<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           କୃଷକଙ୍କ ସୁରକ୍ଷା ଭତ୍ତା ନେଇ ପ୍ରଥମେ ଅଧ୍ୟାଦେଶ, ପରେ ଆଲୋଚନା: ଅକ୍ଷୟ କୁମାର
        </title>
        <link>
           http://khabarodisha.com/Farmer-and-Labour/Naba-Nirman-Krishak-sangathan-Strikes-again-42830
        </link>
        <guid>
           http://khabarodisha.com/Farmer-and-Labour/Naba-Nirman-Krishak-sangathan-Strikes-again-42830
        </guid>
        <pubDate>
           Fri, 09 Nov 2018 15:48:21 GMT
        </pubDate>
        <description>

 ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍ ଦାବି ନେଇ ନବ ନିର୍ମାଣ କୃଷକ ସଂଗଠନ ଆନ୍ଦୋଳନ ଜାରି ରଖିବ। ନଭେମ୍ବର ୧୨ରୁ ନିଜର ଦାବି ନେଇ ପୁଣି ଥରେ ଚାଷୀମାନେ ରାଜ୍ୟର ପ୍ରତି ପଞ୍ଚାୟତ ଅଫିସ ଓ ଥାନା ଆଗରେ ଧାରଣା ଦେବା ସହ ସତ୍ୟାଗ୍ରହ କରିବେ ବୋଲି ନବ ନିର୍ମାଣ କୃଷକ ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର ସୂଚନା ଦେଇଛନ୍ତି। ଏତଦବ୍ୟତିତ କୃଷକଙ୍କ ସୁରକ୍ଷା ଭତ୍ତା ନେଇ ସରକାର ପ୍ରଥମେ ଅଧ୍ୟାଦେଶ ଆଣନ୍ତୁ ଏବଂ ପରେ ମନ୍ତ୍ରୀସ୍ତରୀୟ କମିଟି ସହ ଆଲୋଚନା କରାଯିବ ବୋଲି ସେ କହିଛନ୍ତି।        

ଚାଷୀଙ୍କ ଦାବି ନେଇ ଆସନ୍ତା ୧୨ ତାରିଖରେ ରାଜ୍ୟର ସବୁ ପଞ୍ଚାୟତରେ ସତ୍ୟାଗ୍ରହ ସହ ଧାରଣା ଦିଆଯିବ । ସେହିପରି ତା’ର ୨ ଦିନ ଅର୍ଥାତ୍ ନଭେମ୍ବର ୧୫ ତାରିଖରେ ପୁଣି ସମସ୍ତ ଥାନା ଆଗରେ ଧାରଣା ଦିଆଯିବା ସହ ସତ୍ୟାଗ୍ରହ କରାଯିବ ଏବଂ ଆଗକୁ ଆଇନ ଅମାନ୍ୟ ଆନ୍ଦୋଳନ କରାଯିବ ବୋଲି ସଂଗଠନର ରାଷ୍ଟ୍ରୀୟ ସଂଯୋଜକ ଶ୍ରୀ କୁମାର ଏକ ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି। ନେତାଙ୍କୁ ଅଭିନବ ଉପାୟରେ ବିରୋଧ କରାଯିବା ନେଇ ମଧ୍ୟ ସେ କହିଛନ୍ତି।   

ଏହାବ୍ୟତିତ ଚାଷୀଙ୍କ ଦାବିକୁ ଆଲୋଚନା କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଗଠିତ ହୋଇଥିବା ମନ୍ତ୍ରୀସ୍ତରୀୟ କମିଟି ସହ ଆଲୋଚନା ପାଇଁ ସେ ସର୍ତ୍ତ ରଖିଛନ୍ତି। ସରକାରଙ୍କ ସହ ଆଲୋଚନା ପୂର୍ବରୁ ସେ ରାଜ୍ୟରେ ଥିବା ୩୬ ଲକ୍ଷ କୃଷକଙ୍କ ପାଇଁ ୨୧ ହଜାର ୬ ଶହ କୋଟି ଟଙ୍କାର ସୁରକ୍ଷା ଭତ୍ତା ଦାବି କରିଛନ୍ତି। ସୁରକ୍ଷା ଭତ୍ତା ନେଇ ଅଧ୍ୟାଦେଶ ଆଣିବା ପରେ ଆଲୋଚନାକୁ ଡାକନ୍ତୁ ବୋଲି ରାଷ୍ଟ୍ରୀୟ ସଂଯୋଜକ ଶ୍ରୀ କୁମାର କହିଛନ୍ତି । 

        </description>
      </item>
      <item>
        <title>
           ଚାଷୀମାନଙ୍କର ସମସ୍ୟାର ସମାଧାନ ପାଇଁ ଖୁବଶୀଘ୍ର ବୈଠକ ଡକାଯାଇ ନିଷ୍ପତି ନିଆଯିବ: କୃଷିମନ୍ତ୍ରୀ
        </title>
        <link>
           http://khabarodisha.com/Farmer-and-Labour/farmer-solve-soon-said-Farmer-Minister-Pradeep-Moharathy-42697
        </link>
        <guid>
           http://khabarodisha.com/Farmer-and-Labour/farmer-solve-soon-said-Farmer-Minister-Pradeep-Moharathy-42697
        </guid>
        <pubDate>
           Tue, 06 Nov 2018 22:44:01 GMT
        </pubDate>
        <description>

 ପ୍ରାଇସ୍, ପେନସନ୍ ଓ ପ୍ରେଷ୍ଟିଜ୍ ଦାବି କରି ନବନିର୍ମାଣ କୃଷକ ସଂଗଠନ ପକ୍ଷରୁ ରାଜଧାନୀରେ ଆୟୋଜନ କରାଯାଇଥିବା ଚାଷୀ ମହାସମାବେଶକୁ ସରକାରଙ୍କ ପକ୍ଷରୁ ଭଣ୍ଡୁର କରିଦିଆଯାଇଥିବାରୁ ଚାଷୀମାନେ ଉତକ୍ଷିପ୍ତ ହୋଇ ଫେରି ଯାଇଛନ୍ତି । ଏହାର ଠିକଣା ଜବାବ ଗାଁ ଗାଁରେ ଦିଆଯିବ ବୋଲି ସେମାନେ ନିଷ୍ପତି ନେଇଛନ୍ତି ।

