<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ଏହି ତିନୋଟି ବ୍ୟାଙ୍କର ହେବ ବିଲୟ, ହେବେ ଦେଶର ତୃତୀୟ ବୃହତ ବ୍ୟାଙ୍କ
        </title>
        <link>
           http://khabarodisha.com/Business/bank-of-baroda-viajaya-bank-and-dena-bank-will-be-merged-39822
        </link>
        <guid>
           http://khabarodisha.com/Business/bank-of-baroda-viajaya-bank-and-dena-bank-will-be-merged-39822
        </guid>
        <pubDate>
           Tue, 18 Sep 2018 08:17:14 GMT
        </pubDate>
        <description>

କେନ୍ଦ୍ର ସରକାର ବ୍ୟାଙ୍କ ଅଫ ବରୋଦା, ବିଜୟା ବ୍ୟାଙ୍କ ଏବଂ ଦେନା ବ୍ୟାଙ୍କକୁ ବିଳୟ କରି ଏକ ବଡ ବ୍ୟାଙ୍କ ନିର୍ମାଣ କରିବାକୁ ନିଷ୍ପତି ନେଇଛନ୍ତି । ଏହି ତିନୋଟି ବ୍ୟାଙ୍କକୁ ମିଶାଇ ଦେଶର ତୃତୀୟ ବୃହତ ବ୍ୟାଙ୍କ କରିବା ପାଇଁ କାର୍ଯ୍ୟକ୍ରମ ଆରମ୍ଭ ହୋଇଛି ।  ଅର୍ଥସେବା ସଚିବ ରାଜୀବ କୁମାର ଏକ ସାମ୍ବାଦିକ ସମ୍ମିଳନୀରେ ବ୍ୟାଙ୍କ ବିଲୟ ସମ୍ବନ୍ଧରେ ସୂଚନା ଦେଇଛନ୍ତି । 

ସେ କହିଛନ୍ତି କି, ଏସବିଆଇ ସହ ପାଂଚୋଟି ସହଯୋଗୀ ବ୍ୟାଙ୍କର ବିଲୟରେ କୌଣସୀ କର୍ମଚାରୀଙ୍କ ଚାକିରୀ ଯାଇ ନଥିଲା । ବିଲୟ ପରେ ଏହି ତିନୋଟି ବ୍ୟାଙ୍କ ସ୍ୱତନ୍ତ୍ର ଭାବେ କାମ କରିବା ଜାରି ରଖିବେ । ଫଳରେ ଉପଭୋକ୍ତାଙ୍କୁ ଭଲ ସେବା ମିଳିବ । ବ୍ୟାଙ୍କିଂ କ୍ଷେତ୍ରରେ ସୁଧାର ପାଇଁ ଏହି ନିଷ୍ପତି ନିଆ ଯାଇଥିବା ସେ ସୂଚନା ଦେଇଛନ୍ତି  ।

ରାଜୀବ ଆହୁରି ମଧ୍ୟ କହିଛନ୍ତି କି, ଗତ ଚାରି ବର୍ଷରେ ବ୍ୟାଙ୍କିଂ କ୍ଷେତ୍ରରେ ଋଣ ବ୍ୟବସ୍ଥାକୁ ସୁଦ୍ରୁଢ କରିବା ପାଇଁ ଅନେକ ସୁଧାର କରାଯାଇଛି । ପୂର୍ବରୁ ଏନପିଏ ୨୧ହଜାର କୋଟିକୁ ଖସି ଆସିଥିଲା । ଯାହା ଏବେ ୩୬,୫୫୧ କୋଟିରେ ପହଁଚିଛି  । ଏହା ନିଶ୍ଚିତ ଭାବେ ଭାରତୀୟ ବ୍ୟାଙ୍କିଂ କ୍ଷେତ୍ର ପାଇଁ ଭଲ ଖବର ।

        </description>
      </item>
      <item>
        <title>
           ମିଶ୍ରଣ ହେବ ଏହି ତିନୋଟି ବ୍ୟାଙ୍କ, ହେବ ଦେଶର ତୃତୀୟ ସବୁଠୁ ବଡ଼ ବ୍ୟାଙ୍କ
        </title>
        <link>
           http://khabarodisha.com/Business/vijaya-bank-dena-bank-and-bank-of-baroda-to-merge-for-becoming-indias-third-largest-bank-39810
        </link>
        <guid>
           http://khabarodisha.com/Business/vijaya-bank-dena-bank-and-bank-of-baroda-to-merge-for-becoming-indias-third-largest-bank-39810
        </guid>
        <pubDate>
           Mon, 17 Sep 2018 19:26:35 GMT
        </pubDate>
        <description>

ମୋଦୀ ସରକାର ବ୍ୟାଙ୍କର ବିଲୟ ପ୍ରକ୍ରିୟା ଦିଗରେ  ଆଉ ଏକ ପାଦ ଆଗକୁ ବଢିଛନ୍ତି। ଏଥର ସରକାର ଦେନା ବ୍ୟାଙ୍କ, ବିଜୟ ବ୍ୟାଙ୍କ ଓ ବ୍ୟାଙ୍କ ଅଫ ବୋରଦାକୁ ବିଲୟ କରିବାକୁ ନିଷ୍ପତ୍ତି ନେଇଛନ୍ତି। ଅର୍ଥ ମନ୍ତ୍ରଣାଳୟ ଅନ୍ତର୍ଗତ ବୀତ୍ତିୟ ସେବା ବିଭାଗର ସଚିବ ରାଜୀବ କୁମାର ଏହାର ସୂଚନା ଦେଇଛନ୍ତି। ସେ କହିଛନ୍ତି କି ତିନୋଟି ବ୍ୟାଙ୍କର ବିଲୟ ପରେ ଯେଉଁ ନୂତନ ବ୍ୟାଙ୍କ ଗଠନ ହେବ ତାହା ଦେଶର ତୃତୀୟ ସବୁଠୁ ବଡ଼ ବ୍ୟାଙ୍କ ହେବ।

