<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଭାଇରାଲ ହେଉଛି ସ୍ମାର୍ଟ ସିଟିର ସ୍ମାର୍ଟ ରେଳ ଷ୍ଟେସନର୍‌ ଫଟୋ, ଅବ୍ୟବସ୍ଥାକୁ ନେଇ ଉଠିଲା ପ୍ରଶ୍ନ
        </title>
        <link>
           http://khabarodisha.com/City-Problem/BBSR-rail-station-photo-viral-in-social-media-32679
        </link>
        <guid>
           http://khabarodisha.com/City-Problem/BBSR-rail-station-photo-viral-in-social-media-32679
        </guid>
        <pubDate>
           Wed, 23 May 2018 15:59:04 GMT
        </pubDate>
        <description>

ଭୁବନେଶ୍ୱର, ମେ ୨୩ (ଖବର ଓଡ଼ିଶା): ଦେଶର ସମସ୍ତ ସ୍ମାର୍ଟ ସିଟିକୁ ପଛରେ ପକାଇ କେନ୍ଦ୍ରୀୟ ତାଲିକାରେ ଓଡିଶା ରାଜଧାନୀ ଭୁବନେଶ୍ୱର ୧ନଂ ସ୍ଥାନର ମାନ୍ୟତା ପାଇଥିଲେ ମଧ୍ୟ ସହରର ମୁଖ୍ୟ ରେଳ ଷ୍ଟେସନର ଅବସ୍ଥା ଦେଖିଲେ ମନରେ ସନ୍ଦେହ ସୃଷ୍ଟି ହେଉଛି । ରାଜଧାନୀର ମଧ୍ୟ ଭାଗରେ ଥିବା ମୁଖ୍ୟ ରେଳ ଷ୍ଟେସନ ଅସରାଏ ବର୍ଷାରେ ବନ୍ୟାଂଚଳ ପରି ମନେ ହେଉଛି । ଅଳ୍ପ କିଛି ସମୟ ବର୍ଷା ହେଲେ ଷ୍ଟେସନର ମଧ୍ୟ ଭାଗରେ ଆଣ୍ଠୁଏ ପାଣି ଜମା ହୋଇ ଯାଉଥିବା କେବେ ରାଜ୍ୟ ତଥା ଦେଶର କୋଣ ଅନୁକୋଣକୁ ଯାତାୟାତ କରୁଥିବା ଯାତ୍ରୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ବିଭିନ୍ନ ଖବର କାଗଜ ତଥା ଗଣ ମାଧ୍ୟମରେ ବାରମ୍ବାର ଏ ନେଇ ଖବର ପ୍ରକାଶିତ ହେଲେ ମଧ୍ୟ କୌଣସି ପଦକ୍ଷେପ ନିଆଯାଇନଥିବାରୁ ରେଳ ବିଭାଗ ଶୋଇ ରହିଥିବା ପରି ମନେ ହେଉଛି । ରେଳ ଷ୍ଟେସନର ଉନ୍ନତିକରଣ ପାଇଁ କୋଟି କୋଟି ଟଙ୍କାର ବ୍ୟୟ ଅଟକଳ ତିଆରି ହେଉଥିବା ବେଳେ ଜଳ ନିଷ୍କାସନର ଅବ୍ୟବସ୍ଥା ଯାତ୍ରୀଙ୍କୁ ବହୁ ହନ୍ତସନ୍ତ କରୁଛି ।

ତେବେ ଆଜି ସକାଳୁ କାଳବୈଶାଖୀ ଯୋଗୁଁ ରାଜଧାନୀ ସମେତ ରାଜ୍ୟର ଅନେକ ସ୍ଥାନରେ ପ୍ରାୟ ଦେଢ଼ ଘଣ୍ଟା ଧରି ବର୍ଷା ହୋଇଥିବା ବେଳେ ରାଜଧାନୀ ରେଲୱେ ଷ୍ଟେସନର ଜଳବନ୍ଦୀ ଯାତ୍ରୀଙ୍କ ଫଟୋଚିତ୍ର ବିଭିନ୍ନ ସୋସିଆଲ ମିଡିଆ ଯଥା ଫେସବୁକ, ୱାଟସପ୍‌ରେ ଭାଇରାଲ ହେବାରେ ଲାଗିଛି । ଏଥିପାଇଁ କିଛି ଲୋକ ଜାତୀୟ ରେଳ ବିଭାଗକୁ ଦାୟୀ କରିଥିବା ବେଳେ କିଛି ଦେଶ ବିଦେଶରୁ ଅସୁଥିବା ବିଭିନ୍ନ ପର୍ଯ୍ୟାଟକଙ୍କ ଆଖିରେ ଓଡିଶାର ଛବି ଖରାପ ହୋଇଯାଉଛି ବୋଲି ମତ ବ୍ୟକ୍ତ କରିଛନ୍ତି ।   

        </description>
      </item>
      <item>
        <title>
           କ୍ୟାପିଟାଲ ଥାନା ବାରାକରେ ଅଗ୍ନିକାଣ୍ଡ, ନିଅାଁ ଆୟତ୍ତ, ଜଣେ ଆହତ
        </title>
        <link>
           http://khabarodisha.com/City-Problem/Fire-mishap-at-capital-police-station-barrack-one-injured-five-controlled-31751
        </link>
        <guid>
           http://khabarodisha.com/City-Problem/Fire-mishap-at-capital-police-station-barrack-one-injured-five-controlled-31751
        </guid>
        <pubDate>
           Sun, 06 May 2018 12:51:48 GMT
        </pubDate>
        <description>

