<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ନିୟମ ଭାଙ୍ଗି ବାଣ ଫୁଟାଇବା ପଡ଼ିଲା ମହଙ୍ଗା, ଟ୍ୱିନ୍‌ ସିଟିରେ ୩୭୦ଙ୍କ ବିରୋଧରେ କାର୍ଯ୍ୟାନୁଷ୍ଠାନ, ୨୩୦ଜଣ ଦେଲେ ଜୋରିମାନା
        </title>
        <link>
           http://khabarodisha.com/City/commissionerate-police-takes-action-on-370-people-to-break-the-sc-rule-42778
        </link>
        <guid>
           http://khabarodisha.com/City/commissionerate-police-takes-action-on-370-people-to-break-the-sc-rule-42778
        </guid>
        <pubDate>
           Thu, 08 Nov 2018 15:51:55 GMT
        </pubDate>
        <description>

ସୁପ୍ରିମକୋର୍ଟଙ୍କ ନିର୍ଦ୍ଦେଶାବଳୀକୁ ଉଲ୍ଲଘଂନ କରିବା ମହଙ୍ଗା ପଡ଼ିଛି । ଟ୍ୱିନ୍‌ ସିଟି କଟକ ଓ ଭୁବନେଶ୍ୱରରେ ନିୟମକୁ ନ  ମାନ ବାଣ ଫୁଟାଇଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ନିୟମକୁ ଉଲ୍ଲଂଘନ କରିବା ଅଭିଯୋଗରେ ୧୪୦ ଜଣଙ୍କ ନାଁରେ ମାମଲା ରୁଜୁ ହୋଇଥିବାବେଳେ ୨୩୦ ଜଣଙ୍କଠାରୁ ଜୋରିମାନା ଆଦାୟ କରାଯାଇଛି । ଏ ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ କମିଶନର୍‌ ସତ୍ୟଜିତ ମହାନ୍ତି । 

ଦୀପାବଳିରେ ରାତି ୮ ଟାରୁ ୧୦ଟା ମଧ୍ୟରେ ବାଣ ଫୁଟାଇବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ । ଏଥିପାଇଁ ସ୍ୱତନ୍ତ୍ର ଗାଇଡ଼୍‌ ଲାଇନ୍‌ ମଧ୍ୟ ଜାରି କରିଥିଲେ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ କଟକ ଓ ଭୁବନେଶ୍ୱରରେ ନିୟମକୁ କଡ଼ାକଡ଼ି ଭାବରେ ପାଳନ କରିବାକୁ କମିଶନରେଟ୍‌ ପୋଲିସ ନିର୍ଦ୍ଦେଶ ଦେଇଥିଲେ । ନିର୍ଦ୍ଧାରିତ ସମୟରେ ବାଣ ଫୁଟାଇବା ଏବଂ ଜନବସତିରୁ ଦୂରେଇ ରହି ବାଣ ଫୁଟାଇବାକୁ ପରାମର୍ଶ ଦିଆଯାଇଥିଲା । କିନ୍ତୁ ଦୁଇଟି ସମୟରେ ରାତି ୮ ପୂର୍ବରୁ ଓ ୧୦ ପରେ କିଛି ଲୋକ ବାଣ ଫୁଟାଇଥିଲେ । ନିୟମ ଉଲ୍ଲଂଘନ କରିବା ଅଭିଯୋଗରେ ୩୭୦ ଜଣଙ୍କ ବିରୋଧ୍ୟରେ କମିଶନରେଟ୍‌ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଫାୟାର୍‌ କ୍ରାକର୍‌ ରେଗୁଲେସନ୍‌ ଆକ୍ଟ ଅନୁଯାୟୀ ୧୪୦ ଜଣଙ୍କ ନାଁରେ ମାମଲା ରୁଜୁ ହୋଇଛି । ସେହିପରି ସହରାଞ୍ଚଳ ପୋଲିସ ଧାରା ଅନୁଯାୟୀ ୨୩୦ ଜଣଙ୍କୁ ଅର୍ଥ ଦଣ୍ଡରେ ଦଣ୍ଡିତ କରାଯାଇଛି । ୨୩୦ ଜଣଙ୍କଠାରୁ ପ୍ରାୟ ୧ ଲକ୍ଷ ୧୫ ହଜାର ଟଙ୍କା ଆଦାୟ ହୋଇଥିବା ପୋଲିସ କମିଶନର୍‌ ସୂଚନା ଦେଇଛନ୍ତି ।

        </description>
      </item>
      <item>
        <title>
           ରାଜଧାନୀରେ ବଢ଼ୁଛି ଅପରାଧ: ନିଖୋଜ ଯୁବକଙ୍କ ମୃତ ଦେହ ଉଦ୍ଧାର
        </title>
        <link>
           http://khabarodisha.com/City/rajesh-bhadra-dead-body-found-at-gangua-in-bhubaneswar-42588
        </link>
        <guid>
           http://khabarodisha.com/City/rajesh-bhadra-dead-body-found-at-gangua-in-bhubaneswar-42588
        </guid>
        <pubDate>
           Mon, 05 Nov 2018 12:02:22 GMT
        </pubDate>
        <description>

ଦିନକୁ ଦିନକୁ ରାଜ୍ୟ ରାଜଧାନୀରେ ଅପରାଧ ସଂଖ୍ୟା ବଢ଼ିବାରେ ଲାଗିଛି । କିଛିଟା ଦିନର ବ୍ୟବଧାନରେ ହତ୍ୟାକାଣ୍ଡ ଭଳି ସଙ୍ଗୀନ ମାମଲା ସାମ୍ନାକୁ ଆସୁଛି । ପୋଲିସକୁ ଖାତିର କରୁନାହାଁନ୍ତି ଅପରାଧି । ଫଳରେ ଅସୁରକ୍ଷିତ ହୋଇପଡ଼ୁଛି ଭୁବନେଶ୍ୱର । ଆଜି ପୁଣି କୂଆଖାଇ ନଦୀ ନିକଟସ୍ଥ କଙ୍ଗୁଆନାଳ ନିକଟରୁ ରାଜେଶ ଭଦ୍ରା ନାମକ ଯୁବକଙ୍କ ମୃତ ଦେହ ଉଦ୍ଧାର ହୋଇଛି । ତାଙ୍କ ଘର କେନ୍ଦ୍ରାପଡ଼ାରେ ହୋଇଥିବାବେଳେ ସେ ଭୁବନେଶ୍ୱରର ସତ୍ୟବିହାର ଅଂଚଳରେ ରହୁଥିଲେ । ତାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । 

