<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଜାତୀୟ ପୁରସ୍କାର ପ୍ରାପ୍ତ ଶିକ୍ଷକ ଓମ୍ ପ୍ରକାଶ ମିଶ୍ରଙ୍କୁ ସମ୍ବର୍ଦ୍ଧିତ କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ
        </title>
        <link>
           http://khabarodisha.com/Common-Man-Miracle-Achievement/Dharmendra-Pradhan-felicitates-the-recipient-of-National-TeachersAward-Shri-Om-Prakash-Mishra-39213
        </link>
        <guid>
           http://khabarodisha.com/Common-Man-Miracle-Achievement/Dharmendra-Pradhan-felicitates-the-recipient-of-National-TeachersAward-Shri-Om-Prakash-Mishra-39213
        </guid>
        <pubDate>
           Thu, 06 Sep 2018 19:59:43 GMT
        </pubDate>
        <description>

ନୂଆ ଜାତୀୟ ପୁରସ୍କାର ପ୍ରାପ୍ତ ଶିକ୍ଷକ ଓମ୍ ପ୍ରକାଶ ମିଶ୍ରଙ୍କୁ ସମ୍ବର୍ଦ୍ଧିତ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଗୁରୁବାର କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କ ନୂଆଦିଲ୍ଲୀ ସ୍ଥିତ ସରକାରୀ ବାସଭବନରେ ଶିକ୍ଷକ ଶ୍ରୀ ମିଶ୍ରଙ୍କୁ ସମ୍ବର୍ଦ୍ଧିତ କରିବା ସହ ତାଙ୍କର ମହତ କାମ ପାଇଁ ତାଙ୍କୁ ସାଧୁବାଦ ଦେଇଥିଲେ । 

ଏ ଅବସରରେ ଶ୍ରୀ ପ୍ରଧାନ କହିଥିଲେ ଯେ, ଶିକ୍ଷକ ଶ୍ରୀ ମିଶ୍ର ସବୁ ଓଡିଆଙ୍କ ପାଇଁ ପ୍ରେରଣାର ବ୍ୟକ୍ତିତ୍ୱ । ଆମ ସମସ୍ତଙ୍କ ପାଇଁ ସେ ଗୌରବ ଆଣିଲେ । ପ୍ରାଥମିକ ଶିକ୍ଷାର କିପରି ବିକାଶ ହୋଇପାରିବ ତାହର ବ୍ଲୁପ୍ରିଂଟ ତାଙ୍କ ପାଖରେ ଅଛି । ଶ୍ରୀ ମିଶ୍ର ଦମ୍ପତିଙ୍କ ସହ ଆଲୋଚନା ସମୟରେ ତାଙ୍କ ବ୍ୟକ୍ତିତ୍ୱର ଗଭୀରତା ବୁଝାପଡୁଛି । କୋରାପୁଟର ଅଂଚଳରେ ମୌଳିକ ଓ ପ୍ରାଥମିକ ଶିକ୍ଷାର ବିକାଶ କିପରି ହୋଇପାରିବ ବ୍ଲୁପ୍ରିଂଟ ତାଙ୍କ ପାଖରେ ଅଛିା ଆଗାମୀ ଦିନରେ ଏଠାରେ କଣ ସମ୍ଭାବନା ରହିଛି ତାଙ୍କ ସହ ଆଲୋଚନାରୁ ବୁଝାପଡିଲା ବୋଲି ଶ୍ରୀ ପ୍ରଧାନ କହିଥିଲେ ।

କୋରାପୁଟ ଜୟପୁର ଅଂଚଳର ଶିକ୍ଷକ ଶ୍ରୀ ମିଶ୍ର ତାଙ୍କର ଶିକ୍ଷାଦାନ ପାଇଁ ଘରେଘରେ ପରିଚିତ । ବିଶେଷ କରି ଜନଜାତି ଅଧୁଷିତ ଅଂଚଳ ଓ ଅପହଂଚ ଇଲାକାର ଛାତ୍ରଛାତ୍ରୀ ମାନଙ୍କୁ ନୂଆଜ୍ଞାନ କୌଶଳ ମାଧ୍ୟମରେ ଶିକ୍ଷାଦାନ କରିବାରେ ତାଙ୍କର ସ୍ୱତନ୍ତ୍ର ପରିଚୟ ରହିଛି । ଆଜି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ନିଜ ବାସଭବନରେ ତାଙ୍କୁ ସମ୍ବର୍ଦ୍ଧିତ କରିବା ସହ ଶୁଭେଚ୍ଛା ଜଣାଇଥିଲେ ।

ସୂଚନାଯୋଗ୍ୟ ଯେ ଗତକାଲି ଗୁରୁ ଦିବସ ଅବସରରେ ଦିଲ୍ଲୀର ବିଜ୍ଞାନ ଭବନରେ ଆୟୋଜିତ ଏକ ସ୍ୱତନ୍ତ୍ର କାଯ୍ୟକ୍ରମରେ ଓଡିଶାର ଜୟପୁର ସରକାରୀ ଉଚ୍ଚ ବିଦ୍ୟାଳୟର ଶିକ୍ଷକ ଶ୍ରୀ ମିଶ୍ରଙ୍କୁ ଉପରାଷ୍ଟ୍ରପତି ଏମ୍ ଭେଙ୍କିୟା ନାଇଡୁ ପୁରସ୍କୃତ କରିଥିଲେ ।

