<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           କେନ୍ଦ୍ରାପଡାରେ ଚାଷୀଙ୍କ ରାସ୍ତା ଅବରୋଧ, ଚାଷଜମିରୁ ବର୍ଷା ଜଳ ନିଷ୍କାସନ ଓ ଫସଲ କ୍ଷତିପୂରଣ ଦାବି
        </title>
        <link>
           http://khabarodisha.com/Farmer-and-Labour/Farmers-Affected-for-Rain-39368
        </link>
        <guid>
           http://khabarodisha.com/Farmer-and-Labour/Farmers-Affected-for-Rain-39368
        </guid>
        <pubDate>
           Sun, 09 Sep 2018 15:13:00 GMT
        </pubDate>
        <description>

ଲଘୁଚାପ ବର୍ଷାରେ ଚାଷ ଜମିରେ ଜମି ରହିଥିବା ବର୍ଷା ଜଳ ନିଷ୍କାସନ ଓ ଫସଲର କ୍ଷତିପୂରଣ ଦାବିରେ ଆଜି କେନ୍ଦ୍ରାପଡା ବ୍ଲକ ଓସ୍ତପୁର, କଂସାର ପଂଚାୟତର ଚାଷୀ ଆନ୍ଦୋଳନକୁ ଓହ୍ଲାଇଥିଲେ । ଆନ୍ଦୋଳନକାରୀମାନେ କେନ୍ଦ୍ରାପଡା-ଗଣ୍ଡାଖିଆ ରାସ୍ତାରେ ଟାୟାର୍ ଜାଳି ରାସ୍ତା ଅବରୋଧ କରିଥିଲେ । ଫଳରେ ସେଠାରେ ଯାତାୟାତ ବାଧାପ୍ରାପ୍ତ ହୋଇଥିଲା । ତେବେ ଦୀର୍ଘ ସମୟ ଧରି କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ନଥିବାରୁ ସେଠାରେ ଉତେଜନା ପ୍ରକାଶ ପାଇଥିଲା ।

ସୂଚନା ଅନୁଯାୟୀ, ଲଘୁଚାପଜନିତ ଲଗାଣ ବର୍ଷାରେ କେନ୍ଦ୍ରାପଡା ଜିଲ୍ଲାର ମୋଟ୍ ୯ଟି ବ୍ଲକ ମଧ୍ୟରୁ ବିଶେଷ କରି ତଳିଆ ଅଂଚଳର ହଜାର ହଜାର ହେକ୍ଟର ଚାଷ ଜମି ଜଳମଗ୍ନ ହୋଇଛି । କେନ୍ଦ୍ରାପଡା ବ୍ଲକର ଓସ୍ତପୁର, କଂସାର ପଂଚାୟତର ନାଗପୁର, ଦେପୁର, ରଘୁନାଥପୁର, ହଳଦୀଡିହ, ଏଣ୍ଡର ଏବଂ କୋରଡା ଗ୍ରାମର ଚାଷୀ ବିଶେଷ ଭାବେ କ୍ଷତିଗ୍ରସ୍ତ ହୋଇଥିବା ଅଭିଯୋଗ କରିଛନ୍ତି । ଗୋବରୀ ନଦୀ ଫୁଲୁଛି । ବୈତରଣୀର ଜଳସ୍ତର ମଧ୍ୟ ଅଧିକ ରହିଛି । ଲୁଣା, ଚିତ୍ରୋତ୍ପଳା, କରାଣ୍ଡିଆ ନଦୀରେ ମଧ୍ୟ ଜଳସ୍ତର ଅଧିକ ରହିଛି । ଫଳରେ ଚାଷ ଜମିରୁ ଜଳ ନିଷ୍କାସନ ହେବାରେ ଅସୁବିଧା ଦେଖାଦେଇଛି । ଜଳ ନିଷ୍କାସନ ହୋଇପାରୁନଥିବାରୁ ବ୍ୟାପକ ଫସଲ ନଷ୍ଟ ହୋଇଛି । ଆନ୍ଦୋଳନକାରୀମାନେ ସରକାରଙ୍କୁ ସେଠାରେ କଲଭର୍ଟ ନିର୍ମାଣ ପାଇଁ ମଧ୍ୟ ସରକାରଙ୍କୁ ଗୁହାରୀ କରିଛନ୍ତି। 

        </description>
      </item>
      <item>
        <title>
           ବର୍ଷାରେ ଫସଲ ନଷ୍ଟ ହୋଇଗଲା, ନବରଙ୍ଗପୁରରେ ଆତ୍ମହତ୍ୟା କଲେ ମହିଳା ଚାଷୀ
        </title>
        <link>
           http://khabarodisha.com/Farmer-and-Labour/Women-Farmer-Suicide-in-Nabrangpur-39317
        </link>
        <guid>
           http://khabarodisha.com/Farmer-and-Labour/Women-Farmer-Suicide-in-Nabrangpur-39317
        </guid>
        <pubDate>
           Sat, 08 Sep 2018 15:29:54 GMT
        </pubDate>
        <description>

 କୃଷି ପ୍ରଧାନ ରାଜ୍ୟରେ ପୁଣି ଥରେ ଚାଷୀ ଆତ୍ମହତ୍ୟା କରିଛନ୍ତି। ଏଥର ନବରଙ୍ଗପୁର ଜିଲ୍ଲାର ଜଣେ ମହିଳା ଚାଷୀ ଆତ୍ମହତ୍ୟା କରିଛନ୍ତି।ବର୍ଷାରେ ଚାଷ ନଷ୍ଟ ହେବାରୁ ମହିଳା ଜଣକ ଆତ୍ମହତ୍ୟା କରିଥିବା ସଂପୃକ୍ତ ମହିଳାଙ୍କ ସ୍ୱାମୀ ଅଭିଯୋଗ କରିଛନ୍ତି। 

