିକା। ଏଥିରେ ଅନ୍ୟ ଦେଶର ସାର୍ବଭୌମ ମଧ୍ୟ ବିପଦରେ ପଡ଼ିବ। ତେଣୁ ଆମେରିକା ଓ ଏହାର ସହଯୋଗୀ ଦେଶର ରକ୍ଷା ନୀତିକୁ ନେଇ ଏହା ଏବେ ଚିନ୍ତାଜନକ ବିଷୟ ପାଲଟିଛି।  ବିଶ୍ଵରେ ବଢୁଥିବା ଚୀନର ପ୍ରାର୍ଦୁଭାବ ଆମେରିକା ଉପରେ ପ୍ରଭାବ ଶୀର୍ଷକକୁ ନେଇ ଗତ ୨୪ ଘଣ୍ଟାରେ  ପେଣ୍ଟାଗନର ଏହା ଦ୍ଵିତୀୟ ରିପୋର୍ଟ।

ରିପୋର୍ଟରେ କୁହାଯାଇଛି ଯେ  ଓ୍ଵାନ ବେଲ୍ଟ ଓ୍ଵାନ ରୋଡ ଆଧାରରେ କିଛି ନିବେଶ ହେବ ଏବଂ ଏଥିରେ  ଚୀନର ସୈନ୍ୟ ଶକ୍ତି ବୃଦ୍ଧିରେ ସହାୟକ ହେବ। ଏହା ସହିତ ଚୀନ ବିଦେଶୀ  ବନ୍ଦର ଉପରେ ମଧ୍ୟ ନଜର ପକାଇଛି। ଭାରତ ମହାସାଗର, ଭୂମଧ୍ୟ ସାଗର ଓ ପ୍ରଶାନ୍ତ ମହାସାଗରରେ ନିଜର ନୌସେନା କ୍ଷମତା  ବଢାଇବାକୁ ଚୀନ ଚେଷ୍ଟା ଚଳାଇଛି। 

ପେଣ୍ଟାଗନ ନିଜର ରିପୋର୍ଟରେ  ଏମିତି ୧୭ ମାମଲା ଉଲ୍ଲେଖ କରିଛି, ଯେଉଁଥିରେ  କୁହାଯାଇଛି ଯେ  କେମିତି ଚୀନ ନିବେଶ କରି ଅନ୍ୟ ଦେଶକୁ ନିଜ କବଳରେ ଟାଣିବାକୁ ଚେଷ୍ଟା କରୁଛି। ଏହା ସହିତ ଯେଉଁ ଦେଶ ଚୀନର ଏହି ପ୍ରକଳ୍ପରେ ଭାଗିଦାରୀ ହେଉଛନ୍ତି ସେହି ଦେଶର ଅର୍ଥନୀତି ଉପରେ ଏହାର ପ୍ରତିକୂଳ ପ୍ରଭାବ ମଧ୍ୟ ପଡ଼ୁଛି। ଏହା ସହିତ ଚୀନ  ଅନ୍ୟ ଦେଶର ନିଷ୍ପତ୍ତିରେ ଭିଟୋ  ପାଓ୍ଵାର ହାସଲ କରିବାକୁ ଚାହୁଁଛି। ଏହି ସ୍ଥିତି ଆମେରିକାର କିଛି ସହଯୋଗୀ ଦେଶ ସହିତ ମଧ୍ୟ ରହିଛି। ଯାହା ୟୁଏସ ପାଇଁ ମଧ୍ୟ ଚିନ୍ତାର ବିଷୟ ପାଲଟିଛି। 

        </description>
      </item>
      <item>
        <title>
           ଇଂଲଣ୍ଡର ସଂସଦରେ ଖାରଜ ହେଲା ବ୍ରେଗଜିଟ ଡିଲ, ପଦ ହରାଇ ପାରନ୍ତି ପ୍ରଧାନମନ୍ତ୍ରୀ ଥେରେସା ମେ
        </title>
        <link>
           http://khabarodisha.com/International/politics-odisha-British-Pm-Faces-Defeat-In-Historic-Brexit-Deal-Vote-46686
        </link>
        <guid>
           http://khabarodisha.com/International/politics-odisha-British-Pm-Faces-Defeat-In-Historic-Brexit-Deal-Vote-46686
        </guid>
        <pubDate>
           Wed, 16 Jan 2019 18:22:16 GMT
        </pubDate>
        <description>

ୟୁରୋପୀୟ ସଂଘରେ ବିଟ୍ରେନ ରହିବ କି ନାହଁ ସେ ନେଇ ବ୍ରିଟେନର ସଂସଦରେ ଭୋଟିଂ ହୋଇଥିଲା । ଏହି ମତଦାନରେ ଇଂଲଣ୍ଡର ପ୍ରଧାନମନ୍ତ୍ରୀ ଥେରେସା ମେଙ୍କ ପରାସ୍ତ ହୋଇଛି । ବ୍ରେଗଜିଟ ପାଇଁ ହୋଇଥିବା ଏହି ନିର୍ବାଚନରେ ସପକ୍ଷରେ ୨୦୨ଟି ଭୋଟ ମିଳିଥିବା ବେଳେ ଏହାର ବିରୋଧରେ ୪୩୨ଟି ଭୋଟ ମିଳିଛି । ଏହି ପରିଣାମ ଆସିବାପରେ ଏବେ ୟୁରୋପୀୟ ସଂଘରୁ ବ୍ରିଟେନ ଅଲଗା ହେବା  ଯୋଜନା ମୁଉଳିବା ପରି ଦୃଶ୍ୟ ହେଉଛି । ବ୍ରିଟେନ ପ୍ରଧାନମନ୍ତ୍ରୀ ଥେରେସା ମେଙ୍କୁ ଇସ୍ତଫା ମଧ୍ୟ ଦେବାକୁ ପଡିପାରେ  । 

