<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଭଦ୍ରକ ବନ୍ଦକୁ ସମର୍ଥନ କଲେ ଉତ୍କଳ ବିଶ୍ୱବିଦ୍ୟାଳୟର ଛାତ୍ର ସଙ୍ଗଠନ
        </title>
        <link>
           http://khabarodisha.com/Development/utkal-University-student-association-support-the-Bhadrak-bandh-42153
        </link>
        <guid>
           http://khabarodisha.com/Development/utkal-University-student-association-support-the-Bhadrak-bandh-42153
        </guid>
        <pubDate>
           Mon, 29 Oct 2018 17:49:00 GMT
        </pubDate>
        <description>

ଭଦ୍ରକ ଜିଲ୍ଲାରେ ମେଡିକାଲ କଲେଜ ପ୍ରତିଷ୍ଠା ଦାବି ନେଇ ଆଜି ଭଦ୍ରକରେ ୧୨ ଘଟିଂଆ ବନ୍ଦ ଡାକରା ଦିଆଯାଇଛି । ଏଥିରେ ବିଭିନ୍ନ ସ୍ୱେଛାସେବୀ ସଙ୍ଗଠନ, ରାଜନୈତିକ ଦଳର କର୍ମକର୍ତ୍ତାଙ୍କ ସହ ବିଭିନ୍ନ ମହିଳା ମଣ୍ଡଳର କର୍ମକର୍ତ୍ତା ମାନେ ଏହି ବନ୍ଦ ପାଳନରେ ସାମିଲ ଥିଲେ ।  

ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ପାଇଁ ଯୋର ଧରିଛି ଅନ୍ଦୋଳନ । ଅନ୍ୟପକ୍ଷେ ଏହି ବନ୍ଦର ପ୍ରଭାବ ମଧ୍ୟ ଉତ୍କଳ ବିଶ୍ୱବିଦ୍ୟାଳୟରେ ପରିସରରେ ଦେଖିବାକୁ ମିଳିଛି । ଉତ୍କଳ ବିଶ୍ୱବିଦ୍ୟାଳୟରେ ପଢୁଥିବା ଭଦ୍ରକ ଜିଲ୍ଲାର ଛାତ୍ର ଛାତ୍ରୀମାନେ ସମୁହ ଏକଜୁଟ ହେବା ସହ ଅନ୍ୟ ପିଲାମାନେ ମଧ୍ୟ ଏହି ବନ୍ଦକୁ ସମ୍ପୂର୍ଣ୍ଣ ସମର୍ଥନ ଜଣାଇଛନ୍ତି । ବିଶ୍ୱବିଦ୍ୟାଳୟ ପରିସରରୁ ଗେଟ୍ ସମ୍ମୁଖ ପର୍ଯ୍ୟନ୍ତ ଛାତ୍ରମାନେ ସଙ୍ଗଠିତ ହୋଇ ଭଦ୍ରକ ବନ୍ଦକୁ ସମର୍ଥନ କରିଥିଲେ ।  ଛାତ୍ରନେତା ରାକେଶ ନାୟକ ଏହାର ପରିଚାଳନା କରିଥିବା ବେଳେ ପ୍ରଭଞ୍ଜନ ମିଶ୍ର,ଲଲାଟେନ୍ଦୁ ମଲ୍ଲିକ ଏବଂ ଅନ୍ୟମାନେ ଏଥିରେ ସାମିଲ ଥିଲେ ।  

        </description>
      </item>
      <item>
        <title>
           ମାନିଲେ ସରକାର ! ବନ୍ୟା ପାଇଁ ନଥିଲେ ପ୍ରସ୍ତୁତ
        </title>
        <link>
           http://khabarodisha.com/Development/Titli-Cyclone-Odisha-Government-Not-Prepared-41225
        </link>
        <guid>
           http://khabarodisha.com/Development/Titli-Cyclone-Odisha-Government-Not-Prepared-41225
        </guid>
        <pubDate>
           Fri, 12 Oct 2018 13:24:21 GMT
        </pubDate>
        <description>

