<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           କୋକାକୋଲା ସ୍ପ୍ରାଇଟ ଛାଡନ୍ତୁ ପଇଡ ପାଣି ପିଅନ୍ତୁ
        </title>
        <link>
           http://khabarodisha.com/Development/Say-No-To-Cocacola-Yes-To-Coconut-34812
        </link>
        <guid>
           http://khabarodisha.com/Development/Say-No-To-Cocacola-Yes-To-Coconut-34812
        </guid>
        <pubDate>
           Thu, 28 Jun 2018 18:25:10 GMT
        </pubDate>
        <description>

 ଆମେ ମାନେ ପ୍ରାୟ ସମସ୍ତେ ମୃଦ୍ୟୁ ପାନୀୟ ମୋହରେ ପଡିଯାଇଛେ । ହେଲେ ଏହି ମୃଦ୍ୟୁ ପାନୀୟ କେତେ ମାତ୍ରାରେ ଆମ ସ୍ୱାସ୍ଥ୍ୟ, ଆମ ଅର୍ଥନୀତି, ଆମ ପରିବେଶକୁ ଖରାପ କରୁଛି ତାହା ଆମେ ଜାଣିଛେ କି ? ଏବେ ସମୟ ଆସିଛି କୋକାକୋଲା, ସ୍ପ୍ରାଇଟ, ପେପସି, ଥମସଅପ, ମିରିଣ୍ଡା ଏସବୁକୁ ଛାଡିବା ଆଉ ପଇଡ ପାଣି ପିଇବା । ତାହେଲେ ଯାଇ ଆମେ ସୁସ୍ଥ ରହି ପାରିବା ଏବଂ ଆମର ଦେଶି ଅର୍ଥନୀତିକୁ ସୁରକ୍ଷିତ ରଖିପାରିବା ।

ଅର୍ଥନୀତି

ଏବେ ନିପଟ ମଫସଲ ଗାଁ ଠାରୁ ଆରମ୍ଭ କରି ରାଜଧାନୀର ବଡ ସପିଙ୍ଗମଲରେ ସବୁଠି ମିଳୁଛି ଏହି ମିଠା ବିଷ ସବୁ । ସାରା ଭାରତରେ ଏହି କୋଲ୍ଡଡ୍ରିଙ୍କସ ଯାହାକୁ ଆମେ ମୃଦ୍ୟୁ ପାନୀୟ କହୁଛେ ତାହାର ବଜାର ହେଉଛି ୧୮,୦୦୦ କୋଟି ଟଙ୍କାର । ଓଡିଶାରେ ପାଖାପାଖି ୮୦୦ କୋଟି ଟଙ୍କାର । ୪ କୋଟି ଜନ ସଂଖ୍ୟାରେ ୮୦୦ କୋଟିର ବେପାର । ଆଉ ଏହି ବେପାରରେ ବିଦେଶି କମ୍ପାନୀ କୋକାକୋଲା ଏବଂ ପେପସି କମ୍ପାନୀର ହେଉଛି ୮୦ % ସେୟାର । ଆମକୁ ପାଣୀରେ କିଛି କେମିକାଲ ଆଉ ଫ୍ଲେଭର ପକେଇ ଦେଇ ଏହାକୁ ଆକର୍ଷଣୀୟ ବୋଟଲରେ ପ୍ୟାକେଟ କରି ଏମାନେ କୋଟି କୋଟି ଲାଭ କରନ୍ତି ଏବଂ ଏହି ଅର୍ଥ ଚାଲିଯାଏ ସିଧା ସିଧା ବିଦେଶକୁ । ଆଉ ଏହି ୮୦୦ କୋଟି ଟଙ୍କା ଯଦି ଆମ ନିଜ ରାଜ୍ୟର ପଇଡ ଚାଷୀଙ୍କ ପାଖରେ ରୁହନ୍ତା ତାହେଲେ ଭାବନ୍ତୁ ତ କେତେ ଭଲ ହୁଅନ୍ତା । ସେମାନଙ୍କ ଆର୍ଥୀକ ପ୍ରଗତି ହେବା ସହ ଛୋଟ ଛୋଟ ବେପାରୀ ମାନେ ଅଧିକ ଲାଭ ପାଆନ୍ତେ ଏବଂ ଲୋକମାନେ ମଧ୍ୟ କମ ଅର୍ଥରେ ଭଲ ସ୍ବାସ୍ଥ୍ୟକର ପାନୀୟ ପିଇପାରନ୍ତେ ।

ଆପଣ ଭାବୁଥିବେ କୋଲ୍ଡଡ୍ରିଙ୍କସ ପିଇବା ବନ୍ଦ କରିଦେଲେ ଯେଉଁ ସବୁ ଦୋକାନୀମାନେ ଏବେ ବିକ୍ରି କରୁଛନ୍ତି ସେମାନ ହଇରାଣ ହେବେ । ବାସ୍ତବରେ ଗୋଟିଏ ୧୦ରୁ ୧୨ ଟଙ୍କାର କୋଲ୍ଡଡ୍ରିଙ୍କସରୁ ଦୋକାନୀ ପାଏ ମାତ୍ର ୧ ଟଙ୍କା । ମନେକରନ୍ତୁ ଏକ ଲିଟର ଥଣ୍ଡାର ଦାମ ହେଉଛି ୫୦ ଟଙ୍କା । ସେହି ୫୦ ଟଙ୍କାର କୋଲ୍ଡଡ୍ରିଙ୍କସ ରୁ ଦୋକାନୀ ପାଏ ମାତ୍ର ୩ରୁ ୫ଟଙ୍କା । ବାକି ୪୫ ଟଙ୍କାରୁ ସରକାର ଟିକସ ପାଆନ୍ତି ସର୍ବାଧୀକ ୫ ଟଙ୍କା । ବାକି ୪୦ ଟଙ୍କା ଯାଏ କମ୍ପାନୀ ପାଖକୁ । କମ୍ପାନୀର କର୍ମଚାରୀ ଦରମା ଖର୍ଚ୍ଚ, ବୋତଲ ଖର୍ଚ୍ଚ ଏବଂ ପାନିୟ ପ୍ରସ୍ତୁତି ଖର୍ଚ୍ଚରେ ଖର୍ଚ୍ଚ ହୁଏ ସର୍ବାଧୀକ ୫ ଟଙ୍କା ରୁ ୧୦ ଟଙ୍କା । ବାକି ୩୦ ଟଙ୍କା ହେଉଛି କମ୍ପାନୀର ଲାଭ । ପ୍ରାୟ ୬୦%  ଲାଭ ହୁଏ ଏବଂ ଏହା ସିଧା ସିଧା ଚାଲିଯାଏ ବିଦେଶକୁ । ହେଲେ ଯଦି ପଇଡ ଆମେ ସମସ୍ତେ ପିଅନ୍ତେ ତାହେଲେ ଏହି ପଇସା ଓଡିଆ ଚାଷୀ, ଛୋଟ ଛୋଟ ବେପାରୀଙ୍କ ପାଖରେ ରୁହନ୍ତା ।