ରାଜୀବ କୁମାର ତିନୋଟି ବ୍ୟାଙ୍କର ବିଲୟରେ ହେବାକୁ ଥିବା ଫାଇଦାର ଉଲ୍ଲେଖ ମଧ୍ୟ କରିଛନ୍ତି।  ସେ ଏକ  ଟ୍ଵିଟ୍ କରି ଗ୍ରାଫିକ୍ସ ଜରିଆରେ ସୂଚନା ଦେଇଛନ୍ତି।

୧- ବିଲୟ ପରେ ଅସ୍ଥିତ୍ଵକୁ ଆସୁଥିବା ନୂତନ ବ୍ୟାଙ୍କ ଦେଶର ତୃତୀୟ  ସବୁଠୁ ବଡ଼ ବ୍ୟାଙ୍କ।

୨- ଆର୍ଥିକ ମୋର୍ଚ୍ଚାରେ ଏହା ଏକ ପ୍ରତିଯୋଗିତାମୂଳକ ମଜବୁତ ବ୍ୟାଙ୍କ ହେବ।

୩- ଏଥିରେ ତିନୋଟି ବ୍ୟାଙ୍କର ନେଟଓ୍ଵର୍କ ଗୋଟିଏ ହୋଇଯିବ, ଡିପୋଜିଟ ଉପରେ ଖର୍ଚ୍ଚ କମ ହବ ଏବଂ ସବସିଡିରେ ସାମଞ୍ଜ୍ୟସ ରହିବ।

୪- ଏଥିରେ ଗ୍ରାହକଙ୍କ ସଂଖ୍ୟା ବୃଦ୍ଧି ଘଟିବ, ଅଧିକ ଲୋକାଭିମୁଖୀ ହେବ। ଏହା ସହିତ ଗ୍ରାହକଙ୍କୁ ଉନ୍ନତମାନର ସେବା ଦିଆଯିବ। 

୫- ବିଲୟ ପରେ ମଧ୍ୟ ତିନୋଟି ବ୍ୟାଙ୍କର କର୍ମଚାରୀଙ୍କୁ ହିତକୁ ଧ୍ୟାନରେ ରଖାଯିବ। ସେମାନଙ୍କୁ ଉଚିତ୍ ଥଇଥାନ ଦିଆଯିବ।

୬- ବ୍ୟାଙ୍କର ବ୍ରାଣ୍ଡ ଇକ୍ଵିଟି ସୁରକ୍ଷିତ ରହିବ।

୭- ତିନୋଟି ବ୍ୟାଙ୍କର ଫିନେକଲ ସିବିଏସ ଫ୍ଲାଟଫର୍ମକୁ ଅଣାଯିବ। 

୮- ନୂତନ ବ୍ୟାଙ୍କକୁ ପୁଞ୍ଜି ଦିଆଯିବ।

ଉଲ୍ଲେଖଯୋଗ୍ୟ ଏହା ପୂର୍ବରୁ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ସହଯୋଗୀ ବ୍ୟାଙ୍କ ଏସବିଆଇ ସହିତ ବିଲୟ ହୋଇ ସାରିଛି। ସରକାର ଅନୁଭବ କରୁଛନ୍ତି ଯେ କିଛି ବ୍ୟାଙ୍କର ସଂଚାଳନ ଖର୍ଚ୍ଚ ତୂଳନାରେ ଫାଇଦା କମ ହେଉଛି। ତେଣୁ ସରକାର ବ୍ୟାଙ୍କର ବିଲୟକୁ ନେଇ ବିଚାର ବିମର୍ଶ କରୁଛନ୍ତି। ଏହି କ୍ରମରେ ସୋମବାର ସରକାର ଏହି ତିନୋଟି ବ୍ୟାଙ୍କର ବିଲୟ କରିବାର ଘୋଷଣା କରିଛନ୍ତି। 

        </description>
      </item>
      <item>
        <title>
           ଫୁଡପାଣ୍ଡାରେ ୬୦ ହଜାର ନିଯୁକ୍ତିର ସୁଯୋଗ ଦେବ ଓଲା, ଦରମା ୫୦ ହଜାର !
        </title>
        <link>
           http://khabarodisha.com/Business/ola-to-hire-60-thousands-delivery-boys-for-foodpanda-to-fight-with-swiggy-and-zomato-39805
        </link>
        <guid>
           http://khabarodisha.com/Business/ola-to-hire-60-thousands-delivery-boys-for-foodpanda-to-fight-with-swiggy-and-zomato-39805
        </guid>
        <pubDate>
           Mon, 17 Sep 2018 18:17:49 GMT
        </pubDate>
        <description>