 ଭୁବନେଶ୍ୱର – ୧୨ ଅକ୍ଟୋବର – ବାତ୍ୟା ପରେ ବର୍ଷା ହେବ ଏବଂ ବର୍ଷା ହେଲେ ବନ୍ୟା ହେବ । ଏକଥା କିଛି ନୁଆ କଥା ନୁହେଁ । ସୃଷ୍ଟିର ଏହି ଚିରା ଚରିତ କଥା । ଆଉ ଓଡିଶାରେ ଏକଥା ଆଗରୁ ବାରମ୍ବାର ହେଇଛି । ହେଲେ ଆଜି ସଚିବାଳୟରେ ରାଜ୍ୟ ସରକାରଙ୍କର ମୁଖ୍ୟ ଶାସନ ସଚିବଙ୍କ ବନ୍ୟା ପ୍ରତିକାର ପାଇଁ କରିଥିବା ସାମ୍ବାଦିକ ସମ୍ମିଳନିରେ କହିଲେ କି ସରକାର ବନ୍ୟା ପାଇଁ ପ୍ରସ୍ତୁତ ନଥିଲେ । ଆଗରୁ ବାତ୍ୟା ହେବ ବୋଲି ଆମେ ପ୍ରସ୍ତୁତ ଥିଲୁ । ହେଲେ କନ୍ଧମାଳ ଓ ରାୟଗଡା ସମେତ ଗଂଜାମ ଓ ଗଜପତିରେ ଏପରି ଏତେ ପରିମାଣର ବର୍ଷା ହେବ ତାହା ଆମ୍ଭେ କଳ୍ପନା କରିନଥିଲୁ ବୋଲି କହିଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ । ବାତ୍ୟା ହେବ ହେଲେ ବର୍ଷା ହେବ ବୋଲି ଆକଳନ କରିପାରିନଥିବା ବୋଲି କହିବା ପୁଣି ମୁଖ୍ୟ ଶାସନ ସଚିବ ନିଜେ ସ୍ପଷ୍ଟ କରୁଛି ଯେ ପ୍ରଶାସନ କେବଳ ଲୋକଙ୍କ ମନରେ ବିଶ୍ୱାସ ଜମାଇବା ପାଇଁ ଆଉ ଲୋକଦେଖାଣିଆ ଭାବେ ବାତ୍ୟା ପ୍ରସ୍ତୁୁତ କରିଥିଲେ ।

ହେଲେ ଏଠି ପ୍ରଶ୍ନ ଉଠୁଛି ଯେ ଆଗରୁ ରାଜ୍ୟ ସରକାର ତିତଲି ପାଇଁ ପୁରା ୩୦ ଜିଲ୍ଲାରେ ପ୍ରସ୍ତୁତ ଅଛି ବୋଲି କହିଥିଲେ  । ସେହିପରି ପାଣିପାଗ ବିଭାଗ ମଧ୍ୟ ଆଗରୁ ପୁର୍ବାନୁମାନୁ କରିଥିଲେ କି ଗୋପାଳପୁର ପାଖରେ ଏହା ଲ୍ୟାଣ୍ଡ ଫଲ କରିବ । ଏହା ପରେ ଏହା ଓଡିଶା ଉପରେ ହୋଇ ଏହା ପଶ୍ଚିମବଙ୍ଗ ଆଡେ ମୁହାଁଇବ । ତେଣୁ ଏକଥା ପୁରା ସ୍ପଷ୍ଟ ଥିଲା କି ଓଡିଶାରେ ପ୍ରଚୁର ବର୍ଷା ହେବ । ସବୁ ଜଣା ଥିବା ସତ୍ୱେ ମଧ୍ୟ ରାଜ୍ୟ ସରକାରଙ୍କ ପ୍ରସ୍ତୁତି କାମରେ ପଛରେ ପଡିଯାଇଛି କେବଳ ସାମ୍ବାଦିକ ସମ୍ମିଳନିରେ ଆଗେଇଛି । ଏକଥା ଏବେ ବିଭିନ୍ନ ସ୍ଥାନରେ ବନ୍ୟା ସ୍ଥିତି ଦେଖି ଆଉ ସେଠାରେ ପ୍ରଶାସନ ନପହଂଚି ପାରିବା ଦେଖିଲା ପରେ ଅନୁଭବ ହେଉଛି ।

ରାଜ୍ୟ ସରକାର ଆଗରୁ ହେଲିକାପ୍ଟର ମାଗିପାରିଥାନ୍ତେ । ହେଲେ ଏବେ ସୁଦ୍ଧା ହେଲିକାପ୍ଟର ଲାଗିପାରିନାହିଁ ଉଦ୍ଧାର କାର୍ଯ୍ୟରେ । ଏବେ ବି ଗଂଜାମ, ଗଜପତି ଏବଂ ରାୟଗଡାରେ ଅନେକ ପଂଚାୟତ ପାଣିଘେରରେ । ସମୁଦାୟ ୧୫୫ଟି ପଂଚାୟତରେ ବନ୍ୟା ପାଣି ପଶିଛି । ଏବେବି ସେହି ସବୁ ସ୍ଥାନରେ ପ୍ରଶାସନ ପଂହଚି ପାରିନାହିଁ । ଆସିକା ଏବଂ ପୁରୁଷୋତମପୁରରେ ଲୋକେ ବନ୍ୟା ଘେରରେ ଥିବାର ୨୪ ଘଂଟାରୁ ଅଧିକ ସମୟ ହୋଇସାରିଲାଣି । ସେଠାରେ ତୁରନ୍ତ ରିଲିଫ ପଂହଚାଇବା ଜରୁରୀ ଥିବାବେଳେ ଏବେ ସୁଧା ରନ୍ଧା ଖାଦ୍ୟ ଛାଡନ୍ତୁ ଚୁଡା ବିସ୍କୁଟବି ଟିକିଏ ମିଳିନି । 