ସୂଚନଯୋଗ୍ୟ ଯେ ବ୍ରେଗଜିଟରୁ ବାହରିବା ପାଇଁ ଆସନ୍ତା ମାର୍ଚ୍ଚ ୨୯ ତାରିଖ ନିର୍ଦ୍ଦାରିକ କରାଯାଇଛି । ଏଥିରେ ଏବେ ଆଉ ୨ ମାସର ସମୟ ରହିଛି । ଏବେ ଏହା ବ୍ରିଟିଶ ସଂସଦରେ ପାରିତ ନହେବା ସ୍ଥିତିରେ ରହିଥିବା ବେଳେ ୟୁରୋପୀୟ ସଂଘରୁ ଛାଡିବା ଯୋଜନାରେ ବାଧା ସୃଷ୍ଟି ହୋଇପାରେ ଏହାଛଡା ଏଥି ପାଇଁ ଅଧିକ ସମୟ ମଗାଯାଇପାରେ । ପ୍ରଧାନମନ୍ତ୍ରୀ ଥେରେସା ମେଙ୍କୁ ଏହି ଭୋଟିଂରେ ହାରିବାର ଭୟ ଥିବାରୁ ଗୋଟିଏ ଥର ନିର୍ବାଚନ ବାତିଲ ମଧ୍ୟ କରି ଦେଇଥିଲେ । ସେ ଲଗାତାର ଭାବେ ସାଂସଦ ମାନଙ୍କୁ ନିଜ ସପକ୍ଷରେ ଭୋଟିଂ କରିବାକୁ ନିବେଦନ କରୁଥିଲେ । 

ସୂଚନାଯୋଗ୍ୟ ଯେ ଗତ ୧୮ ମାସ ହେଲା ଏହି ପ୍ରସଙ୍ଗରେ କଥାବାର୍ତ୍ତା ଚାଲିବା ପରେ ନଭେମ୍ବରରେ ୟୁରୋପୀୟ ସଂଘ ସହ ବ୍ରେଗଜିଟ ପାଇଁ ସହମତି ହୋଇଥିଲା । ଏହା ପରେ ଡିସେମ୍ବରରେ ତଳ ସଦନରେ ଭୋଟିଂ ହୋଇଥାନ୍ତା, କିନ୍ତୁ ହାରିବା ଭୟରେ ଏହାକୁ ବାତିଲ କରାଯଇଥିଲା । 

ପ୍ରଧାନମନ୍ତ୍ରୀ ଥେରେସା ମେ ପ୍ରସ୍ତାବ ଖାରଜ ହେବା ପରେ ମଧ୍ୟ ଯଦି ମାର୍ଚ୍ଚ ୨୯ ତାରିଖରେ ୟୁରୋପୀୟ ସଂଘରୁ ଅଲଗା ହୁଅନ୍ତି ତେବେ ଏହା ଦୁନିଆର ପଞ୍ଚମ ସବୁଠାରୁ ବଡ ଅର୍ଥବ୍ୟବସ୍ଥାକୁ ବହୁତ କ୍ଷତି ସହିବାକୁ ପଡିବ ଏବଂ ଏହା ପାଇଁ ବିଶ୍ୱ ଅର୍ଥନୀତିରେ ମଧ୍ୟ ଦୁର୍ବଳ ହେବାର ସମ୍ଭାବନା ରହିଛି ।  

        </description>
      </item>
      <item>
        <title>
           କେନିଆରେ ଆତଙ୍କବାଦୀ ଆକ୍ରମଣ, ୧୫ମୃତ
        </title>
        <link>
           http://khabarodisha.com/International/Five-people-dead-in-Kenya-terror-attack-many-hurt-46641
        </link>
        <guid>
           http://khabarodisha.com/International/Five-people-dead-in-Kenya-terror-attack-many-hurt-46641
        </guid>
        <pubDate>
           Wed, 16 Jan 2019 11:16:43 GMT
        </pubDate>
        <description>

ନାଇରୋବୀ, ଜାନୁଆରୀ ୧୬ (ଖବର ଓଡ଼ିଶା): କେନିଆର ରାଜଧାନୀ ନାଇରୋବୀସ୍ଥିତ ଏକ ହୋଟେଲ ଏବଂ ଏକ କାର୍ଯ୍ୟାଳୟ ପରିସରକୁ ଲକ୍ଷ୍ୟ କରି ଆତଙ୍କବାଦୀମାନେ ଆକ୍ରମଣ କରିଛନ୍ତି । ବିସ୍ଫୋରଣ ଏବଂ ଗୁଳିବର୍ଷାରେ ଅତି କମରେ ୧୫ ଜଣଙ୍କ ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଥିବା ଜାତୀୟ ଗଣମାଧ୍ୟମର ରିପୋର୍ଟରୁ ଜଣାପଡ଼ିଛି । ମୃତକଙ୍କ ସଂଖ୍ୟା ବଢ଼ିପାରେ ବୋଲି ସ୍ଥାନୀୟ ପୋଲିସ ଗଣମାଧ୍ୟମକୁ ସୂଚନା ଦେଇଛି । 