ଅନ୍ୟପକ୍ଷରେ କୃଷିମନ୍ତ୍ରୀ ପ୍ରଦୀପ କୁମାର ମହାରଥି କହିଛନ୍ତି ଯେ, ଚାଷୀ ମାନଙ୍କର ସମସ୍ୟାର ସମାଧାନ ପାଇଁ ଖୁବଶୀଘ୍ର ବୈଠକ ଡକାଯାଇ ଏ ବିଷୟରେ ଆଲୋଚନା କରାଯାଇ ନିଷ୍ପତି ନିଆଯିବ । ଚାଷୀମାନଙ୍କୁ କୌଣସି କ୍ଷେତ୍ରରେ ସରକାରଙ୍କ ପକ୍ଷରୁ ଅବହେଳା କରାଯାଉନାହିଁ । ବରଂ ଚାଷ ଏବଂ ଚାଷୀର ବିକାଶ ପାଇଁ ସରକାରଙ୍କ ପକ୍ଷରୁ ଯେତେଗୁଡ଼ିଏ ପଦକ୍ଷେପ ନିଆଯାଇଛି ଅତୀତରେ ତାହା କୌଣସି ସରକାରଙ୍କ ପକ୍ଷରୁ ନିଆଯାଇନଥିଲା ବୋଲି ସେ କହିଛନ୍ତି ।

        </description>
      </item>
      <item>
        <title>
           କୃଷି ଉତ୍ପାଦନ କ୍ଲଷ୍ଟର୍‌ ଯୋଜନାର ଶୁଭାରମ୍ଭ, ଢିପ ଜମି ଥିବା ଆଦିବାସୀ ବହୁଳ ଜିଲ୍ଲା ଚାଷୀଙ୍କ ବଢ଼ିବ ଆୟ
        </title>
        <link>
           http://khabarodisha.com/Farmer-and-Labour/CM-launching-agriculture-production-cluster-42670
        </link>
        <guid>
           http://khabarodisha.com/Farmer-and-Labour/CM-launching-agriculture-production-cluster-42670
        </guid>
        <pubDate>
           Tue, 06 Nov 2018 15:00:30 GMT
        </pubDate>
        <description>

ରାଜ୍ୟରେ ଥିବା ଉଚ୍ଚ ଜମି ଅଂଚଳ ପାଇଁ କୃଷି ଉତ୍ପାଦନ କ୍ଲଷ୍ଟର୍‌ର ଶୁଭାରମ୍ଭ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ପ୍ରାୟ ୩୦୦ ଚାଷୀ ଭିଡ଼ିଓ କନ୍‌ଫରେନ୍ସିଂ ଜରିଆରେ ଯୋଡ଼ି ହୋଇଥିଲେ । କୃଷି ଉତ୍ପାଦନ କ୍ଲଷ୍ଟର ପାଇଁ ବୁଝାମଣା ପତ୍ର ସ୍ୱାକ୍ଷରିତ ହୋଇଛି । ଏହି ଯୋଜନାରେ ଆଗାମି ୪ ବର୍ଷ ମଧ୍ୟରେ ରାଜ୍ୟରେ ୧୨ ଗୋଟି ଢିପଜମି ଥିବା ଜିଲ୍ଲାରେ ୪୦ ଗୋଟି ପଛୁଆ ବ୍ଲକ୍‌ରେ ପ୍ରାୟ ୧ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀଙ୍କ ଆୟକୁ ବୃଦ୍ଧି କରାଯାଇପାରିବ । 

ଏଥିରେ ୧୫୦ ଜଣ ଚାଷୀଙ୍କୁ ନେଇ ଉତ୍ପାଦକ ଗୋଷ୍ଠୀ ଗଠନ କରାଯିବ । ୪୦ ଏକର ପରିମିତ ଜମିରେ ମୁଖ୍ୟତଃ ଉଦ୍ୟାନ କୃଷି ଭିତ୍ତିକ ଫସଲ ଚାଷ କରିବାକୁ ସୁବିଧା ପ୍ରଦାନ କରାଯିବ । ଉତ୍ପାଦକ ଗୋଷ୍ଠୀରୁ ୪ ରୁ ୫ ହଜାର ଚାଷୀଙ୍କୁ ନେଇ କୃଷି ଉତ୍ପାଦନ କ୍ଲଷ୍ଟର୍‌ ପ୍ରତିଷ୍ଠା କରାଯିବ । କ୍ଲଷ୍ଟର ପାଇଁ ୬୫୦ଟି ଉତ୍ପାଦକ ଗୋଷ୍ଠୀ ସହ ୩୦ଟି ଉତ୍ପାଦକ କମ୍ପାନୀ ପ୍ରତିଷ୍ଠା କରାଯିବା ନେଇ ସ୍ଥିର ହୋଇଛି । ଏହା ସହିତ ଗୃହ ପାଳିତ ପଶୁ ପାଳନ ପାଇଁ ମଧ୍ୟ ସହାୟତା ପ୍ରଦାନ କରାଯିବ । ବିକ୍ରିବଟା ପାଇଁ ରାଜ୍ୟ ସରକାରଙ୍କ ପକ୍ଷରୁ ବଜାର ପ୍ରଶସ୍ତ ମଧ୍ୟ କରାଯିବ । ୧୬ ହଜାର ଏକର ଚାଷଜମିକୁ ଜଳସେଚିତ ଜମିରେ ପରିଣତ କରାଯିବ । ଏହା ସହ ୮ ହଜାର ଏକର ଜମିରେ ଫଳଚାଷ କରାଯିବ ଏବଂ ୭୦ ହଜାର ଚାଷୀଙ୍କୁ କୃଷି ଯନ୍ତ୍ରପାତି ଯୋଗାଇ ଦିଆଯିବ । ଆହୁରି ମଧ୍ୟ ୩୦ ହଜାର ଚାଷୀଙ୍କୁ ଛେଳି ଓ କୁକୁଡା ପାଳନ ପାଇଁ ଭିତିଭୂମି ଯୋଗାଇ ଦିଆଯିବାନେଇ ସୂଚନା ମିଳିଛି । 