        </description>
      </item>
      <item>
        <title>
           ଭୁବନେଶ୍ୱରରେ ହେବ ୬୦ଟି ସଂକ୍ରମଣ ଶୂନ୍ୟ ଅଟୋମେଟିକ ଇ-ଟଏଲେଟ
        </title>
        <link>
           http://khabarodisha.com/Development/60-E--toilet-in-BBSR-39105
        </link>
        <guid>
           http://khabarodisha.com/Development/60-E--toilet-in-BBSR-39105
        </guid>
        <pubDate>
           Wed, 05 Sep 2018 16:11:51 GMT
        </pubDate>
        <description>

 ସ୍ୱାସ୍ଥ୍ୟସେବା ଓ ପରିମଳ କ୍ଷେତ୍ରରେ ସ୍ମାର୍ଟ ସିଟିର ମାନବୃଦ୍ଧି କରିବା ଆଭିମୁଖ୍ୟ ନେଇ ବିଏମସି ପକ୍ଷରୁ ବିଭିନ୍ନ ସ୍ଥାନରେ ଅଣ୍ଡରଗ୍ରାଉଣ୍ଡ ଡ଼ଷ୍ଟବିନ୍ ବ୍ୟବସ୍ଥା ପ୍ରଚଳନ ହେବା ସାଙ୍ଗକୁ ୬୦ଟି ଆଧୁନିକ ପାଇଖାନା ନିର୍ମାଣ କରାଯିବା ନେଇ ନିଷ୍ପତ୍ତି ହୋଇଛି ।

ସହରର ୩୦ ସ୍ଥାନରେ ନିର୍ମାଣ ହେବାକୁ ଥିବା ମୋଟ ୬୦ଟି ପାଇଖାନା ମଧ୍ୟରୁ ୩୦ଟି ପୁରୁଷଙ୍କ ପାଇଁ ଓ ବାକି ୩୦ଟି ମହିଳାଙ୍କ ପାଇଁ ଉଦ୍ଦିଷ୍ଟ । ଗୋଟିଏ ସ୍ଥାନରେ ପୁରୁଷ ଓ ମହିଳାଙ୍କ ଏହି ସୁବିଧା ଉପଲବ୍ଧ କରାଯିବ । ନିର୍ମାଣ ହେବାକୁ ଥିବା ୬୦ଟି ଶୌଚାଳୟ ମଧ୍ୟରୁ ୨୦ଟି ଅଟୋମେଟିକ ଓ ୪୦ଟି ସେମି ଅଟୋମେଟିକ ସଫେଇ ସୁବିଧା ରହିଛି । ଏହା ସଂକ୍ରମଣ ଶୂନ୍ୟ । ଅଟୋମେଟିକ ଶୌଚାଳୟ ଗୁଡ଼ିକରେ କାର୍ଡ଼ ମାଧ୍ୟମରେ ପ୍ରବେଶ କରିବାକୁ ପଡ଼ିବ । ଏହାର ବ୍ୟବହାର ପାଇଁ ନିର୍ଦ୍ଦିଷ୍ଟ ବ୍ୟବହାର ଦେୟ ଲାଗୁ କରାଯିବ । ସେମି ଅଟୋମେଟିକ ଶୌଚାଳୟ ଗୁଡ଼ିକରେ ସର୍ବସାଧାରଣଙ୍କ ପ୍ରବେଶ ସୁବିଧା ରହିବ । 

        </description>
      </item>
      <item>
        <title>
           ଓଡ଼ିଶାରେ ବାଉଁଶରୁ କାଠ ତିଆରି ପଦକ୍ଷେପ ହୋଇଛି ସଫଳ, ଖୁବ୍ ଶିଘ୍ର ହେବ ଏଭଳି କାରଖାନା
        </title>
        <link>
           http://khabarodisha.com/Development/Bamboo-made-wood-industry-soon-in-odisha-39098
        </link>
        <guid>
           http://khabarodisha.com/Development/Bamboo-made-wood-industry-soon-in-odisha-39098
        </guid>
        <pubDate>
           Wed, 05 Sep 2018 08:42:58 GMT
        </pubDate>
        <description>

 ରାଜ୍ୟରେ ପ୍ରଥମ ଥର ଲାଗି ବାଉଁଶରୁ କାଠ ପ୍ରସ୍ତୁତ ପଦକ୍ଷେପକୁ ସଫଳତା ମିଳିଛି । ଏଣୁ ରାଜ୍ୟରେ ବାଉଁଶରୁ କାଠ ତିଆରି କାରଖାନା ପ୍ରତିଷ୍ଠା ପାଇଁ ଖୁବ୍ ଶିଘ୍ର ସରକାର ପଦକ୍ଷେପ ନେବେ ବୋଲି ଓଡ଼ିଶା ବାଉଁଶ ଉନ୍ନୟନ ସୂତ୍ରରୁ ଜଣାପଡ଼ିଛି ।