କ୍ୟାପିଟାଲ ଥାନା ପରିସରରେ ଥିବା ବାରାକରେ ରବିବାର ସକାଳୁ ଅଗ୍ନିକାଣ୍ଡ ଘଟିଛି । ଫ୍ୟାନରୁ ସର୍ଟ ସର୍କିଟ୍ ହୋଇ ଅଗ୍ନିକାଣ୍ଡ ଘଟିଥିବା ପ୍ରାରମ୍ଭିକ ସୂଚନାରୁ ଜଣାପଡ଼ିଛି । ଅଗ୍ନିକାଣ୍ଡରେ ଜଣେ କର୍ମଚାରୀ ଆହତ ହୋଇଛନ୍ତି । ଅନେକ ଆସବାବପତ୍ର ପୋଡ଼ି ଯାଇଥିବା ଜଣାଯାଇଛି । ଖବର ପାଇ ଅଗ୍ନିଶ୍ରମ ବିଭାଗ ପକ୍ଷରୁ ତତ୍ପରତା  ପ୍ରକାଶ ପାଇଥିଲା । ଘଟଣା ସ୍ଥଳରେ ପହଂଚି ନିଅାଁକୁ ଆୟତ୍ତ କରିଥିଲା ଅଗ୍ନିଶ୍ରମ ବିଭାଗ । ପୋଡ଼ି ଯାଇଥିବା ଆସବାବପତ୍ରର ମୂଲ୍ୟାଙ୍କନ ପରେ ଜଣାପଡ଼ିବ ବୋଲି କହିଛନ୍ତି କ୍ୟାପିଟାଲ ଥାନା ଆଇଆଇସି ମାନସ ଗଡ଼ନାୟକ । 

        </description>
      </item>
      <item>
        <title>
           ମାଡ଼ି ଗଲାଣି କଂକ୍ରିଟ ଚାଦର, ୪ ବର୍ଷରେ ଭୁବନେଶ୍ୱରରୁ ଖସିଲାଣି ୩ ଫୁଟ ଭୂତଳ ଜଳ
        </title>
        <link>
           http://khabarodisha.com/City-Problem/Ground-water-depleted-in-bbsr-31677
        </link>
        <guid>
           http://khabarodisha.com/City-Problem/Ground-water-depleted-in-bbsr-31677
        </guid>
        <pubDate>
           Sat, 05 May 2018 08:56:47 GMT
        </pubDate>
        <description>

 ଭୂତଳ ଜଳ ପରିମାଣ କମିବାରେ ଲାଗିଛି । ସହରରେ କଂଙ୍କ୍ରିଟ ଚାଦର ଯେତିକି ବିଛା ଯାଉଛି ସେହି ଅନୁପାତରେ ଭୂତଳ ଜଳସ୍ତର ତଳକୁ ସେତିକି ଖସି ଖସି ଯାଉଛି । ସହରର କେତେକ ଯାଗାରେ ଗତ ୪ବର୍ଷ ମଧ୍ୟରେ ୩ଫୁଟ ଜଳସ୍ତର କମି ସାରିଲାଣି । ୧୦ ବର୍ଷ ତଳେ ଯେଉଁଠି ୧୦ ଫୁଟ ଖୋଳିଲେ ପାଣି ବାହାରୁଥିଲା ସେଠି ଏବେ ବାହାରୁଛି ପଙ୍କ ମାଟି । ୧୦ ବର୍ଷ ତଳେ ଖୋଳାଯାଇଥିବା ଅନେକ ବୋରୱେଲ୍ ଏବେ ଶୁଖିଲା ପଡ଼ିଛି । କେନ୍ଦ୍ରୀୟ ଭୂତଳ ଜଳ ବୋର୍ଡ଼ଠାରୁ ପ୍ରାପ୍ତ ତଥ୍ୟ ଅନୁଯାୟୀ ନୟାପଲ୍ଲୀ ଓ ଖଣ୍ଡଗିରିରେ ଜଳସ୍ତର ସାଂଘାତିକ ଭାବେ ଖସିବାରେ ଲାଗିଛି । ନୟାପଲ୍ଲୀରେ ଭୂତଳ ଜଳସ୍ତର ସମ୍ପ୍ରତି ୧୧.୧ ମିଟର ତଳେ ରହିଛି । ୨୦୧୪ରେ ଏହି ସ୍ତର ୧୦ ମିଟର ଥିଲା । ସେହିପରି ୨୦୧୪ରେ ଖଣ୍ଡଗିରିରେ ଭୂତଳ ଜଳସ୍ତର ୯.୬ ମିଟରରେ ସୀମିତ ଥିଲା । ଏବେ ୧୦.୯୪ ମିଟର ତଳେ ରହିଛି । ଯାଅାଁଳାରେ ୨୦୧୪ରେ ଭୂତଳ ଜଳ ସ୍ତର ୬.୫ ମିଟର ତଳେ ଥିଲା । ବର୍ତ୍ତମାନ ଏହା ୧୦.୭୮ ମିଟର ତଳକୁ ଖସିଯାଇଛି । କେବଳ ଏହି ତିନୋଟି ଅଂଚଳ ନୁହେଁ, ରାଜଧାନୀର ବିଭିନ୍ନ ଅଂଚଳରେ ଭୂତଳ ଜଳ ଶୁଖିବାରେ ଲାଗିଛି । ଗୋଟିଏ ପଟେ ବ୍ୟବହାର ବଢିଥିବାବେଳେ ଅନ୍ୟପଟେ ଏହାର ପୁନ ଭରଣା ପାଇଁ କାର୍ଯ୍ୟକ୍ରମ ନାହିଁ । କଂଙ୍କ୍ରିଟ ରାସ୍ତା ଆଳରେ ଭୂତଳକୁ ଜଳ ଯିବା ବନ୍ଦ ହୋଇ ଯିବାରୁ ସମସ୍ୟା ସୃଷ୍ଟି ହେଉଛି ।  