କୃଷି ଉତ୍ପାଦନ କ୍ଲଷ୍ଟର ପାଇଁ ୪୦୧.୬୦ କୋଟି ଟଙ୍କା ଖର୍ଚ୍ଚ ହେବ । ଆବଶ୍ୟକ ଅର୍ଥ ରାଜ୍ୟ ପଂଚାୟତରାଜ ଓ ପାନୀୟ ଜଳ ଯୋଗାଣ ବିଭାଗ ଅଧିନରେ ଥିବା ଓଡ଼ିଶା ଜିବିକା ମିଶନ୍‌ ୭୦.୦୬ କୋଟି, ଏପିକଲ୍‌ ୧୭.୮୦ କୋଟି ଓ ଭାରତ ରୁରାଲ ଲାଇଭ୍‌ଲିହୁଡ଼୍‌ ଫାଉଣ୍ଡେସନ୍‌ ଓ ସହଯୋଗୀ ସଂସ୍ଥା ୨୦.୩୪ କୋଟି ଏବଂ ରାଜ୍ୟର କୃଷି ଓ ଆନୁସଙ୍ଗୀକ ବିଭାଗ ଗୁଡ଼ିକ ୨୯୩.୪୦ କୋଟି ଟଙ୍କା ଯୋଗାଇବେ ।

        </description>
      </item>
      <item>
        <title>
           ଖୋର୍ଦ୍ଧା: ବିରି ଫସଲରେ ଦାଉ ସାଜୁଛି ଘୋଡ଼ା ପୋକ, ହତାଶ ଚାଷୀ
        </title>
        <link>
           http://khabarodisha.com/Farmer-and-Labour/Ghoda-Disease-problem-for-Khordha-Farmer-42617
        </link>
        <guid>
           http://khabarodisha.com/Farmer-and-Labour/Ghoda-Disease-problem-for-Khordha-Farmer-42617
        </guid>
        <pubDate>
           Mon, 05 Nov 2018 17:50:40 GMT
        </pubDate>
        <description>

କଥାରେ ଅଛି “ହାଟୁଆ ହୁରୁଡିଲେ ହାଟ ପାଳି, ଚଷା ହୁରୁଡିଲେ ବରଷେ, ଚାଷ ବେକକୁ ଫାଶ, ଏହି ନିତିରେ ଚାଷୀ ହତାଶ”। ଏହି ମର୍ମରେ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବ୍ରଜମୋହନପୁର ପଞ୍ଚାୟତ ଶରଧାପୁର ଗ୍ରାମର ମେଦିନୀ ମୌଜାର ଶହଶହ ଏକର ବିରି ଫସଲ ନଷ୍ଟ ହେବାକୁ ଯାଉଛି। ଚଳିତବର୍ଷ ଘୋଡା ପୋକ ସବୁ ବିରି ଫସଲକୁ ନଷ୍ଟ କରିଦେଉଥିବା ସ୍ଥାନୀୟ ଚାଷୀ ଅଭିଯୋଗ କରିଛନ୍ତି। ବିରି ଏକ ଅର୍ଥକାରୀ ଫସଲ ହୋଇଥିବା ବେଳେ ବିରି ସବୁ ନଷ୍ଟ ହୋଇଯିବାରୁ ବର୍ତ୍ତମାନ ଏହା ଚାଷୀର ମୁଣ୍ଡବ୍ୟଥାର କାରଣ ହୋଇଛି। ପରିବାରର ପ୍ରତିପୋଷଣ ନେଇ ଚାଷୀଙ୍କୁ ଚିନ୍ତା ଘାରିଛି। 

ଚାଷୀଙ୍କ ଅଭିଯୋଗନୁଯାୟୀ, ସବୁ ବର୍ଷ ପରି ସେମାନେ ବିରି ଫସଲ କରିଆସୁଥିଲେ। କିନ୍ତୁ ଚଳିତବର୍ଷ ସେଥିରେ ଘୋଡା ପୋକ ଲାଗିବାରୁ ଅଧାରୁ ଅର୍ଦ୍ଧେକ ଫସଲ ନଷ୍ଟ ହୋଇଯାଇଛି। ଜମିରେ ଔଷଧ ପ୍ରୟୋଗ କଲେ ମଧ୍ୟ କିଛି ସୁଫଳ ମିଳିନାହିଁ। ଅସଂଖ୍ୟ ପରିମାଣର ଘୋଡା ପୋକ ଲାଗିବାରୁ ଦିନକରେ ସବୁ ଫସଲ ନଷ୍ଟ ହୋଇଯାଉଛି। ଫସଲ ଫାଟି ଆଁ କରିଛି। ଏପରି ପରିସ୍ଥିତିରେ ଏହାଠୁ ବଳି ଯାଇଛି କୃଷି ଅଧିକାରୀଙ୍କ ଅଣଦେଖା। 

ସମସ୍ୟା ଲାଗି ରହିବା ରହିବା ପରେ ଚାଷୀମାନେ ଖୋର୍ଦ୍ଧା ଜିଲ୍ଲା କୃଷି ବିଭାଗ ନିକଟରେ ଏହି ପ୍ରସଙ୍ଗରେ ଅବଗତ କରାଇଥିଲେ। କ୍ରମେ ବିଭାଗୀୟ ଅଧିକାରୀମାନେ ଘଟଣାସ୍ଥଳକୁ ଆସି ବିରି ଚାଷ ଜମି ସବୁ ପରିଦର୍ଶନ କରିଥିଲେ। ମାତ୍ର ଏହାର କୌଣସି ପଦକ୍ଷେପ ନାହିଁ ବୋଲି ସଫାସଫା କହିଥିଲେ। ଯାହା ଚାଷୀଙ୍କୁ ବୋଝ ଉପରେ ନଳିତା ବିଡା ପରି। କୃଷି ବିଭାଗର ଏତାଦୃଶ ଅଣଦେଖା ପଦକ୍ଷେପକୁ ଚାଷୀ ପେଟକୁ ନାତ ବୋଲି ସ୍ଥାନୀୟ ଚାଷୀ ପ୍ରତାପ ପ୍ରଧାନ ଦୁଃଖ ପ୍ରକାଶ କରିଛନ୍ତି।  

        </description>
      </item>
      <item>
        <title>
           ଚାଷୀଙ୍କୁ ଯଦି ଭୁବନେଶ୍ୱର ମନା, ନେତାଙ୍କୁ ବି ଗାଁ ମନା, ମନ୍ତ୍ରୀସ୍ତରୀୟ କମିଟି ଏକ ଧୋକା: ଚାଷୀ ନେତା
        </title>
        <link>
           http://khabarodisha.com/Farmer-and-Labour/Farmers-Strikes-Row-Odisha-42602
        </link>
        <guid>
           http://khabarodisha.com/Farmer-and-Labour/Farmers-Strikes-Row-Odisha-42602
        </guid>
        <pubDate>
           Mon, 05 Nov 2018 15:21:50 GMT
        </pubDate>
        <description>