ଅଭିଯୋଗନୁଯାୟୀ, ତେନ୍ତୁଳିଖୁଣ୍ଟି ବ୍ଲକ ଆଉଁଳିମା ଗାଁର ଚାଷୀ ପଦ୍ମାବତୀ ମୁଦୁଲି ଏକ ଘରୋଇ ସଂସ୍ଥା ଠାରୁ ଋଣ ଆଣି ୨ ଏକର ଜମିରେ ଚାଷ କରିଥିଲେ। ମାତ୍ର ଅତ୍ୟଧିକ ବର୍ଷା ହେବାରୁ ଫସଲ ସବୁ ନଷ୍ଟ ହୋଇଯାଇଥିଲା। ଫଳରେ ମାନସିକ ଭାରସାମ୍ୟ ହରାଇ ବସିଥିଲେ ପଦ୍ମାବତୀ। ଏହି କାରଣରୁ ଗତକାଲି ସେ ବିଷ ପିଇଦେଇଥିଲେ ବୋଲି ପଦ୍ମାବତୀଙ୍କ ସ୍ୱାମୀ ଅଭିଯୋଗ କରିଛନ୍ତି। ପରିବାର ଲୋକ ତାଙ୍କୁ ମେଡିକାଲରେ ଭର୍ତ୍ତି କରିଥିବା ବେଳେ ଆଜି ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଛି । 

        </description>
      </item>
      <item>
        <title>
           କ୍ଷୀର ପଲିଥିନ ଖାଇଦେଲେ ଚଷା ପୁଅ ମହାରଥୀ, ଦାମ ଖୋଲୁଛନ୍ତି ଦୁର୍ନୀତି ପେଡି
        </title>
        <link>
           http://khabarodisha.com/Farmer-and-Labour/Dama-Rout-Pradeep-Maharathi-Omfed-SCAM-39189
        </link>
        <guid>
           http://khabarodisha.com/Farmer-and-Labour/Dama-Rout-Pradeep-Maharathi-Omfed-SCAM-39189
        </guid>
        <pubDate>
           Thu, 06 Sep 2018 21:17:40 GMT
        </pubDate>
        <description>

ପୁଣି ଦାମ ଖୋଲିଛନ୍ତି ଆଉ ଏକ ଦୁର୍ନୀତି ପେଡି ।୧୦୦ କୋଟିର ଗଛ ଚାରା ଘୋଟାଲା ପରେ ଏବେ ୩୦ କୋଟିର ଓମଫେଡ କ୍ଷୀର ଜରି । ଆଗରୁ ନିଶାନରେ ପାଣ୍ଡିୟାନ ଥିଲା ବେଳେ ଏବେ ଚଷା ପୁଅ ମନ୍ତ୍ରୀ ପ୍ରଦୀପ ମହାରଥି। ଦୁଇଟି ଯାକ ଘଟଣାରେ ସେଇ ସମାନ ଅଭିଯୋଗ, ଦୁର୍ନୀତିର ତଦନ୍ତ କରି କାର୍ଯ୍ୟାନୁଷ୍ଠାନ ନେବା ପାଇଁ ଦାମ ରାଉତ ଚାହିଁବାରୁ ତାଙ୍କୁ ମନ୍ତ୍ରୀ ପଦରୁ ବିଦା ହେବାକୁ ପଡିଲା । ଦାମ ରାଉତଙ୍କ ଏହି ଅଭିଯୋଗର ଜବାବରେ ମନ୍ତ୍ରୀ ପ୍ରଦୀପ ମହାରଥି ତାଙ୍କ ଚିରାଚରିତ କଡା ସଂଳାପକୁ ଛାଡି ଦାମ ବାବୁଙ୍କୁ ରାମ ଆଉ ସେ ନିଜେ ଲକ୍ଷ୍ମଣ ବୋଲି କହି ପରୋକ୍ଷରେ ଦାମ ବାବୁ ଆଉ ଆଗକୁ ନଯାଆନ୍ତୁ ବୋଲି ନେହୁରା ହୋଇଛନ୍ତି ।

ଆଜି ଗଣମାଧ୍ୟମ ସାମନାରେ ବିଧାୟକ ଦାମ ରାଉତ କହିଛନ୍ତି ଯେ ପ୍ରଦୀପ ମହାରଥୀ ଆଗରୁ କୃଷି ବିଭାଗର ମନ୍ତ୍ରୀ ଥିବା ବେଳେ ଓମଫେଡ କ୍ଷୀର ବଜାରରେ ବିକ୍ରି ହେବା ପାଇଁ ଆବଶ୍ୟକ ପଡୁଥିବା ପଲିଥିନି କିଣାରେ ହୋଇଥିଲା ୩୦ କୋଟିର ଦୁର୍ନୀତି । କିଣା ଯାଇଥିଲା ଅତି ନିମ୍ନମାନର ପଲିଥିନି ଯାହା ଫାଟି ଯାଉଥିଲା ଏବଂ ଓମଫେଡର ଅନେକ କ୍ଷତି ହୋଇଥିଲା । ଗ୍ରାହକ ମାନେ ମଧ୍ୟ ଏହି ନିମ୍ନମାନର ପ୍ୟାକେଜ ପାଇଁ ଅଭିଯୋଗ କରିଥିଲେ । ତତକାଳିନି ଓମଫେଡ ପରିଚାଳନା ନିର୍ଦ୍ଦେଶକ ସେତେବେଳେ ଏହି ତଦନ୍ତ ପାଇଁ ଭିଜିଲାନସ ତଦନ୍ତ ପାଇଁ ସୁପାରିଶ କରିଥିଲେ । ହେଲେ ମନ୍ତ୍ରୀ ପ୍ରଦୀପ ମହାରଥୀ ଏହାକୁ ଭିଜିଲାନସ ତଦନ୍ତ ନକରି ମୁଖ୍ୟମନ୍ତ୍ରୀ କାର୍ଯ୍ୟାଳୟରୁ ଏକ ନିର୍ଦ୍ଦେଶନାମା ଜାରି କରି ଏହାକୁ କେବଳ ବିଚାର ବିଭାଗୀୟ ତଦନ୍ତରେ ସୀମିତ କରିଦେଲେ ।