        </description>
      </item>
      <item>
        <title>
           ଖାଲିସ୍ତାନ ସମର୍ଥକଙ୍କ ରାଲି ଜବାବରେ ବ୍ରିଟେନରେ ଭାରତୀୟ ସ୍ୱାଧୀନତା ଦିବସ
        </title>
        <link>
           http://khabarodisha.com/Common-Man-Miracle-Achievement/Indias-Independence-Day-Celebrations-Planned-In-Uk-To-Counter-Pro-Khalistan-Rally-37646
        </link>
        <guid>
           http://khabarodisha.com/Common-Man-Miracle-Achievement/Indias-Independence-Day-Celebrations-Planned-In-Uk-To-Counter-Pro-Khalistan-Rally-37646
        </guid>
        <pubDate>
           Sun, 12 Aug 2018 10:25:54 GMT
        </pubDate>
        <description>

ନୂଆଦିଲ୍ଲୀ, ଅଗଷ୍ଟ ୧୨ (ଖବର ଓଡ଼ିଶା): ଲଣ୍ଡନର ଟ୍ରେଫଲଗର ଛକରେ ଅଗଷ୍ଟ ୧୨ରେ ଖାଲିସ୍ତାନ ସମର୍ଥକଙ୍କ ରାଲିର ଜବାବରେ ଭାରତୀୟ ସ୍ୱାଧୀନତା ଦିବସ ସମାରୋହ ପାଳନ ହୋଇପାରେ । କାରଣ ଶିଖ ଓ ଖାଲିସ୍ତାନ ସମର୍ଥକଙ୍କ ମଧ୍ୟରେ ଗତ କିଛି ଦିନ ହେବ ବିବାଦ ଚାଲିଛି । କାର୍ଯ୍ୟକ୍ରମ ‘ୱି ଷ୍ଟାଣ୍ଡ ଉଇଥ ଇଣ୍ଡିଆ’ର ଆୟୋଜକମାନେ ଖାଲିସ୍ତାନ ସମର୍ଥକ ରାଲି ଆୟୋଜନ କରୁଥିବା ସମୂହ ଉପରେ ଦୋଷ ଲଦିଛନ୍ତି ଯେ, କାର୍ଯ୍ୟକ୍ରମକୁ ବାତିଲ କରାଯିବାର ମିଛ ଖବର ପ୍ରଚାର କରୁଛନ୍ତି । 

ସ୍ୱାଧୀନତା ଦିବସ ସମାରୋହର ଆୟୋଜକ ନବଦୀପ ସିଂହ ସୋସିଆଲ ମିଡିଆର ଲେଖିଛନ୍ତି ‘ଶିଖ ଫର ଜଷ୍ଟିସ ମିଛ କାହିଁକି ପ୍ରଚାର କରୁଛନ୍ତି ଯେ, ଭାରତୀୟ ସ୍ୱାଧୀନତା ଦିବସ ରାଲି ବାତିଲ ହୋଇଛି ।’ ଉଭୟ ଗୋଷ୍ଠୀ ପକ୍ଷରୁ ହଜାର ସଂଖ୍ୟାରେ ଲୋକ ଟ୍ରେଫଲଗର ଛକ ପହଞ୍ଚିବୋଲି ଆଶା କରାଯାଉଛି । କାରଣ ବିଟ୍ରେନ କହିଛି ଯେ, କୌଣସି ଶାନ୍ତିପୂର୍ଣ୍ଣ ପ୍ରଦର୍ଶନକୁ ଅଟକାଇ ଦିଆଯିବ ନାହିଁ ।

ବ୍ରିଟିଶ ସରକାରଙ୍କ ଜଣେ ମୁଖପାତ୍ର କହିଛନ୍ତି, ବ୍ରିଟେନରେ ଲୋକମାନେ ଏକାଠି ହେବା ଓ ନିଜର ମତ ରଖିବା ଅଧିକାର ଅଛି । ଭାରତର ବିଦେଶ ମନ୍ତ୍ରାଳୟ ଗୁରୁବାର ଏକ ବୟାନ ଜାରି କରି ବ୍ରିଟେନର ଏହି ନିଷ୍ପତ୍ତିରେ ନିରାଶା ଦେଖାଯାଇଛି । ବିଦେଶ ମନ୍ତ୍ରାଳୟର ମୁଖପାତ୍ର ରବିଶ କୁମାର କହିଥିଲେ, ଆମେ କହିଥିଲୁ ଯେ, ଏହି ରାଲି ଯୋଗୁଁ ହିଂସା, ଅଲଗାବବାଦ ଓ ଭୁଲ ବାର୍ତ୍ତା ପ୍ରଚାର କରିବାର ଆଶା ଦେଖାଯାଉଛି । 

ବିଦେଶ ଶିଖ ସଂଗଠନର ଅଧ୍ୟକ୍ଷ ଡାକ୍ତର ରାମି ରାଙ୍ଗେର ଖାଲିସ୍ତାନ ସମର୍ଥକ ରାଲିକୁ ଅସିଦ୍ଧ ଓ ନିଜ ଦ୍ୱାରା ନିଯୁକ୍ତ ଶିଖ ଦ୍ୱାରା ଉଠାଯାଇଥିବା ପଦକ୍ଷେପ ଉପରେ ମଧ୍ୟ ଟିପ୍ପଣୀ ଦେଇଛନ୍ତି । ଯଦି ତାଙ୍କ ତର୍କରେ କିଛି ଦମ ଅଛି ତାହେଲେ ପଞ୍ଜାବ ଯାଇ ଖାଲିସ୍ତାନର ଏଜେଣ୍ଡାରେ ନିର୍ବାଚନ ଲଢ଼ିବା ଦରକାର । ବିଦେଶ ମାଟିରେ ଲୋକତାନ୍ତ୍ରିକ ଶୈଳୀରେ ଜନମତସଂଗ୍ରହ ଦାବି କରିବା ଶିଖ ଓ ଗୁରୁଙ୍କୁ ଅପମାନ କରାଯାଉଛି । 

 

