<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ରାଉରକେଲାକୁ ନୂତନ ଜିଲ୍ଲା ଭାବେ ଘୋଷଣା କରିବା ପାଇଁ ବିଧାୟକ ଦିଲିପ ରାୟଙ୍କ ଦାବି
        </title>
        <link>
           http://khabarodisha.com/City/mla-dilip-ray-demand-for-declare-of-rourkela-as-new-district-39635
        </link>
        <guid>
           http://khabarodisha.com/City/mla-dilip-ray-demand-for-declare-of-rourkela-as-new-district-39635
        </guid>
        <pubDate>
           Fri, 14 Sep 2018 16:10:20 GMT
        </pubDate>
        <description>

ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ ସମୟରେ ୨୫ ବର୍ଷ ତଳେ ସୁରେନ୍ଦ୍ର ନାଥ ନାୟକ ରାଜସ୍ୱ ମନ୍ତ୍ରୀ ଥିବା ବେଳେ ଏକ ଐତିହାସିକ ନିଷ୍ପତି ନିଆଯାଇ ଓଡ଼ିଶାର ଜିଲ୍ଲା ସଂଖ୍ୟା ୧୩ରୁ ୩୦କୁ ବୃଦ୍ଧି କରାଯାଇଥିଲା । ଏବେ ନବୀନ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ କାଳରେ ଅନ୍ତତଃପକ୍ଷେ ରାଉରକେଲା ସମେତ ଆଉ ୩ଟି ନୂଆ ଜିଲ୍ଲା ସୃଷ୍ଟି ପାଇଁ ଦାବି କରିଛନ୍ତି ବିଧାୟକ ଦିଲିପ ରାୟ ।

ସୁନ୍ଦରଗଡ଼, ମୟୂରଭଞ୍ଜ ଓ କେନ୍ଦୁଝର ଭଳି ତିନୋଟି ବଡ଼ ଜିଲ୍ଲାକୁ ସେତେବେଳେ ବିଭାଜିତ କରାଯାଇନଥିଲା । ପୁରୀ ଜିଲ୍ଲାକୁ ଭାଙ୍ଗି ୩ଟି, କଟକ ଜିଲ୍ଲାକୁ ଭାଙ୍ଗି ୪ଟି, ସମ୍ବଲପୁରକୁ ଭାଙ୍ଗି ୪ଟି ଓ କୋରାପୁଟ ଜିଲ୍ଲାକୁ ଭାଙ୍ଗି ୪ଟି ଜିଲ୍ଲା ଗଠନ କରାଯାଇଥିବା ବେଳେ ଅନ୍ୟ ସମସ୍ତ ଅବିଭକ୍ତ ଜିଲ୍ଲାର ମଧ୍ୟ ପୁନର୍ଗଠନ କରାଯାଇ ଛୋଟ ଛୋଟ ଜିଲ୍ଲା ଗଢ଼ି ପ୍ରଶାସନ କଳକୁ ଲୋକଙ୍କ ନିକଟରେ ବିଜୁ ବାବୁ ପହଂଚାଇଥିଲେ । ତେବେ ୧୯୯୫ ନିର୍ବାଚନରେ ପୁଣି ବିଜୁ ବାବୁଙ୍କ ସରକାର ଆସିଥିଲେ ସୁନ୍ଦରଗଡ଼, ମୟୂରଭଞ୍ଜ ଓ କେନ୍ଦୁଝରକୁ ପୁନର୍ଗଠନ କରାଯାଇ ନୂଆ ଜିଲ୍ଲା ସୃଷ୍ଟି କରାଯାଇପାରିଥାନ୍ତା । କିନ୍ତୁ ଜନତା ଦଳ ପୁନର୍ବାର କ୍ଷମତାକୁ ନ ଫେରିବାରୁ ଏହି ପ୍ରକ୍ରିୟା ଅଧାରେ ରହିଯାଇଛି ବୋଲି ବିଜୁବାବୁଙ୍କ ମନ୍ତ୍ରିମଣ୍ଡଳରେ ଶିଳ୍ପମନ୍ତ୍ରୀ ଥିବା ଦିଲିପ ରାୟ କହିଛନ୍ତି ।

ବିଧାନସଭାରେ ଶ୍ରୀ ରାୟ ରାଉରକେଲାକୁ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବା ସହ କେନ୍ଦୁଝର ଓ ମୟୂରଭଞ୍ଜରେ ଜିଲ୍ଲା ପୁନର୍ଗଠନ ଲାଗି ପ୍ରଶ୍ନ ଉଠାଇଥିଲେ । ଏହାର ଉତରରେ ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି କହିଛନ୍ତି ଯେ ରାଉରକେଲାକୁ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବା ଏବଂ କେନ୍ଦୁଝର ଓ ମୟୂରଭଞ୍ଜକୁ ବିଭାଜନ କରି ନୂତନ ଜିଲ୍ଲା ଗଠନ କରିବା ସମ୍ପର୍କରେ ସରକାରଙ୍କ ନିକଟରେ ବର୍ତମାନ କୌଣସି ପ୍ରସ୍ତାବ ନାହିଁ ।