ହେଲେ ମନ୍ତ୍ରୀ ପ୍ରଦୀପ ମହାରଥୀ କାହିଁକି ସେହି ଦୁର୍ନିତିର ତଦନ୍ତ ଭିଜିଲାନସ ଦ୍ୱାରା ନକରି ନିଜ ବିଭାଗୀୟ ତଦନ୍ତ କଲେ ତାକୁ ନେଇ ଉଠିଛି ସନ୍ଦେହ । ମନ୍ତ୍ରୀ ପ୍ରଦୀପ ମହାରଥୀଙ୍କ ସେହି ଦୁର୍ନୀତି ସହ ସିଧାସଳଖ ସମ୍ପୃକ୍ତି ଅଛି ବୋଲି ଦାମ ରାଉତ ପରୋକ୍ଷ ଇଙ୍ଗିତ ଦେବା ପରେ ଏବେ ମନ୍ତ୍ରୀ ପ୍ରଦୀପ ମହାରଥୀଙ୍କ ଆଡେ ଉଠିଛି ଆଙ୍ଗୁଳି । ଓମଫେଡ ଭଳି ଘରେ ଘରେ କ୍ଷୀର ପହଂଚାଉଥିବା ସଂସ୍ଥା ତଥା ରାଜ୍ୟର ଲକ୍ଷ ଲକ୍ଷ ଗୋପାଳନ ଚାଷୀ ଏବଂ କ୍ଷୀର ବ୍ୟବସାୟୀଙ୍କ ଭାତ ହାଣ୍ଡି କୁହାଯାଉଥିବା ଓମଫେଡ ସହ ଏଭଳି ସାଙ୍ଘାତିକ ଖେଳ ଖେଳି ଏହାର ମାର୍କେଟ ରେପୁଟେସନକୁ ଖସାଇ ଦେବା ପାଇଁ ଚକ୍ରାନ୍ତ ଚାଲୁଛି ବୋଲି ଆଗରୁ ଅନେକ ଅଭିଯୋଗ ହୋଇଛି । ହେଲେ ଏହି ଚକ୍ରାନ୍ତରେ ନିଜେ କୃଷି ମନ୍ତ୍ରୀ ପ୍ରଦୀପ ମହାରଥି ସମ୍ପୃକ୍ତ ଥିବାର ଅଭିଯୋଗ ଜଣେ ପୁର୍ବତନ କୃଷି ମନ୍ତ୍ରୀ କରିବା ନିହାତି ଚିନ୍ତାର ବିଷୟ । 

        </description>
      </item>
      <item>
        <title>
           ଜୈବିକ ଚାଷରୁ କରନ୍ତୁ ରୋଜଗାର, ସରକାର ଦେଉଛନ୍ତି ତାଲିମ ଓ ପ୍ରୋତ୍ସାହନ
        </title>
        <link>
           http://khabarodisha.com/Farmer-and-Labour/Organic-farming-gives-more-profit-37811
        </link>
        <guid>
           http://khabarodisha.com/Farmer-and-Labour/Organic-farming-gives-more-profit-37811
        </guid>
        <pubDate>
           Tue, 14 Aug 2018 15:59:50 GMT
        </pubDate>
        <description>

 ଦିନକୁ ଦିନ ବଜାରରେ ଜୈବିକ ଉତ୍ପାଦର ଚାହିଦା ବଢିବା ଦେଖାଯାଉଛି । ୨୦୨୦ ସୁଦ୍ଧା ଦେଶର ଜୈବିକ ଉତ୍ପାଦ ବଜାର ୧୨ ହଜାର କୋଟି ଟଙ୍କା ଛୁଇଁବ ବୋଲି ଏକ ରିପୋର୍ଟରୁ ଜଣାପଡ଼ିଛି । ଜୈବିକ ଉତ୍ପାଦ ପ୍ରତି ସୃଷ୍ଟି ହୋଇଥିବା ସମ୍ଭାବନାକୁ ଦେଖି କେନ୍ଦ୍ରସରକାର ବେରୋଜଗାର ଯୁବକମାନଙ୍କ ପାଇଁ କୃଷି ବ୍ୟବସାୟର ମନ୍ତ୍ର ଶିକ୍ଷା ଦିଆଯିବାର ପ୍ରାବଧାନ ସୃଷ୍ଟି କରାଯାଇଛି ।

ଜୈବିକ ଚାଷ ଟକ୍ସିକ ଚାପକୁ ହ୍ରାସ କରିଥାଏ । ପବନ, ପାଣି, ମାଟିରେ ରାସାୟନିକ ପ୍ରଦୂଷଣକୁ ଦୂର କରି ଫସଲ ଫଳାଇବାର ପ୍ରକ୍ରିୟାକୁ ଜୈବିକ ଚାଷ କୁହାଯାଏ । ଯାହା ପରିବେଶକୁ ସୁହାଇଥାଏ । ପ୍ରକୃତିକୁ କ୍ଷତି ନକରି ଆମ ସ୍ୱାସ୍ଥ୍ୟକୁ ସମୃଦ୍ଧ କରାଇଥାଏ ଏହି ଫସଲ । ବିଗତ କିଛି ବର୍ଷ ଧରି ଆମ ଦେଶବାସୀ ସ୍ୱାସ୍ଥ୍ୟ ବାବଦରେ ଦେଶରେ ଜୈବିକ ଚାଷକୁ ପ୍ରୋତ୍ସାହନ ଦେବା ପାଇଁ କେନ୍ଦ୍ର ସରକାରଙ୍କ ଦକ୍ଷତା ବିକାଶ ମନ୍ତ୍ରଣାଳୟ ପକ୍ଷରୁ ପ୍ରଶିକ୍ଷଣ ପ୍ରଦାନ କରାଯାଉଛି । ଏଥିରେ ଜୈବିକ ଚାଷ କ’ଣ, ଏହା କାହିଁକି କରାଯିବା ଉଚିତ, ବିହନ ଓ ଚାରା ଶସ୍ୟ ପରିଚାଳନା ପ୍ରସଙ୍ଗ ଉପରେ ବିଶେଷ ପ୍ରାଥମିକତା ଦିଆଯାଏ । ତାଲିମ ପରେ ଆପଣ ଖୁବ୍ କମ୍ ଜମିରେ ଏପରି ଉପାୟରେ ଚାଷ କରି ଅଧିକ ଲାଭବାନ ହୋଇପାରିବା ଦିଗରେ ସକ୍ଷମ ହୋଇପାରିବେ । 

