<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ନଭେମ୍ବର ୧୬ରୁ +୨ ଫର୍ମ ଫିଲଅପ୍
        </title>
        <link>
           http://khabarodisha.com/Education/2-from-fillop-online-Process-start-from--today-42765
        </link>
        <guid>
           http://khabarodisha.com/Education/2-from-fillop-online-Process-start-from--today-42765
        </guid>
        <pubDate>
           Thu, 08 Nov 2018 13:05:58 GMT
        </pubDate>
        <description>

୨୦୧୮-୧୯ ଶିକ୍ଷାବର୍ଷ ଯୁକ୍ତ ୨ ପରୀକ୍ଷା ପାଇଁ ଗୁରୁବାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ(ସିଏଚଏସଇ) ପକ୍ଷରୁ ଫର୍ମ ଫିଲଅପ୍ ତାରିଖ ଘୋଷଣା କରାଯାଇଛି। ଯୁକ୍ତ ୨ ପରୀକ୍ଷା ପାଇଁ ଛାତ୍ରଛାତ୍ରୀମାନେ ଚଳିତମାସ ୧୬ ତାରିଖରୁ ଅନଲାଇନ୍ ଫର୍ମ ଫିଲଅପ୍ କରିପାରିବେ। ପରୀକ୍ଷାର୍ଥୀମାନେ ନଭେମ୍ବର ୨୬ ତାରିଖ ପର୍ଯ୍ୟନ୍ତ ବିନା ଫାଇନରେ ଫର୍ମ ପୂରଣ କରିବେ। ଏହା ପରେ କଲେ ସେମାନଙ୍କୁ ଫାଇନ ଦେଇ ଫର୍ମ ପୂରଣ କରିବାକୁ ପଡ଼ିବ। ନଭେମ୍ବର ୨୭ରୁ ୩୦ ତାରିଖ ପର୍ଯ୍ୟନ୍ତ ୫୦ ଟଙ୍କା ଫାଇନ୍ ଦେଇ ଫର୍ମ ଫିଲଅପ୍ କରିବେ। ସେହିପରି ଡିସେମ୍ବର ୧ ରୁ ୪ ତାରିଖ ଭିତରେ ଫର୍ମ ଫିଲପ କଲେ ଛାତ୍ରଛାତ୍ରୀଙ୍କୁ ୩୫୦ ଟଙ୍କା ଅତିରିକ୍ତ ଶୁଳ୍କ ଦେବାକୁ ପଡିବ।         

        </description>
      </item>
      <item>
        <title>
           ଉତ୍କଳ ବିଶ୍ଵବିଦ୍ୟାଳୟରେ ଶିକ୍ଷା ଓ ଅନ୍ୟାନ୍ୟ ବ୍ୟବସ୍ଥାକୁ ନେଇ ଛାତ୍ର ଅସନ୍ତୋଷ
        </title>
        <link>
           http://khabarodisha.com/Education/Utkal-University-42400
        </link>
        <guid>
           http://khabarodisha.com/Education/Utkal-University-42400
        </guid>
        <pubDate>
           Fri, 02 Nov 2018 15:45:23 GMT
        </pubDate>
        <description>

 ଓଡ଼ିଶାରେ ନାକ୍ ଟିମ୍ ଦ୍ୱାରା ଏ+ ସ୍ୱୀକୃତିପ୍ରାପ୍ତ ଉତ୍କଳ ବିଶ୍ୱ ବିଦ୍ୟାଳୟରେ ଶିକ୍ଷାବ୍ୟବସ୍ଥା ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖାଯାଇଛି। ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ଉତ୍କଳ ବିଶ୍ୱବିଦ୍ୟାଳୟକୁ ରାଜ୍ୟ ତଥା ରାଜ୍ୟ ବାହାରୁ ଅନେକ ଛାତ୍ରଛାତ୍ରୀ ପାଠ ଅଧ୍ୟୟନ କରିବା ପାଇଁ ଆସୁଛନ୍ତି । ମାତ୍ର ବିଶ୍ୱବିଦ୍ୟାଳୟରେ ସବୁ ପ୍ରକାର ସହାୟତା ଥାଇ ମଧ୍ୟ ଛାତ୍ରଛାତ୍ରୀମାନେ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ହଷ୍ଟେଲ ସହ ଶିକ୍ଷାନୁଷ୍ଠାନର ଅନ୍ୟାନ୍ୟ ମୌଳିକ ସୁବିଧାରୁ ଛାତ୍ରଛାତ୍ରୀମାନେ ବଞ୍ଚିତ ହେଉଥିବା ଉତ୍କଳ ବିଶ୍ୱବିଦ୍ୟାଳୟର ଛାତ୍ରନେତା ଅସିତ ରଞ୍ଜନ ଦାଶ ଅଭିଯୋଗ କରିଛନ୍ତି। 