        </description>
      </item>
      <item>
        <title>
           ମୋଦୀ ଚୀନ ପ୍ରଧାନମନ୍ତ୍ରୀଙ୍କୁ ଦୋଳିରେ ଝୁଲାଇଛନ୍ତି କିନ୍ତୁ ଚୀନ ଲଦାଖକୁ କବଜା କରିନେଇଛି- ରାହୁଲ ଗାନ୍ଧୀ
        </title>
        <link>
           http://khabarodisha.com/Common-Man-Miracle-Achievement/rahul-gandhi-reached-lucknow-for-two-days-amethi-visit-35198
        </link>
        <guid>
           http://khabarodisha.com/Common-Man-Miracle-Achievement/rahul-gandhi-reached-lucknow-for-two-days-amethi-visit-35198
        </guid>
        <pubDate>
           Wed, 04 Jul 2018 16:17:04 GMT
        </pubDate>
        <description>

ଦୁଇ ଦିନିଆ ଗସ୍ତରେ ଆମେଠୀ ଯାଇଥିବା ଭାରତୀୟ ଜାତୀୟ କଂଗ୍ରେସର ଅଧ୍ୟକ୍ଷ ରାହୁଲ ଗାନ୍ଧୀ ବିଜେପି ଅଧ୍ୟକ୍ଷ ଅମିତ୍ ଶାହା ଏବଂ ନରେନ୍ଦ୍ର ମୋଦୀଙ୍କୁ ତୀବ୍ର ସମାଲୋଚନା କରିଛନ୍ତି । ଆମେଠୀରେ କାର୍ୟ୍ୟକର୍ତାଙ୍କୁ ସମ୍ବୋଧିତ କରିବା ସମୟରେ ରାହୁଲ କହିଛନ୍ତି କି, ଭାଜପା ଏବଂ ଆରଏସଏସ ଦେଶର ହିଂସା ଏବଂ ଘୃଣା ସୃଷ୍ଟି କରୁଛନ୍ତି । ବିଜେପି କେବଳ ଶିଳ୍ପପତିଙ୍କୁ ଫାଇଦା ମିଳିବା ଭଳି କାମ କରୁଥିବା ରାହୁଲ କହିଛନ୍ତି । 

ଡୋକଲାମ ଏବଂ ଲଦାଖ ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କୁ ଘେରିଛନ୍ତି କଂଗ୍ରେସ ଅଧ୍ୟକ୍ଷ । ମୋଦୀ ଚୀନ ରାଷ୍ଟ୍ରପତି ଜୀନପିଙ୍ଗଙ୍କୁ ଦୋଳିରେ ଝୁଲାଇଥିବା ବେଳେ ଚୀନ ଲଦାଖ ଏବଂ ଡୋକଲାମ ଉପରେ କବଜା କରିସାରିଛି । କିନ୍ତୁ ମୋଦୀ ଚୀନ ଆଗରେ ଏହି ପ୍ରସଙ୍ଗ ଉଠାଇବା ବଦଳରେ ହାତ ଯୋଡୁଥିବା କହିଛନ୍ତି ରାହୁଲ । 

କର୍ମୀଙ୍କ ସହ ଏକ ବୈଠକ କରିବା ସମୟରେ ରାହୁଲ ପ୍ରୋଜେକ୍ଟ ଶକ୍ତିର ଆରମ୍ଭ କରିଛନ୍ତି । ଏହା ମାଧ୍ୟମରେ କାର୍ୟ୍ୟକର୍ତା ସିଧାସଳଖ ଭାବେ ନିଜ କଥା ଦଳର ହାଇକମାଣ୍ଡଙ୍କ ପାଖରେ ପହଂଚାଇ ପାରିବେ । କାର୍ୟ୍ୟକର୍ତାଙ୍କୁ ଏଥି ନିମନ୍ତେ ଏକ ଆଇଡି ନମ୍ବର ମଧ୍ୟ ଦିଆଯିବ । 

ବୈଠକ ପରେ ରାହୁଲ ଅବ୍ଦୁଲ ସତାର ନାମକ ମୃତ୍ୟୁବରଣ କରିଥିବା ଜଣ ଚାଷୀଙ୍କ ପରିବାରକୁ ସାନ୍ତ୍ୱନା ଦେବା ପାଇଁ ପହଂଚିଥିଲେ । ସତାର ଗତ ମେ ୪ ତାରିଖରେ ଗହମ ସଂଗ୍ରହ ମେସିନରେ କଟି ଯାଇ ମୃତ୍ୟୁବରଣ କରିଥିଲେ । 

ସୂଚନାଯୋଗ୍ୟ କି, ଦୁଇ ଦିନିଆ ଗସ୍ତରେ ରାହୁଲ ଗାନ୍ଧୀ ଆମେଠୀ ଯାତ୍ରା କରିଥିଲେ । ସକାଳେ ଲକ୍ଷନୌ ବିମାନବନ୍ଦରରେ ତାଙ୍କୁ ପ୍ରଦେଶ ଅଧ୍ୟକ୍ଷ ରାଜ୍ ବବର ସ୍ୱାଗତ କରିଥିଲେ । 

        </description>
      </item>
      <item>
        <title>
           ୨୦୧୯ ନିର୍ବାଚନ ପାଇଁ ବିଜେପିର ପ୍ରସ୍ତୁତି, ସଂଘର ୧୦୦ ପ୍ରଚାରକ ନେବେ ଦାୟିତ୍ୱ
        </title>
        <link>
           http://khabarodisha.com/Common-Man-Miracle-Achievement/General-election-2019-100-Pracharak-from-Sangh-to-join-inBJP-34265
        </link>
        <guid>
           http://khabarodisha.com/Common-Man-Miracle-Achievement/General-election-2019-100-Pracharak-from-Sangh-to-join-inBJP-34265
        </guid>
        <pubDate>
           Tue, 19 Jun 2018 09:11:39 GMT
        </pubDate>
        <description>