ଓଡ଼ିଶାରେ ବୌଦ୍ଧ, କନ୍ଧମାଳ, ଦେବଗଡ଼, ଗଜପତି, ରାୟଗଡ଼ା ଆଦି ଜିଲ୍ଲାରେ ଶାଳିଆ ପ୍ରଜାତିର ବାଉଁଶ ରହିଛି । ଏଥିରୁ କାଠ ତିଆରି ପାଇଁ ପ୍ରୟାସ ଆରମ୍ଭ ହୋଇଥିଲା । ଜୁନ୍ ମାସରେ ଓଡ଼ିଶାର ବାଉଁଶକୁ ପରୀକ୍ଷାମୂଳକ ଭାବେ ବାଉଁଶକାଠ ଉତ୍ପାଦନ କରିବାକୁ ତ୍ରିପୁରାର ରାଜଧାନୀ ଅଗରତାଲା ସ୍ଥିତ ମୁଥା କାରଖାନାକୁ ପଠାଯାଇଥିଲା । ଗତ ଜାନୁଆରୀ ମାସରେ ଓଡ଼ିଶା ବାଉଁଶ ଉନ୍ନୟନ କର୍ତ୍ତୃପକ୍ଷଙ୍କର ଏକ ଟିମ୍ କାରଖାନା ପରିଦର୍ଶନ ପାଇଁ ଯାଇଥିଲେ । ନମୁନା ସଫଳ ହୋଇଥିବାରୁ ଓଡ଼ିଶାରେ ବାଉଁଶରୁ କାଠ ପ୍ରସ୍ତୁତି ପାଇଁ ରାଜ୍ୟରେ ଏକ କାରଖାନା ବସାଇବା ପାଇଁ ଚିନ୍ତା କରାଯାଇଛି ।

ସୂଚନା ଯୋଗ୍ୟ ଯେ, ନରମ ମୂଳି ବାଉଁଶରୁ କାଠ, ଚଟାଣ, ଟାଇଲ ଏବଂ କାଠ ଜାତୀୟ ଆସବାବ ପତ୍ର ଏହି ମେସିନ ଦ୍ୱାରା ହୋଇପାରିବ ଏବଂ ବଜାରରେ ଏହାର ଚାହିଦା ରହିଛି । 

        </description>
      </item>
      <item>
        <title>
           ବୈଦ୍ୟୁତିକ ଯାନବାହାନ ପାଇଁ ସାରା ଦେଶରେ ବ୍ୟାଟେରୀ ଚାର୍ଜିଙ୍ଗ ଷ୍ଟେସନ କରିବ ଗେଲ
        </title>
        <link>
           http://khabarodisha.com/Development/Gail-installed-battery-charging-unit-39057
        </link>
        <guid>
           http://khabarodisha.com/Development/Gail-installed-battery-charging-unit-39057
        </guid>
        <pubDate>
           Tue, 04 Sep 2018 13:09:10 GMT
        </pubDate>
        <description>

 ଦେଶର ସବୁଠୁ ବଡ଼ ଗ୍ୟାସ କମ୍ପାନୀ ଗେଲ ଇଣ୍ଡିଆ ସାରା ଦେଶରେ ବୈଦ୍ୟୁତିକ ଯାନବାହାନ ପାଇଁ ବ୍ୟାଟେରୀ ଚାର୍ଜିଂ ଷ୍ଟେସନ ସ୍ଥାପନା କରିବାକୁ ଯାଉଛି । ଦେଶର ବଜାର ଗୁଡ଼ିକରେ ସୌରଶକ୍ତିର ଚାହିଦା ଦେଖିବାକୁ ମିଳୁଥିବା ବେଳେ ଗେଲ ଇଣ୍ଡିଆ ଭବିଷ୍ୟତରେ ସୌରଶକ୍ତି ଯନ୍ତ୍ରପାତିର ବିକାଶ ଦିଗରେ କାର୍ଯ୍ୟକ୍ରମ ଗ୍ରହଣ କରିବ ।