ମିଳିଥିବା ପ୍ରାଥିମିକ ସୂଚନା ମୁତାବକ, କେନ୍ଦ୍ରାପଡ଼ାର ରାଜେଶ ସତ୍ୟବିହାରରେ ରହୁଥିଲେ । ତାଙ୍କ ବାପା ଜଣେ ପରିବା ବ୍ୟବସାୟୀ । ପଳାଶୁଣୀରେ ତାଙ୍କର ପରିବା ଦୋକାନ ରହିଛି । କିନ୍ତୁ ଗତ ୫ ଦିନ ହେଲା ରାଜେଶ ନିଖୋଜ ଥିଲା । ଏ ନେଇ ରାଜେଶଙ୍କ ବାପା ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ । ତାଙ୍କୁ ଦୁଇ ଜଣ ଦୁର୍ବୃତ୍ତ ମାଡ଼ ମାରିଥିବା ମଧ୍ୟ ସେ ଉଲ୍ଲେଖ କରିଥିଲେ । ତେବେ ଆଜି ସକାଳୁ କଙ୍ଗୁଆନାଳ ନିକଟରେ ରାଜେଶଙ୍କ ମୃତ ଦେହକୁ ଦେଖି ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ମଞ୍ଚେଶ୍ୱର ଥାନା ପୋଲିସ ଘଟଣାସ୍ଥଳରେ ପହଁଛି ମୃତଦେହକୁ ଜବତ କରିଥିଲା । ତେବେ ରାଜେଶଙ୍କ ପରିବାର ଲୋକ ତାଙ୍କୁ ଚିହ୍ନଟ କରିଥିଲେ । 

ମୃତ ଦେହ ଏକ ଅଖାରେ ବନ୍ଧା ହୋଇଥିଲା । ତେଣୁ ତାଙ୍କୁ ଦୁର୍ବୃତ୍ତମାନେ ହତ୍ୟା କରି ଅଖା ଭର୍ତ୍ତି କରି ଫୋପାଡ଼ି ଦେଇଥିବା ସନ୍ଦେହ କରାଯାଉଛି । ହତ୍ୟାକାଣ୍ଡର କାରଣ ସ୍ପଷ୍ଟ ହୋଇ ନଥିବାବେଳେ ପୋଲିସ ଓ ସାଇଣ୍ଟିଫିକ୍‌ ଟମ୍‌ ପହଁଚି ତନାଘନା ଆରମ୍ଭ କରିଛନ୍ତି । 

        </description>
      </item>
      <item>
        <title>
           ପୂରିଲା ଡେଡ୍‌ ଲାଇନ୍‌, ଆସନ୍ତାକାଲିଠୁ ପଲିଥିନ୍‌ ବ୍ୟାନ୍‌ ନିୟମ କଡ଼ାକଡ଼ି
        </title>
        <link>
           http://khabarodisha.com/City/polythene-ban-rule-to-stronlgly-impemented-from-tomorrow-42259
        </link>
        <guid>
           http://khabarodisha.com/City/polythene-ban-rule-to-stronlgly-impemented-from-tomorrow-42259
        </guid>
        <pubDate>
           Wed, 31 Oct 2018 14:01:12 GMT
        </pubDate>
        <description>

ପରିବେଶକୁ ପ୍ରଦୂଷଣ ମୁକ୍ତ କରିବାକୁ ରାଜ୍ୟ ସରକାର ପଲିଥିନ୍‌ ବ୍ୟାନ୍‌ କରିବାକୁ ନେଇଥିବା ପଦକ୍ଷେପକୁ ମାସେ ପୁରିବାକୁ ବସିଛି । ମାତ୍ର ଏ ପର୍ଯ୍ୟନ୍ତ ୬ଟି ସହର ସଂପୂର୍ଣ୍ଣଭାବେ ପଲିଥିନ୍‌ ମୁକ୍ତ ହୋଇ ପାରି ନାହିଁ । ତେବେ ଏଥିପାଇଁ ଦିଆଯାଇଥିବା ଡେଡ୍‌ ଲାଇନ୍‌ ଆଜି ପୂରଣ ହୋଇଛି । ତେଣୁ ଆସନ୍ତାକାଲିଠାରୁ ନିୟମକୁ କଡ଼ାକଡ଼ି ଭାବରେ ପାଳନ କରାଯିବ ବୋଲି ପରିବେଶ ବିଭାଗ ନିର୍ଦ୍ଦେଶକ କେ. ମୁରୁଗେସନ କହିଛନ୍ତି । 

ଅକ୍ଟୋବର ୨ ଗାନ୍ଧୀ ଜୟନ୍ତୀଠାରୁ ରାଜ୍ୟ ୫ଟି ମହାନଗର ନିଗମ ଓ ପୁରୀ ସହରରେ ପଲିଥିନ୍‌ ବ୍ୟବହାର ଉପରେ କଟକଣା ଜାରି କରାଯାଇଥିଲା । ପ୍ରଥମ ପର୍ଯ୍ୟାୟରେ ଭୁବନେଶ୍ୱର, ସମ୍ବଲପୁର, ବ୍ରହ୍ମପୁର, କଟକ ଓ ରାଉରକେଲା ମହାନଗର ନିଗମ ସହ ପୁରୀ ମ୍ୟୁନିସିପାଲଟିରେ ପଲିଥିନ ବ୍ୟାନ କରାଯାଇଛି । କିନ୍ତୁ ଏହା ସଂପୂର୍ଣ୍ଣ ଭାବରେ କାର୍ଯ୍ୟକାରୀ ହୋଇ ନଥିବା ଦେଖାଯାଇଛି । ତେବେ ଏଥିପାଇଁ ଅକ୍ଟୋବର ୩୧ ପର୍ୟ୍ୟରନ୍ତ ସମୟ ଦିଆଯାଇଥିଲା । ଯାହାର ଅବଧି ଆଜି ଶେଷ ହୋଇଛି । ଆସନ୍ତାକାଲିଠାରୁ ନିୟମକୁ କଡ଼ାକଡ଼ି କରାଯିବ । ପଲିଥିନ ତିଆରି କରୁଥିବା କାରଖାନା ଓ ବିକ୍ରି କରୁଥିବା ଦୋକାନ ଗୁଡ଼ିକରେ ଉପରେ ଚଢ଼ାଉ କରିବାକୁ ନଗର ଉନ୍ନୟନ ବିଭାଗକୁ ଚିଠି ଲେଖାଯାଇଛି ବୋଲି ପରିବେଶ ନିର୍ଦ୍ଦେଶକ କହିଛନ୍ତି । ଯେଉଁମାନେ ନିୟମ ଉଲ୍ଲଂଘନ କରୁଛନ୍ତି ସେମାନଙ୍କୁ ଜେଲ ଦଣ୍ଡ ସହିତ ଅର୍ଥ ଦଣ୍ଡରେ ଦଣ୍ଡିତ କରାଯିବ । ଯେଉଁମାନେ ପଲିଥିନ୍‌ ତିଆରି କରୁଛନ୍ତି ସେମାନଙ୍କୁ ୧ ଲକ୍ଷ ଟଙ୍କା ଜୋରିମାନା ଦେବାକୁ ପଡ଼ିବ । ସେହିପରି ଦୋକାନରେ ଯେଉଁମାନେ ବିକ୍ରି କରୁଛନ୍ତି ସେମାନଙ୍କୁ ୩/୫/୭ ହଜାର ଟଙ୍କା ଦେବାକୁ ପଡ଼ିବ ବୋଲି ଶ୍ରୀ ମୁରୁଗେସନ କହିଛନ୍ତି । 