        </description>
      </item>
      <item>
        <title>
           ସଡ଼କ ସୁରକ୍ଷା ସଚେତନତା ନିଷ୍ଫଳ, ୪ ବର୍ଷରେ ରାଉରକେଲାରେ ଗଡ଼ିଲାଣି ୭୦୨ ମୁଣ୍ଡ
        </title>
        <link>
           http://khabarodisha.com/City-Problem/Road-accident-rampant-in-Rourkela-31013
        </link>
        <guid>
           http://khabarodisha.com/City-Problem/Road-accident-rampant-in-Rourkela-31013
        </guid>
        <pubDate>
           Fri, 20 Apr 2018 10:14:06 GMT
        </pubDate>
        <description>

 ଗତ ୨୦୧୪ରୁ ୨୦୧୭ । ଏହି ଚାରି ବର୍ଷରେ ରାଉରକେଲା ପୁଲିସ ଜିଲ୍ଲାରେ ସଡ଼କ ଦୁର୍ଘଟଣାରେ ୭୦୨ ଜଣଙ୍କ ଜୀବନ ଗଲାଣି । ସଡ଼କ ସୁରକ୍ଷାକୁ ନେଇ ବ୍ୟାପକ ସଚେତନତା କରାଯାଉଥିବା କୁହାଯାଉଥିଲେ ହେଁ ଏହାର ପ୍ରଭାବ ସଡ଼କ ଉପରେ ଓଲଟା ଦେଖିବାକୁ ମିଳୁଛି ।

ଗତ ୪ ବର୍ଷ ମଧ୍ୟରେ ରାଉରକେଲା ପୋଲିସ ଜିଲ୍ଲାରେ ମୋଟ ୧୮୫୭ ଟି ଦୁର୍ଘଟଣା ଜନିତ କେସ୍ ରୁଜୁ ହୋଇଛି । ଦୁର୍ଘଟଣାରେ ୨ହଜାର ୨୧୪ ଜଣ ପ୍ରଭାବିତ ହୋଇଛନ୍ତି । ୨୦୧୪ରେ ମୋଟ ୪୩୧ଟି ସଡ଼କ ଦୁର୍ଘଟଣା ମାମଲା ପଞ୍ଜିକୃତ ହୋଇଥିଲା । ସେଥିରେ ୧୭୮ ଜଣଙ୍କ ମୃତ୍ୟୁ ଘଟିବା ସହିତ ୧୯୩ ଜଣ ଗୁୁରୁତର ହୋଇଥିଲେ । ସେହିପରି ୨୦୧୫ରେ ୪୨୪ଟି ମାମଲା ମଧ୍ୟରୁ ୧୭୯ ଜଣଙ୍କ ମୃତ୍ୟୁ ଘଟିଥିଲା ଓ ସେଥିରେ ୧୬୫ ଜଣ ଗୁରୁତର ଆହତ ହୋଇଥିଲେ । ୨୦୧୬ରେ ୧୫୨ ଜଣଙ୍କ ମୃତ୍ୟୁ ଘଟିଥିଲା । ୨୦୧୭ରେ ୫୫୯ ଜଣ ଦୁର୍ଘଟଣାର ଶିକାର ହୋଇଥିଲେ । ସେମାନଙ୍କ ମଧ୍ୟରୁ ୧୯୩ ଜଣଙ୍କ ମୃତ୍ୟୁ ଘଟିଥିଲା ।

ସଡ଼କ ଦୁର୍ଘଟଣାରେ ପାନପୋଷ-ଲହୁଣିପଡ଼ା ୧୪୩ ନଂ ଜାତୀୟ ରାଜପଥରେ ସର୍ବାଧିକ ମୃତ୍ୟୁବରଣ କରିଛନ୍ତି । ଅଣ ତାଲିମ ପ୍ରାପ୍ତ ଡ଼୍ରାଇଭର, ଦ୍ରୃତ ଗାଡ଼ି ଚାଳନା ପାଇଁ ଦୁର୍ଘଟଣା ହାର ବଢୁଛି । ଦ୍ରୃତ ଗାଡ଼ି ଚାଳକଙ୍କୁ ଧରିବାକୁ ଥିଲା ଏନଫୋର୍ସ ମେଂଟ ସ୍ପତ ଧରୁନାହିଁ । ସଡ଼କ ଡ଼ିଜାଇନର ତ୍ରୃଟିକୁ  ସଜଡ଼ା ଯାଉନାହିଁ । ସଡ଼କ ନିର୍ମାଣ ବେଳେ ବୈଷୟିକ ମାର୍ଗ ଦର୍ଶିକା ଅବଲମ୍ବନ କରାଯାଉନି କି ସ୍ଥାନୀୟ ଲୋକଙ୍କ ମତ ଓ ଜ୍ଞାନକୁ ସମ୍ମାନ ଦିଆଯାଉନାହିଁ । ରାସ୍ତାକୁ ମରଣଯନ୍ତା ଭାବେ  ଛାଡ଼ି ଦିଆଯାଉଛି । 

        </description>
      </item>
      <item>
        <title>
           ବ୍ରହ୍ମପୁର : ଖୋଲିଲା ଓଡ଼ିଶାର ସର୍ବବୃହତ୍ତ ଆମ୍ବବଜାର, ଆମଦାନୀ କମ୍ କୁ ନେଇ ଚିନ୍ତାରେ ବ୍ୟବସାୟୀ
        </title>
        <link>
           http://khabarodisha.com/City-Problem/Mango-market-face-laport-problem-31009
        </link>
        <guid>
           http://khabarodisha.com/City-Problem/Mango-market-face-laport-problem-31009
        </guid>
        <pubDate>
           Fri, 20 Apr 2018 09:01:55 GMT
        </pubDate>
        <description>