ଓଡିଶାର ପ୍ରାକୃତିକ ଭୌଗଳିକ ପରିବେଶ ଯାହା ସେଥିରେ ପଇଡ ଚାଷ ବ୍ୟାପକ ମାତ୍ରାରେ ହୋଇପାରିବ । ଆମର ତ ଏଠି ଅନେକ ଯାଗାରେ ଖାଲି ନଡିଆ ଚାରା ପକାଇ ଦେଲେ ଗଛ ତାର ମନକୁ ମନ ହେବ । ବିଶେଷ ଯତ୍ନ ନନେଲେବି ପଇଡ ଫଳିବ । ଦେଶର ପଇଡା ବା ନଡିଆ ପାଇଁ ଉପଯୁକ୍ତ ଥିବା ମାତ୍ର ୬ଟି ରାଜ୍ୟରୁ ଓଡିଶା ଅନ୍ୟତମ । ହେଲେ ଆମ ମାନଙ୍କ କୋଲ୍ଡଡ୍ରିଙ୍କସ ପ୍ରେମ ପାଇଁ ଏହି ପଇଡ ଚାଷ ଆଜି ନଷ୍ଟ ହେବାକୁ ବସିଲାଣି । ଏବେ ରାଜ୍ୟରେ ଯେତିକି ପଇଡ ବା ନଡିଆ ଉପ୍ତାଦନ ହେଉଛି ତାହା ଆମର କ୍ଷମତାର ମାତ୍ର ୧୦% । ଆହୁରି ଅଧିକ ୯୦% ପଇଡ ଉପ୍ତାଦନ ପାଇଁ ରାଜ୍ୟ ସକ୍ଷମ । ହେଲେ ପଇଡ ବିକ୍ରି ନହୋଇ ପାରିବା କାରଣରୁ, ଏବଂ ନଡିଆରୁ ତେଲ ବାହାର କରି ଏହାର ବିକ୍ରି ସୁବିଧା ନଥିବା କାରଣରୁ ଚାଷୀ ମାନେ ଆଉ ପଇଡ ଚାଷ ପାଇଁ ଆଗ୍ରହ ଦେଖଉ ନାହାନ୍ତି ।

ସ୍ବାସ୍ଥ୍ୟ

ଋିସର୍ଚ୍ଚରୁ ଜଣା ପଡିଛି ଯେ ଯେଉଁମାନେ ନିୟମିତ ଭାବେ ଦୈନିକ ୨୦୦ ମିଲିଲିଟରରୁ ଅଧିକ କୋଲ୍ଡ ଡ୍ରିଙ୍କସ ପିଅନ୍ତି ସେମାନେ ୪୦ ବର୍ଷ ବୟସରେ ପହଂଚିଲାବେଳକୁ ସୁଗାର ଡାଇବେଟିସ ଏବଂ କିଡନି  ରୋଗରେ ଆକ୍ରାନ୍ତ ହେବାର ସମ୍ଭାବନା ଅଧିକ । କୋଲ୍ଡ ଡ୍ରିଙ୍କସ ପିଇବା ଫଳରେ ଦାନ୍ତ ଏବଂ ହାଡକୁ ଯଥେଷ୍ଟ କ୍ଷତି ପହଂଚିଥାଏ । ପରୀକ୍ଷାରୁ ଜଣାପଡିଛି ଯେ ଗୋଟିଏ ଗ୍ଲାସରେ ଯଦି କୋକାକୋଲା ବା ସେହିଭଳି ମୃଦ୍ୟୁପାନୀୟରେ ଯଦି ଏକ ଦାନ୍ତକୁ ୧ ସପ୍ତାହ ବୁଡାଇ ରଖାଯାଇରଖାଯାଏ ତାହେଲେ ଏକ ସପ୍ତାହ ପରେ ଏହି ଦାନ୍ତଟି ସେଥିରେ ମିଳେଇ ଯିବ ଏବଂ ନିଜର ଅସ୍ତିତ୍ୱ ହରାଇବ । ଏଥିରୁ ବୁଝାପଡୁଛି ଯେ ଶରୀର ପାଇଁ କୋଲ୍ଡଡ୍ରିଙ୍କସ କେତେ ହାନି କାରକ । କୋକ ଏବଂ ଅରେଂଜ ଫ୍ଲେଭର କୋଲ୍ଡଡ୍ରିଙ୍କସରେ ମିଶୁଥିବା କୃତିମ ରଙ୍ଗ ସବୁ ହେଉଛନ୍ତି କ୍ୟାନସର ବେମାରୀ ଗୋଟିଏ ଗୋଟିଏ ଏଜେଂଟ । ମୃଦ୍ୟୁପାନିୟ ପ୍ରସ୍ତୁତିରେ ଫସପରିକଏ ଏସିଡର ବ୍ୟବହାର ହୁଏ ଯାହା କିଡନିକୁ ନଷ୍ଟ କରିଦେଇଥାଏ । କୋଲା ପିଇବା ଫଳରେ ରକ୍ତରେ ଅତ୍ୟଧିକ ଫସଫେଟ ଆସିଥାଏ ଯାହା ଶରୀରରେ କ୍ୟାଲସିୟମ ମେଟାବଲିଜିମକୁ ନଷ୍ଟ କରିଦେଇଥାଏ । କ୍ୟାଲସିୟମ ମେଟାବଲିଜିମ ନଷ୍ଟ ହେବାର ପ୍ରଭାବ ମସ୍ତିଷ୍କ, ହାଡ ଏବଂ ଦାନ୍ତ ଉପରେ ପଡେ । ମୃଦ୍ୟୁପାନୀୟରେ ସେପରି କିଛି ଏନର୍ଜି ବା ଭିଟାମିନସ ନାହିଁ । କେବଳ ପାଟି ସୁଆଦ ଏବଂ ବଡ ବଡ ସିନେମା ତାରକା ଏବଂ ଖେଳାଳୀଙ୍କ ବିଜ୍ଞାପନରେ ପ୍ରଭାବିତ ହୋଇ ଲୋକମାନେ ଏହାକୁ ପିଇ ଦେଇଥାନ୍ତି ।

କିନ୍ତୁ ପଇଡ ପିଇବା ଶରୀର ପ୍ରତି ଅନେକ ଲାଭ ଦାୟକ ହୋଇଥାଏ । ପ୍ରଥମତଃ ଏହା ସମ୍ପୁର୍ଣ୍ଣ ପ୍ରାକୃତିକ । ଏଥିରେ କୋଲ୍ଡ ଡ୍ରିଙ୍କସ ଭଳି କୌଣସି କେମିକାଲର ଭୟ ନାହିଁ । ୨୫୦ ଗ୍ରାମ ପଇଡ ପାଣିରେ ୪୬ କ୍ୟାଲୋରି ଏନର୍ଜି ଥାଏ ଯାହା ସମାନ ପରିମାଣର କୋଲ୍ଡଡ୍ରିଙ୍କସରେ ଥିବା ଏନର୍ଜି ଅପେକ୍ଷା ୪ ଗୁଣ ଅଧୀକ । ଏହା ଛଡା ପଇଡ ପାଣିରେ ଫାଇବର, ପ୍ରୋଟିନ, କାବ୍ରସ, ଭିଟାମିନ-ସି, ମ୍ୟାଗ୍ନେସିୟମ, ପୋଟାସିୟମ, କ୍ୟାଲିସିୟମ ଏବଂ ସୋଡିୟମ ଥାଏ ଯାହା ଶରୀର ପାଇଁ ବହୁତ ଭଲ । ପଇଡ ପାଣି ଶରୀରରେ ସୁଗାର ଲେଭେଲକୁ କମ କରିଥାଏ ଯାହା ଫଳରେ ଡାଇବେଟିସ ହୋଇନଥାଏ । ସର୍ଭେରୁ ଜଣାପଡିଛି ସକାଳେ ନିୟମିତ ପଇଡ ପାଣି ପିଇଲେ ଉଚ୍ଚ ରକ୍ତଚାପରୁ ମୁକ୍ତି ମିଳେ । ପଇଡ ପାଣିରେ ପଟ୍ଟାସିୟମ ଥିବାରୁ ଏହା ରକ୍ତଚ୍ଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ ।

