ଆଜି ପବିତ୍ର ମହାଳୟା, ପିତୃପୁରୁଷଙ୍କୁ ପିଣ୍ଡ ଦାନ ପାଇଁ ଶ୍ରୀମନ୍ଦିରରେ ଭିଡ଼
Khabar Odisha:Today-Mahalaya
ଭୁବନେଶ୍ୱର, ଅକ୍ଟୋବର ୮(ଖବର ଓଡ଼ିଶା):

ଆଜି ପବିତ୍ର ମହାଳୟା । ଆଶ୍ୱିନ କୃଷ୍ଣ ପକ୍ଷ ପ୍ରତିପଦା ତିଥି ପରବର୍ତ୍ତୀ ଅମାବାସ୍ୟା ୧୫ ଦିନ ଧରି ପିତୃପକ୍ଷ ଚାଲିଥିବାବେଳେ ଆଜି ତାର ଅନ୍ତିମ ଦିବସ । ଅମାବାସ୍ୟା ତିଥିରେ ସପ୍ତପୁରୁଷଙ୍କୁ ପିଣ୍ଡଦାନ କଲେ ମୋକ୍ଷ ପ୍ରାପ୍ତିର ବିଶ୍ୱାସ ରହିଛି । ଏହା ସହିତ ପିତୃ ପକ୍ଷରେ ପିଣ୍ଡଦାନ କଲେ ପୁଣ୍ୟ ଲାଭ ସହ ବଂଶର ଉତର ପିଢିର ସମସ୍ତ ପ୍ରକାର ଉନ୍ନତି ହେଉଥିବା ବିଶ୍ୱାସ ରହିଛି । 

ମହାଳୟା ପାଇଁ ଶ୍ରୀମନ୍ଦିର ଓ ବିନ୍ଦୁ ସାଗରରେ ଶ୍ରଦ୍ଧାଳୁଙ୍କ ଭିଡ଼ ଜମିଛି । ଶ୍ରୀମନ୍ଦିର ବାଇଶି ପାହାଚରେ ହଜାର ହଜାର ଶ୍ରଦ୍ଧାଳୁ ପିଣ୍ଡଦାନ କରୁଛନ୍ତି । ଦୂରଦୂରାନ୍ତରୁ ଶ୍ରଦ୍ଧାଳୁମାନେ ଆସି ବାଇଶି ପାହାଚରେ ପିଣ୍ଡଦାନ କରିବା ସହ ଦାନଧର୍ମ କରି ପୁଣ୍ୟ ଅର୍ଜନ କରିଛନ୍ତି । ସେହିପରି ଭୁବନେଶ୍ୱରର ବିନ୍ଦୁସାଗାରରେ ମଧ୍ୟ ଶ୍ରଦ୍ଧାଳୁମାନେ ପିତୃ ପକ୍ଷଙ୍କୁ ପିଣ୍ଡ ଦାନ କରୁଛନ୍ତି । 

ସେପଟେ ମହାଳୟା ଅବସରରେ ସମ୍ବଲପୁରରେ ମା’ ସମଲେଶ୍ୱରୀ ପୀଠରେ ସ୍ୱତନ୍ତ୍ର ପୂଜାର୍ଚ୍ଚନା ହୋଇଛି । ଧବଳମୁଖୀ ରୂପରେ ଦର୍ଶନ ଦେଇଛନ୍ତି ମା’ । ମା’ଙ୍କ ନିକଟରେ ଗୁଡ ଭୋଗ ହେବାର ପରମ୍ପରା ରହିଛି । ବଡି ଭୋରରୁ ମା’ଙ୍କ ଧବଳମୁଖୀ ବେଶ ଦେଖିବାକୁ ଶହ ଶହ ଭକ୍ତଙ୍କ ଗହଳି ଲାଗିଛି ।

Subscribe

National International State Sports Entertainment