ଅଭିଯୋଗନୁଯାୟୀ, ଉତ୍କଳ ବିଶ୍ୱବିଦ୍ୟାଳୟ ପରିସରେ ଥିବା ସମସ୍ତ ଛାତ୍ରାବାସରେ ଅଣଛାତ୍ରମାନେ ମାଡି ବସିଥିବା ଫଳରେ ଦୂରଦୂରାନ୍ତରୁ ଏଠାକୁ ପଢିବାକୁ ଆସୁଥିବା ଛାତ୍ରଛାତ୍ରୀମାନେ ହଷ୍ଟେଲ ସୁବିଧା ପାଇପାରୁନାହାନ୍ତି। ସେହିପରି ଶିକ୍ଷା ବ୍ୟବସ୍ଥାର ଅବନତି ଘଟୁଛି। ଡ୍ରେନେଜ ବ୍ୟବସ୍ଥା, ପରିଷ୍କାର ପରିଚ୍ଛନ୍ନତା ବ୍ୟବସ୍ଥା ମଧ୍ୟ ବିପର୍ଯ୍ୟସ୍ତ। ଏହା ଉପରେ ବିଭାଗୀୟ କର୍ତ୍ତୃପକ୍ଷ ତିଳେ ମାତ୍ର ଦଷ୍ଟି ଦେଉନହାନ୍ତି। ବିଶେଷତଃ ଛାତ୍ରଛାତ୍ରୀମାନେ ହଷ୍ଟେଲ ସୁବିଧା ପାଇପାରୁନଥିବାରୁ ବିଶ୍ୱ ବିଦ୍ୟାଳୟର କୁଳପତି ସୌମେନ୍ଦ୍ର ମୋହନ ପଟ୍ଟନାୟକଙ୍କୁ ବାରମ୍ବାର ଅଭିଯୋଗ କରାଯାଉଥିଲେ ମଧ୍ୟ ଏହା ଉପରେ କୌଣସି ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯାଉନାହିଁ। ତେଣୁ ଏଥିରେ ତୁରନ୍ତ ହସ୍ତକ୍ଷେପ କରି ସମସ୍ତ ସମସ୍ୟାର ସମାଧାନ କରିବା ପାଇଁ ବିଶ୍ୱବିଦ୍ୟାଳୟର ଛାତ୍ରନେତା ଶ୍ରୀ ଦାଶ ଦାବି କରିଛନ୍ତି।   

        </description>
      </item>
      <item>
        <title>
           ମେ ୧୨ରେ ଓଜେଇଇ, ଜାନୁଆରୀ ୨୫ରୁ ଆବେଦନ ଆରମ୍ଭ
        </title>
        <link>
           http://khabarodisha.com/Education/ojee-held-on-12-may-42283
        </link>
        <guid>
           http://khabarodisha.com/Education/ojee-held-on-12-may-42283
        </guid>
        <pubDate>
           Wed, 31 Oct 2018 21:01:35 GMT
        </pubDate>
        <description>

 ଆସନ୍ତା ବର୍ଷ ମେ ୧୨ରେ ହେବ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ)। ଏନେଇ ଓଜେଇଇ ଅଧ୍ୟକ୍ଷ ସୁଦୀପ କୁମାର ଚାନ୍ଦ ସୂଚନା ଦେଇଛନ୍ତି। ପରୀକ୍ଷା ନିମନ୍ତେ ଜାନୁଆରୀ ୨୫ରୁ ଅନଲାଇନ ଯୋଗେ ଆବେଦନ ପ୍ରକ୍ରିୟା ଆରମ୍ଭ ହେବ। ଏହି ପରି ଆସନ୍ତା ବର୍ଷରୁ ପିଜି କୋର୍ସ ପାଇଁ ମଧ୍ୟ ଅନଲାଇନରେ ଏଣ୍ଟ୍ରାନ୍ସ ହେବ ବୋଲି ଅଧ୍ୟକ୍ଷ ଚାନ୍ଦ କହିଛନ୍ତି।

ଓଜେଇଇ ଅଧ୍ୟକ୍ଷ ସୁଦୀପ କୁମାର ଚାନ୍ଦଙ୍କ ସୂଚନା ମୁତାବକ  ଆସନ୍ତା ବର୍ଷ ମେ ୧୨ରେ ଓଜେଇଇ ଅନୁଷ୍ଠିତ ହେବ। ଏଥିପାଇଁ ଜାନୁଆରୀ ୨୫ରୁ  ଅନଲାଇନ ଯୋଗେ ଆବେଦନ ଆରମ୍ଭ ହେବ। ଅନଲାଇନ ଆବେଦନର ଶେଷ ତାରିଖ ମାର୍ଚ୍ଚ ୨୫ ଧାର୍ଯ୍ୟ କରାଯାଇଛି। ଏହିପରି  ଏପ୍ରିଲ ୨୦ରେ  ଆବେଦନକାରୀ ଆଡମିଟ୍ କାର୍ଡ ଡାଉନଲୋଡ କରିବେ। 

ବର୍ଷ ମେ ୧୨ରେ ଓଜେଇଇ ପରେ ଜୁଲାଇ ୨୧ରେ ହେବ ସ୍ପେଶାଲ ଓଜେଇଇ। ଆଜି ଅନୁଷ୍ଠିତ ପଲିସି ପ୍ଲାନିଂ ବୋର୍ଡ ବୈଠକରେ ଏହି ନିଷ୍ପତ୍ତି ନିଆଯାଇଛି। ଆସନ୍ତା ଶିକ୍ଷା ବର୍ଷରୁ  ପିଜି କୋର୍ସ ପାଇଁ  ଅନଲାଇନରେ ଏଣ୍ଟ୍ରାନ୍ସ  ହେବ ବୋଲି ନିଷ୍ପତ୍ତି ନିଆଯାଇଛି। ବୈଠକ ପରେ ଓଜେଇଇ ଅଧ୍ୟକ୍ଷ ଏହି ସୂଚନା ଦେଇଛନ୍ତି। 

        </description>
      </item>
      <item>
        <title>
           ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ସୂଚିତ କରି ଏନଆଇଟି କ୍ୟାମ୍ପସ ଛାଡିଲେ ୯୦୦ ଛାତ୍ର-ଛାତ୍ରୀ
        </title>
        <link>
           http://khabarodisha.com/Education/pauri-garhwal-900-students-of-nit-left-the-institute-41843
        </link>
        <guid>
           http://khabarodisha.com/Education/pauri-garhwal-900-students-of-nit-left-the-institute-41843
        </guid>
        <pubDate>
           Wed, 24 Oct 2018 15:40:00 GMT
        </pubDate>
        <description>