ଏ ସଂକ୍ରାନ୍ତରେ ବିଧାୟକ ଶ୍ରୀ ରାୟ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରି କହିଛନ୍ତି ଯେ ସରକାର ରାଉରକେଲାକୁ ପୋଲିସ ଜିଲ୍ଲାର ମାନ୍ୟତା ଦେଇ ସ୍ୱତନ୍ତ୍ର ଭାବେ ଏସ୍ପି ନିଯୁକ୍ତ କରିଛନ୍ତି । ଏହାଛଡ଼ା ରାଉରକେଲାରେ ମଧ୍ୟ ସ୍ୱତନ୍ତ୍ର ଭାବେ ଅତିରିକ୍ତ ଜିଲ୍ଲାପାଳଙ୍କ ଦପ୍ତର ରହୁଛି । ଇସ୍ପାତ ନଗରୀ ରାଉରକେଲାରେ ଜିଲ୍ଲା ମୁଖ୍ୟ ଦପ୍ତର ପାଇଁ ସମସ୍ତ ପ୍ରକାରର ଅନୁକୂଳ ଭିତିଭୂମି ରହିଛି । ରାଉରକେଲା ଆଖପାଖର ବହୁ ବିଧାୟକ ଓ ପଂଚାୟତ ତଥା ପୌର ସଂସ୍ଥାର ନିର୍ବାଚିତ ପ୍ରତିନିଧିମାନେ ମଧ୍ୟ ଦଳମତ ନିର୍ବିଶେଷରେ ରାଉରକେଲାକୁ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବାକୁ ଚାହାଁନ୍ତି । ଅବିଭକ୍ତ ସୁନ୍ଦରଗଡ଼ ଜିଲ୍ଲା ଆଦିବାସୀ ଅଧ୍ୟୁଷିତ ଅଂଚଳ ଏବଂ ବିପୁଳ ପ୍ରାକୃତିକ ସମ୍ପଦ ସତ୍ୱେ ଏହା ଏବେ ବି ରାଜ୍ୟର ଅନ୍ୟତମ ଅନଗ୍ରସର ଜିଲ୍ଲା ଭାବେ ରହିଛି । ଜିଲ୍ଲା ଶାସନ ବ୍ୟବସ୍ଥାର ବିକେନ୍ଦ୍ରୀକରଣ କରାଗଲେ ବଂଚିତ ଲୋକଙ୍କ ନିକଟରେ ବିକାଶର ଧାରା ପହଂଚିବା ସହଜ ହୋଇପାରିବ ବୋଲି ଶ୍ରୀ ରାୟ ଏକ ବିବୃତିରେ ଉଲ୍ଲେଖ କରିବା ସହିତ ଜିଲ୍ଲା ପୁନର୍ଗଠନ ସଂକ୍ରାନ୍ତରେ ବିଜୁ ବାବୁଙ୍କ ଅସମ୍ପୂର୍ଣ୍ଣ କାମକୁ ସମ୍ପୂର୍ଣ୍ଣ କରିବା ପାଇଁ ମୁଖ୍ୟମନ୍ତ୍ରୀ ସୁନ୍ଦରଗଡ଼ ସମେତ ଅନ୍ୟତମ ଆଦିବାସୀ ଅଧ୍ୟୁଷିତ ବୃହତ୍ ଜିଲ୍ଲା ମୟୂରଭଞ୍ଜ ଓ କେନ୍ଦୁଝରରେ ନୂତନ ଜିଲ୍ଲା ସୃଷ୍ଟି ପାଇଁ ତୁରନ୍ତ ପଦକ୍ଷେପ ନେବାକୁ ଦାବି କରିଛନ୍ତି ।

        </description>
      </item>
      <item>
        <title>
           ବଦଳିବ ପରିମଳ ବ୍ୟବସ୍ଥା, ରାଜଧାନୀର ୨୫ ସ୍ଥାନରେ ଲାଗିବ ୫୦ ଅଣ୍ଡର ଗ୍ରାଉଣ୍ଡ ଡ଼ଷ୍ଟବିନ୍
        </title>
        <link>
           http://khabarodisha.com/City/BBSr-50-under-ground-dustbin-will-installed-in-25-pleases-39041
        </link>
        <guid>
           http://khabarodisha.com/City/BBSr-50-under-ground-dustbin-will-installed-in-25-pleases-39041
        </guid>
        <pubDate>
           Tue, 04 Sep 2018 10:22:44 GMT
        </pubDate>
        <description>

ରାସ୍ତା ଉପରେ ରହିଥିବା ଡ଼ଷ୍ଟବିନ୍ ଗୁଡ଼ିକ ସ୍ଥାନ ମାଡ଼ି ବସୁଛି । ପୁଣି ସହରର ସୌନ୍ଦର୍ଯ୍ୟ ପ୍ରତି ବାଧକ ହେଉଛି । ଆଇଁଷିଆ ଆମ୍ବିଳି ଗନ୍ଧରେ ଫାଟି ପଡ଼ୁଛି ନାକ । ଏଭଳି କିଛି ସମସ୍ୟାକୁ ନେଇ ବିଏମସି ବୈଠକରେ ଆଲୋଚନା ହେବା ପରେ ଏବେ ସମାଧାନ ପାଇଁ ରାସ୍ତା ଫିଟିଛି । ୫୦ଟି ଅଣ୍ଡର ଗ୍ରାଉଣ୍ଡ ଓ ସେମି ଅଣ୍ଡର ଗ୍ରାଉଣ୍ଡ ଡ଼ଷ୍ଟବିନ୍ ଲଗାଇବାକୁ ନିଷ୍ପତ୍ତି ହୋଇଛି । ୨୫ଟି ସ୍ଥାନରେ ଏହା ଲଗାଯିବ । ଟେଣ୍ଡର ପ୍ରକ୍ରିୟା ଆରମ୍ଭ ହୋଇଥିବା ଜଣାପଡ଼ିଛି । ବିଏମସି ଏବଂ ଟେଣ୍ଡର ପାଇଥିବା ସଂସ୍ଥା ସ୍ଥାନ ଚିହ୍ନଟ କରିବେ ।