ନୂଆଦିଲ୍ଲୀ, ଜୁନ ୧୯ (ଖବର ଓଡ଼ିଶା): ଆସନ୍ତା ବର୍ଷ ହେବାକୁ ଥିବା ସାଧାରଣ ନିର୍ବାଚନ ପାଇଁ ଭାରତୀୟ ଜନତା ପାର୍ଟି ରଣନୀତି ପ୍ରସ୍ତୁତ କରି ସାରିଛି । ଲୋକସଭା ନିର୍ବାଚନ ୨୦୧୯ ପାଇଁ ଭାରତୀୟ ଜନତା ପାର୍ଟି ରାଷ୍ଟ୍ରୀୟ ସ୍ୱୟଂସେବକ ସଂଘର ୧୦୦ ପ୍ରଚାରକଙ୍କୁ ସାମିଲ କରିବ । ଏମାନଙ୍କ ପାଖରେ ଗୁରୁ ଦାୟିତ୍ୱ ରହିବ । ରାଜନୀତିରେ ପାଦ ରଖିବା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଂଘର ଜଣେ ଭଲ କର୍ମୀ ଭାବରେ କାମ କରିଛନ୍ତି ଓ ତାଙ୍କର ଭଲ ଅଭିଜ୍ଞତା ରହିଛି । 

ଲୋକସଭା ନିର୍ବାଚନରେ ବିଜୟ ଦେବାରେ ସଂଘର ଭୂମିକା ଗୁରୁତ୍ୱପୂର୍ଣ୍ଣ ରହିଛି । ଫଳରେ ବିଜେପିର ସାଂଗଠନିକ  ସ୍ଥିତ ଆହୁରି ଶକ୍ତିଶାଳୀ ହେବ । ସଂଘର ପ୍ରଚାରକମାନେ ବିଜେପି ସପକ୍ଷରେ ପ୍ରଚାର କରିବା ପରେ ବିରୋଧୀ ଦଳ ଉପରେ ଚାପ ପଡ଼ିବ ବୋଲି ରାଜନୈତିଜ୍ଞ ବିଶେଷଜ୍ଞମାନେ ପୂର୍ବାନୁମାନ କରୁଛନ୍ତି । 

ବିଜେପି ସୂତ୍ରରୁ ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ଅନୁସାରେ ହରିଆଣାର ସୁରଜକୁଣ୍ଡରେ ସଂଘ ଓ ପାର୍ଟି  ଜୁନ ୧୪ରୁ ୧୭ ପର୍ଯ୍ୟନ୍ତ ଏକ ବୈଠକର ଆୟୋଜନ କରିଛି । ବୈଠକରେ ଯେଉଁମାନେ ଭାଗନେଇଥିଲେ ସେମାନେ ବିଭିନ୍ନ ରାଜ୍ୟର ବିଜେପିର ରାଜ୍ୟ ସଂଗଠନ ମନ୍ତ୍ରୀ ଅଥବା ପାର୍ଟି ସହିତ ସମ୍ପର୍କ ରଖିଛନ୍ତି । ସୁରଜକୁଣ୍ଡ ବୈଠକରେ ସଂଘର ୧୦୦ ଜଣ ପ୍ରଚାରକଙ୍କୁ ବିଜେପିରେ ସାମିଲ କରାଯିବାକୁ ନିଷ୍ପତ୍ତି ନିଆଯାଇଛି । ଏହି ବୈଠକରେ ସଂଘର ସରକାର୍ଯ୍ୟବାହ ଭୈୟାଜୀ ଯୋଶୀ, ସହସରକାର୍ଯ୍ୟବାହ ଡ. କୃଷ୍ଣ ଗୋପାଳ ଓ ସୁରେଶ ସୋନୀ ସାମିଲ ହୋଇଥିଲେ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ, ସଂଗଠନ ମହାସଚିବ ରାମପାଳ, ସହସଂଗଠନ ମହାସଚିବ ଭି ସତୀଶ, ସୌଦାନ ସିଂହ, ଶିବକୁମାର ଓ ସୁରେଶ କୁମାର ଉପସ୍ଥିତ ଥିଲେ । ଏହି ବୈଠକ ଗତ ବର୍ଷ ମୁମ୍ବାଇରେ ଅନୁଷ୍ଠିତ ହୋଇଥିଲା । 

 

        </description>
      </item>
      <item>
        <title>
           ୪୦ ଆତଙ୍କବାଦୀଙ୍କ ପତ୍ନୀଙ୍କୁ ଇରାକରେ ଫାଶୀ ଦିଆଯାଇଛି
        </title>
        <link>
           http://khabarodisha.com/Common-Man-Miracle-Achievement/40-terrorists-death-sentence-by-iraq-32732
        </link>
        <guid>
           http://khabarodisha.com/Common-Man-Miracle-Achievement/40-terrorists-death-sentence-by-iraq-32732
        </guid>
        <pubDate>
           Thu, 24 May 2018 16:07:14 GMT
        </pubDate>
        <description>