        </description>
      </item>
      <item>
        <title>
           ସୁଝି ପାରିଲେନି ଋଣ, ବିଷ ପିଇ ଆତ୍ମହତ୍ୟା କଲେ ଚାଷୀ
        </title>
        <link>
           http://khabarodisha.com/Farmer-and-Labour/Farmer-Suicide--in-Kalahandi-37190
        </link>
        <guid>
           http://khabarodisha.com/Farmer-and-Labour/Farmer-Suicide--in-Kalahandi-37190
        </guid>
        <pubDate>
           Sun, 05 Aug 2018 13:10:39 GMT
        </pubDate>
        <description>

 ଓଡିଶା ପରି ଏକ କୃଷିପ୍ରଧାନ ରାଜ୍ୟରେ ଚାଷୀଙ୍କ ଦୁର୍ଦ୍ଦଶା ଦିନକୁ ଦିନ ବଢିବାରେ ଲାଗିଛି । ଋଣ ଭାର ବୋଝକୁ ଫସଲ ହାନିରେ ବିବ୍ରତ ହୋଇ ନିରୀହ ଚାଷୀ ଶେଷରେ ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି। ଏହି ପରିପ୍ରେକ୍ଷୀରେ କଳାହାଣ୍ଡି ଜିଲ୍ଲା ଭବାନୀପାଟଣା ବ୍ଲକ ମାଦିଗୁଡା ଗାଁରେ ପୁଣି ଜଣେ ଚାଷୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତକ ଚାଷୀ ଜଣକ ବାହାଦୂର ରାଣା ହୋଇଥିବା ଜଣାପଡିଛି । 

ଅଭିଯୋଗ ଅନୁଯାୟୀ, ବାହାଦୂର ୪ ଏକର ଜମିରେ କପା ଚାଷ କରିବାକୁ ୪ ଲକ୍ଷ ଟଙ୍କା ଋଣ କରିଥିଲେ। ଚାଷ ଉପଯୋଗୀ ବର୍ଷା ନହେବାରୁ କପା ଫସଲ ସଂପୂର୍ଣ୍ଣ ଭାବରେ ନଷ୍ଟ ହୋଇଯିବାରୁ ଗତକାଲି ଋଣବୋଝରେ ଚାପଗ୍ରସ୍ତ ହୋଇ ବାହାଦୂର ବିଷ ପିଇ ଦେଇଥିଲେ। ଖବର ପାଇ ଆଜି ପରିବାର ଲୋକ ତାଙ୍କୁ ବିଲରୁ ଉଦ୍ଧାର କରି ଟିଟିଲାଗଡ ଚିକିତ୍ସାଳୟରେ ଭର୍ତ୍ତି କରିଥିଲେ। ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

        </description>
      </item>
      <item>
        <title>
           ଫେରିବ ମାଣ୍ଡିଆ, ଜହ୍ନା, ଆଉ କାଙ୍ଗୁ : କ୍ଷୁଦ୍ର ଶସ୍ୟ ମିସନରେ ସାମିଲ ହେଲା ଆଉ ୫ଟି ଜିଲ୍ଲା, ୩୨ ବ୍ଲକ
        </title>
        <link>
           http://khabarodisha.com/Farmer-and-Labour/Minor-millet-return-in-odisha-5-more-district-include-in-millet-mission-36943
        </link>
        <guid>
           http://khabarodisha.com/Farmer-and-Labour/Minor-millet-return-in-odisha-5-more-district-include-in-millet-mission-36943
        </guid>
        <pubDate>
           Thu, 02 Aug 2018 08:41:04 GMT
        </pubDate>
        <description>

 କ୍ଷୁଦ୍ର ପେନ୍ଥା ଜାତୀୟ ଶସ୍ୟ ଅଥବା ମିଲେଟ ଜାତୀୟ ଶସ୍ୟ ନାମମାତ୍ର ଓ କ୍ଷୁଦ୍ର ଚାଷୀଙ୍କ ପାଇଁ ଲାଭଜନକ । ଜଳବାୟୁ ଓ ରୋଗପୋକ ସହିତ ଲଢି କମ୍ ବିନିଯୋଗରେ ଚାଷୀଙ୍କୁ ପୁଷ୍ଟି ଯୋଗାଇଥାଏ ଏହି ଶସ୍ୟ । ଗତବର୍ଷ ରାଜ୍ୟସରକାର ୭ଟି ଜିଲ୍ଲାର ୩୦ଟି ବ୍ଲକକୁ ମିଲେଟ ମିସନରେ ସାମିଲ କରାଇଥିଲେ । ଏବେ ପୁଣି ଆଉ ୫ଟି ଜିଲ୍ଲାର ୩୨ଟି ବ୍ଲକକୁ ଏହି ମିସନରେ ସାମିଲ କରାଯାଇଛି । ଫଳରେ ରାଜ୍ୟର ୧୨ଟି ଜିଲ୍ଲାର ୬୨ଟି ବ୍ଲକରେ ଏହି ଜାତୀୟ ଶସ୍ୟ ଯଥା ମାଣ୍ଡିଆ, ଜହ୍ନା, କାଙ୍ଗୁ ପୁଣି ଫେରିଆସିବ ।