ଅଣ୍ଡର ଗ୍ରାଉଣ୍ଡ ଡଷ୍ଟବିନ୍ ଗୁଡ଼ିକ ୩ କ୍ୟୁବିକ୍ ମିଟର ଓ ସେମି ଅଣ୍ଡରଗ୍ରାଉଣ୍ଡ ଡ଼ଷ୍ଟବିନ୍ ଗୁଡ଼ିକ ୧.୫ କ୍ୟୁବିକ ମିଟର ବିଶିଷ୍ଟ ହେବ । ଏଥିରେ ସେନ୍ସର ଲାଗିବ । ଡ଼ଷ୍ଟବିନଟି ଭର୍ତ୍ତି ହେବା ମାତ୍ରେ ଅପରେସନ ସେଣ୍ଟରକୁ ମେସେଜ ପଠାଇବ । ଅଳିଆ ଗାଡ଼ିର ଡ଼୍ରାଇଭରକୁ ଏହି ମେସେଜ ଫରୱାର୍ଡ଼ କରାଯିବ । ଡ଼ଷ୍ଟବିନ୍ ଉପରେ ଘୋଡ଼ଣୀ ରହିବ । ଆସନ୍ତା ହକି ବିଶ୍ୱକପ୍ ପୂର୍ବରୁ ଏହି ଡ଼ଷ୍ଟବିନ୍ ଲଗାଯିବ । 

        </description>
      </item>
      <item>
        <title>
           ଭୁଶୁଡ଼ିଲା ୪୩ ବର୍ଷର ପାଣି ଟାଙ୍କି, ୱେସ୍କୋ କାର୍ଯ୍ୟାଳୟ ଚୁରମାର୍
        </title>
        <link>
           http://khabarodisha.com/City/old-water-tank-collapsed-in-rourkela-38549
        </link>
        <guid>
           http://khabarodisha.com/City/old-water-tank-collapsed-in-rourkela-38549
        </guid>
        <pubDate>
           Mon, 27 Aug 2018 18:04:04 GMT
        </pubDate>
        <description>

ରାଉରକେଲା ସିଭିଲ୍ ଟାଉନସିପ୍‌ରେ ଥିବା ଜନସ୍ୱାସ୍ଥ୍ୟ ବିଭାଗର ଏକ ୫୦ ଫୁଟ୍ ଉଚ୍ଚର ପାଣି ଟାଙ୍କି ଆଜି ଭୁଶୁଡ଼ି ପଡିଛି । ଫଳରେ ଏହା ତଳେ ଥିବା ୱେସ୍କୋ କାର୍ୟ୍ୟାଳୟ ସଂପୂର୍ଣ୍ଣ ଭାଙ୍ଗି ଚୁରମାର୍ ହୋଇଯାଇଛି । ସେଠାରେ ଥିବା କିଛି ମୋଟରସାଇକେଲ ଓ ସାଇକେଲ ପଥର ଖଣ୍ଡ ଓ କଂକ୍ରିଟ୍ ତଳେ ଚାପି ହୋଇରହିଛି । ମୃତାହତ ସମ୍ପର୍କରେ ସବିଶେଷ ତଥ୍ୟ ମିଳିପାରି ନାହିଁ । 

ଭାଙ୍ଗି ଯାଇଥିବା ପାଣି ଟାଙ୍କିଟି ୧୯୭୫ ମସିହାରେ ନିର୍ମାଣ ହୋଇଥିଲା । ଏଥିରେ ୭୦ ହଜାର ଲିଟର ପାଣି ସଂରକ୍ଷିତ କରି ରଖାଯାଇ ପାରୁଥିଲା । ବିଭାଗ ପକ୍ଷରୁ ଏହା ନିକଟରେ ଏକ ନୂତନ ପାଣି ଟାଙ୍କି ନିର୍ମାଣ କରାଯାଇଥିଲା । ତେବେ ବିପଦଶଙ୍କୁଳ ଅବସ୍ଥାରେ ଥିବା ପୁରୁଣା ପାଣି ଟାଙ୍କିକୁ ଭଙ୍ଗା ଯାଇନଥିଲା । ଯେଉଁଥିପାଇଁ ଟାଙ୍କି ଭୁଷୁଡ଼ି ପଡ଼ିଥିବା କୁହାଯାଉଛି । ଏହା ସହିତ ତାହା ନିକଟରେ ଗାତ ମଧ୍ୟ ଖୋଳାଯାଇଥିଲା । ତେଣୁ ପାଣିଟାଙ୍କିର ମୂଳଦୂଆ ଦବି ଯାଇଥିବାରୁ ଏଭଳି ଅଘଟଣ ଘଟିଥିବା ବିଭାଗ ପକ୍ଷରୁ କୁହାଯାଉଛି ।

        </description>
      </item>
      <item>
        <title>
           ଅସୁରକ୍ଷିତ ରାଜଧାନୀ, ହୋଟେଲ୍‌ରେ ଯୁବତୀଙ୍କୁ ହତ୍ୟା
        </title>
        <link>
           http://khabarodisha.com/City/mancheswar-police-rescued-a-dead-body-of-girl-in-hotel-room-38387
        </link>
        <guid>
           http://khabarodisha.com/City/mancheswar-police-rescued-a-dead-body-of-girl-in-hotel-room-38387
        </guid>
        <pubDate>
           Fri, 24 Aug 2018 12:21:24 GMT
        </pubDate>
        <description>

ଦିନକୁ ଦିନ ଅସୁରକ୍ଷିତ ହେବାରେ ଲାଗିଛି ସ୍ମାର୍ଟ ସିଟି ଭୁବନେଶ୍ୱର ।  ସହରରେ ଜନବସତି ସଂଖ୍ୟା ବଢ଼ି ଚାଲିଥିବାବେଳେ ଅପରାଧ ମଧ୍ୟ ବୃଦ୍ଧି ପାଉଛି । ଗତ ଦୁଇ ଦିନ ତଳେ ଜଣେ ଯୁବକଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିବାବେଳେ ଆଜି ଏକ ହୋଟେଲରୁ ଜଣେ ଯୁବତୀଙ୍କ ମୃତ ଦେହ ଉଦ୍ଧାର ହୋଇଛି । ମଞ୍ଚେଶ୍ୱରରେ ଥିବା ହାଇୱେ ଇନ ହୋଟେଲରେ ଯୁବତୀଙ୍କୁ ହତ୍ୟା କରାଯାଇଛି । ଯୁବତୀଙ୍କ ନାମ ଲକ୍ଷ୍ମୀପ୍ରିୟା ବିଶ୍ୱାଳ । ତାଙ୍କ ଘର ଖୋର୍ଦ୍ଧାରେ ହୋଇଥିବେ ପ୍ରାଥମିକ ତଦନ୍ତରୁ ସୂଚନା ମିଳିଛି । 

