<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଭାରତରେ କର୍କଟ ନେଉଛି ଜୀବନ: ଚଳିତ ବର୍ଷ ୧୧ ଲକ୍ଷ ରୋଗୀ ଚିହ୍ନଟ, ପ୍ରାଣ ହରାଇଛନ୍ତି ୭ ଲକ୍ଷରୁ ଉର୍ଦ୍ଧ୍ୱ
        </title>
        <link>
           http://khabarodisha.com/Health/in-india-7-lakhs-people-died-in-cancer-39612
        </link>
        <guid>
           http://khabarodisha.com/Health/in-india-7-lakhs-people-died-in-cancer-39612
        </guid>
        <pubDate>
           Fri, 14 Sep 2018 12:07:38 GMT
        </pubDate>
        <description>

ସମଗ୍ର ପୃଥବୀରେ କର୍କଟ ରୋଗୀଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି । ଚଳିତ ବର୍ଷ ୧.୮ କୋଟି ଲୋକ କର୍କଟ ରୋଗରେ ଆକ୍ରାନ୍ତ ହୋଇପାରନ୍ତି ଏବଂ ସେମାନଙ୍କ ମଧ୍ୟରୁ ୯୬ ଲକ୍ଷ ଲୋକ ଏହି ଆତ୍ମଘାତୀ ରୋଗରେ ପ୍ରାଣ ହରାଇବେ ବୋଲି ସଂଯୁକ୍ତ ରାଷ୍ଟ୍ରର ରସର୍ଚ୍ଚ ରିପୋର୍ଟରେ ପ୍ରକାଶ ପାଇଛି । ତେବେ ଭାରତରେ ମଧ୍ୟ କ୍ୟାନସ୍‌ର ସ୍ଥିତି ଉଦବେଗ ରହିଛି । ଭାରତରେ ଚଳିତ ବର୍ଷ ମୋଟ ୧୧ ଲକ୍ଷ ୫୭ ହଜାର ୨୯୪ ଲୋକ କର୍କଟରେ ପୀଡ଼ିତ ହୋଇଥିବାବେଳେ ମହିଳା ୫ ଲକ୍ଷ ୮୭ ହଜାର ୨୪୯ ଓ ପୁରୁଷ ସଂଖ୍ୟା ୫ ଲକ୍ଷ ୭୦ ହଜାର ୪୫ ରହିଛନ୍ତି । ଏଥି ମଧ୍ୟରୁ ୭, ୮୪, ୮୨୧ ଜଣ ପ୍ରାଣ ହରାଇଥିବା ଇଣ୍ଟରନ୍ୟାସନାଲ ଏଜେନ୍ସି ଫର୍‌ ରିସର୍ଚ୍ଚ ଅନ୍‌ କ୍ୟାନସର୍‌ (ଆଇଏଆର୍‌ସି) ରିପୋର୍ଟରେ ପ୍ରକାଶ ପାଇଛି ।

ଆଇଏଆର୍‌ସି ରିପୋର୍ଟ ମୁତାବକ ଆଗକୁ ଆସୁଥିବା କର୍କଟ ରୋଗୀଙ୍କ ମଧ୍ୟରେ ଅଧା ଲୋକ ଏସିଆରୁ ହେବେ । ୧୮୫ଟି ଦେଶରୁ ୩୬ ପ୍ରକାର କ୍ୟାନସର୍‌ ରୋଗ ଚିହ୍ନଟ ହୋଇଛି । ଭାରତରେ ଲୋକ ସ୍ତନ କର୍କଟ, ମୁଖ କର୍କଟ, ଗର୍ଭାଶୟ ଏବଂ ଉଦର କର୍କଟରେ ପୀଡ଼ିତ ହୋଇଥାଆନ୍ତି । ୯.୮୧ ପ୍ରତିଶତ ପୁରୁଷଙ୍କୁ କର୍କଟ ହେବାର ଆଶଙ୍କାଥିବାବେଳେ ସେମାନଙ୍କୁ ମଧ୍ୟରୁ ୭.୩୪ ପ୍ରତିଶତ ମୃତ୍ୟୁ ବରଣ କରିବାର ଅଧିକ ସମ୍ଭାବନା ରହିଛି । ସେହିପରି ମହିଳାଙ୍କ କ୍ଷେତ୍ରରେ ୯.୪୨ ପ୍ରତିଶତ ଆକ୍ରାନ୍ତ ହେବାକୁ ଥିବାବେଳେ ୬.୨୮ ପ୍ରତିଶତ ପ୍ରାଣ ହରାଇ ପାରନ୍ତି । 

୧୯୯୦ ମସିହାରେ ଭାରତରେ କର୍କଟ ରୋଗୀଙ୍କ ସଂଖ୍ୟା ୫.୫ ଲକ୍ଷ ଥିବାବେଳେ ୨୦୧୬ରେ ୧୦.୬ ଲକ୍ଷରେ ପହଁଚିଥିବା ଇଣ୍ଡିଆନ୍‌ ମେଡ଼ିକାଳ ଇନ୍‌ଷ୍ଟିଚ୍ୟୁସନ୍‌ ଦ୍ୱାରା କରାଯାଇଥିବା ଗବେଷଣାରୁ ଜଣାପଡ଼ିଛି ।

        </description>
      </item>
      <item>
        <title>
           ଦୂର ହେବ ମ୍ୟାଲେରିଆ
        </title>
        <link>
           http://khabarodisha.com/Health/MOU-Sign-between-Malaria-No-More-and-malaria-Trust-38614
        </link>
        <guid>
           http://khabarodisha.com/Health/MOU-Sign-between-Malaria-No-More-and-malaria-Trust-38614
        </guid>
        <pubDate>
           Tue, 28 Aug 2018 18:10:24 GMT
        </pubDate>
        <description>