 ରାଷ୍ଟ୍ରୀୟ ପ୍ରଦୌଗିକି ସଂସ୍ଥା(ଏନଆଇଟି)ର ୯୦୦ ଛାତ୍ର-ଛାତ୍ରୀ କ୍ୟାମ୍ପସ ପରିସରରେ ଥିବା ଅବ୍ୟବସ୍ଥାରେ ଅସନ୍ତୁଷ୍ଟ ହୋଇ ମଙ୍ଗଳବାର ସଂସ୍ଥା ଛାଡ଼ି ନିଜ ନିଜର ଘରକୁ ଚାଲି ଯାଇଛନ୍ତି। ସ୍ଥାୟୀ କ୍ୟାମ୍ପସରେ ଆବଶ୍ୟକ ସୁରକ୍ଷା ବନ୍ଦୋବସ୍ତ ପରେ ହିଁ ସେମାନେ କ୍ୟାମ୍ପସକୁ ଫେରିବେ ବୋଲି କହିଛନ୍ତି। ଛାତ୍ର-ଛାତ୍ରୀ ରାଷ୍ଟ୍ରପତି, ଉପରାଷ୍ଟ୍ରପତି, ସୁପ୍ରିମକୋର୍ଟର ମୁଖ୍ୟ ବିଚାରପତି ଓ ମାନବ ସମ୍ବଳ ବିକାଶ ମନ୍ତ୍ରୀଙ୍କ ସହିତ ଉତ୍ତରାଖଣ୍ଡର ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କୁ ମେଲ, ଫ୍ୟାକ୍ସ ଓ ଅନ୍ୟ ମାଧ୍ୟମରେ ନିଜର ନିଷ୍ପତ୍ତି ବିଷୟରେ ସୂଚିତ କରାଇଛନ୍ତି। ଏନଆଇଟି ପ୍ରବନ୍ଧନର କହିବା କଥା ମାନବ ସମ୍ବଳ ବିକାଶ ମନ୍ତ୍ରଣାଳୟକୁ ଏହି ବିଷୟରେ ଅବଗତ କରାଯାଇଛି।

ଶୀଘ୍ର ସ୍ଥାୟୀ ପରିସର ନିର୍ମାଣ ଆରମ୍ଭ କରିବା ଓ ସେ ପର୍ଯ୍ୟନ୍ତ ଅସ୍ଥାୟୀ ପରିସରକୁ ସ୍ଥାନାନ୍ତର କରିବା ଦାବି ନେଇ ବିଭିନ୍ନ ବିଭାଗରେ ପଢୁଥିବା ଛାତ୍ର-ଛାତ୍ରୀ ୧୯ ଦିନ ପାଇଁ ଶ୍ରେଣୀଗୃହ ତ୍ୟାଗ କରିଛନ୍ତି। ମଙ୍ଗଳବାର ସକାଳେ ସମସ୍ତ ଛାତ୍ର ହୋଷ୍ଟେଲରେ ନିଜ ନିଜର କୋଠରୀରେ ତାଲା ମାରି ଘରକୁ ଚାଲି ଯାଇଛନ୍ତି। ଛାତ୍ର ଅଶାନ୍ତି ହେବାର କାରଣ  କେନ୍ଦ୍ର ଓ ରାଜ୍ୟ ସରକାର ସେମାନଙ୍କର ଦାବି ପ୍ରତି ଦୃଷ୍ଟି ଦେଉ ନାହାନ୍ତି। ଏଥିପାଇଁ ସେମାନଙ୍କୁ ଏହି ପଦକ୍ଷେପ ଉଠାଇବାକୁ ପଡ଼ିଛି। 

ଛାତ୍ର-ଛାତ୍ରୀ ରାଷ୍ଟ୍ରପତି, ପ୍ରଧାନମନ୍ତ୍ରୀ, ମାନବ ସମ୍ବଳ ବିକାଶ ମନ୍ତ୍ରୀ, ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କୁ  ଲେଖିଥିବା ପତ୍ରରେ ଉଲ୍ଲେଖ କରିଛନ୍ତି ଯେ ସାମୂହିକ ଆଲୋଚନା ପରେ ସେମାନେ ଏହି ନିର୍ଣ୍ଣୟ ନେଇଛନ୍ତି। ଯେ ପର୍ୟ୍ୟଲନ୍ତ ସେମାନଙ୍କର ଦାବି ପ୍ରତି କାର୍ୟ୍ୟା ନୁଷ୍ଠାନ ନିଆନଯାଇଛି ସେ ପର୍ଯ୍ୟନ୍ତ ସେମାନେ କ୍ୟାମ୍ପସକୁ ଫେରିବେ ନାହିଁ। 

ଅନ୍ୟ ପଟେ ଏନଆଇଟିର କୂଳସଚିବ କର୍ଣ୍ଣେଲ ସୁଖପାଲ ସିଂହଙ୍କ କହିବା କଥା ନିର୍ଦ୍ଦେଶକ ଡଃ. ଶ୍ୟାମଲାଲ ସୋନି ଘଟଣାକ୍ରମ ବିଷୟରେ ମାନବ ସମ୍ବଳ ବିକାଶ ମନ୍ତ୍ରଣାଳୟର ଉଚ୍ଚ ଅଧିକାରୀଙ୍କୁ ଅବଗତ କରାଇଛନ୍ତି। ଦୁଇଟି ପରିସରରେ ଚାଲିଥିବା ଏନଆଇଟିର ଶ୍ରେଣୀଗୃହ ଦୁଇଟି ପରିସରରେ ସଂଚାଳିତ ହେଉଛି।  ପ୍ରୟୋଗଶାଳା ଓ ପ୍ରଶାସନିକ ଗୃହ ପୁରୁଣା ଆଇଟିଆଇ ଜମିରେ ନିର୍ମାଣ କରାଯାଇଛି। ଏଠାରୁ ଦୁଇ ଶହ ମିଟର ଦୂର ପଲିଟେକନିକ ଭବନରେ ଥିବା ଶ୍ରେଣୀ ଗୃହରେ ଛାତ୍ର-ଛାତ୍ରୀଙ୍କୁ ଶିକ୍ଷାଦାନ ଦିଆଯାଉଛି। ହୋଷ୍ଟେଲ ପାଇଁ ସଂସ୍ଥା ଏଠାରୁ କିଛି ଦୂରରେ ଭଡ଼ାରେ ହୋଟେଲ ନେଇଛନ୍ତି।