ଚାଷୀଙ୍କ ସମସ୍ୟାର ସମାଧାନ ପାଇଁ ରାଜ୍ୟ ସରକାର ଏକ ମନ୍ତ୍ରୀସ୍ତରୀୟ କମିଟି ଗଠନ କରିଥିବା ବେଳେ ଏହାକୁ ଏକ ଧୋକା ବୋଲି କହିଛନ୍ତି ଚାଷୀ ନେତା ଅକ୍ଷୟ କୁମାର। ଏହାସହ ଚାଷୀଙ୍କୁ ପୋଲିସ ଅଟକେଇବା ପ୍ରସଙ୍ଗରେ ସେ କ୍ଷୋଭ ପ୍ରକାଶ କରି କହିଛନ୍ତି ଚାଷୀଙ୍କୁ ଯଦି ଭୁବନେଶ୍ୱର ମନା, ତେବେ ନେତାଙ୍କୁ ବି ଗାଁ ମନା ।    

ଚାଷୀ ନେତାଙ୍କ କହିବାନୁଯାୟୀ, ଚାଷୀଙ୍କୁ ଭତ୍ତା ପାଇଁ ମନ୍ତ୍ରିସ୍ତରୀୟ କମିଟି ଗଠନ କରାଯାଇନାହିଁ। ଆମର ଦାବି ପୂରଣ ନହେଲା ପର୍ଯ୍ୟନ୍ତ ଆମେ କଆଡେ ଯିବୁ ନାହିଁ, ଏଇଠି ବସିବୁ। ଲଢେଇ ତୀବ୍ରତର ହେବ। ପ୍ରତି ବ୍ଲକ ଓ ଗାଁକୁ ଆନ୍ଦୋଳନ ବ୍ୟାପକ ହେବ। ଚାଷୀଙ୍କୁ ଯଦି ଭୁବନେଶ୍ୱର ଆସିବାକୁ ମନାକରାଯାଉଛି, ତେବେ ନେତାଙ୍କୁ ବି ଗାଁ ମନା । କୌଣସି ନେତା ଭୋଟ ମାଗିବାକୁ ଗାଁକୁ ଯାଇପାରିବେ ନାହିଁ। ଭୋଟ ଗ୍ରହଣ ପାଇଁ ପୋଲିଂ ବାକ୍ସ ଗାଁକୁ ଯାଇପାରିବ ନାହି ବୋଲି କ୍ଷୋଭ ପ୍ରକାଶ କରି କହିଛନ୍ତି ଚାଷୀ ନେତା ଅକ୍ଷୟ କୁମାର।

ସେହିପରି ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି ଏହି ପ୍ରସଙ୍ଗରେ କହିଛନ୍ତି ୮ ବର୍ଷ ଧରି ଚାଷୀମାନେ ଆନ୍ଦୋଳନ ଚଳାଇଛନ୍ତି। ପୂର୍ବରୁ ସରକାରଙ୍କ ନିଦ ଭାଙ୍ଗୁନଥିଲା । ନିର୍ବାଚନ ଥିବାରୁ ସମୟ ଗଡ଼ାଇବା ପାଇଁ କମିଟି ଗଠନ କରାଯାଇଛି ବୋଲି ସେ କହିଛନ୍ତି। 

ଉଲ୍ଲେଖନୀୟ ଯେ, ଅର୍ଥମନ୍ତ୍ରୀ ଶଶିଭୂଷଣ ବେହେରାଙ୍କ ଅଧ୍ୟକ୍ଷତାରେ ଗଠିତ ମନ୍ତ୍ରୀସ୍ତରୀୟ କମିଟିରେ ସମବାୟ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର ଓ କୃଷି ମନ୍ତ୍ରୀ ପ୍ରଦୀପ ମହାରଥୀ ରହିଛନ୍ତି । କମିଟିର ବୈଠକରେ ଚାଷୀଙ୍କ ଟର୍ମ ଅଫ୍‌ ରେଫରେନ୍ସ ନେଇ ଆଲୋଚନା କରାଯିବ ବୋଲି ଅର୍ଥମନ୍ତ୍ରୀ ସୂଚନା ଦେଇଛନ୍ତି । ଅର୍ଥମନ୍ତ୍ରୀ ସଫେଇ ଦେଇଛନ୍ତି ଯେ ଚାଷୀଙ୍କ ଅନୁକୂଳ ନେଇ ରାଜ୍ୟ ସରକାର ଅନେକ ନିଷ୍ପତ୍ତି ନେଇଛନ୍ତି । କୃଷି ବଜେଟ୍‌ ହୋଇଛି ଓ କୃଷି କ୍ୟାବିନେଟ୍‌ ମଧ୍ୟ ଗଠନ କରାଯାଇଛି ବୋଲି କହିଛନ୍ତି। 

        </description>
      </item>
      <item>
        <title>
           ୧୪୪ ଧାରା ଭାଙ୍ଗି ରାଜଧାନୀରେ ପଶିଲେ ଚାଷୀ, ନେତା ଓ ଚାଷୀ ଗିରଫ, ଗଠନ ହେଲା ମନ୍ତ୍ରୀ ସ୍ତରୀୟ କମିଟି
        </title>
        <link>
           http://khabarodisha.com/Farmer-and-Labour/farmer-break-144-at-tamando-42595
        </link>
        <guid>
           http://khabarodisha.com/Farmer-and-Labour/farmer-break-144-at-tamando-42595
        </guid>
        <pubDate>
           Mon, 05 Nov 2018 13:38:15 GMT
        </pubDate>
        <description>

ସରକାରଙ୍କ ମିଥ୍ୟା ପ୍ରତିଶ୍ରୁତି ହେଉ ଅବା ଆନ୍ଦୋଳନକୁ ରୋକିବାକୁ ହୀନ ପ୍ରୟାସ ସବୁକିଛି ବ୍ୟର୍ଥ ହୋଇଛି । ପ୍ରତିଶ୍ରୁତି ଓ କଟକଣାକୁ ଖାତିର ନ କରି ବିଭିନ୍ନ ପ୍ରାନ୍ତରୁ ରାଜଧାନୀ ଅଭିମୁଖେ ମାଡ଼ି ଚାଲିଛନ୍ତି ହଜାର ହଜାର ଚାଷୀ । ଯାହାକୁ ଅଟକାଇବାରେ ବିଫଳ ହୋଇଛି ପୋଲିସ ପ୍ରଶାସନ । ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନ୍‌ସନ୍‌ ଦାବିରେ ଭୁବନେଶ୍ୱରରେ ଗର୍ଜିବେ ଚାଷୀ । ଚାଷୀଙ୍କ ସ୍ୱରକୁ ଦବାଇବାକୁ ଜାରି କରାଯାଇଥିବା ୧୪୪ ଧାରାକୁ ଭାଙ୍ଗି ଚାଷୀମାନେ ଭୁବନେଶ୍ୱର ଭିତରକୁ ପ୍ରବେଶ କରିଛନ୍ତି । ଅନ୍ୟପକ୍ଷରେ ଚାଷୀଙ୍କୁ ସାନ୍ତ୍ୱନା ଦେବାକୁ ସରକାର ତରବରିଆଭାବେ ମନ୍ତ୍ରୀସ୍ତରୀୟ କମିଟି ଗଠନ କରିଛନ୍ତି । 