 ଏଣିକି ରାଜ୍ୟରୁ ମ୍ୟାଲେରିଆ ରୋଗ ଦୂର ହେବ। ମଙ୍ଗଳବାର ରାଜ୍ୟ ସରକାର ରାଜ୍ୟରୁ ସମ୍ପୂର୍ଣ୍ଣ ଭାବେ ମ୍ୟାଲେରିଆ ନିରାକରଣ ପାଇଁ ଦୁଇଟି ସଂସ୍ଥା ସହ ହାତ ମିଳାଇଛନ୍ତି। ଆଜି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ପ୍ରତାପ ଜେନାଙ୍କ ଉପସ୍ଥିତିରେ  ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଆମେରିକୀୟ ସଂସ୍ଥା ମ୍ୟାଲେରିଆ ନୋ ମୋର ଏବଂ ଭାରତୀୟ ସଂସ୍ଥା ମ୍ୟାଲେରିଆ ନିରାକରଣ ଟ୍ରଷ୍ଟ ମଧ୍ୟରେ ବୁଝାମଣା ପତ୍ର ସ୍ୱାକ୍ଷରିତ ହୋଇଛି । 

ଏହି ଅବସରରେ ସ୍ୱାସ୍ଥ୍ୟମନ୍ତ୍ରୀ ଶ୍ରୀ ଜେନା କହିଛନ୍ତି ଯେ ରାଜ୍ୟ ସରକାର ମ୍ୟାଲେରିଆ ନିରାକରଣ ଦିଗରେ ସୁଚିନ୍ତିତ ଫଳପ୍ରଦ ପଦକ୍ଷେପ ଗ୍ରହଣ କରିଛନ୍ତି ।  ଫଳରେ ରାଜ୍ୟରେ ମ୍ୟାଲେରିଆ ପ୍ରକୋପ ଆଶାତୀତ ଭାବେ ହ୍ରାସ ହ୍ରାସ ପାଇଥିବାରୁ ଉପରୋକ୍ତ ସଂସ୍ଥାମାନେ ଏଠାରେ କାର୍ଯ୍ୟ କରିବାରୁ ଆଗ୍ରହ ପ୍ରକାଶ କରିଛନ୍ତି । ରାଜ୍ୟ ସରକାରଙ୍କ ଦମନ ଯୋଜନାର କାର୍ଯ୍ୟକାରୀ ଫଳରେ ରାଜ୍ୟରୁ ମ୍ୟାଲେରିଆ ପ୍ରକୋପ ୮୪ ପ୍ରତିଶତ ହ୍ରାସ ପାଇଛି। ଖୋଦ୍ ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ଓଡ଼ିଶାର ଏଭଳି କାର୍ଯ୍ୟକୁ ଭୂୟଶୀ ପ୍ରଶଂସା କରିଛନ୍ତି। ମ୍ୟାଲେରିଆ ନୋ ମୋର ଓ ମ୍ୟାଲେରିଆ ନିରାକରଣ ଟ୍ରଷ୍ଟର ସହଯୋଗରେ ଓଡିଶାରୁ ମ୍ୟାଲେରିଆ ନିରାକରଣ ହୋଇପାରିବ ବୋଲି ସରକାର ଆଶା ରଖିଛନ୍ତି ।  

        </description>
      </item>
      <item>
        <title>
           ଜଗା କାଳିଆ : ଅପରେସନକୁ ପୁରିଲା ବର୍ଷେ, ଡ଼ାକ୍ତର କହିଲେ ସୁସ୍ଥ ହେବା ପାଇଁ ଲାଗିବ ଅଧିକ ସମୟ
        </title>
        <link>
           http://khabarodisha.com/Health/One-year-campsite-of-jaga-kalia-operation-38576
        </link>
        <guid>
           http://khabarodisha.com/Health/One-year-campsite-of-jaga-kalia-operation-38576
        </guid>
        <pubDate>
           Tue, 28 Aug 2018 08:38:45 GMT
        </pubDate>
        <description>

ଗତ ବର୍ଷ ୨୮ ତାରିଖରେ କନ୍ଧମାଳର ଯୋଡ଼ାମୁଣ୍ଡ ଶିଶୁ ଜଗା କାଳିଆଙ୍କ ପ୍ରଥମ ପର୍ଯ୍ୟାୟ ଅପରେସନ ଦିଲ୍ଲୀ ଏମସରେ କରାଯାଇଥିଲା । ଜାପାନର ବିଶେଷଜ୍ଞଙ୍କ ନେତୃତ୍ୱରେ ୪୦ ଜଣିଆ ଡ଼ାକ୍ତରୀ ଟିମ୍ ୨୪ ଘଣ୍ଟାର ମାରାଥନ ଅସ୍ତ୍ରୋପଚାର କରାଇ ଚିକିତ୍ସା ବିଜ୍ଞାନ ଇତିହାସରେ ଯୋଡ଼ି ଥିଲେ ଆଉ ଏକ ସଫଳ ଅଧ୍ୟାୟ । ଦୁହିଁଙ୍କ ମସ୍ତିଷ୍କରେ କୃତ୍ରିମ ଶିରା ପ୍ରଶିରା ପ୍ରତିରୋପଣ ଥିଲା ଚିକିତ୍ସା ବିଜ୍ଞାନର ପ୍ରଥମ ଘଟଣା । ଏହା ପରେ ଦ୍ୱିତୀୟ ପର୍ଯ୍ୟାୟ ଅପରେସନ କରାଯାଇଥିଲା । ଅପରେସନର ବର୍ଷେ ପରେ ବି ଦୁହେଁ ସମ୍ପୂର୍ଣ୍ଣ ସୁସ୍ଥ ହୋଇନଥିବା ଜଣାପଡ଼ିଛି ।