ଓଲାର ଏକ ସବସିଡି ଫୁଡପାଣ୍ଡା ନାମକ ଏକ ଖାଦ୍ୟ ଅଲଲାଇନ ଡେଲିଭରୀ ସଂସ୍ଥା ଏବେ ଗ୍ରାହକଙ୍କ ପାଖକୁ ଖାଦ୍ୟ ଯୋଗାଣ ପାଇଁ ବଡ଼ ସଂଖ୍ୟାରେ ଡେଲିଭରୀ ବୟକୁ ନିଯୁକ୍ତି ଦେଉଛି। ବେଙ୍ଗାଲୁରୁରେ ଫୁଡପାଣ୍ଡା ନିଜର ଡେଲିଭରୀ ବୟକୁ ତିନି ମାସରେ ୧.୫ ଲକ୍ଷ ଟଙ୍କା କିମ୍ବା ମାସ ପ୍ରତି ୫୦ ହଜାର ଟଙ୍କାର ଦରମା ଦେବାର ଗ୍ୟାରେଣ୍ଟି ଦେଉଛି।  କମ୍ପାନୀ ଡେଲିଭରୀ ବୟ ସହ ସମ୍ବନ୍ଧିତ ବାସ୍ତବିକ ଦରମା ବିଷୟରେ କୌଣସି ସୂଚନା ଦେବାକୁ ମନା କରି ଦେଇଛି। ମାତ୍ର ସଂସ୍ଥାର ଲକ୍ଷ୍ୟ ଆଗାମୀ ଏକରୁ ଦୁଇ ମାସ ମଧ୍ୟରେ ୬୦,୦୦୦ ଡେଲିଭରୀ ବୟଙ୍କୁ ନିଯୁକ୍ତ ଦେବାକୁ ପ୍ରସ୍ତୁତି ଚଳାଇଛି।

ଫୁଡ ଡେଲିଭରୀ ବ୍ୟବସାୟ କରିବା ଓଲାର ଏହା ଦ୍ଵିତୀୟ ପ୍ରୟାସ। ଏହା ପୂର୍ବରୁ  କମ୍ପାନୀ ୨୦୧୬ରେ ମଧ୍ୟ ଓଲା କ୍ୟାଫ୍ ନାମକ ଫୁଡ ବିଜନେସ ସେଗମେଣ୍ଟ ବଜାରକୁ ଆଣିବାକୁ ଉଦ୍ୟମ କରିଥିଲା, ଯାହା ସଫଳ ହୋଇନଥିଲା। କମ୍ପାନୀ ଓଲା କ୍ୟାଫ ବନ୍ଦ ହେବାରୁ ଏବେ ଫୁଡପାଣ୍ଡା ନାମକ ନୂତନ ଫୁଡ ଡେଲିଭରୀ ସଂସ୍ଥା ଆରମ୍ଭ କରିବାକୁ ଯାଉଛି। କମ୍ପାନୀ କହିଛି ଯେ ଆମେ ପୂର୍ବ ଭୁଲରୁ ଶିକ୍ଷା ନେଇଛୁ।

ପୂର୍ବେ ଜର୍ମାନୀର ଫୁଡ ଡେଲିଭରୀ କମ୍ପାନୀ ହିରୋ ଫୁଡପାଣ୍ଡା ଇଣ୍ଡିଆ ଦ୍ଵାରା ପରିଚାଳିତ ହେଉଥିଲା। ଏହାକୁ ହିରୋ ରକେଟ୍ ଇଣ୍ଟରନେଟରେ କ୍ରୟ କରିଥିଲା। ପରବର୍ତ୍ତୀ ସମୟରେ ହିରୋ ଏହି ଫୁଡପାଣ୍ଡାକୁ ଏକ ବ୍ୟବସାୟିକ ବୁଝାମଣା ଆଧାରରେ ଓଲାକୁ ହସ୍ତାନ୍ତର କରିଛି।

ଫୁଡପାଣ୍ଡାକୁ କିଣିବା ପରେ ଓଲା କହିଥିଲା ଯେ ସେ ନିଜର ଫୁଡ ଡେଲିଭରୀ ବିଜନେସକୁ ମଜବୁତ କରିବା ପାଇଁ ପ୍ରାୟ ୨୦ କୋଟି ଡଲାରର ଅତିରିକ୍ତ ନିବେଶ କରିବ। ଏହି ଆଧାରରେ ଆଗାମୀ ଦିନରେ୬୦,୦୦୦ ଡେଲିଭରୀ ବୟଙ୍କୁ ନିଯୁକ୍ତ ଦିଆଯିବାର ଯୋଜନା ରହିଛି।  

        </description>
      </item>
      <item>
        <title>
           ବଜାରରେ ହାହାକାର, ସେନସେକ୍ସ ୫୦୫ ପଏଣ୍ଟ ଓ ୧୩୭ ପଏଣ୍ଟ ତଳକୁ ଖସିଲା ନିଫ୍ଟଟି
        </title>
        <link>
           http://khabarodisha.com/Business/Sensex-live-today-17-september-2018-nifty-50-below-11450-and-sensex-sheds-nearly-300-points-39796
        </link>
        <guid>
           http://khabarodisha.com/Business/Sensex-live-today-17-september-2018-nifty-50-below-11450-and-sensex-sheds-nearly-300-points-39796
        </guid>
        <pubDate>
           Mon, 17 Sep 2018 16:17:12 GMT
        </pubDate>
        <description>