ତେବେ ଏହାରି ମଧ୍ୟରେ ୫୦ ପ୍ରତିଶତ ପଲିଥିନ୍‌ ବ୍ୟବହାର କମିଥିବା ସେ ସୂଚନା ଦେଇଛନ୍ତି । ଏହା ସହିତ କେତେକ ସ୍ଥାନରେ ପେପର୍‌ ଓ କପଡ଼ା ବ୍ୟାଗ ମଧ୍ୟ ବ୍ୟବହାର କରାଯାଉଥିବା ସେ କହିଛନ୍ତି ।

        </description>
      </item>
      <item>
        <title>
           ଆଜିଠାରୁ ୬ଟି ସହର ହେବ ପଲିଥିନ ମୁକ୍ତ, ପୁରୀରେ ଚଢ଼ାଉ
        </title>
        <link>
           http://khabarodisha.com/City/Six-citites-of-odisha-will-polythene-free-from-today-40645
        </link>
        <guid>
           http://khabarodisha.com/City/Six-citites-of-odisha-will-polythene-free-from-today-40645
        </guid>
        <pubDate>
           Tue, 02 Oct 2018 12:03:05 GMT
        </pubDate>
        <description>

ଜାତିର ପିତା ମହାତ୍ମଗାନ୍ଧୀଙ୍କ ୧୫୦ ତମ ଜନ୍ମଜୟନ୍ତୀ ଅବସରରେ ରାଜ୍ୟରେ ପ୍ରମୁଖ ସହରଗୁଡ଼ିକ ପଲିଥିନ ମୁକ୍ତ ହେବ । ପ୍ରଥମ ପର୍ଯ୍ୟାୟରେ ଭୁବନେଶ୍ୱର, ସମ୍ବଲପୁର, ବ୍ରହ୍ମପୁର, କଟକ ଓ ରାଉରକେଲା ମହାନଗର ନିଗମ ସହ ପୁରୀ ମ୍ୟୁନିସିପାଲଟିରେ ପଲିଥିନ ବ୍ୟାନ କରାଯାଇଛି । ଏହି ନିୟମ ଉଲ୍ଲଂଘନ କଲେ ଦୋଷୀଙ୍କୁ ୫ ବର୍ଷ ଜେଲ ଦଣ୍ଡ ସହ ୧ ଲକ୍ଷ ଟଙ୍କା ଜରିମାନା କରାଯିବ । ସେହିପରି ଛୋଟ ଛୋଟ ବ୍ୟବସାୟଙ୍କ ପାଇଁ ୨ରୁ ୩ ହଜାର ଟଙ୍କା ପର୍ଯ୍ୟନ୍ତ ଜୋରିମାନା ବ୍ୟବସ୍ଥା କରିବାକୁ ରାଜ୍ୟ ସରକାର ମ୍ୟୁନିସିପାଲ ଆଇନ ଆଣିବେ । ସେହିପରି ପ୍ଲାଷ୍ଟିକ୍‌ ମୁକ୍ତ କରିବାକୁ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ବାଲୁକାକଳା ମାଧ୍ୟମରେ ବାର୍ତ୍ତା ଦେଇଛନ୍ତି । 

ରାଜ୍ୟ ସରକାରଙ୍କ ନିୟମ ଅନୁସାରେ କୌଣସି ବ୍ୟକ୍ତି ପ୍ଲାଷ୍ଟିକ ବିକ୍ରି, ବ୍ୟବସାୟ, ଉତ୍ପାଦନ, ଆମଦାନୀ କିମ୍ବା ସଂରକ୍ଷିତ ରଖିପାରିବେ ନାହିଁ । ଜିନିଷପତ୍ର ନେବା ଆଣିବା, ପରିବହନ କ୍ଷେତ୍ରରେ ମଧ୍ୟ ଏହାର ବ୍ୟବହାର ହେବ ନାହିଁ । ୫୦୦ ମିଲିଲିଟରଠୁ କମ୍ ପରିମାଣର ପାଣିବୋତଲ, ଥର୍ମୋକୁଲ କିମ୍ବା ପ୍ଲାଷ୍ଟିକ୍‌ ପ୍ରସ୍ତୁତ ଥାଳି, ଚାମଚ, କପ୍, ପ୍ଲେଟ୍, ଗ୍ଲାସ୍, ଷ୍ଟ୍ର, ପାଉଚ୍ ଏବଂ ଅନ୍ୟ ତରଳ ପଦାର୍ଥ ରହୁଥିବା କଣ୍ଟେନର ମଧ୍ୟ ବ୍ୟବହାର କରାଯିବନି । ସେହିଭଳି କୌଣସି ବ୍ୟକ୍ତି ଜାଣତରେ କିମ୍ବା ଅଜାଣତରେ ପ୍ଲାଷ୍ଟିକ ଏଣେ ତେଣେ ଫିଙ୍ଗି ପାରିବେ ନାହିଁ ।

ତେବେ ଦ୍ରବ୍ୟ ସଂରକ୍ଷଣ, ପରିବହନ, ପ୍ୟାକେଜିଂ ପାଇଁ ବ୍ୟବହାର ହେଉଥିବା ୫୦ ମାଇକ୍ରନଠାରୁ ଅଧିକ ମୋଟେଇ ପଲିଥିନ୍, ବିକ୍ରି ପାଇଁ ଉଦ୍ଦିଷ୍ଟ ଖାଦ୍ୟ ଓ ପାନୀୟ ରହୁଥିବା ପ୍ଲାଷ୍ଟିକ୍ ବ୍ୟବହାର କରିବା ଉପରେ କଟକଣା ରହିବ ନାହିଁ । ନର୍ସରୀ, କୃଷି, ଉଦ୍ୟାନ କୃଷି ଲାଗି ବ୍ୟବହାର ହେଉଥିବା ପଲିଥିନ୍ ଓ ସ୍ୱାସ୍ଥ୍ୟକ୍ଷେତ୍ର ବିଶେଷ କରି ମେଡିସିନ୍, ରକ୍ତ ସଂରକ୍ଷଣ ବ୍ୟାଗ୍, ସିରିଞ୍ଜ୍ ଓ ଅନ୍ୟ ଡାକ୍ତରୀ ଉପକରଣ କ୍ଷେତ୍ରରେ କୌଣସି କଟକଣା ଲାଗିବନି।