ସୂଚନା ଯୋଗ୍ୟ ଯେ, ଗତବର୍ଷ ରାୟଗଡ଼ା, ନୂଆପଡ଼ା. ମାଲକାନାଗିରି, କୋରାପୁଟ, କଳାହାଣ୍ଡି, ଗଜପତି ଆଦି ୭ଟି ଜିଲ୍ଲାରେ ଏହି ମିସନ କାଯ୍ୟାରମ୍ଭ କରିଥିଲା । ଚଳିତ ଖରିଫରେ ସୁନ୍ଦରଗଡ଼, ମୟୁରଭଞ୍ଜ, ବଲାଙ୍ଗିର ଓ ଗଞ୍ଜାମ ଜିଲ୍ଲାରେ ଏହି ମିସନ କାର୍ଯ୍ୟ ଆରମ୍ଭ କରିବ । ବରଗଡ଼, ନବରଙ୍ଗପୁର ଓ କେନ୍ଦୁଝର ଜିଲ୍ଲାର ୭ଟି ବ୍ଲକରେ ଏହି ମିସନର କାର୍ଯ୍ୟ ଆରମ୍ଭ ହେବ । ଆଗରୁ ତେଲେଙ୍ଗାନା ମିଲେଟ ଷ୍ଟେଟ ଭାବେ ସ୍ୱିକୃତି ପାଇଥିବାବେଳେ ଓଡ଼ିଶାର ଆଦିବାସୀ ଚାଷୀମାନେ ବର୍ଷ ବର୍ଷ ଧରି ନିଜର ପାହାଡ଼ିଆ ଜମିରେ ୬୦-୭୦ ପ୍ରକାରରୁ ଉଦ୍ଧ୍ୱର୍ ମିଲେଟ ଜାତୀୟ ଶସ୍ୟ ଚାଷ କରି ନିଜର ଖାଦ୍ୟ ନିରାପତ୍ତାକୁ ନିଜେ ନିଶ୍ଚିତତା କରିଆସିଛନ୍ତି । 

        </description>
      </item>
      <item>
        <title>
           ଓଡିଶାରୁ କେବେ ବିଦା ହେବେ ବଙ୍ଗଳାଦେଶୀ ଅନୁପ୍ରବେଶକାରୀ ? ଭୋଟବ୍ୟାଙ୍କ ପାଇଁ ହେଉ ନାହାନ୍ତି କି ବିଦା ?
        </title>
        <link>
           http://khabarodisha.com/Farmer-and-Labour/Bangaldeshi-Migrants-Infiltration-Odisha-36923
        </link>
        <guid>
           http://khabarodisha.com/Farmer-and-Labour/Bangaldeshi-Migrants-Infiltration-Odisha-36923
        </guid>
        <pubDate>
           Wed, 01 Aug 2018 19:32:12 GMT
        </pubDate>
        <description>

ଭୁବନେଶ୍ୱର, ୧ ଅଗଷ୍ଟ (ଖବର ଓଡିଶା)- ବଙ୍ଗଳାଦେଶୀ ଅନୁପ୍ରବେଶକାରୀ ପ୍ରସଙ୍ଗରେ ପଦାରେ ପଡୁଛି ନବୀନ ସରକାରଙ୍କ ଦୋମୁହାଁ ନୀତି । ଯାହାକୁ ନେଇ ଏବେ ଚଳଚଞ୍ଚଳ ହୋଇପଡିଛି ରାଜ୍ୟ ରାଜନୀତି । ସେପଟେ ଏହି ପ୍ରସଙ୍ଗକୁ ନେଇ ରାଜ୍ୟ ସରକାରଙ୍କ ଦୁଇଟି ବିଭାଗ ମଧ୍ୟରେ ତାଳମେଳ ରହୁନାହିଁ । ଦୁଇ ବିଭାଗର ତଥ୍ୟ ଭିନ୍ନଭିନ୍ନ ରହିବାକୁ ନେଇ ଏବେ ସାଧାରଣରେ ସରକାରଙ୍କ ଭୂମିକାକୁ ନେଇ ପ୍ରଶ୍ନ ଉଠିଛି । ସେପଟେ ଏ ସବୁ ମଧ୍ୟରେ ସାଂସଦ ପ୍ରସନ୍ତ ଆଚାର୍ୟ୍ୟଙ୍କ ବୟାନ ଚର୍ଚ୍ଚାକୁ ଆସିଛି ।

ଗତକାଲି ରାଜ୍ୟସଭାରେ ବିଜୁ ଜନତା ଦଳର ରାଜ୍ୟସଭା ସଂସଦୀୟ ଦଳର ନେତା ପ୍ରସନ୍ନ ଆଚାର୍ୟ୍ୟ ରାଜ୍ୟସଭାରେ ବଙ୍ଗଳାଦେଶୀ ଅନୁପ୍ରବେଶକାରିଙ୍କୁ ବିଦା କରିବା ପାଇଁ ସମସ୍ତ ପ୍ରୟାସ କରିବା ଦରକାର ବୋଲି କହିଛନ୍ତି । ପ୍ରସନ୍ନ ଆଚାର୍ୟ୍ୟ କହିଛନ୍ତିକି ଏହା ଏକ ଜାତୀୟ ସୁରକ୍ଷାର ପ୍ରସଙ୍ଗ ।

ହେଲେ ଓଡିଶାରେ ବାଙ୍ଗଲାଦେଶି ଅନୁପ୍ରବେଶକାରୀଙ୍କୁ ବାହାର କରିବା ପାଇଁ ତାଙ୍କ ଦଳର ସରକାର ସତରେ ଚାହୁଁଛି କି ? ବାଙ୍ଗଲାଦେଶି ଅନୁପ୍ରବେଶକାରୀଙ୍କୁ ଆମ ରାଜ୍ୟରୁ କାଢିବା ପାଇଁ କିଏ ମନାକରିଛି ରାଜ୍ୟ ସରକାରଙ୍କୁ । କାହିଁକି ରାଜ୍ୟ ସରକାର ବାଙ୍ଗଲାଦେଶୀ ଅନୁପ୍ରବେଶ ମାନଙ୍କୁ ବାହାର କରୁନାହାନ୍ତି ଓଡିଶାରୁ ଏହା ଏକ ବଡ ପ୍ରଶ୍ନ ହୋଇ ଠିଆ ହୋଇଛି ସାଧାରଣ ଜନତାଙ୍କ ଆଗରେ ।