ଯଦି କାହାକୁ ଡାଇରିଆ ବା ଦଣ୍ଡିସ ହୋଇଥାଏ ତାକୁ ଯଦି କୋଲ୍ଡଡ୍ରିଙ୍କସ ଦିଆଯାଏ ତାହେଲେ ରୋଗୀର ମୃତ୍ୟୁ ସୁନିଶ୍ଚିତ ହେଲେ ଯଦି ପଇଡ ପାଣି ଦିଆଯାଏ ତାହେଲେ ଏହା ରୋଗକୁ ପ୍ରଶମିତ କରିଥାଏ । ଏଥିରୁ ଜଣାପଡୁଛି ଆମେ କାହିଁକି କୋଲ୍ଡଡ୍ରିଙ୍କସକୁ ଛାଡି ପଇଡ ପିଇବା ଉଚିତ ।

ପରିବେଶ

କୋଲ୍ଡଡ୍ରିଙ୍କସର ସବୁଠାରୁ ଖରାପ ପ୍ରଭାବ ଯାହା ପରିବେଶକୁ ବହୁତ କ୍ଷତି କରେ ତାହା ହେଲା ଏହାର ପ୍ଲାଷ୍ଟିକ ବୋତଲ ଏବଂ ଏହାର ଠିପି । ଭାରତରେ ବର୍ଷକୁ ଏତେ ପରିମାଣର କୋଲ୍ଡଡ୍ରିଙ୍କସ ବିକ୍ରି ହେଉଛିଯେ ଯଦି ଏହାକୁ କେବଳ ଗୋଟିଏ ଗୋଟିଏ କରି ସଜା ଯାଏ ତାହେଲେ ସାରା ଭାରତର ଅଧା କ୍ଷେତ୍ରଫଳ ଭରିଯିବ । ଭାରତରେ ବର୍ଷକୁ ୧୩ ମିଲିୟନ ମେଟ୍ରିକ ଟନର ପ୍ଲାଷ୍ଟିକ ଉପ୍ତାଦନ ହୁଏ ଯାହାର ୩୦ରୁ ୩୫ % ହେଉଛି କେବଳ ଏହି କୋଲ୍ଡ ଡ୍ରିଙ୍କସ ପାଇଁ । ଆମ ଦେଶର ଜନସଂଖ୍ୟା ଅଧୀକ ଥିବାରୁ ପ୍ଲାଷ୍ଟିକ ବର୍ଜ୍ୟବସ୍ତୁର ପରିମାଣ ଅଧିକ ହୋଇଯାଉଛି । ଏହି ସବୁ ବୋତଲକୁ ରିସାଇକ୍ଲିଙ୍ଗ କରିବା ପାଇଁ ସରକାରୀ ବା ବେସରକାରୀ ସ୍ତରରେ କୌଣସି ବ୍ୟବସ୍ଥା ନାହିଁ । ଏତେ ବିପୁଳ ପରିମାଣ ପ୍ଲାଷ୍ଟିକ ଯିବ କୁଆଡେ । ସବୁ ଯାଉଛି ବିଭିନ୍ନ ଜଳାଶୟ, ନଦୀ, ସମୁଦ୍ର ଆଉ ମାଟିକୁ । ହେଲେ ପଇଡର କୌଣସି ବର୍ଜ୍ୟବସ୍ତୁ ନାହିଁ । ଏହାର ସମସ୍ତ ଜିନିଷ କାମରେ ଲାଗେ । ଖାଇକି ଫୋପଡା ଯାଉଥିବା ପଇଡ ଶୁଖିଲେ ସେଥିରୁ କତା ବାହାରିପାରିବ ଯେଉଁଥିରୁ ଦଉଡି ବାହାରିପାରିବ, ପା ପୋଛ, ଅଖା, ବ୍ୟାଗ, ମଶିଣା, କଣ୍ଢେଇ ଇତ୍ୟାଦି ତିଆରି ହୋଇପାରିବ । ନଡିଆ କତାରୁ ଏପରି ଅନେକ ଘରକରଣା ଜିନିଷ ତିଆରି ହୋଇପାରିବ ଯାହା ଆମର ଦୈନଦିନ ଜିବନରେ ଅନେକ କାମରେ ଆସେ । ଆଗରୁ ଶ୍ରୀ ଜଗନ୍ନାଥଙ୍କ ରଥଯାତ୍ରା ବେଳେ ଲାଗୁଥିବା ଦଉଡି ସବୁ ଆମର ସାକ୍ଷୀଗୋପାଳରେ ପ୍ରସ୍ତୁତ ହେଉଥିଲା । ଏକଥା ବେଶି ଦିନର କଥା ନୁହେଁ ମାତ୍ର ୩୦ ବର୍ଷ ତଳର କଥା । ହେଲେ ଏବେ ଏହା କେରଳରୁ ଆସୁଛି । କାରଣ ଆମେ ନଡିଆ ଚାଷକୁ ଯେତିକି ପ୍ରୋସ୍ତ୍ରାହନ ଦେବା କଥା ତାହା କରିପାରିଲେ ନାହିଁ ଯାହା ଫଳରେ ଏହି ଚାଷ ଦିନକୁ ଦିନ ଡୁବିଲା ଏବଂ ରାଜ୍ୟର ପଇଡ ଉପ୍ତାଦନ ମଧ୍ୟ କମିବାରେ ଲାଗିଲା ।

ଏସବୁର ସମାଧାନ ହେବ ଯଦି ଆମେ କୋଲ୍ଡଡ୍ରିଙ୍କସ ପିଇବା ଛାଡିବା ଏବଂ ପଡଇ ପିଇବା ।

        </description>
      </item>
      <item>
        <title>
           ଶିକ୍ଷାରେ ବିକାଶ ହେଲେ ଭାରତ ହେବ ବିକଶିତ ରାଷ୍ଟ୍ର, ସମୟ ଅଛି ମାତ୍ର ଏକ ଦଶନ୍ଧି
        </title>
        <link>
           http://khabarodisha.com/Development/-34280
        </link>
        <guid>
           http://khabarodisha.com/Development/-34280
        </guid>
        <pubDate>
           Tue, 19 Jun 2018 12:29:07 GMT
        </pubDate>
        <description>

ମୁମ୍ବାଇର ଏକ ରିପୋର୍ଟ ଅନୁଯାୟୀ, ଦେଶର ସାମ୍ପ୍ରତିକ ପରିସ୍ଥିତିରେ ସୁଧାର ଆଣି ବିକଶିତ ରାଷ୍ଟ୍ର ଦୌଡରେ ନିଜକୁ ସାମିଲ କରିବା ପାଇଁ ଭାରତ ପାଖରେ କେବଳ ଦଶ ବର୍ଷର ସମୟ ଅଛି । ଏଥି ପାଇଁ ଭାତରକୁ ବିଶେଷ କରି ଏହାର ଶିକ୍ଷା କ୍ଷେତ୍ର ପ୍ରତି ଧ୍ୟାନ ଦେବାକୁ ହେବ । ଯଦି ଭାରତ ଏହାର ଶିକ୍ଷା କ୍ଷେତ୍ରର ଉନ୍ନତିକରଣରେ ବିଫଳ ହୁଏ ତେବେ ଭାରତର ବହୁଳ କାର୍ଯ୍ୟକ୍ଷମ ଜନସଂଖ୍ୟା ଥିବା ସତ୍ୱେ ଏହା ଭାରତ ପାଇଁ ଲାଭ ଦାୟକ ହେବା ପରିବର୍ତେ କ୍ଷତିକାରକ ହୋଇପାରେ ।