ଜିଲ୍ଲାପାଳ ଓ ଉପ ଜିଲ୍ଲାପାଳଙ୍କୁ ବିଭିନ୍ନ ପ୍ରତିଷ୍ଠାନରେ ଚଢଉ କରିବାକୁ ନିର୍ଦ୍ଦେଶ ଦିଆଯାଇଛି । ଏହାକୁ ଏକ ମାସ ପର୍ୟ୍କନ୍ତ କୋହଳ କରାଯିବା ସହ ନିୟମ ନ ମାନିଲେ ନଭେମ୍ବର ୨ରୁ ମାମଲା ରୁଜୁ ହେବ । ତେବେ ପୁରୀ ସହରରେ ଚଢ଼ାଉ ଆରମ୍ଭ ହୋଇଯାଇଛି । ଜିଲ୍ଲାପାଳଙ୍କ ନେତୃତ୍ୱରେ ଶ୍ରୀମନ୍ଦିର ନିକଟରେ ଥିବା ଦୋକାନ ଗୁଡ଼ିକରେ ରେଡ୍‌ କରାଯାଉଥିବା ସୂଚନା ମିଳିଛି । 

        </description>
      </item>
      <item>
        <title>
           ଆଜିଠାରୁ ୬ଟି ସହର ହେବ ପଲିଥିନ ମୁକ୍ତ, ପୁରୀରେ ଚଢ଼ାଉ
        </title>
        <link>
           http://khabarodisha.com/City/Six-citites-of-odisha-will-polythene-free-from-today-40645
        </link>
        <guid>
           http://khabarodisha.com/City/Six-citites-of-odisha-will-polythene-free-from-today-40645
        </guid>
        <pubDate>
           Tue, 02 Oct 2018 12:03:05 GMT
        </pubDate>
        <description>

ଜାତିର ପିତା ମହାତ୍ମଗାନ୍ଧୀଙ୍କ ୧୫୦ ତମ ଜନ୍ମଜୟନ୍ତୀ ଅବସରରେ ରାଜ୍ୟରେ ପ୍ରମୁଖ ସହରଗୁଡ଼ିକ ପଲିଥିନ ମୁକ୍ତ ହେବ । ପ୍ରଥମ ପର୍ଯ୍ୟାୟରେ ଭୁବନେଶ୍ୱର, ସମ୍ବଲପୁର, ବ୍ରହ୍ମପୁର, କଟକ ଓ ରାଉରକେଲା ମହାନଗର ନିଗମ ସହ ପୁରୀ ମ୍ୟୁନିସିପାଲଟିରେ ପଲିଥିନ ବ୍ୟାନ କରାଯାଇଛି । ଏହି ନିୟମ ଉଲ୍ଲଂଘନ କଲେ ଦୋଷୀଙ୍କୁ ୫ ବର୍ଷ ଜେଲ ଦଣ୍ଡ ସହ ୧ ଲକ୍ଷ ଟଙ୍କା ଜରିମାନା କରାଯିବ । ସେହିପରି ଛୋଟ ଛୋଟ ବ୍ୟବସାୟଙ୍କ ପାଇଁ ୨ରୁ ୩ ହଜାର ଟଙ୍କା ପର୍ଯ୍ୟନ୍ତ ଜୋରିମାନା ବ୍ୟବସ୍ଥା କରିବାକୁ ରାଜ୍ୟ ସରକାର ମ୍ୟୁନିସିପାଲ ଆଇନ ଆଣିବେ । ସେହିପରି ପ୍ଲାଷ୍ଟିକ୍‌ ମୁକ୍ତ କରିବାକୁ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ବାଲୁକାକଳା ମାଧ୍ୟମରେ ବାର୍ତ୍ତା ଦେଇଛନ୍ତି । 

ରାଜ୍ୟ ସରକାରଙ୍କ ନିୟମ ଅନୁସାରେ କୌଣସି ବ୍ୟକ୍ତି ପ୍ଲାଷ୍ଟିକ ବିକ୍ରି, ବ୍ୟବସାୟ, ଉତ୍ପାଦନ, ଆମଦାନୀ କିମ୍ବା ସଂରକ୍ଷିତ ରଖିପାରିବେ ନାହିଁ । ଜିନିଷପତ୍ର ନେବା ଆଣିବା, ପରିବହନ କ୍ଷେତ୍ରରେ ମଧ୍ୟ ଏହାର ବ୍ୟବହାର ହେବ ନାହିଁ । ୫୦୦ ମିଲିଲିଟରଠୁ କମ୍ ପରିମାଣର ପାଣିବୋତଲ, ଥର୍ମୋକୁଲ କିମ୍ବା ପ୍ଲାଷ୍ଟିକ୍‌ ପ୍ରସ୍ତୁତ ଥାଳି, ଚାମଚ, କପ୍, ପ୍ଲେଟ୍, ଗ୍ଲାସ୍, ଷ୍ଟ୍ର, ପାଉଚ୍ ଏବଂ ଅନ୍ୟ ତରଳ ପଦାର୍ଥ ରହୁଥିବା କଣ୍ଟେନର ମଧ୍ୟ ବ୍ୟବହାର କରାଯିବନି । ସେହିଭଳି କୌଣସି ବ୍ୟକ୍ତି ଜାଣତରେ କିମ୍ବା ଅଜାଣତରେ ପ୍ଲାଷ୍ଟିକ ଏଣେ ତେଣେ ଫିଙ୍ଗି ପାରିବେ ନାହିଁ ।

ତେବେ ଦ୍ରବ୍ୟ ସଂରକ୍ଷଣ, ପରିବହନ, ପ୍ୟାକେଜିଂ ପାଇଁ ବ୍ୟବହାର ହେଉଥିବା ୫୦ ମାଇକ୍ରନଠାରୁ ଅଧିକ ମୋଟେଇ ପଲିଥିନ୍, ବିକ୍ରି ପାଇଁ ଉଦ୍ଦିଷ୍ଟ ଖାଦ୍ୟ ଓ ପାନୀୟ ରହୁଥିବା ପ୍ଲାଷ୍ଟିକ୍ ବ୍ୟବହାର କରିବା ଉପରେ କଟକଣା ରହିବ ନାହିଁ । ନର୍ସରୀ, କୃଷି, ଉଦ୍ୟାନ କୃଷି ଲାଗି ବ୍ୟବହାର ହେଉଥିବା ପଲିଥିନ୍ ଓ ସ୍ୱାସ୍ଥ୍ୟକ୍ଷେତ୍ର ବିଶେଷ କରି ମେଡିସିନ୍, ରକ୍ତ ସଂରକ୍ଷଣ ବ୍ୟାଗ୍, ସିରିଞ୍ଜ୍ ଓ ଅନ୍ୟ ଡାକ୍ତରୀ ଉପକରଣ କ୍ଷେତ୍ରରେ କୌଣସି କଟକଣା ଲାଗିବନି।