ସୋମବାର ବଜାରରେ ବଡ଼ ଧରଣର ହ୍ରାସ ଦେଖିବାକୁ ମିଳିଛି। ସେନସେକ୍ସ ୫୦୫.୧୩ ପଏଣ୍ଟ ହ୍ରାସ ପାଇ ୩୭,୫୮୫.୫୧ ପଏଣ୍ଟରେ ରହିଥିବା ବେଳେ ନିଫଟି ୧୩୭.୪୫ ପଏଣ୍ଟ ତଳକୁ ଖସି ୧୧,୩୭୭.୭୫ରେ ବନ୍ଦ ରହିଛି। ସେନସେକ୍ସରେ ସବୁଠୁ ଅଧିକ ହ୍ରାସ  ପାଇଥିବା ସେୟାର ମଧ୍ୟରେ ଅଶୋକା ବିଲ୍ଡକନ(୬.୦୮), କ୍ଵାଲିଟି(୪.୮୮), ରେଣ୍ଡିଗଟନ(୪.୫୬), ଆଇସିଆଇସିଆଇ ପ୍ରୁଡେନସଲ(୪.୩୭) ଓ ବାଟା ଇଣ୍ଡିଆ(୪.୩୩)ର ହୋଇଥିବା ବେଳେ ନିଫଟିରେ ବଜାଜ ଫାଇନାନ୍ସର ସେୟାର ୨.୮୫, ଇନଫ୍ରାଟେଲର ୨.୮୦, ଟାଇଟନର ୨.୮୦, ସନ ଫାର୍ମାର ୨.୫୪ ଓ ବଜାଜ ଫାଇନାନ୍ସ ସର୍ଭିସେସର ୨.୫୩ ପର‌୍ୟ୍ୟନ୍ତ ହ୍ରାସ ପାଇଛି। 

ଏହା ପୂର୍ବରୁ ଏକ ସପ୍ତାହ ପୂର୍ବେ ସେୟାର ବଜାରର ଆରମ୍ଭ ହ୍ରାସ ହୋଇଥିଲା। ଏହି କ୍ରମରେ ସୋମବାର ସେନସେକ୍ସ ଓ ନିଫଟିରେ ମଧ୍ୟ ହ୍ରାସ ଦେଖିବାକୁ ମିଳିଛି। ବମ୍ବେ ଷ୍ଟକଏକ୍ସଚେଞ୍ଜ(ବିଏସଇ)ର ୩୧ ସେୟାର ସୂଚକାଙ୍କ ସେନସେକ୍ସ ପ୍ରାୟ ୩୦୦ ପଏଣ୍ଟ ହ୍ରାସ ପାଇ ୩୮,୦୦୦ ତଳକୁ ଖସି ଆସିଛି। ଆଜି ସକାଳେ ସେନସେକ୍ସ ୩୭,୮୭୨ରୁ ଖୋଲିଥିଲା।  ଅନ୍ୟ ପଟେ ନ୍ୟାସନାଲ ଷ୍ଟକ ଏକ୍ସଚେଞ୍ଜ(ଏନଏସଇ)ର ୫୦ ସେୟାର ସୂଚକାଙ୍କ ନିଫ୍ଟଟିରେ ମଧ୍ୟ ପ୍ରାୟ ୧୦୦ ପଏଣ୍ଟ ହ୍ରାସ ପାଇଛି। ବର୍ତ୍ତମାନ ନିଫଟି ୧୧,୪୨୫ ପଏଣ୍ଟରେ ରହିଛି। 

ସୋମବାର ସୂଚନା ଓ ପ୍ରଯୁକ୍ତିବିଦ୍ୟା(ଆଇଟି) କମ୍ପାନୀକୁ ଛାଡି ସବୁ ସେକ୍ଟର୍ସରେ ଆରମ୍ଭରୁ ମନ୍ଥରତା ଦେଖିବାକୁ ମିଳିଛି। ଏହା ସହିତ ବ୍ୟାଙ୍କ ନିଫଟିରେ ମଧ୍ୟ ହ୍ରାସ ଦେଖିବାକୁ ମିଳିଛି।  ଏକ୍ସିସ ବ୍ୟାଙ୍କ, ଭାରତୀୟ ଷ୍ଟେଟ ବ୍ୟାଙ୍କ, ଏସିଆନ ପେଣ୍ଟ୍ସ, ଟାଟା ମୋଟର୍ସ, ଏଚଡିଏଫସି ପରି ବ୍ୟାଙ୍କରେ ହ୍ରାସ ପରିଲଖିତ ହୋଇଛି।  

        </description>
      </item>
      <item>
        <title>
           ପୁଣି ଖସିଲା ଟଙ୍କା, ଡଲାର ତୁଳନାରେ ୭୨.୪୭
        </title>
        <link>
           http://khabarodisha.com/Business/sensex-nifty-set-to-open-on-a-negative-note-trade-war-concerns-rupee-also-going-down-39778
        </link>
        <guid>
           http://khabarodisha.com/Business/sensex-nifty-set-to-open-on-a-negative-note-trade-war-concerns-rupee-also-going-down-39778
        </guid>
        <pubDate>
           Mon, 17 Sep 2018 11:29:19 GMT
        </pubDate>
        <description>

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିନରେ ସେୟାର ବଜାର ତରଫରୁ କିଛି ପୁରସ୍କାର ମିଳି ନାହିଁ । ଆଜି ସେୟାର ବଜାରର ଆରମ୍ଭ କ୍ଷତିରୁ ହୋଇଥିଲା । ଟଙ୍କା ପୁଣିଥରେ ଦୁର୍ବଳ ହେବା ସହ ସେନସେକ୍ସ୍ ଏବଂ ନିଫ୍ଟି ମଧ୍ୟ ହ୍ରାସ ଘଟିଥିଲା । ସକାଳେ ସେନସେକ୍ସ୍ ୩୭,୭୫୪.୮୨ରୁ ଆରମ୍ଭ ହୋଇଥିବା ବେଳେ ନିଫ୍ଟି ୧୧,୪୦୪.୨୦ରେ ଖୋଲି ଥିଲା । 

ଅନ୍ୟପକ୍ଷେ ବ୍ୟାଙ୍କିଂ, ଏଫଏମସିଜି, ରିୟଲ୍ଟି, ମେଟଲ ସେୟାରରେ ଦୁର୍ବଳ ଆରମ୍ଭ ହେତୁ ସେନସେକ୍ସ୍ ୩୩୫.୮୨ ଅଙ୍କ ତଳକୁ ଖସିଥିଲା । ସେହିପରି ନିଫ୍ଟି ମଧ୍ୟ ୧୧୪୧୫ ପାଖାପାଖି ଚାଲି ଆସିଥିଲା । 