ଜଗାର ସ୍ୱାସ୍ଥ୍ୟରେ ଦ୍ରୃତ ପରିବର୍ତ୍ତନ ଆସିଥିବାବେଳେ କାଳିଆର ସ୍ୱାସ୍ଥ୍ୟରେ ସମସ୍ୟା ରହିଛି । କାଳିଆ ଦୁର୍ବଳ ଥିବା ଦେଖିବା ପରେ ଏବେ ଡ଼ିସଚାର୍ଯ୍ୟ ନକରି ଆଉ କିଛି ଦିନ ଚିକିତ୍ସା ଚାଲିବ ବୋଲି ଏମସ କର୍ତ୍ତୃପକ୍ଷ କହିଛନ୍ତି । ଜଗାର ଆଉ ଏକ ଅସ୍ତ୍ରୋପଚାର ହେବ । କାଳିଆ ଉପରେ ଡ଼ାକ୍ତରମାନଙ୍କ ନଜର ରହିବ । ଏଣେ କନ୍ଧମାଳର ମିଲୁପଡ଼ାରେ ଜଗା କାଳିଆଙ୍କ ଆଉ ଦୁଇ ଭାଇଭଉଣୀ ବର୍ଷେ ହେବ ବାପା ମାଙ୍କୁ ନଦେଖି ଜେଜେ ବାପା ଓ ଜେଜେ ମା ପାଖରେ ରହିଛନ୍ତି । ଜଗା କାଳିଆଙ୍କ ନିରାମୟ ସ୍ୱାସ୍ଥ୍ୟ କାମନା କରି ସାରା ଓଡ଼ିଶାବାସୀ ପ୍ରାର୍ଥନା ଓ ଦୀପଦାନ କରିଛନ୍ତି । 

        </description>
      </item>
      <item>
        <title>
           ବୁଝାମଣା ପତ୍ର ସ୍ୱାକ୍ଷରିତ: ସ୍ୱାସ୍ଥ୍ୟ କ୍ଷେତ୍ରରେ ଲକ୍ଷେ ଆରୋଗ୍ୟ ମିତ୍ରଙ୍କୁ କାମ କରିବା ପାଇଁ ଦିଆଯିବ ଦକ୍ଷତା ତାଲିମ
        </title>
        <link>
           http://khabarodisha.com/Health/Mou-between-Skill-India-and-Ayushman-Bharat-38567
        </link>
        <guid>
           http://khabarodisha.com/Health/Mou-between-Skill-India-and-Ayushman-Bharat-38567
        </guid>
        <pubDate>
           Mon, 27 Aug 2018 07:58:53 GMT
        </pubDate>
        <description>

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟି ସମ୍ପନ୍ନ ସାର୍ବଜନୀନ ସ୍ୱାସ୍ଥ୍ୟ ସେବା ବ୍ୟବସ୍ଥା ଏବଂ ଭାରତକୁ ଦକ୍ଷତା ବିକାଶର ବିଶ୍ୱ ରାଜଧାନୀ କରିବାର ଦୃଷ୍ଟିକୋଣକୁ ଆଗକୁ ବଢାଇ ଦକ୍ଷତା ବିକାଶ ଓ ସ୍ୱାସ୍ଥ୍ୟ ମନ୍ତ୍ରଣାଳୟ ସହଯୋଗରେ ୧ ଲକ୍ଷ ଆରୋଗ୍ୟ ମିତ୍ରଙ୍କୁ ସ୍ୱାସ୍ଥ୍ୟ କ୍ଷେତ୍ରରେ କାମ କରିବା ପାଇଁ ଦକ୍ଷତା ତାଲିମ ଦିଆଯିବ ବୋଲି ଏକ ବୁଝାମଣା ପତ୍ର ସ୍ୱାକ୍ଷରିତ ହୋଇଛି।

ସୋମବାର ଦିନ ନୂଆଦିଲ୍ଲୀ ଠାରେ କେନ୍ଦ୍ର ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଜେପି ନଡ୍ଡାଙ୍କ ଉପସ୍ଥିତିରେ ନ୍ୟାସନାଲ ସ୍କିଲ ଡେଭଲପମେଂଟ୍ କର୍ପୋରେସନ ଓ ନ୍ୟାସନାଲ ହେଲଥ୍ ଏଜେନ୍ସି ମଧ୍ୟରେ ଏହି ବୁଝାମଣା ପତ୍ର ସ୍ୱାକ୍ଷରିତ ହୋଇଛି । ଏହି ବୁଝାମଣା ପତ୍ର ଆଧାରରେ ପ୍ରଧାନମନ୍ତ୍ରୀ ଜନୌଷଧି ଯୋଜନା ଏବଂ ନ୍ୟାସନାଲ ହେଲଥ ଏଜେନ୍ସି ଉଭୟ ସରକାରୀ ଓ ବେସରକାରୀ ଡାକ୍ତରଖାନା ଗୁଡିକୁ ସାର୍ବଜନୀନ ସ୍ୱାସ୍ଥ୍ୟ ସେବା ପାଇଁ ତାଲିକାଭୁକ୍ତ କରିବେ । ଏହି ସମସ୍ତ ତାଲିକାଭୁକ୍ତ ଡାକ୍ତରଖାନା ଗୁଡିକରେ ଆରୋଗ୍ୟ ମିତ୍ର ମାନଙ୍କୁ ଅବସ୍ଥାପିତ କରିବା ପାଇଁ ସ୍ଥିର ହୋଇଛି ।