ଇରାକ କୋର୍ଟ ୧୦ ମିନିଟ ଶୁଣାଣିରେ ୪୦ ଆଇଏସଆଇଏସ ଆତଙ୍କବାଦୀଙ୍କ ପତ୍ନୀମାନଙ୍କୁ ଫାଶୀର ସଜା ଶୁଣାଇଛନ୍ତି । ଏମାନଙ୍କ ଉପରେ ନିଜ ସ୍ୱାମୀମାନଙ୍କୁ ସାହାଯ୍ୟ କରିଥିବାର ଅଭିଯୋଗରେ ରହିଛି। ଏମାନଙ୍କ ମଧ୍ୟର କେତେଜଣ ସବୁକିଛି ଜାଣି ମଧ୍ୟ ଆତଙ୍କବାଦୀମାନଙ୍କୁ ବିବାହ କରିବା ଏବଂ ଏମାନଙ୍କୁ ସବୁବେଳେ ସହଯୋଗ କରିବା ପାଇଁ ଇରାକ ଓ ସିରିଆ ପହଂଚି ଯାଇଥିଲେ । 

ସଜା ପାଇଥିବା ଅଧିକାଂଶ ମହିଳା ବିଧବା ଅଟନ୍ତି ଏବଂ ସେ ନିଜ ଶିଶୁମାନଙ୍କ ଲାଳନ ପାଳନ ପାଇଁ ପରିବାରର ଏକ ମାତ୍ର ସଦସ୍ୟ ମଧ୍ୟ ଅଟନ୍ତି। 

ମିଳିଥିବା ସୂଚନା ଅନୁଯାୟୀ, ଶୁଣାଣି ସମୟରେ ଆତଙ୍କବାଦୀଙ୍କ ପତ୍ନୀମାନେ ନିଜ ଛୋଟ ଛୋଟ ଛୁଆଙ୍କ ସହିତ ବାଗଦାଦର ସେଂଟ୍ରାଲ କ୍ରିମିନାଲ କୋର୍ଟରେ ଉପସ୍ଥିତ ଥିଲେ। ଏହି ସମସ୍ତ ମହିଳାମାନେ ଯୁକ୍ତି କରିଥିଲେ କି ସେମାନେ ନିର୍ଦ୍ଦୋଶ  ଅଟନ୍ତି ବୋଲି । 

        </description>
      </item>
      <item>
        <title>
           ସ୍ମୃତି ଇରାନୀଙ୍କ ହାତରୁ ରାଷ୍ଟ୍ରୀୟ ପୁରସ୍କାର ଦିଆଯିବାକୁ ନେଇ ଦେଖାଦେଲା ବିବାଦ
        </title>
        <link>
           http://khabarodisha.com/Common-Man-Miracle-Achievement/Controversy-Create-After-National-Film-Awards-Are-Not-Given-By-The-President-31590
        </link>
        <guid>
           http://khabarodisha.com/Common-Man-Miracle-Achievement/Controversy-Create-After-National-Film-Awards-Are-Not-Given-By-The-President-31590
        </guid>
        <pubDate>
           Thu, 03 May 2018 14:01:04 GMT
        </pubDate>
        <description>

 ଆଜି ସଂଧ୍ୟାରେ ନୂଆଦିଲ୍ଲୀ ଠାରେ ଜାତୀୟ ଚଳଚ୍ଚିତ୍ର ପୁରସ୍କାର ଦିଆଯିବାର କାର୍ଯ୍ୟକ୍ରମ ରହିଛି କିନ୍ତୁ ଏହା ପୂର୍ବରୁ ପୁରସ୍କାର ବିତରଣକୁ ନେଇ ବିବାଦ ଦେଖା ଦେଇଛି । ପ୍ରତିବର୍ଷ ଏହି ପୁରସ୍କାର ରାଷ୍ଟ୍ରପତିଙ୍କ ହାତରୁ ଦିଆଯାଇଥାଏ କିନ୍ତୁ ଏ ବର୍ଷ ଏଥିରେ କିଛିଟା ପରିବର୍ତନ କରାଯାଇଛି । ରାଷ୍ଟ୍ରପତି ରାମନାଥ କୋବିନ୍ଦ ଏ ବର୍ଷ କେବଳ ବଛାବଛି କିଛି ବିଜେତାଙ୍କୁ ପୁରସ୍କାର ପ୍ରଦାନ କରିବାର କାର୍ଯ୍ୟକ୍ରମ ରହିଥିବା ବେଳେ ଅନ୍ୟ ସମସ୍ତଙ୍କୁ ସୂଚନା ଓ ପ୍ରସାରଣ ମନ୍ତ୍ରୀ ସ୍ମୃତି ଇରାନୀ ଦେବାର ପୂର୍ବ ପ୍ରସ୍ତୁତି ହୋଇ ସାରିଛି । ତେବେ ପୁରସ୍କାର ବିତରଣ କାର୍ଯ୍ୟକ୍ରମ ପାଇଁ ଦିଆଯାଇଥିବା ନିମନ୍ତ୍ରଣ ପତ୍ରରେ ମାନନୀୟ ରାଷ୍ଟ୍ରପତି ରାମନାଥ କୋବିନ୍ଦ ବିଜେତାଙ୍କୁ ପୁରସ୍କାର ପ୍ରଦାନ କରିବେ ଲେଖାଥିବା ବେଳେ ସ୍ମୃତିଙ୍କ ହାତରୁ ନେବାପାଇଁ କିଛି ବିଜେତା ଅମଙ୍ଗ ପ୍ରକାଶ କରିଛନ୍ତି ।