ଦୂଷିତ ପାଣିକୁ ବିଶୋଧନ କରିବାର ଯନ୍ତ୍ରପାତି, ଜଳଯୋଗାଣ ଉପକରଣ ଏବଂ ପାଣିର ବଡ଼ ପାଇପ ଲାଇନ କାରବାର ଦିଗରେ ଗେଲ ପ୍ରବେଶ କରିବ ବୋଲି ଜଣେ ଉଚ୍ଚ ପଦସ୍ଥ ଅଧିକାରୀ ସୂଚନା ଦେଇଛନ୍ତି । ସଂପୃକ୍ତ ଅଧିକାରୀ ଜଣକ କହିଛନ୍ତି ଯେ ଆମ ନିକଟରେ ଦେଶର ପାଇପ ଲାଇନ ଏବଂ ଗ୍ୟାସ ବିପଣନର ସବୁଠୁ ବଡ଼ ନେଟୱାର୍କ ରହିଛି । ଏହି ବ୍ୟବସାୟର ସମ୍ଭାବନାରୁ ଏହାର ଲାଭ ଉଠାଇବା ଉଚିତ । କମ୍ପାନୀ ନିଜର ସିଏନଜି ଷ୍ଟେସନରେ ଇଲେକ୍ଟ୍ରିକ ଯାନବାହାନ ପାଇଁ ବ୍ୟାଟେରୀ ଚାର୍ଜିଙ୍ଗ ଷ୍ଟେସନ ସ୍ଥାପନ କରିବାର ସମ୍ଭାବନା ରହିଛି । 

        </description>
      </item>
      <item>
        <title>
           ଫୋନ କହିବ କିଏ କରିଛି ଫୋନ !
        </title>
        <link>
           http://khabarodisha.com/Development/App-help-to-customer-38838
        </link>
        <guid>
           http://khabarodisha.com/Development/App-help-to-customer-38838
        </guid>
        <pubDate>
           Sat, 01 Sep 2018 13:56:19 GMT
        </pubDate>
        <description>

ଯଦି ଆପଣଙ୍କର ମୋବାଇଲିରେ କଲର ନେମ ଆକାଉଣ୍ଟର ପ୍ରୋ(Caller name announcer pro) ଆପସ ରହିଛି ତେବେ କାହାର ଫୋନ ଆସୁଛି ଜାଣିବା ପାଇଁ ଆଉ ଫୋନର ପରଦା ଦେଖିବାକୁ ପଡ଼ିବନି । ଫୋନ ନିଜେ ଶବ୍ଦ କରି କିଏ ଫୋନ କରୁଛି କହିଦେବ ।

ମେସେଜ ଆସୁଥିଲେ ମଧ୍ୟ କେଉଁଠୁ ଆସୁଛି କହିଦେବ । ଡ଼୍ରାଇଭିଂ ବେଳେ ବା କୌଣସି ଜରୁରୀ କାମ ବେଳେ ଏହି ଆପ୍ ଆପଣଙ୍କୁ ଏପରି କରି ସହାୟତା ଯୋଗାଇଥାଏ । ଧରନ୍ତୁ ଆପଣ ଗାଡ଼ି ଚଳାଉଛନ୍ତି । ହଠାତ ଫୋନ ବାଜି ଉଠିବ । ଆପଣ ଗାଡ଼ି ସାଇଡ଼ କରି ଫୋନକୁ ଦେଖିବାବେଳକୁ ତାହା ଯଦି ଏକ କମ୍ପାନୀର ବିଜ୍ଞାପନ ଥିବ ତେବେ ଆପଣଙ୍କୁ କିଭଳି ଲାଗିବ । ଏବେ ଆପଣ ଜାଣିଗଲେ ସିଦ୍ଧାନ୍ତ ନେବେ ଫୋନ ଉଠାଇବେ କି ନାହିଁ ।

ଫୋନ ଭାଇବ୍ରେଟ କିମ୍ବା ସାଇଲେଣ୍ଟ ମୋଡ଼ରେ ଥିଲେ ବି ଏହା କଲରଙ୍କ ନାମ ଆନାଭନ୍ସ କରିବ । ଫୋନରେ ନମ୍ବର ସେଲ ନଥିଲେ ବି ଏହି ଆପ୍ ନମ୍ବର ଆନାଉନ୍ସ କରିବ । ଗୁଗୁଲ ପ୍ଲେ ଷ୍ଟୋରରୁ ଏହାର ପ୍ରୋ ଭର୍ଜନ ମାଗଣାରେ କାମ କରେ । ୪ ଜି ଏଣ୍ଡ୍ରାଇଡ଼୍ ଫୋନରେ କାମ କରେ । ତେବେ ଏହା ଫୋନରେ ଡ଼ାଉନଲୋଡ଼ କରିବା ପୂର୍ବରୁ ଏହାର ବିଶେଷତ୍ୱତା ତନଖି ନିଅନ୍ତୁ । ଏହାର ରିଭ୍ୟୁ ସନ୍ତୋଷଜନକ ନୁହେଁ । ଏହା ସମୟର ଅପଚୟ ଓ ଠିକ୍ ଆପ୍ ନୁହେଁ ବୋଲି କହିଛନ୍ତି ଅଭି ପାଣ୍ଡେ ନାମକ ଜଣେ ବ୍ୟବହାରକାରୀ । ମହମ୍ମଦ, ମବେଲ, ଦାଉଦ ଓ ଅରୁଣ ଚୋପ୍ରା ଏହା ଏକ ଭଲ ଆପ ବୋଲି ଦର୍ଶାଇଛନ୍ତି । ଆପଣ ଏହାକୁ ପରୀକ୍ଷା କରିପାରନ୍ତି । 