ଲକ୍ଷ୍ମୀପ୍ରିୟା ତାଙ୍କର ଜଣେ ପୁରୁଷ ବନ୍ଧୁ ଆଦିତ୍ୟ ମହାପାତ୍ରଙ୍କ ସହିତ ଗତ ଦିନ ହେଲା ହାଇୱେ ଇନ ହୋଟେଲର ୧୨୧ ନମ୍ବର ରୁମରେ ରହୁଥିଲେ । ଆଦିତ୍ୟଙ୍କ ଘର ପୁରୀ ଜିଲ୍ଲାରେ । ଦୁଇ ଜଣ ଯାକ ସ୍ୱାମୀ ସ୍ତ୍ରୀର ପରିଚୟ ଦେଇ ରହୁଥିଲେ । ମାତ୍ର ଆଜି ସକାଳୁ ହୋଟେଲ ରୁମ୍‌ରୁ ଯବତୀଙ୍କ ମୃତ ଦେହ ଉଦ୍ଧାର ହୋଇଛି । କିନ୍ତୁ ଆଦିତ୍ୟ ଫେରାର ହୋଇଯାଇଛି । ମଞ୍ଚେଶ୍ୱର ଥାନା ପୋଲିସ ଘଟଣାସ୍ଥଳରେ ପହଁଚି ଛାନଭିନ ଆରମ୍ଭ କରିଛି । ଏହା ସହିତ ରେଜିଷ୍ଟରରେ ଦିଆଯାଇଥିବା ଫୋନ୍‌ ନମ୍ବର ମଧ୍ୟ ସୁଇଚ ଅଫ୍‌ ଅଛି ।  

ଗତକାଲି ବିଳମ୍ବିତ ରାତିରେ ଏହି ହତ୍ୟାକାଣ୍ଡ ହୋଇଥିବାବେଳେ ରୁମ ଭିତରେ ଆସବାବପତ୍ର ଏଣେତେଣେ ପଡି ରହିଥିବା ଦେଖାଯାଇଛି । ରୁମ ଭିତରୁ ପୋଲିସକୁ ଅଭିଯୁକ୍ତ ଆଦିତ୍ୟର ଆଧାର କାର୍ଡ ମିଳିଥିବାବେଳେ ଅଧିକ ତଦନ୍ତ ଜାରି ରଖିଛି । 

ଏଠାରେ ଉଲ୍ଲେଖ ଯୋଗ୍ୟ, ଗତ ମଙ୍ଗଳବାର ଦିନ ନୟାପଲ୍ଲୀ ଅଂଚଳରେ ପୂର୍ଣ୍ଣଚନ୍ଦ୍ର ନାମକ ଜଣେ ଯୁବକଙ୍କୁ ଅତି ନିର୍ମମ ଭାବରେ ହତ୍ୟା କରାଯାଇଥିଲା । 

        </description>
      </item>
      <item>
        <title>
           ରହିବା ପାଇଁ ପସନ୍ଦର ସହର ପ୍ରତିଯୋଗିତା : ପୁନେ ନମ୍ବର ୱାନ, ଦିଲ୍ଲୀକୁ ପଛରେ ପକାଇ ଓଡ଼ିଶା ଆଗରେ
        </title>
        <link>
           http://khabarodisha.com/City/Easy-of-living-index-pune-in-top-one-bbsr-18th-position-37793
        </link>
        <guid>
           http://khabarodisha.com/City/Easy-of-living-index-pune-in-top-one-bbsr-18th-position-37793
        </guid>
        <pubDate>
           Tue, 14 Aug 2018 08:22:20 GMT
        </pubDate>
        <description>

 ରହିବା ପାଇଁ ପସନ୍ଦର ସହର କିଏ? ଦିଲ୍ଲୀ, ମୁମ୍ବାଇ, ପୁନେ ନା କୋଲକତା । ସାମାଜିକ ବ୍ୟବସ୍ଥା, ଅର୍ଥନୀତି ଓ ଭିତ୍ତିଭୂମି ଦୃଷ୍ଟିରୁ କେଉଁ ସହର ଆଗରେ? ଏହା ଜାଣିବା ପାଇଁ ସହର ବିକାଶ ମନ୍ତ୍ରଣାଳୟ ପକ୍ଷରୁ ରହିବା ପାଇଁ ପସନ୍ଦର ସୂଚକାଙ୍କ ପ୍ରତିଯୋଗିତା ହୋଇଥିଲା । ଏଥିରେ ୧୧୧ଟି ସହରକୁ ମୂଲ୍ୟାଙ୍କନ କରାଯାଇଥିଲା । ଏହି ସର୍ଭେରେ ମହାରାଷ୍ଟ୍ରର ପୁନେ ସହର ସବୁଠୁ ବାସପୋଯୋଗୀ ସହର ହୋଇଥିବାବେଳେ ଭୁବନେଶ୍ୱର ଦିଲ୍ଲୀକୁ ପଛରେ ପକାଇ ଆଗକୁ ଆସିଛି । ଜାତୀୟ ରାଜଧାନୀ ଦିଲ୍ଲୀ ତାଲିକାର ୬୫ତମ ସ୍ଥାନରେ ଥିବାବେଳେ ଓଡ଼ିଶାର ରାଜଧାନୀ ଭୁବନେଶ୍ୱର ତାଲିକାର ୧୬ତମ ସ୍ଥାନରେ ରହିଛି । ଉତ୍ତରପ୍ରଦେଶର ରାମପୁର ୧୧୧ତମ ସ୍ଥାନରେ ଅର୍ଥାତ ସବା ଶେଷରେ ରହିଛି ।