 ଗତକାଲି ପୁରସ୍କାର ବିତରଣ ପୂର୍ବରୁ ଏକ ରିହର୍ସେଲ କାର୍ଯ୍ୟକ୍ରମ କରାଯାଇଥିବା ବେଳେ ‘ଡାଇରେକ୍ଟର ଅଫ ଫିଲ୍ମ ଫେଷ୍ଟିଭାଲ’ର କିଛି ଅଧିକାରୀ ସମସ୍ତଙ୍କୁ ରାଷ୍ଟ୍ରପତିଙ୍କ ହାତରୁ ସମସ୍ତଙ୍କୁ ପୁରସ୍କାର ମିଳିବ ନାହିଁ ,କିଛି ଜଣଙ୍କୁ ସ୍ମୃତିଙ୍କ ହାତରୁ ମିଳିବ ବୋଲି ସୂଚାଇ ଦେଇଥିଲେ । ଏହାପରେ ହିଁ ବିବାଦ ଦେଖାଦେବା ସହ କିଛି ବିଜେତା ଏହି କାର୍ଯ୍ୟକ୍ରମକୁ ବଏକଟ କରିବାକୁ ଚେତାବନୀ ଦେଇଥିଲେ । ତେବେ ଗତକାଲି ସ୍ମୃତି ଏହାର ଖବର ପାଇ ରିହର୍ସେଲ ସ୍ଥାନରେ ପହଂଚିଥିଲେ ଓ ରାଷ୍ଟ୍ରପତିଙ୍କ ଆଦେଶ ଅନୁସାରେ ହିଁ କାର୍ଯ୍ୟକ୍ରମରେ ପରିବର୍ତନ ହୋଇଛି ଓ ସେ ସମସ୍ତଙ୍କ ଭାବନା ରାଷ୍ଟ୍ରପତିଙ୍କ ପାଖରେ ପହଂଚାଇବେ ବୋଲି ବୁଝାଇଥିଲେ ।

ସୂଚନା ମୁତାବକ ଏ ବର୍ଷ ସମୁଦାୟ ୧୦୭ପୁରସ୍କାର ଦିଆଯିବ । ଏଥି ମଧ୍ୟରୁ କେବଳ ୧୧ ପୁରସ୍କାର ମନ୍ୟବର ରାଷ୍ଟ୍ରପତି ପ୍ରଦାନ କରିବେ । ତେବେ ସ୍ୱର୍ଗତ ବିନୋଦ ଖନ୍ନା ଓ ଶ୍ରୀଦେବୀଙ୍କୁ ଦିଆଯିବ ପୁରସ୍କାର ବି ଏହି ୧୧ ଟି ମଧ୍ୟରେ ସ୍ଥାନ ପାଇଛି ।  

        </description>
      </item>
      <item>
        <title>
           ଆଜି ସ୍ୱାସ୍ଥ୍ୟ ଦିବସ, ସୁଧୁରୁନି ଗ୍ରାମୀଣ ଓଡ଼ିଶାର ସ୍ୱାସ୍ଥ୍ୟ ଭିତ୍ତିଭୂମି
        </title>
        <link>
           http://khabarodisha.com/Common-Man-Miracle-Achievement/Not-change-in-rural-health-infra-stricture-30291
        </link>
        <guid>
           http://khabarodisha.com/Common-Man-Miracle-Achievement/Not-change-in-rural-health-infra-stricture-30291
        </guid>
        <pubDate>
           Sat, 07 Apr 2018 15:34:40 GMT
        </pubDate>
        <description>

 ଓଡ଼ିଶାର ସ୍ୱାସ୍ଥ୍ୟ ଭିତ୍ତିଭୂମି ଚିନ୍ତା ଜନକ । ଗ୍ରାମୀଣ ଓଡ଼ିଶାର ୧୧୨ଟି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଅଦ୍ୟାବଧି ବିଜୁଳି ସଂଯୋଗ ହୋଇନଥିବା ବେଳେ ଓଁକାର ହୋତାଙ୍କ ଭଳି ମୁଖ୍ୟମନ୍ତ୍ରୀଙ୍କ ଠାରୁ ପୁରସ୍କୃତ ଡାକ୍ତରଙ୍କୁ ରୋଗୀକୁ ବୋହି ଆଣିବାକୁ ପଡ଼ୁଛି । ନିକଟରେ କନ୍ଧମାଳ ଜିଲ୍ଲାର ଜଣେ ପ୍ରସୂତୀଙ୍କୁ ପାହାଡ଼ ପାରି ହୋଇ ଚାଲି ଚାଲି ଆସିବାକୁ ପଡ଼ିଛି । ଅଟୋରେ, ବେତାରେ, ଖଟ, ଟୋକେଇ ରେ ଗର୍ଭବତୀଙ୍କୁ ମେଡ଼ିକାଲକୁ ବୋହି ଅଣାଯାଉଛି । ରାଜ୍ୟରେ ୫୨୯୮ ଟି ସ୍ୱାସ୍ଥ୍ୟ ଉପକେନ୍ଦ୍ରରୁ ୧୨୩୯ଟି ଉପକେନ୍ଦ୍ରର ନିଜସ୍ୱ ଘର ନଥିବାବେଳେ ୧୮ ଜିଲ୍ଲାର ମୁଖ୍ୟ ଚିକିତ୍ସାଳୟରେ ଆଇସିୟୁ ଚିକିତ୍ସା ସୁବିଧା ନାହିଁ ।

ରାଜ୍ୟରେ ୮୭ ପ୍ରତିଶତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ବିଶେଷଜ୍ଞ ନାହାନ୍ତି । ୫୭ ପ୍ରତିଶତ ସ୍ୱାସ୍ଥ୍ୟକେନ୍ଦ୍ରରେ ନିୟମିତ ଡାକ୍ତର ନଥିବା ଜଣାଯାଇଛି । ୨୫ ପ୍ରତିଶତ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟ ସହାୟକ ପଦ ଖାଲି ଓ ମଞ୍ଜୁରୀପ୍ରାପ୍ତ ଡାକ୍ତର ପଦବୀ ମଧ୍ୟରୁ ୧୦୧୬ଟି ପଦବୀରେ ନିଯୁକ୍ତି ଦିଆଯାଇନାହିଁ । ଗାଁରେ ସ୍ୱାସ୍ଥ୍ୟ ସୁବିଧା କହିଲେ ଆଶା ଓ ଅଙ୍ଗନୱାଡ଼ି କର୍ମୀଙ୍କୁ ବୁଝନ୍ତି ଗ୍ରାମବାସୀ । ଏଭଳି ସ୍ଥିତିରେ ଗୁଣାତ୍ମକ ସ୍ୱାସ୍ଥ୍ୟ ସେବା ପାଇଁ ସରକାରଙ୍କ ପ୍ରତିଶୃତି ପାଣିର ଗାର ହୋଇଛି ।