ଆତଙ୍କବାଦୀ ଆକ୍ରମଣ ଘଟଣା ପରେ ସ୍ଥାନୀୟ ଅଂଚଳରେ ଭୟର ବାତାବରଣ ସୃଷ୍ଟି ହୋଇଛି । ଜଣେ ପ୍ରତକ୍ଷ୍ୟଦର୍ଶୀଙ୍କ କହିବା ଅନୁସାରେ ହୋଟେଲର ପ୍ରବେଶ ଦ୍ୱାରରୁ ମୃତଦେହ ଗୁଡ଼ିକୁ ଦେଖିଛନ୍ତି । ଏହି ଆତଙ୍କବାଦୀ ଘଟଣା ପାଇଁ ସେମାଲିଆର ଇସଲାମୀ ଚରମପଂଥୀ ସଂଗଠନ ଅଲ-ଶବାବ ନିଜକୁ ଦାୟୀ କରିଛି । ଏହି ସଂଗଠନ ୨୦୧୩ରେ ୱେଷ୍ଟଗେଟ ଠାରେ ଆକ୍ରମଣ କରିଥିଲା । ସେହି ସମୟରେ ୬୭ ଲୋକଙ୍କ ମୃତ୍ୟୁ ହୋଇଥିଲା । ଚାଲର୍ସ ନଜେଙ୍ଗା ନାଁରେ ଜଣେ ବ୍ୟକ୍ତି କହିଛନ୍ତି, ମୁଁ ଯାହା ଦେଖିଛି, ବହୁତ ଭୟଙ୍କର ଥିଲା । ପରିସରରେ ପ୍ରଥମ ଥର ଗୁଳିକାଣ୍ଡ ଶବ୍ଦ ଶୁଣିଥିଲି । ଏହାର ୨ ଘଣ୍ଟା ପରେ ପୁଣି ଗୁଳି ବର୍ଷା ଜାରି ରହିଥିଲା । 

ନାଇରୋବୀର ୱେଷ୍ଟଲାଣ୍ଡ ଅଂଚଳରେ ଥିବା ପରିସରରେ ଏକ ଡୁସିଟ ଡି୨ ନାଁରେ ଥିବା ହେଟେଲ, ବାର, ରେସ୍ତୋରା, ବ୍ୟାଙ୍କ ତଥା ଅନ୍ୟ କାର୍ଯ୍ୟାଳୟ ଗୁଡ଼ିକ ରହିଛି । ଏହି ଅଂଚଳରେ ବହୁ ସଂଖ୍ୟାରେ ଆମେରିକୀୟ, ଉଇରୋପୀୟ ଏବଂ ଭାରତୀୟ ପ୍ରବାସୀ ବସବାସ କରିଥାନ୍ତି । ଆକ୍ରମଣକାରୀଙ୍କ ସଂଖ୍ୟା ଜଣାପଡ଼ି ନାହିଁ । କେନିଆ ପୋଲିସ କହିଛି ଏହି ଆକ୍ରମଣ ସଦିଗ୍ଧ ଆତଙ୍କବାଦୀଙ୍କ ଦ୍ୱାରା କରାଯାଇଛି । 

 

        </description>
      </item>
      <item>
        <title>
           ଦରମା ନମିଳିବାରୁ ଚାଲିଗଲା ହ୍ଵାଇଟ୍ ହାଉସର ସେଫ୍, ବାହାରୁ ଖାଦ୍ୟ ମଗାଉଛନ୍ତି ଟ୍ରମ୍ପ
        </title>
        <link>
           http://khabarodisha.com/International/International-Odisha-President-Donald-Trumph-serves-pizza-burger-to-guests-46631
        </link>
        <guid>
           http://khabarodisha.com/International/International-Odisha-President-Donald-Trumph-serves-pizza-burger-to-guests-46631
        </guid>
        <pubDate>
           Tue, 15 Jan 2019 21:14:57 GMT
        </pubDate>
        <description>

ଆମେରିକାରେ ସବୁଠୁ ଲମ୍ବା  ସଟଡାଉନର ପ୍ରଭାବ ଏବେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସରକାରୀ ବାସଗୃହ ହ୍ଵାଇଟ୍ ହାଉସ ଉପରେ ପଡ଼ିଛି। ଗତ କିଛି ମାସ ହେବ ଦରମା ନମିଳିବା ପରେ ହ୍ଵାଇଟ୍ ହାଉସର ରୋଷେୟା ଛୁଟିରେ ଚାଲି ଯାଇଛନ୍ତି। ଏଥିରେ ହ୍ଵାଇଟ୍ ହାଉସର କିଚେନ୍ ଠପ୍ ରହିଛି। ଫଳରେ ଲଞ୍ଚ କିମ୍ବା ଡିନରର ନିମନ୍ତ୍ରଣ ପାଇ ସାରିଥିବା ଅତିଥିଙ୍କ ପାଇଁ ରାଷ୍ଟ୍ରପତି ଟ୍ରମ୍ପ ଫାଷ୍ଟଫୁଡର ବ୍ୟବସ୍ଥା କରି ପିଜା ଓ ବର୍ଗର ଖୁଆଇବା ଆରମ୍ଭ କରି ଦେଇଛନ୍ତି।