        </description>
      </item>
      <item>
        <title>
           ଭାରତୀୟ ରେଳ ତିଆରି କରିଛନ୍ତି ଦେଶର ପ୍ରଥମ ସ୍ମାର୍ଟ କୋଚ, ସୁରକ୍ଷା ସହିତ ରହିଛି ଅନେକ ସୁବିଧା
        </title>
        <link>
           http://khabarodisha.com/Development/Smart-coach-ready-by-Indian-rail-38640
        </link>
        <guid>
           http://khabarodisha.com/Development/Smart-coach-ready-by-Indian-rail-38640
        </guid>
        <pubDate>
           Wed, 29 Aug 2018 09:05:17 GMT
        </pubDate>
        <description>

 ଭାରତୀୟ ରେଳ ପକ୍ଷରୁ ପ୍ରଥମ ସ୍ମାର୍ଟ କୋଚ ପ୍ରସ୍ତୁତି ସରିଛି । ୧୨ରୁ ୧୪ ଲକ୍ଷ ଟଙ୍କା ଅତିରିକ୍ତ ଖର୍ଚ୍ଚ କରାଯାଇ ଏହି କୋଚ ରାୟବରେଲିର ମଡ଼ର୍ଣ୍ଣ କୋଚ ଫ୍ୟାକ୍ଟରୀରେ ତିଆରି ହୋଇଛି । ଆଗକୁ ଏଭଳି ଆଉ ୧୦୦ ସ୍ମାର୍ଟ କୋଚ୍ ନିର୍ମାଣର ଯୋଜନା ରହିଛି ।

ମଡ଼ର୍ଣ୍ଣ କୋଚ୍ ଫ୍ୟାକ୍ଟରିର ଜେନେରାଲ ମ୍ୟାନେଜର ରାଜେଶ ଅଗ୍ରୱାଲଙ୍କ ସୂଚନା ଅନୁଯାୟୀ ଏହି କୋଚ ସ୍ୱୟଂ ତାପମାତ୍ରାକୁ ନିୟନ୍ତ୍ରଣ କରିପାରିବ । ଧୂଳି ସଂକ୍ରମଣ ସ୍ତର ବିଷୟରେ ସୂଚନା ଦେବ । ଟ୍ରେନର ବ୍ରେକ ଧାରଣାର ସ୍ଥିତି, ରେଳ ଧାରଣାର ସ୍ୱାସ୍ଥ୍ୟ କାର୍ଡ଼ ବି ପ୍ରସ୍ତୁତ କରିବ । ଫଳରେ ତ୍ରୃଟି ହେବା ମାତ୍ରେ ଖବର ଜଣାପଡ଼ିବ । ଏପରି ୧୦୦ଟି କୋଚ ତିଆରି ହେବ । ପ୍ରଥମ କୋଚ ଉତ୍ତର ରେଳର କୌଣସି ଏକ ଟ୍ରେନରେ ଲଗାଯିବ । ଏବେ ତାହା ସ୍ଥିର ହୋଇନାହିଁ । ଏହି କୋଚରେ ଏସି, ଡ଼ିସ୍କ ବ୍ରେକ ସିଷ୍ଟମ, ଫାୟାର ଡ଼ିଟେକ୍ସନ, ଆଲାର୍ମ ସିଷ୍ଟମ ୱାଟର ଲେବଲ ଇଣ୍ଡିକେଟର ପରି ସୁବିଧା ଉପଲବ୍ଧ ରହିଛି । 

        </description>
      </item>
      <item>
        <title>
           ଟ୍ରେନରେ ବଗି ଗୁଡ଼ିକରେ ସିସିଟିଭି ଲଗାଇବାର ପ୍ରକ୍ରିୟା ଆରମ୍ଭ ହେଲା, ରେଲୱେ ବାହାର କଲା ଟେଣ୍ଡର
        </title>
        <link>
           http://khabarodisha.com/Development/Railway-la-stall-CCTV-to-rail-coach-38589
        </link>
        <guid>
           http://khabarodisha.com/Development/Railway-la-stall-CCTV-to-rail-coach-38589
        </guid>
        <pubDate>
           Tue, 28 Aug 2018 12:21:36 GMT
        </pubDate>
        <description>