ଯଦି ଦଶ ବର୍ଷ ମଧ୍ୟରେ ଭାରତ ଏହାର ପରିସ୍ଥିତିରେ ସୁଧାର ଆଣିପାରିବ ନାହିଁ ତେବେ ଭାରତର ବିକଶିତ ରାଷ୍ଟ୍ର ତାଲିକାରେ ନିଜର ନାମ ଦେଖିବାର ସ୍ୱପ୍ନ ସ୍ୱପ୍ନରେ ରହିଯିବ । ଭାରତ ପାଖରେ ଥିବା ସ୍ୱଳ୍ପ ସମୟ ମଧ୍ୟରେ ଭାରତ ଉନ୍ନତ ହୋଇପାରିଲା ତ ଭଲ ନଚେତ  ଭାରତ ବିକାଶଶୀଳ ରାଷ୍ଟ୍ର ତାଲିକାରେ ସୀମିତ ହୋଇ ରହିଯିବ ।

ତେଣୁ ସମୀକ୍ଷକଙ୍କ କହିବା ଅନୁଯାୟୀ ସରକାର ଏବଂ ନୀତି ନିର୍ଦ୍ଧାରକ ମାନେ ଦେଶର ଜନସାଧାରଣଙ୍କୁ ଜାଗ୍ରତ କରାଇବା ଉଚିତ, ଏବଂ ଦେଶର ଯୁବ ପିଢୀ ଶିକ୍ଷା କ୍ଷେତ୍ରରେ ପୁଞିନିବେଶ କରିଲେ ଦେଶର କାର୍ଯ୍ୟକ୍ଷମ ଜନସଂଖ୍ୟାର ଫାଇଦା ଉଠାଇ ପାରିବେ । ଅନ୍ୟଥା ଭାରତର ବହୁଳ ଜନସଂଖ୍ୟା ଭାରତ ପାଇଁ ଳାଭଦାୟକ ହେବା ପରିବର୍ତେ ଅଭିଶାପ ପାଲଟିଯିବ ।

କର୍ଣାଟକକୁ ଏକ ଭଲ ଉଦାହରଣ ସ୍ୱରୂପ ନିଆଯାଇପାରେ , ବିଗତ କିଛି ଦଶନ୍ଦି ହେବ କର୍ଣାଟକର ଜନ୍ମହାର କମିବାରେ ଲାଗିଛି ଏବଂ ୬୦ ବର୍ଷରୁ ଉର୍ଦ୍ଧ ବୟଷ୍କ ଜନସାଧାରଣଙ୍କ ତାଲିକା ଏହି ରାଜ୍ୟରେ ବଢି ଚାଲିଛି । ତେଣୁ କର୍ଣାଟକ ରାଜ୍ୟ ବିଶେଷ କରି ଶିକ୍ଷା କ୍ଷେତ୍ରରେ ନିଜକୁ ସୁଦୃଢ କରିବା ଉଚିତ ।

ବର୍ତମାନ ଦେଶର ଅଧିକାଂଶ ଜନସାଧାରଣ ନିଜ ପିଲାମାନଙ୍କୁ ବେସରକାରୀ ବିଦ୍ୟାଳୟରେ ପଢାଇବା ପାଇଁ ଅଧିକ ଇଚ୍ଛୁକ ହେଉଛନ୍ତି । ହେଲେ ଏବେ ମଧ୍ୟ ଅନେକ ସରକାରୀ ବିଦ୍ୟାଳୟ ଉପରେ ନିର୍ଭରଶୀଳ ।  

ତେଣୁ ବର୍ତମାନର ଆବଶ୍ୟକତା ହେଉଛି ସରକାରୀ ବିଦ୍ୟାଳୟର ଉନ୍ନତିକରଣ । ଏବଂ ରାଜ୍ୟ ଚାଳିତ ବିଦ୍ୟାଳୟ ଗୁଡିକର ପାଠ ପଢାଇବା ଶୈଳୀ, ଭିତିଭୂମି ଆଦିରେ ପରିବର୍ତନ ଆଣିବାକୁ ହେବ । ଏସ.ବି.ଆଇ ଅର୍ଥନୀତିଜ୍ଞ ମାନେ ପରାମର୍ଶ ଦେଇଛନ୍ତି ଯେ ବେସରକାରୀ ବିଦ୍ୟାଳୟ ଗୁଡିକୁ ଆର.ଟି.ଇ (ରାଇଟ ଟୁ ଏଡୁକେସନ) ପାଇଁ ଆସୁଥିବା ଅନୁଦାନରୁ କିଛି ଅଂଶ ସରକାରୀ ବିଦ୍ୟାଳୟର ଭିତିଭୂମୀ ଉନ୍ନତିକରଣ ପାଇଁ ଖର୍ଚ୍ଚ କରାଯିବା ଉଚିତ ।

ଉନ୍ନତ ଧରଣର ଶ୍ରେଣୀ ଗୃହ ଏକ ମୁଖ୍ୟ ଆବଶ୍ୟକତା ହୋଇଥିବା ବେଳେ, ସମସ୍ତ ସ୍କୁଲରେ ଇଂରାଜୀରେ ପାଠ ପଢାଇବାକୁ ବିଶେଷ ଧ୍ୟାନ ଦେବାର ଆବଶ୍ୟକତା ରହିଛି । ଏଥି ସହିତ ଶିକ୍ଷକ ମାନଙ୍କର ଶିକ୍ଷା ଦାନ ଯୋଗ୍ୟତା ଉନ୍ନତ ହେବା ଦରକାର ଏବଂ ସେମାନଙ୍କୁ ଉଚିତ ପାଉଣା ମିଳିବା ସହ ଜନଗଣନା ଆଦି କାର୍ଯ୍ୟ ପାଇଁ ସେମାନଙ୍କୁ ବାଧ୍ୟ କରିବା ଅନୁଚିତ ।

ଓଡିଆ ଲେଖାଯାଏ ଇଂରାଜି ଜାଣିନଥିବା ବ୍ୟକ୍ତିଙ୍କ ପାଇଁ, ଇଂରାଜିରେ ଲେଖାଯାଏ ଓଡିଆ ଜାଣିନଥିବା ବ୍ୟକ୍ତି ବୁଝିବା ପାଇଁ । ହେଲେ ଏଠି ଓଡିଆ ଅକ୍ଷରରେ ଇଂରାଜି ଲେଖାଯିବା ପଛରେ ଉଦ୍ଦେଶ୍ୟ କଣ ବୁଝାପଡୁନି । ଏହାକୁ ପଢିବ କିଏ ଆଉ ବୁଝିବ କିଏ

ବାସ୍ ଏହା ଦେଖି ଗୋଟେ କବିତା ମନେ ପଡୁଛି, ମାତୃଭୂମି ମାତୃଭାଷାରେ ମମତା ଯାହୃଦେ ଜନମି ନାହିଁ ତାକୁ ଯଦି ଜ୍ଞାନି ଗଣରେ ଗଣିବା ଅଜ୍ଞାନ ରହିବେ କାହିଁ ।

        </description>
      </item>
      <item>
        <title>
           ସରକାରୀ କୋଠାରେ ଦିବ୍ୟାଙ୍ଗଙ୍କ ସହଜ ଚଳାଚଳ ପାଇଁ ବ୍ୟବସ୍ଥା ହେଉଛି
        </title>
        <link>
           http://khabarodisha.com/Development/Govt-plan-to-easy-accent-for-disabled-33710
        </link>
        <guid>
           http://khabarodisha.com/Development/Govt-plan-to-easy-accent-for-disabled-33710
        </guid>
        <pubDate>
           Sat, 09 Jun 2018 09:03:05 GMT
        </pubDate>
        <description>

