ଆମେରିକା ମେରାଇନ କର୍ପୋରେଶନର ୨ ବିମାନ ଦୁର୍ଘଟଣାଗ୍ରସ୍ତ, ୬ ନିଖୋଜ
Khabar Odisha:Six-missing-after-US-military-aircraft-crash-off-Japan

ୱାସିଙ୍ଗଟନ, ଡିସେମ୍ବର ୦୬ (ଖବର ଓଡ଼ିଶା): ଆମେରିକାର ମେରାଇନ କର୍ପୋରେଶନର ୨ଟି ବିମାନ ଜାପାନରେ ଦୁର୍ଘଟଣାଗ୍ରସ୍ତ ହେବା ପରେ ୬ଜଣ ଅଧିକାରୀ ଓ କର୍ମଚାରୀ ନିଖୋଜ ହୋଇଯାଇଥିବା ଜାତୀୟ ଗଣମାଧ୍ୟମର ରିପୋର୍ଟରୁ ଜଣାପଡ଼ିଛି । ଆମେରିକା ପ୍ରତିରକ୍ଷା ବିଭାଗର ଜଣେ ଅଧିକାରୀ ବୁଧବାର ଖବର ସଂସ୍ଥାକୁ ଏହି ସୂଚନା ଦେଇଛି । ଦୁର୍ଘଟଣାଗ୍ରସ୍ତ ହୋଇଥିବା ବିମାନ ଗୁଡ଼ିକ ହେଲା ଏଫ-୧୮ ଫାଇଟର ଏବଂ ସି-୧୩୦ ଟ୍ୟାଙ୍କର । ସୂଚନାଯୋଗ୍ୟ ୟୁଏସ ମେରାଇନ କର୍ପୋରେଶନ ଆମେରିକା ଆର୍ମ ଫୋର୍ସର ଏକ ଶାଖା ଅଟେ । 

ମେରାଇନ କର୍ପୋରେଶନ ଏକ ବୟାନରେ କହିଛି, ବିମାନ ଦକ୍ଷିଣ ଜାପାନର ଇଭାକୁନୀସ୍ଥିତ ମେରାଇନ କର୍ପୋରେଶନ ଏୟାର ଷ୍ଟେସନରୁ ବାହାରିଥିଲା । ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ଜାରି ରହିଛି । ବୟାନରେ କୁହାଯାଇଛି ଯେ, କିଛି କର୍ମଚାରୀଙ୍କୁ ଟ୍ରେନିଂ ଦିଆଯାଉଥିବା ସମୟରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । 

ଆମେରିକୀୟ ଗଣମାଧ୍ୟମର ରିପୋର୍ଟ ଅନୁସାରେ ସି-୧୩୦ ଉପରେ ୫ଜଣ କ୍ରୁ ସଦସ ଥିବା ବେଳେ ଏଫ-୧୮ରେ ୨ଜଣ କ୍ରୁ ସଦସ୍ୟ ଥିଲେ । ଓକିନାଭାସ୍ଥିତ ଫାଷ୍ଟ ମେରାଇନ ଏୟାରକ୍ରାଫ୍ଟ ଶାଖା ମୁଖପାତ୍ର ଦ୍ୱିତୀୟ ଲେଫ୍ଟନାଣ୍ଟ ଏଲିସା ମୋରେଲ୍ସ ମିଲିଟାରି ନ୍ୟୁଜକୁ କହିଛନ୍ତି ଜଣେ କର୍ମଚାରୀଙ୍କୁ ଜୀବୀତ ଉଦ୍ଧାର କରାଯାଇଛି । ସୂଚନାଯୋଗ୍ୟଯେ , ୟୁଏସ ମିଲିଟାରୀରେ ୫୦,୦୦୦ ଯବାନ ମୁତୟନ ଅଛନ୍ତି । 

 

  • Tags:

Subscribe

National International State Sports Entertainment