ଏହି ଆରୋଗ୍ୟ ମିତ୍ର ମାନେ ହିତାଧିକାରୀ ଯାଞ୍ଚ, ଇଂଟରନେଟ୍ ଉପଲବ୍ଧ ଓ ଇଂଟରନେଟ ଉପଲବ୍ଧ ନଥିବା ସ୍ଥିତିରେ ହିତାଧିକାରୀ ଚିହ୍ନଟକୁ ସୁନିଶ୍ଟିତ କରିବା, ହିତାଧିକାରୀଙ୍କ ପ୍ରଶ୍ନର ଉତର ଦେବା, ଅଭିଯୋଗର ସମାଧାନ କରିବା ତଥା ଜରୁରୀକାଳୀନ ମାମଲା ଗୁଡିକୁ ଦେଖିବା ଭଳି କାମ କରିବେ ।  ଏହି ଅବସରରେ ଏହି ବୁଝାମଣା ଦେଶରେ ରୋଜଗାର ଓ ନିଯୁକ୍ତି ସୁଯୋଗକୁ ସଂପ୍ରସାରିତ କରିବା ପାଇଁ ଯୁବ ପୀଢୀକୁ ଉପଯୁକ୍ତ ତାଲିମ ସହ ଦକ୍ଷ କରିବାକୁ ପଡିବ ବୋଲି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତିା

ଶ୍ରୀ ପ୍ରଧାନ କହିଛନ୍ତି ଯେ ପ୍ରଧାନମନ୍ତ୍ରୀ ଜନଆରୋଗ୍ୟ ଯୋଜନା କାର୍ଯ୍ୟକାରୀ ହେବା ସହ ନିଯୁକ୍ତି ସୁଯୋଗ ଓ ଏହି କ୍ଷେତ୍ରରେ ଦକ୍ଷତା ବିକାଶ ପାଇଁ ଏକ ବଡ ଆବଶ୍ୟକତା ସୃଷ୍ଟି ହୋଇଛି । ଯେହେତୁ ଏହି ଯୋଜନା ବିନା ନଗଦ ଟଙ୍କା ନେଣ ଦେଣ, ବିନା କାଗଜପତ୍ର ଓ ଜ୍ଞାନକୌଶଳ ଆଧାରରେ ଚାଲିବା ଦ୍ୱାରା ସ୍ୱଚ୍ଛତା ସୁନିଶ୍ଚିତ ହେବ ଏହା ଉପଯୁକ୍ତ ତାଲିମ ପ୍ରାପ୍ତ ମାନବ ସମ୍ବଳ ଏହି କାର୍ଯ୍ୟ ପରିଚାଳନା ପାଇଁ ଜରୁରୀ । ଏହି ବୁଝାମଣା ପତ୍ର ଆଧାରରେ ଏହି ବଡ ଆବଶ୍ୟକତାକୁ ପୂରଣ କରାଯାଇ ପାରିବ ବୋଲି ଶ୍ରୀ ପ୍ରଧାନ କହିଛନ୍ତିା

ଦକ୍ଷତା ବିକାଶ ଓ ସ୍ୱାସ୍ଥ୍ୟ ମନ୍ତ୍ରୀଙ୍କ ସହ ସ୍ୱାସ୍ଥ୍ୟ ରାଷ୍ଟ୍ର ମନ୍ତ୍ରୀ ଅଶ୍ୱିନୀ ଚୌବେ, ଅନୁପ୍ରିୟା ପଟେଲ ତଥା ଉଭୟ ବିଭାଗର ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ । 

        </description>
      </item>
      <item>
        <title>
           ଦୁର୍ଗମ ଅଞ୍ଚଳରେ ୪୮୩ ଡାକ୍ତରଙ୍କୁ ନିଯୁକ୍ତି ଦେଲେ ରାଜ୍ୟ ସରକାର
        </title>
        <link>
           http://khabarodisha.com/Health/Odisha-government-recruits-483-new-doctors-38366
        </link>
        <guid>
           http://khabarodisha.com/Health/Odisha-government-recruits-483-new-doctors-38366
        </guid>
        <pubDate>
           Thu, 23 Aug 2018 20:59:57 GMT
        </pubDate>
        <description>

ରାଜ୍ୟ ସରକାରଙ୍କ ତ୍ୱରାନ୍ୱିତ ନିଯୁକ୍ତି ପ୍ରକ୍ରିୟାକୁ ଜାରି ରଖାଯାଇ ରାଜ୍ୟର ବିଭିନ୍ନ ସ୍ଥାନରେ ୪୮୩ ଜଣ ଡାକ୍ତରଙ୍କୁ ନିଯୁକ୍ତି ଦିଆଯାଇଛି । ଜନସାଧାରଣଙ୍କ ସୁବିଧା ପାଇଁ ବିଶେଷକରି ଦୁର୍ଗମ ଅଞ୍ଚଳରେ ଏହି ଡାକ୍ତରମାନଙ୍କ ନିଯୁକ୍ତିକୁ ପ୍ରାଥମିକତା ଦିଆଯାଇଛି ।  