ଓଡ଼ିଶାରେ ଏବେ ପ୍ରତି ଲକ୍ଷେ ଲୋକଙ୍କ ପାଇଁ ଅଛନ୍ତି ୯ ଜଣ ଡାକ୍ତର । ଯାହାକିି ଜାତୀୟ ହାର ଠାରୁ ବହୁତ କମ୍ । ରାଜ୍ୟରେ ପ୍ରତି ୧୦ ହଜାର ଲୋକଙ୍କ ପାଇଁ ୪ଟି ଶଯ୍ୟା ରହିଛି । ଓଡ଼ିଶାର ଯେ କୌଣସି ଡାକ୍ତରଖାନା ପରିଦର୍ଶନ କଲେ ମଧ୍ୟ ଜଣେ ସ୍ୱାସ୍ଥ୍ୟ ସ୍ଥିତିର ବିକଟ ଚିତ୍ରକୁ ସାମ୍ନା କରିପାରିବ ବୋଲି ଖବର ଓଡ଼ିଶା ଆଗରେ ବିଭିନ୍ନ ଅଂଚଳବାସୀ ଅଭିଯୋଗ କରିଛନ୍ତି । 

        </description>
      </item>
      <item>
        <title>
           ସଲାମ: ଦୁଇ ଗୋଡ ହରାଇବାର ୩ ମାସ ପରେ ଯୁଦ୍ଧ ପାଇଁ ପ୍ରସ୍ତୁତ ହେଲେ ପାରା ମିଲିଟାରୀ ଫୋର୍ସର ଯବାନ
        </title>
        <link>
           http://khabarodisha.com/Common-Man-Miracle-Achievement/-28226
        </link>
        <guid>
           http://khabarodisha.com/Common-Man-Miracle-Achievement/-28226
        </guid>
        <pubDate>
           Thu, 01 Mar 2018 06:18:04 GMT
        </pubDate>
        <description>

ନୂଆଦିଲ୍ଲୀ ,ମାର୍ଚ୍ଚ ୧ (ଖବର ଓଡିଶା):  ସୁକମାର ନକ୍ସଲ ଆକ୍ରମଣରେ ନିଜର ଦୁଇ ପାଦ ହରାଇବାର ମାତ୍ର ୩ ମାସ ପରେ ପାରା ମିଲିଟାରୀ ଫୋର୍ସର ଯବାନ ପୁଣି ଥରେ ଯୁଦ୍ଧ ପାଇଁ ପ୍ରସ୍ତୁତ ହୋଇଛନ୍ତି।  ଏମିତି ଏକ ନିର୍ଭୀକ ଏବଂ ସାହସିକ ଯବାନ ହେଉଛନ୍ତି ରାମଦାସ। ସେ କୋବ୍ରା ବାଟାଲିୟନର ଯବାନ। ସେ ବିନା ଗୋଡରେ ଜିମ ଯାଉଛନ୍ତି। ୨୦୮ କୋବ୍ରା  ବାଟାଲିୟନର ସାହାସୀ ସିପାହୀ ରାମଦାସ  ଛତିଶଗଡ଼ ସୁକମାରେ ନକ୍ସଲଙ୍କ ଦ୍ଵାରା ବିଛା ଯାଇଥିବା  ଆଇଆଇଡି ବ୍ଲାଷ୍ଟ ପରେ ଦିବ୍ୟାଙ୍ଗ ହୋଇ ନିଜର ଦୁଇ ଗୋଡ଼ ହରାଇଥିଲେ। ଏବେ ପୁଣି ଥରେ ସେ ଯୁଦ୍ଧ ମଇଦାନରେ ଓହ୍ଲାଇବା  ପାଇଁ ପ୍ରସ୍ତୁତି କରୁଛନ୍ତି। 

ଛତିଶଗଡ଼ର ସୁକମାରେ ୨୦୧୭ ନଭେମ୍ବର ୨୯ରେ ନକ୍ସଲଙ୍କ ଦ୍ଵାରା ବିଛା ଯାଇଥିବା ଲ୍ୟାଣ୍ଡମାଇନ ବିସ୍ଫୋରଣରେ ରାମଦାସଙ୍କ ଦୁଇଟି ଗୋଡକୁ ଅକଥ ପ୍ରୟାସ ପରେ ବଞ୍ଚାଯାଇ ପାରିନଥିଲା। ଏହା ପରେ ମଧ୍ୟ ପ୍ରଦେଶର  ବାଲାଘାଟ ଜିଲ୍ଲାର କିରନାପୁର ସ୍ଥିତ ୨୦୮ କୋବ୍ରା ବାଟାଲିୟନ ମୁଖ୍ୟାଳୟରେ ପରିବାରଙ୍କ ମଧ୍ୟରେ କିଛି ସମୟ ବିତାଇବା ପାଇଁ ପଠାଯାଇଥିଲା। ମାତ୍ର ଏହି ଯବାନଙ୍କ ଉତ୍ସାହ ଓ ସାହସକୁ ସଲାମ ଯେ ସେ ତିନି ମାସର ଚିକିତ୍ସା ପରେ  ସଂପୂର୍ଣ୍ଣ ଫିଟ୍ ଅନୁଭବ କରୁଛନ୍ତି ଏବଂ  ନିଜର ସାଥୀଙ୍କ ସହିତ ଆବଶ୍ୟକ ପ୍ରସ୍ତୁତିରେ ଜୁଟି ଯାଇଛନ୍ତି। ଯଦ୍ଵାରା ପୁର୍ନବାର  ବାଟାଲିୟନ ପହଞ୍ଚି ନକ୍ସଲଙ୍କୁ ମୁହଁତୋଡ଼ ଜବାବ ଦେଇ ପାରିବେ। 