ନିଜର ନାର୍ଯ୍ୟ ଦାବି ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନ୍‌ସନ୍‌କୁ ନେଇ ରାଜ୍ୟଠାରୁ ଆରମ୍ଭ କରି ଜାତୀୟ ସ୍ତରରେ ଗୁହାରୀ କରିଛନ୍ତି । କିନ୍ତୁ କିଛି ବି ସୁଫଳ ମିଳି ନ ଥିଲା । ଶେଷରେ ରାଜଧାନୀକୁ ଆସି ଚାଷୀମାନେ ନିଜର ଦାବିକୁ ସରକାରଙ୍କ ନିକଟରେ ପହଁଚାଇବାକୁ ନବ ନିର୍ମାଣ କୃଷକ ସଂଗଠନ ପକ୍ଷରୁ ଆରମ୍ଭ ହୋଇଥିବା ଆନ୍ଦୋଳନ ଆଜି ସଫଳ ହେବାକୁ ଯାଉଛି । ଦୀର୍ଘ ୭ ଦିନ ହେଲା ଆରମ୍ଭ ହୋଇଥିବା ପଦଯାତ୍ରା ଭୁବନେଶ୍ୱରରେ ପହଁଚିଛି । ଚାଷୀଙ୍କୁ ଅଟକାଇବାକୁ ତମାଣ୍ଡୋ ଜାତୀୟ ରାଜପଥ ଉପରେ ଜାରି କରାଯାଇଥିବା ୧୪୪ ଧାରାକୁ ଭାଙ୍ଗିଛି ଚଷା ଭାଇ । ହଜାର ହଜାର ସଂଖ୍ୟାରେ ଚାଷୀ ଭୁବନେଶ୍ୱର ଭିତରକୁ ଧସେଇ ପଶିଛନ୍ତି । ଏଥର ଦାବି ପୂରଣ ହେଲେ ଘରକୁ ଫେରିବେ ବୋଲି ଦୃଢ଼ କଣ୍ଠରେ କହିଛନ୍ତି । ତେବେ ପୋଲିସ ଆନ୍ଦୋଳନକୁ ଭଣ୍ଡୁର କରିବାକୁ ଖଣ୍ଡଗିରି ନିକଟରେ ଚାଷୀଙ୍କୁ ଗିରଫ କରିଛି । କଂଗ୍ରେସ ନେତା ପ୍ରଦୀପ ମାଝୀଙ୍କୁ ମଧ୍ୟ ଉଠାଇ ନିଆଯାଇଛି । ଚାଷୀ ଓ ପୋଲିସଙ୍କ ମଧ୍ୟରେ ଖଣ୍ଡଯୁଦ୍ଧ ପରିସ୍ଥିତି ସୃଷ୍ଟି ହୋଇଛି । ସେପଟେ ଖୋର୍ଦ୍ଧା ଜିଲ୍ଲାପାଳ ମଧ୍ୟ ଚାଷୀଙ୍କ ସହିତ ଆଲୋଚନା କରିଥିଲେ ମଧ୍ୟ କୌଣସି ନିଷ୍କର୍ସ ବାହାରି ପାରି ନାହିଁ । 

ସେପଟେ ହଂସପାଳ ନିକଟରେ ମଧ୍ୟ ପୋଲିସ ଆନ୍ଦୋଳନକାରୀଙ୍କୁ ଅଟକାଇବ ଉଦ୍ୟମ ଜାରି ରଖିଛି । କିନ୍ତୁ ସଫଳ ହୋଇପାରି ନାହିଁ । ତେବେ ଚାଷୀଙ୍କ ଆନ୍ଦୋଳନ ଯୋଗୁଁ ତମାଣ୍ଡୋ ନିକଟରେ ଶହ ଶହ ଗାଡ଼ି ଅଟକି ରହିଛି । ରାସ୍ତା ସମ୍ପୂର୍ଣ୍ଣଭାବେ ବନ୍ଦ ହୋଇଯାଇଥିବା ଦେଖିବାକୁ ମିଳିଛି । ସେହିପରି ହଂସପାଳ ନିକଟରେ ଯାତାୟତ ବାଧାପ୍ରାପ୍ତ ହୋଇଛି । 

ଅନ୍ୟପକ୍ଷରେ ଚାଷୀଙ୍କୁ ଶାନ୍ତ କରିବାକୁ ରାଜ୍ୟ ସରକାର ମନ୍ତ୍ରୀସ୍ତରୀୟ କମିଟି ଗଠନ କରିଛନ୍ତି । ଅର୍ଥମନ୍ତ୍ରୀ ଶଶିଭୂଷଣ ବେହେରାଙ୍କ ଅଧ୍ୟକ୍ଷତାରେ ଗଠିତ କମିଟିରେ ସମବାୟ ଓ କୃଷି ମନ୍ତ୍ରୀ ରହିଛନ୍ତି । କମିଟିର ବୈଠକରେ ଚାଷୀଙ୍କ ଟର୍ମ ଅଫ୍‌ ରେଫରେନ୍ସ ନେଇ ଆଲୋଚନା କରାଯିବ ବୋଲି ଅର୍ଥମନ୍ତ୍ରୀ ସୂଚନା ଦେଇଛନ୍ତି । ଅର୍ଥମନ୍ତ୍ରୀ ସଫେଇ ଦେଇଛନ୍ତି ଯେ ଚାଷୀଙ୍କ ଅନୁକୂଳ ନେଇ ରାଜ୍ୟ ସରକାର ଅନେକ ନିଷ୍ପତ୍ତି ନେଇଛନ୍ତି । କୃଷି ବଜେଟ୍‌ ହୋଇଛି ଓ କୃଷି କ୍ୟାବିନେଟ୍‌ ମଧ୍ୟ ଗଠନ କରାଯାଇଛି ବୋଲି କହିଛନ୍ତି । ସେହିପରି କେନ୍ଦ୍ରକୁ ଦୋଷ ଠେଲି କହିଛନ୍ତି କେନ୍ଦ୍ର ସରକାରଙ୍କ ନିକଟରେ ଧାନର ଏମ୍‌ଏସ୍‌ପି ବୃଦ୍ଧି ପାଇଁ ଦାବି କରାଯାଇଛି । 