ମାତ୍ର ଛାତ୍ର-ଛାତ୍ରୀ ଏହି ସବୁ ବ୍ୟବସ୍ଥାକୁ ନେଇ ସନ୍ତୁଷ୍ଟ ନାହାନ୍ତି। ସେମାନଙ୍କର କହିବା କଥା  ଏହା ସବୁ ଗୋଟିଏ କ୍ୟାମ୍ପସ ଭିତରେ ରହିବା ଉଚିତ୍। ବର୍ତ୍ତମାନ କ୍ୟାମ୍ପସ ପରିସରରେ ଥିବା ସୁରକ୍ଷା ବ୍ୟବସ୍ଥାକୁ ନେଇ ଛାତ୍ର-ଛାତ୍ରୀଙ୍କ ମଧ୍ୟରେ ସଂଶୟ ଭାବ ରହିଛି। 

        </description>
      </item>
      <item>
        <title>
           ଦେଶରେ ଶୀଘ୍ର ଖୋଲିବ ୮୦୦୦ ନୂତନ ସିବିଏସଇ ସ୍କୁଲ, ମାନ୍ୟତା ସମ୍ବନ୍ଧି କାନୁନରେ ହେଲା ପରିବର୍ତ୍ତନ
        </title>
        <link>
           http://khabarodisha.com/Education/central-board-of-secondary-education-has-cleared-over-8-000-pending-applications-for-affiliation-41562
        </link>
        <guid>
           http://khabarodisha.com/Education/central-board-of-secondary-education-has-cleared-over-8-000-pending-applications-for-affiliation-41562
        </guid>
        <pubDate>
           Fri, 19 Oct 2018 13:58:56 GMT
        </pubDate>
        <description>

ଦେଶରେ ଖୁବ୍ ଶୀଘ୍ର ଖୋଲାଯିବ ନୂତନ ୮୦୦୦ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ(ସିବିଏସଇ) ସ୍କୁଲ। ଏନେଇ ସିବିଏସଇ ପଡ଼ି ରହିଥିବା ୮୦୦୦ ଆବେଦନ ଉପରେ ସମୀକ୍ଷା କରି ଏହି ନିର୍ଣ୍ଣୟ ନେଇଛନ୍ତି। ଏଥିରୁ କିଛି ଆବେଦନ ୨୦୦୭ ମସିହାରୁ ଆସିଥିଲା।  ଏହା ପରେ ଉପ କାନୁନ ଅନୁଯାୟୀ ଏହାକୁ ସଂଶୋଧନ କରାଯାଇଛି। ଏଥିରେ ପ୍ରକ୍ରିୟାକୁ ସରଳୀକରଣ କରାଯାଇ ସଂପୂର୍ଣ୍ଣ ଭାବେ ପେପରଲେସ୍ କରି ଦିଆଯାଇଛି। ସ୍କୁଲକୁ କେବଳ ଦୁଇଟି ଦସ୍ତାବିଜ ଜମା କରିବାକୁ କୁହାଯାଇଛି। ଏହି ସବୁ ଆବେଦନ ଉପରେ ବିଚାର କରାଯାଇ ଚଳିତ ବର୍ଷ ଶେଷ ସୁଦ୍ଧା ଏହି ସବୁ କାର୍ୟ୍ୟା ସାରିବାକୁ ଲକ୍ଷ୍ୟ ରଖାଯାଇଛି।

ଗୁରୁବାର ମାନବ ସମ୍ବଳ ବିକାଶ ମନ୍ତ୍ରୀ  ପ୍ରକାଶ ଜାଭେଦକର ନୂତନ ଉପ କାନୁନକୁ ଜାରି କରିଥିଲେ। ସେ କହିଥିଲେ ଯେ ପୂର୍ବରୁ ଥିବା  ମାନ୍ୟତା ସମ୍ବନ୍ଧି କାନୁନ ବହୁତ ଜଟିଳ ଥିଲା। ଯେଉଁଥିପାଇଁ ଏସବୁ ଆବେଦନ ଦୀର୍ଘ ଦିନ ଧରି ପଡି ରହିଥିଲା।  ପ୍ରଥମ ଥର ଉପ କାନୁନ ୧୯୮୮ରେ ତିଆରି ହୋଇଥିଲା। ଶେଷ ଥର ୨୦୧୨ରେ ଏହାର ସଂଶୋଧନ ହୋଇଥିଲା। ଏବେ ନୂତନ ଉପ କାନୁନରେ କୁହାଯାଇଛି ଯେ ଯଦି କୌଣସି ସ୍କୁଲ ପରୀକ୍ଷା ଅନିୟମିତତାରେ ଲିପ୍ତ ରହିଛି ତେବେ ଏହି ସ୍କୁଲର ମାନ୍ୟତାକୁ ରଦ୍ଦ କରାଯିବ। 