 ବଜାରକୁ ଆସିବାରେ ଲାଗିଛି ଫଳ ରାଜା ଆମ୍ବ । ପସରା ମେଲାଇଛି ବ୍ୟବସାୟୀ । ସବୁ ବର୍ଷ ଭଳି ଚଳିତ ବର୍ଷ ମଧ୍ୟ ବ୍ରହ୍ମପୁର ଅନ୍ଧପସରା ରୋଡ଼ରେ ଖୋଲିଛି ଓଡ଼ିଶାର ସର୍ବବୃହତ୍ତ ନୀଳକଣ୍ଠେଶ୍ୱର ଆମ୍ବ ମାର୍କେଟ । ରାଜ୍ୟର ବିଭିନ୍ନ ଛୋଟ ସହର ଓ ଗାଁ କୁ ଏଠାରୁ ଆମ୍ବ ଯାଇଥାଏ, କିନ୍ତୁ ଚଳିତ ବର୍ଷ ଆମଦାନୀ କମିଥିବାରୁ ବ୍ୟବସାୟୀମାନେ ଚିନ୍ତାରେ ଅଛନ୍ତି । ବ୍ୟବସାୟ କେମିତି ହେବ ସେହି ଚିନ୍ତା ଘାରିଛି ।

୧୯୯୫ ମସିହାରେ ନୀଳକଣ୍ଠେଶ୍ୱର ଆମ୍ବ ବଜାର ଆରମ୍ଭ ହୋଇଥିଲା । ପ୍ରଥମେ ୮୪ଟି ଦୋକାନ ଗଢି ଉଠିଥିଲା, କିନ୍ତୁ ଖୁବ୍ କମ୍ ଦୋକାନରେ କେବଳ ଆମ୍ବ ବିକ୍ରୀ ହେଉଥିବା ଦେଖାଯାଉଥିଲା । ପରେ ସବୁ ଦୋକାନୀ ଆମ୍ବ ବ୍ୟବସାୟରେ ପାଦ ଥାପିଥିଲେ । ଆନ୍ଧ୍ର ଓ ଦକ୍ଷିଣ ଓଡ଼ିଶାର ମାଳ ଅଂଚଳରୁ ସଂଗୃହୀତ ହୋଇ ଏଠାକୁ ଆମ୍ବ ଆସିବା ପରେ ଏଠାରୁ ପଶ୍ଚିମବଙ୍ଗ, ଝାଡ଼ଖଣ୍ଡ ସହିତ ରାଜ୍ୟର ଅନ୍ୟ ଅଂଚଳକୁ ଆମ୍ବ ରପ୍ତାନୀ ହୋଇଥାଏ । ଏପ୍ରିଲ ମାସରୁ ଜୁଲାଇ ମାସ ଯାଏଁ ବଜାର ଚଳଚଞ୍ଚଳ ହୋଇଉଠିଥାଏ ।

ଚଳିତ ବର୍ଷ ବଜାରକୁ ଶ୍ରୀକାକୁଲମ, ରାଉଲକୁଲମ, ବିଜୟାନଗର, ନ୍ୟୁଜପିଡ଼ି, ଏଲୁରୁ, ଇସାନପେଟା, ବିଜୟୱାଡ଼ା ଆଦି ଅଂଚଳରୁ ବାଇଗଣପଲୀ, ତୋଟାପୁଲୀ, ପାନାକୁଲୁ, ସୁବର୍ଣ୍ଣରେଖା, ବବୁଲି ଭଳି କିସମର ଆମ୍ବ ଆସି ପହଂଚିଲାଣି । ଗତବର୍ଷ ଏହି ସମୟ ବେଳକୁ ଯେତିକି ସଂଖ୍ୟା ଓ ପ୍ରଜାତିର ଆମ୍ବ ଆସି ପହଂଚିଥିଲା ତାର ଅଧା ବି ଚଳିତ ବର୍ଷ ପହଂଚିନି । କାଳବୈଶାଖୀ, ଅଦିନବର୍ଷା ଓ କୁହୁଡ଼ି କାରଣରୁ ଆମ୍ବ ଉତ୍ପାଦନ କମିଥିବା କହିଛନ୍ତି ଆମ୍ବ ବ୍ୟବସାୟୀ ମନମୋହନ ରାଓ । ଗତବର୍ଷ ଏହି ସମୟରେ ୧୦୦ ଟନ୍ ରୁ ଅଧିକ ଆସୁଥିବା ବେଳେ ଏବେ ୬୦ ଟନ୍ ରେ ସୀମିତ ରହିଛି । 

        </description>
      </item>
      <item>
        <title>
           ଦାଦନ ଶ୍ରମିକଙ୍କ ପାଇଁ ହେଲ୍ପଡ଼େସ୍କ, ସୁରକ୍ଷା ସହ ଥଇଥାନ ଦିଗରେ ନେବ ପଦକ୍ଷେପ
        </title>
        <link>
           http://khabarodisha.com/City-Problem/Help-desk-for-migrant-labour-in-5-state-30464
        </link>
        <guid>
           http://khabarodisha.com/City-Problem/Help-desk-for-migrant-labour-in-5-state-30464
        </guid>
        <pubDate>
           Tue, 10 Apr 2018 15:14:40 GMT
        </pubDate>
        <description>