ଏପରିକି ଓଡିଶାରେ କେତେ ବଙ୍ଗଳାଦେଶୀ ଅନୁପ୍ରବେଶକାରୀ ଅଛନ୍ତି ତାକୁ ନେଇ ମଧ୍ୟ ସରକାର ବିଧାନସଭାରେ ଦ୍ୱନ୍ଦାତ୍ମକ ତଥ୍ୟ ଦେଉଛନ୍ତି । ଗୃହ ବିଭାଗ ଏବଂ ରାଜସ୍ୱ ବିଭାଗ ତଥ୍ୟରେ ଅଛି ଆକାଶ ପାତାଳ ଫରକ ।

ରାଜସ୍ୱ ବିଭାଗ ଦେଇଥିବା ତଥ୍ୟ ଅନୁସାରେ ୨୦୧୫-୧୬ ସୁଦ୍ଧା ରାଜ୍ୟରେ ୪୭,୨୮୯ ଜଣ ବାଙ୍ଗଲାଦେଶୀ ଅନୁପ୍ରବେଶ ଅଛନ୍ତି । ହେଲେ ଗୃହ ବିଭାଗ ଦେଇଥିବା ତଥ୍ୟାନୁସାରେ ରାଜ୍ୟରେ ଅଛନ୍ତି ମାତ୍ର ୩୮୩୭ ଜଣ ବାଙ୍ଗଲାଦେଶୀ ଅନୁପ୍ରବେଶ କାରୀ ।  ତାହେଲେ କିଏ ଠିକ ରାଜସ୍ୱ ବିଭାଗ ନା ଗୃହ ବିଭାଗ ତାହା ମଧ୍ୟ ଏକ ବଡ ପ୍ରଶ୍ନ ।

ଏତ ହେଉଛି ସରକାର ହିସାବ ହେଲେ ବେସରକାରୀ ତଥ୍ୟଅନୁସାରେ ଓଡିଶାରେ ୧୦ ଲକ୍ଷରୁ ଅଧିକ ବାଙ୍ଗଲାଦେଶୀ ଅନୁପ୍ରବେଶକାରୀ ଅଛନ୍ତି । 

ଓଡିଶାର ସମୁଦାୟ ୩୦ଟି ଜିଲ୍ଲାରୁ ୨୮ଟି ଜିଲ୍ଲାରେ ଏବେ ବାଙ୍ଗଲାଦେଶି ଅନୁପ୍ରବେଶ କାରି ମାନେ । କେନ୍ଦ୍ରାପଡା, ଜଗତସିଂପୁର, ଏବଂ ନବରଙ୍ଗପୁରରେ ଅଛନ୍ତି ସର୍ବାଧୀକ । ରାଜ୍ୟର ଖଣି ଅଂଚଳ ଏବଂ ଶିଳ୍ପାଂଚଳ ସବୁଠି ବାଙ୍ଗଲାଦେଶୀ ଅନୁପ୍ରବେଶ କାରୀ ମାନେ । ରାଉରକଲାରେ କେବଳ ଅଛନ୍ତି ୧୦ ହଜାରରୁ ଅଧିକ ଅନୁପ୍ରବେଶ କାରୀ ।

୨୦୦୧ ମସିହାରେ ୪୦୦୦ ବାଙ୍ଗଲାଦେଶିଙ୍କୁ ବିତାଡିତ କରାଯିବା ପାଇଁ ନିଷ୍ପତି ହୋଇଥିଲା । ବିଧାନସଭାରେ ଏକ ସର୍ବସମ୍ମତି ପ୍ରସ୍ତାବ ଗୃହିତ ହୋଇଥୀଲା ଓଡିଶାରେ ବାଙ୍ଗଲାଦେଶୀମାନଙ୍କୁ ଚିହ୍ନଟ କରି ବିତାଡିତ କରିବା ହେଲେ ସେ ପ୍ରସ୍ତାବକୁ ରାଜ୍ୟ ସରକାର ଏବେଯାଏଁ କାର୍ୟ୍ୟକାରୀ ହୋଇପାରିଲା ନାହିଁ । 

ବିଧାନସଭାରେ ପୁର୍ଣ୍ଣ ବହୁମତ ଅଛି ବିଜୁ ଜନତା ଦଳର । ହେଲେ କାହିଁକି ରାଜ୍ୟ ସରକାର ବାଙ୍ଗଲାଦେଶିଙ୍କୁ ଓଡିଶାରୁ ଚିହ୍ନଟ କରି ବିଦା କରୁନାହାନ୍ତି ଏହା ଏକ ଚିନ୍ତାଜନକ ବିଷୟ । 

ଏହା ପଛରେ ରାଜନୈତିକ ଭୋଟ ବ୍ୟାଙ୍କ ଏକ ମୁଖ୍ୟ କାରଣ ବୋଲି କୁହାଯାଉଛି । କେନ୍ଦ୍ରାପଡାର ମହାକାଳପଡାରେ ଅଛନ୍ତି ୩୦ ହଜାର ବାଙ୍ଗଲାଦେଶୀ ଭୋଟର । ଖାଲି ମହାକାଳପଡା ନୁହେଁ ରାଜନଗର, ଆଳି,  ନବରଙ୍ଗପୁର, ପାରାଦ୍ୱୀପର ଏରସମା, ତିର୍ତୋଲ ଏପରି ଅନେକ ନିର୍ବାଚନ ମଣ୍ଡଳିରେ ଏହି ବାଙ୍ଗଲାଦେଶି ଭୋଟର ମାନଙ୍କ ନିର୍ବାଚନ ଜିତିବା ହାରିବା ରେ ଗୋଟିଏ ବଡ ଭୁମିକା ଅଛି ।

