କାର୍ତ୍ତିକ ଦ୍ୱିତୀୟ ସୋମବାର, ଶୈବାଳୟରେ ଭକ୍ତଙ୍କ ସମାଗମ
Khabar Odisha:today-holy-month-kartika-second-monday
ଭୁବନେଶ୍ୱର, ନଭେମ୍ବର ୫ (ଖବର ଓଡ଼ିଶା):

ଧର୍ମମାସ କାର୍ତ୍ତିକର ଆଜି ଦ୍ୱିତୀୟ ସୋମାବାର । ବିଭିନ୍ନ ଶୈବପୀଠରେ ସକାଳୁ ସକାଳୁ ଶ୍ରଦ୍ଧାଳୁଙ୍କ ସମାଗମ ହୋଇଛି । ଭକ୍ତମାନେ ମହାଦେବଙ୍କ ମସ୍ତକରେ କଞ୍ଚା କ୍ଷୀର ଓ ବେଲ ପତ୍ର ଲାଗି କରୁଛନ୍ତି । 

କାର୍ତ୍ତିକ ସୋମବାର ପାଇଁ ଓଡ଼ିଶାର ପ୍ରସିଦ୍ଧ ଶୈବପୀଠ ମାନଙ୍କରେ ଅନ୍ୟତମ ରହିଥିବା ଧବଳେଶ୍ୱର, ପୁରୀର ଲୋକନାଥ, ରାଜଧାନୀର ଲିଙ୍ଗରାଜ ଓ ଭଦ୍ରକ ଆରଡ଼ି ଆଖଣ୍ଡଳମଣୀଙ୍କ ନିକଟରେ ଶହ ଶହ ଭକ୍ତ ପୂଜାର୍ଚ୍ଚନା କରୁଛନ୍ତି । ଭକ୍ତଙ୍କ ଭିଡକୁ ଦେଖି ଧବଳେଶ୍ୱର ପୀଠରେ ୫ ପ୍ଲାଟୁନ ଫୋର୍ସ ମୁତୟନ କରାଯାଇଛି । 

ପୁରୀରେ ମଧ୍ୟ ହବିଷ୍ୟାଳୀମାନେ ମହାପ୍ରଭୁଙ୍କ ମଙ୍ଗଳ ଆଳତୀ ଦର୍ଶନ କରିବା ସହ ରାଧାଦାମୋଦରଙ୍କୁ ପୂଜା କରିଛନ୍ତି । ଶ୍ରୀମନ୍ଦିରରେ ହବିଷ୍ୟାଳୀଙ୍କ ସହ ଅନ୍ୟଭକ୍ତମାନଙ୍କର ମଧ୍ୟ ଗହଳି ଲାଗିଛି । ଆଜି ପୂଜାର୍ଚ୍ଚନା କଲେ ପୁଣ୍ୟପ୍ରାପ୍ତି ହେବାର ବିଶ୍ୱାସ ରହିଥିବାରୁ ଶ୍ରଦ୍ଧାଳୁମାନେ ମନ୍ଦିର ମାନଙ୍କରେ ଭିଡ ଜମାଇଛନ୍ତି ।

Subscribe

National International State Sports Entertainment