ଉଲ୍ଲେଖଯୋଗ୍ୟ ଗତ କିଛି ମାସରେ ଆମେରିକା-ମେକ୍ସିକୋ ବର୍ଡରରେ କାନ୍ଥ ନିର୍ମାଣ ପାଇଁ ରାଷ୍ଟ୍ରପତି ଟ୍ରମ୍ପ ସଂସଦରେ ୫.୭  ବିଲିୟନ ଡଲାର ଅଥବା ୪୦ ହଜାର କୋଟି ଟଙ୍କା ଦାବି କରିଥିଲେ। ମାତ୍ର ରାଷ୍ଟ୍ରପତିଙ୍କ ଏହି ଦାବିକୁ ସଂସଦରେ ଡେମୋକ୍ରାଟ ସାଂସଦ ପ୍ରତ୍ୟାଖାନ କରିଛନ୍ତି ଏବଂ ଏହା ସହିତ ଆମେରିକା ସଟ୍ ଡାଉନ  ଘୋଷଣା ହୋଇ ଯାଇଛି। ବର୍ତ୍ତମାନର ସଟ୍ ଡାଉନ ଆମେରିକା ଇତିହାସରେ ସବୁଠୁ ବଡ଼ ସଟ୍ ଡାଉନରେ ପରିଣତ ହୋଇଛି। ଏହି ପରି ଆମେରିକାର ଏହି ସଟ୍ ଡାଉନ ୨୨ମ ଦିନରେ ପହଞ୍ଚି ଯାଇଛି। ଏହା ପୂର୍ବରୁ ବିଲ କ୍ଲିଣ୍ଟନଙ୍କ କାରୟୟ୍ି କାଳରେ ହୋଇଥିବା ସବୁଠୁ ଲମ୍ବା ସଟ୍ ଡାଉନ ୨୧ ଦିନ ପର୍ଯ୍ୟନ୍ତ ଚାଲିଥିଲା। 

ଇଂରାଜୀ ଖବରକାଗଜ ଟେଲିଗ୍ରାଫ ମୁତାବକ ସୋମବାର ଡୋନାଲ୍ଡ ଟ୍ରମ୍ପ ଆମେରିକା  କଲେଜ ଚମ୍ପିଆନସିପର ବିଜେତା ଦଳ କ୍ଲେମସନ ଟାଇଗର୍ସକୁ ହ୍ଵାଇଟ୍ ହାଉସକୁ ଲଞ୍ଚ ପାଇଁ ଆମନ୍ତ୍ରଣ କରିଥିଲେ। ମାତ୍ର ସେହି ଦିନ ବିନା ଦରମାରେ କାମ କରିବାକୁ ମନା କରି  ହ୍ଵାଇଟ୍ ହାଉସର କିଚେନ୍ ସେଫ୍ ଛୁଟିରେ ଚାଲି ଯାଇଥିଲେ। 

ଏହି ସ୍ଥିତିରେ ରାଷ୍ଟ୍ରପତି ଟ୍ରମ୍ପ ହ୍ଵାଇଟ୍ ହାଉସ୍ ଡାଇନିଙ୍ଗ ରୁମରେ ଅତିଥିଙ୍କ ପାଇଁ ଫାଷ୍ଟଫୁଡ୍ ଅର୍ଡର କରି ପିଜା, ବର୍ଗର ଓ ଫ୍ରେଞ୍ଚ  ଫ୍ରାଇଜର ବନ୍ଦୋବସ୍ତ କରିଥିଲେ। ଖାସ୍ କଥା ଏହା ଯେ ରାଷ୍ଟ୍ରପତି ଟ୍ରମ୍ପ ଏହି ଅର୍ଡର ନିଜ ଅର୍ଥରୁ ମଗାଇଥିଲେ ଏବଂ ଏଥିପାଇଁ କୌଣସି ବିଲ୍ ହ୍ଵାଇଟ୍ ହାଉସରେ ଯୋଡ଼ା ଯାଇନଥିଲା। 

        </description>
      </item>
      <item>
        <title>
           ଖାଦ୍ୟ ଖୁଆଇବାକୁ ଯାଇ କୁମ୍ଭୀରର ଶିକାର ହେଲେ ମହିଳା ବୈଜ୍ଞାନିକ
        </title>
        <link>
           http://khabarodisha.com/International/ajab-khabar-Odisha-female-scientist--eaten-alive-by-crocodile-indonesia-46622
        </link>
        <guid>
           http://khabarodisha.com/International/ajab-khabar-Odisha-female-scientist--eaten-alive-by-crocodile-indonesia-46622
        </guid>
        <pubDate>
           Tue, 15 Jan 2019 17:56:49 GMT
        </pubDate>
        <description>

 ଇଣ୍ଡୋନେସିଆ ଉତ୍ତର ଦିଗ ସୁଲୋବେଶୀରେ ଏକ ବିଚିତ୍ର ଖବର ସାମନାକୁ ଆସିଛି । ଏଠାକାର ଜଣେ ମହିଳା ଗୋଟିଏ ୧୭ ଫୁଟ ଲମ୍ବା ବିଶିଷ୍ଟ କୁମ୍ଭୀରକୁ ମାଂସ ଖୁଆଇବାକୁ ଯାଇଥିବା  ବେଳେ କୁମ୍ଭୀରର ଶିକାର ହୋଇଯାଇଛନ୍ତି । ଦ୍ୱିତୀୟ ଦିନରେ ତାଙ୍କ ଶରୀରର ଏକ ଭାଗ ଅଂଶ କୁମ୍ଭୀରର ମୁହଁରୁ ମିଳିଥିଲା ।