ମୋଟ ୧୫ଟି ବର୍ଗରେ ୭୮ଟି ଇଣ୍ଡେକ୍ସକୁ ନେଇ ଏହି ର୍ୟାଙ୍କି କରାଯାଇଥିଲା । ଓଡ଼ିଶାର ଆଉ ଏକ ସହର ରାଉରକେଲା ୮୭ତମ ସ୍ଥାନରେ ରହିଛି । ସୂଚନାଯୋଗ୍ୟ ଯେ ଭୁବନେଶ୍ୱର ଓ ରାଉରକେଲା ପୂର୍ବରୁ ସ୍ମାର୍ଟସିଟି ତାଲିକାରେ ସ୍ଥାନ ପାଇଛି । 

        </description>
      </item>
      <item>
        <title>
           ପୋଲିସ କମିଶନର ଦାୟିତ୍ୱ ନେଲେ ସତ୍ୟଜିତ ମହାନ୍ତି, ହକି ବିଶ୍ୱ କପ୍‌ରେ ସୁରକ୍ଷା ବ୍ୟବସ୍ଥା ହେବ ବଡ଼ ଚ୍ୟାଲେଞ୍ଜ
        </title>
        <link>
           http://khabarodisha.com/City/IPS-Satyajit-Mohanty-takes-charge-as-twin-city-police-commissioner-37058
        </link>
        <guid>
           http://khabarodisha.com/City/IPS-Satyajit-Mohanty-takes-charge-as-twin-city-police-commissioner-37058
        </guid>
        <pubDate>
           Fri, 03 Aug 2018 13:56:06 GMT
        </pubDate>
        <description>

ଦୈତ ନଗରୀ କଟକ ଓ ଭୁବନେଶ୍ୱରର ଆଇନ ଶୃଙ୍ଖଳା ରକ୍ଷା କରିବାକୁ ମଙ୍ଗ ଧରିଛନ୍ତି ଆଇପିଏସ୍‌ ସତ୍ୟଜିତ ମହାନ୍ତି । ୧୯୮୮ ବ୍ୟାଚର ଆଇପିଏସ୍‌ ଅଫିସର ସତ୍ୟଜିତ ମହାନ୍ତି ଆଜି ଟ୍ୱିନ୍‌ ସିଟି କମିଶନର ଭାବେ ଦାୟିତ୍ୱ ଗ୍ରହଣ କରିଛନ୍ତି । ପୂର୍ବତନ ପୋଲିସ କମିଶନର ୱାଇ. ବି. ଖୁରାନିଆ ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି । 

ସତ୍ୟଜିତ ମହାନ୍ତି ଟ୍ୱିନ୍‌ ସିଟିର ଷଷ୍ଠ କମିଶନର ଭାବରେ ନିଯୁକ୍ତି ପାଇଛନ୍ତି । ଆଜି ତାଙ୍କୁ ଗାର୍ଡ ଅଫ ଅନର୍‌ ଦିଆଯିବା ପରେ ସେ ଦାୟିତ୍ୱ ଗ୍ରହଣ କରିଛନ୍ତି । ପୋଲିସ ସେବା ଓ ବ୍ୟବସ୍ଥାକୁ ଉଚ୍ଚମାନର କରିବାକୁ ଆହ୍ୱାନ ଦେବା ସହିତ ବିଶ୍ୱକପ୍‌ ହକିରେ ସୁରକ୍ଷା ବ୍ୟବସ୍ଥା ଏକ ବଡ଼ ଚ୍ୟାଲେଞ୍ଜ ହେବ ବୋଲି ଦାୟିତ୍ୱ ନେବା ପରେ ନୂତନ ପୋଲିସ କମିଶନର୍‌ ସତ୍ୟଜିତ ମହାନ୍ତି କହିଛନ୍ତି । ସେ କହିଛନ୍ତି ଯେ ଆମେ ପୋଲିସ ବ୍ୟବସ୍ଥାକୁ ଏକ ଉଚ୍ଚସ୍ତରକୁ ନେବାକୁ ଚେଷ୍ଟା କରିବୁ । ଯାହା ଦ୍ୱାରା ଜନସାଧାରଣ ଲୋକମାନଙ୍କର ଆମ ପ୍ରତି ଆସ୍ଥା ବଢ଼ିବ ଓ ଆମେ ତାଙ୍କର ଆସ୍ଥାଭାଜନ ହୋଇପାରିବୁ । ସେହିପରି ପୁରୁଷ ବିଶ୍ୱ କପ୍ ହକିରେ ଆସୁଥିବା ଖେଳାଳି ଓ ଦର୍ଶକମାନେ କିଭଳି ଏକ ଭଲ ଅନୁଭୂତି ନେଇକି ଯିବେ ସେଥିପ୍ରତି ଧ୍ୟାନ ଦେବୁ । 