ଦାଦନ ଶ୍ରମିକଙ୍କ ପାଇଁ ଖୋଲିଥିବା ହେଲ୍ପଡ଼େସ୍କ ଅଧିକ କ୍ରିୟାଶୀଳ ହେବ । ଓଡ଼ିଶାରୁ ଯେଉଁସବୁ ରାଜ୍ୟକୁ ଅଧିକ ଶ୍ରମିକ ଯାଉଛନ୍ତି ସେହି ସବୁ ରାଜ୍ୟରେ ଏଭଳି ହେଲ୍ପଡ଼େସ୍କ ଶ୍ରମିକଙ୍କ ସୁରକ୍ଷା ସହିତ ଜୀବିକା ଯୋଗାଡ଼ରେ ସହାୟତା କରିବ । ତେଲେଙ୍ଗାନା, ଆନ୍ଧ୍ରପ୍ରଦେଶ, ତାମିଲନାଡ଼, କର୍ଣ୍ଣାଟକ ଓ ଦିଲ୍ଲାରେ ଖୋଲିଥିବା ଏପରି ହେଲ୍ପଡ଼େସ୍କ ଶ୍ରମିକମାନଙ୍କୁ ନିର୍ଯ୍ୟାତନାରୁ ରୋକିବା ସହିତ ଉପଯୁକ୍ତ ଥଇଥାନ ଦିଗରେ ପଦକ୍ଷେପ ନେବେ । ୨୦୧୪-୧୫ ବର୍ଷ ଠାରୁ ୨୦୧୭-୧୮ ପର୍ଯ୍ୟନ୍ତ ରାଜ୍ୟ ବାହାରେ ନିଯ୍ୟାତିତ ବହୁ ଶ୍ରମିକଙ୍କୁ ଉଦ୍ଧାର କରି ରାଜ୍ୟକୁ ଅଣାଯାଇପାରିଛି । ଯେଉଁ ସବୁ ଅଧିକାରୀ ଉଦ୍ଧାର ପ୍ରକ୍ରିୟାରେ ସାମିଲ ଥିଲେ ସେମାନଙ୍କ ଅଭିଜ୍ଞତାକୁ ଲଗାଇ ୨୦୨୦ ପର୍ଯ୍ୟନ୍ତ ଯୋଜନା ପ୍ରସ୍ତୁତ କରାଯାଇଥିବା କହିଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ।

ରାଜ୍ୟ ସରକାରଙ୍କ ଶ୍ରମ ଓ ଇଏସ ଆଇ  ବିଭାଗ ପକ୍ଷରୁ ଆୟୋଜିତ ଦାଦନ ଶ୍ରମିକଙ୍କ ସୁରକ୍ଷା ଓ ବିକାଶ କର୍ମଶାଳାରେ ଯୋଗ ଦେଇ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ, ଶ୍ରମ ଆୟୋଗ ସଚିବ ସଚିନ ଯାଦବ, ପ୍ରମୁଖ ସଚିବ ଅନୁଗର୍ଗ, ଟାଟା ଟ୍ରଷ୍ଟର ଆଂଚଳିକ ନିର୍ଦ୍ଦେଶକ ଜିତେନ୍ଦ୍ର ପଟ୍ଟନାୟକ ପ୍ରମୁଖ ରାଜ୍ୟର ଶ୍ରମିକ ମାନଙ୍କ ସ୍ଥିତି,ସମସ୍ୟା ଓ ସମାଧାନ ଦିଗରେ ମତାମତ ଦେଇଥିଲେ । ବଲାଙ୍ଗିର, ବରଗଡ଼, କଳାହାଣ୍ଡି, ନୁଆପଡ଼ା, ଗଞ୍ଜାମ, ଗଜପତି, କୋରାପୁଟ, ନବରଙ୍ଗପୁର ଓ ଖୋର୍ଦ୍ଧା ସମେତ ୧୧ଟି ଜିଲ୍ଲାକୁ ଦାଦନ ପ୍ରବଣ ଜିଲ୍ଲା ଭାବେ ଘୋଷଣା କରାଯାଇ ୧୩୦୯ଟି ଗ୍ରାମ ପଂଚାୟତ ରୁ ଦାଦନ ରୋକିବା ପାଇଁ କାର୍ଯ୍ୟ ପନ୍ଥା ନିଆଯାଇଛି । ରାଜ୍ୟ ଭିତରେ ଶ୍ରମିକଙ୍କ ସମସ୍ୟା ସମାଧାନ ପାଇଁ ୧୫୫୩୬୮ ଓ ରାଜ୍ୟ ବାହାର ପାଇଁ ୧୮୦୦୩୪୫୬୭୦୩ ହେଲପ ଲାଇନ ନମ୍ବର ଜାରି କରାଯାଇଛି । 

        </description>
      </item>
      <item>
        <title>
           ଭୁବନେଶ୍ୱର ରେ ଉଲ୍ଲଂଘନ ହୋଇଛି ଶିକ୍ଷା ଅଧିକାର ଆଇନ, ଶହେ ପିଲା ପାଇଁ ଅଛନ୍ତି ଜଣେ ଶିକ୍ଷକ
        </title>
        <link>
           http://khabarodisha.com/City-Problem/One-teacher-in-10-student-30410
        </link>
        <guid>
           http://khabarodisha.com/City-Problem/One-teacher-in-10-student-30410
        </guid>
        <pubDate>
           Mon, 09 Apr 2018 10:24:29 GMT
        </pubDate>
        <description>