ପ୍ରକାଶ ଜାଭେଦକର କହିଛନ୍ତି ଯେ ବର୍ତ୍ତମାନ ସମୟରେ ଆରଇଟି କାନୁନ ଆଧାରରେ ବିଦ୍ୟାଳୟକୁ ମାନ୍ୟତା ତଥା ଏନଓସି ଦେବା ପାଇଁ ରାଜ୍ୟ ଶିକ୍ଷା ପ୍ରଶାସନ ସ୍ଥାନୀୟ ପ୍ରଶାସନ, ରାଜସ୍ଵ ତଥା ସହକାରୀ ବିଭାଗରୁ ମିଳୁଥିବା ଅନେକ ପ୍ରମାଣ ପତ୍ରର ଯାଞ୍ଚ କରିଥାଏ। ଏହା ପରେ ଆବେଦନ ମିଳିବା ପରେ ସିବିଏସଇ  ଏହାର ପୁନଃ ଯାଞ୍ଚ କରିଥାଏ। ଏହି ପ୍ରକାରରେ ପୂରା ପ୍ରକ୍ରିୟା ଅଧିକ ଜଟିଳ ହୋଇଥାଏ। ଯାହା ଏ ପର୍ୟ୍ୟ ନ୍ତ ଦୀର୍ଘ ବର୍ଷ ଧରି ଚାଲି ଆସିଛି। 

କିନ୍ତୁ ଏବେ ସିବିଏସଇ ଦ୍ଵାରା ସ୍କୁଲର ନୀରିକ୍ଷଣ  ପରିଣାମ ଆଧାରିତ ହେବ ଏବଂ ଶିକ୍ଷାର ଗୁଣବତ୍ତା ଉପରେ ଜୋର ଦିଆଯିବ। ଉଲ୍ଲେଖଯୋଗ୍ୟ ସମଗ୍ର ଦେଶରେ ୨୦,୭୮୩ ସ୍କୁଲ ସିବିଏସଇ ମାନ୍ୟତା ପ୍ରାପ୍ତ। ଏହି ସବୁ ସ୍କୁଲ ଗୁଡିକରେ  କମରେ ୧.୯ କୋଟି ଛାତ୍ର ପଢୁଥିବା ବେଳେ  ୧୦ ଲକ୍ଷରୁ ଅଧିକ ଶିକ୍ଷକ ଅଛନ୍ତି।

        </description>
      </item>
      <item>
        <title>
           ସ୍ପଷ୍ଟ କଲେ ଉଚ୍ଚଶିକ୍ଷା ମନ୍ତ୍ରୀ, ଚଳିତ ଶିକ୍ଷାବର୍ଷ ପାଇଁ ଆଉ ହେବ ନାହିଁ ଛାତ୍ର ସଂସଦ ନିର୍ବାଚନ
        </title>
        <link>
           http://khabarodisha.com/Education/No-more-College-Election-Said-Minister-Ananta-Das-41314
        </link>
        <guid>
           http://khabarodisha.com/Education/No-more-College-Election-Said-Minister-Ananta-Das-41314
        </guid>
        <pubDate>
           Sat, 13 Oct 2018 21:10:37 GMT
        </pubDate>
        <description>

ଚଳିତ ଶିକ୍ଷାବର୍ଷ ପାଇଁ ଆଉ ଛାତ୍ର ସଂସଦ ନିର୍ବାଚନ ହେବ ନାହିଁ ବୋଲି ଉଚ୍ଚଶିକ୍ଷା ମନ୍ତ୍ରୀ ଶ୍ରୀ ଅନନ୍ତ ଦାସ ପ୍ରକାଶ କରିଛନ୍ତି। କୌଣସି ବିଭ୍ରାନ୍ତିକର ସମ୍ବାଦ ଦ୍ୱାରା ପ୍ରଭାବିତ ହୋଇ ସମୟ ଅପଚୟ ନକରି ପାଠପଢ଼ାରେ ମନୋନିବେଶ କରିବା ପାଇଁ ମନ୍ତ୍ରୀ ଶ୍ରୀ ଦାସ ରାଜ୍ୟର ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଛନ୍ତି । 

ବାତ୍ୟା ତିତଲି  ପ୍ରଭାବରେ ରାଜ୍ୟର ଅଧିକାଂଶ ଜିଲ୍ଲାରେ ଜନଜୀବନ ବିପର୍ଯ୍ୟସ୍ତ ହେବ ବୋଲି ସତର୍କ ସୂଚନା ମିଳିବା ପରେ ଉଚ୍ଚଶିକ୍ଷା ବିଭାଗ ଦ୍ୱାରା ପ୍ରକାଶିତ ନିର୍ଦ୍ଦେଶନାମା ଅନୁଯାୟୀ ରାଜ୍ୟର ସମସ୍ତ କଲେଜ ଛାତ୍ରସଂସଦ ନିର୍ବାଚନକୁ ଚଳିତ ଶିକ୍ଷାବର୍ଷ ୨୦୧୮-୧୯ ନିମନ୍ତେ ବାତିଲ କରାଯାଇଛି । ପୁନର୍ବାର ଛାତ୍ରସଂସଦ ନିର୍ବାଚନ ଅନୁଷ୍ଠିତ ହେବ ବୋଲି ବିଭ୍ରାନ୍ତିକର ସମ୍ବାଦ ଖବରକାଗଜ ଓ ସୋସିଆଲଲ୍ ମିଡ଼ିଆରେ ଦୃଷ୍ଟିକୁ ଆସିଛି । ଏହି ବିଭ୍ରାନ୍ତିକର, ଅସତ୍ୟ ଓ ଭିତିହୀନ ସମ୍ବାଦକୁ ମନ୍ତ୍ରୀ ଶ୍ରୀ ଦାସ ଦୃଢ଼ ଭାବରେ ଖଣ୍ଡନ କରିବା ସହିତ ଏପରି କୌଣସି ପ୍ରସ୍ତାବ ନାହିଁ ବୋଲି ସ୍ପଷ୍ଟୀକରଣ ଦେଇଛନ୍ତି । 