୧୯୮୮ ବ୍ୟାଚର ଆଇପିଏସ୍‌ ଅଧିକାରୀ ସତ୍ୟଜିତ ମହାନ୍ତି ପୂର୍ବରୁ ବହୁ ଗୁରୁ ଦାୟିତ୍ୱରେ ରହି ସଫଳତାର ସହିତ ନିଜର କାର୍ଯ୍ୟଭାର ତୁଲାଇଛନ୍ତି । ପ୍ରଥମେ ସେ କୋରାପୁଟ ଜୟପୁରରେ ଏଏସ୍‌ପି ଭାବରେ ନିଜର ଚାକିରି ଜୀବନ ଆରମ୍ଭ କରିଥିଲେ । ଏହା ପରେ ସେ ପୁରୀର ଅତିରିକ୍ତ ଏସ୍‌ପି, କଟକ, ରାଉରକେଲା ଓ ବାଲେଶ୍ୱରରେ ଏସ୍‌ପି ଭାବରେ କାର୍ୟ୍ୟକରିଥିବା ବେଳେ କେନ୍ଦ୍ରାଂଚଳ, ପଶ୍ଚିମାଞ୍ଚଳ ଓ ଉତ୍ତରାଞ୍ଚଳ ଡିଆଇଜି ରହି ସାରିଛନ୍ତି । ସେହିପରି ସେ ଅତିରିକ୍ତ ଡିଜି ଦାୟିତ୍ୱରେ ମଧ୍ୟ ରହି ସାରିଛନ୍ତି । ଏହା ସହିତ ସେ ଭିଜିଲାନ୍ସ ବିଭାଗର ଏସ୍‌ପି  ଓ ପରିବହନ ବିଭାଗର ଅତିରିକ୍ତ କମିଶନର ଭାବେ ଦାୟିତ୍ୱ ତୁଲାଇ ସାରିଛନ୍ତି । ପୋଲିସ ସେବାରେ ଉଲ୍ଲେଖନୀୟ ପାଇଁ ତାଙ୍କୁ ୨୦୦୪ରେ ପୋଲିସ ପଦକ ଓ ୨୦୧୨ ରାଷ୍ଟ୍ରପତି ପୋଲିସ ପଦକ ପ୍ରଦାନ କରାଯାଇଛି । 

ଏହା ସହିତ ସତ୍ୟଜିତ ମହାନ୍ତି ଜଣେ ଭଲ ଟେନିସ୍‌ ଖେଳାଳି । ବର୍ତମାନ ସେ ରାଜ୍ୟ ଟେନିସ ଆସୋସିଏସନର ଉପ ସଭାପତି ଭାବରେ କାର୍ୟ୍ୟଭାର ତୁଲାଉଛନ୍ତି । 

ଅନ୍ୟପକ୍ଷରେ ପୋଲିସ କମିଶନର ଦାୟିତ୍ୱରୁ ବିଦାୟ ନେବା ପରେ ୧୯୯୦ ବ୍ୟାଚର ଆଇପିଏସ ୱାଇ.ବି. ଖୁରାନିଆଙ୍କୁ ଅତିରିକ୍ତ ଡିଜି ଦାୟିତ୍ୱ ମିଳିଥିବା ସୂଚନା ମିଳିଛି ।  

        </description>
      </item>
      <item>
        <title>
           ଉଦଘାଟିତ ହେଲା ଇ-କାର୍ଟ, ଦ୍ୱାର ମୁହଁରେ ପହଂଚିବ ଓମଫେଡ଼ର ଦୁଗ୍ଧ ଓ ଦୁଗ୍ଧଜାତ ଦ୍ରବ୍ୟ
        </title>
        <link>
           http://khabarodisha.com/City/E-cart-lunch-in-bbsr-36942
        </link>
        <guid>
           http://khabarodisha.com/City/E-cart-lunch-in-bbsr-36942
        </guid>
        <pubDate>
           Thu, 02 Aug 2018 08:28:55 GMT
        </pubDate>
        <description>

 ଓମଫେଡ଼୍ ଦ୍ୱାରା ଦୁଗ୍ଧ ଓ ଦୁଗ୍ଧଜାତ ଦ୍ରବ୍ୟ ଏଣିକି ପହଂଚିବ ରାଜଧାନୀବାସୀଙ୍କ ନିକଟରେ । ୧୦ଟି ବ୍ୟାଟେରୀ ଚାଳିତ ଇ-କାର୍ଟକୁ ମୁଖ୍ୟମନ୍ତ୍ରୀ ଉଦଘାଟିତ କରିଛନ୍ତି । ଆଗାମୀ ୧୫ ଦିନ ମଧ୍ୟରେ ଏଭଳି ଆଉ ୨୩ଟି ଇ-କାର୍ଟ ସାମିଲ ହେବ । ଦୁଇଟି ୱାର୍ଡ଼କୁ ଗୋଟିଏ ଇ-କାର୍ଟକୁ ସଂରକ୍ଷିତ ରଖାଯିବ ବୋଲି କୁହାଯାଇଛି ।

ଇ-କାର୍ଟରେ ଦୁଗ୍ଧ ବୋତଲ, ରାବିଡ଼ି, ମିଠା ଦହି, ପ୍ୟାକେଟ ଦହି, ସାଦା ଦହି, ଘୋଳ ଦହି, ଲସି, ଛେନା ପୋଡ଼, ପନିର, ପେଡ଼ା, ଖୁଆ, ରସଗୋଲା, ଗୋଲାପଜାମୁ ଓ ଆଇସକ୍ରିମ୍ ଉପଲବ୍ଧ ହେବ ।

ପ୍ରଥମ ପର୍ଯ୍ୟାୟରେ ୫୦ଟି ଇ-କାର୍ଟ ଜରିଆରେ ବିକ୍ରୀବଟ୍ଟା କରାଯିବ । ରାଷ୍ଟ୍ରୀୟ କୃଷି ବିକାଶ ଯୋଜନାରେ ଏହା ମଞ୍ଜୁର ହୋଇଛି । ଆଗାମୀ ଦିନରେ କଟକ, ପୁରୀ, ସମ୍ବଲପୁର, ବ୍ରହ୍ମପୁରରେ ଇ-କାର୍ଟ ପ୍ରଚଳନ ହେବ । ଲୋକ ସଂଖ୍ୟା ଆଧାରରେ ଇ-କାର୍ଟ ପ୍ରଚଳନ ପାଇଁ ନିଷ୍ପତ୍ତି ନିଆଯାଇଛି । 