ରାଜ୍ୟସରକାର ବିଭିନ୍ନ ସରକାରୀ କୋଠା ଗୁଡ଼ିକରେ ଦିବ୍ୟାଙ୍ଗଙ୍କ ପାଇଁ ଅନୁକୂଳ ଯାତାୟତ ବ୍ୟବସ୍ଥା କରିବାକୁ ନେଇ ଆଗକୁ ବଢୁଥିବା ଜଣାଯାଇଛି । କେନ୍ଦ୍ରସରକାରଙ୍କ ଆକସେସବଲ ଇଣ୍ଡିଆ ଅଭିଯାନର ଅଂଶ ସ୍ୱରୂପ ଏ ଦିଗରେ ପଦକ୍ଷେପ ନେଇଛନ୍ତି ରାଜ୍ୟସରକାର । ଏବେ ଯେଉଁ ସରକାରୀ କୋଠାଗୁଡ଼ିକ ନିର୍ମାଣ କରାଯାଉଛି ସେଥିରେ ଦିବ୍ୟାଙ୍ଗ ମାନଙ୍କ ହ୍ୱିଲ ଚେୟାର କିଭଳି ଯାଇପାରିବ ସେ ଦିଗରେ ଦୃଷ୍ଟି ଦିଆଯାଇ ନୁଆ ର୍ୟାମ୍ପ ତିଆରି କରାଯାଉଛି । ଦିବ୍ୟାଙ୍ଗଙ୍କ ଅନୁକୂଳ ଭିତ୍ତିଭୂମି ନିର୍ମାଣକୁ ସରକାର ପ୍ରାଥମିକତା ଦେଉଥିବା ଦେଖିବାକୁ ମିଳିଛି । କୋଠା ଓ ପାର୍କ ଗୁଡ଼ିକୁ ଦିବ୍ୟାଙ୍ଗମାନେ ଅନାୟାସରେ ଯାତାୟତ କରିବା ପାଇଁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି ।

ସୂଚନାଯୋଗ୍ୟ ଯେ, ରାଜଧାନୀ ଭୁବନେଶ୍ୱରରେ ସଚ୍ଚିବାଳୟ, ନତାଲା, ରାଜୀବଭବନ ସମେତ ବହୁ ସରକାରୀ କୋଠାରେ ଦିବ୍ୟାଙ୍ଗମାନଙ୍କ ସହଜ ଚଳାଚଳ ପାଇଁ କୌଣସି ବ୍ୟବସ୍ଥା ନାହିଁ । ଏହା ଦିବ୍ୟାଙ୍ଗମାନଙ୍କ ଅଧିକାର ଓ ସେବା ପ୍ରାପ୍ତିକୁ ସଙ୍କୁଚିତ କରାଇବା ସହ ସ୍ୱାଧୀନତା ଓ ସାମାଜିକ ମର୍ଯ୍ୟଦାର ଉଲ୍ଲଂଘନ କରୁଛି । କେନ୍ଦ୍ର ଓ ରାଜ୍ୟସରକାର ଏବେ ଏ ଦିଗରେ ଉଦ୍ୟମ କରିଛନ୍ତି । 

        </description>
      </item>
      <item>
        <title>
           ଆଜିଠାରୁ ଗଞ୍ଜାମରେ ମାସେ ବ୍ୟାପୀ ମ୍ୟାଲେରିଆ ନିରାକରଣ ଅଭିଯାନ
        </title>
        <link>
           http://khabarodisha.com/Development/Anti-malaria-drive-in-ganjam-from-Friday-33212
        </link>
        <guid>
           http://khabarodisha.com/Development/Anti-malaria-drive-in-ganjam-from-Friday-33212
        </guid>
        <pubDate>
           Fri, 01 Jun 2018 11:11:23 GMT
        </pubDate>
        <description>

 ମ୍ୟାଲେରିଆ ରୋଗୀ ସଂଖ୍ୟା ବୃଦ୍ଧିକୁ ଲକ୍ଷ୍ୟରେ ରଖି ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ମାସେ ବ୍ୟାପୀ ମ୍ୟାଲେରିଆ ନିରାକରଣ ଅଭିଯାନ ଆଜିଠାରୁ ଆରମ୍ଭ କରାଯାଇଛି । ଗଞ୍ଜାମ ଜିଲ୍ଲାର ୨୨ ବ୍ଲକର ୨୭୩ ଖଣ୍ଡ ଗାଁରେ ଏ ଅଭିଯାନ ଆରମ୍ଭ ହେଉଥିବା କହିଛନ୍ତି ଜିଲ୍ଲା ମ୍ୟାଲେରିଆ ଅଧିକାରୀ ଆର୍ ଜଗଦିବା ପଟ୍ଟନାୟକ ।

ସ୍ୱାସ୍ଥ୍ୟ ବିଭାଗ ପକ୍ଷରୁ ଜିଲ୍ଲାର ଦୁର୍ଗମ ତଥା ମ୍ୟାଲେରିଆ ଦୃଷ୍ଟିକୋଣରୁ ସମ୍ବେଦନଶୀଳ ଗାଁ ଗୁଡ଼ିକ ଚିହ୍ନଟ କରାଯାଇ ରକ୍ତ ନମୁନା ସଂଗ୍ରହ, ଔଷଧ ବିତରଣ ଓ ପ୍ରତିଶେଧକ ବ୍ୟବସ୍ଥା ଦିଗରେ କାର୍ଯ୍ୟପନ୍ଥା ନିର୍ଦ୍ଦାରଣ କରାଯାଇଛି । ଜିଲ୍ଲାର ମୋଟ ମ୍ୟାଲେରିଆ ରୋଗୀ ସଂଖ୍ୟାର ୪୦ ପ୍ରତିଶତ ରୋଗୀ ୭ଟି ବ୍ଲକ ଅଂଚଳରୁ ଥିବା ଜଣାଯାଇଛି । ପ୍ରାଥମିକ ପର୍ଯ୍ୟାୟରେ ଏହି ୭ଟି ବ୍ଲକକୁ ଅଭିଯାନରେ ପ୍ରାଥମିକତା ଦିଆଯାଇଛି । ଡାକ୍ତରୀ ଦଳ ଗାଁ ଗାଁ ବୁଲି ସ୍ୱାସ୍ଥ୍ୟ ପରୀକ୍ଷା କରିବା ସହିତ ଆବାସିକ ବିଦ୍ୟାଳୟ ଗୁଡ଼ିକୁ ମଧ୍ୟ ପ୍ରାଥମିକତା ଦେବେ । 

        </description>
      </item>
      <item>
        <title>
           ଏଣିକି ଗାଁ ସ୍ତରରୁ ପ୍ରସ୍ତୁତ ହେବ ତଥ୍ୟ, ଅଙ୍ଗନବାଡ଼ି କର୍ମୀଙ୍କୁ ଦିଆଯିବ ଟାବଲେଟ ଓ ଫୋନ
        </title>
        <link>
           http://khabarodisha.com/Development/Free-Tablet--Mobile-to-anganwadi-worker-32422
        </link>
        <guid>
           http://khabarodisha.com/Development/Free-Tablet--Mobile-to-anganwadi-worker-32422
        </guid>
        <pubDate>
           Sat, 19 May 2018 10:12:51 GMT
        </pubDate>
        <description>