ଜିଲ୍ଲାପାଳ ଓ ଉପ ଜିଲ୍ଲାପାଳଙ୍କୁ ବିଭିନ୍ନ ପ୍ରତିଷ୍ଠାନରେ ଚଢଉ କରିବାକୁ ନିର୍ଦ୍ଦେଶ ଦିଆଯାଇଛି । ଏହାକୁ ଏକ ମାସ ପର୍ୟ୍କନ୍ତ କୋହଳ କରାଯିବା ସହ ନିୟମ ନ ମାନିଲେ ନଭେମ୍ବର ୨ରୁ ମାମଲା ରୁଜୁ ହେବ । ତେବେ ପୁରୀ ସହରରେ ଚଢ଼ାଉ ଆରମ୍ଭ ହୋଇଯାଇଛି । ଜିଲ୍ଲାପାଳଙ୍କ ନେତୃତ୍ୱରେ ଶ୍ରୀମନ୍ଦିର ନିକଟରେ ଥିବା ଦୋକାନ ଗୁଡ଼ିକରେ ରେଡ୍‌ କରାଯାଉଥିବା ସୂଚନା ମିଳିଛି । 

        </description>
      </item>
      <item>
        <title>
           କଳିଙ୍ଗ ଷ୍ଟାଡିୟମ ନିକଟ ଜଗନ୍ନାଥ ବସ୍ତି ଉଚ୍ଛେଦ ଜାରି, ବସ୍ତିବାସିନ୍ଦାଙ୍କ ଧାରଣା
        </title>
        <link>
           http://khabarodisha.com/City/BDA-starts-eviction-procedue-at-jagannath-basti-40346
        </link>
        <guid>
           http://khabarodisha.com/City/BDA-starts-eviction-procedue-at-jagannath-basti-40346
        </guid>
        <pubDate>
           Thu, 27 Sep 2018 11:39:10 GMT
        </pubDate>
        <description>

କଳିଙ୍ଗ ଷ୍ଟାଡିୟମ ନିକଟରେ ଥିବା ଜଗନ୍ନାଥ ବସ୍ତିରେ ଆରମ୍ଭ ହୋଇଛି ଉଚ୍ଛେଦ ପ୍ରକ୍ରିୟା । କଡ଼ା ସୁରକ୍ଷାବଳୟ ମଧ୍ୟରେ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ), ଭୁବନେଶ୍ୱର ମ୍ୟୁନିସିପାଲ କର୍ପୋରେସନ୍‌ (ବିଏମସି) ଓ କମିଶନରେଟ ପୋଲିସର ମିଳିତ ଉଦ୍ୟମରେ ଘର ଉଚ୍ଛେଦ କରାଯାଉଛି । ଘର ଉଚ୍ଛେଦ ନେଇ ବସ୍ତି ବାସିନ୍ଦାଙ୍କ ମଧ୍ୟରେ ତୀବ୍ର ଉତ୍ତେଜନା ପ୍ରକାଶ ପାଇଛି । ଏହାକୁ ବିରୋଧ କରି ଜୟଦେବ ବିହାର ଛକରେ ବସ୍ତିବାସିନ୍ଦାମାନେ ଧାରଣା ଦେଇଛନ୍ତି । ଫଳରେ ୧୦ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । 

କଳିଙ୍ଗ ଷ୍ଟାଡିୟମର ଉନ୍ନତୀକରଣରେ ବାଧକ ସାଜୁଥିବା ଯୋଗୁଁ ଜଗନ୍ନାଥ ବସ୍ତିକୁ ଉଚ୍ଛେଦ କରାଯାଉଛି । ଏହି ବସ୍ତିକୁ ବହୁ ପୂର୍ବରୁ ଉଚ୍ଛେଦ କରିବାକୁ ଯୋଜନା ହୋଇଥିବାବେଳେ ସ୍ଥାନୀୟ ଲୋକଙ୍କ ବିରୋଧ ଯୋଗୁଁ ସମ୍ଭବ ହୋଇପାରିନଥିଲା ।  ଷ୍ଟାଡିୟମରେ ନଭେମ୍ବର ୨୮ରୁ ଡିସେମ୍ବର ୧୬ ପର୍ଯ୍ୟନ୍ତ ହେବାକୁ ଥିବା ହକି ବିଶ୍ୱକପକୁ ଦୃଷ୍ଟିରେ ରଖି ଉଚ୍ଛେଦ କରାଯାଉଛି । ଏହି ବସ୍ତିରେ ପ୍ରାୟ ୩୨୦ ପରିବାର ବସବାସ କରୁଥିବାବେଳେ ସେମାନଙ୍କୁ ସମ ହସ୍ପିଟାଲ ନିକଟସ୍ଥ ପଣ୍ଡାକୁଡିଆକୁ ସ୍ଥାନାନ୍ତର କରିବାକୁ ସରକାର ପ୍ରତିଶ୍ରୁତି ଦେଇଛନ୍ତି । ତେବେ ବସ୍ତି ବାସିନ୍ଦାଙ୍କ କହିବା ମୁତାବକ ପୂର୍ବରୁ ମଧ୍ୟ ୪୪ଟି ଘର ସରକାର ଭାଙ୍ଗିଥିବାବେଳେ ଘର ପ୍ରତି ମାତ୍ର ୧୦ ହଜାର ଟଙ୍କା ଲେଖାଏଁ ଦିଆଯାଇଥିଲା । 

ହକି ବିଶ୍ୱକପ ପାଇଁ କଳିଙ୍ଗ ଷ୍ଟାଡିୟମକୁ ରାଜ୍ୟ ସରକାର ସ୍ପୋର୍ଟ୍ସ କମ୍ପଲେକ୍ସରେ ପରିଣତ କରିଥିବାରୁ ବର୍ଷ ତମାମ ଜାତୀୟ ଓ ଆନ୍ତର୍ଜାତୀୟ କ୍ରୀଡା ପ୍ରତିଯୋଗିତା ଆୟୋଜିତ ହେବ । ତେଣୁ ଗାଡି ପାର୍କିଂ ଓ ଯାତାୟାତ ପାଇଁ ପ୍ରଶସ୍ତ ରାସ୍ତା ଆବଶ୍ୟକ ଥିବାରୁ ବସ୍ତି ଉଚ୍ଛେଦର ଆବଶ୍ୟକତା ରହିଥିବା ସରକାର ଉପସ୍ଥାପନ କରିଛନ୍ତି । 