କୁମ୍ଭୀରର ଶିକାର ହୋଇଥିବା ମହିଳାଜଣକ ପେଶାରେ ଜଣେ ବୈଜ୍ଞାନିକ ଥିଲେ ଓ ସେ ଇଣ୍ଡୋନେସିଆର ରିସର୍ଚ୍ଚ ଫେସିଲିଟିରେ କାର୍ଯ୍ୟ କରୁଥିଲେ । ୪୪ ବର୍ଷୀୟ ଡ଼େଜୀ ତୁବା ଲେବରେ ଗୋଟିଏ ବଡ଼ କୁମ୍ଭୀରକୁ ଖାଦ୍ୟ ଖୁଆଇବାକୁ ଯାଇଥିଲେ। ଏହା ପରେ ତାଙ୍କର କୌଣସି ସନ୍ଧାନ ମିଳିନଥିଲା । ପର ଦିନ ସକାଳେ  ରିସର୍ଚ୍ଚ ଫେସିଲିଟିର କର୍ମଚାରୀ ଜଣେ କୁମ୍ଭୀରକୁ ଦେଖି ଆବାକ ହୋଇପଡ଼ିଥିଲେ । ମହିଳାଙ୍କ ଶରୀରର ଏକ ଭାଗ କୁମ୍ଭୀର ମୁହଁରେ ମିଳିଥିବା ବେଳେ ଶରୀରର କିଛି ଅଂଶ ପାଣିରେ ଭାସୁଥିଲା । ଏହା ପରେ ୱାଇଲ୍ଡ ଲାଇଫ ଉଦ୍ଧାରକାରୀ ଟିମ ଓ ପୋଲିସକୁ ଏହାର ଖବର ଦିଆଯାଇଥିଲା । ଉଦ୍ଧାରକାରୀ ଦଳ କୁମ୍ଭୀରକୁ ପାଣିରୁ ବାହାର କରି ମହିଳାଙ୍କ ଖଣ୍ଡ ବିଖଣ୍ଡିତ ଅଂଶକୁ ଉଦ୍ଧାର କରିଥିଲେ। ମେଡ଼ିକାଲ ଟେଷ୍ଟ ପରେ ସୁନିଶ୍ଚିତ ହୋଇଥିଲା ଯେ କୁମ୍ଭୀର ହିଁ ମହିଳା ବୈଜ୍ଞାନିକୁ ଖାଇଛି ।

କୁମ୍ଭୀରକୁ ୮ଫୁଟ ପାଚେରୀ ବିଶିଷ୍ଟ ପୁଲରେ ରଖାଯାଇଥିବା ବେଳେ ଏପରି ଘଟଣା କେମିତ ଘଟିଲା ସଭିଙ୍କୁ ଚକିତ କରୁଛି । ବର୍ତ୍ତମାନ ସୁଦ୍ଧା ଜଣାପଡ଼ିନାହିଁ ଯେ କୁମ୍ଭୀର ମହିଳାଟିକୁ ଟାଣିଛି ନା ସେ ପୁଲକୁ ଖସି ପଡିଥିଲେ। କୁହାଯାଏ ଯେ ସେହି କୁମ୍ଭୀର ଅନ୍ୟ କୁମ୍ଭୀରଙ୍କୁ ଆକ୍ରମଣ କରୁଥିଲା । ପୋଲିସ ଏହି ଘଟଣାର ତଦନ୍ତ କରୁଛି । ରେସ୍ୟୁ ସେଣ୍ଟରର ମାଲିକକୁ ଖୋଜାଯାଉଛି ଯିଏ ଜାପାନର ଜଣେ ବିଜେନେସ ମ୍ୟାନ । ସେ କିପରି କୁମ୍ଭୀରକୁ ସେଠାରେ ରଖିବାକୁ ପରାମର୍ଶ ଦେଇଥଲେ ବୋଲି ଯାଂଚ କରାଯାଉଛି ।  

        </description>
      </item>
      <item>
        <title>
           ଚୀନ ପରମାଣୁ ବୋମାକୁ ସୁରକ୍ଷିତ ରଖିବ ଭୂଗର୍ଭସ ଷ୍ଟିଲ ପାଚେରୀ
        </title>
        <link>
           http://khabarodisha.com/International/International-Odisha-nuclear-weapons-from-underground-wall-of-steel-in-china-46614
        </link>
        <guid>
           http://khabarodisha.com/International/International-Odisha-nuclear-weapons-from-underground-wall-of-steel-in-china-46614
        </guid>
        <pubDate>
           Tue, 15 Jan 2019 16:02:15 GMT
        </pubDate>
        <description>

: ଚୀନ ନିଜର ପରମାଣୁ ବୋମାକୁ କୌଣସି ପ୍ରକାର ହମଲା କିମ୍ବା  ଦୁର୍ଘଟଣାରୁ ସୁରକ୍ଷିତ ରଖିବା ପାଇଁ ପାହାଡ଼ ତଳେ ଷ୍ଟିଲର ଦ୍ୱାରା ବନାଯାଇଥିବା ଭୂଗର୍ଭସ୍ଥ ପାଚେରୀ ନିର୍ମାଣ କରିଛି । ନିକଟରେ ରାଷ୍ଟ୍ରପତି ସି ଜିନପିଙ୍ଗ ଦେଶର ଶୀର୍ଷ ପ୍ରତିରକ୍ଷା ସମ୍ମାନ ପାଇଥିବା  ଜଣେ ବୈଜ୍ଞାନିକ ଏହି ସୂଚନା ଦେଇଛନ୍ତି ।