ଅପରପକ୍ଷରେ ସଚିବାଳୟରେ ଖୁବଶୀଘ୍ର ୫୦୦ ସହକାରୀ ଉପବିଭାଗ ଅଧିକାରୀ ନିଯୁକ୍ତି ପାଇବେ । ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଏହି ପଦବୀଗୁଡ଼ିକୁ ପୂରଣ କରିବା ପାଇଁ ଓଡ଼ିଶା ଲୋକସେବା ଆୟୋଗକୁ ଅନୁରୋଧ କରାଯାଇଛି । ୨୦୧୮ ପାଇଁ ଏହି ନିଯୁକ୍ତି ପ୍ରକ୍ରିୟା କରାଯିବ । ଏହାଦ୍ୱାରା ସଚିବାଳୟର ବିଭିନ୍ନ ବିଭାଗରେ ଖାଲି ପଡ଼ିଥିବା ପଦବୀ ପୂରଣ ହୋଇପାରିବ । 

        </description>
      </item>
      <item>
        <title>
           ହୃଦଘାତ ଏଡ଼ାଇବା ପାଇଁ ଦୈନିକ ଦୌଡ଼ନ୍ତୁ
        </title>
        <link>
           http://khabarodisha.com/Health/Start-your-running-for-fit-your-heart-37938
        </link>
        <guid>
           http://khabarodisha.com/Health/Start-your-running-for-fit-your-heart-37938
        </guid>
        <pubDate>
           Thu, 16 Aug 2018 13:29:49 GMT
        </pubDate>
        <description>

ଦୌଡ଼ିବା ଦ୍ୱାରା ହୃଦସ୍ପନ୍ଦନ ବଢିଯାଇଥାଏ । ପ୍ରତ୍ୟେକ ସ୍ପନ୍ଦନରେ ହୃଦୟ ଅଧିକମାତ୍ରାରେ ରକ୍ତକୁ ପମ୍ପ କରିଥାଏ । ଏହାଦ୍ୱାରା ରକ୍ତନଳୀ ଗୁଡ଼ିକ ସକ୍ରିୟ ରହିଥାଏ । ହୃଦୟ ଶକ୍ତିଶାଳୀ ହୋଇଥାଏ ଏବଂ ହୃଦରୋଗର ଆଶଙ୍କା ହ୍ରାସ ପାଇଥାଏ ।

ଯଦି ଆପଣଙ୍କ ବୟସ ୪୦ ବର୍ଷରୁ ଅଧିକ ହୋଇଥାଏ, ତେବେ ଆପଣ ଦୌଡ଼ିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଆବଶ୍ୟକ ଅଟେ । ଦୌଡ଼ିବା ଠାରୁ ଭଲ ଏବଂ ସହଜ ବ୍ୟାୟମ ଅନ୍ୟ କିଛି ହୋଇନପାରେ । ଯଦି ଆପଣ ଫିଟ ରହିବା ପାଇଁ  ଚାହାନ୍ତି ତେବେ ସବୁଠୁ ଭଲ କଥା ହେଉଛି ଦୌଡ଼ିବା । କାହିଁକିନା ଏହା ଆମ ହୃଦୟ ପାଇଁ ଲାଭଦାୟକ ହୋଇଥାଏ । ଦୌଡ଼ିବା ଦ୍ୱାରା ଉଚ୍ଚ ରକ୍ତଚାପର ବିପଦ କମିଥାଏ । ରକ୍ତରେ କୋଲଷ୍ଟ୍ରଲର ପରିମାଣ ହ୍ରାସ କରାଇଥାଏ । ଯଦି ଆପଣଙ୍କ ବୟସ ୪୦ ବର୍ଷରୁ କମ୍ ଓ ଆପଣ କୌଣସି ରକ୍ତଚାପ ଜନିତ ସମସ୍ୟା ଭୋଗୁନଥାନ୍ତି ତେବେ ଆପଣ ଏବେ ଦୌଡ଼ିବା ଆରମ୍ଭ କରନ୍ତୁ । ଯଦି ଉଚ୍ଚ ରକ୍ତଚାପର ସମସ୍ୟା ଅଛି ତେବେ ଦୌଡ଼ିବା ଆପଣଙ୍କ ପାଇଁ ପ୍ରାଣଘାତୀ ହୋଇପାରେ । ପ୍ରତି ସପ୍ତାହରେ ଦୌଡ଼ିବା ଗତି ୧୦ ପ୍ରତିଶତ ହିସାବରେ ବୃଦ୍ଧି କରନ୍ତୁ । ସପ୍ତାହରେ ୨-୩ ଦିନ ଶରୀରକୁ ବିଶ୍ରାମ ଦିଅନ୍ତୁ । 

        </description>
      </item>
      <item>
        <title>
           ଏହି ରୋଗ ସହ ସଂଘର୍ଷ କରୁଛନ୍ତି ଅଟଳ, ଏମ୍ସର ଲାଇଫ ସପୋର୍ଟ ସିଷ୍ଟମରେ ରଖାଯାଇଛି
        </title>
        <link>
           http://khabarodisha.com/Health/Atal-fight-this-deseas-37918
        </link>
        <guid>
           http://khabarodisha.com/Health/Atal-fight-this-deseas-37918
        </guid>
        <pubDate>
           Thu, 16 Aug 2018 09:14:16 GMT
        </pubDate>
        <description>

ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସ୍ୱାସ୍ଥ୍ୟ ବିଗତ ୨୪ ଘଣ୍ଟା ମଧ୍ୟରେ ବେଶି  ସଙ୍କଟାପନ୍ନ ହୋଇଯାଇଛି । ତାଙ୍କୁ ଜୀବନ ରକ୍ଷା ପ୍ରଣାଳୀରେ ରଖାଯାଇଛି । ଦିଲ୍ଲୀ ଏମ୍ସ ଏ ସଂପର୍କରେ ସୂଚନା ଦେଇଛି । 

ବାଜପେୟୀଙ୍କ କିଡ଼ନୀ ନଳୀରେ ସଂକ୍ରମଣ, ମୁତ୍ରନଳୀ ସଂକ୍ରମଣ ଏବଂ ଛାତିରେ ସମସ୍ୟା ଯୋଗୁଁ ଜୁନ ୧୧ ତାରିଖରେ ତାଙ୍କୁ ଏମ୍ସରେ ଭର୍ତ୍ତି କରାଯାଇଛି । ଦୁର୍ଭାଗ୍ୟବଶତଃ ତାଙ୍କର ସ୍ୱାସ୍ଥ୍ୟଗତ ୨୪ ଘଣ୍ଟା ମଧ୍ୟରେ ଅଧିକ ଜଟିଳ ହୋଇପଡ଼ିଛି । ଦେଶର ବିଶିଷ୍ଟ ରାଜନେତା ବାଗ୍ମୀ ଅଟଳବିହାରୀ ଡ଼ିମୋସିଆରେ ଆକ୍ରାନ୍ତ । କଥାବାର୍ତ୍ତା କରିପାରୁନଥିବା ବାଜପେୟୀ କାହାକୁ ଚିହ୍ନି ପାରୁନାହାନ୍ତି । ତାଙ୍କର ସ୍ମରଣ ଶକ୍ତି ନଷ୍ଟ ହୋଇଯାଇଛି । ବ୍ୟବହାରରେ ପରିବର୍ତ୍ତନ ସାଙ୍ଗକୁ ଚଲାବୁଲା କରିପାରୁନାହାନ୍ତି । କିଡ଼ନୀ ଓ ମୂତ୍ରନଳୀ ସଂକ୍ରମଣ, ପରିସ୍ରା କମ୍ ହେବା କାରଣରୁ ୯୩ ବର୍ଷ ବୟସ୍କ ବାଜପେୟୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ୨୦୦୯ ଠାରୁ ସେ ହ୍ୱିଲ ଚେୟାରରେ । 

        </description>
      </item>
      <item>
        <title>
           ରାଜ୍ୟରେ ଆରମ୍ଭ ହେଲା ବିଜୁ ସ୍ୱାସ୍ଥ୍ୟ ଯୋଜନା, ଉପକୃତ ହେବେ ୭୦ ଲକ୍ଷରୁ ଉର୍ଦ୍ଧ୍ୱ ପରିବାର
        </title>
        <link>
           http://khabarodisha.com/Health/Biju-sasthya-kalyan-Yojna-Started-From-Today-37888
        </link>
        <guid>
           http://khabarodisha.com/Health/Biju-sasthya-kalyan-Yojna-Started-From-Today-37888
        </guid>
        <pubDate>
           Wed, 15 Aug 2018 11:31:32 GMT
        </pubDate>
        <description>

 ଦେଶ ସ୍ୱାଧିନତା ଦିବସର ୭୨ ବର୍ଷ ପୂର୍ତ୍ତି ପାଳନ କରୁଥିବା ବେଳେ ରାଜ୍ୟ ସରକାର ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ଶୁଭାରମ୍ଭ କରିଛନ୍ତି । ଆଜି କ୍ୟାପିଟାଲ ହସ୍ପିଟାଲରେ ଏହି ଯୋଜନାର ଲୋଗୋ ଉନ୍ମୋଚନ ମଧ୍ୟ ହୋଇଯାଇଛି । ଏହି ଯୋଜନାରେ ୭୦ ଲକ୍ଷରୁ ଉର୍ଦ୍ଧ୍ୱ ପରିବାର ଉପକୃତ ହେବେ। 

ରାଷ୍ଟ୍ରୀୟ କୃଷିବିକାଶ ଯୋଜନା ଓ ବିଜୁ କୃଷକ କଲ୍ୟାଣ ଯୋଜନାରେ ପଞ୍ଜିକୃତ ଚାଷୀ ପରିବାର ଏହି ଯୋଜନାର ସୁଫଳ ପାଇବେ । ହିତାଧିକାରୀ ପରିବାର ୧ ଲକ୍ଷ ଟଙ୍କାର ସ୍ୱାସ୍ଥ୍ୟ ବୀମା ସୁବିଧା ପାଇବା ସହ ଓଡ଼ିଶା ରାଜ୍ୟ ଚିକିତ୍ସା ପାଣ୍ଠିରୁ ୪ଲକ୍ଷ ଟଙ୍କାର ଚିକିତ୍ସା ସହାୟତା ପାଇବେ । ମହିଳାମାନଙ୍କ ପାଇଁ ଏହି ଯୋଜନାରେ ୭ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ସୁରକ୍ଷା ମିଳିବ । ଏହାଦ୍ୱାରା ୧କୋଟି ୨ଲକ୍ଷ ମହିଳା ସୁବିଧା ପାଇବେ । ଗ୍ରାମାଂଚଳରେ ବାର୍ଷିକ ୫୦ ହଜାର ଓ ସହରାଂଚଳରେ ୬୦ ହଜାର ଟଙ୍କା କମ୍ ଆୟ ଥିବା ପରିବାରକୁ ଏହି ଯୋଜନାରେ ସୁବିଧା ମିଳିବ । ଏଥିପାଇଁ ସେମାନଙ୍କୁ ଆୟ ପ୍ରମାଣ ପତ୍ର ଦେବାକୁ ହେବ ।  

