ସ୍ଥାୟୀ ବେଞ୍ଚ ପ୍ରତିଷ୍ଠାରେ ହୀନ ଚକ୍ରାନ୍ତ ଖେଳୁଛନ୍ତି ରାଜ୍ୟ ସରକାର, ଚିଠି ଦେଇ ନିଜ ମୁଣ୍ଡରୁ ଦୋଷ ଛଡ଼ାଉଛନ୍ତି
Khabar Odisha:politics-bjd-odisha-bjd-government-high-court-permanent-bench
ଭୁବନେଶ୍ଵର ,ଜାନୁଆରୀ ୧୨(ଖବର ଓଡ଼ିଶା):

ବିଭିନ୍ନ ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କେନ୍ଦ୍ରୀୟ ମନ୍ତ୍ରୀଙ୍କଠୁ ନେଇ ପ୍ରଧାନମନ୍ତ୍ରୀ ପର୍ଯ୍ୟନ୍ତ ଚିଠି ଲେଖିବା ଅଭ୍ୟାସରେ ପରିଣତ ହୋଇଗଲାଣି। ରାଜ୍ୟ ସରକାର କେବଳ ଚିଠି ଲେଖି ନିଜ କାମ ସାରି ଦେଉଛନ୍ତି। ଦକ୍ଷିଣ ଓ ପଶ୍ଚିମ ଓଡ଼ିଶାରେ ସ୍ଥାୟୀ ହାଇକୋର୍ଟ ବେଞ୍ଚ ପ୍ରତିଷ୍ଠା ପାଇଁ ମୁଖ୍ୟମନ୍ତ୍ରୀ ପୁଣି  ଥରେ କେନ୍ଦ୍ରକୁ ଚିଠି ଲେଖିଛନ୍ତି। ମାତ୍ର ଏହି ଚିଠିରେ  କୌଣସି ନୂତନତା ନାହିଁ ବୋଲି କହିଛନ୍ତି ପଶ୍ଚିମ ଓଡ଼ିଶା ଓକିଲ ସମୂହ ସଙ୍ଘ କେନ୍ଦ୍ରୀୟ କ୍ରିୟାନୁଷ୍ଠାନ କମିଟି(ସିଏସି) କହିଛି। ଏହି ପ୍ରସଙ୍ଗରେ ରାଜ୍ୟ ସରକାର  ପଶ୍ଚିମାଞ୍ଚଳ ଆନ୍ଦୋଳନକୁ ଗୁରୁତ୍ଵହୀନ କରିବାକୁ ଚେଷ୍ଟା କରୁଛନ୍ତି।

ସିଏସିର ଆବାହକ ଅଶୋକ ଦାଶ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଚତୁର୍ଥ ଚିଠିରେ କୌଣସି ନୂତନତା ନାହିଁ। ପୂର୍ବରୁ କେନ୍ଦ୍ର ନିକଟକୁ ମୁଖ୍ୟମନ୍ତ୍ରୀ ଦେଇଥିବା ଚିଠିରେ ସ୍ଥାୟୀ ବେଞ୍ଚ ପ୍ରତିଷ୍ଠା ପ୍ରସଙ୍ଗରେ କେନ୍ଦ୍ରର ଦାୟିତ୍ଵ ଅଛି ବୋଲି ଉଲ୍ଲେଖ କରିଥିଲେ। ମାତ୍ର ଚତୁର୍ଥ ଚିଠିରେ ମଧ୍ୟ ମୁଖ୍ୟମନ୍ତ୍ରୀ ଏହି ପ୍ରସଙ୍ଗରେ ପୁରୁଣା ଚିଠିର ପୁନରାବୃତ୍ତି କରିଛନ୍ତି। ଏଥର ଚିଠିରେ ଏହି ପ୍ରସଙ୍ଗରେ କେନ୍ଦ୍ରର ଦାୟିତ୍ଵ ନିଅନ୍ତୁ ବୋଲି ଉଲ୍ଲେଖ କରିଛନ୍ତି। 

ସ୍ଥାୟୀ ବେଞ୍ଚ ପ୍ରତିଷ୍ଠା ପାଇଁ କେନ୍ଦ୍ର ସରକାରଙ୍କୁ କୌଣସି ଠୋସ୍ ପ୍ରସ୍ତାବ ନଦେଇ କେବଳ ଚିଠି ଲେଖି ରାଜ୍ୟ ସରକାର ନିଜ କର୍ତ୍ତବ୍ୟରୁ ମୁହଁ ମୋଡି ନେଉଛନ୍ତି।  ପଶ୍ଚିମାଞ୍ଚଳ ଆନ୍ଦୋଳନକୁ ଗୁରୁତ୍ଵହୀନ କରିବା  ପାଇଁ ଏହା ରାଜ୍ୟ ସରକାରଙ୍କ ଏକ ଚାଲ ବୋଲି ଆବାହକ ଅଶୋକ ଦାଶ କ୍ଷୋଭ ପ୍ରକାଶ କରି କହିଛନ୍ତି। 

ସିଏସି ସମ୍ପାଦକ ନିରଞ୍ଜନ ତ୍ରିପାଠୀ କହିଛନ୍ତି ଯେ ସ୍ଥାୟୀ ବେଞ୍ଚ ପ୍ରତିଷ୍ଠା କେଉଁଠି ହେବ ତାର ସ୍ଥାନ ନିର୍ଣ୍ଣୟ, କେଉଁ କେଉଁ ଅଞ୍ଚଳକୁ ନେଇ ବେଞ୍ଚ ପ୍ରତିଷ୍ଠା ହେବ, ଏହି ବେଞ୍ଚରେ କେତେ ଜଣ ଜଜ ରହିବେ ଓ ଭିତ୍ତିଭୂମି ସଂକ୍ରାନ୍ତରେ  କିଛି ଉଲ୍ଲେଖ କରି ନାହାନ୍ତି। କେବଳ ନିଜ ମୁଣ୍ଡରୁ ଦୋଷ ଛଡ଼ାଇବା ପାଇଁ ରାଜ୍ୟ ସରକାର ନାମକୁ ମାତ୍ର କେନ୍ଦ୍ର ସରକାରଙ୍କ ପାଖକୁ ଚିଠି ଲେଖୁଛନ୍ତି। ଯାହାକୁ ସିଏସି ଖଣ୍ଡନ କରୁଛି ବୋଲି ଏହାର ସଂପାଦକ ନିରଞ୍ଜନ ତ୍ରିପାଠୀ କହିଛନ୍ତି। 

Subscribe

National International State Sports Entertainment