        </description>
      </item>
      <item>
        <title>
           ଶୁଭାରମ୍ଭ ହେଲା କମିଶନରେଟ୍‌ ପୋଲିସର ଟ୍ରାଫିକ ୱେବ ପୋର୍ଟାଲ
        </title>
        <link>
           http://khabarodisha.com/City/CP-inaugurates-new-traffic-web-portal-36749
        </link>
        <guid>
           http://khabarodisha.com/City/CP-inaugurates-new-traffic-web-portal-36749
        </guid>
        <pubDate>
           Mon, 30 Jul 2018 14:18:03 GMT
        </pubDate>
        <description>

ଟ୍ୱିନ୍‌ ସିଟି କଟକ ଓ ଭୁବନେଶ୍ୱରରେ ଟ୍ରାଫିକ ବ୍ୟବସ୍ଥାକୁ ସୁବ୍ୟବସ୍ଥିତ କରିବାକୁ କମିଶନରେଟ ପୋଲିସ ଆଉ ପାଦେ ଆଗେଇଛି । ସେଥିପାଇଁ ଆଜି କମିଶନରେଟ୍‌ ପୋଲିସ ପକ୍ଷରୁ ଟ୍ରାଫିକ୍‌ ପୋର୍ଟାଲ ଆରମ୍ଭ କରାଯାଇଛି । ପୋଲିସ କମିଶନରଙ୍କ କାର୍ଯ୍ୟାଳୟରେ ପୋଲିସ କମିଶନର ୱାଇ. ବି. ଖୁରାନିଆ ଶୁଭାରମ୍ଭ କରିଛନ୍ତି । ଏହି ପୋର୍ଟାଲ ଜରିଆରେ ଲୋକମାନେ କଟକ ଓ ଭୁବନେଶ୍ୱରର ସମସ୍ତ ଟ୍ରାଫିକ୍‌ ବ୍ୟବସ୍ଥା ଓ ନିୟମାବଳୀ ଗୁଡ଼ିକ ସମ୍ବନ୍ଧରେ ସବିଶେଷ ସୂଚନା ପାଇ ପାରିବେ ବୋଲି ଜଣାପଡ଼ିଛି । 

ଅଧିକାଂଶ ଲୋକ ଟ୍ରାଫିକ୍‌ର ବିଭିନ୍ନ ନିୟମ ଗୁଡ଼ିକରେ ସମ୍ବନ୍ଧରେ ଅବଗତ ନୁହଁନ୍ତି । ଏହା ବାଦ୍‌ ପ୍ରତ୍ୟେକ ଦିନ କେଉଁଠି ଭିଡ଼ ରହିବ ଓ କେଉଁ ରାସ୍ତା ଦେଇ ଗଲେ ଜଣେ ସହଜରେ ଗନ୍ତବ୍ୟ ସ୍ଥଳରେ ପହଁଚି ହେବ ସେ ନେଇ ଉଦଘାଟିତ ହୋଇଥିବା ଟ୍ରାଫିକ୍‌ ୱେବ୍‌ ପୋର୍ଟାଲରେ ମାଧ୍ୟମରେ ଜଣାଯିବ । ଟ୍ରାଫିକର ସମସ୍ତ ନିୟମ ଓ ବ୍ୟବସ୍ଥା ସଂପର୍କରେ ପ୍ରତ୍ୟେକ ଦିନ ଲୋକମାନେ ସୂଚନା ପାଇ ପାରିବେ । ଏହା ସହିତ ପେଟ୍ରୋଲିଂ ବ୍ୟବସ୍ଥାକୁ ଅଧିକ କ୍ରିୟାଶୀଳ କରିବାକୁ ଟ୍ରାଫିକ ପୋଲିସଙ୍କୁ ୧୬ଟି ସ୍ପିଡ ବାଇକ ଓ ଲାଇଫ ଜ୍ୟାକେଟ୍‌ ମଧ୍ୟ ପ୍ରଦାନ କରାଯାଇଛି ।

        </description>
      </item>
      <item>
        <title>
           ଅଗଷ୍ଟରେ ପୋଲିସ କମିଶନର ଦାୟିତ୍ୱ ନେବେ ଆଇପିଏସ ସତ୍ୟଜିତ ମହାନ୍ତି
        </title>
        <link>
           http://khabarodisha.com/City/IPS-Satyajit-Mohanti-to-take-charge-on-august-36741
        </link>
        <guid>
           http://khabarodisha.com/City/IPS-Satyajit-Mohanti-to-take-charge-on-august-36741
        </guid>
        <pubDate>
           Mon, 30 Jul 2018 12:05:59 GMT
        </pubDate>
        <description>

ଦୈତ ନଗରୀ କଟକ-ଭୁବନେଶ୍ୱର କମିଶନରେଟ୍‌ ପୋଲିସ ନୂତନ କମିଶନରଭାବେ ନିଯୁକ୍ତି ପାଇଥିବା ଆପିଏସ୍‌ ସତ୍ୟଜିତ ମହାନ୍ତି ଆସନ୍ତା ଅଗଷ୍ଟ ପ୍ରଥମ ସପ୍ତାହରେ ଦାୟିତ୍ୱ ଗ୍ରହଣ କରିବେ । ପୋଲିସ ମହାନିର୍ଦ୍ଦେଶକ ରାଜେନ୍ଦ୍ର ପ୍ରସାଦ ଶର୍ମା ବିଦେଶ ଗସ୍ତରେ ଥିବାରୁ ସତ୍ୟଜିତ ମହାନ୍ତି ଆଜି ଦାୟିତ୍ୱ ଗ୍ରହଣ କରିବେ ନାହିଁ ବୋଲି ସୂଚନା ମିଳିଛି । 