        </description>
      </item>
      <item>
        <title>
           ବିମାନ ଅବତରଣ କଲା, କିନ୍ତୁ ଭାରତୀୟ ରୋଗୀଙ୍କୁ ଡ଼ାକ୍ତରଖାନା ଯିବାକୁ ଛାଡ଼ିଲାନି ପାକିସ୍ଥାନ
        </title>
        <link>
           http://khabarodisha.com/Health/Pak-doctor-dented-to-treat-Indian-patient-37886
        </link>
        <guid>
           http://khabarodisha.com/Health/Pak-doctor-dented-to-treat-Indian-patient-37886
        </guid>
        <pubDate>
           Wed, 15 Aug 2018 10:52:38 GMT
        </pubDate>
        <description>

ପାକିସ୍ଥାନ ପୁଣି ଥରେ ମାନବିକତା ବିହୀନ ଆଚରଣ ପ୍ରଦର୍ଶନ କରିଛି । ଟର୍କିଶ ବିମାନରେ ଯାତ୍ରା କରୁଥିବା ବେଳେ ଅଚାନକ ବେହୋସ ହୋଇ ତଳେ ପଡ଼ିଯାଇଥିବା ଜଣେ ଭାରତୀୟ ଯାତ୍ରୀ ପାଇଁ ପାକିସ୍ଥାନ ତାର ହସ୍ପିଟାଲରେ ଭର୍ତ୍ତି କରିବା ପାଇଁ ସିଧାସଳଖ ମନା କରିଦେଇଛି ।

ରାଜସ୍ଥାନ ଅଲବର ଜିଲ୍ଲାର ଭିବାଡ଼ି ନିବାସୀ ୩୩ ବର୍ଷର ବିପିନ କୁମାର ଗୁଡ଼ଗାଁର ଏକ ବୀମା କମ୍ପାନୀରେ ମ୍ୟାନେଜର ଭାବେ କାମ କରନ୍ତି । ଦୁଇଦିନ ତଳେ ତାଙ୍କ କମ୍ପାନୀ ତାଙ୍କୁ ଜଳନ୍ଧର ନିବାସୀ ପଙ୍କଜ ମେହେତାଙ୍କ ସହିତ ୩ ଦିନିଆ ତୁର୍କି ପରିଦର୍ଶନରେ ପଠାଇଥିଲା । ଅଗଷ୍ଟ ୧୨ ତାରିଖ ରାତି ୮.୩୦ରେ ଫ୍ଲାଇଟ ଇସ୍ତାନବୁଲ ବିମାନ ବନ୍ଦରରୁ ଦିଲ୍ଲୀ ଆସୁଥିବାବେଳେ ରାତି ୧ଟା ବେଳେ ବିପିନଙ୍କ ସ୍ୱାସ୍ଥ୍ୟ ଅଚାନକ ବିଗିଡ଼ି ଯାଇଥିଲା । ସେ ବେହୋସ ହୋଇ ତଳେ ପଡ଼ିଯାଇଥିଲେ । ବିମାନରେ ଥିବା ଜଣେ ଭାରତୀୟ ଡ଼ାକ୍ତର ଚିକିତ୍ସା କରିଥିଲେ । ଜରୁରୀ ସ୍ଥିତି ସୃଷ୍ଟି ହେବା ପରେ ପାଇଲଟ ୧.୩୦ରେ ପ୍ଲେନକୁ ଲାହୋର ବିମାନ ବନ୍ଦରରେ ଅବତରଣ କରାଇଥିଲେ । ଲେଣ୍ଡିଙ୍ଗ ପରେ ପାକିସ୍ଥାନୀ ଡ଼ାକ୍ତର ପହଂଚିଥିଲେ  ସତ ହେଲେ ଚିକିତ୍ସା ପାଇଁ ହସ୍ପିଟାଲ ନେବାକୁ ଇମିଗ୍ରେସନ ଅନୁମତି ଦେଇନଥିଲେ । ଗୁରୁତର ଅସୁସ୍ଥ ବିପିନଙ୍କୁ ଦିଲ୍ଲୀରେ ପହଂଚିବା ପରେ ମେଦାନ୍ତ ହସ୍ପିଟାଲକୁ ନିଆଯିବା ପରେ ଚିକିତ୍ସା ମିଳିଲା । ସେ ଏବେ ସୁସ୍ଥ ଥିବା ଜଣାଯାଇଛି । 

        </description>
      </item>
      <item>
        <title>
           ଲଡୁଗାଁ ପରେ ଆଖପାଖ ଅଞ୍ଚଳକୁ ବ୍ୟାପିଲା ଡେଙ୍ଗୁ, ଆକ୍ରାନ୍ତଙ୍କ ସଂଖ୍ୟା ୫୪କୁ ବୃଦ୍ଧି
        </title>
        <link>
           http://khabarodisha.com/Health/Dengue-diseases-Spread-in-Kalahandi-Odisha-37814
        </link>
        <guid>
           http://khabarodisha.com/Health/Dengue-diseases-Spread-in-Kalahandi-Odisha-37814
        </guid>
        <pubDate>
           Tue, 14 Aug 2018 11:43:22 GMT
        </pubDate>
        <description>