କେନ୍ଦ୍ରସରକାରଙ୍କ ଜାତୀୟ ପୋଷଣ ମିଶନ ଜରିଆରେ ରାଜ୍ୟରେ କାର୍ଯ୍ୟରତ ଅଙ୍ଗନବାଡ଼ିକର୍ମୀଙ୍କୁ ଟାବଲେଟ ଓ ଫୋନ ଯୋଗାଇ ଦିଆଯିବ । କେନ୍ଦ୍ରସରକାରଙ୍କ ପକ୍ଷରୁ ଏଥିପାଇଁ ଏକ କମନ ଆପ୍ଲିକେଶନ ସଫ୍ଟୱେୟାର ପ୍ରସ୍ତୁତ କରାଯାଇଛି । ପ୍ରଥମ ପର୍ଯ୍ୟାୟରେ ୧୧ଟି ଜିଲ୍ଲାରେ ଏହାକୁ କାର୍ଯ୍ୟକାରୀ କରିବା ପାଇଁ ନିଷ୍ପତ୍ତି ନିଆଯାଇଥିବା ବେଳେ ଏବେ ୨୫ଟି ଜିଲ୍ଲାକୁ ଏହାକୁ ବୃଦ୍ଧି କରାଯାଇଛି । ପ୍ରାୟ ୫୦/୬୦ ହଜାର ଅଙ୍ଗନାବାଡ଼ିକର୍ମୀଙ୍କୁ ଟାବଲେଟ ଓ ଫୋନ ଦିଆଯିବ । ଟାବଲେଟ ଓ ଫୋନ ଜରିଆରେ ଅଙ୍ଗନବାଡ଼ିକର୍ମୀମାନେ ସଂଗ୍ରହ କରୁଥିବା ରେକର୍ଡ଼ର ଡ଼ିଜିଟାଇଜେସନ ହୋଇପାରିବ । ପୂର୍ବରୁ ବ୍ଲକ ସ୍ତରରେ ଅଙ୍ଗନବାଡ଼ିକର୍ମୀଙ୍କ କାର୍ଯ୍ୟର ରେକର୍ଡ଼ ରହୁଥିଲା । ମାତ୍ର ଏବେ ତୃଣମୂଳ ସ୍ତରରୁ ସିଧାସଳଖ ରାଜ୍ୟରେ ଥିବା ମୁଖ୍ୟ ସର୍ଭରରେ ସଂଗୃହୀତ ରେକର୍ଡ଼ ପହଂଚିବ । ପୋଷଣକୁ ନେଇ ମହିଳାଙ୍କୁ ସଚେତନ କରାଯିବା ଓ ସେମାନଙ୍କ ଜୀବନ ଚର୍ଯ୍ୟାରେ ପରିବର୍ତ୍ତନ ଆଣିବା ଦିଗରେ କେନ୍ଦ୍ରସରକାର ଓ ରାଜ୍ୟସରକାର ସମନ୍ୱିତ ଶିଶୁ ବିକାଶ ପ୍ରକଳ୍ପ ଜରିଆରେ ଅଙ୍ଗନବାଡ଼ିକର୍ମୀମାନଙ୍କ ସାମର୍ଥ୍ୟ ଗଠନକୁ ପ୍ରାଥମିକତା ଦେଉଛନ୍ତି । 

        </description>
      </item>
      <item>
        <title>
           ୭୦ ବର୍ଷ ପରେ ୧୫୧ ଗାଁରେ ବଦଳିବ ଯୋଗାଯୋଗର ମାଧ୍ୟମ, ଘୋଡ଼ା ବଦଳରେ ଛୁଟିବ ବାଇକ
        </title>
        <link>
           http://khabarodisha.com/Development/After-70-years-trams-partition-mode-change-in-cut-off-area-32251
        </link>
        <guid>
           http://khabarodisha.com/Development/After-70-years-trams-partition-mode-change-in-cut-off-area-32251
        </guid>
        <pubDate>
           Wed, 16 May 2018 13:25:00 GMT
        </pubDate>
        <description>

 ଚିତ୍ରକୋଣ୍ଡା ବିଚ୍ଛିନ୍ନାଂଚଳର ଲାଇଫ ଲାଇନ ଗୁରୁପ୍ରିୟା ସେତୁ ଆସନ୍ତା ଜୁନରେ ଲୋକାର୍ପିତ ହେବାକୁ ଯାଉଛି । ସ୍ୱାଧୀନତାର  ୭୦ ବର୍ଷ ପରେ ୧୫୧ଟି ଗାଁର ୩୦ ହଜାରରୁ ଅଧିକ ଲୋକ ଏବେ ଡଙ୍ଗା ଲଂଚ ବଦଳରେ ସଡ଼କ ପଥରେ ଯାତାୟତ କରିବେ । ଏଥିପାଇଁ ଗାଁ ଗାଁରେ ଚର୍ଚ୍ଚା ଚାଲିଛି । ଆଉ ପୂର୍ବ ଭଳି ଗମନାଗମନ ଓ ପଣ୍ୟ ପରିବହନ ପାଇଁ ଗଧ ଓ ଘୋଡ଼ା ରଖି ବ୍ୟବହାର କରିବାକୁ ପଡ଼ିବନି । ଗମନାଗମନର ମାଧ୍ୟମ ବଦଳିବ । ବିଚ୍ଛିନ୍ନାଂଚଳର ଅଧିବାସୀମାନଙ୍କ ମଧ୍ୟରୁ କେତେକ ଏବେ ଆନ୍ଧ୍ର ଓ ମାଲକାନାଗିରିରେ ଥିବା ବାଇକ ସୋ ରୁମ୍ ଗୁଡ଼ିକରେ ଗାଡ଼ି ବୁକିଂ କରିସାରିଲେଣି । ଉଦଘାଟନ ଦିନ ସେମାନଙ୍କ ଗାଡ଼ି ସେତୁ ଉପରେ ଗଡ଼ିବ ବୋଲି ଆଶା ବାନ୍ଧି ବସିଛନ୍ତି ।

ବର୍ଷ ବର୍ଷ ଧରି ଚିତ୍ରକୋଣ୍ଡା ବିଚ୍ଛିନ୍ନାଂଚଳର ବାସିନ୍ଦାମାନେ ଲଂଚ ଓ ଡଙ୍ଗାରେ ବିପଦସଙ୍କୁଳ ଜଳଯାତ୍ରା କରୁଥିଲେ । ଘାଟରୁ ଓହ୍ଲାଇବା ପରେ ଗଧ ଓ ଘୋଡ଼ାରେ ଗାଁ ମାନଙ୍କୁ ଯାଉଥିଲେ । ଗୋଟିଏ ଗୋଟିଏ ଗଧକୁ ୩୦ରୁ ୫୦ ହଜାର ଟଙ୍କା ଯାଏଁ ଦେଇ ଖର୍ବ୍ଦି କରି ଅଣାଯାଉଥିଲା । ସେମାନଙ୍କ ପିଠିରେ ବସି ଓ ପଣ୍ୟ ପରିବହନ କରୁଥିଲେ ବାସିନ୍ଦାମାନେ । ଏବେ ସେତୁ ନିର୍ମାଣ ହେବା ପରେ ବିପଦସଙ୍କୁଳ ଜଳଯାତ୍ରାରୁ ରକ୍ଷା ମିଳିବ । ଗାଁ ଗାଁରେ ଗମନାଗମନ ବ୍ୟବସ୍ଥାରେ ସୁଧାର ଆସିବ ବୋଲି ଚର୍ଚ୍ଚା ହେଉଛି । 

        </description>
      </item>
      <item>
        <title>
           ସରକାରଙ୍କର ଖଦି ଏବଂ ଗ୍ରାମୋଦ୍ୟୋଗ ଚିନ୍ତା - ଗ୍ରାମୋଦ୍ୟୋଗ ଭବନର ନିର୍ମାଣ ପାଇଁ ମିଳିନି ଟଙ୍କାଟିଏ, 2003ରୁ ଚାଲିଛି ଶିଳାନ୍ୟାସ ଫଳକର ରକ୍ଷଣା ବେକ୍ଷଣ
        </title>
        <link>
           http://khabarodisha.com/Development/Khadi-Gramodyoga-Bhaban-Chief-Minister-32222
        </link>
        <guid>
           http://khabarodisha.com/Development/Khadi-Gramodyoga-Bhaban-Chief-Minister-32222
        </guid>
        <pubDate>
           Tue, 15 May 2018 16:32:34 GMT
        </pubDate>
        <description>