 ନିଜର ଯାତ୍ରୀମାନଙ୍କ ସୁରକ୍ଷା ପ୍ରତି ଧ୍ୟାନ ଦେବାକୁ ଆରମ୍ଭ କରିଛି ଭାରତୀୟ ରେଳ । ରେଳମନ୍ତ୍ରୀ ପିୟୁଷ ଗୋୟଲ ସମସ୍ତ ସରକାରୀଙ୍କୁ ଯାତ୍ରୀଙ୍କ ସୁରକ୍ଷାକୁ ଫୋକସ କରିବା ପାଇଁ କହିସାରିଛନ୍ତି । ପଦକ୍ଷେପ ସ୍ୱରୂପ ରେଲୱେ ସମସ୍ତ ଷ୍ଟେସନ ଓ ଟ୍ରେନ କୋଚ୍ ଗୁଡ଼ିକରେ ସିସିଟିଭି ଲଗାଇବା ପାଇଁ ପ୍ରକ୍ରିୟା ଆରମ୍ଭ କରିଛି । ଏଥିପାଇଁ ଟେଣ୍ଡର ଆହ୍ୱାନ କରାଯାଇଛି ।

ପ୍ରାଥମିକ ପର୍ଯ୍ୟାୟରେ ନମୁନା ସ୍ୱରୂପ ଅଳ୍ପ କେତେକ ଟ୍ରେନରେ ଏହା ଲଗାଯିବ ପରେ ପରେ ଏହା ସମସ୍ତ ଷ୍ଟେସନ ଓ ଦୂରଗାମୀ ଟ୍ରେନ ଗୁଡ଼ିକରେ ଲାଗିବ । ରେଳୱେ ପକ୍ଷରୁ ଉତ୍ତର ପଶ୍ଚିମ, ପୂର୍ବ ଏବଂ ଦକ୍ଷିଣ ରେଳପଥ ଅଂଚଳରେ ଏ-୧, ଏ, ବି, ସି, ଡ଼ି ଏବଂ ଇ ଶ୍ରେଣୀର ୬,୧୨୪ ଷ୍ଟେସନରେ ଇଣ୍ଟରନେଟ ପ୍ରୋଟକଲ ଆଧାରିତ ୮୯,୮୪୫ ଭିଡ଼ିଓ ତଦାରଖ ପ୍ରଣାଳୀ ଖଞ୍ଜାଯିବ । ଏହାର ପ୍ରଚଳନ, ସଂଚାଳନ ଓ ଦେଖାରଖା ପାଇଁ ଟେଣ୍ଡର ଆହ୍ୱାନ କରାଯାଇଛି । ଉଚ୍ଚସ୍ତରୀୟ ସୁରକ୍ଷା ଏବଂ ସତର୍କତା ପାଇଁ ୪ ପ୍ରକାର ଫୁଲ ଏଚଡ଼ି ଆଇପି କ୍ୟାମେରାର ଟେଣ୍ଡର ଆହ୍ୱାନ କରାଯାଇଛି । 

        </description>
      </item>
      <item>
        <title>
           କେରଳରେ ଫସିଥିବା ଓଡିଆଙ୍କୁ ଫେରାଇ ଆଣିବା ପାଇଁ ତତ୍ପର ସରକାର, ଆଜି ଏର୍ଣ୍ଣାକୁଲମ ଛାଡିବ ଦୁଇଟି ଟ୍ରେନ୍
        </title>
        <link>
           http://khabarodisha.com/Development/trapped-odia-will-return-to-state-from-kerala-soon-38125
        </link>
        <guid>
           http://khabarodisha.com/Development/trapped-odia-will-return-to-state-from-kerala-soon-38125
        </guid>
        <pubDate>
           Sun, 19 Aug 2018 17:30:16 GMT
        </pubDate>
        <description>

କେରଳରେ ଦେଖାଦେଇଛି ବନ୍ୟାର କରାଳ ରୂପ । ଅନେକ ଜନଜୀବନ ନଷ୍ଟ ହେବା ସହ ବହୁତ ଲୋକ ଜଳବନ୍ଦୀ ହୋଇ ରହିଛନ୍ତି । ଏହା ସହ ଅନେକ ଓଡିଆ ମଧ୍ୟ ବନ୍ୟାରେ ଫସି ରହିଥିବା ସୂଚନା ମିଳିଛି । 

ଫସି ରହିଥିବା ଓଡିଆଙ୍କୁ ରିଲିଫ୍ ତଥା ଅନ୍ୟ ଆବଶ୍ୟକୀୟ ସେବା ଯୋଗାଇ ଦେବା ପାଇଁ କେରଳ ରିଲିଫ୍ କମିଶନରଙ୍କୁ ଚିଠି ଲେଖିଛନ୍ତି ଓସଡମାର ଓଏସଡି । ସେ ଚିଠିରେ ଫସି ରହିଥିବା ୧୮୭ ଜଣ ଓଡିଆଙ୍କ ତାଲିକ ପ୍ରଦାନ କରିଛନ୍ତି । 

