‘କୁଆଁର ପୁନେଇ ଜନ୍ମ ଲୋ, ଫୁଲ ବଉଳ ବେଣୀ’
Khabar Odisha:Kumar-purnima-and-gajalaxmi-puja
ଭୁବନେଶ୍ୱର, ଅକ୍ଟୋବର ୨୪(ଖବର ଓଡ଼ିଶା):

ଆଜି ଆଶ୍ୱିନ ମାସ ପୂର୍ଣ୍ଣମୀ ତିଥି । ଏହି ଦିନଟିକୁ କୁମାର ପୂର୍ଣ୍ଣମୀ ପୂଜା ଭାବରେ ଓଡିଶାର ଗାଁ ଗଣ୍ଡାରେ ପାଳନ କରାଯାଇଥାଏ । ସେହିପରି ଆଜି ମା’ ଗଜଲକ୍ଷ୍ମୀଙ୍କ ପୂଜା । ଭାଦ୍ରବ ମାସ ଇନ୍ଦୁ ପୂର୍ଣ୍ଣମୀଠାରୁ କୁମାରୀମାନେ ଆରମ୍ଭ କରିଥିବା ଜହ୍ନିଓଷୀ ଆଜି ଶେଷ ହୋଇଥାଏ । ଏହି ଦନଟି କୁମାରୀ ମାନଙ୍କ ପାଇଁ ଉଦ୍ଦିଷ୍ଟ । ଆଜି ସକାଳୁ କୁମାରୀମାନେ ନିତ୍ୟକର୍ମ ସାରି ନୂଆ ଲୁଗା ପିନ୍ଧି ଗୁଆ, ନଡିଆ, ଲିଆ ଓ ବିଭିନ୍ନ ଫଳମୂଳ ସହ ସୂର୍ଯ୍ୟଙ୍କ ଉଦ୍ଦେଶ୍ୟରେ ଆଂଜୁଳି ଟେକି ଥାନ୍ତି । ସଂଧ୍ୟାରେ ବୃନ୍ଦବତୀ ପାଖରେ ପିଠୋଉରେ ଚନ୍ଦ୍ର ଓ କୋଠୀ ଆଙ୍କି କଳସ ସ୍ଥାପନା କରିବା ସହ ପୂଜାର୍ଚ୍ଚନା କରିଥାନ୍ତି । ପୁରପଲ୍ଲୀରେ ଏହି ଦିନଟିକୁ ମହା ଆଡମ୍ବରରେ ପାଳନ କରାଯିବା ସହ ତାସ, ପୁଚି ଓ କବାଡି ଖେଳ ଇତ୍ୟାଦି ଖେଳିଥାଆନ୍ତି କୁମାରୀ ମାନେ । ସନ୍ଧ୍ୟାରେ ‘କୁଆଁର ପୁନେଇ ଜନ୍ମ ଲୋ, ଫୁଲ ବଉଳ ବେଣୀ’ ଗୀତରେ ଗାଁ ଦାଣ୍ଡ ପ୍ରକମ୍ପିତ ହୋଇଥାଏ । 

ଆଜି ଗଜଲକ୍ଷ୍ମୀ ପୂଜା ମଧ୍ୟ ଅନୁଷ୍ଠିତ ହୋଇଥାଏ । ସାର୍ବଜନୀନ ଭାବରେ ଏହି ପୂଜା ପାଳିତ ହୋଇଥାଏ । ଆଜି ପୂଜାର୍ଚ୍ଚନା କଲେ ମା ଲକ୍ଷ୍ମୀଙ୍କ ଠାରୁ ସୌଭାଗ୍ୟ, ସୌନ୍ଦର୍ଯ୍ୟ ଓ ସଂପଦ ପ୍ରାପ୍ତିର ବିଶ୍ୱାସ ରହିଛି । ଢେଙ୍କାନାଳ ଓ କେନ୍ଦ୍ରାପଡ଼ାରେ ମହାଆଡମ୍ବରରେ ଗଜଲକ୍ଷ୍ମ ପୂଜା ଅନୁଷ୍ଠିତ ହୋଇଥାଏ ।

Subscribe

National International State Sports Entertainment