 ରାଜ୍ୟ ସରକାର ଖଦିର ବିକାଶ ପାଇଁ କେତେ ଚିନ୍ତିତ ତାହା ଜାଣିହେଉଛି ଗ୍ରାମୋଦ୍ୟୋଗ ଭବନର ନିର୍ମାଣ ପାଇଁ ସରକାରଙ୍କର ଆନ୍ତରିକତା କେତେ ଅଛି ସେଥିରୁୁ । ୨୦୦୩ ମସିହାରେ ମହାତ୍ମା ଗାନ୍ଧୀଙ୍କ ପୁଣ୍ୟ ତିଥିରେ ନିଜେ ମୁଖ୍ୟମନ୍ତ୍ରୀ ଭୁବନେଶ୍ୱରରେ ଓଡିଶା ଖଦି ଓ ଗ୍ରାମୋଦ୍ୟୋଗ ବୋର୍ଡର ମୁଖ୍ୟ ଦପ୍ତରରେ ଗ୍ରାମୋଦ୍ୟୋଗ ଭବନର ଶିଳାନ୍ୟାସ କରିଥିଲେ । ଲକ୍ଷ୍ୟ ଥିଲା ଖଦିର ବିକ୍ରି ବଢିବା ପାଇଁ ଏକ ଅତ୍ୟାଧୁନିକ ସୋରୁମ ନିର୍ମାଣ କରାଯିବା ସହ ଖଦିର ପ୍ରଚାର ପ୍ରସାର କରିବା ଦିଗରେ ଏକ କନଫେରନେସ ହଲ ଇତ୍ୟାଦି । ହେଲେ ମୁଖ୍ୟମନ୍ତ୍ରୀଙ୍କର ଶିଳାନ୍ୟାସକୁ ପୁରିଗଲାଣି ୧୫ ବର୍ଷ । ଏବେ ସୁଦ୍ଧା ସରକାର ଟଙ୍କା ଟିଏ ହେଲେବି ଏହାର ନିର୍ମାଣ ପାଇଁ ଅନୁଦାନ ଦେଇ ନାହାନ୍ତି । 

ବିଧାନସଭାରେ ସରକାର ମାନିଛନ୍ତି କି ୨୦୦୩ ମସିହାରେ ଶିଳାନ୍ୟାସ ହୋଇଥିବା ଏହି ଭବନର ନିର୍ମାଣ ଏବେ ସୁଦ୍ଧା ଆରମ୍ଭ ହୋଇନାହିଁ । ସରକାର କେବଳ ଶିଳାନ୍ୟାସ ହୋଇଥିବା ଫଳକର ରକ୍ଷଣା ବେକ୍ଷଣ ସଠିକ ଭାବରେ କରାଯାଉଛି ।

        </description>
      </item>
      <item>
        <title>
           ଶସ୍ତା ପାଇଁ ପ୍ରସିଦ୍ଧ ବ୍ରହ୍ମପୁର ଆମ୍ବ ବଜାର, ୪ ମାସରେ ହୋଇଥାଏ ୨୦ କୋଟି ଟଙ୍କାର କାରବାର
        </title>
        <link>
           http://khabarodisha.com/Development/20-crore-mango-business-in-4-month-31867
        </link>
        <guid>
           http://khabarodisha.com/Development/20-crore-mango-business-in-4-month-31867
        </guid>
        <pubDate>
           Tue, 08 May 2018 12:28:53 GMT
        </pubDate>
        <description>

ଦକ୍ଷିଣ ଓଡ଼ିଶାର ସର୍ବବୃହତ୍ତ ଆମ୍ବ ବଜାର ଭାବେ ବ୍ରହ୍ମପୁର ନୀଳକଣ୍ଠେଶ୍ୱର ଆମ୍ବ ବଜାରର ରହିଛି ସ୍ୱତନ୍ତ୍ର ପରିଚୟ । ୬ଟି ରାଜ୍ୟରୁ ଆମ୍ବ ଆମଦାନୀ କରି ସାରା ଓଡ଼ିଶାକୁ ଯୋଗାଉଥିବା ଏହି ବଜାରରେ ଅପେକ୍ଷାକୃତ ଶସ୍ତା ଦରରେ ମିଳିଥାଏ ରସାଳ ଆମ୍ବ । ଏଠାରେ ୪ ମାସରେ ୨୦ କୋଟି ଟଙ୍କାର ଆମ୍ବ କାରବାର ହୋଇଥାଏ ।

ବ୍ରହ୍ମପୁର ଉପକଣ୍ଠ ନୀଳକଣ୍ଠେଶ୍ୱର ମନ୍ଦିର ନିକଟରେ ୪ମାସ ପାଇଁ ବସୁଥିବା ଏହି ବଜାରରେ ୪୦ରୁ ଊଦ୍ଧ୍ୱର୍ ହୋଲସେଲ ଆମ୍ବ ବ୍ୟବସାୟୀ ଭାଗ ଦେଇଥାନ୍ତି । ୭୨ଟି ଆମ୍ବ ଦୋକାନ ଏହି ବଜାରରେ ଖୋଲିଥାଏ । ପ୍ରତିଦିନ ଏହି ବଜାରକୁ ଆନ୍ଧ୍ରପ୍ରଦେଶ ଓ କର୍ଣ୍ଣାଟକରୁ ୫୦ରୁ ୬୦ ଟ୍ରକ୍ ଆମ୍ବ ପହଂଚିଥାଏ । ସୁନ୍ଦରୀ, ବାଇଗଣପଲୀ, ଆଖୁରସ, ଲେଙ୍ଗଡ଼ା, ଦଶାରୀ ଆଦି ପ୍ରଜାତିର ଆମ୍ବ ସହିତ ରାଜ୍ୟ ଭିତରର ଦେଶୀ ଆମ୍ବ ମହକରେ ମହକିତ ହୋଇଥାଏ ଏହି ବଜାର ।

ଶ୍ରୀକାକୁଲମ, ବିଜୟନଗରମ, ଏଲୁରୁ, ନେଲୋର ଓ ବିଜୟୱାଡ଼ା ଅଂଚଳରୁ ବେଶୀ ପରିମାଣର ବାଇଗଣପଲୀ ଆମ୍ବ ଆସିଥାଏ । ଏପ୍ରିଲ ମାସରୁ ଜୁଲାଇ ମାସ ଯାଏ ଚାଲୁଥିବା ଏହି ବଜାରରେ ୨୦ କୋଟି ଟଙ୍କାର କାରବାର ହୋଇଥାଏ । ୧୯୯୫ ମସିହାରୁ ବ୍ରହ୍ମପୁର ଆମ୍ବ ବଜାର ପରିଚାଳିତ ହୋଇଆସୁଛି । 

        </description>
      </item>
      <item>
        <title>
           ଘରେ ବସି କରନ୍ତୁ ରୋଜଗାର, ନିମ୍ନୋକ୍ତ କ୍ଷେତ୍ର ଗୁଡ଼ିକରେ ରହିଛି ସମ୍ଭାବନା
        </title>
        <link>
           http://khabarodisha.com/Development/Home-earning-opportunity-31865
        </link>
        <guid>
           http://khabarodisha.com/Development/Home-earning-opportunity-31865
        </guid>
        <pubDate>
           Tue, 08 May 2018 12:30:34 GMT
        </pubDate>
        <description>