ଭାରତୀୟ ମୁଦ୍ରା ମଧ୍ୟ ଆଜି ପୁଣି ନିମ୍ନଗାମୀ ହୋଇଛି । ଡଳାର ତୁଳନାରେ ୭୨.୪୭ସ୍ତରରେ ଟଙ୍କା ପହଁଚିଛି । ଏହା ପୂର୍ବରୁ ଶୁକ୍ରବାର ଦିନ ଟଙ୍କାରେ ସାମାନ୍ୟ ସୁଧାର ଆସିଥିଲା । କିନ୍ତୁ ବର୍ତମାନ ପୁଣି ଏହା ଖସିବାରେ ଲାଗିଛି । 

        </description>
      </item>
      <item>
        <title>
           ସମୀକ୍ଷା ବୈଠକ ପରେ କହିଲେ ଅରୁଣ ଜେଟଲୀ, ଅର୍ଥବ୍ୟବସ୍ଥାକୁ ନେଇ ମୋଦୀ ସନ୍ତୁଷ୍ଟ
        </title>
        <link>
           http://khabarodisha.com/Business/narendra-modi-economy-review-meeting-arun-jaitley-says-pm-expressed-39719
        </link>
        <guid>
           http://khabarodisha.com/Business/narendra-modi-economy-review-meeting-arun-jaitley-says-pm-expressed-39719
        </guid>
        <pubDate>
           Sun, 16 Sep 2018 08:04:30 GMT
        </pubDate>
        <description>

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲଗାତାର ଦ୍ୱିତୀୟ ଦିନ ଦେଶର ଆର୍ଥିକ ବ୍ୟବସ୍ଥାକୁ ନେଇ ମନ୍ତ୍ରାଳୟ ସହ ଆଲୋଚନା କରିଛନ୍ତି । ଏହି ସମୀକ୍ଷା ବୈଠକରେ ଅର୍ଥମନ୍ତ୍ରୀ ଅରୁଣ ଜେଟଲୀ ସରକାର ଆର୍ଥିକ ନିଅଂଟ କମ୍ କରିବା ପାଇଁ ଚେଷ୍ଟା କରୁଥିବା କହିଛନ୍ତି । ବର୍ତମାନର ଅର୍ଥବ୍ୟବସ୍ଥାକୁ ନେଇ ମୋଦୀ ସନ୍ତୁଷ୍ଟ ଥିବା ଜେଟଲୀ କହିଛନ୍ତି । କିନ୍ତୁ ତୈଳ ଦର ପ୍ରସଙ୍ଗରେ ମୌନ ରହିଛନ୍ତି ମନ୍ତ୍ରୀ । 

ଜେଟଲୀ କହିଛନ୍ତି କି, ସରକାର ଚଳିତ ଆର୍ଥିକ ବର୍ଷରେ ୩.୩ ପ୍ରତିଶତ ରାଜକୋଷୀୟ କ୍ଷତି ସହିଛନ୍ତି । ଟିକସ୍ ବାବଦରେ ସରକାର ଅଧିକ ଅର୍ଥ ହାସଲ କରିବା ପାଇଁ ଲକ୍ଷ୍ୟ ରଖିଛନ୍ତି । ଫଳରେ ବିନିବେଶ ଲକ୍ଷ୍ୟ ହାସଲ କରାଯାଇ ପାରିବ । 

ଶୁକ୍ରବାର ପରେ ଗତକାଲି ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ହୋଇଥିବା ଅର୍ଥବ୍ୟବସ୍ଥାର ସମୀକ୍ଷା ବୈଠକ ପରେ ଜେଟଲୀ ସରକାରଙ୍କୁ ୨୦୧୮-୧୯ ଆର୍ଥିକ ବଜେଟରେ ଘରୋଇ ଉତ୍ପାଦନ ୭.୨ରୁ ୭.୫କୁ ବୃଦ୍ଧି ଘଟିଥିବା ରିପୋର୍ଟ ପ୍ରଦାନ କରିଥିଲେ । ତାଙ୍କ ସରକାର ରାଜକୋଷୀୟ କ୍ଷତିକୁ କମ୍ କରିବା ପାଇଁ ଚେଷ୍ଟା କରିବ ବୋଲି ମନ୍ତ୍ରୀ କହିଥିଲେ  । ସେ ଆହୁରି ମଧ୍ୟ ଜିଏସଟିର ସୁବିଧା ବାବଦରେ ପ୍ରକାଶ କରିବା ସହ ଦେଶରେ ବିନିବେଶ ଲକ୍ଷ୍ୟ ଏକ ଲକ୍ଷ କୋଟି ଟଙ୍କା ହେବ ବୋଲି ଆଶ୍ୱାସନା ଦେଇଥିଲେ ।  

        </description>
      </item>
      <item>
        <title>
           ପ୍ରତିବନ୍ଧକ ଲାଗୁ ହେବା ପୂର୍ବରୁ ଇରାନଠୁ ତୈଳ ଆମଦାନୀ ହ୍ରାସ କଲା ଭାରତ
        </title>
        <link>
           http://khabarodisha.com/Business/Ahead-of-us-sanctions-indias-iran-oil-purchases-to-cut-by-nearly-half-39643
        </link>
        <guid>
           http://khabarodisha.com/Business/Ahead-of-us-sanctions-indias-iran-oil-purchases-to-cut-by-nearly-half-39643
        </guid>
        <pubDate>
           Fri, 14 Sep 2018 17:12:14 GMT
        </pubDate>
        <description>