        </description>
      </item>
      <item>
        <title>
           ପୁଣି ରାଜରାସ୍ତାରେ ଗର୍ଜିଲେ ଶିକ୍ଷକ, ଅଧ୍ୟାପକ: ପଦକ୍ଷେପ ନ ନେଲେ ଆଗକୁ ଗଣ ଆନ୍ଦୋଳନ
        </title>
        <link>
           http://khabarodisha.com/Education/Teachers-Strikes-41105
        </link>
        <guid>
           http://khabarodisha.com/Education/Teachers-Strikes-41105
        </guid>
        <pubDate>
           Tue, 09 Oct 2018 20:58:42 GMT
        </pubDate>
        <description>

ଦୀର୍ଘ ୫୪ ଦିନ ଧରି ଆନ୍ଦୋଳନ ପରେ ମଧ୍ୟ ସ୍କୁଲ ଓ କଲେଜ ଶିକ୍ଷକ , ଅଧ୍ୟାପକ ଓ କର୍ମଚାରୀଙ୍କ ଦାବି ପୂରଣ କରିବାରେ ରାଜ୍ୟ ସରକାର କଳକ୍ଷେପଣ ନାତି ଅବଲମ୍ବନ କରୁଥିବାରୁ ତାର ପ୍ରତିବାଦରେ ମଙ୍ଗଳବାର ଠାରୁ ଶିକ୍ଷକ , ଅଧ୍ୟାପକ ଓ କର୍ମଚାରୀ ମିଳିତ ମଂଚ ପକ୍ଷରୁ ଶିକ୍ଷା ବଂଚାଅ , ଓଡିଶା ବଂଚାଅ ଆନ୍ଦୋଳନର ଡାକରା ଦିଆଯାଇଛି । ବ୍ଲକ୍ ଗ୍ରାଂଟ ଉଚ୍ଛେଦ ଓ ପୂର୍ଣ୍ଣ ଅନୁଦାନ ଦାବିରେ ଅପରାହ୍ନ ୧ଟାରେ ମିଳିତ ମଂଚର ପ୍ରାୟ ୩୦ ହଜାର ଶିକ୍ଷକ ଓ କର୍ମଚାରୀମାନେ ଏକ ବିରାଟ ଶୋଭାଯାତ୍ରାରେ ଲୋୟର ପିଏମଜି ଠାରେ ପହଂଚିବା ପରେ ବିକ୍ଷୋଭ ପ୍ରଦର୍ଶନ କରିଥିଲେ । ମଂଚ ପକ୍ଷରୁ ଅଭିଯୋଗ କରାଯାଇଛି ଯେ ସରକାର ଦାବି ପୂରଣ କରିବା ପରିବର୍ତେ ଶିକ୍ଷକ ଓ ଅଧ୍ୟାପକଙ୍କ ମଧ୍ୟରେ ବିଭାଜନ ସୃଷ୍ଟି କରିବାକୁ ଉଦ୍ୟମ କରୁଛନ୍ତି । ଶିକ୍ଷକଙ୍କ ଦାବି ପୂରଣ ପାଇଁ ରାଜ୍ୟ ସରକାର ରାଜି ହୋଇଥିବା ବେଳେ ଅଧ୍ୟାପକଙ୍କୁ କେବଳ ପ୍ରତିଶ୍ରୁତି ଦେଇଛନ୍ତି । ଏହି ଆନ୍ଦୋଳନ ସତ୍ୱେ ସରକାର କୌଣସି ପଦକ୍ଷେପ ନନିଅନ୍ତି ଆଗାମୀ ଦିନରେ ଗଣ ଆନ୍ଦୋଳନ କରାଯିବ । ଗଣତାନ୍ତ୍ରିକ ପରିବର୍ତେ ଅଗଣତାନ୍ତ୍ରିକ ଆନ୍ଦୋଳନ କରିବାକୁ ମିଳିତ ମଂଚ ପଛାଇବ ନାହିଁ ବୋଲି ମିଳିତ ମଂଚର ଆବାହକ ଗୋଲକ ନାଏକ ପ୍ରକାଶ କରିଛନ୍ତି ।

ଏହାଦ୍ୱାରା ଶିକ୍ଷାକ୍ଷେତ୍ରରେ ଯେଉଁ ଅଭାବନୀୟ ପରିସ୍ଥିତି ସୃଷ୍ଟି ହେବ ସେଥିପାଇଁ ରାଜ୍ୟ ସରକାର ଦାୟୀ ରହିବେ । ରାଜ୍ୟ ଏବଂ ଛାତ୍ରଛାତ୍ରୀଙ୍କ ସ୍ୱାର୍ଥ ଦୃଷ୍ଟିରୁ ମୁଖ୍ୟମନ୍ତ୍ରୀ ସେମାନଙ୍କ ଦାବି ପୂରଣ ଦିଗରେ ତୁରନ୍ତ ପଦକ୍ଷେପ ନେବାକୁ ଅନୁରୋଧ କରାଯାଇଛି ।

        </description>
      </item>
      <item>
        <title>
           ‘ତିତଲି’ ପାଇଁ ସରକାରଙ୍କ ଆଗୁଆ ପଦକ୍ଷେପ, ୪ ଜିଲ୍ଲାରେ ଶିକ୍ଷାନୁଷ୍ଠାନ ବନ୍ଦ ରଖିବାକୁ ନିର୍ଦ୍ଦେଶ
        </title>
        <link>
           http://khabarodisha.com/Education/-41099
        </link>
        <guid>
           http://khabarodisha.com/Education/-41099
        </guid>
        <pubDate>
           Tue, 09 Oct 2018 18:37:51 GMT
        </pubDate>
        <description>