        </description>
      </item>
      <item>
        <title>
           ଭୁବନେଶ୍ୱରରେ ଆରମ୍ଭ ହେଲା ଫାଇଲେରିଆ ନିରାକରଣ ଅଭିଯାନ
        </title>
        <link>
           http://khabarodisha.com/City/filaria-cure-campaign-starts-at-bhubaneswar-40290
        </link>
        <guid>
           http://khabarodisha.com/City/filaria-cure-campaign-starts-at-bhubaneswar-40290
        </guid>
        <pubDate>
           Wed, 26 Sep 2018 11:15:22 GMT
        </pubDate>
        <description>

ଆଜି ଖୋର୍ଦ୍ଧା, କଟକ ଓ ଢ଼େଙ୍କାନାଳରେ ଫାଇଲେରିଆ ନିରାକରଣ ଅଭିଯାନ ଆରମ୍ଭ ହୋଇଛି । ସେଥିପାଇଁ ଆଜିଠାରୁ ଫାଇଲେରିଆ ବଟିଆ ବଣ୍ଟନ କରାଯାଉଛି । ଭୁବନେଶ୍ୱରରେ ୟୁନିଟ ୯ସ୍ଥିତ ବାଳିକା ବିଦ୍ୟାଳୟରୁ ଅଭିଯାନ ଆରମ୍ଭ ହୋଇଛି । 

ଭୁବନେଶ୍ୱରରେ ପ୍ରାୟ ୮,୪୮,୦୩୧ଲୋକଙ୍କୁ ଡିଇସି ବଟିକା ବଂଟାଯିବ । ଏଥିପାଇଁ ବିଏମସି ପକ୍ଷରୁ ୧୬୭ ସ୍ୱେଚ୍ଛାସେବୀଙ୍କ ସହ ୧୬୩୪ ବିତରଣକାରୀ ନିୟୋଜିତ ହୋଇଛନ୍ତି । ଗର୍ଭବତୀ ମହିଳା, ରୋଗୀ ଓ ୨ ବର୍ଷରୁ କମ ବୟସର ପିଲାଙ୍କୁ ଛାଡି ଅନ୍ୟ ସମସ୍ତେ ଡିଇସି ଔଷଧ ସେବନ କରିପାରିବେ ବୋଲି ପୂର୍ବରୁ ସୂଚନା ଦିଆଯାଇଛି । 

        </description>
      </item>
      <item>
        <title>
           ଉନ୍ମୋଚିତ ହେଲା ଅଟଳ ବିହାରୀ ବାଚ୍ଚପାୟୀଙ୍କ କବିତାର ଓଡିଆ ସଙ୍କଳନ
        </title>
        <link>
           http://khabarodisha.com/City/Book-release-of-Atal-bihari-Bachpayees-Meri-Ekyaban-Kabita-in-Odia-40260
        </link>
        <guid>
           http://khabarodisha.com/City/Book-release-of-Atal-bihari-Bachpayees-Meri-Ekyaban-Kabita-in-Odia-40260
        </guid>
        <pubDate>
           Tue, 25 Sep 2018 18:04:00 GMT
        </pubDate>
        <description>

 ଗତ କାଲି ପୁରୀଠାରେ ଅନୁଷ୍ଠିତ ଭାରତୀୟ ଜନତା ପାଟି ର ମହିଳା ମୋର୍ଚା ର ରାଜ୍ୟ ସ୍ତରୀୟ ସମୀକ୍ଷା ବୈଠକ ରେ ବିଜେପି ରାଷ୍ଟ୍ରୀୟ ଅଧକ୍ଷ ଶ୍ରୀ ଅମିତ ଶାହା ଙ୍କ ବିଶାଳ ସଭା ରେ ଏକ ପୁସ୍ତିକା ର ଲୋକାର୍ପଣ ହୋଇ ଯାଇଛି | ଏହି ପୁସ୍ତିକା ଟି  ସ୍ବର୍ଗତ ଶ୍ରୀ ଅଟଳ ବିହାରୀ ବାଜପେୟୀ ଙ୍କ ଦ୍ୱାରା ରଚିତ ହିନ୍ଦୀ ପୁସ୍ତକ ମେରୀ ଇକ୍ୟାବନ କବିତାଏଁନ୍ ର ଓଡ଼ିଆ ଅନୁବାଦ " ମୋ ଏକାବନ କବିତା " |

କବି ଶ୍ରୀ ଭେଙ୍କଟ ବାଲାଜୀ ବିଶ୍ୱନାଥ ଶତପଥି ଙ୍କ ଦ୍ୱାରା ଅନୁବାଦ ଏହି ବହି ର ମୁଖ ବନ୍ଧ ନାଲକୋ  ର ଏଜିଏମ୍  ଶ୍ରୀ ଅରୁଣ କୁମାର ସାହୁ ଙ୍କ ଦ୍ୱାରା ଲିଖିତ | କବି ବିଶ୍ୱନାଥ ଙ୍କ ର ଅନୁବାଦ ଶୈଳୀ ଓ ତାଙ୍କ ହୃଦୟ ସ୍ପର୍ଶୀ ଶବ୍ଦ ଚାତୁରୀ ରେ ପାଠକ ମାନଙ୍କ ମଧ୍ୟ ରେ ବାଜପେୟୀ ଜି ଙ୍କୁ ପୁନର୍ବାର ଜୀବିତ କରି ତୋଳିଛି | ଶ୍ରୀ ଅମିତ ସାହା , ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ,ମନ୍ତ୍ରୀ  ଶ୍ରୀ ଜୁଏଲ ଓରାମ , ରାଜ୍ୟ  ଅଧକ୍ଷ୍ୟା ଶ୍ରୀ ବାସନ୍ଦ ପଣ୍ଡା , ରାଜ୍ୟ ପ୍ରଭାରୀ ଶ୍ରୀ ଅରୁଣ ସିଂ ଜି ଙ୍କ କର କମଳ ରେ ଏ ବହି ପାଠକ ମାନଙ୍କ ପାଇଁ ବିମୋଚିତ ହୋଇଅଛି | ସଂଗଠନ ମହାମନ୍ତ୍ରୀ ଶ୍ରୀ ମାନସ ରଞ୍ଜନ ମହାନ୍ତି ଙ୍କ ତତ୍ୱାବଧାନ ରେ ଏବଂ ଅଖିଳ ଭାରତୀୟ ସାହିତ୍ୟ ପରିଷଦ ର ନିର୍ଦେଶ କ୍ରମେ ଏହି ପୁସ୍ତକ କବି ବିଶ୍ୱନାଥ ଏହି ପୁସ୍ତକ ଟି ରଚନା କରିଛନ୍ତି |