 ପ୍ରାଥମିକ ଶିକ୍ଷାକୁ ସାର୍ବଜନୀନ କରାଇବା ପାଇଁ ରହିଛି ଆଇନ । ସ୍କୁଲ ବାହାରେ କେହି ରହିବେନି ବୋଲି କୋଟି କୋଟି ଟଙ୍କା ଖର୍ଚ୍ଚ ହେଉଛି । ସଭିଁଏ ପଢିବେ, ସଭିଁଏ ବଢିବେ ବୋଲି ନାରା ଦିଆଯାଉଛି ହେଲେ ପ୍ରଣୀତ ବ୍ୟବସ୍ଥା ସୀମିତ ହୋଇ ରହିଯାଉଛି ନଥିରେ । ପ୍ରକୃତ ଅବସ୍ଥା ବଖାଣୁଛି ନିଆରା ଦୃଶ୍ୟ । କୋରାପୁଟ କି କେନ୍ଦୁଝର ନୁହେଁ ଖୋଦ୍ ରାଜଧାନୀ ଭୁବନେଶ୍ୱରରେ ମଧ୍ୟ ସରକାର ପାଳନ କରୁନାହାନ୍ତି ଶିକ୍ଷା ଅଧିକାର ଆଇନର ପ୍ରାବଧାନ ।

ଭୁବନେଶ୍ୱର ସହର ମଝିରେ ଥିବା ସାଲିଆ ସାହିରେ ୧୯୮୪ରୁ ନିର୍ମିତ ହୋଇଛି ଏକ ସ୍କୁଲ । ସ୍କୁଲରେ ପ୍ରଥମରୁ ପଂଚମ ଯାଏ ଶ୍ରେଣୀ ରହିଛି । ୧୦୦ରୁ ଅଧିକ ଛାତ୍ର ଛାତ୍ରୀ ନାମ ଲେଖାଇଛନ୍ତି, କିନ୍ତୁ ବିଡ଼ମ୍ବନାର ବିଷୟ ସାଲିଆ ସାହିର ଆଦିବାସୀ ଗାଁ ପ୍ରାଥମିକ ବିଦ୍ୟାଳୟରେ ନିଯୁକ୍ତ ପାଇଛନ୍ତି ଜଣେ ମାତ୍ର ଶିକ୍ଷକ । କେବଳ ସେତିକି ନୁହେଁ ଚତୁର୍ଥ ଶ୍ରେଣୀର ପିଲା ବସୁଥିବା ଶ୍ରେଣୀ ଗୃହର ଆଜବେଷ୍ଟସ ଭାଙ୍ଗି ପଡ଼ିଛି । କିଛି ସ୍ଥାନରେ ଫାଟି ଅାଁ କରିଛି । ୩୪ ବର୍ଷ ତଳର ଆଜବେଷ୍ଟସ ଭାଙ୍ଗି ଯାଇଥିଲେ ବି ବଦଳା ଯାଇନାହିଁ । ସ୍କୁଲରେ ପାଚେରୀ ନାହିଁ । ଖେଳ ପଡ଼ିଆ ନାହିଁ । ସନ୍ଧ୍ୟା ପରେ ସ୍କୁଲ ବାରଣ୍ଡା ବାର୍ ପାଲଟୁଛି । ନିୟମ ଅନୁସାରେ ପ୍ରତି ୩୦ ପିଲାରେ ଜଣେ ଶିକ୍ଷକ ରହିବା କଥା, କିନ୍ତୁ ଶହେ ପିଲାଙ୍କ ପାଇଁ ଅଛନ୍ତି ଜଣେ । 

        </description>
      </item>
      <item>
        <title>
           ଏସସିବି ମେଡ଼ିକାଲ ରେ ବିଜୁଳି ଯାଇଛି ହୁଗୁଳି, ମାଳ ମାଳ ଫ୍ୟାନ ଓ ଏସି ଅଚଳ
        </title>
        <link>
           http://khabarodisha.com/City-Problem/More-then-100-AC--Fan-defunct-in-SCB-30363
        </link>
        <guid>
           http://khabarodisha.com/City-Problem/More-then-100-AC--Fan-defunct-in-SCB-30363
        </guid>
        <pubDate>
           Sun, 08 Apr 2018 12:03:45 GMT
        </pubDate>
        <description>

କଟକ ଶ୍ରୀରାମଚନ୍ଦ୍ର ଭଞ୍ଜ ମେଡ଼ିକାଲ ରେ ଚିକିତ୍ସିତ ହେଉଥିବା ରୋଗୀମାନଙ୍କ ପାଇଁ ଗ୍ରୀଷ୍ମ ବିଷମ ସ୍ଥିତି ସୃଷ୍ଟି କରିଛି । ମେଡ଼ିକାଲର ବିଭିନ୍ନ ୱାର୍ଡ଼ରେ ଲାଗିଥିବା ୩୭୭ ଫେନ ସମେତ ୪୯୪ ଏସି ଅଚଳ କାରଣରୁ ରୌଦ୍ରତାପର ତତଲା ସ୍ଥିତି ରୋଗ ଯନ୍ତ୍ରଣା ସହ ମିଶି ଯାଇଛି । ଏସସିବି ମେଡ଼ିକାଲରେ ବିଜୁଳି ବ୍ୟବସ୍ଥା ହୁଗୁଳି ଯାଇଛି । ଖରାଦିନେ ଲୋକେ ଫ୍ୟାନ ଓ ଏସିକୁ ସଜାଡ଼ି ବ୍ୟବହାର କରୁଥିବାବେଳେ ସ୍ଥାନୀୟ କର୍ତ୍ତୃପକ୍ଷ ଏ ଦିଗ ଗୁଡ଼ିକ ପ୍ରତି ଅଣ ଦେଖା କରି ଚାଲିଛନ୍ତି । 