 ବାତ୍ୟା ‘ତିତଲି’ ପାଇଁ ରାଜ୍ୟ ସରକାର ପ୍ରସ୍ତୁତି ଚଲାଇଥିବା ବେଳେ ଆସନ୍ତାକାଲି ଠାରୁ ରାଜ୍ୟର ୪ ଜିଲ୍ଲାରେ ସମସ୍ତ କଲେଜ ଓ ସ୍କୁଲ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି। ଏହି ସବୁ ଜିଲ୍ଲା ଗୁଡିକ ହେଲା ଗଞ୍ଜାମ, ଗଜପତି, ପୁରୀ ଓ ଜଗତସିଂହପୁର। ଏହାସହ ଏହି ସବୁ ଜିଲ୍ଲାରେ ଅଙ୍ଗନୱାଡିକୁ ମଧ୍ୟ ବନ୍ଦ ରଖିବାକୁ ସରକାର କହିଛନ୍ତି। 

ବାତ୍ୟା ତିତଲିକୁ ନେଇ ରାଜ୍ୟ ସଚିବାଳୟରେ ମଙ୍ଗଳବାର ଏକ ସମୀକ୍ଷା ବୈଠକ ବସିଥିଲା। ବୈଠକ ପରେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ସୂଚନା ଦେଇ କହିଛନ୍ତି ଯେ ଆସନ୍ତାକାଲି ଠାରୁ ବାତ୍ୟାରେ ସର୍ବାଧିକ ପ୍ରଭାବିତ ହେବାକୁ ସମ୍ଭାବନା ଥିବା ଉପରୋକ୍ତ ଜିଲ୍ଲାର ଶିକ୍ଷାନୁଷ୍ଠାନ ଗୁଡିକୁ ବନ୍ଦ କରିବାକୁ ସଂପୃକ୍ତ ଜିଲ୍ଲାର ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦିଆଯାଇଛି। କାଲି ପରିସ୍ଥିତି ଦେଖିବା ପରେ ରାଜ୍ୟର ଅନ୍ୟ ଜିଲ୍ଲା କଥା ବିଚାରକୁ ନିଆଯିବ ବୋଲି ସେ କହିଛନ୍ତି। 

ସେହିପରି ସ୍ୱତନ୍ତ୍ର ରିଲିଫ କମିଶନର କହିଛନ୍ତି ବୁଧବାର ସଂଧ୍ୟା ସୁଦ୍ଧା ବାତ୍ୟାର ତୀବ୍ରତା ନେଇ ସ୍ପଷ୍ଟ ହୋଇଯିବ । ପରେ ପରିସ୍ଥିତି ଦେଖି ଅନ୍ୟାନ୍ୟ ପଦକ୍ଷେପ ନିଆଯିବ ବୋଲି ସେ ପ୍ରକାଶ କରିଛନ୍ତି।    

        </description>
      </item>
      <item>
        <title>
           ସମ୍ବଲପୁର ବିଶ୍ୱବିଦ୍ୟାଳୟ ସାଇନ୍-ଏ-ଡାଏ ଘୋଷଣା
        </title>
        <link>
           http://khabarodisha.com/Education/Sambalpur-University-Sine-e-Die-40733
        </link>
        <guid>
           http://khabarodisha.com/Education/Sambalpur-University-Sine-e-Die-40733
        </guid>
        <pubDate>
           Wed, 03 Oct 2018 18:32:49 GMT
        </pubDate>
        <description>

 ଛାତ୍ର ଅଶାନ୍ତି ଲାଗି ରହିବାରୁ ବୁଧବାର ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ସମ୍ବଲପୁର ବିଶ୍ୱବିଦ୍ୟାଳୟକୁ ସାଇନ୍- ଏ-ଡାଏ ଘୋଷଣା କରାଯାଇଛି। ନିର୍ବାଚନ ବାତିଲ ପରେ ଛାତ୍ର ବିଶୃଙ୍ଖଳା ଲାଗି ରହିବାରୁ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଏହାକୁ ଦୃଷ୍ଟିରେ ରଖି ସାଇନ୍-ଏ-ଡାଏ ଘୋଷଣା କରିଦେଇଛନ୍ତି। ଗୁରୁବାର ସକାଳ ୯ଟା ସୁଦ୍ଧା ଛାତ୍ରଛାତ୍ରୀଙ୍କୁ ହଷ୍ଟେଲ ଖାଲି କରିବାକୁ ନିର୍ଦ୍ଦେଶ ଦିଆଯାଇଛି।

ଗତ ସୋମବାର ସମ୍ବଲପୁର ବିଶ୍ୱବିଦ୍ୟାଳୟର ଛାତ୍ର ସଂସଦ ନିର୍ବାଚନକୁ ବାତିଲ କରିଦିଆଯାଇଥିଲା। ପିଜି କାଉନସିଲ୍ ସୁପାରିଶ ଅନୁସାରେ ନିର୍ବାଚନକୁ ବାତିଲ କରାଯିବା ପରେ ପ୍ରତିବାଦରେ ଛାତ୍ରଛାତ୍ରୀମାନେ ଆନ୍ଦୋଳନ କରିଥିଲେ। ନିର୍ବାଚନ କରିବା ଦାବିରେ ସେମାନେ ଧାରଣାରେ ବସିରହିଥିଲେ। ଫଳରେ ବିଶ୍ୱବିଦ୍ୟାଳୟ ପରିସର ଅଶାନ୍ତ ହୋଇପଡ଼ିଥିଲା। ଏହାକୁ ଦୃଷ୍ଟିରେ ରଖି ସମ୍ବଲପୁର ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ସାଇନ୍-ଏ-ଡାଏ ଘୋଷଣା କରିବାକୁ ନିଷ୍ପତି ନେଇଥିଲେ।  