ଅନେକ କାମ ଅଛି ଯାହା ଆପଣ ଘରେ ବସି କରିପାରିବେ ଓ ଆକର୍ଷଣୀୟ ପାରିଶ୍ରମିକ ମଧ୍ୟ ପାଇପାରିବେ । ଡ଼ିଜିଟାଲ, ମାର୍କେଟିଂ, ୱେବସାଇଟ ପ୍ରସ୍ତୁତି, ଡ଼ାଟା ଏଣ୍ଟ୍ରି, କଲସେଣ୍ଟର, ନ୍ୟୁଜ ଆନାଲିସିସ୍, ଅନୁବାଦକ, ବ୍ଲଗ ରାଇଟିଙ୍ଗ ଆଦି କାମ ମଧ୍ୟ ଆପଣ ନିଜ ଘରେ ବସି କରିପାରିବେ । ଏଥିପାଇଁ କୌଣସି ଅଫିସକୁ ଆସି କାମ କରିବାର ଆବଶ୍ୟକତା ପଡ଼ିବ ନାହିଁ । ଯେଉଁମାନଙ୍କର ଯେତେ ଅଧିକ ବାହାରେ ସଂପର୍କ ରହିଛି ତାଙ୍କୁ ସେହି ଅନୁସାରେ ଅଧିକ କାମ ମିଳିପାରିଥାଏ ।

କମ୍ପ୍ୟୁଟର ଟାଇପିଙ୍ଗ କଳାରେ ପାରଙ୍ଗମ ବ୍ୟକ୍ତିଙ୍କ ପାଇଁ ଘରେ ବସି ଡାଟା ଏଣ୍ଟ୍ରି କାମ କରିବା ପାଇଁ ସୁଯୋଗ ମିଳିଥାଏ । ସରକାରୀ ସଂସ୍ଥାଳ, ପବ୍ଲିକେଶନ ହାଉସ ତଥା ଅନ୍ୟ ପ୍ରକାର କମ୍ପାନୀ ଗୁଡ଼ିକରୁ ଏ କାମ ମିଳିପାରିଥାଏ । କମ୍ପ୍ୟୁଟର, ଇଣ୍ଟରନେଟ କନେକ୍ସନ ଏବଂ ପ୍ରିଣ୍ଟର ଭଳି ସାମଗ୍ରୀକୁ ନିବେଶ କରି ଏ କାମ ଘରେ ଆରମ୍ଭ କରାଯାଇପାରେ । କେତେକ ୱେବସାଇଟ ମଧ୍ୟ ଅନଲାଇନ ଜରିଆରେ ଏଭଳି କାମ ଦେଇଥାନ୍ତି । ବିଭିନ୍ନ ଭାଷା ଜାଣିଥିବା ବ୍ୟକ୍ତିମାନେ ଅନୁବାଦ ଭିତ୍ତିକ କାମରୁ ଭଲ ରୋଜଗାର କରିପାରିବେ । ଇଂରାଜୀରୁ ଓଡ଼ିଆ ଏବଂ ଓଡ଼ିଆରୁ ଇଂରାଜୀ ବା ହିନ୍ଦୀ କିମ୍ବା ଅନ୍ୟ ଭାଷାରେ ଅନୁବାଦ ପାଇଁ ଚାହିଦା ରହିଛି । ଅନୁବାଦକ ମାନଙ୍କ ଚାହିଦା ପ୍ରତିବର୍ଷ ବଢିବାରେ ଲାଗିଛି । କଣ୍ଟେଣ୍ଟ ରାଇଟିଙ୍ଗସ୍, ୱେବସାଇଟ୍, ଡ଼ିଜାଇନିଂ, ଡିଜିଟାଲ ମାର୍କେଟିଙ୍ଗ କ୍ଷେତ୍ରରେ ଯେଉଁମାନଙ୍କର ଅଭିଜ୍ଞତା ଓ ପେଷାଦାର ଭାବନା ରହିଛି ସେମାନେ ଇଣ୍ଟରନେଟର ଅନୁସନ୍ଧାନ କରି ନୁଆ ନୁଆ କ୍ଲାଏଣ୍ଟ ଯୋଗାଡ଼ କରିପାରିବା ସହ ଏ ଦିଗରେ ଜୀବିକା ନିର୍ବାହ କରିପାରିବେ । 

        </description>
      </item>
      <item>
        <title>
           କେବଳ ରୋଗୀଙ୍କୁ ନୁହେଁ, ଚାଷୀଙ୍କ ପାଇଁ ମଧ୍ୟ ଲାଭଦାୟକ ହୋଇପାରୁଛି ଡାଳିମ୍ବ
        </title>
        <link>
           http://khabarodisha.com/Development/Pomegranate-cultivation-benefited-in-farmer-31863
        </link>
        <guid>
           http://khabarodisha.com/Development/Pomegranate-cultivation-benefited-in-farmer-31863
        </guid>
        <pubDate>
           Tue, 08 May 2018 12:33:27 GMT
        </pubDate>
        <description>

 ଲାଲ ଟହ ଟହ ଡାଳିମ୍ବ । ଦେଖିବା ପାଇଁ ଯେତିକି ଆକର୍ଷକ, ପୋଷକ ତତ୍ତ୍ୱରେ ସେତେ ଭରପୁର । ରୋଗୀଙ୍କ ପାଇଁ ଏହା ଯେତିକି ଲାଭଦାୟକ ତା ଠୁ ଅଧିକ ଲାଭଦାୟକ ଚାଷୀଙ୍କ ପାଇଁ ।

ଭିଟାମିନ୍ ଓ ଖଣିଜ ପଦାର୍ଥର ଭଣ୍ଡାର ହେଉଛି ଡାଳିମ୍ବ । ଏହାର ଚୋପା ମଧ୍ୟ ଔଷଧୀୟ ଗୁଣରେ ଭରା । ଭିଟାମିନ୍ ସିରେ ଭରପୁର ଡାଳିମ୍ବରେ ରୋଗ ପ୍ରତିରୋଧକ ଶକ୍ତି ରହିଛି । ଡାଳିମ୍ବ ରସରେ ୧.୬ ପ୍ରତିଶତ ପ୍ରୋଟିନ୍, ୧୪.୫ ପ୍ରତିଶତ କାର୍ବୋହାଇଡ୍ରେଟ, ୫.୧ ପ୍ରତିଶତ ରେଶାଓ, ୦୭ ପ୍ରତିଶତ ଖଣିଜ ଲବଣ ରହିଛି । ୧୦୦ ଗ୍ରାମ ବିଶିଷ୍ଟ ଏହାର ଦାନାରେ ୭୦ ମିଗ୍ରା ଫସଫରସ, ୪୪ ମିଗ୍ରା ମାଗ୍ନାସିୟମ, ୧୩୩ ମିଗ୍ରା ପଟାସ, ୧୦ ମିଗ୍ରା କ୍ୟାଲସିୟମ, ୧.୭୯ ମିଗ୍ରା ଆଇରନ, ୦.୯ ମିଗ୍ରା ସୋଡ଼ିୟମ ରହିଛି । ପ୍ରତି ହେକ୍ଟର ଜମିରେ ପ୍ରାୟ ୨୦ ଟନ୍ ଯାଏ ଡାଳିମ୍ବ ଉତ୍ପାଦନ ହୋଇଥାଏ । ଡାଳିମ୍ବ ଚାରା ଲଗାଇବାର ୪ ବର୍ଷ ପରେ ଫଳ ଦେଇଥାଏ । ବର୍ଷକୁ ୨ଥର ଅମଳ ହୋଇଥାଏ । ସବୁ ପ୍ରକାର ମାଟିରେ ଏହାର ଚାଷ କରାଯାଇପାରେ । 

        </description>
      </item>
   </rss>
 </channel>