ମୂଳତଃ ମୁମ୍ବାଇର ଥାନେ ବାସିନ୍ଦା ବି.ରାମଦାସଙ୍କ ପତ୍ନୀ ଏବଂ ପରିବାର  ମଧ୍ୟ ତାଙ୍କର ଏହି ଉତ୍ସାହବର୍ଦ୍ଧକ ନିର୍ଣ୍ଣୟରେ ସହମତି ପ୍ରକାଶ କରିଛନ୍ତି। ପତ୍ନୀ କହିଛନ୍ତି ଯେ  ଯେତେବେଳେ ଏହି ଦୁର୍ଘଟଣା ବିଷୟରେ  ଶୁଣି ଥିଲି ବହୁତ ଡରି ଯାଇଥିଲି। ମାତ୍ର ଏବେ ଏବେ ଚାହୁଁଛି ଯେ ପତି ଦେଶ ପାଇଁ ପୁଣି ଥରେ ସେବା କରନ୍ତୁ। ବାଟାଲିୟନର ଅଫିସରଙ୍କ କହିବା କଥା  ରାମଦାସଙ୍କ ଚିକିତ୍ସା ଏଠାକାର ଡାକ୍ତରଙ୍କ ଦ୍ଵାରା ଜାରି ରହିଛି ଏବଂ ରାମଦାସ ମଧ୍ୟ ନିଜକୁ ସମସ୍ତଙ୍କ ମଧ୍ୟରେ ପାଇ ପୁଣି ଥରେ ଦେଶର ସେବା ପାଇଁ ପ୍ରସ୍ତୁତି ଚଳାଇଛନ୍ତି।

ରାମଦାସ ମୁଖ୍ୟାଳୟରେ ଶାରୀରିକ ଅଭ୍ୟାସ ସହିତ ନିଜର ସାଥୀଙ୍କ ସହ ଫାଏରିଂ ରେଞ୍ଜକୁ ମଧ୍ୟ ଯାଉଛନ୍ତି, ସେଠାରେ ଲକ୍ଷ୍ୟଭେଦରେ ନିଜର ସାଥୀଙ୍କ ବରାବର ପ୍ରଦର୍ଶନ କରୁଛନ୍ତି। ଅଧିକାରୀ କହିଛନ୍ତି ଯେ ବି.ରାମଦାସଙ୍କଠୁ ଆମେ ପ୍ରେରଣା ପାଉଛୁ ଏବଂ ସେ କେମିତି ଦେଶ ପାଇଁ ପୁଣି ଥରେ କାମ କରିବେ ସେହି ପ୍ରସ୍ତୁତିରେ ତାଙ୍କୁ ସହଯୋଗ କରୁଛୁ। 

ନକ୍ସଲ ଆକ୍ରମଣରେ ନିଜର ଦୁଇ ଗୋଡ଼ ହରାଇଥିବା କୋବ୍ରା ବାଟାଲିୟନର ଏହି ସାହସି ଓ ନିର୍ଭୀକ ଯବାନ ଏହି ସନ୍ଦେଶ ଦେଇଛନ୍ତି ଯେ ଯଦି ନିଜ ଭିତରେ ଦେଶ ଭକ୍ତି ଉଜ୍ଜିବୀତ ରହିଛି ତେବେ ଯେଉଁ କୌଣସି ମୂଲ୍ୟ ଦେଇ ଦେଶର ସେବା ପାଇଁ ଯବାନ ପ୍ରସ୍ତୁତ। ଆଜି ଆମ ସମସ୍ତଙ୍କ ପାଇଁ ବି.ରାମଦାସ ଏକ ପ୍ରେରଣା। ବି.ରାମଦାସଠୁ ଏହା ଶିଖିବା ଉଚିତ୍ ଯେ କୌଣସି ସମସ୍ୟା କିମ୍ବା ବିପତ୍ତି ଆସିଲେ ଧୈର୍ୟ୍ୟ ଓ ସାହାସ ହରାଇବା ଉଚିତ୍ ନୁହେଁ ବରଂ ସାହାସର ସହିତ ମୁସ୍କିଲର ସାମ୍ନା କରି ସଫଳତାର ଦିଗ ପ୍ରତି ଆଗକୁ ବଢ଼ିବା ଉଚିତ୍। ବି.ରାମଦାସଙ୍କ ଏହି ଜଜବାକୁ ସଲାମ।

ଏବେ ନିଜର ପରିବାର ସହିତ ସେ ଫିଟ୍ ଅଛନ୍ତି,  ଜିମ ଯାଉଛନ୍ତି ଏବଂ ବ୍ୟାୟାମ ମଧ୍ୟ କରୁଛନ୍ତି।  ସେ ସର୍ବଦା ହସ ଖୁସିରେ ରହୁଛନ୍ତି।

        </description>
      </item>
      <item>
        <title>
           
        </title>
        <link>
           
        </link>
        <guid>
           
        </guid>
        <pubDate>
           
        </pubDate>
        <description>
        </description>
      </item>
      <item>
        <title>
           
        </title>
        <link>
           
        </link>
        <guid>
           
        </guid>
        <pubDate>
           
        </pubDate>
        <description>
        </description>
      </item>
   </rss>
 </channel>