ଅନ୍ୟପକ୍ଷରେ ଆଜି ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନରେ ଶେଷ ହୋଇଛି ନାମାଙ୍କନ ପତ୍ର ଦାଖଲ। ଆଶାୟୀ ପ୍ରାର୍ଥୀମାନେ ସକାଳ ୯ଟାରୁ ଦିନ ୧୨ଟା ଭିତରେ ନିଜ ନିଜ ସମର୍ଥକଙ୍କ ଗହଣରେ ଯାଇ ନାମାଙ୍କନ ପତ୍ର ଦାଖଲ କରିଛନ୍ତି। ଆସନ୍ତାକାଲି ଯୋଗ୍ୟ ପ୍ରାର୍ଥୀ ତାଲିକା ପ୍ରକାଶ ପାଇବ ଏବଂ ଅପରାହ୍ନ ୨ଟାରୁ ୪ଟା ମଧ୍ୟରେ ଅନିଚ୍ଛୁକ ପ୍ରାର୍ଥୀମାନେ ନାମାଙ୍କନ ପ୍ରତ୍ୟାହାର କରିପାରିବେ । ଆସନ୍ତା ୧୧ ତାରିଖରେ ଛାତ୍ର ସଂସଦ ନିର୍ବାଚନ ହେବାକୁ ଥିବା ବେଳେ ଛାତ୍ର ଅଶାନ୍ତି ପାଇଁ ରେଭେନ୍ସା, ବାଣୀବିହାର ଓ ଉତ୍ତର ଓଡ଼ିଶା ବିଶ୍ୱବିଦ୍ୟାଳୟ ସମେତ ରାଜ୍ୟର କେତେକ କଲେଜରେ ନିର୍ବାଚନ ବାତିଲ ହୋଇଛି।    

        </description>
      </item>
      <item>
        <title>
           ଛାତ୍ର ସଂସଦ ନିର୍ବାଚନ ବାତିଲକୁ ବିରୋଧ, ରେଭେନ୍ସାରେ ଛାତ୍ର-ପୋଲିସ ଧସ୍ତାଧସ୍ତି
        </title>
        <link>
           http://khabarodisha.com/Education/Ravenshaw-university-Police---Student-crash-40632
        </link>
        <guid>
           http://khabarodisha.com/Education/Ravenshaw-university-Police---Student-crash-40632
        </guid>
        <pubDate>
           Mon, 01 Oct 2018 22:32:22 GMT
        </pubDate>
        <description>

ଛାତ୍ର ସଂସଦ ନିର୍ବାଚନ ବାତିଲକୁ ବିରୋଧ କରି ରେଭେନ୍ସା ବିଶ୍ୱବିଦ୍ୟାଳୟର ଛାତ୍ରଛାତ୍ରୀମାନେ କୁଳପତିଙ୍କ କାର୍ଯ୍ୟାଳୟକୁ ଘେରି ରହିଥିବାବେଳେ ପୋଲିସ ସହ ଧସ୍ତାଧସ୍ତି ହୋଇଛି। ସେଠାରେ ଉତ୍ତେଜନା ଦେଖାଯାଇଥିବା ବେଳେ କ୍ୟାମ୍ପସ ପରିସରରେ ଅଧିକରୁ ଅଧିକ ପୋଲିସଙ୍କୁ ମତୟନ କରାଯାଇଛି।  

ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ରେଭେନ୍ସା ବିଶ୍ୱବିଦ୍ୟାଳୟରେ ଚଳିତବର୍ଷ ଛାତ୍ର ସଂସଦ ନିର୍ବାଚନକୁ ବାତିଲ କରାଯିବା ନେଇ ବିଭାଗୀୟ କର୍ତ୍ତୃପକ୍ଷ ସୂଚନା ଦେବା ପରେ ଛାତ୍ରଛାତ୍ରୀମାନେ ଅସନ୍ତୋଷ ପ୍ରକାଶ କରିଥିଲେ। ଏହାର ପ୍ରତିବାଦରେ ସେମାନେ କୁଳପତିଙ୍କ କାର୍ଯ୍ୟାଳୟ ଘେରାଉ କରିବା ସହ ହୋ ହାହ୍ଲା କରିଥିଲେ। ବିଶ୍ୱବିଦ୍ୟାଳୟ ପରିସରରେ ବିଶୃଙ୍ଖଳା ସୃଷ୍ଟି ହେବାରୁ ଖବର ପାଇ ସେଠାରେ ମାଲଗୋଦାମ ପୋଲିସ ପହଞ୍ଚି କୁଳପତିଙ୍କ କାର୍ଯ୍ୟାଳୟ ଘେରି ବସିଥିବା ଛାତ୍ରଛାତ୍ରୀଙ୍କୁ ଉଦ୍ଧାର କରିବାକୁ ପ୍ରୟାସ କରିଥିଲା। ଏହି ସମୟରେ ପୋଲିସ ଓ ଛାତ୍ର ଧସ୍ତାଧସ୍ତି ହୋଇଥିଲା।  

ସୂଚନାଥାଉକି, ରେଭେନ୍ସା ବିଶ୍ୱବିଦ୍ୟାଳୟରେ ପ୍ରତ୍ୟକ୍ଷ ନିର୍ବାଚନ ଦାବିରେ ବିଭିନ୍ନ ଛାତ୍ର ସଂଗଠନ ଆଜି ଟାୟାର ଜାଳି ବିକ୍ଷୋଭ କରିଥିଲେ । ଏହାର ଆଲୋଚନା ପାଇଁ ସୋମବାର ଅପରାହ୍ଣରେ କୁଳପତିଙ୍କ କାର୍ଯ୍ୟାଳୟରେ ଷ୍ଟାଫ କାଉନସିଲ ବୈଠକ ବସିଥିଲା। ବୈଠକରେ ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନକୁ ବାତିଲ କରିବା ପାଇଁ ନିଷ୍ପତି ନିଆଯାଇଥିଲା।

        </description>
      </item>
   </rss>
 </channel>