ଏଗୁଡ଼ିକ ସହିତ ୫୬୨ ଟ୍ୟୁବ୍ ଲାଇଟ୍, ୪୭୨ ଇଲେକ୍ଟ୍ରିକ ବୋର୍ଡ଼, ୫୫୬ ବଲବ ପଏଣ୍ଟ, ୬୯ ଏକ୍ସିଟ ଫେନ, ୪୮୨ ସିଲିଂ ଲାଇଟ ଏବଂ ୯ଟି କାନ୍ଥ ପଙ୍ଖା ଅଚଳ ହୋଇପଡ଼ିଛି । ଅଚଳ ଅବସ୍ଥାରେ ଥିବା ଫେନ ଓ ଏସି ଗୁଡ଼ିକ ମଧ୍ୟରୁ ଅଧିକାଂଶ ଆଇସିୟୁ, ଲେବର ରୁମ୍ ଏବଂ ଶିଶୁ ୱାର୍ଡ଼ର ଥିବା ଜଣାଯାଇଛି । ଜେନେରାଲ ଇଲେକ୍ଟ୍ରିସିଟି ଡ଼ିପାର୍ଟମେଣ୍ଟ ଏ ସଂପର୍କରେ ରିପୋର୍ଟ ପାଇଛି । ଏଗୁଡ଼ିକର ସତ୍ୟତା ପାଇଁ ଯାଂଚ ହେବ ଓ ତା ପରେ କାର୍ଯ୍ୟାନୁଷ୍ଠାନ ନିଆଯିବା କଥା ବିଦ୍ୟୁତ ବିଭାଗ କହିଛି । ବିଦ୍ୟୁତ ବିଭାଗର କନିଷ୍ଠ ଯନ୍ତ୍ରୀ ଶିଖା ଦାସ କହିଛନ୍ତି ଯେ ଏସି ଅଚଳ ଅଭିଯୋଗର ସତ୍ୟତା ନାହିଁ । ବର୍ଷ ବର୍ଷ ଧରି ବ୍ୟବହାର ନହେବା ଫଳରୁ ଏପରି ହୋଇଛି ବୋଲି ଶିଖା କହିଛନ୍ତି । ଏସସିବିର ପ୍ରଶାସନିକ ଅଧିକାରୀ ପ୍ରତାପ ମିଶ୍ର କହିଛନ୍ତି ଯେ, ଫ୍ୟାନ୍ ଓ ଏସି ଅଚଳ ଖବର ସତ୍ୟ । ବିଦ୍ୟୁତ ବିଭାଗ ଏହାକୁ ସଜାଡ଼ିବା ଦିଗରେ ତତ୍ପରତା ପ୍ରକାଶ କରିବା ପରିବର୍ତ୍ତେ ଠିକ୍ ଥିବା କହୁଛି । ବିଦ୍ୟୁତ ବିଭାଗ ଓ ମେଡ଼ିକାଲ କର୍ତ୍ତୃପକ୍ଷଙ୍କ ବୟାନ ବାଜି ଭିତରେ ତାତିରେ ସନ୍ତୁଳି ହେଉଛନ୍ତି ରୋଗୀ ଓ କର୍ମଚାରୀ । 

        </description>
      </item>
      <item>
        <title>
           ଇଞ୍ଜିନ ବିନା ଟ୍ରେନ ଗଡ଼ିଯିବା ଘଟଣା, ୫ ରେଲୱେ କର୍ମଚାରୀ ନିଲମ୍ବିତ
        </title>
        <link>
           http://khabarodisha.com/City-Problem/5-Railway-worker-suspend-30352
        </link>
        <guid>
           http://khabarodisha.com/City-Problem/5-Railway-worker-suspend-30352
        </guid>
        <pubDate>
           Sun, 08 Apr 2018 09:03:41 GMT
        </pubDate>
        <description>

ଗତ କାଲି ଶନିବାର ରାତିରେ ସମ୍ବଲପୁର ରେଳମଣ୍ଡଳରେ ଘଟିଥିଲା ଏକ ଅଭାବନୀୟ ଘଟଣା । ବିନା ଇଞ୍ଜିନ ରେ ୧୮୪୦୬ ନମ୍ବର ପୁରୀ-ଅହମ୍ମଦାବାଦ ଟ୍ରେନର ୨୨ଟି ବଗି ଟିଟିଲାଗଡ଼ରୁ କେସିଙ୍ଗା ପର୍ଯ୍ୟନ୍ତ ୧୫ କିମି ଗଡ଼ି ଯାଇଥିଲା । ରେଳବିଭାଗ ଏହାକୁ ଅତ୍ୟନ୍ତ ଗଭୀରତାର ସହ ନେଇଛି । କର୍ତ୍ତବ୍ୟରେ ଅବହେଳା ପାଇଁ କର୍ତ୍ତୃପକ୍ଷ ୫ଜଣ ରେଳ କର୍ମଚାରୀଙ୍କୁ ନିଲମ୍ବିତ କରିଛନ୍ତି । ଏଥିରେ ଦୁଇଜଣ ଇଞ୍ଜିନ ଚାଳକ ଥିବାବେଳେ ଆଉ ତିନିଜଣ ମରାମତି କର୍ମଚାରୀଙ୍କୁ ନିଲମ୍ବିତ କରାଯାଇଛି । 