ଏହା ସହ ଫସି ରହିଥିବା ଓଡିଆଙ୍କୁ ରାଜ୍ୟକୁ ଫେରାଇ ଆଣିବା ପାଇଁ ପଦକ୍ଷେପ ଆରମ୍ଭ ହୋଇଛି । ବନ୍ୟା ପୀଡିତଙ୍କ ଘର ଲେଉଟାଣି ପାଇଁ ଆଜି ଦୁଇଟି ସ୍ୱତନ୍ତ୍ର ଟ୍ରେନ୍ ଚାଲିବ । ସଂନ୍ଧ୍ୟା ୬ଟା ଏବଂ ରାତି ୯ଟାରେ କେରଳର ଏର୍ଣ୍ଣାକୁଲମ ଛାଡିବ ଟ୍ରେନ୍ । ଫସି ରହିଥିବା ଓଡିଆଙ୍କ ପରିବାର ପୀଡିତଙ୍କୁ ରାଜ୍ୟକୁ ଫେରି ଆସିବା ପାଇଁ ଯୋଗାଯୋଗ ମଧ୍ୟ କରିପାରିବେ । 

        </description>
      </item>
      <item>
        <title>
           ଗୁଗୁଲରେ ଯୋଡ଼ି ହେବ ଓଡ଼ିଆ
        </title>
        <link>
           http://khabarodisha.com/Development/Odiya-included-google-soon-37981
        </link>
        <guid>
           http://khabarodisha.com/Development/Odiya-included-google-soon-37981
        </guid>
        <pubDate>
           Fri, 17 Aug 2018 11:16:20 GMT
        </pubDate>
        <description>

ସର୍ବ ବୃହତ୍ତସର୍ଚ୍ଚ ଇଞ୍ଜିନ ଗୁଗୁଲରେ ଓଡ଼ିଆ ଭାଷାକୁ ଯୋଡ଼ାଯିବା ନେଇ ପ୍ରକ୍ରିୟା ଆରମ୍ଭ ହୋଇଛି । ଏହା ସଫଳ ହେଲେ ବିଶ୍ୱର କୋଣ ଅନୁକୋଣରେ ଥିବା ଓଡ଼ିଆମାନେ ଓଡ଼ିଶାର ନିଜସ୍ୱ ଭାଷାରେ ତଥ୍ୟ ଓ ସୂଚନା ସଂଗ୍ରହ କରିପାରିବେ । ଖୁବ ଶିଘ୍ର ଗୁଗୁଲ ସହିତ ସହ ବଦ୍ଧିତ ହେବ ବୋଲି ଗୁରୁବାର ସଚିବାଳୟରେ ଉନ୍ନୟନ କମିଶନର ତଥା ଭର୍ଚ୍ଚୁଆଲ ଏକାଡ଼େମୀର ଅଧ୍ୟକ୍ଷ ଆର ବାଲକ୍ରିଷ୍ଣନଙ୍କ ଅଧ୍ୟକ୍ଷତାରେ ଏକ ବୈଠକରେ ମତ ପ୍ରକାଶ ପାଇଛି ।

ରାଜ୍ୟ ସରକାରଙ୍କ ପକ୍ଷରୁ ଓଡ଼ିଆ ଭାଷାକୁ ରୁଦ୍ଧିମନ୍ତ କରିବା ପାଇଁ ଭର୍ଚ୍ଚୁଆଲ ଏକାଡ଼େମୀକୁ ପଞ୍ଜିକରଣ କରାଯାଇଅଛି । ଖୁବ୍ ଶିଘ୍ର ୨୦୦୦ ପୁସ୍ତକ ଡ଼ିଜିଟାଇଜେସନ କରାଯିବ । ସେହିପରି ଚିକାଗୋ ବିଶ୍ୱ ବିଦ୍ୟାଳୟ ନିକଟରେ ୧୯୦୧ରୁ ୧୯୩୬ ମସିହା ପର୍ଯ୍ୟନ୍ତ ଥିବା ବିଭିନ୍ନ ମନିଷୀଙ୍କ ଜୀବନୀ ଓ ଓଡ଼ିଆ ଇତିହାସର ବହୁ ବଳିଷ୍ଠ ଘଟଣା ଗୁଡ଼ିକୁ ଅଣାଯିବା ପାଇଁ ଅନୁବନ୍ଧିତ କରାଯିବ । ରାଧାନାଥ ରାୟ, ଗଙ୍ଗାଧର ମେହେର, ଫକୀର ମୋହନ ସେନାପତିଙ୍କ ଭଳି କାଳଜୟୀ ସାହିତ୍ୟିକଙ୍କ କାବ୍ୟ କବିତାକୁ ସ୍ଥାନିତ କରାଯିବ ବୋଲି ଭର୍ଚ୍ଚୁଆଲ ଏକାଡ଼େମୀ ପକ୍ଷରୁ କୁହାଯାଇଛି । 

        </description>
      </item>
   </rss>
 </channel>