ଜାଲ ନୋଟ କାରବାରଠାରୁ ଆରମ୍ଭ କରି ଗଂଜେଇ ବ୍ରାଉନସୁଗାର ଚାଲାଣ ସବୁଥିରେ ବାଙ୍ଗଲାଦେଶୀ ଅନୁପ୍ରବେଶକାରୀକାରିକ ସମ୍ପୃକ୍ତ ଥିବା ନେଇ ବିଭିନ୍ନ ସମୟରେ ଅଭିଯୋଗ ମଧ୍ୟ ହେଉଛି ।

        </description>
      </item>
      <item>
        <title>
           ଖୋର୍ଦ୍ଧା ଓ କଳାହାଣ୍ଡିରେ ଗର୍ଜିଲେ ଚାଷୀ
        </title>
        <link>
           http://khabarodisha.com/Farmer-and-Labour/farmers-protest-in-Khurdha-and-kalhandi-36815
        </link>
        <guid>
           http://khabarodisha.com/Farmer-and-Labour/farmers-protest-in-Khurdha-and-kalhandi-36815
        </guid>
        <pubDate>
           Tue, 31 Jul 2018 14:01:34 GMT
        </pubDate>
        <description>

ଚାଷୀ ସମସ୍ୟା ନେଇ ପୁଣି ଥରେ ଆନ୍ଦୋଳନକୁ ଓହ୍ଲାଇଛନ୍ତି ଚାଷୀମାନେ । ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନସନ୍‌ ଦାବିରେ ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ କମ୍ପୁଥିବାବେଳେ କଳାହାଣ୍ଡିରେ ଚାଷୀ ଦାବି କରିଛନ୍ତି ଶସ୍ୟ ବୀମା । 

ଚାଷୀ ତିନି ପ୍ରମୁଖ ଅଧିକାର ପ୍ରାଇସ, ପ୍ରେଷ୍ଟିଜ୍‌ ଓ ପେନସନ୍‌ ଦାବିରେ ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକତ୍ରିତ ହୋଇଛନ୍ତି ନବ ନିର୍ମାଣ କୃଷକ ସଂଗଠନର ଶତାଧିକ ଚାଷୀ । ସଂଗଠନ ପକ୍ଷରୁ ଜୟ କିଷାନ ମହାସମାବେଶର ଆୟୋଜନ କରାଯାଇଛି । ସଂଗଠନର ବିଭିନ୍ନ କର୍ମକର୍ତ୍ତୀମାନେ ନିଜର ମତ ରଖୁଚନ୍ତି । ଏହା ସହିତ ଆନ୍ଦୋଳନକାରୀମାନେ ଜିଲ୍ଲାପାଳଙ୍କୁ ସ୍ମାରକ ପତ୍ର ପ୍ରଦାନ କରିଛନ୍ତି । ଜିଲ୍ଲାପାଳ ସ୍ମାରକ ପତ୍ର ଗ୍ରହଣ କରିବା ସହିତ ଖୁବ ଶୀଘ୍ର ଦାବି ପୂରଣ ହେବ ବୋଲି ପ୍ରତିଶ୍ରୁତି ଦେଇଛନ୍ତି । 

ଅନ୍ୟପକ୍ଷରେ କଳାହାଣ୍ଡିର ବୋର୍ଡା ଅଂଚଳରେ ଚାଷୀମାନେ ଆନ୍ଦୋଳନ କରିଛନ୍ତି । ଆନ୍ଦୋଳନରେ ୧୧ଟି ପଂଚାୟତର ଚାଷୀ ସାମିଲ ହୋଇଛନ୍ତି । ଶସ୍ୟ ବୀମା  ପ୍ରଦାନ ଦାବିରେ ଚାଷୀମାନେ ରାଜରାସ୍ତାକୁ ଓହ୍ଲାଇଛନ୍ତି । ୨୦୧୭-୧୮ ବର୍ଷର ଶସ୍ୟ ବୀମା ବର୍ତମାନ ପର୍ଯ୍ୟନ୍ତ ଚାଷୀଙ୍କୁ ମିଳି ନ ଥିବା ଚାଷୀମାନେ ଅଭିଯୋଗ କରିଛନ୍ତି । ଆନ୍ଦୋଳନରତ ଶତାଧୀକ ଚାଷୀ ରାସ୍ତା ଅବରୋଧ କରିବା ଫଳରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିବା ଜଣାପଡ଼ିଛି । ରାସ୍ତା ଅବରୋଧ ଫଳରେ ଖଡିଆଳ–ଭବାନୀପାଟଣା ମଧ୍ୟରେ ଯାତାୟତ ବାଧାପ୍ରାପ୍ତ ହୋଇଛି ।

        </description>
      </item>
      <item>
        <title>
           ଚାଷୀଙ୍କୁ ମିଳିବ ସ୍ମାର୍ଟଫୋନ, ସୂଚନା ଦେଲେ ସମବାୟ ମନ୍ତ୍ରୀ ସୂର୍ଯ୍ୟ ପାତ୍ର
        </title>
        <link>
           http://khabarodisha.com/Farmer-and-Labour/Now-Odisha-Farmer-Get-Smart-Phone-36551
        </link>
        <guid>
           http://khabarodisha.com/Farmer-and-Labour/Now-Odisha-Farmer-Get-Smart-Phone-36551
        </guid>
        <pubDate>
           Fri, 27 Jul 2018 14:37:51 GMT
        </pubDate>
        <description>

ରାଜ୍ୟ ସରକାର ଚାଷୀଙ୍କୁ ସ୍ମାର୍ଟଫୋନ ପ୍ରଦାନ କରିବେ। ପ୍ରତି ଜିଲ୍ଲାର ପ୍ରାୟ ୨ ହଜାର ଚାଷୀଙ୍କୁ ସ୍ମାର୍ଟଫୋନ ଦିଆଯିବ। ସମବାୟ ବିଭାଗ ପକ୍ଷରୁ ଫୋନ ପ୍ରଦାନ କରାଯିବ। ଏଥିପାଇଁ ୩ କୋଟି ଟଙ୍କା ବ୍ୟୟବରାଦ କରାଯାଇଛି। ଖାଦ୍ୟ ଯୋଗାଣ ଓ ସମବାୟ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର ଏହି ସୂଚନା ଦେଇଛନ୍ତି। ଫୋନ ଦ୍ୱାରା ସେମାନେ ଚାଷ, ପାଣିପାଗ, ବଜାର ଦର ଓ ଋଣ ସମ୍ପର୍କରେ ସୂଚନା ପାଇପାରିବେ। 