ଭାରତର ତୈଳ କମ୍ପାନୀ ସେପ୍ଟେମ୍ବର ଓ ଅକ୍ଟୋବର ମାସରେ ଇରାନଠୁ ମାସିକ ତୈଳ ଆମଦାନୀରେ ହ୍ରାସ କରିବା ଆରମ୍ଭ କରି ଦେଇଛନ୍ତି। ବର୍ଷର ପ୍ରାରମ୍ଭରେ ଭାରତ ଯେଉଁ ପରିମାଣରେ ତୈଳ ଆମଦାନୀ କରୁଥିଲା ତାହା ଏବେ ଅଧାକୁ ଚାଲି ଆସିଛି। ଏହାର କାରଣ ନଭେମ୍ବର ମାସରେ ଇରାନ ଉପରେ ଆମେରିକାର ପ୍ରତିବନ୍ଧକ ଲାଗୁ ହେବାକୁ ଯାଉଛି ଏବଂ ଏହି ସମୟରେ  ଟ୍ରମ୍ପ ପ୍ରଶାସନର ଅଫରର ଫାଇଦା ଉଠାଇବା ପାଇଁ ଭାରତ ପାଖରେ ସୁଯୋଗ ରହିଛି। ସେପ୍ଟେମ୍ବର ଓ ଅକ୍ଟୋବରରେ ଇରାନରୁ ତୈଳ ଆମଦାନୀ ୨ କୋଟି ୪୦ ଲକ୍ଷ ବ୍ୟାରେଲ ହ୍ରାସ ପାଇବ। 

ଉଲ୍ଲେଖଯୋଗ୍ୟ ଦୁନିଆର ଶକ୍ତିଶାଳୀ ଦେଶ ସହିତ ୨୦୧୫ରେ ହୋଇଥିବା ନ୍ୟୁକ୍ଲିୟର ଡିଲରୁ ଇରାନ ହଟିବା ପରେ ଆମେରିକା ଇରାନ ଉପରେ ପୁଣି ଥରେ ପ୍ରତିବନ୍ଧକ ଲଗାଇଛି। ଏହା ପୂର୍ବରୁ ଅଗଷ୍ଟ ୬ରେ ଓ୍ଵାଶିଂଟନ ଇରାନ ଉପରେ କିଛି  ବୀତ୍ତିୟ ପ୍ରତିବନ୍ଧକ ଲାଗୁ କରି ସାରିଛି। ଏହା ସହିତ ଇରାନର ପେଟ୍ରୋଲିୟମ ସେକ୍ଟରକୁ ପ୍ରଭାବିତ କରିବା ପାଇଁ ଆମେରିକା ଲଗାଇଥିବା ପ୍ରତିବନ୍ଧକ ନଭେମ୍ବର ୪ରୁ ଆରମ୍ଭ ହେଉଛି। 

ଚୀନ ପରେ ଭାରତ ଦ୍ଵିତୀୟ ବଡ଼ ଦେଶ ଭାବେ ଇରାନଠୁ ଅଶୋଧିତ ତୈଳ ଆମଦାୀ କରିଥାଏ। ଭାରତ ଆମେରିକା ପ୍ରତିବନ୍ଧକକୁ ଅଧିକ ମହତ୍ଵ ଦିଏ ନାହିଁ ମାତ୍ର ଓ୍ଵାଶିଂଟନ ପକ୍ଷରୁ ମିଳୁଥିବା ଅଫରକୁ ଆପଣେଇବା ସହିତ ଆମେରିକା ଓ ଇରାନ ମଧ୍ୟରେ ସନ୍ତୁଳନ ବଜାୟ ରଖିବାକୁ ଭାରତ ଚେଷ୍ଟା କରୁଛି। ଏହା ଫଳରେ ଭାରତ ଆମେରିକାଠାରେ ନିଜର ହିତକୁ ସଂରକ୍ଷିତ ରଖି ପାରିବ। 

ଏଠାରେ କହି ରଖୁଛୁ ଯେ ଟ୍ରମ୍ପ ପ୍ରଶାସନ କହିଥିଲେ ଯେ ସେ ଭାରତ ପରି କିଛି ଦେଶକୁ ଇରାନଠୁ ତୈଳ ଆମଦାନୀ ଉପରେ କିଛିଟା କୋହଳ ଦେଇପାରେ, ମାତ୍ର ଏବେ ଭାରତକୁ ଇରାନଠୁ ତୈଳ ଆମଦାନୀ ହ୍ରାସ କରିବାକୁ ପଡ଼ିବ। ଅପର ପକ୍ଷେ ଭାରତକୁ ଏହା ମଧ୍ୟ ଧ୍ୟାନରେ ରଖିବାକୁ ପଡ଼ିବ ଯେ ଇରାନ ଭାରତକୁ କିଛି ଡିସକାଉଣ୍ଟରେ ତୈଳ ରପ୍ତାନୀ କରୁଛି। ଏହି ସବୁ ଦିଗକୁ ଧ୍ୟାନରେ ରଖି ଭାରତ ଇରାନଠୁ ତୈଳ ଆମଦାନୀ ଜାରି ରଖି ପୂର୍ବାପେକ୍ଷା କିଛିଟା ହ୍ରାସ କରିବାକୁ ପଡ଼ିଛି।