        </description>
      </item>
      <item>
        <title>
           ଚାଷୀଙ୍କୁ ଅଟକାଇଲା ପୋଲିସ, ବିଶ୍ରାମ ନେବାବେଳେ ପାହାଳ ଠାରେ ଚାଷୀଙ୍କୁ ଭେଟିଲେ ଅର୍ଥମନ୍ତ୍ରୀ
        </title>
        <link>
           http://khabarodisha.com/Farmer-and-Labour/Police-stop-farmer-in-Odisha-42564
        </link>
        <guid>
           http://khabarodisha.com/Farmer-and-Labour/Police-stop-farmer-in-Odisha-42564
        </guid>
        <pubDate>
           Sun, 04 Nov 2018 21:36:56 GMT
        </pubDate>
        <description>

ଆସନ୍ତାକାଲି ପ୍ରାଇସ, ପ୍ରେଷ୍ଟିଜ ଓ ପେନସନ ସମେତ ଅନ୍ୟାନ୍ୟ କେତେକ ସମସ୍ୟାକୁ ନେଇ ରାଜଧାନୀରେ ମହାସମାବେଶ କରିବା ପାଇଁ ନବ ନିର୍ମାଣ କୃଷକ ସଂଗଠନ ପକ୍ଷରୁ ଆୟୋଜନ କରାଯାଇଥିବାରୁ ପୋଲିସ ପ୍ରଶାସନ ପକ୍ଷରୁ ଏହାକୁ ଭଣ୍ଡୁର କରିବା ପାଇଁ ପୋଲିସ ଛାଉଣି ହୋଇଥିବାର ପରିଲକ୍ଷିତ ହୋଇଛି । ଏହି ମହାସମାବେଶରେ ଯୋଗଦେବାପାଇଁ ଆସୁଥିବା କିଛି ଚାଷୀଙ୍କୁ ପୋଲିସ ତମାଣ୍ଡୋ ଏବଂ ହଂସପାଳଠାରେ ଅଟକ ରଖିଥିବା ସୂଚନା ହୋଇଛି । 

ସମ୍ପୃକ୍ତ ସଂଗଠନର ଆବାହକ ଅକ୍ଷୟ କୁମାର କହିଛନ୍ତି ଯେ, ପୋଲିସ ଚାଷୀ ମାନଙ୍କୁ ଯେତେ ଅଟକାଇଲେ ବି ତାଙ୍କର ସମାବେଶ କରିବା ପାଇଁ ଯେଉଁ ଲକ୍ଷ୍ୟ ରହିଛି, ତାହା ନିଶ୍ଚିତ ଭାବେ କରାଯିବ । ଏହା ଶାନ୍ତି ଶୃଙ୍ଖଳାର ସହିତ କରାଯିବ । ତା ସତ୍ତ୍ୱେ ପୋଲିସ ଯଦି ଜୋର ଜବରଦସ୍ତି କରେ ତାର ପରିଣାମ ପାଇଁ ରାଜ୍ୟ ସରକାର ଦାୟୀ ରହିବେ ଓ ଆସନ୍ତା ନିର୍ବାଚନରେ ତାର ଜବାବ ତାଙ୍କୁ ମିଳିବ । 

ଅନ୍ୟପକ୍ଷରେ ରାଜ୍ୟ ଅର୍ଥମନ୍ତ୍ରୀ ଶଶୀଭୂଷଣ ବେହେରା ପାହାଳ ନିକଟରେ ବିଶ୍ରାମ ନେଉଥିବା ଚାଷୀ ମାନଙ୍କ ସହିତ ଦାବି ସମ୍ପର୍କରେ ଆଲୋଚନା କରିଥିଲେ । ଆପଣମାନଙ୍କ ଦାବି ସମ୍ପର୍କରେ ସରକାର ଅବଗତ ଅଛନ୍ତି ଏବଂ ଏହା ବିଚାରଧିନ ଅଛି । ଚାଷୀମାନଙ୍କ ପାଇଁ ସରକାର ବହୁ ଯୋଜନା କରିଥିବା ନେଇ ସେମାନଙ୍କୁ ଆଲୋକପାତ କରିଥିଲେ ।

        </description>
      </item>
      <item>
        <title>
           ମରୁଡ଼ିରେ ଫସଲ ହାନୀ: ବୃଦ୍ଧ ଦମ୍ପତ୍ତିଙ୍କ ଆତ୍ମହତ୍ୟା ଉଦ୍ୟମ, ସ୍ୱାମୀ ମୃତ
        </title>
        <link>
           http://khabarodisha.com/Farmer-and-Labour/couple-try-to-suicide-at-kokasara-42390
        </link>
        <guid>
           http://khabarodisha.com/Farmer-and-Labour/couple-try-to-suicide-at-kokasara-42390
        </guid>
        <pubDate>
           Fri, 02 Nov 2018 16:18:47 GMT
        </pubDate>
        <description>

ବର୍ଷା ଅଭାବରୁ ଭଲ ଧାନ ଅମଳ ହେଲା ନାହିଁ । ଶେଷରେ ଆତ୍ମହତ୍ୟା କରିବାକୁ ବାଧ୍ୟ ହୋଇଛନ୍ତି ବୃଦ୍ଧ ଦମ୍ପତ୍ତି । ଭାଗ୍ୟବଶତଃ ସ୍ତ୍ରୀ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତି ଯାଇଥିବାବେଳେ ସ୍ୱାମୀ ଆଖି ବୁଜିଛନ୍ତି । ଫସଲହାନୀ ଦମ୍ପତ୍ତି ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି । ଏଭଳି ଏକ ଦୁଃଖଦ ଘଟଣା ଘଟିଛି କଳାହାଣ୍ଡି ଜିଲ୍ଲା କୋକସରା ବ୍ଲକ୍‌ରେ । ମୃତକ ହେଉଛନ୍ତି ତୁନ ଗ୍ରାମର ସୁଦର୍ଶନ ମାଝୀ । 

