ପୋଲାଣ୍ଡର ଶ୍ରମିକଙ୍କୁ ଇଂଲଣ୍ଡରେ ନିର୍ଯ୍ୟାତନା ଦେବା ଅଭିଯୋଗ ଭାରତୀୟ ଦମ୍ପତ୍ତି ଗିରଫ
Khabar Odisha:Indian-origin-couple-arrested-in-London-for-modern-slavery

ଲଣ୍ଡନ, ନଭେମ୍ବର ୦୪ (ଖବର ଓଡ଼ିଶା): ଦକ୍ଷିଣ ଇଂଲଣ୍ଡରୁ ଆଧୁନିକ ଯୁଗରେ ଦାଦାଗିରି କରିବା ଅଭିଯୋଗରେ ଭାରତୀୟ ବଂଶୋଦ୍ଭବ ଏକ ଦମ୍ପତ୍ତି (ପଲବିନ୍ଦର ଏବଂ ପ୍ରୀତପାଳ ବିନିଙ୍ଗ)କୁ ପୋଲିସ ଗିରଫ କରିଛି। ଏହି ଦମ୍ପତ୍ତି ପୋଲାଣ୍ଡର ଜଣେ ଶ୍ରମିକଙ୍କୁ ୪ ବର୍ଷ ଧରି ନିଜର ଏକ ବଗିଚାରେ ବନ୍ଧକ ରଖିଥିଲେ। ମାତ୍ର କିଛି ଦିନ ପୂର୍ବରୁ ବ୍ରିଟେନର ‘ଗ୍ୟାଙ୍ଗମାଷ୍ଟର୍ସ ଆଣ୍ଡ ଲେବର ଆବ୍ୟୁଜ ଅଥରଟି (ଜିଏଲଏଏ)’ ପଲବିନ୍ଦର ଏବଂ ପ୍ରୀତପାଳ ବିନିଙ୍ଗଙ୍କୁ ଗିରଫ କରିଛି। ଉଭୟଙ୍କ ବୟସ ପାଖାପାଖି ୫୫ ବର୍ଷ ହେବ। ଜିଏଲଏଏ ଇଂଲଣ୍ଡର ଦକ୍ଷିଣ ସାଉଥେମ୍ପଟନ ନିକଟରେ ଚିଲଓ୍ଵର୍ଥ ଅଞ୍ଚଳରେ ଥିବା ତାଙ୍କ ଘର ଉପରେ ଚଢ଼ାଉ କରିଥିଲା। 

‘ଜିଏଲଏଏ’ର ଜଣେ ଅଧିକାରୀ ଗଣମାଧ୍ୟମକୁ କହିଛନ୍ତି, ସାଉଥେମ୍ପଟନର ଏକ ସ୍ୱାସ୍ଥ୍ୟ କେନ୍ଦ୍ରରେ ପୋଲାଣ୍ଡର ପତଳା ଲୋକ ବିଭାଗୀୟ କର୍ମଚାରୀଙ୍କୁ ସୂଚନା ଦେଇଥିଲା ଯେ, ଏକ ସ୍ଥାନରେ ଖାଇବା ସମୟରେ କାମ କରିବାକୁ କୁହାଯାଉଛି। ବିଭାଗର ବରିଷ୍ଠ ଅଧିକାରୀ ଟନି ବାୟରନ କହିଛନ୍ତି, ଉଭୟଙ୍କ ଗିରଫ ପରେ ଅଧିକାରୀମାନେ ଘରକୁ ଯାଞ୍ଚ କରିଛନ୍ତି ଏବଂ କିଛି ଜିନିଷପତ୍ର ଜବତ କରିଛନ୍ତି। ଘଟଣାର ଅଧିକ ତଦନ୍ତ ହେଉଛି। 

ପୀଡ଼ିତ ବ୍ୟକ୍ତି କହିଛନ୍ତି, ତାଙ୍କୁ ବାସି ଖାଦ୍ୟ ଦିଆଯାଉଥିଲା। ଶୋଇବାକୁ ଖଟ ଦିଆଯାଉ ନଥିଲା। ବଗିଚାର ଘାସ ଗାଲିଚାରେ ଶୋଇବାକୁ ପଡୁଥିଲା। ସେ ଅଭିଯୋଗ କରିଛନ୍ତି ଯେ, ତାଙ୍କୁ ବାଧ୍ୟ କରି ରଖାଯାଇଥିଲା। ତାଙ୍କୁ ଶୌଚାଳୟ ସୁବିଧା ଦିଆଯାଇ ନଥିଲା। ପୀଡ଼ିତଙ୍କୁ ବ୍ରିଟେନ ସରକାରଙ୍କ ନ୍ୟାସନାଲ ରେଫରାଲ ମେକାନିଜମକୁ ପଠାଇ ଦିଆଯାଇଛି। ଜିଏଲଏଏ କହିଛି ଏକବିଂଶ ଶତାବ୍ଦୀରେ ଏମିତି କାହାରିକୁ ରଖାଯାଇ ପାରିବ ନାହିଁ।

  • Tags:

Subscribe

National International State Sports Entertainment