୮୨ ବର୍ଷୀୟ କ୍ୟାନ କ୍ୟୁ କହିଛନ୍ତି ଚୀନର ଭୂଗର୍ଭସ୍ଥ ଷ୍ଟିଲ ପାଚେରୀ ଭବିଷ୍ୟତରେ ହାଇପରସୋନିକ ହତିଆରରେ ହେବାକୁ ଥିବା ଆକ୍ରମଣରୁ ଦେଶରେ ଥିବା ସାମରୀକ ଶସ୍ତ୍ରାଗାରକୁ ସୁରକ୍ଷିତ କରିପାରିବ । ଚୀନ ବିଜ୍ଞାନ ଏକାଡ଼େମୀ ଓ ଚୀନ ଯାନ୍ତ୍ରୀକ ଏକାଡ଼େମୀ ସଦସ୍ୟ କ୍ୟାନ କହିବାନୁଯାୟୀ , ଭୂଗର୍ଭସ୍ଥ ଷ୍ଟିଲ ପାଚେରୀ ପାହାଡ଼ରୁ ବହୁତ ଗଭୀରରେ ଥିବା ସୈନ୍ୟ କେନ୍ଦ୍ର ଶୃଙ୍ଗଳାର ଭାଗ ଅଟେ । ପାହାଡ଼ର ଚଟାଣ ଶତ୍ରୁଙ୍କ ଆକ୍ରମଣ ରୋକିବାକୁ ସକ୍ଷମ କିନ୍ତୁ ଏହି କେନ୍ଦ୍ରରେ ପ୍ରବେଶ ଏବଂ ପ୍ରସ୍ତାନ ମଜବୁତ ନୁହେଁ । ଏହାକୁ ସୁରକ୍ଷା ପ୍ରଦାନ କରିବା କ୍ୟାନର କାର୍ଯ୍ୟ ।

        </description>
      </item>
      <item>
        <title>
           ଇରାନରେ ବୋଇଙ୍ଗ ବିମାନ ଦୁର୍ଘଟଣାଗ୍ରସ୍ତ, ୧୫ ଜଣଙ୍କ ମୃତ୍ୟୁ
        </title>
        <link>
           http://khabarodisha.com/International/International-Odisha-flight-crash-in-iran-46562
        </link>
        <guid>
           http://khabarodisha.com/International/International-Odisha-flight-crash-in-iran-46562
        </guid>
        <pubDate>
           Mon, 14 Jan 2019 17:32:24 GMT
        </pubDate>
        <description>

 ଇରାନର ରାଜଧାନୀ ତେହେରାନ ପାଖରେ ସେନାର ଏକ ବୋଇଙ୍ଗ ବିମାନ ଦୁର୍ଘଟଣାର ସମ୍ମୁଖୀନ ହୋଇଛି । ଘଟଣାରେ ୧୫ଜଣଙ୍କ ମୃତ୍ୟୁ ଘଟିଛି । ବିମାନଟିରେ ୧୬ଜଣ ଲୋକ ଥିଲେ । ଇରାନର ବିମାନ ସଂଗଠନ ପ୍ରବକ୍ତା ରଜା ଜଫାକାଦେହ ସରକାରୀ ମୁଖପାତ୍ର କହିଛନ୍ତି ଯେ , ବିମାନ ମାଲବାହକ ବୋଇଙ୍ଗ ୭୦୭ ଥିଲା ଯାହା ଅବତରଣ କରିବା ସମୟରେ ରନଓ୍ଵେରୁ ଆଗକୁ ଚାଲି ଯାଇଥିଲା।

ସମାଚାର ଏଜେନ୍ସି ଫର୍ସ ଓ ତସ୍ନିନ ମୁତାବକ ସେନାର ଏକ ମାଲ ବାହକ ବିମାନ ବିଶେକରୁ ମାଂସ ନେଇ ପାୟମ ଅଭିମୁଖେ ଯାତ୍ରା କରୁଥିଲା। ଅଲବୋର୍କା ପ୍ରଦେଶର ଫୈଥ ବିମାନ ବନ୍ଦରରେ ଅବତରଣ ସମୟରେ ପାଇଲଟ ଭୁଲ ରନଓ୍ଵେରେ ବିମାନକୁ ନେଇ ଯାଇଥିଲେ। ଫଳରେ ବିମାନଟି ଏକ ଖାଲି ଥିବା କୋଠାରେ ଯାଇ ବାଡ଼େଇ ହୋଇଥିଲା।

ମିଡ଼ିଆ ରିପୋର୍ଟ ମୁତାବକ କାର୍ଗୋ ବିମାନ କରାଜ ସ୍ଥିତ ପାୟମ ଏୟାରପୋର୍ଟର ଯିବା ଥିଲା । ମାତ୍ର ଭୁଲବଶତଃ ବିମାନଟି ଫୈଥ ବିମାନ ବନ୍ଦରରେ ଅବତରଣ କରିଥିଲା। ବିମାନଟି ଭୁଲ୍ ରାସ୍ତାରେ ଯିବା ପଛରେ କାହାର ଭୁଲ ଥିଲା ତାର ତଦନ୍ତ କରାଯାଉଛି। 