ଆଗରୁ ବାତପାୟୀଙ୍କର ଏହି ବହି ସୀତୀକାନ୍ତ ମହାପାତ୍ର ଏବଂ ଡ. ସନ୍ତୋଷ ରାଉତ ମଧ୍ୟ ଅନୁବାଦ କରିଥିଲେ | ହେଲେ ସୀତୀକୀନ୍ତ ମହାପାତ୍ର 40ଟି କବିତା ଏବଂ ଡ. ସନ୍ତୋଷ ରାଉତ 43ଟି କବିତା ଅନୁବାଦ କରିଥବା ବେଳେ ଶ୍ରୀ ବିଶ୍ବନାଥ ଶତପଥି ପୁରା ଏକାବନ ଟି କବିତାର ଅନୁବାଦ କରିଛନ୍ତି | ଏବଂ ଏଥି ପାଇଁ ତାଙ୍କୁ ଦୀର୍ଘ ପାଂଚ ବର୍ଷ ପରିଶ୍ରମ କରିବାକୁ ପଡିଛି | କାଲି ଉନ୍ମୋଚନର ପ୍ରଥମ ଦିନରେ ତାଙ୍କର 344ଟି ବହି ବିକ୍ରି ହୋଇଯାଇଛି |

        </description>
      </item>
      <item>
        <title>
           ରାଉରକେଲାକୁ ନୂତନ ଜିଲ୍ଲା ଭାବେ ଘୋଷଣା କରିବା ପାଇଁ ବିଧାୟକ ଦିଲିପ ରାୟଙ୍କ ଦାବି
        </title>
        <link>
           http://khabarodisha.com/City/mla-dilip-ray-demand-for-declare-of-rourkela-as-new-district-39635
        </link>
        <guid>
           http://khabarodisha.com/City/mla-dilip-ray-demand-for-declare-of-rourkela-as-new-district-39635
        </guid>
        <pubDate>
           Fri, 14 Sep 2018 16:10:20 GMT
        </pubDate>
        <description>

ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ ସମୟରେ ୨୫ ବର୍ଷ ତଳେ ସୁରେନ୍ଦ୍ର ନାଥ ନାୟକ ରାଜସ୍ୱ ମନ୍ତ୍ରୀ ଥିବା ବେଳେ ଏକ ଐତିହାସିକ ନିଷ୍ପତି ନିଆଯାଇ ଓଡ଼ିଶାର ଜିଲ୍ଲା ସଂଖ୍ୟା ୧୩ରୁ ୩୦କୁ ବୃଦ୍ଧି କରାଯାଇଥିଲା । ଏବେ ନବୀନ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ କାଳରେ ଅନ୍ତତଃପକ୍ଷେ ରାଉରକେଲା ସମେତ ଆଉ ୩ଟି ନୂଆ ଜିଲ୍ଲା ସୃଷ୍ଟି ପାଇଁ ଦାବି କରିଛନ୍ତି ବିଧାୟକ ଦିଲିପ ରାୟ ।

ସୁନ୍ଦରଗଡ଼, ମୟୂରଭଞ୍ଜ ଓ କେନ୍ଦୁଝର ଭଳି ତିନୋଟି ବଡ଼ ଜିଲ୍ଲାକୁ ସେତେବେଳେ ବିଭାଜିତ କରାଯାଇନଥିଲା । ପୁରୀ ଜିଲ୍ଲାକୁ ଭାଙ୍ଗି ୩ଟି, କଟକ ଜିଲ୍ଲାକୁ ଭାଙ୍ଗି ୪ଟି, ସମ୍ବଲପୁରକୁ ଭାଙ୍ଗି ୪ଟି ଓ କୋରାପୁଟ ଜିଲ୍ଲାକୁ ଭାଙ୍ଗି ୪ଟି ଜିଲ୍ଲା ଗଠନ କରାଯାଇଥିବା ବେଳେ ଅନ୍ୟ ସମସ୍ତ ଅବିଭକ୍ତ ଜିଲ୍ଲାର ମଧ୍ୟ ପୁନର୍ଗଠନ କରାଯାଇ ଛୋଟ ଛୋଟ ଜିଲ୍ଲା ଗଢ଼ି ପ୍ରଶାସନ କଳକୁ ଲୋକଙ୍କ ନିକଟରେ ବିଜୁ ବାବୁ ପହଂଚାଇଥିଲେ । ତେବେ ୧୯୯୫ ନିର୍ବାଚନରେ ପୁଣି ବିଜୁ ବାବୁଙ୍କ ସରକାର ଆସିଥିଲେ ସୁନ୍ଦରଗଡ଼, ମୟୂରଭଞ୍ଜ ଓ କେନ୍ଦୁଝରକୁ ପୁନର୍ଗଠନ କରାଯାଇ ନୂଆ ଜିଲ୍ଲା ସୃଷ୍ଟି କରାଯାଇପାରିଥାନ୍ତା । କିନ୍ତୁ ଜନତା ଦଳ ପୁନର୍ବାର କ୍ଷମତାକୁ ନ ଫେରିବାରୁ ଏହି ପ୍ରକ୍ରିୟା ଅଧାରେ ରହିଯାଇଛି ବୋଲି ବିଜୁବାବୁଙ୍କ ମନ୍ତ୍ରିମଣ୍ଡଳରେ ଶିଳ୍ପମନ୍ତ୍ରୀ ଥିବା ଦିଲିପ ରାୟ କହିଛନ୍ତି ।

ବିଧାନସଭାରେ ଶ୍ରୀ ରାୟ ରାଉରକେଲାକୁ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବା ସହ କେନ୍ଦୁଝର ଓ ମୟୂରଭଞ୍ଜରେ ଜିଲ୍ଲା ପୁନର୍ଗଠନ ଲାଗି ପ୍ରଶ୍ନ ଉଠାଇଥିଲେ । ଏହାର ଉତରରେ ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି କହିଛନ୍ତି ଯେ ରାଉରକେଲାକୁ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବା ଏବଂ କେନ୍ଦୁଝର ଓ ମୟୂରଭଞ୍ଜକୁ ବିଭାଜନ କରି ନୂତନ ଜିଲ୍ଲା ଗଠନ କରିବା ସମ୍ପର୍କରେ ସରକାରଙ୍କ ନିକଟରେ ବର୍ତମାନ କୌଣସି ପ୍ରସ୍ତାବ ନାହିଁ ।