ବରିଷ୍ଠ ଆଇପିଏସ ସ୍ତରରେ କେତେକ ଅଦଳବଦଳ ହୋଇଥିବାବେଳେ ଟ୍ୱିନ ସିଟିର ନୂତନ କମିଶନର ଭାବରେ ଆଇପିଏସ ସତ୍ୟଜିତ ମହାନ୍ତିଙ୍କୁ ନିଯୁକ୍ତି ମିଳିଛି । ପୋଲିସ କମିଶନର ୱାଇ. ବି. ଖୁରାନିଆଙ୍କ ବଦଳରେ ଶ୍ରୀ ମହାନ୍ତି ଆଜି ଏହି ଦାୟିତ୍ୱ ଗ୍ରହଣ କରି ଥାଆନ୍ତେ । ମାତ୍ର ଡିଜିପିଙ୍କ ଅନୁପସ୍ଥିତ ଥିବାରୁ ସେ ଦାୟିତ୍ୱ ନେଇ ନ ଥିବା ସୂଚନା ମିଳିଛି । ସତ୍ୟଜିତ ମହାନ୍ତି ୧୯୮୮ ବ୍ୟାଚର ଆଇପିଏସ ଅଫିସର । ଡିଜିପି ଅନୁପସ୍ଥିତ ଥିବାରୁ ସେ ଏବେ ଅତିରିକ୍ତ ଡିଜି ଭାବରେ ଦାୟିତ୍ୱ ତୁଲାଉଛନ୍ତି ।

        </description>
      </item>
      <item>
        <title>
           ଇସ୍କନ ମନ୍ଦିର ସମାଧୀ ସ୍ଥଳ ଉଚ୍ଛେଦ ପ୍ରକ୍ରିୟା ଆରମ୍ଭ
        </title>
        <link>
           http://khabarodisha.com/City/BDA-and-bmc-demolished-illegal-samadhi-peeth-of-iskon-36618
        </link>
        <guid>
           http://khabarodisha.com/City/BDA-and-bmc-demolished-illegal-samadhi-peeth-of-iskon-36618
        </guid>
        <pubDate>
           Sat, 28 Jul 2018 12:39:51 GMT
        </pubDate>
        <description>

ଲଗାଣ ବର୍ଷାରେ ରାଜଧାନୀର ଅବସ୍ଥା ବେହାଲ ହେବା ପରେ ଭୁବନେଶ୍ୱର ଡେପ୍‌ଲପ୍‌ମେଣ୍ଟ ଅଥରିଟି (ବିଡିଏ) ଓ ଭୁବନେଶ୍ୱର ମ୍ୟୁନିସିପାଲ କର୍ପୋରେସନ୍‌ (ବିଏମ୍‌ସି)ର ନିଦ ଭଙ୍ଗିଛି । ସ୍ମାର୍ଟ ସିଟିର ଅବସ୍ଥାକୁ ସୁଧାରିବାକୁ ଆରମ୍ଭ ହୋଇଛି ପ୍ରକ୍ରିୟା । ଆଜିଠାରୁ ଆରମ୍ଭ ହୋଇଛି ଜବର ଦଖଲ ଉଚ୍ଛେଦ କାର୍ଯ୍ୟକ୍ରମ । ଯେଉଁମାନେ ବେଆଇନଭାବେ ଜାତୀୟ ରାଜପଥକୁ ମାଡ଼ି ବସିଛନ୍ତି ସେମାନଙ୍କୁ ହଟାଯାଉଛି । ଜୟଦେବ ବିହାରଠାରୁ ଆରମ୍ଭ କରି ଆଇଆରସି ଭିଲେଜ୍‌ ପର୍ଯ୍ୟନ୍ତ ଜବର ଦଖଲ ଉଚ୍ଛେଦ କରାଯାଉଛି । ଇସ୍କନ ମନ୍ଦିରର ଥିବା ସମାଧି ସ୍ଥଳରୁ ପ୍ରଥମେ ଉଚ୍ଛେଦ ଆରମ୍ଭ ହୋଇଛି ।

ଜାତୀୟ ରାଜପଥକୁ ଲାଗି ପ୍ରାୟ ୨୦ରୁ ୩୦ ଫୁଟ ଜାଗା ଜବରଦଖଲ କରି ଇସ୍କନ ନିର୍ମାଣ କରିଥିବା ଗୌରଗୋବିନ୍ଦ ଗୁରୁଗୋସ୍ୱାମୀ ମହାରାଜାଙ୍କର ସମାଧିସ୍ଥଳକୁ ବିଏମସି ଓ ବିଡିଏ ପକ୍ଷରୁ ଭଙ୍ଗାଯାଇଛି । ଏହା ପୂର୍ବରୁ ଇସ୍କନ କର୍ତ୍ତୃପକ୍ଷଙ୍କୁ ନୋଟିସ ଜାରି କରାଯାଇଥିଲା । କୌଣସି ଅପ୍ରିତୀକର ପରିସ୍ଥିତି ସୃଷ୍ଟି ହେବା ଆଶଙ୍କାରେ ସେଠାରେ ୨ ପ୍ଲାଟୁନ ପୁରୁଷ ଓ ମହିଳା ପୋଲିସ ଫୋର୍ସ ମୁତୟନ କରାଯାଇଛି । ସମାଧିପୀଠ ଉଚ୍ଛେଦ ନେଇ ଇସ୍କନ ମହନ୍ତ ଅସନ୍ତୋଷ ପ୍ରକାଶ କରିଛନ୍ତି । ପ୍ରଶାସନ ନିଜର ଅପାରଗତାକୁ ଲୁଚାଇବାକୁ ଏଭଳି ପଦକ୍ଷେପ ନେଇଛି । ଏହାର ଜବାବ ଚାରି କୋଟି ଓଡ଼ିଆ ଦେବେ ବୋଲି ସେ କହିଛନ୍ତି ।  

        </description>
      </item>
   </rss>
 </channel>