କଳାହାଣ୍ଡି କୋକସରା ବ୍ଲକ ଲଡୁଗାଁ ପରେ ଆଖପାଖ ଅଞ୍ଚଳରେ ଡେଙ୍ଗୁ କାୟା ବିସ୍ତାର କରିବାରେ ଲାଗିଛି। ଲଡୁଗାଁର ନିକଟବର୍ତୀ ଅଏଁଲା ଗାଁରେ ରକ୍ତନମୂନା ପରୀକ୍ଷା ପରେ ୨ ଜଣ ଡେଙ୍ଗୁରେ ଆକ୍ରାନ୍ତ ହୋଇଥିବା ଜଣାପଡିଛି। ସେଠାକାର ଅଞ୍ଚଳରେ ଆଉ ୧୦ ଡେଙ୍ଗୁ ରୋଗୀ ଚିହ୍ନଟ ହୋଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା ୫୪କୁ ବୃଦ୍ଧି ପାଇଛି। ସ୍ୱାସ୍ଥ୍ୟ କର୍ମୀମାନେ ଘରଘର ବୁଲି ସଂଗ୍ରହ କରିଥିବା ୫୯ ଜଣଙ୍କ ରକ୍ତ ନମୂନାକୁ ପରୀକ୍ଷା ପାଇଁ ପଠାଯାଇଥିବା ସୂଚନା ମିଳିଛି। ଧିରେ ଧିରେ ଏହି ରୋଗ ଚାରିଆଡେ ବ୍ୟାପୁଥିବରୁ ଲୋକମାନେ ଆତଙ୍କିତ ହୋଇ ପଡିଛନ୍ତି। ଆକ୍ରାନ୍ତମାନେ ବିଶାଖାପାଟଣା, ରାୟପୁର, ଭବାନୀପାଟଣାକୁ ଯାଇ ଚିକିତ୍ସିତ ହେଉଛନ୍ତି। 

ଗାଁ ଗୁଡିକରେ ପରିମଳ ଅବସ୍ଥା ବିପର୍ଯ୍ୟୟ ହୋଇ ପଡିଥିବାରୁ ଘଟଣାସ୍ଥଳକୁ ଜିଲ୍ଲାପାଳ, ଏଡିଏମ ଓ ସିଡିଏମଓ ପହଞ୍ଚି ରାତାରାତି ଗାଁରେ ଜମି ରହିଥିବା ଅଳିଆ ଆବର୍ଜନାକୁ ବାହାର କରିଛନ୍ତି । ଚାରି ଦିନ ପୂର୍ବରୁ ଗାଁରେ ପ୍ରତିଶେଧକ ଟୀକା ବ୍ୟବସ୍ଥା ଆରମ୍ଭ କରାଯାଇଛି। ଗାଁରେ ଅସ୍ୱାସ୍ଥ୍ୟକର ପରିସ୍ଥିତି ପାଇଁ ଡେଙ୍ଗୁ ବ୍ୟାପୁଥିବା ଜଣାପଡିବା ପରେ ବିଭିନ୍ନ ସ୍ଥାନରେ ଔଷଧ ସିଂଚନ କରାଯାଇଛି। ଧର୍ମଗଡ ଏନଏସିର ଏକ ଟିମ୍ ସେଠାରେ ସଫେଇ କାର୍ଯ୍ୟ ଆରମ୍ଭ କରିଛନ୍ତି। ସ୍ଥାନୀୟ ଲୋକଙ୍କୁ ପରିବେଶ ପରିଷ୍କାର ରଖିବାକୁ ପରାମର୍ଶ ଦିଆଯିବା ସହ ମଶାରୀ ଟାଙ୍ଗୀ ଶୋଇବାକୁ ମଧ୍ୟ ସ୍ୱାସ୍ଥ୍ୟକର୍ମୀମାନେ ସଚେତନ କରାଉଛନ୍ତି ।

ତେବେ ନିକଟରେ ଥିବା ଏକ ରାଇସ ମିଲର ବର୍ଜ୍ୟବସ୍ତୁ ନିଷ୍କାସନ ଦ୍ୱାରା ସେଠାରେ ପରିବେଶ ଦୂଷିତ ହେଉଥିବା ଅଭିଯୋଗ ହୋଇଛି। ତେଣୁ ଏହାକୁ ବନ୍ଦ କରିବା ନେଇ ସାଧାରଣରେ ଦାବି ହୋଇଛି ।

ପ୍ରକାଶ ଥାଉ କି,  ରାଜ୍ୟରେ ଏଯାବତ୍ ୧,୧୮୬ ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଥିଲା ବେଳେ ଏହି ରୋଗରେ ୩ ଜଣଙ୍କ ମୃତ୍ୟୁ ଘଟିଛି। କଳାହାଣ୍ଡି ଜିଲ୍ଲାର କିଛି ଗାଁରେ ଡେଙ୍ଗୁ ରୋଗୀ ଚିହ୍ନଟ ହୋଇଥିବା ଜଣାପଡ଼ିଛି। ସେହି ସ୍ଥାନ ମାନଙ୍କରେ ୫ଟି ଡକ୍ତରୀ କ୍ୟାମ୍ପ କରାଯାଇ ରୋଗୀଙ୍କ ମାଗଣାରେ ଚିକିତ୍ସା କରାଯାଉଛି। ରାଜ୍ୟର ପ୍ରତି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଡେଙ୍ଗୁ ପାଇଁ ଆଲର୍ଟ କରାଯାଇଥିବା ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଗତକାଲି ସୂଚନା ଦେଇଥିଲେ । 

        </description>
      </item>
   </rss>
 </channel>