ଏ ସଂକ୍ରାନ୍ତରେ ବିଧାୟକ ଶ୍ରୀ ରାୟ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରି କହିଛନ୍ତି ଯେ ସରକାର ରାଉରକେଲାକୁ ପୋଲିସ ଜିଲ୍ଲାର ମାନ୍ୟତା ଦେଇ ସ୍ୱତନ୍ତ୍ର ଭାବେ ଏସ୍ପି ନିଯୁକ୍ତ କରିଛନ୍ତି । ଏହାଛଡ଼ା ରାଉରକେଲାରେ ମଧ୍ୟ ସ୍ୱତନ୍ତ୍ର ଭାବେ ଅତିରିକ୍ତ ଜିଲ୍ଲାପାଳଙ୍କ ଦପ୍ତର ରହୁଛି । ଇସ୍ପାତ ନଗରୀ ରାଉରକେଲାରେ ଜିଲ୍ଲା ମୁଖ୍ୟ ଦପ୍ତର ପାଇଁ ସମସ୍ତ ପ୍ରକାରର ଅନୁକୂଳ ଭିତିଭୂମି ରହିଛି । ରାଉରକେଲା ଆଖପାଖର ବହୁ ବିଧାୟକ ଓ ପଂଚାୟତ ତଥା ପୌର ସଂସ୍ଥାର ନିର୍ବାଚିତ ପ୍ରତିନିଧିମାନେ ମଧ୍ୟ ଦଳମତ ନିର୍ବିଶେଷରେ ରାଉରକେଲାକୁ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବାକୁ ଚାହାଁନ୍ତି । ଅବିଭକ୍ତ ସୁନ୍ଦରଗଡ଼ ଜିଲ୍ଲା ଆଦିବାସୀ ଅଧ୍ୟୁଷିତ ଅଂଚଳ ଏବଂ ବିପୁଳ ପ୍ରାକୃତିକ ସମ୍ପଦ ସତ୍ୱେ ଏହା ଏବେ ବି ରାଜ୍ୟର ଅନ୍ୟତମ ଅନଗ୍ରସର ଜିଲ୍ଲା ଭାବେ ରହିଛି । ଜିଲ୍ଲା ଶାସନ ବ୍ୟବସ୍ଥାର ବିକେନ୍ଦ୍ରୀକରଣ କରାଗଲେ ବଂଚିତ ଲୋକଙ୍କ ନିକଟରେ ବିକାଶର ଧାରା ପହଂଚିବା ସହଜ ହୋଇପାରିବ ବୋଲି ଶ୍ରୀ ରାୟ ଏକ ବିବୃତିରେ ଉଲ୍ଲେଖ କରିବା ସହିତ ଜିଲ୍ଲା ପୁନର୍ଗଠନ ସଂକ୍ରାନ୍ତରେ ବିଜୁ ବାବୁଙ୍କ ଅସମ୍ପୂର୍ଣ୍ଣ କାମକୁ ସମ୍ପୂର୍ଣ୍ଣ କରିବା ପାଇଁ ମୁଖ୍ୟମନ୍ତ୍ରୀ ସୁନ୍ଦରଗଡ଼ ସମେତ ଅନ୍ୟତମ ଆଦିବାସୀ ଅଧ୍ୟୁଷିତ ବୃହତ୍ ଜିଲ୍ଲା ମୟୂରଭଞ୍ଜ ଓ କେନ୍ଦୁଝରରେ ନୂତନ ଜିଲ୍ଲା ସୃଷ୍ଟି ପାଇଁ ତୁରନ୍ତ ପଦକ୍ଷେପ ନେବାକୁ ଦାବି କରିଛନ୍ତି ।

        </description>
      </item>
      <item>
        <title>
           ବଦଳିବ ପରିମଳ ବ୍ୟବସ୍ଥା, ରାଜଧାନୀର ୨୫ ସ୍ଥାନରେ ଲାଗିବ ୫୦ ଅଣ୍ଡର ଗ୍ରାଉଣ୍ଡ ଡ଼ଷ୍ଟବିନ୍
        </title>
        <link>
           http://khabarodisha.com/City/BBSr-50-under-ground-dustbin-will-installed-in-25-pleases-39041
        </link>
        <guid>
           http://khabarodisha.com/City/BBSr-50-under-ground-dustbin-will-installed-in-25-pleases-39041
        </guid>
        <pubDate>
           Tue, 04 Sep 2018 10:22:44 GMT
        </pubDate>
        <description>

ରାସ୍ତା ଉପରେ ରହିଥିବା ଡ଼ଷ୍ଟବିନ୍ ଗୁଡ଼ିକ ସ୍ଥାନ ମାଡ଼ି ବସୁଛି । ପୁଣି ସହରର ସୌନ୍ଦର୍ଯ୍ୟ ପ୍ରତି ବାଧକ ହେଉଛି । ଆଇଁଷିଆ ଆମ୍ବିଳି ଗନ୍ଧରେ ଫାଟି ପଡ଼ୁଛି ନାକ । ଏଭଳି କିଛି ସମସ୍ୟାକୁ ନେଇ ବିଏମସି ବୈଠକରେ ଆଲୋଚନା ହେବା ପରେ ଏବେ ସମାଧାନ ପାଇଁ ରାସ୍ତା ଫିଟିଛି । ୫୦ଟି ଅଣ୍ଡର ଗ୍ରାଉଣ୍ଡ ଓ ସେମି ଅଣ୍ଡର ଗ୍ରାଉଣ୍ଡ ଡ଼ଷ୍ଟବିନ୍ ଲଗାଇବାକୁ ନିଷ୍ପତ୍ତି ହୋଇଛି । ୨୫ଟି ସ୍ଥାନରେ ଏହା ଲଗାଯିବ । ଟେଣ୍ଡର ପ୍ରକ୍ରିୟା ଆରମ୍ଭ ହୋଇଥିବା ଜଣାପଡ଼ିଛି । ବିଏମସି ଏବଂ ଟେଣ୍ଡର ପାଇଥିବା ସଂସ୍ଥା ସ୍ଥାନ ଚିହ୍ନଟ କରିବେ ।

ଅଣ୍ଡର ଗ୍ରାଉଣ୍ଡ ଡଷ୍ଟବିନ୍ ଗୁଡ଼ିକ ୩ କ୍ୟୁବିକ୍ ମିଟର ଓ ସେମି ଅଣ୍ଡରଗ୍ରାଉଣ୍ଡ ଡ଼ଷ୍ଟବିନ୍ ଗୁଡ଼ିକ ୧.୫ କ୍ୟୁବିକ ମିଟର ବିଶିଷ୍ଟ ହେବ । ଏଥିରେ ସେନ୍ସର ଲାଗିବ । ଡ଼ଷ୍ଟବିନଟି ଭର୍ତ୍ତି ହେବା ମାତ୍ରେ ଅପରେସନ ସେଣ୍ଟରକୁ ମେସେଜ ପଠାଇବ । ଅଳିଆ ଗାଡ଼ିର ଡ଼୍ରାଇଭରକୁ ଏହି ମେସେଜ ଫରୱାର୍ଡ଼ କରାଯିବ । ଡ଼ଷ୍ଟବିନ୍ ଉପରେ ଘୋଡ଼ଣୀ ରହିବ । ଆସନ୍ତା ହକି ବିଶ୍ୱକପ୍ ପୂର୍ବରୁ ଏହି ଡ଼ଷ୍ଟବିନ୍ ଲଗାଯିବ । 

        </description>
      </item>
   </rss>
 </channel>