ମିଳିଥିବା ପ୍ରାଥମିକ ସୂଚନା ମୁତାବକ, କୋକସରା ବ୍ଲକ୍‌ ଅନ୍ତର୍ଗତ ତୁନ ଗାଁରେ ୬୫ ବର୍ଷୀୟ ସୁଦର୍ଶନ ମାଝୀ ଋଣ ଆଣି ୫ ଏକର ଜମିରେ ଧାନ ଚାଷ କରିଥିଲେ । କିନ୍ତୁ ବର୍ଷା ନ ହେବାରୁ ଭଲ ଫସଲ ହୋଇ ନଥିଲା । ଶେଷରେ ମରଣ ବାଟକୁ ବାଛି ନେଇଥିଲେ ସେ ଓ ତାଙ୍କର ବୃଦ୍ଧା ପତ୍ନୀ । ଆଜି ପୋଖରୀକୁ ଡେଇଁ ଉଭୟ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି । ପାଣିରେ ବୁଡ଼ି ସୁଦର୍ଶନ ପ୍ରାଣ ହରାଇଥିବାବେଳେ ସ୍ତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ଫସଲ ହାନୀ ପାଇଁ ସେ ଆତ୍ମହତ୍ୟା କରି ଥାଇପାରନ୍ତି ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ତେବେ ପୋଲିସ ଓ ତହସିଲଦାର ଘଟଣା ସ୍ଥଳରେ ପହଁଚିଛନ୍ତି । ତଦନ୍ତ କରାଯାଇ ସ୍ତ୍ରୀଙ୍କୁ ସହାୟତା ପ୍ରଦାନ କରାଯିବ ବୋଲି ତହସିଲଦାର ମୌସୁମୀ ନାୟକ ପ୍ରତିଶ୍ରୁତି ଦେଇଛନ୍ତି । ତେବେ ଏହା ଚାଷ ପାଇଁ ଆତ୍ମହତ୍ୟା ନା ଆଉ କିଛି ରିପୋର୍ଟ ଆସିଲା ପରେ ସ୍ପଷ୍ଟ ହେବ ବୋଲି ତହସିଲଦାର କହିଛନ୍ତି । 

        </description>
      </item>
      <item>
        <title>
           ୨୯ରେ ଭୁବନେଶ୍ୱରରେ ମହାସମାବେଶ କରିବ ନବ ନିର୍ମାଣ କୃଷକ ସଂଗଠନ
        </title>
        <link>
           http://khabarodisha.com/Farmer-and-Labour/Farmer-protest-from-October-29-in-Bhubaneswar-41735
        </link>
        <guid>
           http://khabarodisha.com/Farmer-and-Labour/Farmer-protest-from-October-29-in-Bhubaneswar-41735
        </guid>
        <pubDate>
           Mon, 22 Oct 2018 16:40:48 GMT
        </pubDate>
        <description>

ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍ ଦାବିରେ ଆସନ୍ତା ୨୯ରୁ ଭୁବନେଶ୍ୱରରେ ମହାସମାବେଶ କରିବ ନବ ନିର୍ମାଣ କୃଷକ ସଂଗଠନ। ଏହି ଆନ୍ଦୋଳନ ନଭେମ୍ବର ୫ ଯାଏ ଚାଲିବ। ଶେଷ ଦିନ ସଂଗଠନ ପକ୍ଷରୁ ପୁଣି ଥରେ ମହାସମାବେଶ କରାଯିବ । ଏଥିରେ ଲକ୍ଷାଧିକ ସଂଖ୍ୟାରେ ଚାଷୀ ଯୋଗ ଦେବେ ବୋଲି ସଂଗଠନର ଆବାହକ ଅକ୍ଷୟ କୁମାର ପ୍ରକାଶ କରିଛନ୍ତି । 

କୃଷି ଉତ୍ପାଦିତ ଦ୍ରବ୍ୟର ମୂଲ୍ୟ ବୃଦ୍ଧି, ପ୍ରତି ଚାଷୀ ପରିବାରକୁ ମାସିକ ସହାୟକ ଭତା ୫ହଜାର ଟଙ୍କା ଓ ସମ୍ମାନ ଦାବିକୁ ନେଇ ରଜଧାନୀରେ ଏହି ମହାସମାବେଶ କରିବା ନେଇ ନିର୍ମାଣ କୃଷକ ସଂଗଠନ ନିଷ୍ପତି ନେଇଛି। ଅକ୍ଟୋବର ୨୯ ତାରିଖରେ ଚାଷୀ ମାନଙ୍କର ଏକ ଶୋଭାଯାତ୍ରା କୁଆଖିଆ ଓ ବାଲୁଗାଁରୁ ବାହାରି ଭୁବନେଶ୍ୱରରେ ପହଂଚିବ।    

        </description>
      </item>
      <item>
        <title>
           ରାଜ୍ୟରେ କମୁଛି ଷ୍ଟିଲ ଉପ୍ତାଦନ, ଉପ୍ତାଦନ ହେଉଛି ଅବସ୍ଥାପିତ ଉପ୍ତାଦନ କ୍ଷମତାର ମାତ୍ର ୨୧%
        </title>
        <link>
           http://khabarodisha.com/Farmer-and-Labour/Steel-Production-Down-Odisha-40800
        </link>
        <guid>
           http://khabarodisha.com/Farmer-and-Labour/Steel-Production-Down-Odisha-40800
        </guid>
        <pubDate>
           Thu, 04 Oct 2018 18:08:44 GMT
        </pubDate>
        <description>

 ଚାଲିଛି ମେକ-ଇନ-ଓଡିଶା ପାଇଁ ବହୁତ ପ୍ରସ୍ତୁତି । ଓଡିଶାରେ ଶିଳ୍ପ ପ୍ରତିଷ୍ଠା ପାଇଁ ଚାଲିଛି ଅନେକ ରୋଡ ସୋ ସହ ଅନେକ ପ୍ରଦର୍ଶନୀ । ଏହା ସହ କିପରି ଶିଳ୍ପପତିମାନେ ଆସି ଓଡିଶାରେ ଉପ୍ତାଦନ କାରଖାନା ବସାଇବେ କିପରି ନୁଆ ନୁଆ ଉଦ୍ୟୋଗ ସ୍ଥାପନା କରିବେ ସେଥିପାଇଁ ବ୍ୟାପକ ଯୋଜନା କରୁଛନ୍ତି ରାଜ୍ୟ ସରକାର । ହେଲେ ଏଣେ ଉଜୁଡି ଯାଉଛି ରାଜ୍ୟର ସ୍ଥାପିତ ହୋଇଥିବା ଶିଳ୍ପ । 