ଏତଦବ୍ୟତିତ ସାରା ଦେଶରେ ଜାରି ରହିଥିବା ଟ୍ରକ ଧର୍ମଘଟ ନେଇ ମଧ୍ୟ ଶ୍ରୀ ପାତ୍ର କେନ୍ଦ୍ରମନ୍ତ୍ରୀଙ୍କ ସହ ଆଲୋଚନା କରିଛନ୍ତି । କେନ୍ଦ୍ର ଖାଦ୍ୟ ଯୋଗାଣ ମନ୍ତ୍ରୀ ରାମବିଳାସ ପାୱାନଙ୍କ ସହ ଏହାର ସମାଧାନ ପାଇଁ ସେ ଆଲୋଚନା କରିଥିବା ସୂଚନା ମିଳିଛି। 

ପ୍ରକାଶ ଥାଉକି, ଓଡ଼ିଶା ସମେତ ସାରା ଦେଶରେ ଟ୍ରକ ଧର୍ମଘଟ ଜାରି ରହିଛି । ଏହି ଧର୍ମଘଟରେ ଦେଶର ୯୩ ଲକ୍ଷ ଟ୍ରକ ସାମିଲ ହୋଇ ଟ୍ରକ ଚଳାଚଳକୁ ବନ୍ଦ କରି ଦେଇଛନ୍ତି । ଏତେ ସଂଖ୍ୟକ ଟ୍ରକ ଚଳାଚଳ ବନ୍ଦ ହେଉଥିବାରୁ ଦ୍ରବ୍ୟ ପରିବହନ ପ୍ରଭାବିତ ହୋଇଛି। କେନ୍ଦ୍ରୀୟ ଏବଂ ରାଜ୍ୟସ୍ତରୀୟ ଟିକସ କମାଇବା, ଟୋଲ ଶୁକ୍ଲ ଉଚ୍ଛେଦ, ତୃତୀୟ ପକ୍ଷ ବୀମା ପ୍ରିମିୟମ ହ୍ରାସ ଏବଂ ବୀମା ଦେୟ ଉପରୁ ଜିଏସଟି ଛାଡ଼ କରିବା ଦାବୀ ନେଇ ସର୍ବ ଭାରତୀୟ ମୋଟର ପରିବହନ କଂଗ୍ରେସ ଆନ୍ଦୋଳନକୁ ଓହ୍ଲାଇଛି।     

        </description>
      </item>
      <item>
        <title>
           କିଣନ୍ତୁ ହସ୍ତଚାଳିତ ବିହନ ବୁଣା ମେସିନ, ମିଳୁଛି ୫୧୪୨ ଟଙ୍କା ଦାମରେ
        </title>
        <link>
           http://khabarodisha.com/Farmer-and-Labour/Seeds-shoring-machine-available-for-small-farmer-35322
        </link>
        <guid>
           http://khabarodisha.com/Farmer-and-Labour/Seeds-shoring-machine-available-for-small-farmer-35322
        </guid>
        <pubDate>
           Fri, 06 Jul 2018 14:54:22 GMT
        </pubDate>
        <description>

 ଆପଣ ଟ୍ରାକ୍ଟର ଯୋଗେ ଚାଷ ଓ ବୁଣା ହେଉଥିବା ଦେଖିଥିବେ । ଏବେ ବି ବହୁତ ଚାଷୀ ହଳ ବଳଦରେ ଚାଷ କରନ୍ତି । ବିହନକୁ ହାତରେ ଛାଟି ବୁଣିଥାନ୍ତି । ଏପରି ବୁଣିବା ଦ୍ୱାରା ଚାରା ଭଲରେ ହୁଏନି । ଚାରିଆଡ଼େ ସମାନ ଭାବରେ ଚାରା ଉଠିନଥାଏ । ଅମଳ ବି କମିଯାଏ । ଏହାକୁ ଦୃଷ୍ଟିରେ ରଖି କ୍ଷୁଦ୍ର ଓ ନାମମାତ୍ର ଚାଷୀଙ୍କ ପାଇଁ ହାତଟଣା ବିହନବୁଣା ଯନ୍ତ୍ର ବିକଶିତ କରାଯାଇଛି । ଓମ ଏଗ୍ରୋ ୱାଲ୍ଡ ନାମକ ଏକ କମ୍ପାନୀ ଏହାକୁ ବିକଶିତ କରିଛି । ପୂର୍ବରୁ ଏହି କମ୍ପାନୀ ଟ୍ରାକ୍ଟର ସହିତ ଯୋଡ଼ି ହେବା ଭଳି ବିହନ ବୁଣା ମେସିନ ବାହାର କରିଥିଲା ।

ହାତ ଟଣା ବିହନ ବୁଣା ମେସିନର ଓଜନ ୧୨ କିଗ୍ରା । ଚାଷୀ ସହଜରେ ନେବା ଆଣିବା କରିପାରିବ । ଏଥିରେ ଥରକେ ଏହି ୪ କିଲୋଗ୍ରାମ ବିହନ ଭର୍ତ୍ତି ହୋଇପାରିଥାଏ । ଉଭୟ ନରମ ଓ ଟାଣ ମାଟିରେ ସହଜ ଭାବରେ ଚାଲିପାରେ । ଚାଷୀ ନିଜ ଉଚ୍ଚତା ଅନୁସାରେ ଏହାର ହ୍ୟାଣ୍ଡେଲକୁ କମ୍ ବା ବେଶୀ କରିପାରିଥାଏ । ଏହି ମେସିନ ପାଇଁ ୮୦୪୨୯୬୪୦୦୪ ନମ୍ବରରେ ଯୋଗାଯୋଗ କରାଯାଇପାରେ । 

        </description>
      </item>
   </rss>
 </channel>