        </description>
      </item>
      <item>
        <title>
           ଆମେରିକାର ପ୍ରଥମ ହିନ୍ଦୁ ସାଂସଦ, ମୋଦୀଙ୍କ ପ୍ରଶଂସକ...୨୦୨୦ରେ ଟ୍ରମ୍ପଙ୍କୁ ଟକ୍କର ଦେବେ ତୁଲସୀ
        </title>
        <link>
           http://khabarodisha.com/International/world-news-odisha-know-Tulsi-Gabbard-Who-Challenge-Trump-2020--President-Election-46503
        </link>
        <guid>
           http://khabarodisha.com/International/world-news-odisha-know-Tulsi-Gabbard-Who-Challenge-Trump-2020--President-Election-46503
        </guid>
        <pubDate>
           Sun, 13 Jan 2019 15:44:40 GMT
        </pubDate>
        <description>

ଆମେରିକା ସଂସଦର ପ୍ରଥମ ହିନ୍ଦୁ ସାଂସଦ ତୁଲସୀ ଗବାର୍ଡ ୨୦୨୦ରେ ହେବାକୁ ଥିବା ରାଷ୍ଟ୍ରପତି ନିର୍ବାଚନରେ ପ୍ରତିଦ୍ୱନ୍ଦିତା କରିବା ନେଇ ସୂଚନା ଦେଇଛନ୍ତି । ସାଂସଦ ଏଲିଜାବେଥ ବାରନଙ୍କ ପରେ ୩୭ ବର୍ଷିୟ ତୁଳସୀ ଦ୍ୱିତୀୟ ମହିଳା ଭାବେ ଡେମୋକ୍ରେଟିକ ଦଳରୁ ରାଷ୍ଟ୍ରପତି ପଦ ପାଇଁ ନିର୍ବାଚନ ଲଢିବେ । ଡୋନାଲ୍ଡ ଟ୍ରମ୍ପଙ୍କୁ ୨୦୨୦ରେ ଟକ୍କର ଦେବା ପାଇଁ ବର୍ତ୍ତମାନ ସୁଦ୍ଧା ୧୨ ରୁ ଅଧିକ ଜଣ ଡେମୋକ୍ରେଟିକ ଦଳର ନେତା ରାଷ୍ଟ୍ରପତି ପଦ ପାଇଁ ପ୍ରତିଦ୍ୱନ୍ଦିତା କରିବା ନେଇ ଇଚ୍ଛା ପ୍ରକାଶ କରିଛନ୍ତି । ଆମେରିକାରେ ରହୁଥିବା ଭାରତୀୟ ମାନଙ୍କ ମଧ୍ୟରେ ବେଶ ଲୋକପ୍ରିୟ ଅଛନ୍ତି ତୁଲସୀ । 

ଏଠାରେ ସୂଚନାଯୋଗ୍ୟ ଯେ ତୁଲସୀ ହିନ୍ଦୁ ଧର୍ମର କିନ୍ତୁ ସେ ଭାରତୀୟ ନୁହନ୍ତି । ତୁଲସୀ ଗବାର୍ଡଙ୍କ ଜନ୍ମ ଆମେରିକାର ସମୋଆର ଗୋଟିଏ କେଥୋଲିକ ପରିବାରରେ ହୋଇଥିଲା । ତୁଳସୀଙ୍କ ମାଆ ହିନ୍ଦୁ ଧର୍ମ ଗ୍ରହଣ କରିଥିଲେ । ତୁଲସୀ ଦୁଇ ବର୍ଷର ହେବା ପରେ ସେ ମଧ୍ୟ ହିନ୍ଦୁ ଧର୍ମ ଗ୍ରହଣ କରିଥିଲେ । ଆମେରିକା ସଂସଦରେ ଗୀତାକୁ ଧରି ଶପଥ ଗ୍ରହଣ କରିଥିଲେ ତୁଲସୀ ଯାହା ଆମେରିକା ଇତିହାସରେ ପ୍ରଥମ । 

ଆମେରିକାରେ ରହୁଥିବା ଭାରତୀଙ୍କ ମଧ୍ୟରେ ବେଶ ଲୋକପ୍ରିୟ ଅଛନ୍ତି ତୁଲସୀ । ଆମେରିକାରେ ରହୁଥିବା ୟହୁଦୀ ମାନଙ୍କ ପରେ ଭାରତୀୟ ଗୋଷ୍ଠୀ ଆମେରିକାରେ ସବୁଠୁ ପ୍ରଭାବଶାଳୀ ଏବଂ ଧନୀ । ଏଥିପାଇଁ ଆମେରିକାର ୫୦ ତମ ରାଜ୍ୟ ହୱାଇରୁ ସେ ଲଗାତାର ଭାବେ ସାଂସଦ ହୋଇଆସୁଛନ୍ତି । 

ତଲସୀ ଭରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବଡ ପ୍ରଶଂସକ । ସେ ବହୁ ସମୟରେ ମୋଦୀଙ୍କ ପ୍ରଶଂସା ମଧ୍ୟ କରିଛନ୍ତି । ସେ କହିଛନ୍ତି ଯେ ମୋଦୀ ଘଟଣାର ଭିତର ପର୍ଯ୍ୟନ୍ତ ଯିବାକୁ ଚେଷ୍ଟା କରନ୍ତି  । ମୋଦୀଙ୍କ କାମ ପ୍ରତି ଥିବା ସମର୍ପଣ ପାଇଁ ଜନତାଙ୍କ ମଧ୍ୟରେ ସବୁଠୁ ଲୋକପ୍ରିୟ ହୋଇପାରିଛନ୍ତି । ୨୦୦୨ପରେ ମୋଦୀଙ୍କୁ ଆମେରିକା ଭିସା ନଦେବାକୁ କଡା ସମାଲୋଚନା କରିଥିଲେ । ସେହପିର ଉରି ଘଟଣା ପରେ ସେ ଆମେରିକା ସଂସଦରେ ପାକିସ୍ତାନ ପ୍ରତି ଥିବା ଆମେରିକାର ନୀତିରେ ପରିବର୍ତ୍ତନ କରିବାକୁ ଦାବି କରିଥିଲେ । 