        </description>
      </item>
      <item>
        <title>
           ଏୟାରଟେଲର ନୂଆ ପ୍ଲାନ, ୯୭ଟଙ୍କାରେ ୧.୫ଜିବି ଡାଟା
        </title>
        <link>
           http://khabarodisha.com/Business/airtel-launched-rs-97-combo-recharge-offers-up-to-1-5gb-data-o-take-on-jio-39640
        </link>
        <guid>
           http://khabarodisha.com/Business/airtel-launched-rs-97-combo-recharge-offers-up-to-1-5gb-data-o-take-on-jio-39640
        </guid>
        <pubDate>
           Fri, 14 Sep 2018 16:47:51 GMT
        </pubDate>
        <description>

ଏୟାରଟେଲ୍ ପୁଣିଥରେ ଏକ ନୂଆ ପ୍ରିପେଡ୍ ପ୍ଲାନ୍ ଲଂଚ୍ କରିଛି । ଯାହାର ଦାମ୍ ରହିଛି ମାତ୍ର ୯୭ ଟଙ୍କା । ଏହି ପ୍ଲାନ୍ ଦେଶସାରା ସମସ୍ତ ସର୍କଲରେ ଉପଲବ୍ଧ ହେବ । 

ଏହି ପ୍ଲାନରେ ୟୁଜରଙ୍କୁ ୩୦୦ ମିନିଟର ଲୋକାଲ-ଏସଟିଡି ଏବଂ ରୋମିଂ କଲ୍ ଫ୍ରି ମିଳିବ । ଏହା ସହ ୧.୫ ଜିବି ୩ଜି ଏବଂ ୪ଜି ଡାଟା ମଧ୍ୟ ମିଳିବ । ଏହା ବ୍ୟତୀତ ୨୦୦ ଫ୍ରି ମେସଜ୍ ପାଇପାରିବେ ୟୁଜର । ଏହି ପ୍ଲାନର ବୈଧତା ୨୮ ଦିନ ରହିବା ସହ ଏହାକୁ କମ୍ପାନୀର ୱେବସାଇଟରେ ରିଚାର୍ଜ୍ କରାଯାଇ ପାରିବ । 

୬୫ ଟଙ୍କାର ପ୍ଲାନ

ଏହି ପ୍ଲାନର ବୈଧତା ରହିଛି ୨୮ ଦିନ । ପ୍ଲାନରେ ଗ୍ରାହକଙ୍କୁ ୬୫ ଟଙ୍କାର ଟକଟାଇମ୍ ସହ ମିନିଟ୍ ପିଛା ଏକ ପଇସାର ପାୱାରପ୍ଲସ୍ ମିଳିବ । ୨୦୦ ଏମବିର ଡାଟା ମଧ୍ୟ ଗ୍ରାହକ ଉପଯୋଗ କରିପାରିବେ ।

        </description>
      </item>
      <item>
        <title>
           ଖୁସି ଖବର: ପେଟ୍ରୋଲ ଭର୍ତି କଲେ ମିଳୁଛି ୪୦ ଟଙ୍କାର ଛାଡ
        </title>
        <link>
           http://khabarodisha.com/Business/petrol-price-hike-but-you-can-get-rs-40-cashback-on-petrol-pump-through-phonpe-payment-39636
        </link>
        <guid>
           http://khabarodisha.com/Business/petrol-price-hike-but-you-can-get-rs-40-cashback-on-petrol-pump-through-phonpe-payment-39636
        </guid>
        <pubDate>
           Fri, 14 Sep 2018 16:19:15 GMT
        </pubDate>
        <description>

ବର୍ତମାନ ପେଟ୍ରୋଲ ଦର ଆକାଶଛୁଆଁ ରହିଛି । ସାରା ଦେଶରେ ତୈଳ ଦର ବୃଦ୍ଧିକୁ ନେଇ ଅନେକ ପ୍ରଶ୍ନ ଉଠୁଛି । ଏପରି କି ପ୍ରତିବାଦରେ ଧାରଣା ଏବଂ ଭାରତ ବନ୍ଦ ମଧ୍ୟ ହୋଇ ସାରିଛି । କିନ୍ତୁ ଦର କମ୍ ହେବାର ନାଁ ଧରୁନାହିଁ । 

ଆଜି ସକାଳେ ପୁଣିଥରେ ପେଟ୍ରୋଲ ଦାମରେ ବୃଦ୍ଧି ଘଟିଛି । ଦିଲ୍ଲୀରେ ପେଟ୍ରୋଲ ଦର ୨୮ ପଇସା ବୃଦ୍ଧି ପାଇଥିବା ବେଳେ ଡିଜେଲ ୨୨ ପଇସା ବୃଦ୍ଧି ଘଟିଛି । ଏହା ମଧ୍ୟରେ ଏପରି ଏକ ଖବର ଆସିଛି କି ଆପଣ ୧୦୦ ଟଙ୍କାର ପେଟ୍ରୋଲ ଭର୍ତି କରି ୪୦ ଟଙ୍କା ଡିସକାଉଂଟ୍ ପାଇ ପାରିବେ । ଆସନ୍ତୁ ଜାଣିବା ଏହି ୪୦ ଟଙ୍କାର ଅଫର୍ ବିଷୟରେ । 