ଓଡିଶାରେ ଯଦି କେଉଁ ଶିଳ୍ପକୁ ନେଇ ବେଶି କିଛି ପ୍ରକଳ୍ପ ହୋଇଛି ତାହା ହେଉଛି ଇସ୍ପାତ ଶିଳ୍ପ । ଓଡିଶାରେ ପ୍ରଚୁର ଲୁହାପଥର ଏବଂ କୋଇଲା ଥିବାରୁ ଷ୍ଟିଲ କାରଖାନା ପ୍ରତିଷ୍ଠା ପାଇଁ ଓଡିଶା ହେଉଛି ଦେଶରେ ସବୁଠାରୁ ଉପଯୋଗୀ ରାଜ୍ୟ । ରାଜ୍ୟରେ ସ୍ଥାପିତ ହୋଇଥିବା ସମସ୍ତ ପ୍ରକାରର ମାନ୍ୟୁଫାକଚରିଙ୍ଗ ଶିଳ୍ପମଧ୍ୟରୁ ଇସ୍ପାତ ଶିଳ୍ପର ଉପ୍ତାଦନ ହେଉଛି ସର୍ବାଧୀକ । ହେଲେ ଏବେ ଦିନକୁ ଦିନକୁ କମୁଛି ଷ୍ଟିଲ ଉପ୍ତାଦନ । ସ୍ଥିତି ଆସି ଏମିତି ହେଲାଣି ଯେ ଅବସ୍ଥାପିତ ଉପ୍ତାଦନ କ୍ଷମତାର ମାତ୍ର ୨୧% ଷ୍ଟିଲ ଉପ୍ତାଦନ ହେଉପାରୁଛି ରାଜ୍ୟରେ । 

ଗତ ବିଧାନସଭାରେ ଇସ୍ପାତ ଓ ଖଣି ମନ୍ତ୍ରୀ ଦେଇଥିବା ତଥ୍ୟ ଅନୁସାରେ ଓଡିଶାରେ ଥିବା ୧୯ଟି ଷ୍ଟିଲ କାରଖାନାର ସମୁଦାୟ ଉପ୍ତାଦନ କ୍ଷମତା ହେଉଛି ବାର୍ଷୀକ ୫୨.୫୨ମିଲିୟନ ଟନ । ହେଲେ ଉପ୍ତାଦନ ହେଉଛି ମାତ୍ର ୧୧ ମିଲିୟନ ଟନ । ଅବସ୍ଥାପିତ ଉପ୍ତାଦନ କ୍ଷମତାର ମାତ୍ର ୨୧% ଷ୍ଟିଲ ଉପ୍ତାଦିତ ହେଉଛି । କେବଳ ସରକାରୀ ଉଦ୍ୟୋଗ ରାଉରକେଲା ଷ୍ଟିଲ କାରଖାନା ହିଁ ତାର ଉପ୍ତାଦନ ଠିକ ଭାବେ କରୁଥିବା ବେଳେ ବାକି ଷ୍ଟିଲ କମ୍ପାନୀ ମାନେ ନିଜର ଉପ୍ତାଦନକୁ କମାଇ ଦେଇଛନ୍ତି । 

ରାଉରକେଲା ଷ୍ଟିଲ କାରଖାନାର ଉପ୍ତାଦନ କ୍ଷମତା ୪.୫ ବାର୍ଷୀକ ମିଲିୟନ ଟନ ହୋଇଥିବାବେଳେ ୨୦୧୭-୧୮ରେ ଏଥିରୁ ୩.୨ ମିଲିୟନ ଟନ ଉପ୍ତାଦନ ହେଇଥିଲା ଯାହା ୭୧% ଉପ୍ତାଦନ ହାର । ବାକି ସମସ୍ତ ଘରୋଇ ଷ୍ଟିଲ କାରଖାନାର ଉପ୍ତାଦନ ତଳକୁ ଖସିଯାଇଛି । ବଡ କାରଖାନାଭାବେ ଗଣାଯାଉଥିବା ଜିନ୍ଦଲ ଷ୍ଟିଲ ଏବଂ ଭୁଷଣ ଷ୍ଟିଲର ଉପ୍ତାଦନ ହାର ବି ଅତି ଖରାପ । ଜିନ୍ଦଲ ଷ୍ଟିଲର ଦୁଇଟି କାରଖାନାରେ ଉପ୍ତାଦନ କ୍ଷମତା ବାର୍ଷୀକ ୭.୬୦ ମିଲିୟନ ଟନ ହୋଇଥିବାବେଳେ ସେଥିରୁ ଉପ୍ତାଦନ ହେଉଛି ମାତ୍ର ୨.୩ ମିଲିୟନ ଟନ ( ୩୦% ) । ସେହିପରି ୭ଟି ଷ୍ଟିଲ କମ୍ପାନୀ ଯେପରିକି କନକାଷ୍ଟ ଷ୍ଟିଲ, ଦୀପକ ଷ୍ଟିଲ, ମାହେଶ୍ୱରୀ ଷ୍ଟିଲ, ରଥୀ ଷ୍ଟିଲ, ନିଲାଚଲ ଇସ୍ପାତ, ଓରିୟନ ଇସ୍ପାତ ଓ ସ୍କାନ ଷ୍ଟିଲ ସେମାନଙ୍କର ଉପ୍ତାଦନକୁ ବନ୍ଦ କରିସାରିଛନ୍ତି । କାରଖାନାଗୁଡିକ ଉପ୍ତାଦନ କମାଇବା ବା ବନ୍ଦ କରିବାର ପ୍ରଭାବ ରାଜ୍ୟର ମାନ୍ୟୁଫାକଚରିଙ୍ଗ ଇଣ୍ଡେକ୍ସ ଉପରେ କୁପ୍ରଭାବ ପକାଏ । ରାଜ୍ୟକୁ ଆସୁଥିବା ବା ଆସିବା ପାଇଁ ଯୋଜନା କରୁଥିବା ଶିଳ୍ପ ସଂସ୍ଥା ଉପରେ ଏହାର ପ୍ରଭାବ ପକାଏ । ଏହା ସହ କାରଖାନାରେ ହୋଇଥିବା ସିଧାସଳଖ ନିଯୁକ୍ତି ଏବଂ ପରୋକ୍ଷ ନିଯୁକ୍ତି ଉପରେ ଏହାର ଭାରି ପ୍ରଭାବ ପଡେ ।

        </description>
      </item>
   </rss>
 </channel>