        </description>
      </item>
      <item>
        <title>
           ବିଶ୍ୱ ବ୍ୟାଙ୍କର ପରବର୍ତ୍ତୀ ଅଧ୍ୟକ୍ଷ ହୋଇପାରନ୍ତି ଡୋନାଲ୍ଡ ଟ୍ରମ୍ପଙ୍କ ଝିଅ ଇଭାଙ୍କା
        </title>
        <link>
           http://khabarodisha.com/International/business-news-odisha-Ivanka-Trump-Could-Be-The-Next-Head-Of-The-World--Bank-46465
        </link>
        <guid>
           http://khabarodisha.com/International/business-news-odisha-Ivanka-Trump-Could-Be-The-Next-Head-Of-The-World--Bank-46465
        </guid>
        <pubDate>
           Sat, 12 Jan 2019 20:49:38 GMT
        </pubDate>
        <description>

ଆମୋରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଝିଅ ଇଭାଙ୍କ ଟ୍ରମ୍ପ ବିଶ୍ୱ ବ୍ୟାଙ୍କର ପରବର୍ତ୍ତୀ ଅଧ୍ୟକ୍ଷ ହୋଇପାରନ୍ତି । ଇଭାଙ୍କା ନାଁ ବିଶ୍ୱ ବ୍ୟାଙ୍କର ଅଧ୍ୟକ୍ଷ ପଦର ରେସରେ ଅଛନ୍ତି । ଇଭାଙ୍କା ବର୍ତ୍ତମାନ ଆମେରିକାର ହ୍ୱାଇଟ ହାଉସର ପରାମର୍ଶଦାତା ଭାବେ କାର୍ଯ୍ୟ କରୁଛନ୍ତି । 

ମିଳିଥିବା ରିପୋର୍ଟ ଅନୁସାରେ ଏହି ରେସରେ ଇଭାଙ୍କ ସହିତ ସଂଯୁକ୍ତ ରାଷ୍ଟ୍ରର ପୂର୍ବତନ ରାଷ୍ଟ୍ରଦୂତ ନିକ୍କୀ ହେଲୀ ମଧ୍ୟ ଏହି ରେସରେ ସାମିଲ ଅଛନ୍ତି । ଗୁରୁବର ବିଶ୍ୱବ୍ୟାଙ୍କ ବୋର୍ଡ ସୂଚନା ଦେଇଛି ଯେ ଆସନ୍ତା ମାସରେ ଆରମ୍ଭରେ ନୂଆ ଅଧ୍ୟକ୍ଷଙ୍କ ପାଇଁ ଆବେଦନ ପତ୍ର ଗ୍ରହଣ କରାଯିବ ଏବଂ ଏପ୍ରିଲ ମାସ ମଧ୍ୟ ସୁଦ୍ଧା ନୂଆ ଅଧ୍ୟକ୍ଷ ନିଯୁକ୍ତ କରାଯିବ । ବର୍ତ୍ତମାନର ଅଧ୍ୟକ୍ଷ କିମ ପ୍ରଥମଥର ପାଇଁ ଆମେରିକାର ନୋମିନ ଭାବେ ୨୦୧୨ ରେ ବିଶ୍ୱ ବ୍ୟାଙ୍କ ଅଧ୍ୟକ୍ଷ ପଦ ପାଇଁ ଲଢିଥିଲେ । ବିଶ୍ୱ ବ୍ୟାଙ୍କ ବୋର୍ଡର କହିଛି ଯେ ଏହି ଚୟନ ପ୍ରକ୍ରିୟା ମେରିଟ ଏବଂ ଟ୍ରାନ୍ସପେରଣ୍ଟ ହେବ । ଏହା ଆମେରିକାର ପକ୍ଷରୁ ପାର୍ଥୀ ହୋଇ ନଥିବା ପ୍ରତ୍ୟାୟୀଙ୍କୁ ଯେପରି ଅଣଦେଖା ନକରାଯାଏ ସେ ପ୍ରତି ଦୃଷ୍ଟି ଦେବୁ । 

ବିଶ୍ୱ ବ୍ୟାଙ୍କର ବର୍ତ୍ତମାନର ଅଧ୍ୟକ୍ଷ ଜିମ ୟାଙ୍ଗ କିମ ସୋମବାର କହିଥିଲେ ଯେ ଜାନୁଆରୀ ଶେଷରେ ଇସ୍ତଫା ଦେବେ ବୋଲି ଘୋଷଣା କରିଥିଲେ । ଜଳବାୟୁ ପରିବର୍ତ୍ତନ ନେଇ ଟ୍ରମ୍ପଙ୍କ ନୀତିରେ ଅସନ୍ତୁଷ୍ଟ ଅଛନ୍ତି । 

        </description>
      </item>
   </rss>
 </channel>