୧୦୦ ବା ଅଧିକ ଟଙ୍କାର ପେଟ୍ରୋଲରେ ମିଳିବ କ୍ୟାସବ୍ୟାକ୍

ଏହି ଅଫର ଇଣ୍ଡିଆନ୍ ଅଏଲ୍ ପକ୍ଷରୁ ମିଳୁଛି । କେତେକ ରିପୋର୍ଟରେ ଏହି ଅଫର ସମସ୍ତ ପେଟ୍ରୋଲ ପମ୍ପରେ ମିଳୁଛି ବୋଲି ଦାବି କରାଯାଇଛି । ଯେଉଁମାନେ ଫୋନ୍ ପେ ବ୍ୟବହାର କରୁଛନ୍ତି ସେମାନେ ଏହି ଅଫରର ଲାଭ ଉଠାଇ ପାରିବେ ।ଏହି ଅଫର ପାଇଁ ଆପଣଙ୍କୁ ପେଟ୍ରୋଲ ଭର୍ତି କରି ସାରିବା ପରେ ଫୋନ ପେ ଆପରେ ପେମେଂଟ୍ କରିବା ପାଇଁ ପଡିବ । ଏହା ପରେ ଆପଣଙ୍କୁ ୧୦୦ ଟଙ୍କା ବା ଏହାଠାରୁ ଅଧିକ ଟଙ୍କାର ପେଟ୍ରୋଲ ଉପରେ ୧୦ ଥର ପାଇଁ କ୍ୟାସବ୍ୟାକ୍ ସୁବିଧା ମିଳିବ । ଏହି ଅଫରର ସମୟସୀମା ରହିଛି ସେପ୍ଟେମ୍ବର ୩୦ ।

        </description>
      </item>
      <item>
        <title>
           ମାଲ୍ୟା ମାମଲାରେ ଚିନ୍ତାରେ ଏସବିଆଇ, କହିଲା ତଦନ୍ତ ହେବ
        </title>
        <link>
           http://khabarodisha.com/Business/sbi-chairman-defendes-bank-in-vijay-mallya-case-says-lower-staff-may-have-taken-action-39629
        </link>
        <guid>
           http://khabarodisha.com/Business/sbi-chairman-defendes-bank-in-vijay-mallya-case-says-lower-staff-may-have-taken-action-39629
        </guid>
        <pubDate>
           Fri, 14 Sep 2018 15:55:32 GMT
        </pubDate>
        <description>

ଋଣ ଖିଲାପୀ ମାମଲାରେ ପଳାତକ ମଦ ସମ୍ରାଟ୍ ବିଜୟ ମାଲ୍ୟାଙ୍କ ମନ୍ତବ୍ୟ ସାମ୍ନାକୁ ଆସିବା ପରେ ଚିନ୍ତାରେ ପଡିଛି ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ ବା ଏସବିଆଇ । ଏହି ପ୍ରକ୍ରିୟାରେ ବ୍ୟାଙ୍କର ଭୂମିକା ନେଇ ସୁପ୍ରିମକୋର୍ଟର ବରିଷ୍ଠ ଓକିଲ ଦୁଷ୍ମନ୍ତ ଦବେ ପ୍ରଶ୍ନ କରି ସାରିଛନ୍ତି । କାରଣ ମାଲ୍ୟା ଫେରାର ହେବା ପୂର୍ବରୁ ସେ ଏସବିଆଇକୁ ତାଙ୍କ ପାସପୋର୍ଟ୍ ଜବତ କରିବା ପାଇଁ କହିଥିଲେ । 

ଦବେ ଆହୁରି ମଧ୍ୟ କହିଛନ୍ତି କି, ଏସବିଆଇ ସୁପ୍ରିମକୋର୍ଟରେ ପହଁଚିବାରେ ବିଳମ୍ବ କରିଥିଲା । ମାମଲା ରୁଜୁ ହେବା ପରେ ମଧ୍ୟ ଏସବିଆଇର କୌଣସୀ ଅଧିକାରୀ ତାଙ୍କ ନିକଟରେ ପହଁଚି ନଥିଲେ । 

ଏହି ଅଭିଯୋଗ ଉପରେ ଏସବିଆଇର ଚେୟାରମ୍ୟାନ୍ ରଜନୀଶ କୁମାର କହିଛନ୍ତି କି, ଏହି ମାମଲାରେ ସେ କିଛି କରି ପାରିବେ ନାହିଁ । ବ୍ୟାଙ୍କର କ୍ଲାଇଂଟ୍ ଯେତେ ବଡ ହେଉ କିମ୍ବା ଯେତେ ଅଧିକ ଲୋନ୍ ନେଉ ଏନେଇ ବ୍ୟାଙ୍କର ଏକ ସ୍ୱତନ୍ତ୍ର ଟିମ୍ ତଦନ୍ତ କରିଥାଏ ଏବଂ ନିଷ୍ପତି ଶୁଣାଇଥାଏ । ପୂର୍ବ ଚେୟାରମ୍ୟାନ୍ ଅରୁନ୍ଧତୀ ଭଟାଚାର୍ଯ୍ୟ ମାଲ୍ୟାଙ୍କ ଲୋନ୍ ଖିଲାପ ସମ୍ବନ୍ଧରେ ଜାଣିଥିଲେ ବୋଲି କହିବା ଠିକ୍ ହେବ ନାହିଁ । ସମସ୍ତ ଦସ୍ତାବିଜକୁ ତଦନ୍ତ କରି ଦେଖିବା ପରେ ହି ସତ୍ୟ ଜଣାପଡିବ ବୋଲି ସେ କହିଛନ୍ତି । 

ଅନ୍ୟପକ୍ଷରେ ଦୁଷ୍ମନ୍ତଙ୍କ ଅଭିଯୋଗର ଜବାବ ଦେଇ ରଜନୀଶ କହିଛନ୍ତି କି, ସେ ଏସବିଆଇର ଓକିଲ ନୁହଁନ୍ତି । ଯଦି ସେ ଏନେଇ ଦାବି କରୁଛନ୍ତି ତେବେ ସେ ଗଣମାଧ୍ୟମ ସାମ୍ନାରେ ଏନଗେଜମେଂଟ୍ ଲେଟର ଦାଖଲ କରନ୍ତୁ । 

        </description>
      </item>
   </rss>
 </channel>