ଟ୍ରେନ ଟି ଆପେ ଆପେ କେସିଙ୍ଗା ଷ୍ଟେସନରେ ଅଟକି ଯିବାରୁ ଏଥିରେ ଥିବା ଶହ ଶହ ଆତଙ୍କିତ ଯାତ୍ରୀମାନେ ଆଶ୍ୱସ୍ତି ଅନୁଭବ କରିଥିଲେ । ସୌଭାଗ୍ୟବଶତଃ ଏହି ରୁଟ୍ ରେ ଟ୍ରେନ ଚଳାଚଳ କରୁନଥିବାରୁ ଏକ ବଡ଼ ଧରଣର ଦୁର୍ଘଟଣାରୁ ଯାତ୍ରୀମାନେ ବର୍ତ୍ତିଯାଇଛନ୍ତି । ଶନିବାର ଦିନ ଟ୍ରେନ୍ ଟି ଟିଟିଲାଗଡ଼ ଷ୍ଟେସନରେ ୮.୩୦ରେ ପହଂଚି ଇଞ୍ଜିନ ବଦଳାଇ ବଲାଙ୍ଗିର ଆଡ଼କୁ ମୁହାଁଇବା କଥା । ଟ୍ରେନରୁ ଇଞ୍ଜିନ ଟି ଖୋଲାଯାଇ ଅପରପାଶ୍ୱର୍ରେ ଲଗା ହେବା ପାଇଁ ଯାଇଥିବାବେଳେ ଗଡ଼ାଣିଆ ରେଳ ଧାରଣାରେ ବିନା ଇଞ୍ଜିନରେ କେସିଙ୍ଗା ଆଡ଼କୁ ମାଡ଼ି ଯାଇଥିଲା । ତେବେ ଟ୍ରେନଟି ୧୫ କିମି ଗଡ଼ି କେସିଙ୍ଗା ଠାରେ ଯାଇ ଅଟକିଥିଲା । ଇଞ୍ଜିନ ବଦଳାଇବା ବେଳେ ବଗି ସମ୍ମୁଖରେ ଏକ ଲୁହା ଦଣ୍ଡ ଦିଆଯିବା କଥା କିନ୍ତୁ ତାହା ଦିଆଯାଇନଥିଲା । ତେଣୁ ଗଡ଼ାଣିଆ ରାସ୍ତାରେ ଟ୍ରେନଟି ଗଡ଼ି ଆସିଥିଲା । 

        </description>
      </item>
      <item>
        <title>
           ଉପକୂଳରୁ ଉପାନ୍ତ, ଆଜିଠୁ ୨ଦିନ ଅସହ୍ୟ ହେବ ତାତି, ତାପମାତ୍ରା ୪୩ ଡ଼ିଗ୍ରୀ ଟପିବାର ସମ୍ଭାବନା
        </title>
        <link>
           http://khabarodisha.com/City-Problem/Heat-wave-continued-in-odisha-temperature-will-rise-move-one-to-3-digri-29774
        </link>
        <guid>
           http://khabarodisha.com/City-Problem/Heat-wave-continued-in-odisha-temperature-will-rise-move-one-to-3-digri-29774
        </guid>
        <pubDate>
           Thu, 29 Mar 2018 09:17:31 GMT
        </pubDate>
        <description>

 ଆଜିଠାରୁ ଓଡ଼ିଶାର ସବୁଠି ବଢିବ ତାତି । ଉପକୂଳରୁ ଉପାନ୍ତ ଯାଏ କେଉଁଠି ନିସ୍ତାର ନାହିଁ । କେତେକ ସ୍ଥାନରେ ତାପମାତ୍ରା ୪୩ ଡ଼ିଗ୍ରୀ ଯାଏ ପହଂଚି ଯିବାର ସମ୍ଭାବନା ମଧ୍ୟ ରହିଛି । ଉପକୂଳ ଓଡ଼ିଶାରେ ୪୦ ଡ଼ିଗ୍ରୀ କିମ୍ବା ତା ଠାରୁ କମ୍ ହୋଇପାରେ ତାପମାତ୍ରା କିନ୍ତୁ ପଶ୍ଚିମ ଓଡ଼ିଶାରେ ଅଧିକ ୨ରୁ ୪ଡ଼ିଗ୍ରୀ ଯାଏଁ ବଢିବ ତାପମାତ୍ରା । ତାଳଚେର, ଅନୁଗୁଳ, ଟିଟିଲାଗଡ଼, ସୋନପୁର, ବଲାଙ୍ଗିର ପ୍ରଭୃତି ଅଂଚଳରେ ତତଲା ପବନ ମାଡ଼ ହେବ ବୋଲି ଆଂଚଳିକ ପାଣିପାଗ କେନ୍ଦ୍ର ନିର୍ଦ୍ଦେଶକ ଶରତ ଚନ୍ଦ୍ର ସାହୁ ପୂର୍ବାନୁମାନ କରିଛନ୍ତି ।

ସାରା ଓଡ଼ିଶାରେ ହିଟ୍ ୱେଭ ଜାରୀ ହୋଇଛି । ଆକାଶ ମେଘମୁକ୍ତ ଥିବା ସାଙ୍ଗକୁ ପଶ୍ଚିମ ଓ ଦକ୍ଷିଣ ପଶ୍ଚିମ ଦିଗରୁ ପବନ ହେଉଥିବାରୁ ତାତି ବଢୁଛି । ଏପ୍ରିଲ ୨ ତାରିଖ ସୁଦ୍ଧା ତାପମାତ୍ରା ୪ଡ଼ିଗ୍ରୀ କମିବ । ଏପ୍ରିଲ ୧ରେ ଉପକୂଳ ଓଡ଼ିଶାରେ କାଳବୈଶାଖୀର ସମ୍ଭାବନା ରହିଛି । ବୁଧବାର ଟିଟିଲାଗଡ଼ର ତାପମାତ୍ରା ୪୧.୫ ଡ଼ିଗ୍ରୀରେ ପହଂଚିଥିଲା । ଏହା ସହ ବଲାଙ୍ଗିର, ଅନୁଗୁଳ, ସୋନପୁର, ତାଳଚେର, ଝାରସୁଗୁଡ଼ା ଓ ମାଲକାନଗିରିର ତାପମାତ୍ରା ୪୦ ଉପରକୁ ଛୁଇଁଥିଲା ବେଳେ ଆଜି ଏଥିରେ ଆଉ ୨ରୁ ୪ ଡ଼ିଗ୍ରୀ ତାପମାତ୍ରା ବଢିବା ନେଇ ପୂର୍ବାନୁମାନ କରାଯାଇଛି । 

        </description>
      </item>
   </rss>
 </channel>